Lajmidites.com

Tag: këngës

  • Sabri Fejzullahu: Me dashje të harrova (teksti dhe kënga)

    Sabri Fejzullahu: Me dashje të harrova (teksti dhe kënga)

    Ju ftojmë të ndiqni një këngë të vjetër, por të dashur të Sabri Fejzullahut.

    Të kam dashur, sikur buza fjalëtMe zili, si lulja- lulen të vështrovaTë kam puthur, siç mund të puthen zjarretPor një ditë, me dashje të harrovaCila zemër, nuk e njohu ndarjenNë rini, a ndoshta ditëve të stërvonaDhe pendimin, era ja u lëshon valëvenë një verë, ku mbyten puthjet tonaShpesh pendimi si litarMë shtrëngon e nuk më mbytRroj më lart si magjistarNë harrimin tonë magjikJo nuk ishte faji ytJo nuk ishte faji imPrandaj njerëzit te kjo botëThonë se faji është jetim

    ObserverKult

    ==========================================

    Kliko edhe: SABRI FEJZULLAHU: NË ËNDËRR SHPESH MË SHFAQESH TI..(TEKSTI DHE KËNGA)

    Në ëndërr shpesh më shfaqesh ti,Plot gaz, jetë e lumturi,Plot mirësi edhe plot nur,E plot magji krejt si dikur.

    Pastaj nuk vi dot në vete,Nga misteri i kësaj jete,Përse më djeg po ai zjarr?Përse më ndjek deri ne varr?Ato flakë pse s’fashiten ?Nëpër vite që radhiten?

    Tekstin e plotë e gjeni KETU

    ObserverKult

    ——————————————-

    Kliko edhe:

    “LAMTUMIRË” JURI, JA KUSH E ZGJEDH FITUESIN E FESTIVALIT TË KËNGËS NË RTSH

    Festivali i 61-të i Këngës në RTSH, do të japë 3 çmime të para: vendi i parë, vendi i dytë dhe vendi i tretë.

    Një çmim për artistët e rinj dhe grupet alternative dhe një çmim për karrierë.

    Por ndryshe nga vitet e kaluar, Festivali i 61-të i Këngës në RTSH vjen me një risi lidhur me këngën që do të përfaqësojë Shqipërinë në Eurovizion, fituesi i së cilës do të zgjidhet vetëm me votat e publikut me anë të SMS-ve…

    Tekstin e plotë e gjeni KETU

    ObserverKult

  • “Dhe tani, fundi është afër…”, Fatos Nanos i jepet lamtumira e fundit me tingujt e këngës legjendare të Frank Sinatra

    “Dhe tani, fundi është afër…”, Fatos Nanos i jepet lamtumira e fundit me tingujt e këngës legjendare të Frank Sinatra

    Përcillet për në banesën e fundit Fatos Nano, qindra të pranishëm i japin lamtumirën e fundit

    Fatos Nano po përcillet nën tingujt e këngës legjendare të Frank Sinatra.

    Top Channel

  • “Luleborë 2025” fitues Glerdit Turmetaj me “Ta dish”, festivali këtë vit me drejtues artistik Inva Mulën dhe Zef Çobën

    “Luleborë 2025” fitues Glerdit Turmetaj me “Ta dish”, festivali këtë vit me drejtues artistik Inva Mulën dhe Zef Çobën

    Festivali i këngës “Luleborë”, një nga aktivitetet më të rëndësishme artistike, që edhe këtë vit solli për artdashësit krijime të reja muzikore. Festivali i këngës, që u zhvillua për dy mbrëmje me radhë në teatrin “Migjeni” të Shkodrës mbart vlera si në nivel lokal ashtu edhe kombëtar dhe këtë vit zhvilloi edicionin e dhjetë. Edicioni i 10-të i festivalit “Luleborë” i solli publikut 15 këngë të reja. Kënga “Ta dish”, që interpretua nga Glerdit Turmetaj dhe ishte me muzikë dhe tekst të Leon Lekaj u vlerësua me çmimin e parë në edicionin e 10-të të festivalit “Luleborë”. Festivali sjell përpara publikut artdashës krijime të reja muzikore, që ruajnë dhe pasurojnë traditën e këngës së autorit, të kultivuar ndër vite në qytetin e Shkodrës.
    Këtë vit drejtues artistik të festivalit “Luleborë” ishin sopranoja Inva Mula dhe kompozitori dhe mjeshtri i korit, Zef Çoba. Këtë vit festivali u zhvillua në mbrëmjet e datave 27 dhe 28 tetor dhe një ndër synimet kryesore të “Luleborës” është emancipimi i këngës së trashëguar, duke e sjellë atë në kohë përmes aranxhimeve moderne dhe produksionit bashkëkohor. Juria këtë vit përbëhej nga kompozitori Osman Mula, këngëtari Bashkim Alibali, këngëtarja Eli Fara, baritoni Armando Likaj dhe këngëtarja Rosela Gjylbegu. Festivali i këngës “Luleborë” gjithashtu është edhe një hapësirë, që i jep jetë muzikës së re shqiptare dhe promovon talentet e reja në skenën artistike. Në ditët e fundit të muajit qershor Bashkia Shkodër shpalli thirrjen për festivalin “Luleborë 2025”, duke ftuar kompozitorë, tekstshkrues, këngëtarë dhe grupe muzikore të dërgonin këngët e tyre të reja. Afati i fundit për dorëzimin e këngëve ishte 15 korrik 2025.
     

  • Elhaida Dani zbulon rekordin që është vendosur këtë vit në Festivalin e Këngës në RTSH

    Elhaida Dani zbulon rekordin që është vendosur këtë vit në Festivalin e Këngës në RTSH

    Showbiz E Mërkurë, 29 Tetor 2025 18:40
    Këngëtarja Elhaida Dani, e cila është drejtoreshë artistike e Festivalit të Këngës për të dytin vit radhazi, zbulon se ka pasur një rekord këngësh të sjella nga artistët në gjithë historinë e Festivalit.
    ”Nëse vjet nuk fitoi një emër Big dhe që pritej që të fitonte, por fituan dy të rinj, ndodhi pikërisht që shumë të rinj të merrnin besimin dhe të vinin në Festival me materiale shumë të mira. Unë me të vërtetë kur i dëgjoj them do ndodhë ndonjë lloj revolucioni këtë vit se s’ka mundësi”,-u përgjigj Elhaida e ftuar në “The Dalina Show”.

    Nga ana tjetër, Elhaida u shpreh se ka një numër më të vogël artistësh Big, sërish për të njëjtat motive si më lart. Këngëtarja tregoi gjithashtu se ka marrë telefonata nga artistë që e kanë vlerësuar “për drejtësinë e Festivalit të vjetshëm” dhe rezultati ishte ky:

    “Kanë marrë pjesë 120 këngë, gjë që nuk ka ndodhur asnjëherë në asnjë audicion të Festivalit. Po, është një rekord. Prandaj edhe për komisionin që duhet të zgjidhte 28 këngë në ato dy ditë, ka qenë goxha e vështirë, po besoj ia kanë dalë me sukses. Shpresj të mos kemi lënë këngë të mira jashtë, por mund të provohet sërish vitin që vjen”.

  • “Ta dish” fiton çmimin e parë në Festivalin e Këngës “Luleborë”

    “Ta dish” fiton çmimin e parë në Festivalin e Këngës “Luleborë”

    Pas dy netëve magjike në skenën e Teatrit “Migjeni” të Shkodrës, edicioni jubilar i festivalit të këngës “Luleborë” uli siparin e tij.

    Kënga “Ta dish” u vlerësua me çmimin e parë në edicionin e 10-të të Festivalit “Luleborë”. Kënga u interpretua nga Glerdit Turmetaj dhe ishte me muzikë dhe tekst të Leon Lekaj.

    Edicioni i 10-të i “Luleborës” i paraqiti publikut 15 këngë të reja. Ky edicion solli emocione, art dhe mbi të gjitha muzikën qytetare shkodrane. Por ishte Glerdit Turmetaj ai që rrëmbeu zemrat e publikut dhe të jurisë, e cila përbëhej nga Osman Mula, Bashkim Alibali, Eli Fara, Armando Lika dhe Rosela Gjylbegu.

    Drejtues artistikë të Festivalit të Këngës “Luleborë” ishin sopranoja Inva Mula dhe kompozitori dhe mjeshtri i korit, Zef Çoba.

    Fituesi falenderoi organizatorët për përkushtimin dhe profesionalizmin e veçanërisht publikun e mrekullueshëm të Shkodrës, që i dhuroi dashuri dhe mbështetje gjatë të dy netëve të festivalit. Kënga fituese u vlerësua për finesën melodike, emocionin e brendshëm dhe interpretimin plot ndjeshmëri.

    ObserverKult

    Lexo edhe:

    SI E KUJTONTE E BIJA SAMI FRASHËRIN: “KUR MBARONTE KORRIGJIMET, PËRPLASTE TRI HERË DUART ME NJËRA-TJETRËN…”

  • Ledri Vula me projekt të ri muzikor, reagimi i Xhensilës tërheq vëmendjen në rrjet!

    Ledri Vula me projekt të ri muzikor, reagimi i Xhensilës tërheq vëmendjen në rrjet!

    Pas publikimit të këngës së re nga Ledri Vula, një nga reagimet që tërhoqi më shumë vëmendjen ishte ai i këngëtares Xhensila Myrtezaj. Ajo ndau në Instagram Story një fragment nga videoklipi i reperit duke shkruar “Amazing” dhe duke shoqëruar mesazhin me një emoji zjarri, duke treguar kështu mbështetjen e saj për kolegun.
    Ky reagim vjen në një periudhë kur dy artistët janë përfolur gjerësisht për një lidhje më të afërt sesa ajo profesionale, sidomos pas bashkëpunimit të tyre të suksesshëm “Ma Kthe”. Kimia mes tyre, si në skenë ashtu edhe para kamerave, ka nxitur debate dhe spekulime në rrjetet sociale.
    Megjithatë, Ledri dhe Xhensila janë pjesë e së njëjtës shtëpi muzikore dhe menaxhimi, ndaj mbështetja e tyre reciproke është më shumë një shenjë e bashkëpunimit brenda grupit sesa diçka tjetër. Në intervistat e mëparshme, Ledri ka theksuar se raporti me Xhensilën është profesional dhe ekipor, ndërsa asnjëri prej tyre nuk ka konfirmuar ndonjë lidhje romantike.
    Spekulimet për një romancë mes tyre janë ushqyer nga mediat rozë dhe rrjetet sociale, por deri tani nuk ka asnjë deklaratë zyrtare që e vërteton këtë. Të dy artistët kanë zgjedhur të përqendrohen në projektet muzikore dhe në bashkëpunimet që po rezultojnë shumë të suksesshme.
    Mbështetja e Xhensilës për Ledrin pas këngës së re vjen si një tregues i mirë i marrëdhënies profesionale dhe respektit mes tyre, duke treguar se fokusimi i tyre mbetet puna dhe muzika.

  • Lizzo, përballet me një padi për shkelje të të drejtave të autorit

    Lizzo, përballet me një padi për shkelje të të drejtave të autorit

    Lizzo po përballet me një padi për shkelje të të drejtave të autorit pasi u akuzua se kopjoi këngën e një artisti tjetër për të krijuar një nga këngët e saj të fundit virale.

    Këngëtarja 37-vjeçare postoi një fragment të shkurtër të këngës së saj ende pa titull në gusht, i cili zgjoi interesin e fansave të saj sepse i referohej reklamës së Sydney Sweeney për American Eagle, të cilën disa e kritikuan për promovimin e propagandës naziste.
    Sipas padisë së siguruar nga TMZ, GRC Trust po ndërmerr veprime kundër Lizzo-s dhe shtëpisë së saj diskografike, Atlantic Records, duke pretenduar se këngëtarja përdori dhe kopjoi pjesë të këngës së viteve 1970 “Win or Lose (We Tried)”, për të cilën ata zotërojnë të drejtat e autorit.
    Një përfaqësues i Lizzo-s i tha TMZ-së: “U habitëm që GRC Trust ngriti këtë padi. ​​Për të qenë të qartë, kënga nuk është publikuar ose monetizuar, dhe nuk është marrë asnjë vendim në këtë kohë në lidhje me publikimin e ardhshëm komercial të këngës.”
    Padia pohon gjithashtu se palët u përpoqën të arrinin një marrëveshje, por në fund dështuan ta bënin këtë. Fondi po padit Lizzo-n dhe shtëpinë e saj diskografike për shkelje të të drejtave të autorit, duke pretenduar se ata me vetëdije e përdorën kompozimin për përfitime komerciale pa paguar për licencë, dhe po kërkon dëmshpërblim dhe një urdhër ndalimi kundër shfrytëzimit të mëtejshëm të këngës së tyre.
    Kjo nuk është hera e parë që Lizzo është paditur për shkelje të të drejtave të autorit. Në vitin 2019, tre producentë e paditën atë, duke pretenduar se kënga e saj “Truth Hurts” bazohej në këngën “Healthy”, të cilën e bashkë-shkruan me Lizzo-n në vitin 2017.

    Top Channel

  •  Kompozitori Miron Kotani: Të bëhet transparencë e plotë e garës në Festivalin e Këngës në RTSH

     Kompozitori Miron Kotani: Të bëhet transparencë e plotë e garës në Festivalin e Këngës në RTSH

    Nga Julia Vrapi
    Festivali i Këngës në RTSH pritet që të zhvillojë edicionin e tij të 64-t në muajin dhjetor, ku pak ditë më parë u bënë me dije dhe emrat e këngëtarëve  pjesëmarrës. Këtë vit janë përzgjedhur 28 artistë, që do të jenë në konkurrim në Festivalin e Këngës në RTSH në edicionin e 64-t. Në listën e shpallur me këngëtarët pjesëmarrës këtë vit bie në sy edhe mungesa e emrave të njohur të këngës shqiptare. Kompozitor Miron Kotani shprehet me kritika për çfarë po ndodh me Festivalin e Këngës në RTSH. Pasi është njohur me emrat e artistëve, që do të jenë në skenën e festivalit, ai thotë se të mëdhenjtë e kanë braktisur festivalin. “Asnjë interpret Big mbi 45 vjeç në Fest. 64 në RTSH. Të mëdhenjtë braktisin Festivalin e 64 në RTSH 100 për qind”, thotë kompozitori Miron Kotani, i cili edhe më parë ka reaguar mbi mënyrën se si zhvillohet Festivali i Këngës në RTSH. Në reagimin e tij të ndarë dhe në rrjete sociale kompozitori Miron Kotani ka publikuar një listë me emra këngëtarësh interpretë big, sipas tij kandidatë  për në festivalin e këngës. Ndër emrat që ai ka publikuar në listë janë artistë si Bashkim Alibali, Luan Zhegu, Frederik Ndoci, Kozma Dushi, Pëllumb Elmazi, Ardit Gjebrea, Gjergj Leka, Redon Makashi, Aleksandër Gjoka, Elton Deda, Mihallaq Andrea, Bledi Polena, Endri & Stefi, Aurel Thellimi për të vijuar dhe me të tjerë artistë si Ermira Kola, Ermira Babaliu, Myfarete Laze, etj. Pak ditë më parë Komisioni Përzgjedhës i Festivalit të 64-t të Këngës në RTSH, me drejtore artistike artisten Elhaida Dani shpalli zyrtarisht listën e artistëve, që do të ngjiten në skenën magjike të këtij edicioni, por kompozonit Miron Kotani thotë se duhet të ketë më transparencë sa i takon konkurrimit në festival. Kompozitorit thotë se nga organizatorët e festivalit të këngës duhet të bëhen me dije dhe cilat këngë u skualifikuan. “Për RTSH dhe Drejtuesin Artistik të Festivalit RTSH: Bëni transparencën e plotë të garimit në festival. Cilat janë 80 këngët e skualifikuara, që mbeten jashtë Festivalit të 64 -t ? Cilët artistë nuk fituan? A do publikohen më vonë në anketa muzikore e spektakle të tjera këto këngë ? Ç’do të bëhet me to? Po me autorët që kanë harxhuar kohë, mund e para a ka menduar RTSH dhe nëse po a do të realizojë një koncert me ta?”, shprehet kompozitori Miron Kotani në reagimin e tij. Por sa i takon krijimtarisë muzikore, më parë në reagimet e tij Kotani ka shprehur se festivali nuk mund e nuk duhet të jetë prurje rastësore, por prurje kombëtare e emrave më të njohur të këngës, si në krijimtari ashtu dhe interpretim.
    Festivali
    Festivali i 64-t i Këngës në Radio Televizionin Shqiptar do të vijë për katër net me radhë për publikun. Nata e parë dhe e dytë siç është bërë me dije më parë do të jenë netët konkurruese, nata e tretë do t’i kushtohet nostalgjisë, ndërsa nata e katërt do të jetë finalja e madhe. Festivali i Këngës në RTSH edhe pse përballet me kritika çdo vit nga krijues e artistë të ndryshëm është dhe një prej ngjarjeve muzikore kryesore në vend, por që prurjet muzikore kanë ngjallur jo pak diskutime. Fituesi i Festivalit të Këngës në RTSH që zhvillohet çdo vit në vendin tonë është dhe përfaqësuesi i vendit tonë në “Eurovision”. Festivali i Këngës në RTSH në muajin dhjetor 2024 zhvilloi edicionin e 63-të të tij dhe u zhvillua përgjatë katër mbrëmjeve, ndërsa 30 këngë ishin në konkurrim.

  • Festivali i 64-të i Këngës në RTSH/ Këta janë 28 artistët që do të garojnë për biletën për “Eurovision”

    Festivali i 64-të i Këngës në RTSH/ Këta janë 28 artistët që do të garojnë për biletën për “Eurovision”

    Janë zbuluar emrat e këngëtarëve pjesëmarrës në Festivalin e fundvitit. Komisioni Përzgjedhës i Festivalit të 64-të të Këngës në RTSH, me drejtore artistike, artisten Elhaida Dani, ka shpallur zyrtarisht listën e artistëve që do të ngjiten në skenën magjike të këtij edicioni.

    Këtë vit janë përzgjedhur 28 artistë, mes të cilëve spikasin emra të njohur të muzikës shqiptare, rikthime të rëndësishme të artistëve që kanë lënë gjurmë në muzikën moderne, por edhe zëra të rinj që do të prekin për herë të parë skenën e Festivalit si një trampolinë e vërtetë për të nisur ngjitjen në karrierën e tyre muzikore.

    Mes emrave që do të garojnë këtë vit është këngëtarja shumë e dashur nga Kosova, Fifi, e cila në këtë edicion vjen në duet me Tiri Gjocin, me të cilin ka bashkëpunuar edhe më herët. Po ashtu, në listë gjendet edhe Alis, i cili në Festivalin e 63-të u vlerësua me vendin e tretë me këngën “Mjegull”. Një tjetër rikthim është ai i artistit Vedat Ademi.

    Në garë do të jenë edhe Evi Reçi, Sheila, Kamela Islamaj, Gerta Mahmutaj, Erik Lloshi, Enxhi Nasufi dhe Gresa Gjocera, ndërsa në këtë edicion rikthehen gjithashtu Lorenc Hasrama, Luna Çausholli dhe Kleansa Susaj. Grupi “2 Farm”, pjesëmarrës në Festivalin e 61-të, është një tjetër rikthim i shumëpritur.

    Përveç artistëve të njohur, Festivali do të mirëpresë edhe emra të rinj që garojnë për herë të parë. Një prej tyre është Egzon Pireci, me origjinë nga Prizreni, i cili e ka nisur rrugëtimin artistik që në moshë të vogël. Në Festivalin e Këngës garon edhe Iris Neziri, një tjetër emër i njohur për publikun.

    Gjithashtu emra të tjerë që do të bëhen pjesë e këtij edicioni janë Threex, Sihana Haxhnikaj, Savjana Vjerdha, Sara Kapo, Rigersa Loka, Rezarta Smaja, Malvina Likaj, Kimi, Ghiti, si edhe Endri Kaçaçi. Ndërkohë, surpriza e këtij edicioni është pjesëmarrja e aktorit të njohur Erand Sojli, që këtë herë do të ngjitet në skenë si këngëtar.

    Festivali i 64-të i Këngës në Radio Televizionin Shqiptar do të vijë nën drejtimin artistik të Elhaida Danit për katër net me radhë dhe publiku do të ketë mundësi të shijojë muzikën e artistëve të preferuar. Nata e parë dhe e dytë do të jenë netët konkurruese, nata e tretë do t’i kushtohet Nostalgjisë, një natë shumë e dashur për publikun, ndërsa nata e katërt do të jetë Finalja e Madhe.

    Ashtu si edhe vitin e kaluar, gjatë muajit nëntor pritet të publikohen edhe këngët konkurruese të artistëve pjesëmarrës, duke i dhënë publikut mundësinë të njihet më herët me krijimet e tyre muzikore.

    LISTA E PLOTË:

    2 FarmAlisEgzon PireciEndri KaçaçiEnxhi NasufiErand SojliErik LloshiEvi ReçiFifi & Tiri GjociFrensiGerta MahmutajGhitiGresa Gjocera & Bledi KasoInis NeziriKamela IslamajKimiKleansa SusajLorenc HasramaLuna ÇausholliMalvina LikajRezarta SmajaRigersa LokaSara KapoSavjana VjerdhaSheilaSihana HaxhnikajThreexVedat Ademi.

    ObserverKult

    Lexo edhe:

    LETRA E ÇABEJT PËR MËSUESIT: GABIMET QË MUND TË BËNI JU ME NXËNËSIT, JANË TË PAKORRIGJUESHME

  • Kush do shkojë në Eurovision? Del lista me 28 emrat e këngëtarëve për në Festivalin e Këngës

    Kush do shkojë në Eurovision? Del lista me 28 emrat e këngëtarëve për në Festivalin e Këngës

    Showbiz E Hënë, 13 Tetor 2025 19:18
    Janë zbuluar më në fund emrat e këngëtarëve pjesëmarrës në Festivalin e fundvitit. Komisioni Përzgjedhës i Festivalit të 64-t të Këngës në RTSH, me drejtore artistike artisten Elhaida Dani, ka shpallur zyrtarisht listën e artistëve që do të ngjiten në skenën magjike të këtij edicioni.
    Këtë vit janë përzgjedhur 28 artistë, mes të cilëve spikasin emra të njohur të muzikës shqiptare, rikthime të rëndësishme të artistëve që kanë lënë gjurmë në muzikën moderne, por edhe zëra të rinj që do të prekin për herë të parë skenën e festivalit një trampolinë e vërtetë për të nisur ngjitjen në karrierën e tyre muzikore.

    Mes emrave që do të garojnë këtë vit është këngëtarja shumë e dashur nga Kosova, Fifi, e cila në këtë edicion vjen në duet me Tiri Gjocin, me të cilin ka bashkëpunuar edhe më herët. Po ashtu, në listë gjendet edhe Alis, i cili në Festivalin e 63-të u vlerësua me vendin e tretë me këngën “Mjegull”. Një tjetër rikthim është ai i artistit Vedat Ademi.

    Festivali i 64-t i Këngës në Radio Televizionin Shqiptar do të vijë nën drejtimin artistik të Elhaida Danit, për katër net me radhë, kur publiku do të ketë mundësi të shijojë muzikën e artistëve të tij të preferuar. Nata e parë dhe e dytë do të jenë netët konkurruese, nata e tretë do t’i kushtohet nostalgjisë një natë shumë e dashur për publikun ndërsa nata e katërt do të jetë finalja e madhe.

    Lista e plotë
    2 FARMALISEGZON PIRECIENDRI KAÇAÇIENXHI NASUFIERAND SOJLIERIK LLOSHIEVI REÇIFIFI & TIRI GJOCIFRENSIGERTA MAHMUTAJGHITIGRESA GJOCERA & BLEDI KASOINIS NEZIRIKAMELA ISLAMAJKIMIKLEANSA SUSAJLORENC HASRAMALUNA ÇAUSHOLLIMALVINA LIKAJREZARTA SMAJARIGERSA LOKASARA KAPOSAVJANA VJERDHASHEILASIHANA HAXHNIKAJTHREEXVEDAT ADEMI