Lajmidites.com

Tag: këlliçi

  • VIDEO/ Skandali i tunelit të Llogarasë, Këlliçi: Rama dhe Balluku kanë zhdukur prova nga Turqia në Tiranë

    VIDEO/ Skandali i tunelit të Llogarasë, Këlliçi: Rama dhe Balluku kanë zhdukur prova nga Turqia në Tiranë

    Deputeti i Partisë Demokratike, Belind Këlliçi, i ftuar në ‘Edicionin e Pasdites’ në SYRI TV, ka folur në lidhje me skandalin e tunelit të Llogarasë, duke akuzuar kryeministrin Edi Rama dhe zëvendëskryeministren Belinda Balluku për zhdukje provash dhe përpjekje për të fshehur abuzimet.

    Gjatë bisedës me moderatorin Bled Marku, Këlliçi deklaroi se: Edi Rama dhe Belinda Balluku janë munduar që të zhdukin provat në lidhje me skandalin e tunelit. Në Turqi, që janë fshirë edhe nga Facebook-u dhe fati i madh që janë bërë screenshot dhe janë mbajtur në media dhe janë ruajtur dhe fati i madh që Syri TV ka qenë media e parë që i ka bërë publike.

    Deputeti kujtoi se detajet e aferës u bënë publike fillimisht në intervistën e njohur të Çim Pekës me Arben Ahmetajn, ndërsa theksoi rolin e SYRI TV në dokumentimin e provave.

    ‘Në intervistën e famshme janë bërë detajet publike… Syri TV i ka publikuar, ripublikuar, i ka ruajtur në arkiv dhe i ka bërë publike për opinionin publik. Sepse sot do të ishim para një situate që do ishin zhdukur dhe ato foto, nëse ju nuk do t’i kishit ruajtur.’

    Këlliçi theksoi se nuk bëhet fjalë për një aferë të vogël, por për një mega-abuzim me paratë e taksapaguesve shqiptarë.

    ‘Pra, që të jemi të qartë, nuk kemi të bëjmë me një aferë 50 milionë euro. Kemi të bëjmë me një aferë që deri tani të paktën e kemi faturuar 75 milionë euro abuzim dhe zhdukjen e dy urave.’

    Gjatë bisedës, Këlliçi përdori një barcaletë simbolike për të ilustruar, sipas tij, shkallën e korrupsionit qeveritar:

    ‘Më vjen ndërmend ajo barcaleta e famshme me kinezin, italianin dhe shqiptarin… Pyetet shqiptari, në këtë rast Belinda dhe Rama, dhe i thotë, ore, për kuriozitet, duhet të ishin ato katër korsitë dhe ura, ku janë? Thotë, po s’janë. Po si s’janë? Po duheshe bërë vila, duheshin bërë shpenzimet. Pra nuk ekziston fare, fare. Ky është realiteti i trishtë në të cilin na ka futur sot kjo qeverisje.’

    Sipas tij, kjo aferë është ‘rekord botëror për nivelin e vjedhjes dhe censurës mediatike’, ndërsa shtoi se raporti i fundit i progresit të BE-së ka theksuar ‘dhunën ndaj medias dhe kapjen totale të saj nga qeveria’.

    ‘Në progres-raportin e paraqitur para pak ditësh, keni parë që një zë të veçantë zinte dhuna ndaj medias, represioni sistematik ndaj kontrollit të mediave në Shqipëri, kapja totale e mediave dhe kontrolli qeveritar mbi çdo media që ka një zë kritik ndaj qeverisë.’, theksoi Këlliçi në SYRI TV.

    Deputeti demokrat akuzoi qeverinë se ka përdorur manovra për të shmangur debatin në Kuvend mbi këtë aferë.

    ‘Për këtë arsye, ditën e enjte në parlament, u desh të kalohej me urgjencë ligji për barazinë gjinore, pa asnjë konsultë paraprake, pa asnjë diskutim, vetëm të shuhej zhurma për vjedhjen e tunelit të Llogarasë. Për këtë arsye u refuzua interpelanca me Belinda Ballukun, nuk erdhi. Për këtë arsye nuk u lejua debati në sallën e parlamentit.’

    Në përfundim, Këlliçi theksoi se kjo aferë ‘ka shkuar kaq pranë kryeministrit’ sa përbën, sipas tij, ‘rastin e parë kur vetë kreu i qeverisë lidhet drejtpërdrejt me një skandal të përmasave të tilla’:

    ‘Ka tre javë që nuk vjen zëvendëskryeministrja në parlament se nuk ka çfarë të thotë, është e kapur në flagrancë… Dhe kjo është një situatë absurde në të cilën, për herë të parë, kemi një aferë që ka shkuar kaq pranë kryeministrit. Pra kjo është një aferë që e lidh drejtpërdrejt kryeministrin.’ tha ndër të tjera, Belind Këlliçi në SYRI TV.

  • Afera e Llogarasë, Këlliçi: Rama e di mirë se nuk do ta shohë dot dritën në fundin e Tunelit të Belës

    Afera e Llogarasë, Këlliçi: Rama e di mirë se nuk do ta shohë dot dritën në fundin e Tunelit të Belës

    Deputeti i PD, Belind Këlliçi hodhi akuza në adresë të kryeministrit Edi Rama dhe zëvendësës së tij, Belinda Balluku, lidhur me skandalin e Tunelit të Llogarasë.
    Në një dalje për mediat nga selia blu, Këlliçi tha se dyshja Rama-Balluku janë përgjegjëse edhe për zhdukjen e dy urave, si pjesë e ndërtimit të kësaj vepre infrastrukturore, duke shtuar se nga afera korruptive nuk dihet se ku kanë shkuar 75 milionë euro deri më tani.
    “Le të tentojë ta shesë krahun e tij të djathtë Belinda Ballukun sa të dojë, le të çirret për mollë, dardha e fiq sa të dojë, Edi Rama e di mirë se nuk do ta shohë dot dritën në fundin e Tunelit të Belës”, u shpreh ndër të tjera  Këlliçi.
    Deklarata
    Këto ditë në media keni dëgjuar shumë të flitet për Tunelin e Llogarasë. Herë është etiketuar si Tuneli i Belës dhe herë si Tuneli i Palloshit.
    Por ajo aferë është shembulli perfekt për t’ju thënë dhe një të vërtetë tjetër shumë të hidhur.
    Sot në Republikën e Shqipërisë, ndërtuesi më i madh serial pa leje, është vetë shteti, është Edi Rama dora vetë.
    Pak ditë më parë kam bërë publike lejen e ndërtimit e cila ishte zbardhur më datën 28 maj 2025. Ajo leje fakton nën dritën e diellit se plot 190 milionë euro investim në Tunelin e Llogarasë me paratë tuaja, janë i gjithi një ndërtim pa leje.
    Por Edi Rama dhe Belinda Balluku nuk janë vetëm hajdutë serialë të parave publike, por tashmë janë kthyer edhe në prestigjatorë.
    Kjo foto që po u tregoj është projekti i Tunelit të Llogarasë, të cilin e keni paguar me taksat tuaja, plot 7 milionë euro të tjera.
    Ndërkohë në foton nr.1 dhe foton nr.2 mund të shihni fare qartë preventivat e kostos së ndërtimit të Tunelit të Llogarasë, ku janë parashikuar edhe këto dy ura.
    Siç e shihni, bazuar në projekt dhe preventiv do të duhej të kishim dhe dy ura panoramike në hyrje dhe dalje të tunelit, e meqenëse në gjuhën teknike këto janë “VEPRA ARTI”, ndërtimi i tyre e rriti me 25 milionë euro koston e ndërtimit.
    25 milionë euro për ndërtimin e dy urave, të cilat në realitet nuk ekzistojnë.
    Po, po, prestigjiatori, piktori dështak që kemi në krye të qeverisë, zhduku jo vetëm dhjetëra miliona euro në këtë aferë, por zhduku edhe 2 urat.
    Pra që t’ua them më thjeshtë:
    Edi Rama vendos të vjedhë 190 milionë euro duke u shitur shqiptarëve një ide të bukur me ura panoramike dhe rrugë të arta që na çojnë në Europë.
    Për të arritur qëllimin hap procedurat tenderuese ku fiton oferta 50 milionë euro më e lartë.
    Mesa duket oreksi vjen duke ngrënë dhe 50 milionë euro nuk mjaftuan dhe vendosin të zhdukin dhe 25 milionë euro të tjera, duke zhdukur ndërtimin e urave.
    E gjitha kjo në dritë të diellit, e sidomos nën dritën e SPAK-ut.
    Të gjitha këto fakte e dokumente, PDSH do t’ia përcjellë zyrtarisht SPAK-ut, pasi në këtë rast nuk kemi të bëjmë me një shkelje të barazisë në tendera, por kemi të bëjmë me një aferë thellësisht korruptive, që deri tani PD ka faktuar se janë zhdukur të paktën 75 milionë euro.
    Le të tentojë ta shesë krahun e tij të djathtë Belinda Ballukun sa të dojë, le të çirret për mollë, dardha e fiq sa të dojë, Edi Rama e di mirë se nuk do ta shohë dot dritën në fundin e Tunelit të Belës.
     

  • Këlliçi/ PS po përgatit skenarin, do kërkohet përjashtimi i Berishës

    Këlliçi/ PS po përgatit skenarin, do kërkohet përjashtimi i Berishës

    Zëvendëskryetari i grupit parlamentar të PD-së, Belind Këlliçi ka folur për mediat jashtë Kuvendit, ndërsa seanca plenare është ndërprerë për 30 minuta me kërkesë të PS-së.
    Këlliçi tha se socialistët po përgatisin skenarin për të kërkuar përjashtimin e kreut të PD-së, Sali Berishës për fyerjet ndaj ambasadorit të BE-së, që sipas tij nuk kanë ndodhur. Deputeti demokrat tha se socialistët do të kalojnë të gjitha ligjet pa debat.
    “Tani që ne po flasim po zhvillohet një farsë e grupit të PS. Janë njoftuar të gjithë deputetët socialist të vijnë në seancë. Do kërkohet përjashtimi i zotit Berisha për fyerjet ndaj ambasadorit që kjo nuk ka ndodhur. Janë vetëm skenare të Taulant Ballës dhe Tonin Gogut. Do shikoni justifikime të panumërta për të kaluar seancën direkte në votim. Do kalohen të gjitha projektligjet e rëndësishme pa debat dhe do të kalojnë në votime sepse po priten deputetët e PS. Ky është një skenar i përgatitur.”, tha Këlliçi.

  • Belind Këlliçi kundër pr.ligjit për barazinë gjinore: Ekzistojnë vetëm dy gjini biologjike

    Belind Këlliçi kundër pr.ligjit për barazinë gjinore: Ekzistojnë vetëm dy gjini biologjike

    Deputeti i Partisë Demokratike, Belind Këlliçi ka folur mbi pr.ligjin për barazinë gjinore teksa është shprehur se ekzistojnë vetëm dy gjini biologjike, mashkull dhe femër, ndërsa koncepti i identiteteve të shumëfishta gjinore është, sipas tij, “një çmenduri”.
    Gjatë një interviste në “Ora News”, ai tha se ideja e identitetit të shumëfishtë gjinor është e huaj për realitetin social dhe kulturor shqiptar.
    Këlliçi: E kemi bërë të qartë me dhjetra herë atë që është shqetësim dhe në fakt po tentohet të portretizohet si një kërkesë e BE, e zyrës së delegacionit të BE në Tiranë apo dhe normave ligjore europiane. Identiteti i shumëfishtë gjinor, një çmenduri në thelb e cila është një histori që nuk i përket aspak realitetit social-shoqëror shqiptar.
    Edhe vetë po të marrësh fjalorin e gjuhës shqipe janë të përcaktuara të qarta të ndara edhe termat e përcaktimet se çfarë është gjinia. Por mbi të gjitha kjo është një çështje e ndarë që në lindje, e ndarë biologjikisht.
    Padiskutim ne mbrojmë një qëndrim që ka vetëm dy gjini dhe ka gjininë mashkull dhe femër. Nuk mund të ketë një identitet të shumëfishtë, nuk mundet që një mashkull të zgjohet në mëngjes dhe të thotë që në drekë ndihet grua apo një grua të zgjohet në mëngjes dhe të thotë masdite se ndihet mashkull.
    Në thelb ne mendojmë se kjo zhbën kodin e familjes. Kjo ndërhyrje në ligj nuk ka marrë kohën e duhur për tu konsultuar me të gjithë grupet e interesit. Nuk mundet të ndërhyjmë në tekstet shkollore, pra kjo i hap rrugën edhe ndërhyrjes në tekstet shkollore mbi të gjitha të fëmijëve për të filluar për të edukuar fëmijët mbi identitetin gjinor.

  • “Zoti Balluku”! Peleshi ngatërron Këlliçin me zv.kryeministren, ironizon demokrati: E keni mendjen tek tuneli i Palloshit

    “Zoti Balluku”! Peleshi ngatërron Këlliçin me zv.kryeministren, ironizon demokrati: E keni mendjen tek tuneli i Palloshit

    Një lapsus i kryetarit të Kuvendit, Niko Peleshi ka shkaktuar të qeshura në sallën e Kuvendit pasi iu drejtua deputetit të PD-së, Belind Këlliçi, si Zoti Balluku, teksa i dha fjalën për procedurë.

    “Për procedurë z. Balluku, Këlliçi! Ndjesë për lapsusin”, u shpreh kryeparlamentari, ndërsa deputetët shpërthyen në të qeshura.

    “E di që e keni mendjen tek tuneli i Palloshit, nuk keni faj”, iu drejtua deputeti i PD-së.
    Belind Këlliçi ironizoi duke thënë se zv.kryeministrja Belinda Balluku, e cila është marrë e pandehur nga SPAK për tunelin e Llogarasë, ka një meritë pasi, sipas tij, ka shpikur mikrotoponim të ri.
    “Tuneli i Llogarasë nga sot quhet tuneli i Palloshit, ka meritë të madhe”, u shpreh ai.

  • ‘Zoti Balluku’/ Lapsusi i Niko Peleshit shkakton të qeshura në sallë

    ‘Zoti Balluku’/ Lapsusi i Niko Peleshit shkakton të qeshura në sallë

    Teksa i ka dhënë ditën e sotme fjalën për procedurë deputetit të PD-së, Belind Këlliçi, drejtuesi i Kuvendit Niko Peleshi, i është drejtuar atij: “Zoti Balluku!”
    Ky lapsus i Peleshit ka shkaktuar të qeshura në seanë, ndërkohë që Këlliçi i është drejtuar se e keni mendjen te tuneli dhe nuk keni faj.
    “Ndjesë për lapsusin”, u shpreh më tej kryeparlamentari Peleshi.

  • “Zoti Balluku…”/ Niko Peleshi shkakton të qeshura në sallë, Këlliçi: E keni mendjen tek “tuneli Palloshit”, s’keni faj…

    “Zoti Balluku…”/ Niko Peleshi shkakton të qeshura në sallë, Këlliçi: E keni mendjen tek “tuneli Palloshit”, s’keni faj…

    Një lapsus i kryetarit të Kuvendit, Niko Peleshi ka shkaktuar të qeshura në sallën e Kuvendit pasi iu drejtua deputetit të PD-së, Belind Këlliçi, si Zoti Balluku, teksa i dha fjalën për procedurë.
    “Për procedurë z. Balluku, Këlliçi! Ndjesë për lapsusin”, u shpreh kryeparlamentari, ndërsa deputetët shpërthyen në të qeshura.
    Pjesë nga replikat në sallë:
    Niko Peleshi: Për procedurë z. Balluku, Këlliçi (Shkakton të qeshura në sallë)
    Belind Këlliçi: E di që e keni mendjen tek tuneli i Palloshit, skeni faj
    Niko Peleshi: Ndjesë për lapsusin
    Belind Këlliçi: Balluku ka një meritë se na ka shpikur një mirkotoponim të ri, tuneli i Llogarasë që nga sot quhet tuneli i Palloshit, ka meritë të madhe.

  • Përgjimet Balluku-Berberi, Këlliçi: Nga sot nuk do quajmë më Tuneli i “Llogarasë”, por i “k*rvës” ose i “Palloshit”

    Përgjimet Balluku-Berberi, Këlliçi: Nga sot nuk do quajmë më Tuneli i “Llogarasë”, por i “k*rvës” ose i “Palloshit”

    Deputeti i PD, Belind Këlliçi, ka reaguar pas zbardhjeve të reja të bisedave mes Belinda Ballukut dhe Evis Berberit.

    Këlliçi ironizoi Ramën dhe Ballukun, duke theksuar se për tunelin e Llogarasë lindi toponim i ri si i k*rvës apo i palloshit.

    “Ja kështu rastësisht lindi dhe një mikrotoponim i ri! Nga sot “Tuneli i Llogarasë” mund fare thjeshtë të quhet “Tuneli i k*rvës” ose “Tuneli i Palloshit”!”, shkroi Këlliçi.

  • Përplasje në PD/ Këlliçi kërkoi protesta te zyra e Ballukut, Berisha i ‘prerë’: Fokusi është Rama, jo zëvendësit e tij

    Përplasje në PD/ Këlliçi kërkoi protesta te zyra e Ballukut, Berisha i ‘prerë’: Fokusi është Rama, jo zëvendësit e tij

    Partia Demokratike nuk do të organizojë protesta kundër zv. kryeministres Balluku. Kjo është porosia e prerë e Berishës në Kryesinë e PD.
    Burime për Top Channel nga mbledhje e djeshme e Kryesisë së PD, bëjnë të ditur se Berisha ka porositur krerët e PD që të mos denoncojnë Ballukun në publik pasi ajo është marrë e pandehur nga SPAK, por Ramën sepse sipas tij ai është autori i vërtetë i aferave që akuzohet zv. kryeministrja.
    Qëndrimin e tij në Kryesi, kreu i PD e bëri edhe sot në konferencën për shtyp kur tha se përgjegjësi i të gjitha skandaleve është Kryeministri.
    Qëndrimi i artikuluar sot nga Berisha vjen në fakt pas mbledhjes së djeshme të kryesisë së PD-së, ku është diskutuar edhe strategjia që do të ndjekë opozita, tani që ka një akuzë për numrin dy të qeverisë.
    Burimet i thanë Top Channel se deputeti i Tiranës, Belind Këlliçi ka propozuar në mbledhjen me dyer të mbyllura nisjen e protestave të përditshme ose të përjavshme përpara Ministrisë së Infrastrukturës, njësoj siç vepruan me protestat para Bashkisë së Tiranës kundër Veliajt.
    Por propozimi i tij ka hasur në kundërshtimin e vetë Berishës, i cili ka kërkuar që aksioni publik dhe politik të përqendrohet kundër kryeministrit Rama dhe jo zv. kryeministres Balluku.

  • “SPAK shkoi shumë afër”, Këlliçi paralajmëron rikthimin e protestave: Do të protestojmë derisa Balluku të dorëhiqet

    “SPAK shkoi shumë afër”, Këlliçi paralajmëron rikthimin e protestave: Do të protestojmë derisa Balluku të dorëhiqet

    Deputeti i Partisë Demokratike, Belind Këlliçi ka ndarë mbrëmjen e sotme detaje nga mbledhja e kryesisë së PD-së që është mbajtur ditën e sotme.
    I ftuar në një studio televizive, Këlliçi tha se mbledhja ka zgjatur më shumë se 4 orë, ndërsa nuk përjashtoi mundësinë e rikthimit të protestave nga opozita. Ai bëri me dije se nesër mund të ketë një komunikim për aksionin e opozitës.
    “Kemi patur një mbledhje kryesie që ka zgjatur mbi 4 orë dhe është diskutuar për aksionin politik që do të duhet të ndjekim në këtë rast. Është një rast i parecedente komunikimi i akuzës në detyrëq i një zëvendëskryeministre. Dhe kaq afër Ramës, Prokuroria e Posaçme nuk kishte shkuar ndonjëherë. Kemi patur një mbledhje kryesie sot ku besoj se jo më larg se nesër do të ketë një komunikim për aksionin e protestave në raport jo vetëm më çështjen Balluku por edhe me Ramën, se fundja një porosi të tij ka kryer. Madje kam propozuar që të protestojmë pse jo 200 javë nëse duhet para ministrisë së Infrastrukturës derisa Balluku të dorëhiqet.”, tha Këlliçi.