Marsela SHYTIA
Komisioni Qendror Zgjedhor i Bosnjë-Hercegovinës ka publikuar rezultatet e paplota të zgjedhjeve të parakohshme për president të Republikës Serbe (RS), ku me 99.72 % të qendrave të votimit të përpunuara, kandidati i SNSD-së, Sinisha Karan, ka marrë 217,324 vota (50.30 %), ndërsa kandidati i SDS-së, Branko Blanuša, ka marrë 208,955 vota (48.37 %). Kjo fitore ngushtë nga Karan konsiderohet jo bindëse, në një përballje ku opozita rezulton relativisht e mobilizuar, pavarësisht përdorimit të madh institucional dhe financiar nga ana e SNSD-së.
Alarm për regjimin
Analistët dhe mediat lokale vlerësojnë se ky rezultat tregon një erozion të mbështetjes për regjimin e udhëhequr nga Milorad Dodik, pavarësisht resurseve të mëdha të përdorura nga SNSD për të promovuar kandidaturën e Karani. Sipas raportimeve, humbjet e mëdha të partisë në Qytetin e Banjallkës dhe Bijeljinës, së bashku me pasigurinë në Pale dhe Prijedor, janë shenja shqetësuese për udhëheqësit e entitetit. Edhe pse fitimi ka ardhur, për SNSD-në është mesazh serioz që votat e Karani-t janë shumë më pak sesa ato që Dodik fitoi tre vjet më parë (rreth 300,000 vota), çka të tregon limitet e “makinerisë” partizane, si dhe mungesën e emocionit masiv popullor.
Apel për rinumërim
Partia SDS ka njoftuar se do t’i kërkojë Komisionit Qendror të Zgjedhjeve që të rinumërohen votat në tre zona kyçe: Doboj, Laktashi dhe Zvorniku. Këtu, Sinisha Karan ka regjistruar avantazh të konsiderueshëm sipas rezultateve paraprake: në Doboj, diferenca është 8,882 vota (Karan 16,052, Blanusha 7,169); në Laktashi, 4,884 vota; dhe në Zvornik, 6,260 vota. Të tre këto zona së bashku japin avantazh prej 20,391 votash për Karani, shumë më tepër sesa diferenca totale prej rreth 12,000 votash që e vendon atë para Blanushës. Kjo nënkupton se pa përfshirjen e rezultateve nga këto qytete, figura e fituesit mund të jetë rishqyrtuar, sipas SDS.
Fituesi ende në pikëpyetje
Koalicioni “Nën Shqyrtim”, një organizatë joqeveritare aktivistët e së cilës monitoruan zgjedhjet e parakohshme për presidentin e Republikës Serbe (RS), njoftoi se nuk mund ta konfirmojë me siguri fituesin e zgjedhjeve, duke deklaruar se edhe një numër i vogël rastesh të parregullsive në qendrat e votimit mund të ndikojnë në rezultate në një situatë ku ka një garë të ngushtë zgjedhore midis dy kandidatëve për pozicionin e presidentit të RS-së, raportuan mediat e Sarajevës. “Diferenca midis dy kandidatëve kryesorë në zgjedhje është 0.7 përqind dhe është brenda kufirit të gabimit statistikor, i cili për kandidatët kryesorë është plus/minus 1.5 përqind. Prandaj, koalicioni ‘Nën Shqyrtim’, në përputhje me metodologjinë që aplikon, nuk mund ta konfirmojë me siguri fituesin e garës zgjedhore”, thanë ata në një deklaratë.
Rreziku i ri për Dodik
Branko Blanusha, kandidati i SDS-së, është profesor i inxhinierisë elektrike në Fakultetin e Inxhinierisë Elektrike në Banja Luka, dhe ka qenë më parë dekani i fakultetit. Ka doktoraturë në këtë fushë dhe është anëtar i shumë shoqatave profesionale ndërkombëtare, përfshirë tre degë të IEEE (Shoqata e Elektronikës së Energjisë, e Aplikimeve Industriale dhe e Elektronikës Industriale). Ai ka përvojë akademike ndërkombëtare dhe kontribuon si recensues në revista shkencore. I lindur në vitin 1969 në Banja Luka, Blanusha u bashkua me SDS-në në vitin 2013, pas largimit nga Partia Progresive Serbe. Ai ka thënë se kandidimi për president të RS-së është, për të, jo vetëm një nder, por edhe një përgjegjësi – duke premtuar të paraqesë qytetarëve vizion real për ndryshim. Në jetën private, Blanusha është mjaft aktiv: i pëlqen natyra, sportet si ski, noti dhe ecja me biçikletë, këtë të fundit e përdor edhe si mjet kryesor transporti. Sipas fjalëve të tij, ai është një “qytetar i zakonshëm” që jeton jetën e përditshme si çdo banor i Republikës Srpska, dhe beson se shumë prej tyre janë patriotë që meritojnë përfaqësim të fuqishëm.
Tag: karan
-
“Një dush i ftohtë” në një natë dimri, Dodikut mund t’i ngrijë buzëqeshja në fytyrë, ja çfarë treguan zgjedhjet në RS
-
Fitoi zgjedhet në Republikën Srpska, kush është Sinisa Karan
Kandidati i partisë nacionaliste serbe SNSD, Sinisa Karan ka arritur të fitojë zgjedhjet e parakohshme presidenciale në Republikën Srpska. Karan konsiderohet si njeri i Milorad Dodik i cili u shkarkua nga detyra me një vendim gjykate.- Advertisement –
Sinisa Karan është një politikan dhe jurist nga Republika Sërpska, i cili në vitet e fundit ka zënë një rol qendror në jetën institucionale dhe politike të entitetit. Ai ka shërbyer si Ministër i Zhvillimit Shkencor-Teknologjik dhe Arsimit të Lartë të Republikës Srpska që nga shtatori 2025. Ai shërbeu edhe si Ministër i Brendshëm i Republikës Srpska nga viti 2022 deri në vitin 2025.
Ai ka ndërtuar një karrierë të gjatë në administratë, siguri dhe akademi. Studimet i ka kryer në Fakultetin e Shkencave Politike në Sarajevë, ndërsa më vonë ka përfunduar masterin dhe doktoratën në të drejtë në Universitetin e Banja Lukës. Paralelisht me detyrat shtetërore, ka punuar si profesor i së drejtës kushtetuese në institucione të arsimit të lartë, ku ka botuar libra dhe punime kërkimore mbi çështjet e kushtetueshmërisë dhe funksionimin e institucioneve.
Karrierën e ka nisur në fund të viteve ’80 në strukturat policore dhe të sigurisë, ku ka shërbyer deri në vitin 2008 në poste të ndryshme operative dhe administrative. Më pas është përfshirë në kabinetin e presidentit të Republikës Sërpska, fillimisht si këshilltar për sigurinë dhe më vonë si sekretar i përgjithshëm i presidencës. Ka mbajtur gjithashtu detyrën e sekretarit të qeverisë dhe më vonë të ministrit të brendshëm, ku është marrë me menaxhimin e strukturave të rendit dhe ligjit.
-
Aleati i Dodik fiton zgjedhjet presidenciale në Republikën Srpska
Sinisha Karan, aleati i ngushtë i Milorad Dodikut, presidentit të shkarkuar të Republikës Srpska të Bosnjës, i ka fituar zgjedhjet e parakohshme presidenciale në një garë të ngushtë me kandidatin e opozitës të dielën.
Karan i fitoi 50.89% të votave, sipas rezultateve paraprake të shpallura para mesnatës nga Komisioni Qendror Zgjedhor i Bosnje e Hercegovinës.
Kundërshtari i tij nga Partia Demokratike Serbe, Branko Blanusha, i fitoi 47.81 për qind të votave.
Dodiku u largua nga posti i presidentit të Republikës Sërpska në gusht, pasi u dënua për mosrespektim të vendimeve të përfaqësuesit ndërkombëtar, Christian Schmidt, që e mbikëqyr marrëveshjen e paqes, e cila e ka mbajtur Bosnjën të bashkuar që nga përfundimi i luftës ndëretnike të viteve ‘90.
Zgjedhjet e parakohshme në Republikën Sërpska (RS) – një nga dy entitetet gjysmautonome të Bosnjës, përkrah federatës boshnjakokroate – shiheshin si provë vendimtare e mbështetjes për partinë nacionaliste të Dodikut, e cila ka qenë në pushtet për gati dy dekada.
Karan do të shërbejë për më pak se një vit, deri në zgjedhjet e përgjithshme në tetor 2026.
Qendrat e votimit u hapën në orën 7:00, ndërsa u mbyllën në orën 19:00.
Rreth 35.7 për qind e mbi 1.2 milionë qytetarëve me të drejtë vote hodhën votën në këto zgjedhje.
Zgjedhjet u mbajtën pas vitesh përplasjeje midis përfaqësuesit të lartë të Bosnjës, Christian Schmidt, dhe Dodikut – përplasje që, sipas shumë analistëve, e çuan vendin në prag të krizës më të rëndë politike që nga përfundimi i luftës së viteve 1992-1995.
Në fillim të këtij viti, Dodiku u dënua dhe iu ndalua ushtrimi i funksioneve publike për gjashtë vjet për shkak të moszbatimit të vendimeve të Schmidtit.
Pasi fillimisht e shpërfilli vendimin për muaj të tërë, Dodik, i cili ka lidhje të ngushta me Kremlinin, e pranoi papritur shkarkimin e tij në tetor.
Gjatë fushatës, Karan ishte promovuar hapur si vazhdimësi e trashëgimisë së Dodikut.
Ai ishte i pranishëm në tubimin përmbyllës të së enjtes, ku Dodik, i cili gjatë fushatës e quajti Bosnjën “shtet të pamundur”, premtoi se përpjekja drejt shtetësisë së Republikës Sërpska do të vazhdojë.
“Vizioni ynë është liria, dhe nuk ka liri pa shtet”, u tha Dodik turmave në kryeqendrën administrative të serbëve të Bosnjës, Banjalluka.
Ndërkohë, Blanusha i ka fajësuar politikat e Dodikut për rrezikimin e së ardhmes së entitetit dhe e ka akuzuar atë për korrupsion.
“Ai i ka poshtëruar institucionet e RS-së për interesat dhe pasurinë e tij personale”, tha Blanusa gjatë një aktiviteti elektoral në fillim të kësaj jave. -
Dodik në delir: Shtatë parti do të mbështesin kandidatin tim për president të RS-së
Gjashtë parti politike do të mbështesin kandidatin e Aleancës së Social Demokratëve të Pavarur (SNSD) në zgjedhjet për president të Republika Srpska, njoftoi kreu i SNSD dhe ish-presidenti i entitetit Milorad Dodik. “Duhet të them se jam krenar për këtë koalicion. Na u deshën vetëm 20 minuta për të rënë dakord”, u tha Dodik gazetarëve në Banja Luka, duke shtuar se të gjithë ata që nuk janë në koalicion janë tradhtarë. SNSD, pra Dodik, vendosi që kandidati i tyre në zgjedhjet e planifikuara për 23 nëntor do të ishte Sinisha Karan, Ministri aktual i Entit për Arsimin e Lartë, i cili kishte qenë kreu i Ministrisë së Punëve të Brendshme të RS për vite me radhë para kësaj. Ai e filloi karrierën e tij policore në vitin 1985 në ish-Jugosllavi. Karan njihet si një bashkëpunëtor besnik i Dodikut dhe, për shkak të mbështetjes së tij të pakritikueshme për politikat që ai udhëhoqi ndërsa ishte president i RS-së, ai u vendos në listën e personave që i nënshtrohen sanksioneve të SHBA-së në janar.
Autoritetet amerikane sqaruan se Karan u sanksionua sepse ishte ndër njerëzit kryesorë që u përpoqën të operacionalizonin planet separatiste të Dodikut. Dodik, i cili humbi mandatin e tij si President i Republikës Srpska pasi u dënua me një vit burg për moszbatimin e vendimeve të Përfaqësuesit të Lartë të Komunitetit Ndërkombëtar, fillimisht hodhi poshtë çdo mundësi për organizimin e zgjedhjeve të parakohshme për pasardhësin e tij, si dhe pjesëmarrjen e SNSD-së në to, por në momentin e fundit ai ndërroi mendje, duke pranuar vendimet e gjykatës dhe të Komisionit Qendror të Zgjedhjeve (KQZ), ligjshmërinë e të cilave ai e vë në dyshim vazhdimisht. -
Dodik e konfirmon: Sinisha Karan do të jetë kandidat për President të Republikës Sërpska
Sinisha Karan do të jetë kandidat i Aleancës së Social-Demokratëve të Pavarur në zgjedhjet e parakohshme për president të Republikës Sërpska në Bosnje-Hercegovinë, ka konfirmuar kryetari i partisë, Millorad Dodik.
Dodiku, ish-president i këtij entiteti serb në Bosnje, i ka thënë Radio-Televizionit RS se do ta propozojnë Karanin para partnerëve të koalicionit.
Karan është në listën e zezë të Departamentit amerikan të Thesarit, për pjesëmarrje në organizimin dhe shënimin e festave jokushtetuese të Republikës Sërpska.
Ai është profesor i çështjeve kushtetuese dhe ministër për Zhvillim Teknologjik dhe Shkencor në Qeverinë jokushteteuse të Republikës Sërpska.
Zgjedhjet e parakohshme janë thirrur për 23 nëntor, pasi Gjykata e Bosnje-Hercegovinës ia ka revokuar mandatin Dodikut, për shkak të një vendimi përfundimtar për mosbindje ndaj vendimeve të Përfaqësuesit të Lartë ndërkombëtar.
Vendimi i Gjykatës ia ka pamundësuar atij mbajtjen e ndonjë pozite publike për gjashtë vjetët e ardhshëm.
Partia e Dodikut pati thënë fillimisht se nuk do të kishte kandidat për zgjedhje, mirëpo më vonë ka vendosur të marrë pjesë në to.
Partia më e madhe opozitare, Partia Demokratike Serbe, ka thënë se kandidati i saj do të jetë Branko Bllanusha, profesor i Fakultetit të Inxhinierisë Elektrike në Banjallukë./ REL -
Sinisha Karan do të jetë kandidat për president të Republikës Sërpska, konfirmon Dodiku
Sinisha Karan do të jetë kandidat i Aleancës së Social-Demokratëve të Pavarur në zgjedhjet e parakohshme për president të Republikës Sërpska në Bosnje-Hercegovinë, ka konfirmuar kryetari i partisë, Millorad Dodik.
Dodiku, ish-president i këtij entiteti serb në Bosnje, i ka thënë Radio-Televizionit RS se do ta propozojnë Karanin para partnerëve të koalicionit.
Karan është në listën e zezë të Departamentit amerikan të Thesarit, për pjesëmarrje në organizimin dhe shënimin e festave jokushtetuese të Republikës Sërpska.
Ai është profesor i çështjeve kushtetuese dhe ministër për Zhvillim Teknologjik dhe Shkencor në Qeverinë jokushteteuse të Republikës Sërpska.
Zgjedhjet e parakohshme janë thirrur për 23 nëntor, pasi Gjykata e Bosnje-Hercegovinës ia ka revokuar mandatin Dodikut, për shkak të një vendimi përfundimtar për mosbindje ndaj vendimeve të Përfaqësuesit të Lartë ndërkombëtar.
Vendimi i Gjykatës ia ka pamundësuar atij mbajtjen e ndonjë pozite publike për gjashtë vjetët e ardhshëm.
Partia e Dodikut pati thënë fillimisht se nuk do të kishte kandidat për zgjedhje, mirëpo më vonë ka vendosur të marrë pjesë në to.
Partia më e madhe opozitare, Partia Demokratike Serbe, ka thënë se kandidati i saj do të jetë Branko Bllanusha, profesor i Fakultetit të Inxhinierisë Elektrike në Banjallukë.