Fotografitë nuk janë më thjesht kujtime të shkrepura, ato janë histori që tregohen në kohë reale dhe ndahen me botën. Me Galaxy Z Fold7 dhe Galaxy Z Flip7, Samsung e ka çuar këtë përvojë në një nivel krejtësisht të ri, falë fuqisë së inteligjencës artificiale në kamera. Këto pajisje nuk ofrojnë vetëm rezolucion të lartë, por edhe aftësi të zgjuara që e bëjnë çdo shkrepje të duket si vepër arti, pa pasur nevojë të jesh fotograf profesionist.
Udhëtime që mbeten të paharrueshme
Imagjinoni jeni në një qytet të ri, në një rrugicë plot ngjyra ose përballë një pamjeje të mrekullueshme bregdetare. AI Zoom analizon skenën, mban subjektin në fokus edhe në distanca të mëdha dhe ruan detajet pa humbje cilësie. Ndërkohë, Photo Assist ju ndihmon të rregulloni kuadrin automatikisht, në mënyrë që pamja të jetë gjithmonë në kompozimin perfekt, kështu nuk humbisni kurrë mundësinë për një foto “wow” në Instagram.
Kujtime familjare, gjithmonë në fokus
Nga ditëlindjet te pushimet familjare, AI Portrait identifikon fytyrat dhe rregullon sfondin për t’i dhënë theks njerëzve që kanë më shumë rëndësi. Edhe në ambiente me dritë të ulët, funksioni i avancuar Nightography AI në të dy modelet siguron foto të ndritshme dhe të pastra, kështu që momentet intime rreth tavolinës së darkës nuk humbin në errësirë.
Atmosfera e koncerteve, ashtu si e përjetoni
Në evente të mëdha ku dritat ndryshojnë çdo sekondë, Scene Optimizer me AI kupton automatikisht ambientin dhe balancimin e ngjyrave, duke e bërë videon ose foton po aq mahnitëse sa momenti vetë. Edhe nëse jeni larg skenës, kombinimi i zoom-it inteligjent dhe stabilizimit të imazhit bën të mundur të kapni çdo detaj të performancës.
Nga ideja te postimi, në sekonda
Për krijuesit e përmbajtjes, AI Editing Tools ofrojnë rregullime të shpejta, heqje objektesh të panevojshme ose përmirësim të ngjyrave, direkt nga telefoni. Ekrani i madh i Galaxy Z Fold7 është perfekt për përpunim të detajuar, ndërsa opsioni Flex Window i Galaxy Z Flip7 ju lejon të regjistroni video “hands-free” duke e vendosur në sipërfaqe pa mbajtëse shtesë. Modaliteti Flex është perfekt për vlog, intervista spontane ose video-calling nga plazhi pa mbajtur pajisjen në dorë. Koha kur duhej tw mbanit Tripod dhe zgjatues “selfie” me vete i takon sw shkuarës.
Inteligjencë që e ndien ritmin e jetës
Pavarësisht nëse po shëtisni nëpër tregjet e vjetra të një qyteti mesdhetar, po festoni me miqtë në një plazh veror apo po dokumentoni përditshmërinë tuaj kreative, kamerat me AI në Galaxy Z Fold7 dhe Z Flip7 janë aty për t’ju ndihmuar të kapni versionin më të mirë të çdo momenti lehtësisht, bukur dhe me stil.
Nëse doni t’i përjetoni këto funksione vetë, provoni aplikacionin Try Galaxy dhe zbuloni pse këto pajisje janë mjeti i përsosur për të treguar historinë tuaj, një foto dhe një video në çdo kohë.
