Lajmidites.com

Tag: kapitulli

  • Sinjale nga Qiproja: Tre kapitujt që Shqipëria mund t’i mbyllë deri në qershor

    Sinjale nga Qiproja: Tre kapitujt që Shqipëria mund t’i mbyllë deri në qershor

    Zëvendësministrja për Çështjet Evropiane të Qipros, Marilena Raouna, ka dhënë një prej deklaratave më optimiste të muajve të fundit lidhur me ecurinë e Shqipërisë drejt anëtarësimit në Bashkimin Evropian.
    Diplomatja ka konfirmuar se Presidenca qipriote e Këshillit të BE-së – që nis në janar 2026 – do ta ketë zgjerimin si një nga prioritetet kryesore.
    Në fjalën e saj mbi rolin e Qipros në kryesimin e ardhshëm të BE-së, Raouna vlerësoi angazhimin “mbresëlënës” të Shqipërisë, duke theksuar ritmin e lartë të reformave dhe dëshirën e qeverisë shqiptare që negociatat të përmbyllen deri në fund të vitit 2027.

    Ajo kujtoi se shtatë konferenca ndërqeveritare me Shqipërinë janë zhvilluar tashmë, gjashtë prej tyre vetëm gjatë 12 muajve të fundit – një tregues i qartë i dinamikës së re të procesit.

    Sipas saj, nën Presidencën e Qipros, pritet të arrihet konsensus për IBAR-in (raportin e vlerësimit të ndërmjetëm) për Grupkapitullin 1 në fillim të pranverës.

    Kjo do të mundësojë thirrjen e një konference ndërqeveritare në mars 2026, duke hapur rrugën për një hap historik: mbylljen provizore të tre kapitujve të parë të negociatave – Kapitulli 20 (Ndërmarrjet dhe Politika Industriale), Kapitulli 25 (Shkenca dhe Kërkimi) dhe Kapitulli 30 (Marrëdhëniet e Jashtme) – deri në qershor.

    “Është e rëndësishme jo vetëm të hapen kapitujt, por të fillojnë të mbyllen”, nënvizoi Raouna, duke sinjalizuar se presidenca qipriote synon rezultate konkrete dhe të matshme.
    Në një klimë gjeopolitike të vështirë, e shënuar nga agresioni rus ndaj Ukrainës, Raouna u shpreh se zgjerimi i BE-së mbetet një investim strategjik për stabilitetin dhe sigurinë e kontinentit.
    Ajo theksoi se momenti aktual nuk duhet humbur: integrimi i vendeve të Ballkanit Perëndimor, përfshirë Shqipërinë, rrit autonominë strategjike dhe forcën globale të Bashkimit Evropian.

  • “Rënia e Belindës është çelje kapitulli”/ Vendimi i GJKKO, reagon Bardhi: Rama të japë dorëheqjen

    “Rënia e Belindës është çelje kapitulli”/ Vendimi i GJKKO, reagon Bardhi: Rama të japë dorëheqjen

    Masat e sigurimit ndaj Belinda Ballukut, Reagon Gazment Bardhi.
    Reagimi i plotë:
    Rënia e Belinda Ballukut është çelje kapitulli, jo përrallat e Ramës!
    Sot është një ditë e mirë për luftën ndaj korrupsionit, për llogaridhënien dhe transparencën. Të fituar janë qytetarët e dëmtuar në taksat e tyre të vjedhura, të fituar janë ata që luftuan e denoncuan.
    Tē humburit e medhenj janë Edi Rama e Belinda Balluku, dhe duartrokitësit e tyre në Kuvend, të cilët humbën rastin për të treguar se janë në nivelin e qytetarëve të vendit. Ata në asnjë moment nuk manifestuan përgjegjësi dhe moral. Madje tentuan me forcë të mbrojnë aferat e të mbanin me thonj postin për të penguar drejtësinë. Dhe sot u turpëruan.
    Ky i sotmi është një hap i mire. Por drejtesia për abuzimet qindra milioneshe në vendin më të varfër të Europës, për krimet elektorale, për mbajtjen e pushtetit me dhunë, për lidhjet me krimin, ka ende rrugë përpara për të bërë.
    Ne do të qëndrojmë deri në fund, derisa shqiptarët të çlirohen nga këta uzurpatorë të korruptuar. Shkarkimi i menjëhershëm i Belinda Ballukut dhe dorëheqja e Edi Ramës, janë e vetmja rrugë për të çliruar Shqipërinë nga sistemi i korruptuar qeverisës që është ndërtuar në këto 12 vite.

  • Bruksel/ Mbahet konferenca e 7-të Ndërqeveritare, hapet grup-kapitulli i fundit i negociatave

    Bruksel/ Mbahet konferenca e 7-të Ndërqeveritare, hapet grup-kapitulli i fundit i negociatave

    Shqipëria dhe Bashkimi Evropian mbajnë sot në Bruksel Konferencën e 7-të Ndërqeveritare.
    Takimi do të shërbejë për të hapur negociatat me Shqipërinë mbi grup-kapitullin 5 “Burimet, bujqësia dhe kohezioni”, duke përfshirë Kapitullin 11 (bujqësia dhe zhvillimi rural), 12 (siguria ushqimore, veterinaria dhe fitosanitaria), 13 (peshkimi dhe akuakultura), 22 (politika rajonale dhe koordinimi i instrumenteve strukturore) dhe 33 (dispozitat financiare dhe buxhetore).
    Ky është grup-kapitulli i fundit i negociatave që vendi ynë hap me bashkimin Evropian në rrugëtimin drejt anëtarësimit në BE.
    Konferenca e 1-rë Ndërqeveritare Shqipëri-BE
    Më 19 korrik 2022 u mbajt Konferenca e parë Ndërqeveritare Shqipëri-BE, që shënoi zyrtarisht hapjen e negociatave me Shqipërinë.
    Kjo Konferencë vjen pas një vendimi të Këshillit të ministrave të çështjeve Evropiane më 25 mars 2020 për të hapur negociatat e pranimit, i cili u miratua nga anëtarët e Këshillit Evropian më 26 mars 2020, si dhe miratimit nga Këshilli më 18 korrik 2022 të Kornizës Negociuese për negociatat me Shqipërinë, në përputhje me metodologjinë e rishikuar të zgjerimit.
    Konferenca e 2-të Ndërqeveritare Shqipëri-BE
    Më 15 tetor 2024 u mbajt Konferenca e dytë Ndërqeveritare Shqipëri-BE.
    Takimi shërbeu për të hapur negociatat me Shqipërinë mbi Grup-kapitullin 1: Themeloret, duke përfshirë fushat dhe kapitujt negociues: Funksionimi i institucioneve demokratike; Reforma e administratës publike; Kapitulli 23 – Gjyqësori dhe të drejtat themelore; Kapitulli 24 – Drejtësia, liria dhe siguria.
    Kriteret ekonomike: Kapitulli 5 – Prokurimi publik; Kapitulli 18 – Statistikat; Kapitulli 32 – Kontrolli financiar.
    Konferenca e 3-të Ndërqeveritare Shqipëri-BE
    Më 17 dhjetor 2024 u mbajt Konferenca e tretë Ndërqeveritare Shqipëri-BE.
    Takimi shërbeu për të hapur negociatat me Shqipërinë mbi Grup-kapitullin VI: Marrëdhëniet e Jashtme, duke përfshirë kapitujt negociues: Kapitulli 30 – Marrëdhëniet e Jashtme; Kapitulli 31 – Politika e Jashtme, e Sigurisë dhe e Mbrojtjes.
    Konferenca e 4-t Ndërqeveritare Shqipëri-BE
    Më 14 prill 2025 u mbajt Konferenca e katërt Ndërqeveritare. Takimi shërbeu për të hapur negociatat me Shqipërinë mbi Grup-kapitullin II: Tregu i brendshëm, duke përfshirë kapitujt negociues: Kapitulli 1 – Lëvizja e lirë e mallrave, Kapitulli 2 – Liria e lëvizjes së punëtorëve, Kapitulli 3 – E drejta e themelimit dhe liria për të ofruar shërbime, Kapitulli 4 – Lëvizja e lirë e kapitalit, Kapitulli 6 – E drejta e shoqërive tregtare, Kapitulli 7 – E drejta e pronësisë intelektuale, Kapitulli 8 – Politika e konkurrencës, Kapitulli 9 – Shërbimet financiare, Kapitulli 28 – Mbrojtja e konsumatorit dhe shëndetit.
    Konferenca e 5-të Ndërqeveritare Shqipëri-BE
    Më 22 maj 2025 u mbajt në Bruksel Konferenca e pestë Ndërqeveritare për anëtarësimin e Shqipërisë në Bashkimin Evropian.
    Kjo konferencë shërbeu për të hapur negociatat me Shqipërinë mbi grup-kapitullin III: Konkurrueshmëria dhe rritja gjithëpërfshirëse. Në këtë grup-kapitull përfshihen: Kapitulli 10 – Transformimi digjital dhe media; Kapitulli 16 – Taksat; Kapitulli 17 – Politika ekonomike dhe monetare; Kapitulli 19 – Politika sociale dhe punësimi; Kapitulli 20 – Politika për ndërmarrjet dhe industrinë; Kapitulli 25 – Shkenca dhe kërkimi; Kapitulli 26 – Arsimi dhe kultura; Kapitulli 29 – Bashkimi doganor.
    Konferenca e 6-të Ndërqeveritare Shqipëri-BE
    Më 16 shtator 2025 u mbajt Konferenca e gjashtë Ndërqeveritare Shqipëri-BE që iu kushtua grup-kapitullit IV: Agjenda e Gjelbër dhe Ndërlidhja e Qëndrueshme, i cili përmban fusha me rëndësi të posaçme për ekonominë dhe biznesin.
    Kapitujt përfshinin: politikat e transportit (Kapitulli 14), energjia (Kapitulli 15), rrjetet trans-europiane (Kapitulli 21), mjedisi dhe klima (Kapitulli 27), të cilat prekin drejtpërdrejt jetën e përditshme të qytetarëve dhe janë faktor transformimi për zhvillimin afatgjatë të vendit.
     

  • Kryeministri Rama sot në Bruksel për grupkapitullin e fundit, zbardhet agjenda

    Kryeministri Rama sot në Bruksel për grupkapitullin e fundit, zbardhet agjenda

    Kryeministri Edi Rama do të marrë pjesë ditën e hënë, më 17 nëntor, në Konferencën e 7-të Ndërqeveritare Shqipëri-BE në Bruksel për të çelur grupkapitullin e fundit të negociatave, njofton Kryeministria sot më 16 nëntor 2025.
    Sipas njoftimit, hapja e këtij kapitulli shënon një rekord historik për Shqipërinë, pasi të gjithë kapitujt e negociatave u hapën brenda 12 muajsh. “Shqipëria arriti të pamendueshmen, të gjithë kapitujt e negociatave të hapur brenda 12 muajsh , rekord absolut në procesin e integrimeve europiane”, deklaroi Rama më herët.
    Delegacioni shqiptar do të përbëhet gjithashtu nga Ministrja e Shtetit dhe Kryenegociatorja Majlinda Dhuka dhe Ministrja e Shtetit për Administratën Publike dhe Antikorrupsionin, Adea Pirdeni, ndërsa pas përfundimit të punimeve do të mbahet një konferencë e përbashkët për shtyp me Kryeministrin, Komisioneren për Zgjerimin e BE-së, Marta Kos, dhe Ministren e Punëve të Jashtme të Danimarkës, Marie Bjerre.
    Grupkapitulli V përfshin pesë fusha kyçe “Bujqësia dhe Zhvillimi Rural” (kapitulli 11), “Politikat e sigurisë ushqimore, veterinarisë dhe fitosanitare” (kapitulli 12), “Peshkimi” (kapitulli 13), “Politika rajonale dhe koordinimi i instrumentave strukturore” (kapitulli 22) dhe “Dispozitat Financiare dhe Buxhetore” (kapitulli 33), njofton Kryeministria.
    Sipas njoftimit, hapja e Grupkapitullit V do të kontribuojë në modernizimin e bujqësisë, rritjen e kapaciteteve prodhuese, dixhitalizimin e zinxhirit ushqimor dhe përputhjen me standardet e BE-së për sigurinë ushqimore, ndërsa sektori i peshkimit dhe akuakulturës do të përfitojë nga programet europiane për menaxhim të qëndrueshëm.
    Në fushën e kohezionit, Shqipëria do të rrisë kapacitetet për menaxhimin e fondeve të BE-së dhe do të përgatitet për pjesëmarrje aktive në politikat rajonale, ndërsa kapitulli financiar do të fokusohet tek transparenca dhe administrimi i fondeve publike sipas praktikave europiane, sipas njoftimit të Kryeministrisë.
    Hapja e Grup-Kapitullit V përfaqëson një hap vendimtar drejt afrimit përfundimtar me Bashkimin Europian, duke konsoliduar progresin e bërë dhe duke krijuar bazën për reforma të thelluara në sektorët ekonomikë dhe zhvillimorë.

  • Rama nesër në Bruksel për grupkapitullin e fundit, zbardhet agjenda

    Rama nesër në Bruksel për grupkapitullin e fundit, zbardhet agjenda

    Kryeministri Edi Rama do të marrë pjesë ditën e hënë, më 17 nëntor, në Konferencën e 7-të Ndërqeveritare Shqipëri-BE në Bruksel për të çelur grupkapitullin e fundit të negociatave, njofton Kryeministria sot më 16 nëntor 2025.
    Sipas njoftimit, hapja e këtij kapitulli shënon një rekord historik për Shqipërinë, pasi të gjithë kapitujt e negociatave u hapën brenda 12 muajsh. “Shqipëria arriti të pamendueshmen, të gjithë kapitujt e negociatave të hapur brenda 12 muajsh , rekord absolut në procesin e integrimeve europiane”, deklaroi Rama më herët.
    Delegacioni shqiptar do të përbëhet gjithashtu nga Ministrja e Shtetit dhe Kryenegociatorja Majlinda Dhuka dhe Ministrja e Shtetit për Administratën Publike dhe Antikorrupsionin, Adea Pirdeni, ndërsa pas përfundimit të punimeve do të mbahet një konferencë e përbashkët për shtyp me Kryeministrin, Komisioneren për Zgjerimin e BE-së, Marta Kos, dhe Ministren e Punëve të Jashtme të Danimarkës, Marie Bjerre.
    Grupkapitulli V përfshin pesë fusha kyçe “Bujqësia dhe Zhvillimi Rural” (kapitulli 11), “Politikat e sigurisë ushqimore, veterinarisë dhe fitosanitare” (kapitulli 12), “Peshkimi” (kapitulli 13), “Politika rajonale dhe koordinimi i instrumentave strukturore” (kapitulli 22) dhe “Dispozitat Financiare dhe Buxhetore” (kapitulli 33), njofton Kryeministria.
    Sipas njoftimit, hapja e Grupkapitullit V do të kontribuojë në modernizimin e bujqësisë, rritjen e kapaciteteve prodhuese, dixhitalizimin e zinxhirit ushqimor dhe përputhjen me standardet e BE-së për sigurinë ushqimore, ndërsa sektori i peshkimit dhe akuakulturës do të përfitojë nga programet europiane për menaxhim të qëndrueshëm.
    Në fushën e kohezionit, Shqipëria do të rrisë kapacitetet për menaxhimin e fondeve të BE-së dhe do të përgatitet për pjesëmarrje aktive në politikat rajonale, ndërsa kapitulli financiar do të fokusohet tek transparenca dhe administrimi i fondeve publike sipas praktikave europiane, sipas njoftimit të Kryeministrisë.
    Hapja e Grup-Kapitullit V përfaqëson një hap vendimtar drejt afrimit përfundimtar me Bashkimin Europian, duke konsoliduar progresin e bërë dhe duke krijuar bazën për reforma të thelluara në sektorët ekonomikë dhe zhvillimorë.

  • Brukseli jep dritën jeshile/ Shqipëria hyn në fazën e fundit drejt anëtarësimit

    Brukseli jep dritën jeshile/ Shqipëria hyn në fazën e fundit drejt anëtarësimit

    Shqipëria shënon një tjetër moment të rëndësishëm historik në procesin e integrimit të vendit në Bashkimin e Europian.
    Ditën e hënë, më 17 nëntor do të çelet grupkapitulli i fundit i negociatave, në Konferencën e 7-të Ndërqeveritare Shqipëri- BE, që do të mbahet në Bruksel, i cili shënon hapjen e të gjithë kapitujve të negociatave në një kohë rekord prej 12 muajsh.
    “Shqipëria arriti të pamendueshmen , të gjithë kapitujt e negociatave të hapur brenda 12 muajsh – rekord absolut në procesin e integrimeve europiane” – e vlerësoi këtë moment Kryeministri Rama, i cili do të marrë pjesë të hënën në Konferencën e 7-të Ndërqeveritare, së bashku me Ministren e Shtetit dhe Kryenegociatoren Majlinda Dhuka, Ministren e Shtetit për Administratën Publike dhe Antikorrupsionin Adea Pirdeni, si dhe pjesëtarë të tjerë të delegacionit shqiptar për të çelur negociatat për Grup-Kapitullin V: “Burimet, Bujqësia dhe Kohezioni”.
    Pas përfundimit të punimeve, Kryeministri Rama, Komisionerja për Zgjerimin e BE-së, Marta Kos dhe Ministrja e Punëve të Jashtme të Danimarkës, Marie Bjerre do të mbajnë një Konferencë të përbashkët për shtyp.
    -Grupkapitulli V përfshin pesë kapituj thelbësorë për zhvillimin ekonomik dhe social të vendit, me ndikimin më të drejtpërdrejtë tek prodhimi, konkurrueshmëria dhe zhvillimi i balancuar i territorit:
    “Bujqësia dhe Zhvillimi Rural” (kapitulli 11);
    “Politikat e sigurisë ushqimore, veterinarisë dhe fitosanitare”, (kapitulli 12);
    “Peshkimi” (kapitulli 13);
    “Politika rajonale dhe koordinimi i instrumentave strukturore” (kapitulli 22), si dhe
    “Dispozitat Financiare dhe Buxhetore (kapitulli 33).
    Përmes këtij Grupkapitulli, Shqipëria përfiton lidhur me modernizimin e bujqësisë, rritjen e kapaciteteve prodhuese dhe dixhitalizimin e zinxhirit ushqimor. Një vend të veçantë zë forcimi i mekanizmave të kontrollit të sigurisë ushqimore dhe përafrimi me standardet e BE-së, ndërsa sektori i peshkimit dhe akuakulturës synon të përfitojë nga rregullat dhe programet europiane për menaxhim të qëndrueshëm.

  • Integrimi drejt BE, Shqipëria shënon një tjetër moment historik, të hënën çelet grupkapitulli i fundit i negociatave

    Integrimi drejt BE, Shqipëria shënon një tjetër moment historik, të hënën çelet grupkapitulli i fundit i negociatave

    Shqipëria shënon një tjetër moment të rëndësishëm historik në procesin e integrimit të vendit në Bashkimin e Europian.

    Ditën e hënë, më 17 nëntor do të çelet grupkapitulli i fundit i negociatave, në Konferencën e 7-të Ndërqeveritare Shqipëri- BE, që do të mbahet në Bruksel, i cili shënon hapjen e të gjithë kapitujve të negociatave në një kohë rekord prej 12 muajsh.
    “Shqipëria arriti të pamendueshmen, të gjithë kapitujt e negociatave të hapur brenda 12 muajsh – rekord absolut në procesin e integrimeve europiane” – e vlerësoi këtë moment Kryeministri Rama, i cili do të marrë pjesë të hënën në Konferencën e 7-të Ndërqeveritare, së bashku me Ministren e Shtetit dhe Kryenegociatoren Majlinda Dhuka, Ministren e Shtetit për Administratën Publike dhe Antikorrupsionin Adea Pirdeni, si dhe pjesëtarë të tjerë të delegacionit shqiptar për të çelur negociatat për Grup-Kapitullin V: “Burimet, Bujqësia dhe Kohezioni”.
    Pas përfundimit të punimeve, Kryeministri Rama, Komisionerja për Zgjerimin e BE-së, Marta Kos dhe Ministrja e Punëve të Jashtme të Danimarkës, Marie Bjerre do të mbajnë një Konferencë të përbashkët për shtyp.
    -Grupkapitulli V përfshin pesë kapituj thelbësorë për zhvillimin ekonomik dhe social të vendit, me ndikimin më të drejtpërdrejtë tek prodhimi, konkurrueshmëria dhe zhvillimi i balancuar i territorit:
    “Bujqësia dhe Zhvillimi Rural” (kapitulli 11);
    “Politikat e sigurisë ushqimore, veterinarisë dhe fitosanitare”, (kapitulli 12);
    “Peshkimi” (kapitulli 13);
    “Politika rajonale dhe koordinimi i instrumentave strukturore” (kapitulli 22), si dhe
    “Dispozitat Financiare dhe Buxhetore (kapitulli 33).
    Përmes këtij Grupkapitulli, Shqipëria përfiton lidhur me modernizimin e bujqësisë, rritjen e kapaciteteve prodhuese dhe dixhitalizimin e zinxhirit ushqimor. Një vend të veçantë zë forcimi i mekanizmave të kontrollit të sigurisë ushqimore dhe përafrimi me standardet e BE-së, ndërsa sektori i peshkimit dhe akuakulturës synon të përfitojë nga rregullat dhe programet europiane për menaxhim të qëndrueshëm.
    Në komponentin e kohezionit, Shqipëria adreson rritjen e kapaciteteve për menaxhimin e fondeve të BE-së dhe përgatitjen për pjesëmarrje efektive në politikat e zhvillimit rajonal.
    Ndërkohë, kapitulli për dispozitat financiare dhe buxhetore përfshin përputhjen me praktikat europiane për transparencë, planifikim buxhetor dhe administrim të fondeve publike.
    Hapja e Grup-Kapitullit V përfaqëson një hap vendimtar drejt afrimit përfundimtar të Shqipërisë me Bashkimin Europian, duke konsoliduar progresin e bërë dhe duke krijuar bazën për reforma më të thelluara në sektorët që mbështesin ekonominë, sigurinë ushqimore dhe zhvillimin e qëndrueshëm të vendit.

    Top Channel

  • Shqipëria heq të gjitha “pikat e kuqe” nga Muri i Zgjerimit në Bruksel

    Shqipëria heq të gjitha “pikat e kuqe” nga Muri i Zgjerimit në Bruksel

    Shqipëria do të mbajë më 17 nëntor në Bruksel Konferencën e 7-të Ndërqeveritare me Bashkimin Evropian, e cila do të shënojë hapjen e grup-kapitullit të fundit në procesin e anëtarësimit: Burimet, Bujqësia dhe Kohezioni.
    Ky zhvillim nënkupton se Shqipëria ka hequr të gjitha “pikat e kuqe” nga Muri i Zgjerimit, një tabelë vizuale e progresit të vendeve kandidate drejt BE-së, e prezantuar nga Komisionerja për Zgjerimin, Marta Kos.

    “Kur erdha në dhjetor, thuajse gjithçka ishte me të kuqe. Sot, Shqipëria ka ecur kaq shpejt”, deklaroi Kos gjatë një takimi me Kryeministrin Edi Rama më 16 shtator në Bruksel.

    Konferenca e 7-të do të përfshijë hapjen e pesë kapitujve të fundit: Kapitulli 11 – Bujqësia dhe zhvillimi rural, Kapitulli 12 – Siguria ushqimore, veterinaria dhe fitosanitaria, Kapitulli 13 – Peshkimi dhe akuakultura, Kapitulli 22 – Politika rajonale dhe koordinimi i instrumenteve strukturore, Kapitulli 33 – Dispozitat financiare dhe buxhetore.

    Kjo përmbyll fazën e parë të negociatave, duke i hapur rrugë fazës përfundimtare drejt anëtarësimit të plotë në BE.
    Kryeministri Edi Rama e cilësoi këtë arritje si “të pamendueshme”, duke theksuar se:
    “Të gjithë kapitujt e negociatave janë hapur brenda 12 muajsh – një rekord absolut në procesin e integrimeve europiane.”
    Komisionerja Marta Kos, gjatë publikimit të progres-raportit 2025, vlerësoi: “Shqipëria ka bërë progres të paprecedentë që prej konferencës ndërqeveritare në tetor 2024. Ky rezultat është dëshmi e angazhimit politik dhe mbështetjes së gjerë qytetare për integrimin – 91% e shqiptarëve mbështesin anëtarësimin në BE.”

  • SYRI TV/ Çelet kapitulli i radhës për integrimin, BE: Integrimi, rëndësi gjeostrategjike

    SYRI TV/ Çelet kapitulli i radhës për integrimin, BE: Integrimi, rëndësi gjeostrategjike

    Bashkimi Evropian ka çelur kapitullin e radhës për integrimin e Shqipërisë. Në konferencën për shtyp në Bruksel, ministrja daneze Marie Bjerre dhe eurokomisionerja Marta Kos theksuan se ky hap është i rëndësishëm gjeostrategjik për shkak të luftës që po ndodh në Ukrainë.

    SYRI TV

    Shqipëria ka avancuar më tej me procesin e integrimit në Bashkimin Evropian me çeljen e grupkapitullit IV: “Agjenda e Gjelbër dhe Ndërlidhja e Qëndrueshme”. Në konferencën e mbajtur në Bruksel, ministrja daneze për Çështjet Evropiane, Marie Bjerre, që ka Presidencën e Bashkimit Evropian, e cilësoi këtë ecuri si të domosdoshme për të treguar vendosmërinë e BE-së për zgjerim, të mbështetur në interesat gjeostrategjike për shkak të asaj që po ndodh me luftën në Ukrainë.

    Komisionerja për Zgjerim, Marta Kos, ndërsa theksoi realizimin e reformave integruese, konfirmoi rëndësinë gjeostrategjike të zgjerimit.

    Kryeministri Edi Rama përdori sërish të njëjtën retorikë, duke shprehur vullnetin për “martesën me Bashkimin Evropian”.

    Kapitulli i hapur sot parashikon ndërmarrjen e reformave në fushën e mjedisit dhe energjetikës, duke nisur që nga menaxhimi i mbetjeve, niveli i ndotjes, si dhe mbrojtja e pasurive natyrore.

  • Rama nesër në Bruksel/ Mbahet Konferenca e 6-të Ndërqeveritare me BE, Shqipëria hap 4 grup-kapituj, axhenda

    Rama nesër në Bruksel/ Mbahet Konferenca e 6-të Ndërqeveritare me BE, Shqipëria hap 4 grup-kapituj, axhenda

    Shqipëria do të hapë nesër edhe katër kapituj të tjerë të negociatave për anëtarësim në Bashkimin Evropian.
    Vendi ynë do të mbajë më 16 shtator, me ftesë të Danimarkës, Konferencën e 6-të Ndërqeveritare me BE.
    Takimi do të shërbejë për të hapur negociatat me Shqipërinë mbi Grupin 4 “Agjenda e gjelbër dhe lidhshmëria e qëndrueshme”, duke përfshirë kapitujt 14 (Politika e transportit), 15 (Energjia), 21 (Rrjetet transevropiane) dhe 27 (Mjedisi dhe ndryshimet klimatike).
    Takimi i nesërm në Bruksel pritet të bashkëdrejtohet nga kryeministri Edi Rama dhe ministrja për Çështjet Evropiane të Danimarkës, Marie Bjerre.
    Sipas agjendës Konferenca Ndërqeveritare pritet të nisë në orën 08:00, teksa konferenca për shtyp është planifikuar rreth orës 09:15 dhe Këshilli i Çështjeve të Përgjithshme të BE-së do të pasojë në orën 10:00.
    “Palët do të fillojnë duke miratuar agjendën e takimit dhe duke miratuar procesverbalet e KNQ-ve të mëparshme të mbajtura në prill dhe maj të këtij viti. Kjo do të pasohet nga fjalimet hapëse, së pari nga ministrja e Danimarkës Bjerre në emër të presidencës së Këshillit të BE-së, pastaj nga kryeministri Rama dhe hapja e negociatave për grupin 4, bëri të ditur një zyrtar i BE për ATSH-në.
    Ministrja e Danimarkës do të paraqesë të ashtuquajturin “Qëndrim të Përbashkët të BE-së”, siç është rënë dakord nga BE-ja, dhe do t’i kërkojë kryeministrit Rama nëse Shqipëria mund të bjerë dakord me hapjen e këtij grupi.
    Komisionerja për Zgjerimin, Marta Kos do të japë gjithashtu vërejtjet e saj në këtë drejtim. Kryeministri Rama do të paraqesë qëndrimin e Shqipërisë.
    Në fund do të ketë disa fjalime të shkurtra përmbyllëse nga delegacioni i BE-së, ministrja e Danimarkës, Marie Bjerre dhe Komisionerja Marta Kos, si dhe nga kryeministri Rama, me të cilat takimi do të përfundojë zyrtarisht.
    Më 24 mars 2020 ministrat për Çështjet Evropiane dhanë miratimin politik për hapjen e negociatave me Shqipërinë dhe Maqedoninë e Veriut. Ky vendim u miratua me procedurë të shkruar dhe u mbështet nga Këshilli Evropian.
    Më 19 korrik 2022 u mbajt Konferenca e parë Ndërqeveritare Shqipëri-BE, që shënoi zyrtarisht hapjen e negociatave me Shqipërinë.
    Më 15 tetor 2024 u mbajt Konferenca e dytë, ku u hapën negociatat për Grup-kapitullin 1 – Themeloret.
    Më 17 dhjetor 2024 u mbajt Konferenca e tretë, ku u hapën negociatat për Grup-kapitullin 6 – Marrëdhëniet e jashtme.
    Më 14 prill 2025 u mbajt Konferenca e katërt, e cila u fokusua në Grup-kapitullin 2 – Tregu i brendshëm, dhe ku BE vendosi gjithashtu kriteret për mbylljen e përkohshme të kapitujve të këtij grupi.
    Më 22 maj u mbajt në Bruksel Konferenca e pestë Ndërqeveritare për anëtarësimin e Shqipërisë në Bashkimin Evropian.
    Kjo konferencë shërbeu për të hapur negociatat me Shqipërinë mbi grup-kapitullin 3: “Konkurrueshmëria dhe rritja gjithëpërfshirëse”. Në këtë grup-kapitull përfshihen: Kapitulli 10 – Transformimi digjital dhe media; Kapitulli 16 – Taksat; Kapitulli 17 – Politika ekonomike dhe monetare; Kapitulli 19 – Politika sociale dhe punësimi; Kapitulli 20 – Politika për ndërmarrjet dhe industrinë; Kapitulli 25 – Shkenca dhe kërkimi; Kapitulli 26 – Arsimi dhe kultura; Kapitulli 29 – Bashkimi doganor./ ATSH