Lajmidites.com

Tag: kantier

  • Punonte në kantier ndërtimi/ Rrëzohet nga kati i tretë, punëtori 51-vjeçar në gjendje kritike

    Punonte në kantier ndërtimi/ Rrëzohet nga kati i tretë, punëtori 51-vjeçar në gjendje kritike

    Një burrë 51-vjeçar shqiptar është shtruar në spital në gjendje kritike pas një aksidenti në punë dje, në një kantier ndërtimi në rrugën Ellinos Stratiotou në Patra.

    Sipas informacioneve nga mediat e huaja, punëtori dyshohet se ka rënë nga kati i tretë në një bosht të zbrazët ashensori, duke rezultuar në lëndime të rënda.

    Ai u transportua me ambulancën drejt Spitalit Universitar të Patrës, ku po trajtohet i intubuar në repartin e kujdesit intensiv.Policia vazhdoi me arrestimin e mbikëqyrësit të projektit, i cili më pas u lirua.

     

  • Gjekmarkaj komenton “kafen sekrete” të Salianjit: Ai është aset, ka paguar një kosto të pamerituar politike

    Gjekmarkaj komenton “kafen sekrete” të Salianjit: Ai është aset, ka paguar një kosto të pamerituar politike

    Nënkryetari i PD dhe i Kuvendit, Agron Gjekmarkaj, ka komentuar debatet e ditëve të fundit brenda Partisë Demokratike, duke i cilësuar ato si pjesë normale të një force politike që është në proces riformatimi.
    Sipas tij, PD aktualisht është “një kantier i hapur idesh, analizash, propozimesh dhe debatesh”, ku diskutimet në kryesi dhe në grupin parlamentar janë të shumta dhe jo gjithmonë të njëjta, por kjo është natyra e kësaj partie.
    Gjekmarkaj i ftuar në studion e emisionit “Kjo Javë” në News24 theksoi se Sali Berisha ka qenë gjithmonë i hapur për riorganizimin e PD-së, analizën e thelluar dhe garën e brendshme. Gjekmarkaj, ka komentuar për mbledhjen e më të votuarve të primareve. Ai theksoi se nuk është problem pse anëtar apo deputetë të PD pinë kafe, por sipas tij, u krijua nga media një furtunë për të krijuar ngjarje në PD.
    “PD në këtë moment është një kantier i hapur, dhe kantier i idesh, analizash, propozimesh dhe debatesh. Ne kemi debatuar me orë të tëra në kryesinë e PD para një jave. Jo gjithmonë të përputhura debatet me njëra tjetrën por kjo është PD.
    Kemi debatuar në grupin parlamentar të PD. Bëhen lajm këto gjëra, por nuk bëhet lajm ato që e marrin peshën e lajmit. Berisha ka folur gjithmonë, për hapjen, për ri-formatim të PD, për një analizë të thellë dhe për garë.
    Ka qenë mjaft i hapur mendoj unë. Për gjëra të tjera pastaj qoftë miku im Ervin Salianji, që ju e dini shumë mirë që unë e çmoj, i cili ka paguar një kosto të vërtetë politike me sakrificë. Burgun nuk ja uroj askujt. Ai është anëtar i PD, një aset i saj një njeri që ka folur në kryesi dhe do flasë përsëri. Edhe nuk shoh, ku është shqetësimi, kur Ervin Salianji pi kafe me 9 apo 10 demokratë.
    Unë nuk ndjej asnjë lloj shqetësimi dhe nuk kam parë asnjë shqetësim. Kjo është një furtunë, në një gotë ujë e ngritur nga etja, që kanë mediat për të krijuar ngjarje në PD, kur ngjarjet janë në kampin tjetër. Është më se normale që të ulen në kafe 9-10 deputetë, qoftë të listave të hapur apo të mbyllura”, tha ai.

  • Inxhinieri humb jetën në një kantier ndërtimi në Peqin, arrestohet drejtuesi teknik

    Inxhinieri humb jetën në një kantier ndërtimi në Peqin, arrestohet drejtuesi teknik

    FOTO ILUSTRUESE

    PEQIN-Një tjetër incident me pasojë vdekjen ka ndodhur në një kantier ndërtimi. Ngjarja e rëndë ka ndodhur ditën e djeshme në fshatin Paulesh, në Peqin, ku një inxhinier ka humbur jetën si pasojë e një aksidenti gjatë punës në një kantier ndërtimi. Në lidhje me ngjarjen në pranga është vendosur Enver Hoxha, 64 vjeç, me detyrë drejtues teknik në kantir.
    Njoftimi i policisë:
    Specialistët për Hetimin e Krimeve të Komisariatit të Policisë Peqin arrestuan në flagrancë shtetasin E. H., 64 vjeç, me detyrë drejtues teknik, për veprën penale “Shkelja e rregullave të mbrojtjes në punë”, pasi pasditen e djeshme, gjatë punës në kantierin e ndërtimit, në fshatin Paulesh, ka rënë nga lartësia dhe për pasojë ka humbur jetën inxhinieri, shtetasi G. D., 42 vjeç.
    Kushtet e sigurisë në punë vijojnë të mbeten problem në Shqipëri, ku rastet fatale me humbje jete sa vijnë e shtohen./ZËRI

  • (VIDEO) Nga shok ekipi me Ronaldon, në kantier ndërtimi. Rrëfimi i plotë i futbollistit

    (VIDEO) Nga shok ekipi me Ronaldon, në kantier ndërtimi. Rrëfimi i plotë i futbollistit

    Ish-futbollisti Çëndrim Kameraj lindur në Luzern të Zvicrës, por me origjinë nga Kosova ka sqaruar videon që u bë virale në rrjetet sociale, ku ai shihej duke punuar në një kantier ndërtimi, edhe pse dikur stërvitej me futbollistin e famshëm Cristiano Ronaldo. 

    Në një lidhje të drejtpërdrejt për emisionin “Në kohë reale”, nën moderimin e Flori Gjinit, ai tregoi se videoja ishte pjesë e një detyrimi praktik i punës aktuale ku ai punon dhe jo prezantim i profesionit të tij. 

    “Videon që kam publikuar në rrjete sociale e kemi pasur obligim të shkojmë të punojmë një ditë në kantier, për të ditur si është puna atje dhe për t’ia ditur vlerën. Kemi bërë video për t’ia treguar shefit që jemi në punë. Të gjithë, target, kemi bërë nga një video individuale dhe në fund kemi bërë edhe një video bashkë,” shpjegoi Kameraj. 

    Ai shpjegoi se është shkëputur nga futbolli për shkak të problemeve me gjurin, pas pesë ndërhyrjeve kirurgjikale. Megjithatë, ai tha se ka vendosur të qëndrojë pranë futbollit, kësaj radhe si trajner. 

    “Jam shkëputur nga futbolli sepse kam bërë pesë ndërhyrje në gju. Në fillim nuk doja të kisha më lidhje me futbollin, por më thanë që është gjynah ta hedhësh atë eksperiencë. Tani kam vendosur të bëhem trajner dhe jam duke u diplomuar,” tha ai. 

    Kameraj kujtoi me nostalgji kohën e tij te Juventusi dhe mundësinë e rrallë për t’u stërvitur me Cristiano Ronaldon. 

    “Ka qenë një kohë shumë e mirë. Besoj se të gjithë e kanë ëndërr ta shohin Ronaldon, unë kam pasur mundësinë të stërvitem me të. I kam thënë që jam shqiptar, por në Itali më thonin që jam zviceran. Kosovën dhe Shqipërinë i dua shumë, janë dy shtete që i ndjej si të miat. Jam krenar që jam shqiptar,” tha Kameraj. 

    Ish-lojtari tregoi se kontratën me Juventusin e kishte për tre vite, ndërsa më pas mori hapin për t’u bashkuar me kombëtaren e Zvicrës. 

    “Ftesa më erdhi pasi shpeshherë kisha luajtur me kombëtaren e Zvicrës. Aty vijnë skautët që ndjekin lojën, dhe prej aty më erdhi oferta nga Juventusi. Fillimisht mendova se ishte ftesë e rreme, por më pas më thirrën. Ronaldo është shumë njeri i mirë, ndonëse në rrjete sociale duket si mendjemadh. Prej tij mëson shumë,” tha më tej ai. 

    Kameraj tha se ëndrra e tij për të jetuar me futbollin vazhdon. “Kam pasur ëndërr të luaja me Real Madridin, por tani që nuk mund të luaj më, ndoshta do ta realizoj si trajner,”  tha ai. 

     

  • “U stërvita me më të mirët, por kam prekur fundin!”/ Ish-futbollisti shqiptar i Juventusit tani punon në një kantier ndërtimi

    “U stërvita me më të mirët, por kam prekur fundin!”/ Ish-futbollisti shqiptar i Juventusit tani punon në një kantier ndërtimi

    Në vitin 2017, Çëndrim Kameraj mbërriti te Juventusi plot shpresë, në moshën 18 vjeç dhe i etur për t’u shfaqur në një ekip kampionësh. Tetë vjet më vonë, situata është krejtësisht e ndryshme, ai ka kaluar kohë të vështira, është dashur të përballet me zhgënjimin dhe të pranojë realitetin e jetës së tij të re, e cila nuk e ka çuar të luajë në fushat më prestigjioze në botë. 
    Ish-lojtari i Juventusit u detyrua të tërhiqej pas një sërë dëmtimesh dhe tre këputjeve të ligamenteve të kryqëzuara që ndikuan në karrierën e tij dhe ai përfundoi duke punuar në një kantier ndërtimi. 
    Në një intervistë me ’20min.ch’, shqiptari i lindur në Luzernë foli për vështirësitë me të cilat u përball dhe të gjitha pasojat mendore që duroi. Ai u stërvit me Cristiano Ronaldon dhe Higuainin, por nuk mundi ta ndiqte atë ëndërr. Karriera e tij ishte aq e zymtë saqë nuk mund të shihte më ndeshje në televizion. Në moshën 26 vjeç, atij iu desh të fillonte nga e para, duke gjetur një ekuilibër të ri në jetën e tij, pjesërisht falë dashurisë së familjes së tij. 
    Sapo mbushi 18 vjeç, ai arriti të siguronte një kontratë me Juven dhe u stërvit në ekipin e parë të mbushur me yje. Duke shfletuar profilin e tij në Instagram, mund të shihni foto me Cristiano Ronaldon, Higuainin dhe shumë gjuajtje në fushë duke veshur fanellën bardhezi që e veshi për dy vjet, deri në vitin 2019. Pastaj këputja e parë e ligamentit të kryqëzuar pengoi përparimin e tij, duke e detyruar të bënte një pushim gjashtëmujor që rezultoi fatal për qëndrimin e tij te Juventusi. 
    “I thashë vetes se do të kthehesha më i fortë. Kisha bërë gjithçka për futbollin.” Por nuk kishte më vend për të, aq sa vendosi të kthehej te Lugano dhe më pas te Zurich në huazim. Në ditën e fundit të provës së tij, ai këputi përsëri ligamentin e kryqëzuar, duke e hedhur në dëshpërim. 
    “Ishte shumë e vështirë mendërisht për mua. Isha në krye, duke u stërvitur me më të mirët dhe pastaj e gjeta veten përsëri në fund…” 
    Kameraj punoi shumë gjatë asaj periudhe dhe në vitin 2022, ai u rikthye në fushë për herë të tretë, pasi kishte ndërruar ekip. Por vetëm pak minuta pas debutimit të tij kundër Zug 94, ndodhi përsëri e paimagjinueshmja, ai këputi ligamentin e kryqëzuar për herë të tretë , duke ndjekur një paralajmërim të çuditshëm. 
    “U deshën dhjetë sekonda që të këputej përsëri. Gjëja e çmendur është se një ditë më parë, kisha ëndërruar se do ta këputja përsëri ligamentin e kryqëzuar”, tha ai. 
    Pas dëmtimit të tij të fundit, Kameraj nuk u kthye më në fushë dhe vendosi të ndryshonte jetën. Ai u bë viral pasi u bë trend në rrjetet sociale me një foto të tij pranë Cristiano Ronaldos, e ndjekur nga një foto e tij me një helmetë në një kantier ndërtimi, për të demonstruar se sa shpejt mund të ndryshojë jeta. 
    Sot, ai punon atje: “Unë jam në fakt një konsulent i burimeve njerëzore në kompaninë e ndërtimit ICM Bau AG. Mbikëqyrësi ynë dëshiron që të gjithë të shkojmë në kantierin e ndërtimit të paktën një herë në ditë për të na treguar se sa e vështirë është kjo punë.” 
    Futbolli është rikthyer në jetën e tij dhe tani ai trajnon FC Ebikon, një ekip të vogël zviceran që i ka lejuar t’i japë një formë të re ëndrrës së tij dhe të vazhdojë udhëtimin e tij në sport. 

  • Lezhë/ Aksident në një kantier ndërtimi në Shëngjin! Punëtori bie nga lartësia, humb jetën

    Lezhë/ Aksident në një kantier ndërtimi në Shëngjin! Punëtori bie nga lartësia, humb jetën

    Një aksident i rëndë ka ndodhur në një kantier ndërtimi në zonën e Kunës në Shëngjin të Lezhës. Një punëtor 32-vjeçar ka rënë nga lartësia e kantierit ku po punonte dhe ka humbur jetën.
    Policia ndodhet në vend e ngjarjes dhe ka nisur hetimet mbi ngjarjen e rëndë.

  • Plagoset gjatë punës në kantier ndërtimi një 58-vjeçar, policia arreston inxhinierin e firmës në Paskuqan

    Plagoset gjatë punës në kantier ndërtimi një 58-vjeçar, policia arreston inxhinierin e firmës në Paskuqan

    Duket se siguria në punë po merr vëmendje të madhe tashmë nga organet kompetente, pasi në rastet e aksidenteve po hetohen shkaqet që çojnë në dëmtime apo deri në humbje jete.
    Rasti i fundit ka ndodhur në Paskuqan, ku është lënduar një 58-vjeçar, Petrit Alkollari, i cili ndodhet nën kujdesin e mjekëve në spital.
    Ndërkohë, Policia ka arrestuar inxhinierin e kantierit të ndërtimit, Agim Spahiu 56 vjeç.
    Njoftimi i policisë:
    Specialistët e Komisariatit të Policisë Nr. 5 arrestuan shtetasin Agim Spahiu, 56 vjeç, me detyrë inxhinier ndërtimi, si dhe referuan materialet në Prokurori, ku nisi procedimi në gjendje të lirë për shtetasen E. M., 21 vjeçe, me detyrë inxhiniere ndërtimi, pasi në Paskuqan, në një kantier ndërtimi, gjatë punës është dëmtuar punëtori shtetasi Petrit Alkollari, 58 vjeç, i cili ndodhet në spital, nën kujdesin e mjekëve.

  • EMRAT/ 58-vjeçari plagoset gjatë punës në kantier ndërtimi një, pranga inxhinierit

    EMRAT/ 58-vjeçari plagoset gjatë punës në kantier ndërtimi një, pranga inxhinierit

    Duket se siguria në punë po merr vëmendje të madhe tashmë nga organet kompetente, pasi në rastet e aksidenteve po hetohen shkaqet që çojnë në dëmtime apo deri në humbje jete.

    Rasti i fundit ka ndodhur në Paskuqan, ku është lënduar një 58-vjeçar, i cili ndodhet nën kujdesin e mjekëve në spital. Policia ka arrestuar inxhinierin e kantierit të ndërtimit, ndërsa materialet u referuan në Prokurorinë e Tiranës.

    Njoftimi i policisë:

    Specialistët e Komisariatit të Policisë Nr. 5 arrestuan shtetasin Agim Spahiu, 56 vjeç, me detyrë inxhinier ndërtimi, si dhe referuan materialet në Prokurori, ku nisi procedimi në gjendje të lirë për shtetasen E. M., 21 vjeçe, me detyrë inxhiniere ndërtimi, pasi në Paskuqan, në një kantier ndërtimi, gjatë punës është dëmtuar punëtori shtetasi Petrit Alkollari, 58 vjeç, i cili ndodhet në spital, nën kujdesin e mjekëve.

  • “Tirana, parajsë për kullat dhe paratë e pista”, Hoxhaj me akuza të forta për Ramën: Po shkatërrohet identiteti…

    “Tirana, parajsë për kullat dhe paratë e pista”, Hoxhaj me akuza të forta për Ramën: Po shkatërrohet identiteti…

    Gazetari Juljan Hoxhaj, i ftuar në një emision televiziv, foli për problemet serioze që lidhen me përshpejtimin e flluskës imobiliare dhe zhvillimin e shpejtë ndërtimeve në Tiranë, i cili po shkakton humbjen e identitetit të kryeqytetit.
    Hoxhaj theksoi se kjo është një ambicie e re e kryeministrit Rama, që që kur ka qenë kryetar i bashkisë ka shprehur hapur dëshirën që Tirana të ketë sa më shumë kulla dhe të jetë një vend që funksionon si një lloj parajse fiskale për pastrimin e parave. Sipas tij, vetëm kështu mund të shpjegohet, të paktën në logjikë ekonomike, zhvillimi që po ndodh në kryeqytetin shqiptar.
    Ai shtoi se panairi i fundit i arkitekturës është guri i radhës kilometrik që hidhet në Shqipëri, jo për të ndërtuar një qytet europian, por për të shkatërruar edhe ato pak vlera europiane që kanë mbetur në Tiranë.

    Sipas Hoxhajt, kryeqyteti është shndërruar tashmë në një kantier ndërtimi ku ndërtohet pa kriter dhe me një plan urbanistik që ka rrëfshuar në mënyrë të papërshtatshme të gjitha pikat dhe sitet kulturore të Tiranës.

    Ai theksoi se qyteti ka humbur në njëfarë mënyre memorien e tij historike, ndërsa po zhvillohet në një mënyrë që mund të krahasohet me një “Dubai modern”, ku toka e dikurshme e shkretë dhe rërë është kthyer në një kantier ndërtimi.
    Gazetari vijoi duke nënvizuar se kjo është një çështje koncepti kulturor, që kërkon vëmendje të menjëhershme.
    Hoxhaj: Kjo është një ambicie e re e kryeministrit Rama që kur ka qenë kryetar i bashkisë ai e ka publikuar më të madhe, me zë të lartë dëshirën e tij që Tirana të jetë një vend që të ketë sa më shumë kulla, të jetë një vend, në një farë mënyre një lloj parajse fiskale për pastrimin e parave, sepse vetëm kështu mund të shpjegohet, të paktën në logjikë ekonomike, ajo që po ndodhë në kryeqytetin shqiptar.
    Por ajo që erdhi pak ditë më parë me panairin e arkitekturës është guri i radhës kilometrik që hidhet në Shqipëri, jo për të ndërtuar një qytet europian, por për të shkatërruar edhe ato pak vlera europiane që i kanë mbetur kryeqytetit.
    Kryeqyteti tashmë është thyer në një kantier ndërtimi ku vetëm ndërtohet pa kriter, me një plan urbanistik që ka rrëfshuar në njëfarë mënyre të gjitha pikat kulturore, sitet kulturore të Tiranës.
    Ne kemi një qytet i cili ka zhdukur në njëfarë mënyre memorien e tij historike.Tirana po zhvillohet nga historia dhe po bëhet në njëfarë mënyre, po ta krahasosh, me një lloj Dubai modern, ku aty në fakt ishte një lloj toke e shkrete, pra ishte shkretëri, ishte rërë, dhe u kthye në një kantier ndërtimi, pra i shërben…
    Është çështje koncepti kulturor.
     

  • Punëtori humbi jetën në kantier/ Prokuroria e Fierit dërgon në gjyq funksionarë të IMT dhe ndërtuesin

    Punëtori humbi jetën në kantier/ Prokuroria e Fierit dërgon në gjyq funksionarë të IMT dhe ndërtuesin

    Prokuroria pranë Gjykatës së Shkallës së Parë të Juridiksionit të Përgjithshëm, Fier, ka përfunduar hetimet dhe ka dërguar në gjyq tre shtetas për shkelje të rregullave të mbrojtjes në punë, shpërdorim të tokës, ndërtim të paligjshëm dhe shpërdorim të detyrës. Këto vepra penale janë parashikuar në nenet 289, 199, 199/a dhe 248 të Kodit Penal.

    Hetimet janë zhvilluar në kuadër të procedimit penal nr.1418, të datës 16.09.2024, dhe lidhen me një ngjarje tragjike që ndodhi më 14.09.2024, në fshatin Suk-1, Njësia Administrativë Strum, Bashkia Roskovec. Shtetasi S.B. humbi jetën si pasojë e kontaktit me energjinë elektrike, teksa punonte në një kantier ndërtimi të paligjshëm. Viktima u godit nga linja e transmetimit të energjisë elektrike që ndodhej në afërsi të objektit që po ndërtohej pa leje nga shtetasi E.D., i cili është një nga të pandehurit.

    Hetimet zbuluan se E.D., si ndërtues dhe investitor, nuk kishte marrë masat e nevojshme për sigurimin teknik dhe mbrojtjen në punë, duke shkelur ligjin për sigurinë dhe shëndetin në punë. Kjo ka çuar në një ndërtim të paligjshëm, ku nuk ishin marrë masat e sigurisë për mbrojtjen e punëtorëve, duke rrezikuar jetën e tyre.

    Në kuadër të hetimit, është vërtetuar shkelja e disa ligjeve dhe rregulloreve për sigurinë në kantierin e ndërtimit, duke përfshirë ligjin nr. 10287 datë 18.02.2010 dhe V.K.M-në nr. 312/5.5.2010 “Për Miratimin e Rregullores ‘Për sigurinë në kantier’”.