PS zbulon emrat e kandidatëve për 6 bashkitë që shkojnë në zgjedhje të pjesshme.
Ogerta Manastirliu, kandidate e PS për Bashkinë Tiranë
Altin Bojni, kandidat i PS për Bashkinë e Matit
Ervin Ceca, kandidat i PS për Bashkinë Berat
Brunilda Mersini, kandidat i PS për Bashkinë Vlorë
Florenc Toka, kandidat i PS për Bashkinë Cërrik
Gramoz Sako, kandidat i PS për Bashkinë Tepelenë
vijon…
Top Channel
Kryesia e Partisë Socialiste do të finalizojë pasditen e kësaj të marte listën e plotë te kandidatëve që do të garojnë në zgjedhjet e pjesshme lokale të 9 nëntorit.
Në selinë e PS në orën 18:00 do të mblidhen strukturat të cilat do të konfirmojnë garuesit e bashkive të Vlorës, Beratit, Tepelenës, Matit dhe Cërrikut pasi Tirana tashmë është konfirmuar me Ogerta Manastirliun.
Burime për vizion plus bëjnë me dije se në Berat do të kandidojë Ervin Ceca, kryetari i komanduar i cili ka drejtuar bashkinë që pas dorëheqjes së Ervin Demos. Edhe Cërriku e ka një emër. Socialistët do të garojnë me Florenc Dokën edhe ky kryetar i komanduar pas emërimit së Andis Salës si ministër Bujqësie.
Kryesia e PS në Mat gjithashtu propozoi emrin e Altin Bojnit si kandidat disa ditë më parë. Tashmë mbeten në dilemë Tepelena dhe Vlora. Emrat e kandidatëve për këto dy bashki pritet të mësohen sot pasdite./vizionplus.tv
Ish-kryeministri Sali Berisha, pasi doli nga Prokuroria e Posaçme (SPAK), ku ishte në zbatim të masës “detyrim paraqitje” për aferën Partizani, sulmoi sërish ditën e djeshme kreun e SPAK, Altin Dumani. Kësaj here, me një akuzë të re, se po fsheh dokumente krimi të dy kandidatëve për kryetar të Prokurorisë së Posaçme. “Por do të paralajmëroj shqiptarët se ky mercenar po fsheh dokumente krimi të kandidaturave që kërkon t’i nxjerrë. Dhe këtu do jemi. Po fsheh dokumente që inkriminojnë dy kandidaturat që ai mbështet……Unë rezervoj të drejtën t’u them ju këtu se ç’dokumente ka fshehur në momentin kur të dalë në skenë. Por kam informacione të plota se ky fsheh dokumente të personave që kërkon t’i kandidojë për kryetar.
Ky ka hall, pasi e gënjeu Edi Rama se i tha se do të ndryshoj Kushtetutën dhe vazhdo ti këto, dhe mbeti pastaj ashtu siç është…Kush tha? Në fakt e kundërta. Më vjen keq. Në fakt ai në mënyrë të përsëritur, të paktën mund t’i numëroj në komisionin parlamentar, në konferencën për shtyp, në konferencën tjetër për drejtësi, ai e ka kërkuar…Unë atë nuk e kursej, se ai ishte xhelat i policisë sekrete hoxhiste, por ai nuk e shndërroi në tabu zgjatjen e mandatit dhe ndryshimin e Kushtetutës për krimet që kanë kryer këta. Jo, sepse ky pse e do atë? Ky ka fshehur krime. Ky fle mbi krime. Ky fle mbi dosje krime. Edhe njëherë, ku është Aruba? Pse duhet ta marrësh ti Arubën nga një gazetar italian në një kohë kur dosja është këtu prej vitesh? Unë nuk merrem kurrë me kandidatura, unë respektoj Kushtetutën dhe përcaktimin që ka Kushtetuta për këtë. Nuk ka asnjë tagër, asnjë drejtues politik të implikohet në një procedurë që është strikt e trupit të prokurorëve.”, tha ndër të tjera ish-kryeministri Sali Berisha.
Nis mbledhja e Komisionit të Posaçëm të Verifikimit të Pasurisë dhe figurës së Kandidatëve që konkurrojnë për të marrë drejtimin e Byrosë Kombëtare të Hetimit.
Komisioni po vlerëson në këtë mbledhje me dyer të mbyllura a janë dorëzuar nga të gjitha institucionet dokumentet e kontrolluara, përfshi përgjigjen mbi pasuritë e shtatë kandidatëve që i përcjell ILDKPi dhe pastërtinë e figurës.
Drejtuesi i BKH duhet të kishte marrë detyrën prej një shtatorit, ditë kur i mbaroi mandati Aida Hajnajt, por gara e hapur dhe procedurat e ndjekura tej afateve nga komisioni i përzgjedhjes, e futi procesin në ngërç.
Në garë mbetën shtatë kandidatë, emrat e të cilëve u deleguan me vonesë në komisionin e dytë i cili ka afat 120 ditë për të kontrolluar pasuritë dhe për t’i kthyer përgjigje komisionit të përzgjedhjes për gjetjet.
Ky i fundit më pas i propozon KLP emrin e drejtorit të ri të BKH.
Komisioni i posaçëm për verifikimin e pasurisë dhe pastërtisë së figurës për kandidatët për drejtues të Byros Kombëtare të Hetimit (BKH) ka nisur mbledhjet për shqyrtimin e dokumentacionit të dorëzuar nga institucionet përgjegjëse.
Komisioni ka marrë dokumentacion të detajuar nga të gjitha organet përkatëse me qëllim verifikimin e pasurisë dhe pastërtisë së figurës së 7 kandidatëve që janë në garë për pozicionet e rëndësishme.
Mbledhjet e komisionit po zhvillohen me dyer të mbyllura, ndërsa vlerësimi i kandidatëve do të bazohet ekskluzivisht në dokumentet dhe informacionet e siguruara.
Dokumentet kryesore për shqyrtim janë dorëzuar nga Inspektoriati i Lartë i Deklarimit të Pasurisë dhe Konfliktit të Interesit, si dhe nga Drejtoria e Sigurimit të Informacionit të Klasifikuar, që mbikëqyr pastërtinë e figurës, raporton për Klan News, gaetarja Glidona Daci.
Mandati i drejtueses aktuale të BKH-së, Aida Hajnaj, ka përfunduar më 1 shtator, ndërsa vendi ka mbetur vakant deri më tani, për shkak të vonesave në përfundimin e procesit të verifikimit.
Këto vonesa lidhen me pritjen për mbërritjen e të gjitha dokumenteve të nevojshme nga institucionet e ndryshme.
Komisioni i posaçëm ka një afat ligjor prej 120 ditësh për të kryer kontrollin e plotë të secilit prej kandidatëve. Pas përfundimit të verifikimeve dhe hartimit të raportit përfundimtar, rezultatet do t’i dorëzohen komisionit drejtues, që udhëhiqet nga kreu i SPAK-ut, Altin Dumani, së bashku me dy prokurorë të tjerë.
Ata do të miratojnë kandidatin përfundimtar, emri i të cilit do t’i dorëzohet më pas për miratim Këshillit të Lartë të Prokurorisë.
Në garë për drejtues të Byros Kombëtare të Hetimit janë: Andi Pogaçe, Artur Beu, Elton Kërluku, Gentian Ndoi, Gentjan Shehaj, Gledis Nano dhe Joni Keta.
Nis mbledhja e Komisionit të Posaçëm të Verifikimit të Pasurisë dhe figurës së Kandidatëve që konkurrojnë për të marrë drejtimin e Byrosë Kombëtare të Hetimit.
Siç bëjnë me dije burimet e gazetares së Top Channel Anila Hoxha, komisioni po vlerëson në këtë mbledhje me dyer të mbyllura a janë dorëzuar nga të gjitha institucionet dokumentet e kontrolluara, përfshi përgjigjen mbi pasuritë e shtatë kandidatëve që i përcjell ILDKPi dhe pastërtinë e figurës.
Drejtuesi i BKH duhet të kishte marrë detyrën prej një shtatorit, ditë kur i mbaroi mandati Aida Hajnajt, por gara e hapur dhe procedurat e ndjekura tej afateve nga komisioni i përzgjedhjes, e futi procesin në ngërç.
Në garë mbetën shtatë kandidatë, emrat e të cilëve u deleguan me vonesë në komisionin e dytë i cili ka afat 120 ditë për të kontrolluar pasuritë dhe për t’i kthyer përgjigje komisionit të përzgjedhjes për gjetjet.
Ky i fundit më pas i propozon KLP emrin e drejtorit të ri të BKH.
Top Channel
Procesi për zgjedhjen e drejtorit të ri të Byrosë Kombëtare të Hetimit (BKH) duket se po shndërrohet në një tjetër sagë skandalesh nën hijen e kreut të Inspektoratit të Lartë të Deklarimit dhe Kontrollit të Pasurive dhe Konfliktit të Interesave (ILDKPI), Evgjeni Basharit. Burime të besueshme pohojnë se ILDKPI po zvarrit me qëllim dorëzimin e dokumentacionit për pasuritë e kandidatëve, duke e çuar gjithë procedurën drejt “kalendave greke”. Edhe pse intervistat për 7 kandidatët janë mbyllur prej ditësh, procesi ka ngecur në fazën e verifikimit të figurës dhe pasurisë, ku ILDKPI po luan me afatet.
Në lojë janë emra të njohur si Gledis Nano, Gentian Ndoi e Joni Keta, por përplasjet mes anëtarëve të komisionit Altin Dumani, Arben Kraja dhe Behar Dibra kanë ndezur akoma më shumë dyshimet. Zvarritjet e ILDKPI-së po ushqejnë aludimet se pas gjithë kësaj fshihet një strategji e paramenduar për të favorizuar “njeriun e duhur”. Ndërkohë, opinioni publik mbetet peng i intrigave dhe pazareve që zhvillohen në prapaskenë. Pyetja e madhe është: kush e do të kapur BKH-në dhe pse ILDKPI e drejtuar nga Bashari po mban peng një proces që pritej të sillte transparencë dhe integritet? Çfarë po ndodh me garën më të rëndësishme në drejtësi pritet të zbardhet, por një gjë është e qartë: era e skandaleve nuk po i ndahet Evgjeni Basharit.
Çfarë ka ndodhur?
Ka përfunduar faza e intervistave në procesin e përzgjedhjes së drejtorit të ri të Byrosë Kombëtare të Hetimit (BKH). Pas testit të poligrafit të zhvilluar më datat 24 dhe 25 korrik, më 28 korrik 7 kandidatët ju nënshtruan intervistave. Ato nisën në orën 09:00 në ambientet e SPAK dhe zgjatën 45 minuta për secilin kandidat. Komisioni i Përzgjedhjes, i asistuar nga përfaqësues ndërkombëtarë, vlerësoi njohuritë profesionale, aftësitë drejtuese dhe qasjen e kandidatëve ndaj sfidave që sjell drejtimi i një institucioni të specializuar në hetimin e korrupsionit dhe krimit të organizuar. Kandidatët në garë janë: Andi Pogaçe, Artur Beu, Elton Kërluku, Gentian Ndoi, Gentjan Shehaj, Gledis Nano dhe Joni Keta. Në përfundim, u vendos që të shtatë kandidatët të kalojnë në fazën e fundit, atë të verifikimit të figurës dhe kontrollit të pasurisë, në zbatim të nenit 6 të ligjit nr. 95/2016, i cili rregullon organizimin dhe funksionimin e institucioneve kundër korrupsionit dhe krimit të organizuar. “Verifikimet e mëtejshme të figurës do të kryhen nga Komisioni i Posaçëm për Verifikimin e Pasurisë dhe Figurës së Kandidatëve, sipas parashikimeve në neneve 6 dhe 57 të Ligjit nr.95/2016. Komisioni i Posaçëm për Verifikimin e Pasurisë dhe Figurës së Kandidatëve do të dorëzojë, brenda një periudhe prej 120 ditësh, një raport të detajuar mbi ligjshmërinë e burimeve të pasurisë dhe pastërtinë e figurës të kandidatëve. Ky raport do të jetë pjesë e vlerësimit të kandidatëve nga Komisioni i Përzgjedhjes. Në përfundim të procesit të vlerësimit të kandidatëve, Komisioni i Përzgjedhjes përcakton kandidatin më të mirë. Bazuar në neni 32/2 të ligjit nr.95/2016, kandidati i përzgjedhur, i nënshtrohet programit të trajnimit. Pas përfundimit të programit të trajnimit Komisioni i Përzgjedhjes i dërgon emrin e kandidatit të përzgjedhur për pozicionit e Drejtorit të BKH-së, për miratim Këshillit të Lartë të Prokurorisë”, thuhet në rregullore. Komisioni që do të përcaktojë kreun e ri përbëhet nga Altin Dumani, Arben Kraja dhe Behar Dibra. Ka zëra që thonë se ka përplasje mes tyre, por do të duhet të shohim në fund se për kë do të vendosin.
Këshilli i Emërimeve në Drejtësi (KED) ka përfunduar procedurat e verifikimit dhe vlerësimit paraprak për kandidaturat e paraqitura për vendin vakant në Gjykatën Kushtetuese, i shpallur nga Gjykata e Lartë më 11 dhjetor 2024, pas përfundimit të mandatit të ish-kryetares Holta Zaçaj.
Nga 13 kandidatë që shprehën interes për këtë pozicion të rëndësishëm, KED ka përzgjedhur 6 emra që plotësojnë kriteret për të kaluar në fazën e mëtejshme të vlerësimit profesional dhe moral.
Kandidatët e përzgjedhur janë:
Asim Vokshi
Florian Ballhysa
Naureda Llagami
Alban Toro
Genta Tafa
Emri i gjashtë nuk është bërë ende publik nga Këshilli, ndërkohë që pritet që në javët në vijim të zhvillohet vlerësimi i thelluar i kandidatëve dhe renditja e tyre për t’iu paraqitur përzgjedhjes përfundimtare.
Kjo është një nga vakancat kyçe në trupën e Gjykatës Kushtetuese, një institucion që luan një rol thelbësor në garantimin e rendit kushtetues dhe mbrojtjen e të drejtave themelore në vend.
Top Channel
Këshilli i Emërimeve në Drejtësi (KED) miratoi raportin dhe listën përfundimtare të renditjes së kandidatëve që aplikuan për plotësimin e vendit vakant të krijuar në Gjykatën Kushtetuese, të shpallur nga Gjykata e Lartë në datë 11 dhjetor 2024
Në mbledhjen e sotme KED, pas verifikimit të saktësisë aritmetike të pikëzimit total për secilin kandidat, sipas vendimeve përkatëse të vlerësimit dhe pikëzimit, ka miratuar listën përfundimtare të renditjes së të gjithë kandidatëve të lejuar për kandidim.
Kështu, kandidatët e renditur janë:
1) Asim Vokshi 89.5 pikë
2) Naureda Llagami 89.3 pikë
3) Florian Ballhysa 77.83 pikë
4) Alma Faskaj 77.77 pikë
5) Genta Tafa (Bungo) 75.44 pikë
6) Alban Toro 74.22 pikë
Pas kësaj faze, KED përmbush detyrimin ligjor për të përcjellë këto akte pranë organit të emërtesës dhe bërjen e tyre publike.
Gjykata e Lartë ka shpallur me datë 11.12.2024 hapjen e procedurës së aplikimeve për plotësimin e vendit vakant të krijuar në Gjykatën Kushtetuese si rezultat i përfundimit të mandatit të gjyqtares Holta Zaçaj.
Në përfundim të afatit ligjor për paraqitjen e aplikimeve nga kandidatët, Gjykata e Lartë i ka dërguar Këshillit të Emërimeve në Drejtësi, listën e kandidatëve që kanë shprehur interesin për kandidim për plotësimin e këtij vendi vakant për gjyqtar në Gjykatën Kushtetuese, të shoqëruar me dokumentet e paraqitura prej tyre për përmbushjen e kushteve dhe kritereve të përcaktuar.
Këshilli i Emërimeve në Drejtësi (KED) ka publikuar rezultatet e kandidatëve që synojnë vakancën e Holta Zaçajt në Kushtetuese.
Njoftimi:
Këshilli i Emërimeve në Drejtësi (KED), në vijim të procedurave të vlerësimit të kandidaturave për të cilët është vendosur lejimi për konkurimin në vendin vakant në Gjykatën Kushtetuese, në zbatim të dispozitave ligjore, pas shqyrtimit të gjithanshëm të dokumentacionit të paraqitur nga vetë kandidatët dhe atij të siguruar nga ky Këshill si dhe komunikimit me institucionet e tjera lidhur me të dhënat e nevojshme për vlerësimin e kandidaturave, bën publike rezultatin e vlerësimit dhe pikëzimit të kandidatëve, sipas kësaj renditje:
1) Asim Vokshi 89.5 pikë;2) Naureda Llagami 89.3 pikë;3) Florjan Ballhysa 77.83 pikë;4) Alma Faskaj 77.77 pikë;5) Genta Tafa (Bungo) 75.44 pikë;6) Alban Toro 74.22 pikë.
Në zbatim të nenit 239 të ligjit nr. 115/2016 dhe Vendimit nr. 5 datë 02.04.2019 “Për kriteret dhe procedurën e vlerësimit, pikëzimit dhe renditjes së kandidatëve për pozicionet vakante në Gjykatën Kushtetuese dhe të Inspektorit të Lartë të Drejtësisë”, KED do të miratojë edhe Raportin e arsyetuar për procedurën e verifikimit, të vlerësimit dhe pikëzimit të secilit kandidat dhe të renditjes përfundimtare të tyre, me qëllim dërgimin e tij më pas te organi i emërtesës, Gjykata e Lartë.