Lajmidites.com

Tag: kancelar

  • Ish-kancelari gjerman, Scholz thirret në Prokurori, dëshmon për hetimin…

    Ish-kancelari gjerman, Scholz thirret në Prokurori, dëshmon për hetimin…

    Ish-kancelari gjerman, Olaf Scholz, do të dëshmojë të premten në një hetim mbi ndërtimin e tubacionit të gazit Nord Stream 2 nën Detin Baltik.

    Tubacioni kontrovers kishte për qëllim transportimin e gazit rus në Gjermani, por nuk u vu në funksion për shkak të pushtimit të plotë të Ukrainës nga Rusia.

    Si kancelar, Scholz mbajti pezull licencën operative për ndërtimin e tubacionit në shkurt 2022, ndërsa Rusia po përgatitej të pushtonte Ukrainën.

    Pasi shërbeu si ministër i financave dhe zv/kancelar nën drejtimin e ish-kancelarit Angela Merkel nga viti 2018, Scholz u bë kancelar në dhjetor 2021. Nord Stream 2 u ndërtua gjatë viteve të tij në detyrë përballë kundërshtimit nga Ukraina, Polonia, Shtetet e Bashkuara dhe të tjerë.

    Si Nord Stream 2 ashtu edhe Nord Stream 1, një tjetër tubacion i ndërtuar 10 vjet më parë, janë aktualisht jashtë funksionit, pasi u dëmtuan rëndë nga shpërthimet në shtator 2022.

    Gerhard Schröder, paraardhësi i Merkelit si kancelar, i përshkroi tubacionet në dëshminë e tij si thelbësore për t’i siguruar Gjermanisë gaz rus të lirë.

    Sigmar Gabriel, i cili shërbeu si ministër i energjisë dhe ekonomisë midis viteve 2013 dhe fillimit të vitit 2017, dhe më pas si ministër i jashtëm deri në vitin 2018, pranoi gabimet në marrëdhëniet me Rusinë.

    Gabriel e përshkroi dështimin për të kuptuar qëllimet e Presidentit rus Vladimir Putin, si “një nga gabimet më të mëdha në politikën e jashtme gjermane në të cilën isha i përfshirë”.

    Hetimi po kryhet nga shteti verior i Mecklenburg-Vorpommern në kryeqytetin e tij, Schwerin. Ai synon ta përfundojë punën e tij deri në kohën kur mbahen zgjedhjet shtetërore vitin e ardhshëm./ DPA News.

  • Përhapen shumë lajme të rreme për kancelarin gjerman, Friedrich Merz

    Përhapen shumë lajme të rreme për kancelarin gjerman, Friedrich Merz

    Që kur Friedrich Merz mori detyrën si kancelar, në mediat sociale janë shtuar lajmet e rreme rreth tij. Nga gjoja kontrollet që bëjnë autoritetet në shtëpi deri tek thashethemet për kokainën.
    Gënjeshtra të inskenuara qëllimisht për kancelarin Friedrich Merz janë duke qarkulluar në mediat sociale. Qeveria gjermane, sipas të dhënave të saj, ka regjistruar “një fluks të madh postimesh”, veçanërisht që nga betimi i tij si kancelar, tha një zëdhënës i qeverisë për Agjencinë Gjermane të Shtypit, dpa. Toni është bërë më i ashpër krahasuar me periudhën e fundit legjislative dhe “po vërejmë si dezinformim ashtu edhe diskreditim personal dhe propagandë në media sociale”, ka theksuar zëdhënësi.

    Lajmet e rreme mbi MerzPretendimet e fundit të sajuara lidhen me futjen e një takse shkollore, rritje të orarit javor të punës, vizitave në shtëpi për ata që kanë raport mjekësor dhe një fillimi më të hershëm të kohës së gjumit. Lajme të tilla mund të shkaktojnë reagime emocionale edhe pse të gjitha janë tërësisht të sajuara. Edhe një video e rreme tregon kancelarin Merz duke reklamuar produkte financiare të dyshimta. Sekuenca e filmit duket sikur është e përfshirë në artikullin online të një gazete të përditshme. Por edhe ky artikull është i rremë – as teksti dhe as videoja nuk u shfaqën kurrë në faqen e internetit të gazetës.
    Vetëm pak ditë pas emërimit të Merz si kancelar, qarkulloi një video në internet, duke pretenduar se presidenti francez Emmanuel Macron, gjatë udhëtimit të tij në Kiev me Merz, kishte marrë një qese me kokainë nga tavolina, – kur gazetarët mbërritën për një mundësi fotografimi – për ta fshehur atë. Merz, nga ana tjetër, sipas lajmit thuhet, se fshehu një lugë për konsumimin e kokainës. Thashethemi u përhapën me shpejtësi. Por droga e supozuar në klip ishte thjesht një facoletë. Edhe Pallati Elize e sqaroi këtë në Platformën X – dhe paralajmëroi kundër manipulimit të qëllimshëm të sekuencës së imazhit. Kurse pamjet me rezolucion të lartë zbuluan se objekti përpara Merz ishte një pipërz apo pirun i vogël për ushqime të lehta, jo një lugë.
    Nga vijnë lajmet e rremeEkspertë në Institutin për Dialog Strategjik (ISD), një organizatë e pavarur që, ndër të tjera, përqendrohet në luftën kundër dezinformimit monitorojnë gjithashtu lajmet e rreme. Merz, si kandidat i CDU-së, u bë shënjestër e lajmeve të rreme pas rënies së qeverisë së koalicionit mes SPD, Të Gjelbërve dhe liberalëve në fund të vitit të kaluar, shpjegon analisti i ISD-së, Pablo Maristany de las Casas.
    Analisti i ISD-së, Maristany de las Casas, shprehet se autorët e mundshëm të këtyre lajmeve të rreme mund të jenë të lidhur me Kremlinin. Mbrojtja e fortë nga ana e Merz-it për Ukrainën dhe deklaratat e forta për më shumë mbështetje financiare mund të shihen në Kremlin si një kërcënim i drejtpërdrejtë. Nga ana tjetër, sipas ekspertit, edhe faqet ekstremiste të krahut të djathtë e kanë në shënjestër kancelarin Merz. Marrë nga DW
     

  • Përhapen lajme të rreme për kancelarin Friedrich Merz

    Përhapen lajme të rreme për kancelarin Friedrich Merz

    Që kur Friedrich Merz mori detyrën si kancelar, në mediat sociale janë shtuar lajmet e rreme rreth tij. Nga gjoja kontrollet që bëjnë autoritetet në shtëpi deri tek thashethemet për kokainën.

    Gënjeshtra të inskenuara qëllimisht për kancelarin Friedrich Merz janë duke qarkulluar në mediat sociale. Qeveria gjermane, sipas të dhënave të saj, ka regjistruar “një fluks të madh postimesh”, veçanërisht që nga betimi i tij si kancelar, tha një zëdhënës i qeverisë për Agjencinë Gjermane të Shtypit, dpa. Toni është bërë më i ashpër krahasuar me periudhën e fundit legjislative dhe “po vërejmë si dezinformim ashtu edhe diskreditim personal dhe propagandë në media sociale”, ka theksuar zëdhënësi.
    Lajmet e rreme mbi Merz
    Pretendimet e fundit të sajuara lidhen me futjen e një takse shkollore, rritje të orarit javor të punës, vizitave në shtëpi për ata që kanë raport mjekësor dhe një fillimi më të hershëm të kohës së gjumit. Lajme të tilla mund të shkaktojnë reagime emocionale edhe pse të gjitha janë tërësisht të sajuara. Edhe një video e rreme tregon kancelarin Merz duke reklamuar produkte financiare të dyshimta. Sekuenca e filmit duket sikur është e përfshirë në artikullin online të një gazete të përditshme. Por edhe ky artikull është i rremë – as teksti dhe as videoja nuk u shfaqën kurrë në faqen e internetit të gazetës.
    Vetëm pak ditë pas emërimit të Merz si kancelar, qarkulloi një video në internet, duke pretenduar se presidenti francez Emmanuel Macron, gjatë udhëtimit të tij në Kiev me Merz, kishte marrë një qese me kokainë nga tavolina, – kur gazetarët mbërritën për një mundësi fotografimi – për ta fshehur atë. Merz, nga ana tjetër, sipas lajmit thuhet, se fshehu një lugë për konsumimin e kokainës. Thashethemi u përhapën me shpejtësi. Por droga e supozuar në klip ishte thjesht një facoletë. Edhe Pallati Elize e sqaroi këtë në Platformën X – dhe paralajmëroi kundër manipulimit të qëllimshëm të sekuencës së imazhit. Kurse pamjet me rezolucion të lartë zbuluan se objekti përpara Merz ishte një pipërz apo pirun i vogël për ushqime të lehta, jo një lugë.
    Nga vijnë lajmet e rreme
    Ekspertë në Institutin për Dialog Strategjik (ISD), një organizatë e pavarur që, ndër të tjera, përqendrohet në luftën kundër dezinformimit monitorojnë gjithashtu lajmet e rreme. Merz, si kandidat i CDU-së, u bë shënjestër e lajmeve të rreme pas rënies së qeverisë së koalicionit mes SPD, Të Gjelbërve dhe liberalëve në fund të vitit të kaluar, shpjegon analisti i ISD-së, Pablo Maristany de las Casas.
    Analisti i ISD-së, Maristany de las Casas, shprehet se autorët e mundshëm të këtyre lajmeve të rreme mund të jenë të lidhur me Kremlinin. Mbrojtja e fortë nga ana e Merz-it për Ukrainën dhe deklaratat e forta për më shumë mbështetje financiare mund të shihen në Kremlin si një kërcënim i drejtpërdrejtë. Nga ana tjetër, sipas ekspertit, edhe faqet ekstremiste të krahut të djathtë e kanë në shënjestër kancelarin Merz./DW

    Top Channel

  • Tirana “historike” për Merz! Samiti i parë europian si kancelar i Gjermanisë

    Tirana “historike” për Merz! Samiti i parë europian si kancelar i Gjermanisë

    Takimi i “Komunitetit Politik Europian”, që bëri bashkë kryetarë shtetesh e qeverish të Europës në Tiranë, pati një rëndësi të veçantë për Fridriech Merz.

    Kjo sepse ishte hera e parë për të, që merrte pjesë në një samit europian si kancelar i Gjermanisë. Shqipëria është vendi i parë i Ballkanit Perëndimor që organizoi dhe mikpriti pjesëmarrësit e këtij samiti, i mbajtur nën moton : “Europa e re në një botë të re: Unitet, bashkëpunim, veprim i përbashkët” rreth 50 kryetarë shtetesh dhe qeverish diskutuan për sigurinë europiane, luftën ruse ndaj Ukrainës, aftësinë e konkurrencës dhe migracionin”.
    Krahas 27 vendeve të BE-së, në këtë format konsultimesh u përfshinë edhe vende të tjera europiane si dhe shtetet e Ballkanit Perëndimor, Turqia dhe Mbretëria e Bashkuar. Nuk mungoi të premten në Tiranë as presidenti ukrainas Volodymyr Zelenskyj, ndërsa duke dërguar një mesazh të qartë, nuk ishte ftuar as Rusia e as Bjellorusia, aleate e ngushtë e saj. Merz e cilësoi pjesëmarrjen në samit si “një mundësi të mirë për të takuar shumë kryetarë shtetesh dhe qeverish europiane,”.
    Disa pjesëmarrës kanë “pritshmëri të larta tek kancelari gjerman, sikurse edhe kryeministrja daneze Mette Frederiksen. Me udhëtimet e tij të para në Paris dhe Varshavë, në Bruksel dhe Kiev Friedrich Merz deri tani është “prezantuar fuqishëm” në skenën europiane, thotë politologu Janis Emmanouilidis nga Think Tank-u në Bruksel “European Policy Center.”
    Por pritshmëritë ndaj tij dhe qeverisë së tij janë “ekstremisht të larta.” Shumë vende anëtare të BE-së mendojnë, se Gjermania duhet të bashkëdrejtojë më shumë në nivel europian, të marrë vendime dhe të çojë përpara proceset, nënvizon në intervistë për DW Emmanouilidis.
    Nëse pritshmëritë mund të përmbushen, kjo varet se sa i fuqishëm do të jetë ai si kancelar në nivelin kombëtar, thekson politologu. Sepse ai së pari duhet të fitojë besimin e popullsisë si dhe brenda radhëve të veta. Ndonjëherë pyes veten, thotë Emmanouilidis, mos vallë pres shumë prej një kancelari, të cilit tani i duhet kohë së pari të ambientohet me rolin e tij të ri.

    Top Channel

  • Njeriu që e shpëtoi kancelarin Merz

    Njeriu që e shpëtoi kancelarin Merz

    BILD

    Në fund, pati një përqafim! Nga lehtësimi. Një falënderim. Friedrich Merz, sapo u zgjodh kancelar, e mori në përqafim Alexander Dobrindt, përfaqësuesin e CSU në Berlin, i cili tani do të jetë Ministër i Brendshëm. Ai ka shumë për ta falënderuar. Pjesërisht edhe për faktin se sot ai ndodhet këtu si kancelar.

    Sepse Dobrindt, dikur i përqeshur në Berlin për shkak të kostumeve të tij me ngjyra të ndezura, këpucëve me majë dhe theksit të Bavarisë, është një lloj “luftëtari” i Unionit: Që nga viti 2002, i zgjedhur drejtpërdrejt në Bundestag, ai i njeh të gjithë ata që janë akoma aty dhe di më shumë se ata që sapo kanë ardhur. Një negociator me një libër kontaktesh telefonike plot. Në moshën 54-vjeçare, ai është një veteran i Berlinit.

    Shpesh paksa bastard në fjalor, por pastaj përsëri i qetë kur bëhet fjalë për çështjen.

    Gjatë rrugës së Merz drejt kancelarisë, Dobrindt arriti kryeveprën e tij. Ai ishte si një trajner taktik.

    Dobrindt ishte në krye të ekipit të shpëtimit për kancelarin Merz tri herë.

    ► Kur negociatat për koalicionin midis CDU/CSU dhe SPD-së ngecën plotësisht dhe rrezikonin të dështonin, ishte Dobrindt ai që negocioi me udhëheqësin e SPD-së, Lars Klingbeil. Ishte Dobrindt ai që vazhdonte të jepte sugjerime. Në fund: marrëveshje!

    ► Ai luajti një rol kyç në sigurimin e miratimit nga të Gjelbrit të amendamentit kushtetues për paketën e borxhit. Kur gjithçka ishte pranë dështimit, ishte përsëri Dobrindt ai që negocioi çështjen. Merz i kishte zemëruar të Gjelbrit me kritikat ndaj tyre. Dobrindt e mori situatën në dorë dhe negocoi privatisht me udhëheqësen e grupit parlamentar të Partisë së Gjelbër, Katharina Dröge. Sërish marrëveshje!

    ► Përsëri në këtë ditë të mbushur me dramë: Një koalicion i ri po shqyrton mundësinë se si mund të zgjidhet Merz këtë të martë dhe nëse është e nevojshme të flasë me të majtën për çështje procedurale. Vetëm një person në këtë grup ka një numër nga e majta: Dobrindt. Ai krijon një lidhje me udhëheqjen e grupit parlamentar. Dobrindt dhe kreu i grupit parlamentar, Jens Spahn,  negociojnë. Partia e Majtë nuk dëshiron të shkojë në zgjedhjet për kancelar. Marrëveshje!

    “Spiegel” e quan Dobrindtin “lojtar kyç” ose “njeriu beta, pa të cilin nuk funksionon asgjë”.

    Ai shërben si lidhje midis kreut të CSU-së, Markus Söder dhe Merz: Dobrindt koordinoi bashkëpunimin midis Merz dhe Söder – dhe luajti një rol kyç për t’u siguruar që të dy të shkonin mirë me njëri-tjetrin.

     

  • Kancelar pas një dështimi: Dhe tani në punë…!

    Kancelar pas një dështimi: Dhe tani në punë…!

    Friedrich Merz është zyrtarisht Kancelari i ri i Gjermanisë. Politikani gjerman, i cili në katër muaj ka marrë “shuplaka” të forta nga parlamenti i vendit të tij nga dy pozicione të ndryshme, u betua dhe ministrat e tij e ndërmorën shpejt dhe pa deklarata pompoze detyrën.
    I pyetur për dështimin e tij për t’u zgjedhur në votimin e parë në Bundestag, zoti Merz foli për një “të metë të vogël” dhe siguroi se besimi i tij tek udhëheqësi i SPD-së dhe partneri qeveritar Lars Klingbeil mbetet i pandryshuar. Koalicioni qeverisës, tha ai, “duhet të gjykohet për arritjet e tij në imigracionin, ekonomi dhe sigurimin e paqes dhe lirisë, dhe ne e dimë se duhet të qeverisim mirë për të zgjidhur problemet e vendit tonë”.
     “Çfarë dite,” tha Friedrich Merz ndërsa morri zyrtarisht detyrat e tij si Kancelar nga Olaf Scholz në largim. Gjatë ceremonies, Merz nuk kishte gjë tjetër veçse lëvdata për paraardhësin e tij, dhe veçanërisht për deklaratën e tij për një “Pikë Kthese” (Zeitenëende) që do të shënonte mandatin e tij.
    “Ju e mbajtët Gjermaninë në rrugën e duhur gjatë kësaj periudhe dhe në fund morët vendimet e duhura”, tha Friedrich Merz duke iu drejtuar Olaf Scholz dhe shtoi se pas pushtimit rus të Ukrainës në shkurt 2022, Scholz “mbajti një nga fjalimet vërtet të mëdha të një kancelari” kur foli për një “Pikë Kthese”, duke përdorur një term që u përvetësua më vonë në shumë gjuhë. “Faleminderit”, tha Merz, i cili mori duartrokitje në hollin e kancelarisë dhe i uroi ish-kancelarit punë të mbarë, i cili do të mbetet në Bundestag si anëtar i parlamentit. “Pres me padurim bashkëpunimin tonë në parlament dhe do të shfrytëzoj këshillat dhe ndihmën tuaj”, shtoi ai.
    Duke iu referuar qeverisë së tij, Kancelari i ri premtoi vendosmëri në zgjidhjen e problemeve të Gjermanisë. “Ne jemi një koalicion qeverisës nga qendra e spektrit politik dhe jam shumë i bindur se do të jemi në gjendje t’i zgjidhim problemet e vendit tonë me përpjekjet tona, me këtë kabinet dhe këtë parlament”, tha ai.
    “Tani po fillojmë punën”, tha kancelari i ri për ARD. /tesheshi.com/
     
     
     

  • Friedrich Merz: Kush është kancelari i ri gjerman? Njeriu që synon dërgimin e raketave gjermane në Ukrainë

    Friedrich Merz: Kush është kancelari i ri gjerman? Njeriu që synon dërgimin e raketave gjermane në Ukrainë

    Friedrich Merz u zgjodh më në fund kancelar i Gjermanisë. Kryetari i CDU-së mori 325 vota – ndërsa për shumicën e nevojshme për kancelar nevojiteshin 316 vota. Në raundin e parë, Merz kishte dështuar.
    Kryetari i partisë konservatore gjermane Unioni Kristian-Demokrat (CDU), Friedrich Merz, nuk e pati të lehtë fillimin në detyrën e re. Në raundin e parë të votimit në Bundestag më 6 maj 2025, Merz nuk arriti të siguronte shumicën e nevojshme prej 316 votash. Por në raundin e dytë ai mori 9 vota më shumë se ç’i nevojiteshin për t’u zgjedhur kancelar. Ishte hera e parë në historinë e Gjermanisë që një kandidat për kancelar refuzohet në votimin e parë – një tjetër pengesë në një karrierë politike me ulje-ngritje.

    Friedrich Merz bën betimin si kancelar para kryetares së Bundestagut Julia Klöckner, pas votimit të dytë në parlament më 6 maj 2025 në Berlin.Friedrich Merz bën betimin si kancelar para kryetares së Bundestagut Julia Klöckner, pas votimit të dytë në parlament më 6 maj 2025 në Berlin.
    Kthim pas 12 vitesh në politikë
    Merz, ish-kryetar i grupit parlamentar të Unionit, u rikthye në Bundestag në vitin 2021, pas një mungese 12-vjeçare nga politika. Në moshën 69-vjeçare ai bëhet kancelari më i moshuar i Gjermanisë që nga Konrad Adenauer, i cili mori detyrën në moshën 73-vjeçare.
    Karriera politike e Merz-it ndahet në dy faza: përpara dhe pas epokës Merkel. Në vitin 2002, kur Angela Merkel mori drejtimin e grupit parlamentar të CDU-së dhe më vonë u bë kancelare, Merz u tërhoq nga skena politike. Ai kishte ambicie për postin e kancelarit që herët, por CDU/CSU zgjodhi si kandidat Edmund Stoiberin, i cili humbi përballë Gerhard Schröderit. Më pas Merz u përqendrua në karrierën si jurist dhe nuk kandidoi më për Bundestagun në 2009.
    Jurist, menaxher, orator
    Me origjinë nga rajoni Sauerland në perëndim të Gjermanisë, Merz është katolik dhe jurist, si babai i tij. Në vitin 1989 u zgjodh deputet në Parlamentin Europian, ndërsa në vitin 1994 kaloi në Bundestag. Dallohej për stilin e tij të drejtpërdrejtë dhe oratorinë e fuqishme.
    Gjatë periudhës larg politikës Merz u bë figurë qendrore në sektorin financiar. Nga 2016 deri më 2020, ai ishte kryetar i bordit mbikëqyrës të BlackRock në Gjermani – një fakt që për disa është avantazh, por për kritikët mbetet pikë e dobët për shkak të mungesës së përvojës qeveritare.​​
    Kurs më konservator
    Merz përfaqëson një krah më konservator brenda CDU-së. Ai nuk e mbështeti kriminalizimin e përdhunimit brenda martesës në vitin 1997 dhe ka qenë mbrojtës i fortë i energjisë bërthamore. Po ashtu, ai bën thirrje për më pak burokraci dhe më shumë përgjegjësi individuale.
    Në vitin 2023 ai shkaktoi debat me kritikat ndaj integrimit të refugjatëve: “Ka njerëz që nuk kanë ç’kërkojnë në Gjermani… që i tolerojmë prej kohësh duke mos i deportuar, dhe pastaj habitemi kur shohim se si baballarët u mohojnë mësuesve – sidomos mësueseve – çdo autoritet mbi fëmijët e tyre, që sillen sikur të ishin ‘pashallarë të vegjël’.”
    Rënie e besueshmërisë
    Edhe pse fitoi zgjedhjet në shkurt 2025, popullariteti personal i Merz-it ka rënë. Vetëm 21% e gjermanëve e konsiderojnë të besueshëm, sipas një sondazhi të muajit prill. Vetëm 40% e shohin si lider të fortë dhe 27% mendojnë se ai “e kupton çfarë i shqetëson njerëzit”.
    Friedrich Merz me pamje të përqendruar në sallën e Bundestagut në Berlin, ditën kur u mbajt raundi i dytë për zgjedhjen e kancelarit të ri të Gjermanisë, më 6 maj 2025.Friedrich Merz me pamje të përqendruar në sallën e Bundestagut në Berlin, ditën kur u mbajt raundi i dytë për zgjedhjen e kancelarit të ri të Gjermanisë, më 6 maj 2025.
    Rënia e besueshmërisë lidhet edhe me manovrat e tij politike: në janar 2025 CDU miratoi një mocion në Bundestag me votat e ekstremit të djathtë AfD – diçka që Merz e kishte përjashtuar më parë. “Ne nuk do të bashkëpunojmë me partinë që e quan veten Alternativa për Gjermaninë,” deklaroi ai më 3 shkurt. Po ashtu, në mars ra dakord me SPD dhe Të Gjelbrit për të zbutur frenën e borxhit, duke hapur rrugë për 1 trilion euro kredi – një kthesë që i zemëroi votuesit konservatorë.
    Mesazh për Donald Trump
    Në politikën e jashtme Merz është pro dërgimit të raketave Taurus në Ukrainë – duke kaluar vijën e kuqe të paraardhësit Olaf Scholz. “Nuk jemi palë në këtë luftë dhe nuk duam të bëhemi të tillë. Por as nuk jemi spektatorë të painteresuar,” tha ai në një intervistë për ARD më 28 prill.
    Merz kërkon që Gjermania të marrë rol udhëheqës në Evropë dhe NATO. “Mesazhi im për Donald Trump është: Gjermania është kthyer në rrugën e duhur,” deklaroi ai më 9 prill. “Ne do të përmbushim detyrimet për mbrojtjen dhe do të forcojmë aftësinë tonë konkurruese – jo vetëm për Gjermaninë, por për gjithë BE-në.”
    Udhëtimet e tij të para si kancelar janë simbolike: Paris, Varshavë. Dhe, shumë shpejt, ndoshta edhe Tirana, ku më 16 maj mbahet takimi i radhës i Komunitetit Politik Evropian./DW/

  • Merz konfirmohet si kancelar, merr 325 vota

    Merz konfirmohet si kancelar, merr 325 vota

    Friedrich Merz është bërë kancelari i ri i Gjermanisë, pasi fitoi një votim të dytë në parlamentin e vendit, pas dështimit në raundin e parë më herët sot.
    Më parë humbi për 6 vota, por tashmë është zyrtarisht kancelar i miratuar, shkruajnë mediat e huaja.
    Për zgjedhjet e tij si kancelar u mblodhën 325 vota pro, ku në fakt kërkoheshin më shumë se 316 vota. 289 kundër, një abstenim, tre vota të pavlefshme.

    Merz, udhëheqësi i konservatorëve CDU/CSU të vendit, është bërë kancelari i 10-të që nga fundi i Luftës së Dytë Botërore.

  • Friedrich Merz zgjidhet kancelar i Gjermanisë në raundin e dytë të votimit në Bundestag

    Friedrich Merz zgjidhet kancelar i Gjermanisë në raundin e dytë të votimit në Bundestag

    Friedrich Merz, ka fituar votimin parlamentar për t’u bërë kancelar në përpjekjen e dytë, disa orë pas një humbje të paprecedentë që sinjalizoi pakënaqësi të thellë brenda koalicionit të tij.

    Në një seancë të organizuar me nxitim të martën pasdite, 325 ligjvënës votuan për të miratuar Merz, më shumë se 316 që i nevojiteshin për t’u konfirmuar si kancelar i Gjermanisë.
    Merz, i cili fitoi zgjedhjet në shkurt dhe krijoi një koalicion qeverisës muajin e kaluar, nuk u konfirmua në raundin e parë gjatë ditës së sotme pasi mori vetëm 310 vota, një pengesë tronditëse që shënoi një kthesë tjetër në një periudhë të vështirë pasigurie për vendin.
    Ai tani është gati të bëhet zyrtarisht kancelar pasi u miratua nga Presidenti gjerman. Por mandati i tij do të fillojë në një bazë të paqëndrueshme: Votat e së martës zbuluan ngurrim brenda koalicionit të tij dhe i dhanë partisë kryengritëse të ekstremit të djathtë AfD një mundësi të re për të trazuar Bundestagun.

    Top Channel

  • Merz zgjidhet kancelari i ri i Gjermanisë në raundin e dytë

    Merz zgjidhet kancelari i ri i Gjermanisë në raundin e dytë

    Scholz i jep dorën Merz

    BERLIN- Lideri konservator gjerman Friedrich Merz u zgjodh Kancelar i Gjermanisë nga parlamenti federal Bundestag në raundin e dytë të martën. Në votimin e fshehtë ai mori 325 vota pro dhe në këtë mënyrë 9 vota më shumë se shumica e nevojshme prej 316. Grupet parlamentare të koalicionit CDU/CSU dhe SPD kanë 328 vende në Bundestag. Suksesi erdhi pasi aleanca CDU/CSU me Socialdemokratët (SPD) pa pritur nuk arriti shumicën e nevojshme absolute për kancelarin në përpjekjen e parë.
    “Ju falenderoj për besimin dhe e pranoj zgjedhjen”, deklaroi Friedrich Merz, pasi u pyet nga Presidentja e Bundestagut, Julia Klöckner, a e pranon zgjedhjen.
    Pas kësaj, Friedrich Merz udhëtoi në Pallatin Bellevue: Presidenti Frank-Walter Steinmeier i dorëzoi Friedrich Merzit dokumentin e emërimit zyrtar si Kancelar.Ministrat e tjerë të qeverisë Merz do t’i marrin dokumentet e emërimit nga Presidenti Steinmeier sonte në mbrëmje. Në orën 19.15 ish-Kancelari Olaf Scholz do t’i dorëzojë detyrat Kancelarit Friedrich Merz.
    Që votimi për kancelarët në Gjermani është akt me të panjohura, kjo nuk është e re. Këtu ndikon edhe fakti që kandidati për kancelar zgjidhet me votë të fshehtë. Ish-kancelari i pasluftës Konrad Adenauer u zgjodh në post me vetëm një votë me tepër se shumica e nevojshme absolute. Vetëm dy vota më tepër se shumica e nevojshme mori atëherë në votimin për kancelar edhe Helmut Kohl. Kjo nuk i pengoi ata ta drejtojnë përkatësisht 14 vjet dhe 16 vjet Gjermaninë.
    Por pak orë më parë sot patëm një sensacion: kreu i CDU-së Friedrich Merz nuk u zgjodh në raundin e parë të zgjedhjeve për kancelar në Bundestag. Në një votim të fshehtë, ai mori 310 vota, gjashtë më pak se shumica e nevojshme prej 316.
    “Deputeti Friedrich Merz nuk mori shumicën e kërkuar prej të paktën 316 votash,” deklaroi Presidentja e Bundestag-ut Julia Klöckner.
    “Në përputhje me Nenin 63 (2) të Ligjit Themelor, Kancelari Federal i Republikës Federale të Gjermanisë nuk është zgjedhur.”
    Sipas Klöcknerit, në votim morën pjesë 621 nga 630 deputetët.
    Grupet parlamentare diskutuan procedurën
    Kjo ishte e re në historinë e Republikës Federale të Gjermanisë. Asnjëherë më parë, pas zgjedhjeve të Bundestagut dhe negociatave të suksesshme të koalicionit nuk ka dështuar në Bundestag një kandidat për kancelar. Si rezultat, seanca e Bundestagut u ndërpre. Grupet parlamentare diskutuan se si të vazhdojnë.
    Presidentja e Bundestagut, Julia Klöckner, deklaroi më pas se kishte thirrur një raund të dytë për nesër, të mërkurën, për të deklaruar më vonë se raundi i dytë do të mbahej po të martën. Sipas burimeve të Bundestagut, kjo u parapri nga konsultime midis Presidentes të Bundestagut dhe grupeve parlamentare.
    Mbështetje nga CDU për Merzin
    Kreu i CDU-së, Friedrich Merz, ishte i vendosur të kandidonte përsëri dhe kishte marrë mbështetje dërrmuese në grupin parlamentar. Brenda grupit parlamentar të partive unioniste, u deklarua se partitë unioniste mbështesin Merzin, se kjo është në ADN-në e Unionit. Votat e mbetura mund të vinin vetëm nga SPD-ja. Duartrokitje për Merzin u dëgjuan në sallën e grupit parlamentar të partive unioniste për disa minuta.
    Sekretari i Përgjithshëm i CDU-së, Carsten Linnemann kërkoi një vendim të shpejtë. Evropës i duhet një Gjermani e fortë, deklaroi Linnemann në Bundestag. Kjo është arsyeja pse nuk mund të presim me ditë të tëra. “Kjo nuk është shaka,”-deklaroi politikani i CDU. Procedura ligjore po studiohet, tha ai, “sepse nuk ka shumë përvojë në këtë fushë”.
    Merz dhe bashkëkryetari i SPD-së, Lars Klingbeil, kishin theksuar të hënën (05.05) se kishin një shumicë të qartë të grupeve të ardhshme parlamentare për zgjedhjen e kancelarit. Në mbledhjet e jashtëzakonshme të grupeve parlamentare të mbajtura në mëngjes, si partitë unioniste ashtu edhe SPD konfirmuan se të gjithë deputetët ishin të pranishëm.
    Me sa duket, kishte pakënaqësi
    Sipas agjencisë së lajmeve Reuters, fakti që deputetët e partive unioniste dhe SPD-ja nuk votuan për Merzin në raundin e parë u shpjegua në qarqet e koalicionit me ekzistencën e një sërë pakënaqësish. Midis tyre mund të ishin politikanë që nuk fituan poste në formimin e qeverisë. Megjithatë, SPD kishte gjithashtu rezerva themelore për Merzin. Edhe partitë unioniste dyshojnë se votat e munguara erdhën nga SPD-ja, sipas një burimi të konsultuar nga Reuters. Por grupi parlamentar i SPD-së nuk e pa përgjegjësinë për rezultatin që bie brenda radhëve të tij.
    “Ne supozojmë se ka konsensus të plotë. Askush nuk mungonte”, sipas deklaratave të personave pranë Klingbeilit, të raportuara nga agjencia e lajmeve dpa. Por qarqe të tjera kishin sugjeruar më parë se pakënaqësia me pushtetin e Klingbeilit mund të kishte kontribuar në refuzimin për të dhënë mbështetjen e tij.
    Nga ana tjetër tek partitë unioniste, kritika solli ndryshimi i politikës financiare pas zgjedhjeve, me lehtësimin e frenës së borxhit për shpenzimet e mbrojtjes dhe një fond të veçantë prej miliarda eurosh për infrastrukturën. Seanca e votimit u ndoq në sallë nga një numër i madh të interesuarish. Në mënyrë të veçantë, Presidentja e Bundestagut Julia Klöckner përshëndeti në fillim të seancës në sallë ish-kancelaren Angela Merkel. Deri në zgjedhjen e kancelarit të ri, Olaf Scholz vazhdon të kryejë funksionet si kancelar në detyrë./DW