Federata e Futbollit do të organizojë për të tretin vit radhazi seleksionime me futbollistë shqiptarë të talentuar, vajza dhe djem, që jetojnë në Shtetet e Bashkuara të Amerikës dhe në Kanada.
Ky seleksionim, i kthyer tashmë në një traditë për komunitetin shqiptar në SHBA dhe Kanada, do të zhvillohet më 28 qershor 2025, në kompleksin “Hudson Sports Complex, Warwick NY”, dhe do të fokusohet te lojtarët e vitlindjeve 2009, 2010, 2011, 2012 dhe 2013.
Në këto seleksionime do të marrë pjesë edhe përgjegjësi i skautizmit në FSHF, Ardi Behari, i cili do të ndjekë nga afër gjithë procesin me futbollistët shqiptarë të talentuar që jetojnë në SHBA dhe Kanada.
Qëllimi i këtij projekti është identifikimi i talenteve të reja, që mund të jenë potencial i vlefshëm për ekipet kombëtare të moshave, si për vajzat ashtu edhe për djemtë.
Për të marrë pjesë, të interesuarit duhet të dërgojnë të dhënat e tyre në adresën e e-mailit, ansi@ab7socceracademy.com ose hsalihi@fshf.al duke specifikuar: emrin, mbiemrin, datëlindjen, klubin ku aktivizohen, pozicionin në fushë, uebfaqen zyrtare të klubit, pasaportën që zotërojnë, si dhe një numër kontakti.
Tag: kanada
-
FSHF organizon për të tretin vit radhazi seleksionime në SHBA, si mund të bëheni pjesë
-
Punëtorët kanadezë në teh, fabrika e makinave në pauzë pas tarifave amerikane
Kompania automobilistike Stellantis ka njoftuar se do të mbyllë përkohësisht fabrikën e saj të montimit në Windsor javën e ardhshme, si pasojë e tarifave të reja mbi automjetet e huaja të vendosura nga presidenti amerikan Donald Trump.
Tarifat e reja parashikojnë një taksë prej 25% për të gjitha automjetet e prodhuara jashtë SHBA-së. Për automjetet kanadeze, tarifa ulet në 12.5% nëse të paktën gjysma e komponentëve janë të prodhuara në SHBA. Kjo masë ka shkaktuar shqetësim në Windsor, një qytet që ndodhet në kufi me Detroit-in dhe është qendër e rëndësishme e industrisë së automobilave në Kanada.
Në përgjigje, qeveria kanadeze njoftoi vendosjen e një tarife 25% për makinat amerikane të importuara në Kanada që nuk plotësojnë kriteret e marrëveshjes së tregtisë së lirë mes SHBA-së, Kanadasë dhe Meksikës (USMCA). Tarifat nuk do të zbatohen për pjesët e makinave, ndërsa për prodhuesit që ruajnë prodhimin në Kanada parashikohen përjashtime nga tarifa.
Ndërkohë, liderët federalë kanadezë kanë propozuar masa shtesë për të përballuar situatën. Kryetari i Partisë Konservatore, Pierre Poilievre, ka kërkuar heqjen e taksës federale për makinat e reja të prodhuara në Kanada, ndërsa udhëheqësi i Partisë së Re Demokratike, Jagmeet Singh, ka propozuar emetimin e “Bonove të Fitores” për të financuar industrinë vendase.
Industria e automobilave në Amerikën e Veriut është shumë e integruar, me automjete që kalojnë disa herë kufijtë SHBA-Kanada-Meksikë gjatë procesit të prodhimit. Ekspertët paralajmërojnë se tarifat mund të ndikojnë ndjeshëm në zinxhirët e furnizimit dhe të rrisin çmimin e automjeteve për konsumatorët.
Fabrika e Stellantis në Windsor do të mbyllet për dy javë. Kompania ka ndërprerë gjithashtu prodhimin në fabrikën e saj në Toluca, Meksikë, për një muaj dhe ka pushuar nga puna 900 punëtorë në SHBA. Kanadaja eksporton rreth 93% të automjeteve të saj në SHBA, duke e bërë vendin veçanërisht të ndjeshëm ndaj këtyre tarifave.