Zhvillime të reja në lidhje me vrasjen e dyfishtë në një kamping në Finikounda të Greqisë të dielën, ndërsa prova të tjera dalin në dritë.
Pista kryesore për krimin e dyfishtë mbetet ajo e konflikteve për pasurinë, pasi mësohet se biznesmeni ia kishte lënë shqiptarit dhe një të afërmi tjetër.
Policia ka dy të dyshuar, teksa testamenti i biznesmenit pritet të hapet ditën nesërme dhe do ndihmojë hetuesit për të përforcuar dyshimet e arsyeshme.
“Kështu, nesër në mëngjes në Gjykatën lokale të Magjistraturës, do të hapet testamenti i 68-vjeçarit me qëllim zgjidhjen e çdo dyshimi dhe pyetjeje”, informon Protothema.
Në pyetje u mor edhe nipi i viktimës, që i mbijetoi plumbave dhe për të cilin thuhet se ka dhënë dëshmi kontradiktore gjatë marrjes në pyetje. Mediat greke raportojnë se dy persona tashmë janë shoqëruar dhe janë të dyshuar, por ende të arrestuar.
I dyti është një 17-vjeçar që u soll u mor në pyetje për disa orë nga autoritetet, pasi ai i njihte të dy viktimat – si pronarin e kampingut ashtu edhe kujdestarin shqiptar (punëtori). Policia e dinte që i riu i përkiste rrethit të tyre të ngushtë, pasi ai ishte shpesh me ta gjatë muajve të verës.
Siç e përshkroi nipi i viktimës, autori duket të jetë një i ri i moshës 17 deri në 18 vjeç, i cili flet greqisht të çalë, ka flokë bjond dhe lëkurë të çelët. Në ditën e vrasjes së pronarit dhe kujdestarit, ai mbante veshur një bluzë me ngjyrë të çelët dhe po ngiste një skuter.
Në pyetje u mor edhe punonjësi i një karburanti, ku kaloi motori i autorit, që dha dëshmi ndryshe, se kishte lëkurë të errët dhe jo të çelët.
Skuteri i autorit të krimit që ekzekutoi ftohtësisht pronarin e kampingut dhe kujdestarin e tij në Finikounda u gjet në Ilia, ndërsa, siç duket, distanca e përshkuar nga autori është shumë më e madhe se sa ishte vlerësuar fillimisht. Sipas “Mega”, autoritetet gjetën pamje filmike të kamerave në Kyparissia që regjistruan kalimin e vrasësit, me skenarët që sugjerojnë se zona është ose vendi i fshehjes, ose shtëpia e autorit të krimit.
Në fakt, duhet theksuar se një i dyshuar i dytë u soll për t’u marrë në pyetje në lidhje me rastin. Megjithatë, nipi i pronarit, i cili ishte dëshmitar okular i vrasjes, nuk njohu asnjërin prej tyre, duke rezultuar në lirimin e tyre.
Vrasja e dyfishtë ndodhi natën e së dielës. Sipas informacioneve të para të mbledhura nga autoritetet në lidhje me incidentin e frikshëm, ky person e pyeti pronarin 68-vjeçar të kampingut dhe një mikun e tij 61-vjeçar (i cili punonte në biznes) nëse kishin një dhomë.
Kur ata refuzuan, ai nxori armën dhe i qëlloi në zonën e pritjes. Nipi i pronarit të kampingut ishte gjithashtu në vendngjarje në kohën e krimit, dhe ai shpëtoi mrekullisht. Autori qëlloi drejt tij, por nuk arriti ta godiste.
gijotina,com/
Tag: kampingut
-
Vrasja në kamping e shqiptarit dhe e grekut, dyshohet se shkak është testamenti, 2 persona të dyshuar si autorë
-
Vrasja e biznesmenit grek dhe shqiptarit në Greqi, dy pistat ku po heton policia
Dy ditë pasi pronari i një kampingu dhe punëtori i tij shqiptar u vranë në Finikounda, policia greke mësohet se po heton në dy pista, atë personale ose financiare.
Hetuesit e policisë që po merren me çështjen kanë përjashtuar tashmë grabitjen si motiv dhe duken të bindur se pas sulmit fshihen arsye të tjera, më personale.
Duke marrë parasysh dy sulmet që pronari i kampingut dyshohet se kishte marrë në të kaluarën e afërt nga një person i panjohur (ai nuk përmendi askënd specifik për autoritetet), policia po shqyrton mundësinë që të jetë i njëjti autor .
Pyetjet kryesore që u kërkohet të përgjigjen janë dy: E para është nëse autori dhe viktimat njiheshin me njëri-tjetrin dhe në çfarë mënyre? E dyta është nëse ka dikush që do të përfitonte nga vdekja e pronarit të kampingut dhe që mund të “urdhëronte” vrasjen e tij. Kjo për shkak se viktima kishte pronë të konsiderueshme, me informacione që tregojnë se ai kishte caktuar kujdestarin e vrarë dhe një të afërm si trashëgimtarë të tij të vetëm. Kjo është arsyeja pse policia po analizon të gjitha kontaktet e viktimës për të përcaktuar nëse ai mbante kontakte me njerëz që mund t’i dëshironin të keqen.
Fakti që motivet janë personale është i dukshëm edhe nga mënyra se si vepronte autori i ri . Ai e la motorin e tij në hyrje të objektit, hyri në zonë duke ecur pa mbuluar tiparet e fytyrës (ai ndoshta e dinte se nuk kishte kamera në zonë), qëndroi para pronarit të kampingut dhe kujdestarit dhe i ekzekutoi ata me gjakftohtësi. Pastaj, pa hequr asnjë send nga zona, ai u kthye në automjetin e tij dhe iku me vrap.
Policia nuk gjeti asnjë gëzhojë në vendngjarje, gjë që përforcon vlerësimin se arma e vrasësit ishte një revolver. Burri i parë u vra në vend, brenda zyrës së biznesit, ndërsa viktima e dytë, kujdestari, u përpoq të arratisej, por autori e qëlloi pas shpine dhe e vrau.
Nipi i pronarit, i cili ishte në vendngjarje në kohën e krimit, shpëtoi mrekullisht. Ai i tha policisë, autori qëlloi drejt tij, por nuk arriti ta qëllonte. Dëshmitari nuk e ka identifikuar autorin.
Duhet theksuar se ekzaminimi mjeko-ligjor i viktimave u mbajt në orën 11:00 në Korinth dhe pritet të hedhë më shumë dritë mbi ngjarjet e natës fatale. (Protothema.gr) -
Për pasurinë? Pse u vranë në kamping shqiptari dhe pronari i tij grek
Sipas mediave greke, dy burra u vranë të dielën, më 5 tetor, në një kamping në Foinikunda. Njëri prej tyre ishte shqiptar (punonjës) dhe tjetri pronari i tij grek.
Hetuesit e policisë greke kanë përjashtuar si motiv grabitjen, duke u fokusuar te dy pista të tjera, më personale.
Pronari i kampingut, me një pasuri të konsiderueshme, ishte sulmuar më parë nga një person i panjohur. Policia po heton nëse bëhet fjalë për të njëjtin person.
Një nga pyetjet kryesore është nëse viktimat dhe autori njiheshin dhe nëse ka një person që do të përfitonte nga vdekja e pronarit, i cili kishte lënë si trashëgimtarë vetëm punëtorin shqiptar dhe një të afërm.
Sipas raportimeve, autori ishte i ri dhe veproi me kujdes: la motorin jashtë kampingut, hyri pa mbuluar fytyrën (ndoshta duke qenë se aty nuk kishte kamera), qëlloi me armë pronarin grek dhe shqiptarin dhe u largua pa marrë asnjë send.
Policia beson se arma e përdorur ishte një pistoletë, pasi nuk u gjetën gëzhoja në vendngjarje. Pronari u vra brenda zyrës së kampingut, ndërsa shqiptari u qëllua teksa tentonte të ikte.
Në vendngjarje, ishte edhe nipi i 70 vjeçarit, i cili nuk e ka parë autorin.
Ekspertët mjeko-ligjorë kryen ekzaminimin e viktimave më 6 tetor në Korinth dhe pritet që rezultatet të hedhin më shumë dritë mbi ngjarjen tragjike.
-
Ngjarja e rëndë në kamping, zbardhet dinamika e vrasjes së shqiptarit dhe grekut
Një shqiptar dhe një grek mbetën të vrarë mbrëmjen e të dielës (5 tetor) në rajonin e Mesinisë në Greqi. Ngjarja e rëndë ndodhi në ambientet e një kampingu në zonën turistike të Finikundas.
Sipas informacioneve të para nga autoritetet, rreth orës 20:30 të mbrëmjes, policia u thirr në kamping pas raportimeve për të shtëna armësh. Në vendngjarje u gjetën të pajetë dy persona.
Njëri prej viktimave është identifikuar si një shtetas grek, rreth 70 vjeç, pronar i kampingut. Viktima tjetër është një burrë me origjinë shqiptare, rreth 60 vjeç, i cili punonte si përgjegjës i mirëmbajtjes në të njëjtin kamping.
Sipas dëshmive të banorëve lokalë, autori dyshohet të jetë një i ri, i cili iu afrua dy viktimave dhe i qëlloi nga një distancë e afërt. Media greke MessiniaLive raporton se agresori hyri në recepsionin e kampingut me fytyrë të mbuluar dhe qëlloi për vdekje 70-vjeçarin. Më pas, pasi viktima shqiptare tentoi të largohej, edhe ai u qëllua për vdekje.
Pas krimit, autori dyshohet se është larguar me motor. Policia që mbërriti në vendin e ngjarjes ka konstatuar trupat e pajetë të dy burrave në recepsionin e kampingut, të mbuluar në gjak. Dyshohet se arma e përdorur ishte një pushkë gjahu.
Hetimet janë duke u zhvilluar nga Njësia për Hetimin e Krimeve të Rënda të Mesinisë, e cila po mbledh prova për të identifikuar dhe kapur autorin. Burime nga policia bëjnë me dije se ka dyshime të forta që autori dhe viktimat njiheshin më parë.
Një detaj i rëndësishëm që është bërë publik është se rreth 15 -20 ditë para vrasjes, pronari i kampingut kishte raportuar në polici për të shtëna dhe një tentativë për atentat ndaj tij në një tjetër biznes që ai zotëron brenda fshatit Finikunda.
Gjithashtu, sipas MessiniaLive, gjatë verës kishte ndodhur një përplasje e ashpër mes palëve, ku 70-vjeçari ishte plagosur në fytyrë, por rasti nuk ishte ndjekur më tej nga autoritetet. -
Atentat në Greqi, vritet shqiptari dhe një shtetas grek
Një vrasje e dyfishtë ka ndodhur mbrëmjen e sotme në një kamping në zonën e Messenia, Greqi.
Sipas mediave greke, pronari i kampingut, shtetas grek dhe miku i tij, kujdestar i kampingut, me origjinë shqiptare humbën jetën.
Pronari i kampingut, rreth 70 vjeç u gjet i vdekur jashtë kampingut.Pak më larg, në të njëjtën zonë, kujdestari i kampingut, u gjet gjithashtu i vdekur.
Policia greke ndodhet në vendngjarje, ndërsa autori është arratisur.
Sipas mediave vendase, disa ditë më parë, persona të panjohur e kishin kërcënuar dhe rrahur pronarin e kampingut./vizionplus.tv -
Detaje nga vrasja e dyfishtë në Greqi, si u përpoq të arratisej 55-vjeçari
Të tjera detaje kanë dalë nga vrasja e dyfishtë mbrëmjen e kësaj të diele në Greqi.
Ngjarja e rëndë ndodhi rreth orës 20:30 të mbrëmjes së së dielës në kampingun e zonës Finikunda në Mesinia, ku një person ende i paidentifikuar hyri në ambientet e recepsionit dhe qëlloi për vdekje pronarin e kampingut, një burrë rreth 70 vjeç, banor i zonës.
Pak metra më larg, u gjet i vrarë edhe një 55-vjeçar, punonjës i kampingut dhe mik i afërt i pronarit. Sipas burimeve, ai u përpoq të arratisej, por u qëllua gjithashtu për vdekje nga i njëjti autor.
Të dy të plagosurit kanë ndërruar jetë në vendngjarje, ndërsa policia, e njoftuar nga banorë të zonës që dëgjuan të shtënat, gjeti trupat e tyre të pajetë dhe të mbuluar me gjak në ambientet e recepsionit.
Sipas raportimeve, rreth dhjetë ditë më parë, pronari i kampingut ishte kërcënuar dhe dhunuar nga persona të panjohur, por nuk kishte bërë kallëzim në polici, duke shmangur përshkallëzimin e situatës.
Menjëherë pas kësaj, sulmuesi u largua nga vendi i ngjarjes. Hetimet janë në vijim për të zbardhur motivet dhe rrethanat e plota të kësaj ngjarjeje të rëndë.Top Channel
-
Vriten dy persona në Greqi, njëri shqiptar
Dy persona janë vrarë në zonën e Kalamatës, Greqi.
Burime policore bëjnë me dije se njëri është shtetas grek 70-vjeç dhe pronar i kampingut ku ndodhi ngjarja, tjetri shqiptar rreth 50-vjeç, i cili u qëllua pas shpine në tentativë për të shpëtur prej ekzekutorëve.
Ngjarja e rëndë ndodhi rreth orës 20.30 të së djelës sipas orës lokale ne një kamping në vendin e quajtur Finikunda në afërsi të Kalamatës dhe deri tani mësohet se dy viktimat janë qëlluar me armë automatike.
Policia po heton lidhur me ngjarjen.
Informacionet tregojnë se rreth dhjetë ditë më parë, persona të panjohur e kishin kërcënuar dhe rrahur pronarin e kampingut.
Sipas informacioneve nga messinialive.gr, rreth orës 8:30 një sulmues i panjohur hyri me forcë në recepsionin e kampingut dhe qëlloi 70-vjeçarin, duke e plagosur për vdekje.
Punëtori 55-vjeçar u përpoq të arratisej, por u qëllua dhe u vra nga i njëjti sulmues. Menjëherë pas kësaj, sulmuesi u largua nga vendi i ngjarjes.
Arma me të cilën janë qëlluar ka qenë çifte.