Lajmidites.com

Tag: kamionë

  • Hithra, mrekulli për dhimbjet e kyçeve; Ja si ta përdorni

    Hithra, mrekulli për dhimbjet e kyçeve; Ja si ta përdorni

    Dhjetëra kamionë me ndihma u panë duke hyrë në Gaza nëpërmjet pikës kufitare Kerem Shalom, ndërsa të dielën ishin në proces përgatitjet për një rritje të ndihmave që do të hyjnë në Rripin e Gazës të shkatërruar nga lufta, sipas një marrëveshjeje të re armëpushimi.

    Kamionët, të cilët do të inspektohen nga forcat izraelite përpara se të lejohen të hyjnë, po transportojnë furnizime mjekësore, tenda, batanije, ushqim dhe karburant, tha Gjysmëhëna e Kuqe Egjiptiane.

    Egjipti tha se po dërgon 400 kamionë me ndihma, dhe Kombet e Bashkuara kanë thënë se kanë gati për të hyrë rreth 170,000 ton metrikë me ushqim, ilaçe dhe ndihma të tjera humanitare.

    “Ky është ushqim bazë i mjaftueshëm për të ushqyer të gjithë popullsinë e Gazës prej më shumë se dy milionë banorësh për deri në tre muaj”, shkroi në një deklaratë Programi Botëror i Ushqimit i Kombeve të Bashkuara.

    Duke filluar nga e diela, sasia e ndihmës që hyn në enklavën e shkatërruar nga lufta pritet të rritet në afërsisht 600 kamionë në ditë, siç përcaktohet në marrëveshjen e armëpushimit.

    Bllokada e ndihmës nga Izraeli, e vendosur gjatë luftës 2-vjeçare në Gaza, shkaktoi një krizë të rëndë urie në Rrip, me urinë të raportuar në disa zona të territorit palestinez, konfirmoi një organ i mbështetur nga OKB në gusht.

    Duke pretenduar se militantët e Hamasit po vidhnin ndihma, Izraeli e shtrëngoi bllokadën ushtarake të Gazës dhe në vend të kësaj krijoi Fondacionin Humanitar të Gazës (GHF), një organizatë e mbështetur nga SHBA-të, përgjegjëse për shpërndarjen e ndihmave.

  • FOTO/ Ura më e lartë në botë, 96 kamionë për testin e forcës

    FOTO/ Ura më e lartë në botë, 96 kamionë për testin e forcës

    Bota E Mërkurë, 27 Gusht 2025 15:32
    Ura e Kanionit të Madh Huajiang, një nga projektet më mbresëlënëse inxhinierike të Kinës, ka kaluar me sukses një provë kritike qëndrueshmërie vetëm disa javë para hapjes së saj.
    Ura masive e varur, e cila shtrihet në 625 metra mbi një grykë në lumin Beipan të provincës Guizhou, është më e larta në botë. Gjatësia e saj totale është më shumë se 2.8 km. Ndërtimi filloi në janar 2022 dhe pritet të hapet për qarkullim në fund të shtatorit.

    Ura u ndërtua me qëllim përmirësimin e lidhjeve rrugore në zonat e paarritshme, lehtësimin e tregtisë dhe rigjallërimin e provincës duke tërhequr turistë. Në këtë kontekst, është planifikuar edhe krijimi i një qendre të madhe për sporte ekstreme në rrëzë të luginës.

  • E rëndë në Gaza, kamioni me ndihma ushqimore përmbyset mbi turmën e njerëzve! Të paktën 20 viktima, shkaqet ende enigmë

    E rëndë në Gaza, kamioni me ndihma ushqimore përmbyset mbi turmën e njerëzve! Të paktën 20 viktima, shkaqet ende enigmë

    Të paktën 20 palestinezë kanë humbur jetën dhe dhjetëra të tjerë janë plagosur pasi katër kamionë që transportonin ndihma ushqimore u përmbysën në Rripin e Gazës, sipas agjencisë së mbrojtjes civile të drejtuar nga Hamasi.

    Sipas një deklarate të zyrës së medias qeveritare në Gaza, një nga kamionët u përmbys mbi një turmë njerëzish në pjesën qendrore të rajonit, duke shkaktuar viktima të shumta. Ngjarja ndodhi teksa qytetarët po përpiqeshin të siguronin ushqime dhe mallra të tjera të domosdoshme.
    Agjencia e mbrojtjes civile raportoi më vonë se gjithsej katër kamionë tregtarë u përmbysën, me shkakun e mundshëm të rrugëve të dëmtuara dhe të rrezikshme në zonë.
    Sipas një shoqate lokale transporti, 26 kamionë po transportonin mallra për tregtarët e Gazës, pasi Izraeli kishte rënë dakord të lejonte për herë të parë pas disa muajsh importet private në territorin e rrethuar.
    Ndërkohë, BBC Verify po shqyrton një video që supozohet se tregon pasojat e incidentit, për të konfirmuar detaje të mëtejshme.
    Ushtria izraelite ka deklaruar se po shqyrton raportet dhe BBC ka kërkuar koment nga Cogat, organi ushtarak izraelit që mbikëqyr hyrjen e ndihmave në Gaza.
    Kujtojmë se qeveria izraelite nuk lejon organizatat ndërkombëtare të lajmeve, përfshirë BBC-në, të raportojnë lirshëm nga brenda Gazës, gjë që vështirëson verifikimin e pavarur të informacionit.

    Top Channel

  • “6000 kamionë ndihmash janë gati jashtë Gazës”, kreu i agjencisë së OKB për palestinezët: Nëse lejohen nga ajri, të lejohen dhe nga toka

    “6000 kamionë ndihmash janë gati jashtë Gazës”, kreu i agjencisë së OKB për palestinezët: Nëse lejohen nga ajri, të lejohen dhe nga toka

    OKB-ja ka 6,000 kamionë me ushqime të bllokuar jashtë Gazës dhe gati për të hyrë në enklavën palestineze, njoftoi sot kreu i Agjencisë së Ndihmës dhe Punës së OKB-së për Refugjatët Palestinezë (UNRWA), Philippe Lazzarini.

    “UNRWA ka gati 6,000 kamionë me ndihma humanitare të bllokuar jashtë Gazës duke pritur dritën jeshile për të hyrë”, tha Lazzarini, i cili argumenton se ndihma humanitare në enklavë duhet të transportohet nga toka, në vend që të hidhet nga ajri.
    Hedhjet nga ajri kushtojnë të paktën 100 herë më shumë se kamionët që transportojnë dy herë më shumë ndihmë, tha ai.
    “Nëse ka vullnet politik për të lejuar hedhjet nga ajri të cilat janë jashtëzakonisht të kushtueshme, joefikase dhe joefektive, duhet të ketë një vullnet politik përkatës për të hapur kalime tokësore”, shtoi ai.
    Izraeli e ka lehtësuar vetëm pak bllokadën që i vendosi Gazës në fillim të marsit që nga fundi i majit, duke shkaktuar mungesa të mëdha ushqimi, ilaçesh dhe nevojash themelore.
    Transporti i ndihmës humanitare i është besuar Fondacionit Humanitar të Gazës (GHF), i cili mbështetet nga SHBA-të dhe Izraeli. Sasia e ndihmës që hyn në enklavë është minimale në krahasim me nevojat, ndërsa qendrat e shpërndarjes së GHF janë bërë “kurthe vdekjeprurëse” për palestinezët e uritur. Komuniteti ndërkombëtar refuzon të bashkëpunojë me këtë organizatë.
    Në ditët e fundit, 100-200 kamionë kanë mundur të hyjnë në Gaza, sipas Cogat, agjencisë së Ministrisë së Mbrojtjes Izraelite të ngarkuar me “koordinimin” e transportit të ndihmës dhe në përgjithësi me peshimin dhe sigurimin e shpërndarjes së saj me pika në enklavë.
    OKB vlerëson se nevojiten të paktën 500 kamionë në ditë për të përmbushur nevojat e popullsisë në minimum.
    Që nga 19 maji, nga 2,010 kamionët e dërguar në Gaza, vetëm 260 kanë arritur në destinacionin e tyre pa pengesa, ndërsa 1,753 janë bllokuar ose në mënyrë paqësore nga njerëz të uritur ose nga burra të armatosur, sipas të dhënave nga Zyra e OKB-së për Koordinimin e Çështjeve Humanitare (UNOPS).
    OKB-ja arriti të siguronte hyrjen e 500-600 kamionëve në ditë gjatë armëpushimit në fillim të vitit, i cili u ndërpre nga Izraeli, kujtoi Philippe Lazzarini.
    Kjo ndihmë po arrinte “të gjithë popullsinë e Gazës në kushte sigurie dhe dinjiteti” pa përjashtime, këmbënguli ai, duke shtuar se “asnjë alternativë tjetër ndaj veprimit të koordinuar të OKB-së nuk ka dhënë rezultate të krahasueshme”.
    “Le të kthehemi tek ajo që funksionon dhe le të bëjmë punën tonë. Kjo është ajo që populli i Gazës ka nevojë më shumë se kurrë sot, së bashku me një armëpushim të përhershëm”, përfundoi shefi i UNRWA-së.

    Top Channel

  • Furnizimi mjekësor në Gazë, OBSH: Dërgimi i vazhdueshëm është jetik

    Furnizimi mjekësor në Gazë, OBSH: Dërgimi i vazhdueshëm është jetik

    Bota E Mërkurë, 30 Korrik 2025 21:28
    Shefi i Organizatës Botërore të Shëndetësisë (OBSH) tha se dërgesat e vazhdueshme të furnizimeve mjekësore në Gazë janë “jetike”, teksa kamionët e OBSH-së me ndihma u nisën drejt kufirit të mërkurën. Tedros Adhanom Ghebreyesus tha se agjencia e Kombeve të Bashkuara për shëndetësi ka nisur dhjetë kamionë nga El-Arish në Egjipt drejt pikëkalimit kufirtar Kerem në Izrael për në Rripin e Gazës.
    Kamionët po transportojnë “ilaçe esenciale, pajisje laboratorike dhe për testim të ujit”, tha ai, teksa edhe dy kamionë të tjerë me furnizime mjekësore, së bashku me doza të gjakut, pritet që të nisen drejt Gazës të enjten. “Të gjitha furnizimet e OBSH-së do të dërgohen më pas në Gazë, së bashku me tre kamionë me furnizime mjekësore të dërguar nga partnerët tanë shëndetësorë”, tha Tedros në platformën X.

    “Nevojat shëndetësore në Gazë janë të mëdha. Është jetike që në Gazë të ketë dërgesa të vazhdueshme me furnizime mjekësore. Ne vazhdojmë të bëjmë thirrje për qasje të sigurt dhe të papenguar për ndihmat mjekësore drejt dhe brenda Gazës si dhe për një armëpushim. Paqja është ilaçi më i mirë”, shtoi ai.
    Izraeli vendosi një bllokadë të plotë në Gazë më 2 mars, pasi dështuan bisedimet për një armëpushim. Në fund të majit maj, Izraeli nisi të lejonte hyrjen e një sasie të vogël të ndihmës, teksa së voni ka pasur raportime për raste të urisë dhe vdekje të lidhura me urinë. Këtë javë, Izraeli nisi ndalesa të përditshme në operacionet ushtarake në disa zona të Gazës dhe hapi korridore të sigurta për të mundësuar shpërndarjen e ushqimit nga agjencitë e OKB-së dhe organizata të tjera humanitare në këtë territor ku jetojnë mbi 2 milionë banorë.
    OBSH-ja tha se në Gazë, sulmet ajrore dhe mungesa e furnizimeve mjekësore, ushqimore dhe të ujit kanë bërë që sistemi shëndetësor të jetë “pothuajse i shkatërruar”. Shumë spitale janë jashtë funksionit, ndërsa të tjerat, sipas OBSH-së, mezi po funksionojnë. Një zëdhënës i OBSh-së i tha agjencisë AFP se në Gaza kanë hyrë nëntë kamionë të agjencisë më 25 qershor; katër më 28 qershor; njëmbëdhjetë më 8 korrik; dhe gjashtë të tjerë më 20 korrik.
    Lufta në Gazë ka nisur më 7 tetor 2023, kur radikalët e Hamasit grupit palestinez të shpallur organizatë terroriste nga Shtetet e Bashkuara dhe Bashkimi Evropian – sulmuan jugun e Izraelit, duke vrarë afër 1.200 persona dhe duke rrëmbyer afër 250 të tjerë. Afër 50 persona besohet se ende mbahen në Gazë, ndërsa të tjerët janë liruar në marrëveshjet paraprake të armëpushimit./REL/

  • Kriza humanitare në Gaza, OBSH bën thirrje: Dërgimi i vazhdueshëm i furnizimeve mjekësore është jetik

    Kriza humanitare në Gaza, OBSH bën thirrje: Dërgimi i vazhdueshëm i furnizimeve mjekësore është jetik

    Shefi i Organizatës Botërore të Shëndetësisë (OBSH) tha se dërgesat e vazhdueshme të furnizimeve mjekësore në Gazë janë “jetike”, teksa kamionët e OBSH-së me ndihma u nisën drejt kufirit të mërkurën.

    Tedros Adhanom Ghebreyesus tha se agjencia e Kombeve të Bashkuara për shëndetësi ka nisur dhjetë kamionë nga El-Arish në Egjipt drejt pikëkalimit kufirtar Kerem në Izrael për në Rripin e Gazës.
    Kamionët po transportojnë “ilaçe esenciale, pajisje laboratorike dhe për testim të ujit”, tha ai, teksa edhe dy kamionë të tjerë me furnizime mjekësore, së bashku me doza të gjakut, pritet që të nisen drejt Gazës të enjten.
    “Të gjitha furnizimet e OBSH-së do të dërgohen më pas në Gazë, së bashku me tre kamionë me furnizime mjekësore të dërguar nga partnerët tanë shëndetësorë”, tha Tedros në platformën X.
    “Nevojat shëndetësore në Gazë janë të mëdha. Është jetike që në Gazë të ketë dërgesa të vazhdueshme me furnizime mjekësore. Ne vazhdojmë të bëjmë thirrje për qasje të sigurt dhe të papenguar për ndihmat mjekësore drejt dhe brenda Gazës si dhe për një armëpushim. Paqja është ilaçi më i mirë”, shtoi ai.
    Izraeli vendosi një bllokadë të plotë në Gazë më 2 mars, pasi dështuan bisedimet për një armëpushim. Në fund të majit maj, Izraeli nisi të lejonte hyrjen e një sasie të vogël të ndihmës, teksa së voni ka pasur raportime për raste të urisë dhe vdekje të lidhura me urinë.
    Këtë javë, Izraeli nisi ndalesa të përditshme në operacionet ushtarake në disa zona të Gazës dhe hapi korridore të sigurta për të mundësuar shpërndarjen e ushqimit nga agjencitë e OKB-së dhe organizata të tjera humanitare në këtë territor ku jetojnë mbi 2 milionë banorë.
    OBSH-ja tha se në Gazë, sulmet ajrore dhe mungesa e furnizimeve mjekësore, ushqimore dhe të ujit kanë bërë që sistemi shëndetësor të jetë “pothuajse i shkatërruar”. Shumë spitale janë jashtë funksionit, ndërsa të tjerat, sipas OBSH-së, mezi po funksionojnë.
    Një zëdhënës i OBSh-së i tha agjencisë AFP se në Gaza kanë hyrë nëntë kamionë të agjencisë më 25 qershor; katër më 28 qershor; njëmbëdhjetë më 8 korrik; dhe gjashtë të tjerë më 20 korrik.
    Lufta në Gazë ka nisur më 7 tetor 2023, kur radikalët e Hamasit – grupit palestinez të shpallur organizatë terroriste nga Shtetet e Bashkuara dhe Bashkimi Evropian – sulmuan jugun e Izraelit, duke vrarë afër 1.200 persona dhe duke rrëmbyer afër 250 të tjerë. Afër 50 persona besohet se ende mbahen në Gazë, ndërsa të tjerët janë liruar në marrëveshjet paraprake të armëpushimit. /rel

    Top Channel

  • “Ka më shumë se 1000 kamionë me ndihma që po injorohen”, Izraeli i përgjigjet OKB-së: Mos lëvizni gishtat, por bëni punën tuaj

    “Ka më shumë se 1000 kamionë me ndihma që po injorohen”, Izraeli i përgjigjet OKB-së: Mos lëvizni gishtat, por bëni punën tuaj

    Izraeli nisi një sulm të ashpër ndaj Kombeve të Bashkuara për shkak të krizës humanitare në Gaza, pas reagimeve ndaj situatës në enklavën palestineze, pasi më shumë se 100 organizata ndërkombëtare që folën për “uri masive” dhe bënë thirrje për një armëpushim të menjëhershëm.

    Izraeli akuzon OKB-në për “injorimin” e ndihmës humanitare, pasi brenda enklavës ka pothuajse 1,000 kamionë, por ata mbeten të palëvizshëm dhe ushqimi nuk po u shpërndahet popullsisë.
    Ai madje përmend se hyrja e tyre u lehtësua nga Izraeli, ndërsa rekomandoi që OKB-ja të ndalojë “lëvizjen e gishtave dhe të bëjë punën e saj”.

    Η βοήθεια δεν μπλοκάρεται. Την αγνοεί ο ΟΗΕ.
    Αυτή τη στιγμή, 950 φορτηγά με βοήθεια περιμένουν μέσα στη Γάζα, πλήρως φορτωμένα και έτοιμα για διανομή.
    Το Ισραήλ διευκόλυνε την είσοδό τους.
    Γιατί λοιπόν εξακολουθούν να κάθονται εκεί;
    Ο ΟΗΕ πρέπει να σταματήσει να μας κουνά το… pic.twitter.com/8syknP8igY
    — Israel in Greece 🇮🇱🇬🇷 (@IsraelinGreece) July 24, 2025

    Rripi i Gazës po “vdes ngadalë” nga uria, sipas më shumë se 100 organizatave, përfshirë Amnesty International, Save the Children dhe Caritas, ndërsa të paktën 10 persona të tjerë, kryesisht fëmijë kanë vdekur nga uria në orët e fundit, duke e çuar numrin e të vdekurve që nga e diela në 43.
    Në total, të paktën 111 civilë kanë vdekur nga uria që nga fillimi i ofensivës izraelite.

    Top Channel

  • Bandat kriminale shqiptare shpikin metodën e re për të futur emigrantët në Angli

    Bandat kriminale shqiptare shpikin metodën e re për të futur emigrantët në Angli

    Kriminelët shqiptarë kanë gjetur një metodë e re të trafikut të emigrantëve për në Angli. Dailymail ka zbuluar skemën, ku trafikantët e njerëzve po shfrytëzojnë boshllëqet në sistemin e sigurisë së trageteve për të kaluar emigrantë ilegalisht nga Franca në territor britanik.
    Media britanike shkruan se emigrantët po futen në bagazhet e makinave që hipin në traget dhe më pas, gjatë udhëtimit, kalojnë fshehurazi në kamionë të parkuar në kuvertë. Plani i publikuar nga DailyMail është: emigranti futet në bagazh të makinës në Francë, kalon kufirin përmes kontrollit kufitar në Calais dhe, një herë në traget, del nga makina dhe futet në një kamion duke prerë mushamanë e ngarkesës. Më pas, një bashkëpunëtor në Britani ndjek kamionin pas zbritjes nga trageti dhe e merr emigrantin në destinacion.

     

    Skema

     
    Artikulli i DailyMail:
    Kontrabandistët e njerëzve po i transportojnë emigrantët nga Franca në Mbretërinë e Bashkuar duke i fshehur ata brenda makinave në tragete, përpara se emigrantët të hipin në kamionë në kuvertën e automjeteve në mes të udhëtimit. Një ish-shef i Forcave Kufitare, i cili informoi rreth metodës së kontrabandës së zbuluar rishtazi, e ilustruar sot në një grafik të MailOnline, e përshkroi atë si ‘informacion vërtet të dobishëm’ dhe tha se mund të kërkojë përmirësime në sigurinë në tragete dhe në Dover.
    Kamionët ishin rruga më e zakonshme e përdorur nga udhëtarët pa leje përpara se siguria më e rreptë rreth porteve dhe Tuneli i Kanalit t’i shtynte kontrabandistët të ndryshonin taktikat e tyre për të favorizuar kalimet me anije të vogla. Këto kanë arritur nivele rekord këtë vit, me 1,200 që mbërrijnë me anije vetëm të shtunën. Emigrantët që fshihen në kamionë zakonisht hipin në to në Francën veriore përpara se të mbeten të fshehur derisa automjeti të hyjë në Britani.
    Por metoda e përditësuar, me sa duket e pionierizuar nga bandat shqiptare, u përshkrua nga një kontrabandist i dënuar i njerëzve si ‘e lehtë’ dhe ‘me rrezik të ulët’ sepse kërkon vetëm që kontrabandisti ta fusë fshehurazi klientin e tij në traget brenda bagazhit të makinës së tij. Pasi kontrabandisti të ketë mbërritur në kuvertën e tragetit, emigranti hidhet nga automjeti dhe hipën në një kamion, zakonisht duke prerë pëlhurën e tendës.
    Kontrabandisti më pas ia kalon targën e kamionit një bashkëpunëtori në Mbretërinë e Bashkuar, i cili e ndjek automjetin pasi ai largohet nga Doveri dhe e merr emigrantin pasi ai ndalet. Shoferi i kamionit nuk ka idenë për përfshirjen e tyre, por rrezikon të gjobitet deri në 10,000 paund nëse udhëtari i paligjshëm gjendet në automjetin e tij nga zyrtarët.
    ‘Nick’, një ish-ushtar i Ushtrisë Britanike i cili më parë ka punuar si kontrabandist njerëzish për një bandë shqiptare, zbuloi metodën në një podcast të ri të BBC-së. Makinat kalojnë nëpër kufirin e Mbretërisë së Bashkuar në Calais dhe mund të ekzaminohen nga oficerët e Forcave Kufitare, por duke pasur parasysh sasinë e trafikut, është e pamundur që ata të kontrollojnë të gjithë, tha Tony Smith, i cili drejtoi agjencinë nga viti 2012 deri në vitin 2013, për emisionin The Smuggler të Radio 4.
    “Sa i përket kontrolleve manuale, a mund ta imagjinoni se si do të funksiononte kjo gjatë kalimeve të trageteve të verës me trafik të lartë? Do të shkaktonte reagime të forta nga industria e turizmit”, tha ai.
    Ndërkohë, kamionët kontrollohen për udhëtarë të paligjshëm në Calais dhe më pas u jepet paraprakisht leje për hyrje në Mbretërinë e Bashkuar, shpjegoi z. Smith. Kjo do të thotë që automjetet nuk ka gjasa të rishqyrtohen në Dover. I pyetur se çfarë mund të bënte Forca Kufitare në lidhje me migrantët që hipin në kamionë në mes të kalimit të Kanalit, ai u përgjigj: “Asgjë. Nuk ka asgjë që Forca Kufitare mund të bëjë në lidhje me këtë sepse ju tashmë jeni lejuar të hyni në Mbretërinë e Bashkuar nga oficeri i Forcës Kufitare i cili shqyrtoi automjetin tuaj në Francë.
    “Ajo që ndodh në bordin e tragetit kur jeni në kuvertën e makinave është një çështje për kompaninë e trageteve, për sa i përket sigurisë së automjeteve.
    “Do ta prishni ndjeshëm tregtinë nëse thoni se do të ndaloni dhe kontrolloni të gjithë në Dover.”
    “Ekzistojnë mundësi për ne që t’i devijojmë kamionët në hambare për inspektim dytësor nëse ka informacione specifike se automjeti i caktuar mund të transportojë mallra të ndaluara ose të kufizuara për qëllime doganore.”

  • Pamje kaotike, palestinezët sulmojnë 77 kamionë të OKB-së me ndihma

    Pamje kaotike, palestinezët sulmojnë 77 kamionë të OKB-së me ndihma

    Një numër i madh njerëzish të uritur në Rripin e Gazës ndaluan, sulmuan dhe plaçkitën 77 kamionë që transportonin ndihmë humanitare nga Programi Botëror i Ushqimit i OKB-së gjatë rrugës për në qendrat e shpërndarjes.
    Për të rivendosur besimin në furnizimet me ndihmë dhe shpërndarjen e duhur të tyre, Rripi i Gazës tani duhet të “përmbytet me ushqim”, thekson organizata humanitare. “Kemi ushqim të mjaftueshëm në stok për të ushqyer të gjithë 2.2 milionë banorët e Rripit të Gazës për dy muaj”, vazhdonte postimi në X.
    Megjithatë, kjo do të kërkonte rrugë të sigurta transporti në Rripin e Gazës, procedura më të shpejta miratimi nga ana izraelite dhe, në fund të fundit, një armëpushim në luftën e Gazës që ka vazhduar për gati 20 muaj.
    Pas një bllokade disamujore të dërgesave të ndihmave, Izraeli ka lejuar një sasi të vogël mallrash në rripin bregdetar të mbyllur prej disa ditësh. Bllokada kishte për qëllim të rriste presionin mbi Hamasin për të liruar pengjet e mbetura.
    Qeveria akuzoi gjithashtu Hamasin për vjedhjen e ndihmës për të fituar para, gjë që ajo e mohon. Qëllimi kryesor i Izraelit tani është që shpërndarja e ndihmave në Rripin e Gazës të kalojë nga organizatat e OKB-së dhe aktorë të tjerë të pavarur në një fondacion të diskutueshëm të mbështetur nga Shtetet e Bashkuara.
    Fondacioni Humanitar i Gazës ngriti disa qendra shpërndarjeje në jug të zonës në fillim të javës, përmes të cilave pretendon se ka shpërndarë 3.8 milionë vakte. Vëzhguesit folën për skena pjesërisht kaotike në afërsi të këtyre qendrave.
    Agjencitë e OKB-së dyshojnë se fondacioni i ri do të jetë në gjendje të sigurojë në mënyrë adekuate nevojat e popullsisë së Rripit të Gazës.
    Ndërkohë skena kaotike shfaqen përpara syve të botës ku me qindra mijëra palestinezë nxitojnë të sigurojnë ushqimin bazik për mbijetesë.

  • Transportuan materialet zgjedhore, Ushtria i kërkon 33 milionë lekë KQZ-së

    Transportuan materialet zgjedhore, Ushtria i kërkon 33 milionë lekë KQZ-së

    Shtabi i Përgjithshëm i Forcave të Armatosura i është drejtuar me një kërkesë KQZ-së për rimbursimin e shpenzimeve për transportin e materialeve zgjedhore, për zgjedhjet parlamentare të 11 majit.
    Në shkresë, thuhet se për realizimin e detyrës janë vënë në dispozicion 217 kamionë transporti (kamionë të mbuluar).
    “Për realizimin e detyrës nga Komanda Mbështetëse (sipas përllogaritjeve të bëra të krahasuara dhe me GPS e mjeteve) për periudhën 25 prill 2025 deri më 22 maj 2025 janë aktivizuar 217 kamionë transporti (kamion të mbuluar) të cilët në total kanë kryer 27,108 kilometra duke harxhuar në total prej 13,686 litra gasoil me vlerë 2,326,620 lekë, si dhe prej 347 litra vajra lubrifikant me vlerë 41,576 lekë, dhe janë angazhuar 162 personel që trajtohen me dietë jashtë rrethit me vlerë 991,000 lekë.
    Vlera totale e shpenzimeve për transportimin e materialeve zgjedhore është 3,359,196 lekë, e cila sipas akt-marrëveshjes duhet të rimbursohet nga Komisioni Qendror i Zgjedhjeve bazuar në akt-marrëveshjen ndërmjet dy palëve (Komanda Mbështetëse dhe KQZ).”, thuhet në dokumentin e depozituar në KQZ.