Giro D’ Italia po vijon me etapat e saj në Itali, por vëmendja së fundmi është zhvendosur në Napoli, aty ku një burrë 67-vjeçar me precedent penal nga policia kaloi rrugën dhe u përpoq të përplaste çiklistët.
Vetëm disa kilometra nga vija e finishit, ai kaloi gardhin e vendosur nga policia dhe u fut në mes të sportistëve, ndërsa tundte një flamur të bardhë.
Pas identifikimit, në mediat italiane u raportua se 67-vjeçari ishte një protestues pro-palestinez që u përpoq të bllokonte garën, pikërisht kur po kalonte ekipi izraelit.
Tag: kaloi
-
VIDEO/ Kaos në Giro d’Italia, një protestues futet mes çiklistëve për të penguar garën
-
Mashtron 91-vjeçarin, i merr paratë e hipotekës dhe zhduket pa bërë aplikimin
Në emisionin “Stop” në Tv Klan është ankuar 91-vjeçari Bardhok Gjikola, i cili fillimisht ka pasur një problem me ndërtuesin, të cilit i ka blerë shtëpinë.
“Unë kam pasur një problem me ndërtuesin, atje ku jam futur në banesë, ai ndërtuesi nuk e ka bërë hipotekën në vitin 2007, kur unë hyra brenda sepse kishte probleme me bashkinë. Në vitin 2014 i përfundoi dokumentet, më tha mua nuk është 78 metra, por është kaq metra. E kishte pretendimin mbi kontratën, unë e kundërshtova dhe çështja kaloi në gjykatë. Gjykata e Tiranës ia kaloi Apelit, Apeli ia kaloi përsëri Gjykatës së Tiranës dhe ky problem u zgjidh në vitin 2023. Ky avokati Përparim Rama më tha hajde të shkojmë tek një person që merret me aplikimet, ngjitur me Gjykatën, aplikim thoshte atje”, thotë denoncuesi.
Pasi Lorenci aplikon për certifikatë pronësie në Kadastër, i moshuari tregon, se i dha 115 mijë lekë, dhe pas 35 ditësh do të pajisej me dokumentin. Por afati kaloi dhe Lorenc Agolli i tha që do të bënte një aplikim të dytë, pas të cilit duhet të priste edhe 35 ditë të tjera.
“Kaluan 35 ditë dhe aplikimi nuk erdhi, më tha që kadastra i vonon dhe pastaj bëri aplikim tjetër. E bëri në datën 25 tetor, pas 6 muajve nuk vendosi datën e saktë. Vendosi datën pas aplikimit të parë. Kam bërë dy kërkesa në kadastër”, shtoi më tej i moshuari.
6 muaj më pas, zoti Gjikola thotë, se nuk i është zgjidhur problemi. 91-vjeçari mësoi në hipotekë, se pagesa e tij nuk ishte bërë dhe kamatë vonesa kishte shkuar 2 milionë e 200 mijë lekë.
“Kemi shkuar te posta, te kadastra, i ka thënë që nuk keni faturën. Pastaj pas 35 ditësh dhe duhet të bëhet regjistrimi i pronës pas aplikimit. Nëse pas 35 ditësh nuk e paguan këtë atëherë çdo ditë është 1500 (lekë të vjetra) tip gjobe dhe nga periudha e aplikimit, që duhet të dilte 35 ditëshi e deri tani ka arritur shuma 2 milionë (lekë të vjetra). Kur shkuan pas gjithë këtyre veprimeve, hyri në sistem dhe nuk i doli dhe tha që për 72 orë do e zgjidhte sistemin. Në telefon nuk na përgjigjej dhe zyra e shërbimit të tij ishte e mbyllur me qepena. Kam shkuar dhe herë të tjera, dhe herë të tjera ishte e mbyllur. Kur shkova për të marrë përgjigje për veten time, aty kishte edhe persona të tjerë të moshuar që kishin edhe ato këto probleme ”, sqaron vajza e Bardhok Gjikola.
“Stop” tentoi të gjente asistentin e shërbimeve Lorenc Agolli, por ai nuk ndodhet në zyrë. Ndërsa avokati Përparim Rama, shpjegon se ka dëgjuar, që ai luan bixhoz.Gazetarja: Ishit ju që e drejtuat tek asistenti.
Përparim Rama: Po! Por më lër të ta shpjegoj, më lër të ta shpjegoj…! Dhe unë i thashë, do e bësh nëpërmjet e-Albanias dhe unë këtu poshtë shtëpisë sime, është ky Lorenci dhe unë, kur kam fituar gjyqin, shtëpinë time, që e mora me gjyq nëpërmjet e-Albanias, aplikova dhe më erdhi certifikata, dhe ia sugjerova. Dhe unë e çova atje dhe i thashë shiko, ulja një çik çmimin këtij, se ky është burrë i vjetër. Ishte pagesa për aplikimin tek Hipoteka, dhe pagesa për shërbimin e këtij. Rezulton, që atje nuk ka shkuar, se ia mbajti ky zarfin, i tha do ia çoj unë zarfin me Postë.
Dhe, kur shkohet në Postë, bëhet edhe pagesa e aplikimit. Rezulton, që ky, s’e ka çuar fare zarfin. E kapa Lorencin i thashë, pse më ke përzier mua me këtë histori? Jo po nuk e mbaj mend tha, kush e mori zarfin. Jo, unë s’jam përzierë me zarfin, e ke marrë ti, thashë unë. Ky, ose ka harruar, ose s’ka çuar zarfin të bëjë pagesën e lekëve, dhe e keqja fare, nuk është bërë pagesa, se aplikimi ka shkuar nëpërmjet kompjuterit. Kupton ti? Por, nuk është bërë pagesa përkatëse, këtu është e gjithë puna. Ky nuk ka bërë pagesën dhe hipoteka nuk e ka bërë shërbimin. Kam informacione tani, që doli problemi, më tha dhe një avokat tjetër, që ta kesh prej meje, ky tha, ka dhe një ves tha, që luan bixhoz tha, edhe nuk e di, këtë e kam nga një avokat. Unë kam dy numra edhe njëri më rezulton i mbyllur. Numrin tjetër, që kam, edhe po ta çoj…
-
“Ra boria e parë e humbjes!” Rama reagon pas rezolutës së PPE: Këneta kaloi nëpër tryeza një fletërrufe, aty filloi avazi
Në rubrikën “SY m’SY” në rrjetet sociale, kryeministri Edi Rama reagoi ndaj rezolutës së një dite më parë të PPE për situatën politike në Shqipëri.
Rama u shpreh se këneta kaloi nëpër tavolina një fletërrufe dhe aty filloi avazi, ndërsa theksoi se këto zgjedhje do të jetë një strukturë mbi palët për mbikëqyrjen e zgjedhjeve dhe fushatës.
“Dje ra boria e parë e humbjes. Në një mbledhje diku në Spanjë, ku ishin mbledhur partitë simotra të kënetës dhe këneta kaloi nëpër tavolina një fletërrufe dhe aty filloi avazi. Filloi avazi, blerje vote me lekë dhe me kanabis, punësime elektorale, prokurime favorizuese, abuzime me detyrën me median. Domethënë, një mal me broçkulla sa herë ka pasur zgjedhje dhe sa herë ka pasur humbje.
E reja e këtyre zgjedhjeve, kemi një strukturë SPAK që është në terren dhe është edhe në zyrë, i fokusuar në marrjen e të gjitha denoncimeve, që ma ha mendja mua janë lum duke lexuar këtë fletërrufe. Jam shumë i qartë sesi zhvillohet e gjitha, por tashmë kemi një institucion që është mbi palët dhe le t’i shohë se ku janë votat në këmbim të kanabisit”, tha Rama. -
“Interi kaloi nga ëndrra e tripletës në makthin e zero titujve, brenda një jave”
Interi humbi dje 1-0 ndaj Romës dhe e vështirësoi shumë jetën e vet në garën për titullin kampion, pas eliminimit nga Kupa e Italisë, të mërkurën. Sandro Sabatini komentoi humbjen e zikaltërve në kanalin e tij në YouTube:
“Interi zgjodhi mënyrën më dramatike për ta humbur titullin, një psikodramë e vërtetë. Interi ankohet për një penallti të pretenduar, që ndoshta ishte ndaj Bisseck, por Roma e meritoi qartë fitoren. Interi pati shumë pak raste.
Interit i mbetet vetëm Liga e Kampionëve, sepse titulli tashmë ka ikur. Barcelona është skuadra më në formë në Europë. Pse u rrëzua Interi brenda një jave? Është e vështirë të renditen të gjitha arsyet, nuk ka një të vetme kryesore.
Thuhet se skuadra është e lodhur, por ky nuk është justifikim. Lautaro ka luajtur 45 ndeshje, ndërsa Lewandowski ka luajtur 48 të tilla, tani mungon për shkak dëmtimi. Nëse ata të Barcelonës vrapojnë dhe ata të Interit nuk vrapojnë më, atëherë lodhja nuk mund të jetë justifikimi kryesor, sepse duhet të ishin lodhur të gjithë.
Në fakt, Interi duket më i lodhur se të gjithë të tjerët. Ndonjëherë gjithçka varet nga koka, sepse brenda një jave Interi kaloi nga ëndrra e tripletës në makthin e zero titujve”. -
“Mami nuk e kaloi lehtë”, vajza e Elinarës rrëfen për divorcin e prindërve pas 20 vitesh bashkë: Ata duhen ende
E ftuar në Ferma Club, vajza e Elinarës ndau me publikun një rrëfim të ndjerë mbi jetën personale të nënës së saj jashtë kamerave. Ajo foli për ndikimin emocional të divorcit dhe për marrëdhënien aktuale mes prindërve të saj.
“Mami është shumë dramatike. Është emocionale. Divorcin nuk e kaloi shpejt. Ata ende kanë dashuri për njëri-tjetrin, sepse 20 vite nuk janë pak.”
Pavarësisht ndarjes, marrëdhënia mes Elinares dhe ish-bashkëshortit mbetet e respektueshme dhe e shëndetshme, për hir të fëmijëve.“Ata kanë një marrëdhënie shoqërore, pasi jemi edhe ne, unë dhe motra në mes.”
Një deklaratë kjo e sinqertë që zbulon një tjetër anë të Elinares, larg dinamikave të lojës në Ferma VIP. Sophie gjithashtu u shpreh mjaft e hapur për të pranuar një romancë të mamasë së saj, edhe nëse lind në fermë.
/vizionplus.tv -
Presidenti i Italisë i nënshtrohet ndërhyrjes në zemër, mediat italiane: Kaloi një natë të…
Presidenti i Republikës, Sergio Mattarella, i është nënshtruar një ndërhyrjeje në zemër.
Kreu i shtetit u shtrua të martën në mbrëmje në spitalin Santo Spirito në Romë për vendosjen e një pacemaker-i.
Ndërhyrja u krye në orën 20:00. Pas përfundimit të operacionit, Presidenti u kthye në repartin e kardiologjisë të drejtuar nga profesori Roberto Ricci.
Sipas asaj që njoftuan autoritetet, Mattarella kaloi një natë “të qetë” dhe aktualisht është “plotësisht asimptomatik dhe në kushte klinike të qëndrueshme”. Ndërhyrja ishte planifikuar prej kohësh.
Siç ka shkruar Marzio Breda në Corriere, drejtuesi i repartit kishte parashikuar më parë një koronarografi, bëhet fjalë për një ekzaminim radiologjik tashmë rutinë që lejon të shihet gjendja e arterieve koronare.
Sipas disa burimeve, presidenti mund të rikthehet në Quirinale që nesër. Me pak fjalë, asnjë alarm, asnjë shqetësim, raporton Corriere.Top Channel
-
Papa në gjendje më të mirë, del nga spitali dhe takon besimtarët në Vatikan!
Kaloi disa ditë mjaft të vështira në spital për shkak të pneumonisë, por tani Papa Francesku duket se po e rimerr veten me shpejtësi.
Ati i Shenjtë bëri sot një paraqitje të papritur publike, teksa u shfaq mes turmës së besimtarëve në Vatikan, të cilët nuk e fshehën dot entuziasmin. “Uroj një të dielë të mbarë për të gjithë. Faleminderit shumë”, tha Papa 88-vjeçar, që kaloi në sheshin e Shën Pjetrit duke lëvizur në një karrige me rrota.
I rrethuar nga kamera, e me tubat e frymëmarrjes në hundë zëri i tij ishte i brishtë, por më i fortë sesa kur u largua nga spitali Gemelli më 23 mars. Dalja e fundit në publik e kreut të Kishës Katolike ka qenë 14 shkurt.
Françesku po kalon një periudhë rikuperimi pas frikës së madhe që rrethoi situatën e tij shëndetësore, e cila u përshkrua si kërcënuese për jetën e tij, duke e detyruar t`i nënshtrohet një regjimi të rreptë me pushim absolut, pa aktivitet publik dhe pa kontakt me turmat.
Lëvizja e tij e fundit dëshmoi qartë megjithatë se Ati i Shenjtë nuk ka ndërmend t`i bindet mjekëve plotësisht, të paktën jo kur vjen fjala tek përballja e shumëpritur me besimtarët. Ai fillimisht u diagnostikua me një infeksion të frymëmarrjes dhe më pas u tha se ishte bllokuar në dy mushkëritë. Analizat e gjakut shfaqën shenja të anemisë dhe probleme me veshka, por këto ndërlikime u përmirësuan pasi Papa iu nënshtrua dy trajtimeve me transfuzion të gjakut.Top Channel
-
VIDEO/ Rapinha tregon shembullin e madh dhe se çfarë profesionisti është, pak ditë pas humbjes 4-1 nga Argjentina
Në ndeshjen e kthimit të Kupës së Mbretit, Barcelona mposhti 1-0 Atletico Madridin dhe kaloi në finalen e kësaj gare. Shënues i golit të vetëm ishte Ferran Torres në minutën e 27-të me asist të Yamal.
Një nga lojtarët më të mirë të Barcelonës, në mos më i miri këtë sezon, Raphinha kaloi plot 90 minuta në fushë dhe përsëri luajti shumë mirë. Braziliani ka treguar prej kohësh se është me klas në fushë, por mbrëmë ai tregoi klas edhe jashtë fushës.
Raphinha i priti lojtarët e Atletico Madridit në tunel dhe i përshëndeti shumë përzemërsisht. Të gjithë e dinë se Barcelona dhe Atletico Madrid janë rivalë të mëdhenj, por braziliani vendosi ta lërë mënjanë këtë dhe të tregojë humanizmin e tij.
Krahas përshëndetjes me shumicën e lojtarëve, ai ka shkëmbyer edhe fanellën me Rodrigo De Paulin. Më pak se dy javë më parë pati një duel të madh mes Argjentinës dhe Brazilit në të cilin pati një rritje të tensioneve në fushë dhe ndeshja përfundoi 4-1, por Raphina tregoi profesionalizimin e tij. /Sport Ekspres/Raphinha is the definition of class. Meeting with Rodrigo de Paul post match to swap jerseys after Argentina beat Brazil 4-1 two weeks ago in the international break. ?? x ?? respeto pic.twitter.com/1sX49NOuf9
— Sara Poraria (@SaraPoraria) April 2, 2025 -
Fitojnë Siti e Njukasëll, Liverpul zgjat duart te titulli, Broja në fushë me Everton
Premier Liga angleze luajti sot disa ndeshje të javës së 30-të me surprizat që si gjithnjë shoqërojnë kampionatin më spektakolar në glob.
Ipsuiç surprizoi me fitoren në fushën e Buornemëth 1-2, Aston Vila mposhti po në udhëtim Brajtonin 0-3, por dhe barazimi i Sauthempton me Kristal Palasë 1-1 ishin pak të parashikuara.
Megjithatë të mëdhatë fituan. Siti kaloi me dy gola të shënuar në 45′ e para ndaj Lieçester, Njukasëll mori tri pikë me Brentford (2-1) ndërsa mbylli Liverpul që kaloi jo pa vështirësi në derbi me Everton 1-0.
Për blutë e David Mojes, pati afro 20 minuta edhe për sulmuesin kuqezi Armando Broja./Sportiim.al/
Vazhdo leximin