Lajmidites.com

Tag: kafshëve

  • VIDEO/ E pazakontë! Tërhoqi kalin me makinë, procedohet 60-vjeçari

    VIDEO/ E pazakontë! Tërhoqi kalin me makinë, procedohet 60-vjeçari

    Një ngjarje e pazakontë dhe e paprecedentë në dhunën ndaj kafshëve ka ndodhur në Elbasan.
    Një 60-vjeçar ka tërhequr kalin me makinën e tij, duke keqtrajtuar atë.
    Policia bën me dije se pasi pamjet janë bërë virale ka marrë masa dhe ka proceduar penalisht burrin, për “keqtrajtimi i kafshëve”.
    Reagim i Drejtorisë Vendore të Policisë Elbasan
    Në lidhje me një video të publikuar në rrjetet sociale, ku shfaqet një kalë i lidhur me litar pas një automjeti në lëvizje, në vendin e quajtur Mirakë, ju informojmë se:
    Menjëherë pas publikimit të videos, shërbimet e Komisariatit të Policisë Librazhd kanë kryer veprimet për identifikimin dhe shoqërimin e drejtuesit të automjetit.
    Në përfundim të veprimeve procedurale për këtë rast, specialistët për Hetimin e Krimeve të Komisariatit të Policisë Librazhd referuan materialet në Prokurori ku nisi procedimi penal për shtetasin N. L., 60 vjeç, për veprën penale “Keqtrajtimi i kafshëve”.
    Drejtoria Vendore e Policisë Elbasan fton qytetarët që të denoncojnë çdo rast të paligjshmërisë në numrin pa pagesë 112 ose në faqen zyrtare të Drejtorisë Vendore të Policisë Elbasan, duke iu siguruar anonimatin dhe reagim të paanshëm kundrejt shkelësve të ligjit.

  • E pazakontë! Tërhoqi kalin me makinë, procedohet 60-vjeçarin. Ja për çfarë akuzohet

    E pazakontë! Tërhoqi kalin me makinë, procedohet 60-vjeçarin. Ja për çfarë akuzohet

    Një ngjarje e pazakontë dhe e paprecedentë në dhunën ndaj kafshëve ka ndodhur në Elbasan. Një 60-vjeçar ka tërhequr kalin me makinën e tij, duke keqtrajtuar atë. Policia bën me dije se pasi pamjet janë bërë virale ka marrë masa dhe ka proceduar penalisht burrin, për “keqtrajtimi i kafshëve”.
    Reagim i Drejtorisë Vendore të Policisë Elbasan
    Në lidhje me një video të publikuar në rrjetet sociale, ku shfaqet një kalë i lidhur me litar pas një automjeti në lëvizje, në vendin e quajtur Mirakë, ju informojmë se:
    Menjëherë pas publikimit të videos, shërbimet e Komisariatit të Policisë Librazhd kanë kryer veprimet për identifikimin dhe shoqërimin e drejtuesit të automjetit.
    Në përfundim të veprimeve procedurale për këtë rast, specialistët për Hetimin e Krimeve të Komisariatit të Policisë Librazhd referuan materialet në Prokurori ku nisi procedimi penal për shtetasin N. L., 60 vjeç, për veprën penale “Keqtrajtimi i kafshëve”.
    Drejtoria Vendore e Policisë Elbasan fton qytetarët që të denoncojnë çdo rast të paligjshmërisë në numrin pa pagesë 112 ose në faqen zyrtare të Drejtorisë Vendore të Policisë Elbasan, duke iu siguruar anonimatin dhe reagim të paanshëm kundrejt shkelësve të ligjit.

  • ‘Ferma e kafshëve’ mbush 80 vjeç, pse kafshët kanë rëndësi në shëmbëlltyrën e Orwellit për komunizmin

    ‘Ferma e kafshëve’ mbush 80 vjeç, pse kafshët kanë rëndësi në shëmbëlltyrën e Orwellit për komunizmin

     ”The Animal Farm” (”Ferma e kafshëve”), e botuar në vitin 1945 nga George Orwell mbush sot 80 vjeç, sipas faqes australiane theconversation.com.

    Nëse ka një gjë që çdo student i historisë ose politikës e di është se novela nuk ka të bëjë vërtet me kafshët. Sigurisht, personazhet kryesore janë derrat dhe kuajt. Por, në të vërtetë, siç na thuhet, ka të bëjë me Bashkimin Sovjetik dhe çfarë ndodhi me idealet e komunizmit nën udhëheqjen e korruptuar të Josif Visarionoviç Stalinit.

    Vetë Orwell, pjesë e një brezi autorësh britanikë që flisnin hapur, të cilët ende nuk e kishin dëgjuar teorinë e Roland Barthes për vdekjen e autorit (ideja se fjalët flasin vetë dhe qëllimet e autorit janë të parëndësishme), shpalli se kështu duhej lexuar historia.

    Por, çfarë ndodh nëse do t’i merrnim kafshët në këtë rrëfim të famshëm më seriozisht?

    Orwell e shkroi këtë roman të shkurtër dhe tronditës, në një kohë kur konsiderohej shkencërisht e papranueshme që kafshëve t’u jepeshin mendime ose edhe ndjenja.

    Vështrimi i Çarls Darvinit në vitin 1859, se njerëzit janë të lidhur me të gjitha speciet e tjera shtazore, ishte një mundësi e humbur për të menduar se si cilësitë e të parës mund të jenë të pranishme në të dytën.

    Në vend të kësaj, psikologët e kafshëve në kohën e Orwell këmbëngulën më fort se kurrë në ekzistencën e një boshllëku njohës midis ”nesh”, njerëzve, dhe “atyre” kafshëve të egra.

    Ekspertët e tij bashkëkohorë në shkencat shoqërore dhe humane luajtën me këtë dallim.

    Antropologu francez Claude Lévi-Strauss shkroi në vitin 1962 se me kafshët “është mirë të mendosh”, me fjalë të tjera, nëse i hetojmë besimet njerëzore rreth kafshëve, mund të zbulojmë vlerat dhe modelet tona të thella shoqërore.

    Sipas standardeve të sotme, dhe në kontekstin e zhdukjes së gjashtë masive, kjo duket si një deklaratë e keqe. Studimet bashkëkohore hedhin poshtë idenë se kafshët nuk janë gjë tjetër veçse një burim për njerëzit, madje edhe një filozofik.

    Në të kundërt, shumë kultura dhe shoqëri në mbarë botën kanë tradita të bashkëveprimit me kafshët në një mënyrë që njeh personalitetin e tyre. Njerëzit që jetojnë së bashku me specie të tjera dhe madje gjuajnë shumë shpesh arrijnë ta kuptojnë nga afër sjelljen dhe veprimin e tyre.

    Një projekt i madh akademik në Britaninë e Madhe  po heton se si këto marrëdhënie pasqyrohen në fabulat e kafshëve. I titulluar “Rimendimi i fabulave në epokën e krizës mjedisore”, ai nxit bashkëpunimin midis studiuesve, artistëve dhe shkrimtarëve në përfytyrimin e botëve unike të specieve të ndryshme, duke përfshirë kuajt, minjtë, sorrat dhe merimangat, në mjediset e tyre që ndryshojnë me shpejtësi dhe janë të pasigurta.

    Duke jetuar në një epokë para futjes gjithëpërfshirëse të bujqësisë në shkallë masive, të ndihmuar kimikisht, Orwell nuk ishte shumë larg bujqësisë paraindustriale dhe njohurive të saj të thella për kafshët. Eseja e tij e vitit 1936 për vrasjen e një elefanti në Birmani është e mbushur me ankth për vuajtjet e një kafshe të vërtetë.

    Edhe në “Fermën e Kafshëve”, pika e fillimit është vuajtja e kafshëve, mizoritë e fermerit njerëzor janë të padiskutueshme. Siç i paralajmëron Plaku Major, një derr i mençur dhe i moshuar kafshët e tjera: “Ju derra të rinj… secili prej jush do të bërtasë jetën tuaj në bllok brenda një viti”.

    Fabula ndryshon nëse i përmbahemi këtij realiteti gjatë gjithë kohës. Kjo përsëritet nga Orwell më vonë në histori, kur mizoritë e fermës ”Pinchfield” u raportohen kafshëve.

    Tirania njerëzore është armiku i kafshëve dhe, pavarësisht tradhtisë së shpresave të tyre nën udhëheqjen e derrit Napoleon, drejtësia e kauzës së tyre nuk minohet kurrë.

    Ëndrrat e kafshëve

    Revolucioni i kafshëve i Orwell, përmbysja e fermerit, është frymëzuar nga ëndrra e një derri.

    Plaku Major mbledh bishat e tjera të fermës për t’u treguar atyre vizionin e tij për “Tokën siç do të jetë kur njeriu të jetë zhdukur”, dhe shfrytëzimi njerëzor i kafshëve nuk do të ekzistojë më. Është lloji i përshkrimit që do t’i bënte psikologët e kafshëve të shekullit XX -të rrotulloheshin në varret e tyre. Kafshë me një jetë sentimantale? Qesharake!

    Çdo pronar qeni do t’ju tregojë se miku i tij me katër këmbë sheh ëndrra, megjithatë, për dekada, ne i lejuam shkencëtarët të na thoshin se nuk i kishin. Ëndrrat e qenve janë të ndërthurura në përshkrimin e jetës pyjore të krijuar nga antropologu Eduardo Kohn. Në librin e tij ”How forest think” (”Si mendojnë pyjet”), botuar në vitin 2013, Kohn argumenton se të gjitha kafshët mendojnë dhe imagjinojnë të ardhmen e tyre. Mbijetesa e tyre, ajo shtytëse themelore e revolucionit të fermës , bazohet në aftësinë për ta bërë këtë.

    Në një pasazh të paharrueshëm, Kohn përshkruan se si një majmun duhet të interpretojë tingujt e pyllit dhe t’i përdorë ato për të parashikuar rezultate të mundshme(përplasje të pafajshme apo grabitqar?) në mënyrë që të jetojë. Kafshët e Kohn jetojnë në një botë plot kuptim. Fuqia njerëzore për të krijuar kuptim përmes gjuhës abstrakte është vetëm një shembull i një tipari universal të jetës.

    Ëndrrat përsëriten në të gjithë ”Fermën e kafshëve”, por përfundimisht zhduken nga fjalët. Urdhërimet e kafshëve, të shkruara në murin e hambarit, ndryshohen në mënyrë dinake një nga një për të justifikuar korrupsionin e derrave.

    Pasi kuptimi eksternalizohet dhe objektivizohet në fjalën e shkruar, ai është i ndjeshëm ndaj manipulimit. Fjalët mund të rishkruhen dhe bashkë me to, e kaluara. Kafshët bëhen të pasigurta për kujtimet e tyre paraverbale. Ëndrrat zhduken nga narrativa./KultPlus.com

  • “Ferma e Kafshëve” e George Orwell, një libër që aktualiteti e rikthen për ta rilexuar pas 80 vitesh

    “Ferma e Kafshëve” e George Orwell, një libër që aktualiteti e rikthen për ta rilexuar pas 80 vitesh

    Nga Albert Vataj
    Sot mbushen plot 80 vite qëkur erdhi në ëndjen për të lexuar, për të menduar dhe për të reaguar, një nga monumentet e letërsisë botërore. Ka libra që nuk plaken kurrë, sepse fjala e tyre nuk i përket vetëm kohës në të cilën u shkruan, por ecën përtej saj, duke e sfiduar çdo epokë me të njëjtën forcë. Një i tillë është “Ferma e Kafshëve” i George Orwell, që lindi më 17 gusht 1945 si një alegori satirike kundër tiranisë dhe korrupsionit të pushtetit. Pas gati tetë dekadash, ky libër nuk ka humbur asgjë nga pesha e tij: përkundrazi, aktualiteti e kthen përsëri para nesh si një pasqyrë e hidhur e realitetit, një paralajmërim se revolucioni, idealet dhe barazia mund të shtrembërohen, dhe se historia ka një prirje të frikshme për t’u përsëritur.

    “Ferma e Kafshëve” është një nga librat më të preferuar në 100 vitet e fundit, sipas “Time”. Kjo novelë alegorike e George Orwell u botua spari herë në Angli më 17 gusht 1945. Sipas vetë autorit, libri reflekton ngjarjet që çuan në Revolucionin Rus të vitit 1917 dhe më pas në epokën staliniste të Bashkimi Sovjetik. Orwell me pikëpamje socialdemokrate ishte një kritik i ashpër i Joseph Stalinit dhe mbeti armiqësor ndaj Moskës drejtuar nga stalinizmi. Tharmi i kësaj kryevepre ishte ngjizur në shpirtin e shkrimtarit nga përvojat që ai pati gjatë Luftës Civile Spanjolle. George Orwell besonte se Bashkimi Sovjetik, ishte bërë një diktaturë brutale, e ndërtuar mbi një kult të personalitetit dhe i zbatuar nga një sundim terrori . Në një letër drejtuar Yvonne Davet, Orwell e përshkroi “Fermën e kafshëve” si një përrallë satirike. Në esenë e tij “Pse shkruaj ” (1946), George Orwell shkroi se “Ferma e kafshëve” ishte i pari libër në të cilin ai u përpoq, me vetëdijen të plotë të asaj që po bënte, për të bashkuar qëllimin politik dhe qëllimin artistik në një tërësi”.Për këtë “përrallë satirike në fermë” Orwell u inspirua pasi pa një djalë të vogël që e rrihte kalin çdo herë kur ai nuk e merrte drejtimin që i thoshte djaloshi. “E kuptova se nëse edhe kafshët e kuptojnë fuqinë e tyre, ne njerëzit nuk do kishin fuqi mbi ta, dhe se njerëzit i shfrytëzojnë kafshët njëjtë si të pasurit që e shfrytëzojnë proletariatin”.Pasi kanë hequr qafe pronarin e tyre njerëzor, kafshët e fermës “Menër” janë duke shpresuar për një jetë të lirë dhe të bollshme. Por ndërsa një elitë e mençur mizore vjen në pushtet, kafshët e tjera e gjejnë veten në mënyrë të pashpresë të zënë në grackë sipas mënyrave të vjetra.“Është historia e një revolucioni që pati një një përfundim të hidhur, dhe e justifikimeve të shkëlqyera që gjendeshin në çdo hap për shtrembërimin e doktrinës origjinale”. Kështu shkroi George Orwell në përmbledhjen origjinale për botimin e parë të Fermës së Kafshëve në vitin 1945.“Ferma e Kafshëve” nuk është thjesht një përrallë satirike e shkruar në vitin 1945. Ajo mbetet një metaforë e gjallë e pushtetit që korrupton, e ideologjive që shtrembërohen, e shpresave që shpërdorohen. Në faqet e saj lexuesi sheh jo vetëm të kaluarën, por edhe të tashmen, sepse cikli i tiranisë, mashtrimit dhe manipulimit nuk i përket vetëm historisë, por është gjithmonë i rrezikshëm të përsëritet.Ky libër është kujtesa e vazhdueshme se idealet më fisnike mund të shndërrohen në zinxhirë, se revolucioni mund të përpijë bijtë e vet, dhe se liria ka gjithmonë nevojë për vigjilencën e atyre që e duan me të vërtetë. Për këtë arsye, “Ferma e Kafshëve” mbetet një pasqyrë e përhershme ku shoqëritë njerëzore mund të shohin deformimet e veta dhe një thirrje që të mos harrohet kurrë se edhe në emër të barazisë, pushteti mund të përfundojë duke thënë:“Të gjitha kafshët janë të barabarta, por disa kafshë janë më të barabarta se të tjerat.”

  • “Jam i çmendur pas kafshëve”/ U fotografua me delen në krahë duke e shpëtuar nga zjarret, kush është i riu shqiptar…

    “Jam i çmendur pas kafshëve”/ U fotografua me delen në krahë duke e shpëtuar nga zjarret, kush është i riu shqiptar…

    Punëtori 33-vjeçar shqiptar u bë simbol i humanizmit pasi u fotografua duke shpëtuar një dele nga zjarri në Patras. Olsien Muçobega mban në krahë delen teksa udhëton me motoçikletën e tij.
    Imazhi u bë viral duke prekur të gjithë kombin grek dhe nxori në pah anën më njerëzore të një dite katastrofe. Megjithatë, ky nuk ishte akti i tij i vetëm. Siç zbulon shqiptari, në të njëjtën ditë ai shpëtoi edhe kafshë të tjera, midis tyre qen të lidhur që e kishin braktisur.
    “A e dini sa kafshë shpëtuam? Dhe qen, shumë qen të lidhur. Po çmendem me atë që bëjnë njerëzit, ata ikin dhe i lënë qentë të lidhur. Kjo nuk është neglizhencë, është krim”, tha i riu. Olsien, nga Tepelena, emigroi në Greqi në moshën vetëm 3 vjeçare.
    Babai i tij ishte ndërtues, nëna e tij shtëpiake dhe u rrit duke punuar që në moshë të vogël. Gjatë jetës së tij, punoi si piktor, shpërndarës dhe mbështjellës në një fastfood. Ai është i martuar me greken Maria-Eleni, me të cilën ka dy fëmijë, Georgianna dhe Jasona. Pavarësisht rrënjëve të tij dhe shumë viteve në Greqi, vazhdon të përballet me pengesa burokratike.
    “Normalisht duhet të kisha marrë një pasaportë greke”, thotë ai me hidhërim.
    Ditën e flakëve, ai ishte në vendngjarje me miq nga shoqata AEK për të ndihmuar zjarrfikësit. Dashuria e tij për kafshët ishte motivi pas aktit të tij. “Jam i çmendur pas kafshëve”, deklaroi shqiptari, duke theksuar se gjithçka që shpëtuan i përkiste një fermeri të moshuar, i cili po luftonte për të mbrojtur pronën e tij.
    Olsien nuk e sheh veten si hero, megjithëse për shumë njerëz ishte. Ai sheh një njeri që bëri të dukshmen, të qëndronte pranë gjithçkaje që është e gjallë, në një kohë kur gjithçka ishte e kërcënuar nga flakët.

  • Si i zëvendësuan qentë fëmijët në Itali

    Si i zëvendësuan qentë fëmijët në Itali

    Nga Amy Kazmin – Financial Times/

    Hoteli më i ri luksoz në aeroportin e Romës është krijuar si një oaz qetësie për klientët e tij. Dhomat, me ftohje nën dysheme, janë të mbushura me aroma vajrash esencialë si livando, çaji i gjelbër dhe mente, dhe secila ka një lulishte private. Hoteli ofron masazhe me arnikë, një kopsht të përbashkët ku klientët mund të socializohen, si dhe ekrane të mëdha për videotelefonata me të dashurit që ndodhen larg.

    Megjithatë, udhëtarët e lodhur nuk do të gjejnë ndihmë këtu. Me një kapacitet për 40 klientë gjatë natës, Dog Relais është një hotel aeroporti për qen, për pronarët e tyre në udhëtim, ekuipazhe avionësh, udhëtarë biznesi apo turistë, që kanë nevojë për një vend të sigurt për kafshët e tyre sa kohë janë larg.

    “Ne synojmë t’u ofrojmë qenve përvojën më të mirë të mundshme gjatë mungesës së pronarëve,” tha Roberto Tortorella, i cili drejton Dog Relais për aeroportin. “Klientët tanë katërkëmbësh duhet të ndihen të lirë të shprehen, të socializohen, të luajnë dhe të ndiejnë dashuri.”

    Hoteli, i hapur në korrik, është pjesë e industrisë në rritje të shërbimeve për kafshë shtëpiake, që i shërben një brezi kafshësh me status gjithnjë e më të lartë, paralel me rënien e lindjeve në Itali. Me më pak fëmijë e nipër për t’u kujdesur, italianët po e kanalizojnë më shumë energjinë emocionale, dhe paratë, tek kafshët e përkëdhelura, ku qentë janë të preferuarit.

    Shkalla zyrtare e mbajtjes së kafshëve në Itali, rreth 40 për qind e familjeve raportojnë se kanë të paktën një kafshë, është ende më e ulët se në Mbretërinë e Bashkuar (60%) dhe SHBA (66%). Por Tortorella, i cili drejton edhe një qendër kujdesi ditor për qen në qendër të Romës, thotë se megjithëse italianët gjithmonë i kanë dashur qentë, “në 10 vitet e fundit, qentë ose macet trajtohen vërtet si anëtarë të familjes. Është një kulturë e re, miqësore ndaj kafshëve. Ata bëjnë për qentë të njëjtat gjëra që mund t’i bësh për një fëmijë.”

    Nga qendrat ditore për qen me shërbim transporti, tek laboratorët e specializuar të patologjisë, deri tek organizimi i varrimeve solemne për kafshët, biznese të reja po mbulojnë gjithë ciklin e jetës së kafshës.

    Në vitin 2022, italianët shpenzuan 6.8 miliardë euro për kujdesin ndaj kafshëve, sipas kompanisë italiane të këshillimit Nomisma. Në të kaluarën, qentë ushqeheshin me mbetjet e tryezës, por tani njerëzit janë gjithnjë e më kërkues për ushqimin e tyre. “Shqetësohen për atë që hanë, për cilësinë,” tha Tortorella. “Tani njerëzit edhe gatuajnë për kafshët e tyre.”

    Në Romë, qentë kanë akses në vende publike që në shumë vende të tjera janë të ndaluara për kafshët. Në Kaliforni, për shembull, është e paligjshme të hysh me qen në dyqane ushqimore apo restorante (përveç qenve shërbyes). Këtu, askush nuk çuditet t’i shohë në dyqane ushqimore, restorante të mbyllura apo qendra tregtare. Dyqani im lokal madje ka dy karroca të posaçme për qentë. Edhe korridoret e pushtetit nuk kanë mbetur pa u “pushtuar”: senatorja Michaela Biancofiore së fundmi fitoi të drejtën ta sillte në punë qenin e saj të dashur 12-vjeçar, Puggy, duke vendosur një precedent.

    “Unë punoj këtu nga mëngjesi deri në mbrëmje dhe qeni nuk mund të qëndrojë vetëm gjithë ditën,” tha Biancofiore në zyrën e saj në senat, teksa Puggy rrinte shtrirë në cep. “Një kujdestar nuk mund t’i japë të njëjtin kujdes si pronari.”

    Jo të gjithë janë të lumtur me këtë rritje të rëndësisë së kafshëve. Papa Françesku i ndjerë e ka kritikuar shpesh faktin që çiftet zgjedhin të kenë më shumë kafshë se fëmijë, gjë që sipas tij “e zvogëlon” njerëzimin.

    Por politikanët po e përqafojnë trendin. Qeveria e kryeministres Giorgia Meloni ka filluar të ndajë 250 mijë euro në vit për një “bonus kafshësh” për t’u ndihmuar të moshuarit me të ardhura të kufizuara të mbulojnë shpenzimet veterinare. Së fundmi janë ashpërsuar edhe dënimet për krime kundër kafshëve.

    Guglielmo Giordano, themelues i laboratorit të patologjisë veterinare MyLav, thotë se statusi i kafshëve ka ndryshuar thellësisht nga “thjesht kafshë” në “qendra dashurie”.

    Kjo përputhet me atë që kam parë edhe vetë. Në parkun e lagjes, më ka prekur një burrë që mban në krah qenushin e tij të moshuar të racës taksa, e vendos butësisht në bar që të shëtisë pak, e më pas e merr përsëri në krah për ta çuar në shtëpi.

    Për shumë italianë, qentë janë thjesht shoqërues më besnikë se njerëzit. Siç më tha një punonjës aeroporti: “Një qen nuk të tradhton kurrë.”

  • Gramsh/ Frikë për përhapjen e sëmundjeve, nis groposja e kafshëve të djegura

    Gramsh/ Frikë për përhapjen e sëmundjeve, nis groposja e kafshëve të djegura

    Situata në njësinë Skënderbegas të Gramshit vijon të jetë e rënduar si pasojë e zjarrit.
    Ndërkohë në terren kanë zbritur ekipet e Ministrisë së Bujqësisë, të cilat po marrin masa për groposjen e kafshëve të ngordhura që janë djegur.
    Kjo ndërhyrje e shpejtë vjen për të shmangur përhapjen e ndonjë epidemie.
    Kujtojmë se si pasojë e flakëve, 39 banesa u shkrumbuan, sipërfaqe të mëdha me pyje e shkurre, por edhe dhjetëra bagëti që mbetën të rrethuara nga flakët.
    Në mesditë, flakët kanë hyrë në fshatin e tetë të kësaj njësie. Për shuarjen e tij po punojnë më shumë se 350 efektivë, të ndihmuar edhe nga ajri me helikopter.
    Nisur nga situata e rënduar, kanë nisur edhe evakuimet e banorëve, por për zjarrfikësit beteja me ta ka qenë po aq e vështirë sa beteja që po zhvillojnë prej dy ditësh me zjarrin.

  • Rrezik epidemie nga djegia e kafshëve dhe e bagëtive në Gramsh, nis me urgjencë groposja e tyre

    Rrezik epidemie nga djegia e kafshëve dhe e bagëtive në Gramsh, nis me urgjencë groposja e tyre

    Zjarret në bashkinë e Gramshit po përshkallëzohen, duke shkaktuar dëme të mëdha materiale dhe një emergjencë serioze shëndetësore. Flakët kanë djegur sipërfaqe të mëdha pyjesh dhe shkurresh, si dhe kanë rrënuar dhjetëra e qindra krerë bagëti që nuk arritën të shpëtonin nga përhapja e shpejtë e zjarreve.
    Ministria e Bujqësisë ka nisur groposjen emergjente të kafshëve të djegura, për të shmangur rrezikun e përhapjes së sëmundjeve infektive. Ekspertët paralajmërojnë se dekompozimi i trupave të kafshëve në temperatura të larta krijon një vatër serioze infeksioni, duke rrezikuar shëndetin e popullsisë së këtyre fshatrave.

    Ekipet e emergjencës kanë bërë thirrje për evakuim të menjëhershëm, duke theksuar se prioriteti absolut është shpëtimi i jetëve njerëzore. Banorët këshillohen të ndjekin udhëzimet zyrtare dhe të largohen drejt zonave të sigurta, për të shmangur humbje të tjera të jetës apo përkeqësim të gjendjes shëndetësore nga tymi dhe ndotja e ajrit.

  • Frika për përhapjen e sëmundjeve, nis groposja e kafshëve të ngordhura në Gramsh

    Frika për përhapjen e sëmundjeve, nis groposja e kafshëve të ngordhura në Gramsh

    Situata në njësinë Skënderbegas të Gramshit vijon të jetë e rënduar si pasojë e zjarrit që kalon nga fshati në fshat.

    Ndërkohë, ekipet e Ministrisë së Bujqësisë po marrin masa për groposjen e kafshëve të ngordhura që janë djegur. Edhe pse është emergjencë nga zjarret, duhet ndërhyrë pikërisht në këto momente për të shmangur përhapjen e ndonjë epidemie.
    39 banesa u shkrumbuan, sipërfaqe të mëdha me pyje e shkurre, por edhe dhjetëra bagëti që mbetën të rrethuara nga flakët. Në mesditë, flakët kanë hyrë në fshatin e tetë të kësaj njësie. Për shuarjen e tij po punojnë më shumë se 350 efektivë, të ndihmuar edhe nga ajri me helikopter.
    Nisur nga situata e rënduar, kanë nisur edhe evakuimet e banorëve, por për zjarrfikësit beteja me ta ka qenë po aq e vështirë sa beteja që po zhvillojnë prej dy ditësh me zjarrin.
    Përballë situatës emergjente, janë banorët ata që ngulin këmbë të qëndrojnë për të mbrojtur shtëpitë e tyre dhe në shumë raste janë larguar edhe me forcë.
    “Kryesorja është për banorët të ruajnë gjakftohtësinë, ne jemi për t’i ndihmuar, çfarë është bërë, është bërë. Të kenë besim te këta burra. Apeli është të largohet edhe banori i fundit. Keq është ta them, por kemi përdorur edhe forcën”, tha kryebashkiaku i Gramshit, Besjon Ajazi.
    Në këto kushte emergjence, thirrja për banorët është që të ndjekin udhëzimet e ekipeve të emergjencës dhe të evakuohen menjëherë drejt zonave të sigurta.

    Top Channel

  • Masakër në Malin e Llogarasë/ Qëllohen me armë gjahu 22 kuaj të lirë

    Masakër në Malin e Llogarasë/ Qëllohen me armë gjahu 22 kuaj të lirë

    Një ngjarje tronditëse ka ndodhur në zonën malore të Llogarasë, ku 22 kuaj të lirë janë qëlluar me armë gjahu, në një akt barbar që ka shkaktuar indinjatë të madhe në publik. Sipas denoncimeve të pronarëve dhe aktivistëve, katër kuaj kanë ngordhur menjëherë nga plagët e marra, ndërsa pjesa tjetër është shpërndarë nëpër pyll – disa të plagosur, e disa në gjendje të rëndë që kërkojnë ndihmë urgjente mjekësore.

    Ngjarja ka ndodhur në zonën e njohur si Gropat e Pirit, në kufi mes Dukatit dhe Llogarasë, dhe dyshohet se autorët janë persona që përdorin armë gjahu, ndoshta gjuetarë, të cilët kanë vepruar në mënyrë të paligjshme. Pronarët e kuajve, ende të tronditur, nuk kanë mundur t’i lokalizojnë të gjithë kafshët, pasi shumë prej tyre ndodhen në panik dhe janë fshehur në terrenin e thyer malor.

    Pamjet nga vendngjarja tregojnë qartë brutalitetin me të cilin është ushtruar dhuna ndaj tufës së kuajve që endeshin të lirë në natyrë, në një nga zonat më të bukura dhe të frekuentuara turistike të vendit. Ngjarja ka rikthyer në vëmendje edhe raste të tjera të dhunës ndaj kafshëve në këtë zonë, duke ngritur alarmin për nevojën e një reagimi të menjëhershëm institucional.

    Aktivistët për mbrojtjen e kafshëve dhe banorët e zonës i kanë bërë thirrje Policisë së Shtetit, Prokurorisë dhe Ministrisë së Mjedisit të ndërhyjnë menjëherë për të identifikuar dhe ndëshkuar autorët, si dhe për të parandaluar përsëritjen e akteve të tilla të dhunshme. Ata theksojnë se mungesa e kontrolleve dhe e ndëshkimeve po e kthen këtë zonë në një territor të rrezikshëm për kafshët dhe jetën e egër.

    Kjo ngjarje ka rihapur debatin mbi mbrojtjen ligjore të kafshëve të lira në Shqipëri, mungesën e një regjimi të kontrolluar të përdorimit të armëve të gjahut në zonat e mbrojtura dhe nevojën për një qasje më të ashpër nga shteti në mbrojtje të faunës së egër dhe kafshëve të pambrojtura.