Lajmidites.com

Tag: junajtid

  • Rritet presioni ndaj Mohamed Salah, Uejn Runi i kërkon trajnerit Slot ta lërë në stol

    Rritet presioni ndaj Mohamed Salah, Uejn Runi i kërkon trajnerit Slot ta lërë në stol

    Adriatik BALLA
    “Trajneri i Liverpulit, Arne Slot, duhet ta lërë Mohamed Salah në stol”, thotë ish-sulmuesi i Mançester Junajtid, Uejn Runi. Humbja 3-0 ndaj Notingham Forest në “Anfield” ishte një tjetër ndeshje ku egjiptiani – që ka shënuar pesë gola këtë sezon – nuk arriti të regjistronte gol apo asist. “Nëse do të isha në vend të Slot, do të provoja të merrja një vendim të madh vetëm për të krijuar ndikim te pjesa tjetër e ekipit”, tha Runi në episodin e fundit të podcast-it të tij. “Salah nuk po i ndihmon fare në mbrojtje.“Nëse je një nga lojtarët e rinj që kanë nënshkruar dhe je në stol, dhe sheh atë të mos vrapojë – edhe pse ai është legjendë e klubit dhe gjithçka që ka bërë është fantastike – çfarë mesazhi të jep ty kjo situatë?” 33-vjeçari sezonin e kaluar u bë lojtari i parë në historinë e Premier League që e mbylli kampionatin si golashënuesi dhe asistuesi më i mirë, duke fituar edhe çmimin “Lojtari i Sezonit”.
    Forma e tij e jashtëzakonshme u përputh me një sezon debutues shumë të suksesshëm për Slot, i cili e udhëhoqi Liverpulin drejt titullit pas largimit të Jurgen Klop. Megjithatë, pas një merkatoje të ngarkuar – ku u sollën Florian Virtz dhe Aleksander Isak për 241 milionë euro – Liverpuli është futur në krizë. “Të kuqtë ndodhen në vendin e 11-të me 18 pikë në 12 ndeshje. “Ata po kalojnë një periudhë shumë të vështirë, apo jo?” shtoi Runi, pesë herë kampion i Anglisë. “Duhet të shikosh edhe efektin e asaj që fatkeqësisht ndodhi me Jotën. Çfarë ndikimi ka ajo te lojtarët? Janë shokët e tij të ekipit, normalisht që ndikon. “Por pastaj nuk ka justifikim për mosluftim dhe mosangazhim.”
    Kapiteni Virgjil van Dijk tha pas humbjes se “të gjithë duhet të marrin përgjegjësi”, dhe me Liverpulin që ka vetëm një fitore në shtatë ndeshjet e fundit të kampionatit, hija e Klop po rëndon mbi Slot. “Mendoj se Slot ka një punë të madhe për ta rikthyer ekipin duke luajtur mirë dhe duke fituar,” tha Runi. “Gjëja kryesore është se kur ke një seri të tillë rezultatesh, emri i Klop gjithmonë del në skenë. “Është pak si rasti me Sir Aleks Ferguson te Mançester Junajtid. Kur erdhi David Moyes apo më pas Van Gal, emri i Fergie gjithmonë përmendej. “Me Slot po ndodh e njëjta: ‘Nuk është Klop, nuk është aq i mirë sa Klop’. “Por mendoj se tifozët e Liverpulit duhet të largohen nga ky krahasim dhe të qëndrojnë pas tij”, theksoi më tej Runi. Pra, ish futbollisti i Junajtid u tregua në përgjithësi kritik për trajnerin Slot, të cilit i rekomandon të lerë në stol Salahun.

  • Ferguson zbulon pengun e madh nga transferimet e epokës, dëshira e tij ishte Alesandro Del Piero

    Ferguson zbulon pengun e madh nga transferimet e epokës, dëshira e tij ishte Alesandro Del Piero

    Adriatik BALLA
    Ai ka udhëhequr një skuadër legjendare për tu bërë edhe vetë një trajner legjendar. Sir Aleks Ferguson nuk ka shumë pendesa nga karriera e tij e jashtëzakonshme si trajner, por një nga to padyshim është mos nënshkrimi me një fitues të Kupës së Botës për Mançester Junajtid. Përgjatë kohës së tij në “Old Trafford”, Fergusoni kishte nënshkruar me 105 lojtarë. Disa nga nënshkrimet e tij më të dobëta përfshijnë Beben, Erik Djemba-Djemba dhe Kleberson. Por, ai gjithashtu solli në klub disa nga lojtarët më të mirë në histori të Junajtid, si Uejn Runi, Eric Kantona e Kristiano Ronaldo. Megjitahtë, më 2020 Fergusoni zbuloi se pendimi i tij më i madh ishte mos nënshkimi i Alesandro Del Pieros nga Juventusi.
    Sulmuesi italian la përshtypje të mira te Fergusoni, kur u përballën këto dy skuadra më 2002, dhe kur Juventusi ra në Serie B më 2006 shkaku i skandalit të “Calciopolit”, Junajtid bëri disa lëvizje për Del Pieron. Fergusoni kishte thënë: “Unë i kontaktova përfaqësuesit e Juventusit dhe agjentin e lojtarit. Del Piero refuzoi para se të dëgjonte propozimin tim, duke më thënë se Juventusi ishte vendi më i mirë për të, dhe derisa ai e respektonte Junajtid, ai kurrë nuk do të tradhëtonte ngjyrat bardh e zi”. “Ishte për keqardhje, pasi nuk pashë më kurrë lojtar si ai”, shtoi ai. Pavarësisht se disa emra të mëdhenj të Juventusit u larguan pas rënies së klubit nga Serie A, Del Piero qëndroi dhe ishte kapiten i skuadrës në Serie B.
    Ndonëse kishin një heqje pikësh prej -9, Juventusi e fitoi ligën, me Del Pieron që përfundoi si top golashënues me 20 gola. Pas rikthimit në elitën e futbollit italian, ai nënshkroi një vazhdim kontrate për dy vjet, dhe mbeti në klub deri më 2012. Fergusoni po ashtu e rikujtoi edhe një takim të mëvonshëm me yllin italian. “Më 2008, e pashë atë përsëri dhe më uroi me një përqafim”, tha ai. “Ai më kërkoi falje që refuzoi ofertën time”, tha Fergusoni. “E vendosa dorën time në krahun e tij dhe e sigurova, ‘ti dëshiroje të shpëtoje Juventusin, dhe ti e bëre këtë’”, shtoi trajneri britanik. “Kur dikush më pyet se cilin lojtar do të dëshiroja ta stërvisja, por nuk e pata mundësinë kurrë, unë gjithmonë them: Alessandro Del Piero”, përfundoi Fergusoni. Më herët këtë vit, italiani njoftoi se i ka kompletuar kurset e trajnimit për trajner. Me Juventusin që po ka vështirësi në Serie A dhe me shkarkimin e fundit të Igor Tudorit, disa tifozë ka spekuluar nëse Del Piero mund të bëj një rikthim dramatik në klub.

  • Kristiano Ronaldo tregohen detaje nga jeta e tij në Arabi, problem drejtimi i makinës e jo miliardat

    Kristiano Ronaldo tregohen detaje nga jeta e tij në Arabi, problem drejtimi i makinës e jo miliardat

    Adriatik BALLA
    Kristiano Ronaldo, ka zbuluar gjënë e vetme që nuk e pëlqen në jetën e tij në Arabinë Saudite. Ronaldo, 40 vjeç, aktualisht luan për klubin e Al Nasr në Saudi Pro League, pas transferimit nga Mançester Junajtid në dimrin e vitit 2022, pas përplasjes me trajnerin Erik ten Hag. Që atëherë, ai ka vazhduar të shënojë gola pa pushim, edhe pse është në dekadën e pestë të jetës dhe në vitin e 24-të të karrierës si futbollist profesionist. Ronaldo u bë i famshëm te Mançester Junajtid, përpara se të bëhej lojtari më i shtrenjtë në botë me transferimin e tij te Real Madrid në vitin 2009. Me 451 gola për madrilenët – më shumë se çdo lojtar tjetër në historinë e klubit – ai kaloi më pas te Juventus në Itali, u rikthye te Junajtid në 2021 dhe në fund u bashkua me Al Nassr në Arabinë Saudite në vitin 2022. Portugezi, që ndan dhomën e zhveshjes me ish-yjet e Premier League si Zhao Feliks dhe Sadio Mane, duket se po e shijon jetën në Gjirin Persik dhe në verë nënshkroi një rinovim kontrate deri në vitin 2027 me klubin saudit.
    Në një bisedë me ish-shokun e tij të skuadrës te Junajtid, Rio Ferdinand, në kanalin e këtij të fundit në YouTube vitin e kaluar, Ronaldo kishte deklaruar se ishte “shumë i lumtur” në Arabinë Saudite, duke e përshkruar vendin si “një shtet të mrekullueshëm” që “familja e tij e do shumë”. Ai shtoi se përshtatja me kulturën “nuk ishte aspak e vështirë”, pavarësisht se kishte jetuar gjithë jetën në Europë. Por çfarë është ajo që Ronaldo nuk e pëlqen në Arabinë Saudite? Në një intervistë të fundit me Piers Morgan në kanalin “UR.Cristiano” në YouTube, Ronaldo foli për pasionin e tij për makinat luksoze, duke treguar se Bugatti është e preferuara e tij, ndërsa së fundmi ka shtuar edhe një Mercedes në koleksionin e tij me mbi 40 automjete.
    Kur Morgan e pyeti nëse ai vozit vetë, Ronaldo u përgjigj: “Jo shumë në Arabinë Saudite, sepse jemi mësuar të stërvitemi pasdite dhe unë gjithmonë shkoj me shofer…” Morgan ndërhyri: “Dhe trafiku është i tmerrshëm.” Ronaldo qeshi dhe shtoi: “Po, trafiku është i tmerrshëm, por për shembull, kur kthehemi në shtëpi, nuk ka trafik.” Fituesi pesë herë i Topit të Artë tregoi gjithashtu se së fundmi kishte vozitur vetë BMË-në e klubit, megjithëse nuk kishte qenë pas timonit për rreth gjashtë muaj më parë. Megjithëse fiton rreth 488,000 £ në ditë (afërsisht 3.42 milionë £ në javë), Ronaldo pranoi se paratë nuk kanë më rëndësi për të. Por Bloomberg Billionaire Index e shpalli 40-vjeçarin si futbollistin e parë aktiv në botë që u bë miliarder.

  • Mkhitarian trondit opinionin: Murinjo më çonte mesazhe në mesnatë dhe kërkonte të largohesha

    Mkhitarian trondit opinionin: Murinjo më çonte mesazhe në mesnatë dhe kërkonte të largohesha

    Adriatik Balla
    Një skandal me qendër Murinjon u shfaq sërish, këtë herë nga një ish-futbollist i tij. Kështu, ish-anësori i Mançester Junajtid dhe Arsenalit, Henrikh Mkhitarian, ka zbuluar mesazhet “të shëmtuara” që mori nga Hoze Murinjo, të cilat çuan në prishjen e marrëdhënies mes tyre.
    Në vitin 2016, Mkhitarian, tani 36 vjeç, iu bashkua Mançester Junajtid nga Borusia Dortmund për një shumë prej rreth 26.4 milionë £, duke nënshkruar një kontratë katërvjeçare me klubin anglez. Armeni kishte shkëlqyer më parë në Bundesligë dhe erdhi në Angli me reputacion të lartë. Por qëndrimi i tij në “Old Trafford” zgjati vetëm dy vjet. Ai shënoi 13 gola dhe dha 11 asistime në 63 ndeshje, përpara se të kalonte te Arsenali në vitin 2018. Megjithatë, gjatë kohës së tij te Junajtid ai fitoi dy trofe – Kupën e Ligës (2017) dhe Europa League (2017), ku shënoi në finalen 2-0 kundër Ajaksit. Megjithatë, periudha e tij në klub u errësua nga përplasja me Murinjon, atëherë trajner i Junajtid. Tashmë lojtar i Interit në Serie A, Mkhitarian ka treguar versionin e tij në librin e ri “My Life Alëays at the Centre”. Ai shkruan: “I thashë atij: që kur kam ardhur në Mançester Junajtid, ke një vit e gjysmë që më kritikon vazhdimisht”. Sipas tij, Murinjo iu përgjigj duke i thënë se ishte “m***”, gjë që e bëri Mkhitarianin të humbiste durimin. “Mou më tha: ‘Dil prej këtu, nuk dua të të shoh më kurrë.’ Gjatë stërvitjeve, nuk më fliste fare – një heshtje pothuaj fetare – por çdo mbrëmje më dërgonte mesazh në ËhatsApp: ‘Miki, ik, të lutem.’” Mkhitarian shton: “Situata ishte bërë groteske. Unë i përgjigjesha gjithmonë njësoj: ‘Do të largohem nëse gjej ekipin e duhur; përndryshe, do të pres verën”, theksoi ai.
    Në janar, gjatë merkatos, Murinjo ndryshoi tonin e mesazheve, duke i kërkuar të largohej që Junajtid të mund të transferonte Aleksis Sançez nga Arsenal. Agjenti i tij, Mino Raiola, punoi për marrëveshjen që përfundoi me shkëmbimin e lojtarëve: Sançez te Junajtid dhe Mkhitarian te Arsenal. Mkhitarian kujton: “Edhe përgjigjja ime ndryshoi. I thashë: ‘Nuk do të largohem vetëm për t’i bërë ty një nder. Dhe të lutem, mos më shkruaj më. Nëse do të flasësh, fol me Minon”, nënvizoi ai. Në fund, jeta e tij pas Junajtid mori kthesë pozitive. Ai fitoi disa trofe, përfshirë Conference League në sezonin 2021/2022 – ironikisht me Murinjon si trajner te Roma. Në radhët e Interit, ai ka luajtur dy finale të Champions League, si dhe ka fituar Serie A dhe Coppa Italia.

  • Arsenal parakalon Liverpulin, ‘Reds’ përballje me Çelsin

    Arsenal parakalon Liverpulin, ‘Reds’ përballje me Çelsin

    Java e 7-të e Premier Ligës solli një tjetër fitore për Arsenalin. “Topçinjtë” mposhtën në derbin e Londrës Uest Hem 2-0, falë një goli nga ish-legjenda Rice dhe një penalltie nga Saka. Arteta kështu u përpoq të ushtronte presion mbi Liverpulin e Arne Slot i cili sapo ka zbritur në fushë ndaj Çelsit.

    Fitore e madhe për Mançester Junajtid 2-0 kundër Sanderlandit të Granit Xhakës, me gola nga Mount dhe Sheshko. Totenhem gjithashtu shijoi një fitore 2-1 në Lids, me Tel dhe Kudus që vendosën ndeshjen.

    Lids – Totenhem 1-2Arsenal – West Ham United 2-0Mançester Junajtid – Sanderland 2-0Çesli- Liverpul 18:30

    Dje:

    Burnemuth- -Fulhem 3-1

    Ndeshjet 5 takimet e tjera të këtij raundi nesër.

    Vazhdo leximin

  • Murinjo i jep “leksione” Amorimit si të shpëtojë nga shkarkimi në krye të Mançester Junajtid

    Murinjo i jep “leksione” Amorimit si të shpëtojë nga shkarkimi në krye të Mançester Junajtid

    Adriatik BALLA
    Në Angli klubi i Mançester Junajtid dhe trajneri i këtij ekipi Ruben Amorim, janë në krizë rezultati dhe nën presion. Trajneri i Benfikës, Hoze Murinjo, beson se futbolli ka ndryshuar shumë që nga fillimi i karrierës së tij 25-vjeçare si menaxher. Murinjo është rikthyer në “Estadio da Luz” muajin e kaluar pas shkarkimit të tij nga Fenerbahçe, dhe gjatë përgatitjeve për një sezon që nuk u zhvillua në Stamboll, ai foli për rëndësinë e adaptimit dhe tha se fitimi është më i rëndësishëm se qëndrimi strikt pas një sistemi të caktuar.
    “Sot nuk ekziston një model i vetëm loje,” i tha Murinjo “Canal 11” në korrik. “Këtu ka shumë mënyra për të luajtur. Nuk ka më një sistem taktik unik, por shumë mënyra për të ndërtuar dhe mbrojtur. Kjo kërkon një përgatitje më taktike, ku lojtarët duhet të rriten dhe të fitojnë njohuri të reja. Problemi është dëshira për të kopjuar pa pasur kushtet për ta bërë”, nënvizoi Murinjo. Ai vuri në dukje se rival i tij i gjatë, Pep Guardiola, ka pasur aftësinë të njohë kur nuk kishte lojtarët e nevojshëm për ta luajtur lojën që dëshironte. “Nuk janë të gjithë trajnerët në luksin të largojnë Joe Hart dhe të marrin Ederson”, shtoi Murinjo. “Ka trajnerë që provojnë gjëra që nuk funksionojnë dhe dështojnë, por thonë, ‘Unë vdiqa me idenë time.’ Nëse vdisni me idenë tuaj, jeni të çmendur. Trajnerët duhet të përshtatin idetë me atë që kanë.”
    Një trajner që mund të marrë parasysh këshillën e tij është Ruben Amorim, bashkëkombësi i tij dhe aktualisht trajner i Mançester Junajtid. Amorim ka mbajtur një qëndrim të fortë për qasjen e tij taktike, edhe pse rezultatet tregojnë ndryshe. Formacioni i tij, i bazuar në një mbrojtje me tre lojtarë, nuk duket se shfrytëzon maksimalisht aftësitë e skuadrës. Junajtid kanë humbur tre ndeshje në kampionat këtë sezon dhe janë eliminuar nga “Carabao Cup” nga Grimsbi Taun. Murinjo shtoi: “Sot ka trajnerë që nuk i njoh as emrat që shkojnë në Premier League, dhe nuk e them këtë pa respekt, është e vërtetë. Disa trajnerë zgjidhen sipas datave, numrave, jo sipas fitoreve.” Një vit pas marrjes së drejtimit në “Old Trafford”, trajneri i ish-kampionëve të Sporting CP po përballet me pyetje për taktikat e tij që nga fillimi. Junajtid përfundoi i 15-ti në Premier League sezonin e kaluar, dhe çdo hap përpara shoqërohet nga një hap pas. Pavarësisht sfidave, Amorim mbetet i palëkundur në qasjen e tij. Ai deklaroi në shtator se “as vetë Papa nuk do ta bënte të ndryshonte mendim.”

  • Garnaço: Ishte kohë e keqe, te Junajtid stëvitesha vetëm

    Garnaço: Ishte kohë e keqe, te Junajtid stëvitesha vetëm

    La ‘Djajtë e Kuq’ të Amorim dhe u bashkua gjatë verës me blutë e Londrës të teknikut Mareska. Argjentinasi reflekton të shkuarën…

    Pas fitores së Çelsit ndaj Benficas në Ligën e Kampionëve, Alehandro Garnaço reflektoi mbi largimin e tij nga Mançester Junajtid:

    “Nuk kam asgjë të keqe për të thënë për klubin. Ishte thjesht një kohë e keqe në jetën time.” Duke u rritur në sistemin e të rinjve të Djajve të Kuq, marrëdhënia e sulmuesit me ish-klubin e tij kohët e fundit ishte bërë mjaft e tensionuar:

    “Të stërvitesha vetëm atje… ishte një situatë shumë e vështirë”, përfundoi Garnaço.

    Vazhdo leximin

  • Situata kritike e Mançester Junajtid, Amorim: Klubi më mbështet

    Situata kritike e Mançester Junajtid, Amorim: Klubi më mbështet

    Trajneri portugez i Mançester Junajtid Ruben Amorim foli në një konferencë për shtyp në prag të ndeshjes kundër Çelsit. Ai gjëndët gjithnjë nën kritika të ashpra kryesisht së fundi pas humbjes në derbi kundër Sitit fundjavën e kaluar. Dhe rekordi i tij që nga marrja e drejtimit të Djajve të Kuq ka qenë jashtëzakonisht negativ. Në 47 ndeshje në të gjitha garat, ka pasur 18 fitore, 20 humbje dhe 9 barazime.

    Duke mbërritur në nëntor të vitit të kaluar, ata nuk arritën të kualifikoheshin për garat evropiane, duke arritur rezultatin e tyre më të keq që nga krijimi i Premier League (vendi i 14-të). Fillimi i këtij sezoni ka qenë gjithçka përveç inkurajues, me ekipin e eliminuar në raundin e dytë të Kupës së Ligës nga Grimsbi, një ekip i Liga e Dytë që është ekuivalenti i kategorisë së katërt.

    Përballë këtij skenari, këtë javë është folur se pronari i klubit Jim Ratcliffe është i tërbuar dhe gati të vërë në pikëpyetje qëndrimin e Amorim. Një takim midis dy palëve u zhvillua këtë javë dhe sot trajneri portugez e trajtoi këtë çështje, duke zgjedhur një qasje ironike:

    Amrim u përgjigj këhhtu; “Për çfarë folëm? Një kontratë të re; ai po më ofronte një kontratë të re.” Amorim vazhdoi më pas, duke u përgjigjur seriozisht: “Jo, vetëm gjëra normale. Vetëm për të treguar mbështetje, duke shpjeguar se është një projekt i gjatë. Ai ka thënë disa herë, ‘Ky është sezoni im i tretë’. Për mua, jo. Por këto janë gjëra normale.”

    Vazhdo leximin

  • Siti fiton derbin e Mançesterit me Junajtid, Guardiola fiton duelin e parë sezonal me rivalët e qytetit

    Siti fiton derbin e Mançesterit me Junajtid, Guardiola fiton duelin e parë sezonal me rivalët e qytetit

    Adriatik BALLA
    Dje u luajtën ndeshjet e xhiros së radhës në Premier League angleze, të cilat dhuruan spektakël dhe mjaft rivalitet, gjë që e dëshmoi më së miri ndeshja Bërnli-Liverpul, e cila ishte mbërthyer në barazim deri në sekondën e fundit e pikërisht në fund fare Liverpul e fiton falë një penalltie t shndërruar në gol nga Salah. Por kryendeshja e djeshme në Premier League ishte derbi mes Mançester Sitit dhe Mançester Junajtid, luajtur në stadiumin “Etihad”. Në këtë përballje trajnerët spanjollë Guardiola dhe Amorim patën mundësinë të zbatojnë në fushë idetë e tyre por kualiteti i Sitit solli fitoren e “qytetarëve”, një fitore që e ngjit ekipin e Pep Guardiolës në vendin e 8-të, me 6 pikë, me dy fitore e dy humbje në katër takime të luajtura. Kurse Junajtid zbret në vendin e 14-të, me vetëm 4 pikë të grumbulluara në katër xhirot e para të kampionatit anglez.
    Ndeshjen e djeshme e dominuan “qytetarët”, ku i pari e hapi serinë e golave Foden në minutën e 18-të. Pjesa e parë do të mbyllej 1-0. Në pjesën e dytë erdhi shpërthimi i sulmuesit norvegjez Erling Haland, që shënoi golin e dytë për ekipin e tij në minutën e 53-të, pas asistimit të Dokut. Në minutën e 68-të, pas një asisti të Silvës, norvegjezi Haland shënoi edhe goln e tretë, duke e “vrarë” ndeshjen. Përfundimisht derbin e Mançesterit e fitoi Siti, me shifrat 3-0, duke u kthyer “në origjinë” dhe si një skuadër që mund të rritet për të pretenduar titullin në vazhdim. Kurse Junajtid me këtë humbje, në krizë të thellë, mund të sjellë edhe shkarkimin e trajnerit. Ndërkohë, po dje, sulmuesi i Egjiptit, Mohamed Salah, ishte i saktë nga penalltia në minutën e 93-të dhe ia siguroi pikët e plota kampionit të Anglisë, Liverpulit.
    Me rezultatin 1:0, “Reds”-at fituan në udhëtim ndaj Bërnlit të Armando Brojës, që luajti me një lojtar më pak në fushë në dhjetë minutat e fundit. Ndeshja e zhvilluar të dielën i takoi xhiros së katërt të Premier League. Lesli Ugoçukvu u përjashtua nga loja te vendësit në minutën e 84-t. Në shtesë, Liverpuli fitoi penallti pas prekjes me dorë të Hannibal Mejbrit. Salah ishte i pagabueshëm për fitoren e katërt në po aq ndeshje të luajtura. Sulmuesi i Shqipërisë, Broja, u inkuadrua në minutën e 89-të. Liverpuli prinë në tabelë me 12 pikë, tri më shumë se Arsenali, Totenhemi e Bornemuthi. Bërnli mbetet me tri pikë në pozitën e 17-të. Në vendet e para në Premier League qëndrojnë Liverpuli me 10 pikë, ndjekur nga Arsenali, Totenhemi e Burnemuthi me 9 pikë, e fill pas tyre Çelsi me 8 pikë, skuadra që kompletojnë top-5 në renditjen e Premier League angleze.

  • Bruno Fernandez drejt largimit nga Junajtid, ka hyrë në bisedime me Al Itihad në Arabinë Saudite

    Bruno Fernandez drejt largimit nga Junajtid, ka hyrë në bisedime me Al Itihad në Arabinë Saudite

    Adriatik BALLA
    Mançester Junajtid po përballet me një sezon ku synon të gjejë vetveten, një objektiv që ka munguar prej shumë kampionatesh. Pavarësisht sezoneve të vështira, gjithmonë ka pasur një lojtar që ka përmbushur pritshmëritë: Bruno Fernandes, i cili duket se tani është në rrugë larg klubit. Me ardhjen e Ruben Amorim në stol, drejtuesit vendosën t’i japin lirinë për të formuar skuadrën dhe për ta forcuar me afrime si Benjamin Sesko, Brajan Mbeumo, Matheus Kunja dhe i riu Diego Leon. Mesfushori portugez sulmues është lideri i vërtetë i dhomës së zhveshjes, kapiteni dhe lojtari kryesor që mban Junajtid së bashku në kohët e vështira.
    Megjithatë, raportet nga Anglia tregojnë se lojtari ka zhvilluar biseda private me Al-Itihad, një nga klubet më të rëndësishme të Arabisë Saudite. Kjo mundësi lind pas verës së kaluar, kur Al Hilal e tundoi me një kontratë gjigande afër 230 milionë euro, ofertë që ai e refuzoi, sepse dëshironte të konkurronte ende në nivelet më të larta të Evropës. Këtë herë, situata duket ndryshe. Fernandes, 30 vjeç, po tregon shenja lodhjeje nga detyra për të qenë gjithmonë pika referimi e një skuadre që nuk mund të konsolidohet midis elitës kontinentale.
    Mundësia për të ndarë dhomën e zhveshjes me yje si Karim Benzema apo N’Golo Kantë është shumë tërheqëse dhe mund të ketë hapur derën për një ndryshim ambienti. Sipas Mundo Deportivo, lojtari ka paraqitur kërkesa ekonomike afër 40 milionë eurosh në vit, një shifër për të cilën klubi saudit ende nuk ka dhënë përgjigje. Nga ana tjetër, Mançester Junajtid e konsideron Bruno të pazëvendësueshëm dhe shpreson që këto negociata të mos rezultojnë. Institucioni frikësohet se humbja e kapitenit do të ishte një goditje e madhe, si nga ana sportive ashtu edhe morale, veçanërisht ndërsa trajneri i ri po përpiqet të ndërtojë një projekt të qëndrueshëm.
    Liga saudite po bëhet gjithnjë e më influencuese në merkato me kontratat e saj astronomike, dhe gjithnjë e më shumë figurat e futbollit evropian tërhiqen nga kjo mundësi. Rasti i Fernandes përfaqëson një episod të ri në betejën midis traditës evropiane dhe fuqisë ekonomike të Lindjes së Mesme. Edhe pse ende nuk ka një marrëveshje zyrtare, mundësia që Junajtid të humbasë yllin e tij shqetëson tashmë tifozët. Vendimi mund të ndodhë në ditët e fundit të merkatos, në varësi të pranimit nga Al-Itihad i pagës së propozuar nga lojtari. Nëse realizohet, do të ishte një nga lëvizjet më surprizuese të merkatos.