Lajmidites.com

Tag: jugut

  • Operacioni kundër trafikut të drogës! Prokurori Italian: Krim që kalon kufijtë, nga Ballkani deri në Amerikën e Jugut!

    Operacioni kundër trafikut të drogës! Prokurori Italian: Krim që kalon kufijtë, nga Ballkani deri në Amerikën e Jugut!

    Prokurori i Përgjithshëm Italian Michele Carbone, foli sot në një konferencë për mediat lidhur me operacionin e përbashkët Shqipëri-Itali kundër trafikut ndërkombëtarë të drogës.

    Ai tha se bëhet fjalë për një grup kriminal që kalon përtej kufijve të dy vendeve dhe që arrin deri në Amerikën e Jugut.

    Prokurori i Përgjithshëm Michele Carbone: Jam shumë i gëzuar, është hera e parë që vij në Tiranë. Është një krim ndërkombëtar mes lëndëve narkotike veçanërisht për lëndët narkotike, i kalon kufijtë ndërkombëtar dhe ka kontakte përtej Italisë dhe Shqipërisë. Flasim për kontakte në Evropën e Veriut, Amerikën e Jugut, Ballkan dhe vende të tjera.

    Nëse rezultatet e djeshme u realizuan është sepse ka pasur një punë skuadre. Ka parë si aktorë jo vetëm policinë gjyqësore por edhe kolegët e policisë shqiptare. Rezultate të rëndësishme që mund të arrihen vetëm me anë të një loje skuadre. Falënderoj gjithë aktorët që bashkëpunuan.

  • Prokurori i Përgjithshëm italian: Krim që i kalon kufijtë, nga Ballkani deri në Amerikën e Jugut!

    Prokurori i Përgjithshëm italian: Krim që i kalon kufijtë, nga Ballkani deri në Amerikën e Jugut!

    Prokurori i Përgjithshëm i Italisë, Michele Carbone, foli sot në një konferencë për mediat lidhur me operacionin e përbashkët Shqipëri-Itali kundër trafikut ndërkombëtarë të drogës.
    Ai tha se bëhet fjalë për një grup kriminal që kalon përtej kufijve të dy vendeve dhe që arrin deri në Amerikën e Jugut.
    Michele Carbone: “Jam shumë i gëzuar, është hera e parë që vij në Tiranë. Është një krim ndërkombëtar mes lëndëve narkotike veçanërisht për lëndët narkotike, i kalon kufijtë ndërkombëtar dhe ka kontakte përtej Italisë dhe Shqipërisë. Flasim për kontakte në Evropën e Veriut, Amerikën e Jugut, Ballkan dhe vende të tjera.
    Nëse rezultatet e djeshme u realizuan është sepse ka pasur një punë skuadre. Ka parë si aktorë jo vetëm policinë gjyqësore por edhe kolegët e policisë shqiptare. Rezultate të rëndësishme që mund të arrihen vetëm me anë të një loje skuadre. Falënderoj gjithë aktorët që bashkëpunuan”

  • Pas 30 vitesh zhdukje, rishfaqet specia misterioze në Afrikën e Jugut

    Pas 30 vitesh zhdukje, rishfaqet specia misterioze në Afrikën e Jugut

    Një geko e rrallë, që nuk ishte parë që nga viti 1991 dhe konsiderohej e zhdukur, është rizbuluar në një nga zonat më të paarritshme të Afrikës së Jugut. Studiuesit Darren Pietersen dhe John Davies, të Fondit të Jetës së Egër në Rrezik, u lanë me helikopter në kanionin e thellë Blyde Rondavel në Provincën Mpumalanga, aty ku gekoja u identifikua për herë të parë.

    Pas më shumë se tre dekadash misteri dhe spekulimesh nëse hardhuca e vogël ekzistonte vërtet, ata arritën të gjenin deri në 30 ekzemplarë të gekos së sheshtë, duke fotografuar shtatë prej tyre.

    Specia, e quajtur Blyde River Flat Gecko, konsiderohej një “specie e humbur” për shkak se nuk ishte regjistruar për mbi 10 vjet. Zbulimi i saj i fundit vjen pas përpjekjesh kërkimore që zgjatën dy vjet, duke përfshirë disa aplikime për leje dhe një ekspeditë të rrezikshme tre-ditore në shkëmbinj të pjerrët mbi 100 metra të lartë.

    “Më bezdis fakti që kam një specie që ka mungesë të dhënash,” tha Pietersen, i cili është i përkushtuar ndaj specieve pak të studiuara. Rizbulimi i gekos shënon kafshën e pestë që Fondi i Jetës së Egër në Rrezik ka rizbuluar në vitet e fundit, duke përfshirë edhe një urith të pazbuluar prej më shumë se 80 vjetësh.

    Zbulimi jo vetëm që hedh dritë mbi ekzistencën e një specieje të rrallë, por nënvizon edhe sa shumë mbetet ende për t’u mësuar mbi biodiversitetin e planetit tonë. Studiuesit tani do të përdorin mostrat e indeve të mbledhura për të konfirmuar nëse bëhet fjalë për një specie të veçantë.

  • Trump u jep status refugjati afrikanojugorëve të bardhë

    Trump u jep status refugjati afrikanojugorëve të bardhë

    Donald Trump u ka dhënë status refugjati afrikanojugorëve të bardhë që pretendojnë se përballen me diskriminim racor në vendin e tyre.

    Një grup prej 49 afrikanojugorësh të bardhë u nisën me një fluturim të posaçëm nga Johanesburgu të dielën në mbrëmje dhe pritet të mbërrijnë në aeroportin ndërkombëtar Dulles në Uashington DC të hënën, në një lëvizje që e shton tensionin mes dy vendeve.

    Pavarësisht se ndaloi pothuajse të gjitha pranimet e tjera të refugjatëve menjëherë pas rikthimit në detyrë në janar, presidenti organizoi me shpejtësi një skemë për të lejuar hyrjen e afrikanojugorëve, pasardhës të kolonëve kryesisht holandezë, të cilët thonë se u është mohuar puna dhe janë shënjestruar nga dhuna për shkak të racës së tyre.

    Dhënia e statusit të refugjatit afrikanojugorëve të bardhë është pritur me shqetësim dhe përqeshje nga zyrtarët e Afrikës së Jugut, të cilët akuzuan administratën Trump për ndërhyrje në një çështje të brendshme politike që nuk e kupton.

    “Qeveria deklaron pa mëdyshje se këta nuk janë refugjatë,” tha zëdhënësi i ministrisë së jashtme të Afrikës së Jugut, Chrispin Phiri, për transmetuesin vendas Newzroom Afrika. “Por ne nuk do t’i pengojmë.”

    Tensionet mes Afrikës së Jugut dhe SHBA-ve kanë qenë të pranishme prej muajsh, që prej shkurtit kur presidenti nënshkroi një urdhër ekzekutiv për ndërprerjen e ndihmës amerikane ndaj vendit, mes pretendimeve se po diskriminonte fermerët e bardhë, të cilëve ai u ofroi vendosje në SHBA.

    Komentet e tij ishin në një linjë me ato të Elon Musk-ut, këshilltarit të tij të ngushtë i lindur dhe rritur në Afrikën e Jugut, i cili e ka akuzuar vendin për “ligje të pronësisë me karakter racist” që përbëjnë një lloj “gjenocidi” ndaj fermerëve të bardhë.

    Këto akuza u hodhën poshtë nga Ministri i Jashtëm i Afrikës së Jugut, Ronald Lamoa, i cili tha të hënën: “Nuk ka ndjekje penale apo përndjekje ndaj afrikanojugorëve të bardhë në Afrikën e Jugut,” duke shtuar se raportet e policisë rrëzojnë pretendimet e Trump-it.

    Ndërsa procesi i zakonshëm për refugjatët zgjat vite, administrata Trump e ka përshpejtuar procedurën për këtë grup afrikanojugorësh, që janë të parët që po vendosen në SHBA.

    Familjet që u rreshtuan në aeroportin ndërkombëtar OR Tambo në Johanesburg të dielën thanë se ambasada amerikane u kishte kërkuar të mos flisnin me mediat, sipas The New York Times.

    Mendohet se aeroplani ishte më pak se një e katërta i mbushur, me të dhënat e FlightRadar që sugjerojnë se pasagjerët hipën në një avion Omni Air Boeing 767-224, i cili ka kapacitet për 224 pasagjerë.

    Afrikanojugorët në Afrikën e Jugut pretendojnë se u mohohet punësimi, shpërfillen nga qeveria dhe shënjestrohen nga kriminelët për shkak të racës së tyre.

    Që nga viti 1994, kur Nelson Mandela solli demokracinë në Afrikën e Jugut, pakica e bardhë që dikur kishte pushtetin ka ruajtur shumicën e pasurisë së akumuluar gjatë kolonializmit dhe aparteidit.

    Presidenti i Afrikës së Jugut, Cyril Ramaphosa, këtë vit miratoi një ligj që i lejon qeverisë të marrë tokën nga pronarët privatë pa kompensim në disa raste.

    Stephen Miller, zëvendësshefi i kabinetit të Trump-it dhe arkitekt i politikave të tij të emigracionit, u tha gazetarëve në Shtëpinë e Bardhë të premten se ajo që po ndodh në Afrikën e Jugut përputhet me “përkufizimin klasik të arsyes për të cilën është krijuar programi i refugjatëve.”

    Vendosja në SHBA do t’u japë refugjatëve afrikanojugorë një rrugë drejt shtetësisë amerikane.

    Pas mbërritjes, ata që nuk kanë familje në SHBA pritet të strehohen përkohësisht dhe të mbështeten nga organizata vendore, sipas një dokumenti të parë nga NPR. / Reuters – Syri.net

  • Kthimi i afrikano-jugorëve të bardhë në SHBA, Trump akuzohet për racizëm! Organizatat: Kthesë mizore raciste

    Kthimi i afrikano-jugorëve të bardhë në SHBA, Trump akuzohet për racizëm! Organizatat: Kthesë mizore raciste

    Një grup prej 59 qytetarësh të bardhë nga Afrika e Jugut kanë mbërritur në Shtetet e Bashkuara, ku pritet të marrin statusin e refugjatit, në bazë të një programi të veçantë të përshpejtuar nga administrata e presidentit Donald Trump.

    Ky veprim ka shkaktuar polemika të mëdha si brenda ashtu edhe jashtë SHBA-së, me akuza për racizëm të institucionalizuar dhe politizim të politikave të emigracionit.
    Grupi zbarkoi në Uashington, ku u prit ngrohtësisht nga zyrtarë amerikanë. Refugjatët, shumica prej të cilëve janë afrikanë, një pakicë me prejardhje evropiane në Afrikën e Jugut, u panë duke mbajtur fëmijë të vegjël dhe flamuj amerikanë në një ambient të stolisur me ngjyra patriotike.
    Donald Trump ka mbrojtur vendimin, duke deklaruar se fermerët e bardhë në Afrikën e Jugut janë viktima të një “gjenocidi” dhe përballen me dhunë të vazhdueshme për shkak të racës së tyre. “Rastësisht janë të bardhë, por kjo nuk ka rëndësi për mua,” tha ai para gazetarëve.
    Sidoqoftë, këto pretendime janë hedhur poshtë nga autoritetet e Afrikës së Jugut, të cilat thonë se nuk ka prova për një përndjekje të tillë sistematike ndaj të bardhëve.
    Organizata Human Rights Watch e cilësoi këtë veprim si një “kthesë mizore raciste”, ndërsa Kisha Episkopale Amerikane deklaroi se nuk do të bashkëpunojë më me autoritetet federale për çështjet e refugjatëve për shkak të “trajtimeve preferenciale” ndaj këtij grupi.
     

    Top Channel

  • Trump akuzohet për racizëm, Afrika e Jugut reagon ndaj planit të ri të emigracionit

    Trump akuzohet për racizëm, Afrika e Jugut reagon ndaj planit të ri të emigracionit

    Qeveria e Afrikës së Jugut ka reaguar me kritika të forta ndaj një nisme të mundshme të administratës amerikane për të pranuar afrikanë të bardhë si refugjatë, një vendim që Pretoria e ka cilësuar si “të motivuar politikisht” dhe të dëmshëm për demokracinë e saj.

    Raportet, të publikuara nga rrjeti amerikan CBS, sugjerojnë se Shtetet e Bashkuara po përgatiten të pranojnë afrikanerë nga Afrika e Jugut, duke i konsideruar ata si viktima të diskriminimit racor.
    Një dokument i parë nga CBS e përshkruan këtë zhvendosje si një “prioritet” për administratën e Presidentit të atëhershëm Donald Trump, megjithëse data e saktë e nisjes së procesit nuk është konfirmuar nga Shtëpia e Bardhë.
    Në një deklaratë zyrtare të publikuar të premten, Ministria e Jashtme e Afrikës së Jugut i hodhi poshtë këto pretendime dhe theksoi se nuk ka prova që fermerët e bardhë po shënjestrohen për shkak të racës.
    “Pretendimet për diskriminim ndaj pakicës së bardhë janë të pabazuara,” tha Pretoria, duke shtuar se statistikat e krimit nuk mbështesin këtë narrativë.
    Megjithatë, autoritetet e Afrikës së Jugut thanë se nuk do të pengojnë largimin e atyre që duan të zhvendosen, por i kërkuan Uashingtonit garanci që individët e përzgjedhur janë verifikuar plotësisht dhe nuk kanë probleme ligjore të pazgjidhura.
    Një zëdhënës i Departamentit Amerikan të Shtetit konfirmoi se po intervistohen individë të interesuar për të emigruar në SHBA dhe se përparësi po u jepet atyre që konsiderohen si viktima të diskriminimit të padrejtë, por pa dhënë një afat të saktë për fillimin e zhvendosjes.
    Ndërkohë, administrata Trump ka akuzuar më herët qeverinë e Afrikës së Jugut për sekuestrim të tokave të fermerëve të bardhë pa kompensim, akuza që Pretoria i ka mohuar kategorikisht.
    Sipas dokumenteve të siguruara nga CBS, një konferencë për shtyp pritet të mbahet të hënën në aeroportin Dulles të Virxhinias, ku do të mirëpritet grupi i parë i refugjatëve afrikanerë.

    Top Channel

  • Provokime ndaj SHBA-së dhe Koresë së Jugut, Kim Jong Un teston raketat bërthamore

    Provokime ndaj SHBA-së dhe Koresë së Jugut, Kim Jong Un teston raketat bërthamore

    Tensionet në Gadishullin Korean kanë arritur nivele të reja këtë javë, pasi lideri i Koresë së Veriut, Kim Jong Un, mbikëqyri testime të sistemeve raketore me rreze të shkurtër veprimi që simuluan kundërsulme bërthamore ndaj forcave të Shteteve të Bashkuara dhe Koresë së Jugut, njoftuan të premten mediat shtetërore të vendit.

    Lajmi u publikua një ditë pasi ushtria e Koresë së Jugut raportoi disa lëshime raketash nga bregu lindor i Koresë së Veriut, duke ngritur dyshime se testet mund të lidhen me eksportin e armëve të Phenianit drejt Rusisë, në mbështetje të luftës së saj në Ukrainë.
    Sipas agjencisë shtetërore KCNA, testet e së enjtes përfshinë një sistem raketash balistike mobile, i ngjashëm me modelin rus Iskander, si dhe raketahedhës të shumëfishtë 600 mm, të cilat Seuli i klasifikon si armë balistike për shkak të vetështytjes dhe fluturimit të drejtuar.
    Këto armë, të cilat Koreja e Veriut pretendon se mund të pajisen me armë bërthamore taktike, janë pjesë e përpjekjeve të vazhdueshme për të rritur kapacitetin e saj luftarak në terren, shkruan WP.
    Qëllimi i stërvitjes, sipas Phenianit, ishte përmirësimi i efikasitetit të njësive të raketave nën kontrollin bërthamor dhe forcimi i reagimit të shpejtë ndaj një krize të mundshme.
    Kim, gjithashtu, theksoi nevojën për të forcuar rolin e forcave bërthamore si në parandalimin, ashtu edhe në luftimin aktiv, duke kërkuar rritje të gatishmërisë luftarake dhe saktësisë së goditjeve.
    Pheniani vazhdoi të kritikojë ashpër SHBA-në dhe aleatët e saj për ushtrimet e përbashkëta ushtarake, të cilat i cilëson si përgatitje për luftë bërthamore. Kim Jong Un përdori këtë kontekst për të demonstruar, sipas KCNA, “qëndrimin e shpejtë të kundërveprimit” të ushtrisë së tij.
    Nga ana tjetër, Koreja e Jugut e përshkroi veprimin si një provokim të qartë që shkel rezolutat e Këshillit të Sigurimit të OKB-së dhe përbën kërcënim serioz për paqen në rajon.
    Zëdhënësja e Ministrisë së Unifikimit, Kim Inae, theksoi se veprimet e fundit përshkallëzojnë më tej situatën e brishtë në rajon.
    Sipas ushtrisë jugkoreane, raketat u lëshuan nga zona përreth qytetit portual lindor të Wonsan, ndërmjet orës 08:10 dhe 09:20 të mëngjesit.
    Njëra prej raketave fluturoi rreth 800 kilometra, duke demonstruar kapacitet të konsiderueshëm veprimi.
    Ndërkohë, Ministri japonez i Mbrojtjes, Gen Nakatani, konfirmoi se asnjë raketë nuk hyri në zonën ekskluzive ekonomike të Japonisë dhe nuk pati dëme në territor apo mjete civile.
    Ky ishte aktiviteti i parë balistik i Koresë së Veriut që nga 10 marsi, dhe lëshimi i gjashtë për këtë vit, në një kontekst ku Pheniani po zgjerohet gjithashtu në fushën e bashkëpunimit ushtarak me Rusinë.
    Vetëm një ditë para testeve, Kim kishte vizituar Ambasadën Ruse në Phenian, duke përkujtuar 80-vjetorin e fitores sovjetike mbi Gjermaninë naziste dhe duke vlerësuar “marrëdhëniet strategjike afatgjata” mes dy vendeve.

    Top Channel

  • Nëna shet vajzën 6-vjeçare për 968 euro në një rast trafikimi seksual që tronditi Afrikën e Jugut

    Nëna shet vajzën 6-vjeçare për 968 euro në një rast trafikimi seksual që tronditi Afrikën e Jugut

    Gjykata e Afrikës së Jugut shpalli sot fajtorë një nënë dhe dy bashkëpunëtorë të saj të cilët rrëmbyen dhe trafikuan vajzën e saj 6-vjeçare, në një rast që ka tronditur vendin dhe ka tërhequr vëmendjen që kur fëmija u zhduk vitin e kaluar.

    Jocelyn Smith, atëherë 6 vjeçe, u zhduk nga shtëpia e saj në qytetin e vogël Mindelpos në Gjirin Saldanha në provincën e Kepit Perëndimor më 19 shkurt 2024 dhe që atëherë ka nisur një kërkim në të gjithë vendin. Vajza nuk është gjetur.
    Nëna e Jocelyn, Kelly Smith, i dashuri i saj, Jaqueen Apolis dhe miku i tyre, Steven Van Ryn, u akuzuan për shitjen e fëmijës për para. Një gjyqtar në Gjykatën e Lartë në Kepin Perëndimor i shpalli sot të tre fajtorë për rrëmbim dhe trafikim qeniesh njerëzore.
    “Sjellja e znj. Smith nuk është sjellja e një prindi të kujdesshëm. Dhe pse nuk është? “Sipas mendimit tim, i vetmi përfundim është se ju e dinit (çfarë ndodhi)”, tha sot gjykatësi Nathan Erasmus, duke iu drejtuar Smith, i cili ishte në sallën e gjyqit dhe nuk tha asnjë fjalë.
    Në këtë rast që tronditi Afrikën e Jugut, një nga dëshmitarët i tha gjykatës se Smith i kishte thënë se ia kishte shitur vajzën e saj të vogël një sharlatani, ose shëruesi tradicional, për 20,000 rand (1,100 dollarë/968 euro).Gjykatësi nuk përmendi në vendimin e tij se kujt iu shit vajza ose pse. Tre të dënuarit do të mbahen në paraburgim përpara se t’u jepej dënimi.

    Top Channel

  • “Lubi Balluku i ndan rrugët me lote”/ Berisha: E-Albania është shndërruar në kurth gjobash për banorët e jugut

    “Lubi Balluku i ndan rrugët me lote”/ Berisha: E-Albania është shndërruar në kurth gjobash për banorët e jugut

    Kreu i PD-së Sali Berisha mbajti një konferencë me gazetarët mesditën e sotme nga selia blu. Berisha foli për turin e tij të takimeve në jug të vendit dy ditët e fundit. Kryedemokrati tha se aplikacioni e-albania është shndërruar në një kurth gjobash për banorët e jugut.
    Berisha: Konstatova me dhimbje të madhe, se jugu lëngonte për mungesën e qindra-mijërave të rinjve të larguar nga ato zona. Nëse largohen pak km nga deti në zonat e jugut, fillon një shkretëtirë në raport me banorët. Një pakësim jashtë imagjinate. Shkolla të mbyllura, klasa kolektive, qendra shëndetësore të mbyllura me ferra. Mungesë mjekësh, mungesë shërbimesh. E-albania kurthi më i keq i kohëve të Edi Ramës.
    Në jug ishte kurthi i gjobave. Aplikonte borshioti apo himarioti për të marrë dokumentat e tokës. 2 muaj heshtje mortore. Pas dy muajsh, i vinte sekseri. Ke aplikuar i thoshte, atë herë për 1 dynym tokë, duhet të japësh 5 mijë euro. Për dynymin 5 mijë e më shumë. Njësoj si Lubi Balluku që i ndan rrugët me lote, e-albania i ndan me dynym. Atje mungesa e të gjitha zyrave. Shkatërrim i qyteteve.
    Premtim im, kjo merr fund në 100 ditët e para. Në çdo rreth kthehen zyrat siç ka qenë në 2013. Bashkia do i ketë aty shërbimet. Ishte një tur, ku njeriu kthehet mirënjohës por edhe i trishtuar kur bukurinë e atyre zonave magjepsëse me braktisjen masive, me vjedhjen e madhe. 80% e të rinjve që mbaronin gjimnazet largohen. Ky 11 maj është vendimtar për fatin e saj.

  • Bombardimet e Rusisë gjatë natës, Zelensky merr vendimin për vizitën e radhës në Afrikën e Jugut

    Bombardimet e Rusisë gjatë natës, Zelensky merr vendimin për vizitën e radhës në Afrikën e Jugut

    Presidenti ukrainas Volodymyr Zelensky ka ndërprerë vizitën e tij në Afrikën e Jugut pas një vale të re sulmesh ajrore ndaj Ukrainës gjatë natës, ku raportohen 9 viktima dhe mbi 80 të plagosur.

    Në një deklaratë të publikuar në rrjetet sociale, Zelensky tha se do të informojë presidentin e Afrikës së Jugut, Cyril Ramaphosa, për situatën dhe nevojën për të intensifikuar përpjekjet diplomatike globale.
    Takimi mes dy liderëve pritet të zhvillohet gjatë paradites së sotme, megjithatë pjesa tjetër e vizitës zyrtare në Afrikën e Jugut do të anulohet, pasi Zelensky synon të kthehet menjëherë në Ukrainë.
    “Kemi 44 ditë që kemi pranuar një armëpushim të plotë, të propozuar nga SHBA, por Rusia vazhdon të vrasë njerëz dhe të shmangë presionin ndërkombëtar dhe përgjegjësinë për këto akte”, deklaroi presidenti ukrainas.
    Ai theksoi se ndalimi i sulmeve është i domosdoshëm, i menjëhershëm dhe pa kushte, duke shtuar gjithashtu se pret ndihmë në çështje humanitare, përfshirë kthimin e të burgosurve dhe fëmijëve ukrainas të rrëmbyer nga Rusia.
    Zelensky njoftoi gjithashtu se do t’u kërkojë partnerëve ndërkombëtarë mbështetje për forcimin e mbrojtjes ajrore të Ukrainës, për të parandaluar sulme të tjera të ngjashme.

    Top Channel