Lajmidites.com

Tag: jinping

  • A mundet Kina të bindet të ndikojë te Rusia për fundin e luftës?

    A mundet Kina të bindet të ndikojë te Rusia për fundin e luftës?

    Bota E Hënë, 8 Dhjetor 2025 14:29
    Presidenti i Francës, Emmanuel Macron, përfundoi një vizitë në Kinë, ku ndër të tjera kërkoi ndihmën e Pekinit për t’i bërë presion Rusisë që të pranojë një armëpushim në Ukrainë. Kjo vizitë vjen ndërsa rriten përpjekjet diplomatike të Perëndimit për t’i dhënë fund konfliktit që ka nisur gati katër vjet më parë.
    Mirëpo analistët dhe zyrtarët evropianë me të cilët ka biseduar Radio Evropa e Lirë kanë dyshime nëse Pekini do të ndërmarrë hapa të rëndësishëm për të bindur presidentin rus, Vladimir Putin, që të heqë dorë nga kërkesat e tij dhe të përfundojë luftën.

    Edhe pse vizita e Macronit pati simbolikë të madhe dhe fokus në mundësi tregtare, nuk përfundoi me ndonjë rezultat të madh politik. Ekspertët nuk besojnë se Kina do ta tërheqë mbështetjen që i ka ofruar Rusisë gjatë gjithë konfliktit, dhe Xi Jinping ka pak arsye të kërkojë nga Putin të pranojë plane që tashmë i ka hedhur poshtë.

    Plani amerikan për paqe, me 28 pika, është konsideruar nga Ukraina si i favorshëm për Rusinë, megjithëse është përditësuar për të adresuar edhe shqetësimet e Kievit.

    “Nuk besoj se ekziston ndonjë shtysë për Pekinin që të angazhohet në përpjekjet për t’i dhënë fund luftës,” tha Claus Soong, analist në Institutin MERICS në Berlin.
    Gjatë vizitës në Pekin më 4 dhjetor, Macron u prit me qilim të kuq dhe ushtri, dhe në takimin me Xi Jinping theksoi rëndësinë e arritjes së paqes dhe stabilitetit ndërkombëtar.
    “Po përballemi me rrezikun e shpërbërjes së rendit ndërkombëtar që ka siguruar paqe për dekada. Dialogu mes Kinës dhe Francës është më i nevojshëm se kurrë,” tha Macron. Ai i bëri thirrje Xit që të angazhohet në përpjekjet evropiane për të arritur sa më shpejt një armëpushim dhe një moratorium në sulmet që godasin infrastrukturën kritike.
    Xi Jinping nuk iu përgjigj drejtpërdrejt thirrjes së Macronit, por deklaroi se “Kina mbështet të gjitha përpjekjet për paqe” dhe bëri thirrje për një marrëveshje të pranueshme për të gjitha palët. Pekini e ka quajtur konfliktin në Ukrainë “konflikt” dhe nuk e ka pranuar kurrë si pushtim. Pozicioni i Kinës mbetet i njëjtë, pavarësisht thirrjeve të zyrtarëve evropianë për të frenuar Moskën.
    “Kina mund t’i shkaktojë dëm serioz ekonomik Bashkimit Evropian,” tha Yurii Poita nga Qendra për Studime mbi Ushtrinë, Konvertimin dhe Çarmatosjen në Kiev. Prandaj thirrjet e Macronit për Kinën janë kryesisht simbolike. Askush në Evropë nuk pret që Pekini të reagojë.

  • Xi zhvillon vizitë miqësore me Macron në Chengdu

    Xi zhvillon vizitë miqësore me Macron në Chengdu

    Xi Jinping prezantoi historinë dhe rëndësinë e Dujiangyan, duke theksuar se Sistemi i Ujitjes Dujiangyan është i vetmi projekt i lashtë i ruajtjes së ujit në botë, i cili është ende në përdorim edhe sot. Gjjithashtu, është një nga praktikat më të hershme të suksesshme të bashkëjetesës harmonike midis njerëzimit dhe natyrës. Ndërtimi i tij pasqyron plotësisht shpirtin e vetëmbështetjes, këmbënguljes dhe pionierizmit të kombit kinez. Kombi francez zotëron gjithashtu këtë shpirt të pathyeshëm. Ndaj Kina dhe Franca duhet të jenë në gjendje ta kuptojnë dhe ta respektojnë njëra-tjetrën më mirë se vendet e tjera.
    Macron deklaroi se zelli dhe mençuria e popullit kinez janë të admirueshme. Si Franca ashtu edhe Kina, kanë një histori dhe kulturë të gjatë. Popujt e dy vendeve ndajnë një ndjekje të përbashkët për një jetë më të mirë. Bashkëpunimi midis Francës dhe Kinës, mund të promovojë së bashku zhvillimin dhe prosperitetin, duke u sjellë përfitime të dy popujve.Xi Jinping theksoi se Kina dhe Franca janë përfaqësuese të shquara të qytetërimeve Lindore dhe Perëndimore, përkatësisht. Fryma e përbashkët e pavarësisë dhe vetëmbështetjes, buron nga trashëgimia e tyre e thellë kulturore. Përballë një situate ndërkombëtare komplekse dhe në ndryshim të vazhdueshëm, ai beson se Kina dhe Franca, dy kombe të mëdha historike dhe kulturore, mund të japin kontribute më të mëdha për paqen, stabilitetin botëror dhe përparimin e zhvillimit njerëzor përmes dialogut dhe bashkëpunimit.
    Macron deklaroi se situata aktuale ndërkombëtare po evoluon me shpejtësi dhe është e mbushur me pasiguri. Franca është e gatshme të forcojë komunikimin dhe koordinimin me Kinën, t’i përmbahet zgjidhjes së konflikteve përmes dialogut dhe konsultimit, si dhe të mbrojë së bashku paqen dhe stabilitetin botëror.
    Xi Jinping dhe bashkëshortja ftuan për drekën Macron së bashku me bashkëshorten e tij. Krerët e dy vendeve ranë dakord të mbajnë komunikim të ngushtë dhe të promovojnë së bashku zhvillimin e vazhdueshëm të partneritetit strategjik gjithëpërfshirës Kinë-Francë.
    Gjatë vizitës, të dy palët lëshuan një deklaratë të përbashkët mbi forcimin e qeverisjes globale, bashkëpunimin në adresimin e sfidave klimatike dhe mjedisore, avancimin e vazhdueshëm të bashkëpunimit në përdorimin paqësor të energjisë bërthamore, shkëmbimet dhe bashkëpunimin bujqësor dhe ushqimor, situatën në Ukrainë dhe në Palestinë.

  • Macron mbërrin në Pekin, nesër takimi me Xi Jinping, do të kërkojë forcim të raportit me BE

    Macron mbërrin në Pekin, nesër takimi me Xi Jinping, do të kërkojë forcim të raportit me BE

    Presidenti francez Emmanuel Macron ka nisur vizitën e tij të katërt zyrtare në Kinë këtë të mërkurë në një sfond tensionesh në rritje me Pekinin, pasi përplasje ka pasur për luftën në Ukrainë e deri te debati për çekuilibrat e mëdha tregtare në favor të gjigantit aziatik.
    Presidenti francez, avioni i të cilit u ul pak pas orës 5 pasdite sipas orës lokale në Pekin, do të takohet me homologun e tij kinez Xi Jinping në Sallën e Madhe të Popullit të enjten. Të dy udhëheqësit do të takohen përsëri të premten në Chengdu, në provincën jugperëndimore të Sichuan, për një takim më informal.
    Emmanuel Macron, i shoqëruar nga bashkëshortja e tij Brigitte, u prit nga ministri i Jashtëm kinez Ëang Yi. “Ju falënderoj shumë për praninë tuaj sonte dhe për gjithë punën që do të bëjmë së bashku”, tha mikpritësi i tij kinez.
    Një program privat e pret atë në kryeqytet, me një vizitë në “Kopshtin e Perandorit Qianlong” të rinovuar rishtazi në Qytetin e Ndaluar, e më pas darkë.
    Emmanuel Macron shoqërohet nga gjashtë ministra (Punët e Jashtme, Ekonomia, Bujqësia, Mjedisi, Arsimi i Lartë, Kultura) dhe 35 krerë të grupeve të mëdha (Aibus, EDF, Danone) dhe më shumë bizneseve familjare, nga mallrat luksoze deri te produktet agro-ushqimore.
    “Ne duam, dhe kjo do të jetë tema e bisedës strategjike me Presidentin Xi Jinping, që Evropa të respektohet si një partnere kryesore e Kinës”, këmbënguli Elizeja para vizitës.
    Tema e parë në tryezën e bisedimeve do të jetë lufta në Ukrainë dhe siguria e Kontinentit të Vjetër, ndërsa Presidenti rus Vladimir Putin ditën e djeshme përsëriti kushtet e tij, kryesisht territoriale, për një marrëveshje paqeje.
    Emmanuel Macron do t’i bëjë thirrje përsëri Xi Jinping të ushtrojë “ndikimin” e tij mbi Rusinë, partneren strategjike të Kinës, në mënyrë që ta bindë atë të pranojë një armëpushim.
    Edhe pse bën thirrje rregullisht për negociata paqeje, Kina nuk e ka dënuar kurrë Rusinë për pushtimin e Ukrainës dhe kundërshton sanksionet kundër saj. Ajo vazhdon të furnizohet me hidrokarbure prej saj, ndërsa Bashkimi Evropian ra dakord sot të ndalojë importet e gazit rus në vjeshtën e vitit 2027 me qëllim që ta privojë Moskën nga një të ardhur që financon luftën në Ukrainë.

  • Trump bisedë telefonike me Xi Jinping, çfarë u diskutua

    Trump bisedë telefonike me Xi Jinping, çfarë u diskutua

    Presidenti i SHBA-së, Donald Trump, ka deklaruar se ka zhvilluar një bisedë “shumë të mirë” telefonike me presidentin kinez, Xi Jinping, ku u diskutuan çështje kyçe si lufta në Ukrainë dhe eksportet bujqësore amerikane.
    Në një postim në platformën Truth Social, Trump tha se gjatë bisedës është arritur një marrëveshje e rëndësishme për fermerët amerikanë.
    “Arritëm një marrëveshje të mirë dhe shumë të rëndësishme për fermerët tanë të shkëlqyer,” shkroi ai, duke shtuar se marrëdhëniet mes dy vendeve janë aktualisht “jashtëzakonisht të forta”.

    Presidenti amerikan bëri të ditur se ka pranuar një ftesë nga Xi Jinping për të vizituar Kinën në prill. Ai shtoi se menjëherë më pas do të planifikohet edhe një vizitë zyrtare e presidentit kinez në Shtetet e Bashkuara.
    Ky zhvillim vjen në një moment kur dy ekonomitë më të mëdha në botë po kërkojnë të zbusin tensionet dhe të forcojnë bashkëpunimin në fusha të ndryshme strategjike.

  • SHBA – Kinë, bisedë telefonike midis dy presidentëve

    SHBA – Kinë, bisedë telefonike midis dy presidentëve

    Që nga takimi i Busanit, marrëdhëniet Kinë-SHBA në përgjithësi kanë mbetur të qëndrueshme dhe të përmirësuara, të mirëpritura gjerësisht nga të dy vendet dhe bashkësia ndërkombëtare- u nënvizua në bisedën telefonike të pasdites së 24 nëntorit midis presidentit kinez Xi Jinping dhe atij amerikan Donald Trump. 
    Kjo tregon edhe një herë se parimi që “bashkëpunimi u sjell dobi të dyja palëve ndërsa konfrontimi i dëmton të dyja”, është një logjikë e verifikuar vazhdimisht nga praktika dhe se “arritja e ndërsjellë dhe prosperiteti i përbashkët” midis Kinës dhe SHBA-së është një realitet i prekshëm.  
    Të dyja palët duhet ta ruajnë këtë vrull, t’i përmbahen drejtimit të duhur, të mbështesin një qëndrim barazie, respekti dhe përfitimi të ndërsjellë, të zgjerojnë listën e fushave të bashkëpunimit, të zvogëlojnë listën e çështjeve, të përpiqen për përparime më pozitive, të hapin hapësira të reja për bashkëpunim në marrëdhëniet Kinë-SHBA dhe t’u sjellin më shumë dobi popujve të të dy vendeve dhe botës.  
    Sipas mediave kineze ,Xi Jinping theksoi se takimi i suksesshëm i mbajtur në Busan të Koresë së Jugut muajin e kaluar, rezultoi në shumë konsensuse të rëndësishme të cilat kanë kalibruar rrjedhën dhe kanë shtuar vrull në përparimin e qëndrueshëm të marrëdhënieve Kinë-SHBA, duke dërguar një sinjal pozitiv në botë.  
    Xi Jinping sqaroi qëndrimin parimor të Kinës mbi çështjen e Tajvanit, duke theksuar se kthimi i Tajvanit në Kinë është një pjesë e rëndësishme e rendit ndërkombëtar të pasluftës.  
    Trump deklaroi se Presidenti Xi Jinping është një udhëheqës i shkëlqyer. Ai tha se takimi i tij me Presidentin Xi në Busan ishte shumë i këndshëm dhe se ai pajtohej plotësisht me pikëpamjet e Presidentit Xi mbi marrëdhëniet dypalëshe. Të dyja palët po e zbatojnë plotësisht konsensusin e rëndësishëm të arritur në takimin e Busanit.  
    Ai shtoi se Kina luajti një rol vendimtar në fitoren e Luftës së Dytë Botërore dhe SHBA-të e kuptojnë rëndësinë e çështjes së Tajvanit për Kinën. 
    Dy krerët e shteteve diskutuan gjithashtu krizën e Ukrainës.  
    Xi Jinping theksoi se Kina mbështet të gjitha përpjekjet e përkushtuara për paqen dhe shpreson që të gjitha palët do të vazhdojnë të ngushtojnë dallimet e tyre, si dhe të arrijnë një marrëveshje paqeje të drejtë, të qëndrueshme dhe detyruese, sa më shpejt të jetë e mundur, për të zgjidhur krizën në rrënjë të saj.  

  • Trump zhvillon bisedë telefonike me Xi Jinping, zbardhen diskutimet

    Trump zhvillon bisedë telefonike me Xi Jinping, zbardhen diskutimet

    Shtëpia e Bardhë njoftoi se Donald Trump zhvilloi një telefonatë me Presidentin e Kinës Xi Jinping.
    Mësohet se ata diskutuan për t’i dhënë fund luftës në Ukrainë.
    Sipas agjencisë shtetërore kineze të lajmeve Xinhua, Xi bëri thirrje që palët e përfshira në konflikt të “zvogëlojnë dallimet”. Ai përsëriti se Kina mbështet të gjitha përpjekjet që çojnë në paqe.

    Kina ka mbetur një aleate e vazhdueshme e Rusisë gjatë gjithë pushtimit të Ukrainës dhe është blerësi kryesor i naftës ruse, së bashku me Indinë.

  • Lufta në Ukrainë, Trump dhe Xi Jinping zhvillojnë bisedë telefonike

    Lufta në Ukrainë, Trump dhe Xi Jinping zhvillojnë bisedë telefonike

    Shtëpia e Bardhë tha se Presidenti Donald Trump zhvilloi një telefonatë me homologun kinez Xi Jinping, ku diskutuan për t’i dhënë fund luftës në Ukrainë.
    Sipas agjencisë shtetërore kineze të lajmeve Xinhua, Xi u bëri thirrje “të gjitha palëve” në konflikt që të “zvogëlojnë dallimet”.
    Ai përsëriti se Kina mbështet të gjitha përpjekjet që çojnë në paqe. Kina ka mbetur një aleate e vazhdueshme e Rusisë gjatë gjithë pushtimit të Ukrainës dhe është blerësi kryesor i naftës ruse, së bashku me Indinë.
    Kujtojmë se sëfundmi SHBA-të kanë paraqitur një plan paqeje për t’i dhënë fund luftimeve në Ukrainë, por ky plan ende nuk ka gjetur dakordësi mes palëve.

  • “Bashkëpunimi sjell përfitime”/ Xi Jinping dhe Trump në bisedë telefonike, fokus marrëdhëniet dypalëshe dhe çështja e Tajvanit

    “Bashkëpunimi sjell përfitime”/ Xi Jinping dhe Trump në bisedë telefonike, fokus marrëdhëniet dypalëshe dhe çështja e Tajvanit

    Presidenti kinez Xi Jinping zhvilloi sot një bisedë telefonike me homologun e tij amerikan, Donald Trump. Një nga temat kryesore të diskutimit ishte çështja e Tajvanit, për të cilën udhëheqësi kinez theksoi rëndësinë thelbësore që ka “kthimi” i ishullit për Kinën.

    Xi kujtoi se takimi i tyre i muajit të kaluar në Busan të Koresë së Jugut kishte prodhuar “konvergjenca të rëndësishme”, duke i dhënë një impuls të ri marrëdhënieve dypalëshe dhe duke dërguar, sipas tij, një sinjal pozitiv për komunitetin ndërkombëtar. Ai tha se që nga ai moment, kontaktet midis dy vendeve kanë mbetur të qëndrueshme dhe në përmirësim.
    “Bashkëpunimi sjell përfitime për të dyja palët, ndërsa konfrontimi i dëmton të dyja,” deklaroi Xi, duke shtuar se progresi i ndërsjellë dhe prosperiteti i përbashkët mes Kinës dhe Shteteve të Bashkuara janë objekte të prekshme. Ai nënvizoi se të dyja vendet duhet të ruajnë momentin pozitiv, të zgjerojnë fushat e bashkëpunimit dhe të menaxhojnë me kujdes mosmarrëveshjet.
    Në lidhje me Tajvanin, Xi Jinping përsëriti qëndrimin e pandryshuar të Pekinit, duke e cilësuar “ribashkimin” si një element të rëndësishëm të rendit ndërkombëtar të krijuar pas Luftës së Dytë Botërore. Ai kujtoi se Kina dhe SHBA dikur luftuan së bashku kundër fashizmit dhe militarizmit, dhe se sot duhet të punojnë njësoj për mbrojtjen e arritjeve të asaj fitoreje historike.
    Presidenti amerikan Donald Trump e përshkroi Xi Jinping-un si “një udhëheqës të madh” dhe vlerësoi atmosferën pozitive të takimit të tyre në Busan. Ai tha se pajtohet me vlerësimet e Xi mbi marrëdhëniet dypalëshe dhe se të dyja palët po zbatojnë marrëveshjet e arritura atje. Trump theksoi gjithashtu se SHBA e kupton rëndësinë që çështja e Tajvanit ka për Kinën.
    Biseda u ndal edhe te situata në Ukrainë. Xi Jinping deklaroi se Kina mbështet çdo përpjekje që synon arritjen e paqes dhe shprehu shpresën se palët e përfshira do të punojnë për një marrëveshje të drejtë, të qëndrueshme dhe detyruese sa më shpejt të jetë e mundur.

    Top Channel

  • Xi Jinping takon mbretin Filipe VI

    Xi Jinping takon mbretin Filipe VI

    Presidenti kinez Xi Jinping u takua të mërkurën paradite në Pallatin e Madh të Popullit në Pekin me mbretin e Spanjës Felipe VI, i cili ndodhet për një vizitë shtetërore në Kinë.
    Xi Jinping-u shprehu mirëpritje për vizitën e mbretit Felipe VI në Kinë dhe vuri në dukje që si Kina, ashtu edhe Spanja, kanë një trashëgimi të thellë historike e kulturore. Për më shumë se 50 vjet që nga vendosja e marrëdhënieve diplomatike, të dy vendet i kanë shikuar dhe i kanë zhvilluar marrëdhëniet ndërmjet tyre nga një perspektivë strategjike e afatgjatë, duke treguar respekt e mbështetje të ndërsjellë dhe duke arritur sukses të përbashkët. Kina e Spanja kanë krijuar një model të bashkëjetesës miqësore dhe të zhvillimit të përbashkët midis vendeve me histori, kultura e sisteme shoqërore të ndryshme, duke luajtur një rol të rëndësishëm në promovimin e hapjes dhe të bashkëpunimit global e në mbështetjen e drejtësisë ndërkombëtare. Familja Mbretërore Spanjolle ka dhënë kontribute të jashtëzakonshme lidhur me zhvillimin e marrëdhënieve ndërmjet Kinës dhe Spanjës.
    Mbreti Felipe VI shprehu, nga ana e tij, kënaqësinë për vizitën shtetërore në Kinë me rastin e 20-vjetorit të marrëdhënieve të partneritetit të gjithanshëm strategjik midis Spanjës dhe Kinës. Ai vuri në dukje historinë e gjatë të shkëmbimeve miqësore midis Spanjës e Kinës, duke theksuar besimin dhe respektin e ndërsjellë midis dy vendeve që nga vendosja e marrëdhënieve diplomatike dhe angazhimin e tyre për zhvillim e lulëzim të përbashkët. Mbreti spanjoll vlerësoi arritjet e jashtëzakonshme të zhvillimit të Kinës, veçanërisht përvojat e saj të suksesshme në zbutjen e varfërisë dhe në zhvillimin e gjelbër e me lëshim të ulët karboni, të cilat, sipas tij, janë të denja për t’u ndjekur.
    Pas takimit, të dy krerët e shtetit morën pjesë së bashku në nënshkrimin e 10 dokumenteve të bashkëpunimit në fushat e tregtisë, shkencës e teknologjisë dhe arsimit.

  • Trump: Xi Jinping nuk e sulmon Tajvanit gjatë mandatit tim, ai i di pasojat!

    Trump: Xi Jinping nuk e sulmon Tajvanit gjatë mandatit tim, ai i di pasojat!

    Donald Trump dhe Xi Jinping

    SHBA- Presidenti amerikan Donald Trump ka deklaruar se Presidenti kinez Xi Jinping i ka dhënë garanci se Pekin nuk do të ndërmarrë veprime për të arritur qëllimin e tij të njohur për bashkimin e Tajvanit me Kinën kontinentale gjatë kohës që Trump është në detyrë. Trump tha se çështja e Tajvanit, e cila ka qenë e kontestuar prej dekadash, nuk u diskutua gjatë takimeve të tij me Xi të enjten në Kore të Jugut, ku fokusi kryesor ishte tensioni tregtar SHBA-Kinë. Megjithatë, ai shprehu bindjen se Kina nuk do të veprojë ndaj Tajvanit ndërsa ai është president.
    “Ai e ka thënë hapur, dhe njerëzit e tij e kanë thënë hapur në takime: ‘Ne kurrë nuk do të bëjmë asgjë derisa President Trump të jetë president,’ sepse ata e dinë pasojën,” tha Trump në një fragment të intervistës për programin “60 Minutes” të CBS, që u transmetua të dielën.
    Zyrtarët amerikanë kanë shprehur prej kohësh shqetësim mbi mundësinë që Kina të përdorë forcë ushtarake kundër Tajvanit, ishull i vetëqeverisur që Pekini e pretendon si pjesë të territorit të tij.
    Sipas Taiwan Relations Act të vitit 1979, SHBA nuk ka detyrim të ndërhyjë ushtarakisht në rast të një sulmi kinez, por politika amerikane synon të sigurojë që Tajvani të ketë resurset për t’u mbrojtur dhe të parandalohet ndryshimi i njëanshëm i statusit nga Pekini.
    Pyetur nëse do të urdhëronte forcat amerikane për të mbrojtur Tajvanin në rast sulmi, Trump shmangu një përgjigje të qartë, duke iu referuar politikës së gjatë të “ambiguitetit strategjik” të SHBA ndaj ishullit.
    “Do ta zbuloni nëse ndodh, dhe ai e kupton përgjigjen për këtë,” tha Trump për Xi.
    Ambasada kineze në Uashington nuk ka komentuar menjëherë, ndërsa Shtëpia e Bardhë nuk dha detaje shtesë për momentin kur Xi ose zyrtarë kinezë kanë konfirmuar se veprimet ushtarake ndaj Tajvanit janë jashtë tavolinës gjatë presidencës së Trump.
    Intervista e regjistruar në Mar-a-Lago, Florida, shënon shfaqjen e parë të Trump në “60 Minutes” që nga marrëveshja me CBS News këtë verë për një çështje ligjore që përfshinte intervistën me Kamala Harris./ZËRI