Lajmidites.com

Tag: jashtë

  • Habit deputeti i PS-së: Partia më la jashtë liste për të mirën time

    Habit deputeti i PS-së: Partia më la jashtë liste për të mirën time

    Deputeti i Partisë Socialiste, Denis Deliu, edhe pse ndjehet i zhgënjyer se është lënë jashtë lisës së kandidatëve për deputetë në zgjedhjet parlamentare të 11 majit, ka deklaruar se kryeministri Rama ka marrë një vendim të mirë për të.
    Edhe pse deputeti socialist tha se nuk e kishte pritur plotësisht këtë vendim, por tha se është i përgatitur për çdo situatë dhe se do vazhdojë të japë kontribut për forcën politike që e la jashtë Parlamentit.

    “Me thënë të drejtën nuk është se e prisja 100%, por nisur nga sfondi im si ushtarak jam i përgatitur për të gjitha. Listat janë pjesë e një vizioni që nuk bëhet gjithnjë ashtu si ti mendon. Për punën dhe kontributin tim prisja të isha në listën e hapur, sepse në listën e mbyllur u qartësua nga kryeministri që nuk do të ishim. Mendoj se kryeministri dhe kryesia kanë menduar një gjë më të mirë. Kam patur oferta nga kundërshtarë politikë, por nuk mund ta imagjinoj të kaloj në një parti tjetër. Unë besoj te PS dhe vlerat e saj”, tha Delia në News24.
    Duket se në Partinë Socialiste vendimet e kryetarit pranohen pa kritika apo kundërshti, duke mos vlerësuar kontributet që një ligjvënës mund të ketë dhënë kontributin e dhënë për gjatë viteve për këtë forcë politike, por gjithmonë ‘lideri’ ka të drejtë.

  • Qëndroi në stol në dy ndeshjet e fundit e Shqipërisë, Ardian Ismajli jashtë fushës për disa javë

    Qëndroi në stol në dy ndeshjet e fundit e Shqipërisë, Ardian Ismajli jashtë fushës për disa javë

    Ardian Ismajli, mbrojtësi i Kombëtares shqiptare, është përballur me një situatë të vështirë pas dëmtimit që ka pësuar gjatë grumbullimit për ndeshjet ndaj Anglisë dhe Andorrës. Edhe pse ai ishte pjesë e grumbullimit, ai nuk zbriti në fushë në asnjë nga këto dy ndeshje, duke qëndruar në stol, pasi trajneri Silvinjo nuk e përdori.
    Dëmtimi në kofshën e djathtë duket se do të mbajë Ismajlën jashtë fushës për disa javë, pasi klubi i Empolit ka njoftuar se ai ka nisur fazën e riaftësimit me stafin mjekësor të klubit. Kjo do të thotë që lojtari nuk do të jetë në dispozicion për ndeshjet e ardhshme të Empolit, një periudhë shumë e rëndësishme për klubin, që është përfshirë në luftën për mbijetesë në Serie A.

  • Turizmi lakmohet nga të huajt, 32 mijë biznese me kapital 80% regjistrohen në vend

    Turizmi lakmohet nga të huajt, 32 mijë biznese me kapital 80% regjistrohen në vend

    Turizmi është sektori më i lakmuar i investitorëve të huaj. Në dy vitet e fundit në Shqipëri janë regjistruar mbi 32 mijë biznese me kapital mbi 80% të investimit që vjen nga jashtë vendit.
    Kryesisht sektorët që zënë pjesën më të madhe të investimeve nga jashtë janë shërbimet hoteliere, real estate, tregtia me shumicë apo pakicë, manifaktura ndërtimi, IT e të tjera.
    Zv.Ministri i Financave, Endrit Yzeiraj, thotë se Shqipëria po bëhet çdo vit e më shumë interesante për të huajt. Kontributi i tyre në Prodhimin e brendshëm Bruto është 10% e totalit.
    “Kemi arritur rekord në termat e investimeve. Kemi gati 10 përqind të investimeve vjetore çdo vit në ekonominë shqiptare nga jashtë. Synimi ynë është që ata njerëz që vijnë dhe eksplorojnë vendin si turistë fillimisht, krijojnë lidhjet miqësore për të ardhur më shumë edhe si investitorë në sektorë të tjerë si manifakturë, industri, gjithmonë e më shumë agropërpunim, por edhe shërbime të ndryshme digjitale dhe elektronike”, tha Yzeiraj.
    Në Tiranë u mblodhën 100 investitorë të huaj nga 32 vende të botës.
    Laura Saro, Drejtoresha e AIDA-s thotë se një kontribut të lartë në tërheqjen e tyre ka kjo agjenci që në periudha të vitit organizon forume në vende të ndryshme të botës ku prezantohen mundësitë që ofron Shqipëria.
    “Mënyra se si ne po i qasemi për të tërhequr investitorët në sektorë të ndryshëm është me forume të dedikuara në secilin vend. Me kampanja që shkojmë për të etiketuar të gjithë brendet ndërkombëtare të një sektori të caktuar sipas një plani pune të mirë menduar për secilin gjashtëmujor”, tha Saro.
    Sipas zv.ministrit Yzeiraj, taksat nuk janë problem për investitorët e huaj, pasi si në Shqipëri dhe në rajon ato janë më të ulëta se në Evropë.

  • VIDEO/ Egli ”kërc*non” Gjestin: Ti ke një detyrim…

    VIDEO/ Egli ”kërc*non” Gjestin: Ti ke një detyrim…

    Showbiz E Premte, 28 Mars 2025 14:58
    Një bisedë mes Eglit dhe Gjestit ka sjellë sërish në vëmendje marrëdhënien e tyre të dikurshme dhe pritshmëritë e publikut. Teksa qëndronin jashtë, Egli i tha Gjestit se ai ”ka llogari për të dhënë për njerëzit jashtë shtëpisë”, duke nënkuptuar pritshmëritë e audiencës lidhur me raportin e tyre.
    I befasuar nga kjo deklaratë, Gjestin e pyeti për çfarë e kishte fjalën saktësisht, ndërsa Egli sqaroi se bëhej fjalë për ata që kishin besuar se dyshja do të vazhdonte lidhjen e tyre deri në fund të spektaklit.

    Egli dhe Gjesti krijuan një lidhje romantike, por gjithçka ndryshoi kur Egli u eliminua nga shtëpia. Jashtë saj, ajo u njoh me disa deklarata të Gjestit për të, të cilat duket se ndikuan në vendimin e saj për të mos e vazhduar më marrëdhënien pas rikthimit në lojë. Ky moment ka ngjallur diskutime mes fansave të formatit, të cilët janë ndarë në mendime në lidhje me qëndrimin e tyre ndaj njëri-tjetrit dhe rrjedhën që ka marrë raporti i tyre.

  • VIDEO/ Egli ”kërcënon” Gjestin: Ti ke një detyrim…

    VIDEO/ Egli ”kërcënon” Gjestin: Ti ke një detyrim…

    Showbiz E Premte, 28 Mars 2025 14:58
    Një bisedë mes Eglit dhe Gjestit ka sjellë sërish në vëmendje marrëdhënien e tyre të dikurshme dhe pritshmëritë e publikut. Teksa qëndronin jashtë, Egli i tha Gjestit se ai ”ka llogari për të dhënë për njerëzit jashtë shtëpisë”, duke nënkuptuar pritshmëritë e audiencës lidhur me raportin e tyre.
    I befasuar nga kjo deklaratë, Gjestin e pyeti për çfarë e kishte fjalën saktësisht, ndërsa Egli sqaroi se bëhej fjalë për ata që kishin besuar se dyshja do të vazhdonte lidhjen e tyre deri në fund të spektaklit.

    Egli dhe Gjesti krijuan një lidhje romantike, por gjithçka ndryshoi kur Egli u eliminua nga shtëpia. Jashtë saj, ajo u njoh me disa deklarata të Gjestit për të, të cilat duket se ndikuan në vendimin e saj për të mos e vazhduar më marrëdhënien pas rikthimit në lojë. Ky moment ka ngjallur diskutime mes fansave të formatit, të cilët janë ndarë në mendime në lidhje me qëndrimin e tyre ndaj njëri-tjetrit dhe rrjedhën që ka marrë raporti i tyre.

  • Monika Kryemadhi mbetet jashtë politikës: Tani po xhiroj një film!

    Monika Kryemadhi mbetet jashtë politikës: Tani po xhiroj një film!

    Deputetja Monika Kryemadhi i është përgjigjur në emisionin ‘Opinion’ në TV Klan akuzës së ish-Presidentit Ilir Meta se “i është bërë një puç për ta lënë jashtë partisë”. Ajo u shpreh se djegia e mandateve erdhi si pasojë e mospasjes eksperiencë si kryetare dhe jo për të lënë jashtë Metën.
    “Sigurisht në këndvështrimin e LSI apo Partisë së Lirisë nuk ka pasur asnjë lloj puçi të tillë. Mund të ketë pasur një mungesë eksperiencë nga ana ime si kryetare partie në atë kohë, mungesa e një grupi këshillues dashamirës në atë kohë, por ndoshta urrejtja e personave të caktuar, kishin urrejtje personale ndaj Edi Ramës apo PS, të cilët pranonin çdo lloj vendimi ekstrem” – tha Kryemadhi.
    Deputetja e Partisë së Lirisë tha për herë të parë se Lulzim Bashës i është refuzuar viza amerikane në 2018 për arsye te dosjes së financimeve ruse.
    “Në të gjitha kontaktet që kam pasur unë kam kërkuar që cila është arsyeja që DASH pranoi rrëzimin e marrëveshjes së 5 Qershorit. Ka qenë vet zoti Basha që në një farë mënyrë për problemet e tij, ndoshta refuzimin e vizës amerikane që iu bë në 2018.
    Jam e sigurt sepse ne do të iknim bashkë në Miçigan, ku unë kisha disa takime të tjera dhe ai do të bënte disa takime të tjera dhe zotit Basha iu refuzua viza amerikane. Dhe për këtë arsye duke qenë se ka filluar edhe presioni i McGonigal në atë kohë që nuk është thjesht si çështje, por ekziston një dosje për financimet ruse”, – tha Kryemadhi.
    Gjatë intervistës ajo ka zbuluar se i ka hyrë botës së kinematografisë.
    “Unë kam disa projekte në dorë duke bërë. Jam në realizimin e një filmi artistik, me një grup të rinjsh, kam një rol të rëndësishëm, i cili quhet “Me fat”. Është një film shumë interesant që ka në thelb familjen, ëndrrat e të rinjve për t’i realizuar dhe se si sfidat me të cilat ata përballen dhe përplasen, shoqëria në të cilën ne jetojmë e cila vjen në mënyrë nga më të ndryshmet.
    Shpresojmë që ta nxjerrim në verë shumë shpejt, jemi duke xhiruar, janë xhiruar një pjesë e skenave dhe jemi duke xhiruar. Jam e bindur që do t’ju pëlqejë sepse është shumë interesante. Mendoj që do të jetë diçka ndryshe që ka një lloj ndikimi sadopak edhe në jetën time politike dhe aktive” – tha ajo.

  • Deklarata qesharake e deputetit socialist: Rama më la jashtë liste për të mirën time

    Deklarata qesharake e deputetit socialist: Rama më la jashtë liste për të mirën time

    Deputeti i Partisë Socialiste, Denis Deliu, edhe pse ndjehet i zhgënjyer se është lënë jashtë lisës së kandidatëve për deputetë në zgjedhjet parlamentare të 11 majit, ka deklaruar se kryeministri Rama ka marrë një vendim të mirë për të.
    Edhe pse deputeti socialist tha se nuk e kishte pritur plotësisht këtë vendim, por tha se është i përgatitur për çdo situatë dhe se do vazhdojë të japë kontribut për forcën politike që e la jashtë Parlamentit.
    “Me thënë të drejtën nuk është se e prisja 100%, por nisur nga sfondi im si ushtarak jam i përgatitur për të gjitha. Listat janë pjesë e një vizioni që nuk bëhet gjithnjë ashtu si ti mendon. Për punën dhe kontributin tim prisja të isha në listën e hapur, sepse në listën e mbyllur u qartësua nga kryeministri që nuk do të ishim. Mendoj se kryeministri dhe kryesia kanë menduar një gjë më të mirë. Kam patur oferta nga kundërshtarë politikë, por nuk mund ta imagjinoj të kaloj në një parti tjetër. Unë besoj te PS dhe vlerat e saj”, tha Delia në News24.
    Duket se në Partinë Socialiste vendimet e kryetarit pranohen pa kritika apo kundërshti, duke mos vlerësuar kontributet që një ligjvënës mund të ketë dhënë kontributin e dhënë për gjatë viteve për këtë forcë politike, por gjithmonë ‘lideri’ ka të drejtë.

  • Ka një lidhje jashtë “Big Brother”, Valbona Mhilli i kundërpërgjigjet Milaim Zekës

    Ka një lidhje jashtë “Big Brother”, Valbona Mhilli i kundërpërgjigjet Milaim Zekës

    Showbiz E Enjte, 27 Mars 2025 12:32
    Ish-opinionisti i Big Brother VIP Kosova 3, Milaim Zeka, ka dhënë disa komente për banorët në formatin në Shqipëri.
    Në “Big Brother Radio”, ai ka folur për dinamikat në shtëpinë e famshme por bëri edhe një deklaratë të fortë.

    Për gazetaren Valbona Mhilli, theksoi se është i sigurt që ka lënë një lidhje jashtë BBVA.
    Valbona pas daljes nga ky reality shou në “Pardon My French” i është kundërpërgjigjur kësaj.
    Ajo thotë me plot bindje se nuk ka marrëdhënie jashtë dhe nuk e ka lënë askënd.
    “Mua më vjen shumë keq që Milaimi është zhgënjyer nga unë. Unë realisht kam një respekt shumë të madh edhe për Milaimin dhe bashkëshorten e tij. E di që jam vajzë veriore, parimet e mia. Unë në shtëpinë e Big Brother VIP Albania 4 jam futur dhe kam qenë pa një lidhje jashtë dhe nuk kam dikë jashtë. Mua nuk më pret dikush jashtë”, u shpreh ajo.
    Tutje tha: “Kam pasur raportet e mia jashtë por kjo nuk do të thotë që, këto raporte janë përfunduar. Kështu që është e mira përpara se të bësh deklarata të prisje të shkoje në shtëpinë time, t’i pyesje nëse kam lidhje jashtë”.

  • Milaim Zeka: “Valbona ka një lidhje jashtë, ka qenë 100% lojë, e njoh…”

    Milaim Zeka: “Valbona ka një lidhje jashtë, ka qenë 100% lojë, e njoh…”

    Iftuar në emisionin “Big Brother Radio”, ka qenë Milaim Zeka për të diskutuar në lidhje me situatat dhe banorët e edicionit të katër të “Big Brother VIP Albania”. Së bashku me Atalanta Kërçykun kanë komentuar dhe analizuar edhe videot më të klikuara në 24 orët e fundit.
    Njerëzit që më kanë zhgënjyer më së shumti mua në këtë “Big Brother” janë Valbona të cilën e kam pasur shoqe, më ka zhgënjyer loja e saj absurditeti, dhuna, vulgariteti. Edhe Rozana, në anglisht thonë e ka dhj*rë komplet personalitetin e saj me vulgaritetin, me agresivitetin që unë nuk e kam pritur prej një femre artiste e ardhur nga një familje artistësh. Në të folur dhe në veprimet e saj çdo gjë e ka pasur vulgaritet, njeri totalisht i frustruar, totalisht zhgënjyes për mua dhe aspak model për t’u ndjekur nga fëmijët tanë.
    Milami deklaroi gjithashtu se duke qenë se e njeh Valbonën në “Big Brother Radio” ai pranoi se ish-banorja ka një lidhje jashtë dhe se e njeh djali
    Unë guxoj të them që Valbona ka një lidhje jashtë.
    Kur Atalanta e pyeti nëse Milaimi e njeh çiftin dhe nëse ka kontakt me ta, Milaimi tha:
    Me çiftin jo por me Valbonën po. E di këtë që po e them, pak para se të hynte në BBV kjo e ka pasur një të dashur dhe e ka një të dashur. Edhe e njoh
     

  • “Në 11 maj të mos luajmë me porta të vogla”, Rama: Nuk mund të mbetemi jashtë BE, do ishte goditje e madhe

    “Në 11 maj të mos luajmë me porta të vogla”, Rama: Nuk mund të mbetemi jashtë BE, do ishte goditje e madhe

    Kryeministri Edi Rama gjatë një takimi me të rinjtë në Shkodër, ku u prezantuan edhe kandidatët për deputetë tha se në 11 maj duhet të marrë votën e shqiptarëve për të anëtarësuar vendin në BE.
    Sipas kryeministrit Rama për Shqipërinë është hapur një dritare për të hyrë në Bashkimin Evropian, por që nuk do të qëndrojë gjatë e hapur.
    Në 11 maj tha kryeministri- nuk mund të rrezikojmë që Shqipëria te mbetet jashtë BE për një kohë të pacaktuar.
    “Të gjitha partitë thonë që duam Shqipërinë në BE, kjo është pozitive. Shqiptarët qoftë majtas qoftë djathtas duan që Shqipëria të jetë në BE. Por ajo që duhet shpjeguar është fakti që pavarësisht se ca ndodh këtu ne për dy vjet do hyjmë në BE. Ne do hyjmë në BE vetëm nëse jemi të suksesshëm me mbylljen e negociatave.
    Është e rëndësishme që në 11 maj, ndërkohë që në 12 ne numërojmë votat ata që merren me negociatat të vazhdojnë punën të patrazuar dhe ajo që del nga kutitë e votimit të jetë një mesazh kompakt dhe një mesazh kumbues për Brukselin që duam Shqipërinë një orë e më parë në BE.
    Ne duhet të jemi të qartë për të gjitha pse-të e rëndësisë së 11 majit.
    Ne mund të mbetemi jashtë për një kohë të pacaktuar dhe kjo do të ishte një goditje që do ti jepnim vetes.
    Unë besoj që është e rëndësishme që njerëzit ta dinë, se ca humbim nëse në 11 maj lozim me porta të vogla, nëse më 11 maj merremi me gjera që kanë rëndësinë e tyre, por nuk janë aq të rëndësishme sa anëtarësimi në BE”, tha Rama.