Lajmidites.com

Tag: italian

  • Klubi italian befason të gjithë në merkato, kontakton Thomas Muller!

    Klubi italian befason të gjithë në merkato, kontakton Thomas Muller!

    22 Prill 2025

    15:27

    Telesport

    Thomas Muller mund të mos transferohet në Shtetet e Bashkuara të Amerikës. Pas largimit nga Bayern në qershor, ai ka një ofertë interesante që nuk e priste.
    Sulmuesi gjerman ka zgjuar interesin e Fiorentinës. Klubi italian gjithmonë befason me transferime të tilla, ashtu si Lazio një herë e një kohë.
    Klubi violë ka kontaktuar agjentin e Muller dhe ka nisur bisedime konkrete për të bindur sulmuesin të zgjedhë qytetin e Firences për mbylljen e karrierës.
    Franck Ribery dhe Mario Gomez janë dy lojtarë të tjerë të Bayern, të cilët në fund të karrierës kanë luajtur te Fiorentina. Muller mund të jetë i radhës.

  • Vdekja e Papa Françeskut trondit kalendarin e futbollit italian, Lazio kërkon sërish shtyrjen e ndeshjeve

    Vdekja e Papa Françeskut trondit kalendarin e futbollit italian, Lazio kërkon sërish shtyrjen e ndeshjeve

    Ndarja nga jeta e Papës Françesku ka shkaktuar ndryshime të papritura në botën e futbollit italian. Liga ka vendosur të anulojë ndeshjet e planifikuara për të hënën, duke i shtyrë ato për pasditen e së mërkurës, një vendim që nuk është mirëpritur nga të gjithë klubet e Serisë A.
    Klubi i Lacios, që sipas kalendarit duhet të luajë në transfertë kundër Genoas të mërkurën, ka reaguar zyrtarisht duke dorëzuar një shkresë në Ligë, përmes së cilës kërkon shfuqizimin e vendimit.
    Në dokumentin e paraqitur, Lazio thekson se protesta e tyre nuk lidhet vetëm me vështirësitë logjistike dhe organizative, por edhe me dëshirën për të marrë pjesë në homazhet për Papën, që do të zhvillohen po atë ditë në Vatikan.
    Klubi ka kërkuar gjithashtu një takim urgjent me përfaqësuesit e Ligës, me qëllim që të gjendet një “zgjidhje alternative dhe e përbashkët”, që të respektojë situatën e jashtëzakonshme por edhe angazhimet sportive të ekipeve.
     
    Ndarja nga jeta e Papës shtyti ndeshjet në Serinë A, pretendentët për Champions bëjnë kërkesë të mos luajnë të mërkurën: Duam alternativa

  • VIDEO/ Gjysmëroveshatë në minutën e 94-t, Bolonja mund Interin dhe i hap telashe në garën për titull

    VIDEO/ Gjysmëroveshatë në minutën e 94-t, Bolonja mund Interin dhe i hap telashe në garën për titull

    Interin e pret një fund i vështirë i sezonit. Gara për titull është ndezur edhe më shumë pas përballjes së sotme kundër Bolonjës. Këta të fundit ia kanë dalë të marrin 3 pikët përballë kampionëve në fuqi të Serisë A.
    Orsolini tronditi zikaltrit në minutën e 94-t. Gjysmëroveshata e lojtarit italian solli golin e fitores për Bolonjës, që përkohësisht është ngjitur në zonën Champions në kampionatin italian. Ndërkohë Interi mbetet ende në kuotën e 71 pikëve, po aq sa Napoli i Antonio Kontes./Sport Ekspres/

  • Ancelotti e di se do të shkarkohet, ka menduar që tani skuadrën e radhës

    Ancelotti e di se do të shkarkohet, ka menduar që tani skuadrën e radhës

    20 Prill 2025

    12:22

    Telesport

    Carlo Ancelotti është në javët e fundit të punës te Real Madrid. Trajneri italian nuk e ka më besimin e presidentit Florentino Perez.
    Disfatat me Arsenalin në Champions League janë të papranueshme në “Santiago Bernabeu”, kështu që Don Carlo e di fatin e tij: ai do të shkarkohet, nëse nuk jep dorëheqjen.
    Sipas mediave spanjolle, trajneri italian nuk po mendon fundin absolut të karrierës si trajner dhe as një pushim të përkohshëm.
    Pasioni i tij vazhdon, kështu që në mendjen e tij po bluhet një ide e re. Ancelotti pret të marrë një ftesë nga Federata Braziliane e Futbollit. Ai do një kombëtare dhe Brazili është skuadra e duhur.

  • Universiteti i njohur italian “Sapienza” ka vendosur emrin e studentes shqiptare të vrarë, Ilaria Sula

    Universiteti i njohur italian “Sapienza” ka vendosur emrin e studentes shqiptare të vrarë, Ilaria Sula

    Politikë E Mërkurë, 16 Prill 2025 20:26

    Universiteti i njohur italian “Sapienza” ka vendosur emrin e studentes shqiptare të vrarë, Ilaria Sula në prej mjediseve të universitetit në një ceremoni zyrtare. Studentja shqiptare u masakrua nga i dashuri i saj. Historia tragjike e saj pushtoi mediat italiane.

  • Kishte 65 vjedhje në “CV”, shqiptarin e përcjellin me ‘ceremoni’ nga Italia

    Kishte 65 vjedhje në “CV”, shqiptarin e përcjellin me ‘ceremoni’ nga Italia

    Një shtetas shqiptar është dëbuar nga territori italian pasi është kapur nga Policia e Shtetit në Asti, i dyshuar për një sërë veprash penale, përfshirë vjedhje dhe marrje të mallrave të vjedhura.

    Burri, i cili ka një histori të gjatë me precedentë penalë, u identifikua si i pranishëm në mënyrë të paligjshme në Itali dhe u shoqërua me forcë deri në kufi për të garantuar sigurinë publike.
    Sipas njoftimit zyrtar të Policisë së Shtetit italian, Zyra e Emigracionit në Komisariatin e Astit kishte gjurmuar shtetasin shqiptar, i cili kishte qenë më herët në zotërim të një lejeje qëndrimi, tashmë të revokuar.
    Ai ishte dënuar më parë me disa vite burg për kryerjen e rreth 65 vjedhjeve në apartamente të shpërndara në të gjithë krahinën e Piemontes, si dhe për përfshirje në trafik të mallrave të vjedhura.
    Pasi iu revokua leja e qëndrimit, autoritetet vendosën dëbimin e tij të menjëhershëm. Në këtë kuadër, Zyra e Emigracionit organizoi një operacion të posaçëm për survejimin dhe transferimin e tij në kushte të sigurta drejt portit të Ankonës, prej nga u largua për në vendin e origjinës.
    Policia italiane thekson se operacione të tilla janë thelbësore për të garantuar rendin dhe sigurinë, si dhe për t’iu përgjigjur kërkesës në rritje të qytetarëve për më shumë ligjshmëri.

    Top Channel

  • Inovacioni digjital në kinematografi, një masterclass në UA me dy protagonistë të skenës kinematografike italiane

    Inovacioni digjital në kinematografi, një masterclass në UA me dy protagonistë të skenës kinematografike italiane

    Inovacioni digjital në kinematografi, një masterclass që do të mbahet në Universitetin e Arteve të Tiranës me dy protagonistë të skenës kinematografike dhe digjitale italiane: Pasquale Di Viccaro, supervizor i VFX në filmin “Il tempo che ci vuole” të Francesca Comencini, dhe Enrico Paolantonio, regjisor dhe autor i filmit të animuar “La bicicletta di Bartali”. Universiteti i Arteve njofton se dy ekspertët do të ndajnë përvojën e tyre në përdorimin e teknikave digjitale, me fokus të veçantë në efektet vizuale (VFX) në kinemanë bashkëkohore dhe procesin krijues që jep jetë veprave të animacionit të avancuar. “Takimi do të përfshijë studentët e departamenteve: Regji Filmi dhe Televizioni, fotografisë, grafikës dhe multimedia dhe do të jetë i hapur edhe për publikun”, thuhet nga Universiteti i Arteve në Tiranë.
    Eventi që do të zhvillohet në sallën Black Box në datë 14 këtë muaj në orën 10:30 është pjesë e programit të Tiranës si Kryeqyteti i Kreativitetit Italian në Botë, e dedikuar temës së digjitalizimit. Ndërkohë që gjatë këtyre ditëve në Tiranë do të zhvillohet dhe “Italian Screens -Il nuovo cinema italiano a Tirana”, ku për këtë edicion në kinema Millennium në Tiranë janë përzgjedhur gjashtë filma: Gloria! nga Margherita Vicario; La bicicletta di Bartali nga Enrico Paolantonio; Il tempo che ci vuole nga Francesca Comencini; Ciao bambino nga Edgardo Pistone; Diamanti nga Ferzan Ozpetek; La Chimera nga Alice Rohrwacher. Instituti Italian i Kulturës në vendin tonë njofton se filmat do të shfaqen nga data 12 deri më 16 prill pranë kinema Millennium në Tiranë.

  • Skandali i basteve trondit futbollin italian, 12 futbollistë të Seria A janë nën hetim

    Skandali i basteve të paligjshme që ka përfshirë futbollin italian vijon të zgjerohet, me detaje të reja të raportuara nga “Corriere della Sera”. Prokuroria e Milanos ka zbuluar një rrjet të mirëorganizuar, ku janë identifikuar 12 futbollistë të njohur të Serie A të përfshirë në bastvënie të paligjshme. Janë sekuestruar rreth 1.5 milionë euro dhe janë kërkuar pesë masa arresti shtëpiak.
    Sipas hetimeve, lojtarët nuk janë të dyshuar për trukim ndeshjesh futbolli, por për vendosje bastesh në sporte të tjera. Aktiviteti ka vijuar nga dhjetori i vitit 2021 deri në tetor 2023 dhe, sipas hetuesve, motivi kryesor nuk ka qenë përfitimi financiar, por thjesht mbushja e kohës së lirë.

    Pas sekuestrimit të telefonave të Sandro Tonali dhe Nicolò Fagioli në vitin 2023, u zbulua një rrjet bastesh online, ku futbollistët investonin para përmes dy menaxherëve të faqeve të paligjshme. Ata ndihmoheshin nga tre administratorë të një argjendarie në Milano, që përdorej si “bankë” për fshehjen dhe qarkullimin e parave.
    Fillimisht, lojtarët merrnin kredi për bastet. Më pas, për të shlyer borxhin, janë udhëzuar të paguajnë përmes blerjes së orëve luksoze si Rolex, me fatura të simuluara, ndërsa orët mbeteshin në posedim të organizatorëve.
    Tonali dhe Fagioli dyshohet se kanë shërbyer si ndërmjetësues për reklamimin e faqeve të basteve te kolegët dhe për hapjen e llogarive në emër të tyre. Të dy po hetohen dhe mund të përballen me burg deri në 3 muaj dhe gjobë deri në 500 euro.
    Futbollistët e përmendur në hetim janë:

    Alessandro Florenzi (Milan, kampion Europe 2021)
    Nicolò Zaniolo (Fiorentina, ish-Roma)
    Mattia Perin (Juventus)
    Weston McKennie (Juventus)
    Leandro Paredes (Roma, kampion bote me Argjentinën)
    Ángel Di María (ish-Juventus, kampion bote)
    Raoul Bellanova (Atalanta)
    Samuele Ricci (Torino, ish-Empoli)
    Cristian Buonaiuto (Padova, ish-Cremonese)
    Matteo Cancellieri (Parma, ish-Lazio/Empoli)
    Junior Firpo (Leeds United)
    Matteo Gigante (tenist italian)

     

  • Kinemaja e re italiane mbërrin në Tiranë, filma të vitit 2024 pjesë e programit

    Kinemaja e re italiane mbërrin në Tiranë, filma të vitit 2024 pjesë e programit

    Nga Julia Vrapi
    Filma që janë prodhuar përgjatë vitit 2024 vijnë në “Italian Screens”. Kinemaja e re italiane mbërrin në Tiranë, ku programi përmban gjashtë filma për publikun. “Ekrani italian” ka vijuar dhe vite më parë dhe shihet edhe si mundësi për bashkëpunime mes dy vendeve në fushën e kinematografisë. Instituti Italian i Kulturës prezanton këtë muaj “Italian Screens – Il nuovo cinema italiano a Tirana”, ku për këtë edicion në kinema Millennium në Tiranë janë përzgjedhur gjashtë filma, të ndryshëm në zhanër dhe ambientim: Gloria! nga Margherita Vicario; La bicicletta di Bartali nga Enrico Paolantonio; Il tempo che ci vuole nga Francesca Comencini; Ciao bambino nga Edgardo Pistone; Diamanti nga Ferzan Ozpetek; La Chimera nga Alice Rohrwacher. Instituti Italian njofton se filmat do të shfaqen nga data 12 deri më 16 prill pranë kinema Millennium në Tiranë, në gjuhën italiane me titra në anglisht dhe me hyrje të lirë.
    “Italian Screens është një nismë e ideuar për të prezantuar më të mirën e kinemasë italiane, e promovuar nga Ministria e Punëve të Jashtme dhe Bashkëpunimit Ndërkombëtar, nga Cinecitta dhe Drejtoria e Përgjithshme e Kinemasë dhe Sektorit Audioviziv të Ministrisë së Kulturës”, thuhet nga Instituti Italian i Kulturës në vendin tonë. Programi nesër në mbrëmje në kinema Millennium nis me filmin “Gloria!” nga Margherita Vicario, që tregon historinë e Terezës, një gruaje të re me talent vizionar që krijon një muzikë të re, rebele, të lehtë dhe moderne. Filmi ka marrë 3 nominime dhe fituar një çmim në Nastri d’Argento. Në datën 13 këtë muaj programi vijon me “La bicicletta di Bartali” nga Enrico Paolantonio një bashkëprodhim Itali, Indi, Irlandë, 2024. Në film tregohet miqësia mes dy çiklistëve të rinj, hebreut David dhe arab Ibrahimit, të bashkuar nga biçikleta e Gino Bartalit. Po këtë mbrëmje do të jetë dhe “Il tempo che ci vuole” nga Francesca Comencini, prodhim italian në 2024. Një baba dhe vajza e tij.
    “Vitet e Plumbit” dhe “brezi i humbur”. Një film autobiografik për jetën dhe kinemanë. Në datën 14 do të jetë filmi “Ciao bambino” nga Edgardo Pistone dhe data 15 sjell filmin “Diamanti” zhanri komedi-dramë nga Ferzan Ozpetek. Një film që shkëlqen për thellësinë e tij emocionale dhe bukurinë e historive të ndërthurura. Ozpetek na çon në një udhëtim emocionesh, lidhjesh dhe zbulimesh që na kujtojnë rëndësinë se kush jemi dhe çfarë mund të bëhemi. Në datën 16 këtë muaj do të jetë filmi “La Chimera” nga Alice Rohrwacher. I vendosur në vitet ’80, në botën klandestine të “grabitësve të varreve”, filmi rrëfen historinë e një arkeologu të ri anglez të përfshirë në trafikimin klandestin të gjetjeve arkeologjike. Filmi ka marrë 6 nominime dhe fituar një çmim në Nastri d’Argento, 11 nominime në David di Donatello, fituar një çmim në European Film Awards, si dhe 1 nominim në Goya në National Board.
    Protagonistët e kinemasë italiane dhe njohja jashtë vendit
    “Italian Screens” paraqet një mundësi për t’i bërë të njohur jashtë vendit protagonistët e kinemasë italiane, për të krijuar një audiencë që vlerëson produksionet e shkëlqyera të momentit. Instituti Italian i Kulturës shprehet ndër të tjera në materialin rreth aktivitetit, se “Italian Screens” është edhe për t’u prezantuar operatorëve vendas më të mirën e asaj që ofron sistemi audioviziv italian, me qëllim inkurajimin e bashkëprodhimeve, rritjen e cilësisë profesionale të industrisë dhe ndërkombëtarizimin e kinemasë.
    “Ky aktivitet përfaqëson gjithashtu një mundësi të rëndësishme network-u për të lejuar operatorët e sektorit të hyjnë në kontakt me ata që mund t’u ilustrojnë më së miri programin nxitës në nivel kombëtar dhe rajonal, në mbështetje të produksioneve që zgjedhin të kryejnë xhirimet e filmave në Itali”, thuhet nga instituti. Një vit më parë u zhvillua edicionin i dytë i këtij aktiviteti në vendin tonë. Për 5 ditë me radhë, 7 filma italianë u ekranizuan në kinema “Milenium” në Tiranë me dyer të hapura. U përzgjodhën mes produksioneve më të suksesshme të vitit 2023.

  • E rëndë në Kolumbi/ Gjendet trupi i coptuar i një shkencëtari italian në një valixhe, shkaqet e krimit makabër ende mister

    E rëndë në Kolumbi/ Gjendet trupi i coptuar i një shkencëtari italian në një valixhe, shkaqet e krimit makabër ende mister

    Një biolog molekular 42-vjeçar italian u gjet i vdekur dhe i copëtuar brenda një valixhe në Santa Marta në Kolumbinë veriore, vetëm dy ditë pas zhdukjes së tij. Alessandro Coati kishte mbërritur në zonë të enjten, më 3 prill për punë vullnetare.

    Herën e fundit që ai është parë ishte mbrëmjen e së premtes së 4 prillit, teksa po dilte nga bujtina ku po qëndronte, duke kërkuar informacion për itinerarin për në Minka, ndërsa shprehu interesin për të studiuar kafshët e egra lokale.

    Kur ai nuk u kthye, miqtë dhe stafi i hotelit filluan ta kërkonin. Të dielën, më 6 prill, policia e Santa Martës zbuloi një valixhe që përmbante një trup të prerë, së bashku me krahët dhe këmbët. Njëra nga duart mbante një byzylyk nga hoteli, i cili ndihmoi në identifikimin e viktimës.

    Coati kishte dhënë dorëheqjen nga pozicioni i tij në Shoqërinë Mbretërore të Biologjisë në Londër në dhjetor 2024 për të udhëtuar dhe vullnetarizuar në Amerikën e Jugut. Ai u vlerësua shumë dhe u përshkrua si i sjellshëm, inteligjent dhe i dashur nga të gjithë kolegët e tij.

    Kryetari i bashkisë Santa Marta, Carlos Pinedo Cuello, konfirmoi vrasjen përmes një deklarate në Platformën X dhe premtoi se drejtësia do të vihej në vend. Një shpërblim prej 50 milionë pesos rreth 11,200 dollarë po ofrohet për këdo që jep informacion që çon në arrestimin e kriminelëve.