Edon Zhegrova po fiton më tepër minuta nën drejtimin e Luçiano Spaletit. Lojtari shqiptar duket në rrugën e duhur për të shpalosur të gjitha vlerat e tij teknike, teksa edhe vetë trajneri e ka shprehur hapur vlerësimin e tij për anësorin e krahut të djathtë. Për Zhegrovën ka thurur elozhe edhe gazetari italian, Paolo de Paola. Ky i fundit ka thënë se talenti nga Kosova është teknikisht superior me çdo lojtar tjetër të Juventusit.
“Mendoj se do të shikojmë një tjetër Vlahoviç. Por mbi të gjitha, një tjetër Zhegrova, i cili ka nivel teknik superior në krahasim me cilindo te Juventusi. Dua të di se çfarë karakteri ka, por gjithsesi preferoj atë në krahasim me Konseisaon”, është shprehur Paolo de Paola, citon “Tuttomercatoweb.com”./Sport Ekspres/
Tag: italian
-
Gazetari italian i thur elozhe Zhegrovës: Teknikisht është superior me të gjithë lojtarët e Juventusit
-
Arti italian në zi, ndahet nga jeta dirigjenti Peppe Vessicchio
Është ndarë nga jeta në moshën 69-vjeçare, dirigjenti i njohur italian, Maestro Peppe Vessicchio. Ai ndërroi jetë në spitalin San Camillo në Romë, ku ishte shtruar për shkak të një komplikacioni të papritur.
Si dirigjent orkestre, kompozitor, arranzhues dhe figurë e dashur televizive për publikun italian, Vessicchio ishte një legjendë e vërtetë e Festivalit të Sanremos dhe e muzikës italiane.
Ikonë e dallueshme, ai arriti të fitojë zemrat e brezave të ndryshëm falë një kombinimi të aftësive profesionale dhe karizmës që shtrihej përtej notave muzikore.“Maestro Giuseppe Vessicchio ndërroi jetë sot në reanimacionin e A.O. San Camillo Forlanini për shkak të një pneumonie intersticiale që u përkeqësua shpejt. Familja kërkon privatësi. Funerali do të zhvillohen në formë strikt private,” njofton buletini zyrtar i spitalit.
I lindur në Napoli më 17 mars 1956, Vessicchio nisi udhëtimin e tij muzikor duke bashkëpunuar me disa nga emrat më të mëdhenj të skenës italiane. Gino Paoli, Edoardo Bennato dhe Peppino di Capri janë vetëm disa nga artistët që pasuruan përvojën e tij artistike. Me Gino Paoli, veçanërisht, ai firmosi këngë të paharrueshme si “Ti lascio una canzone” dhe “Cosa farò da grande”.
Emri i tij lidhet ngushtë me Festivalin e Sanremos, ku ishte prezencë pothuajse e pandarë që nga viti 1990. Në këtë festival historik, Vessicchio fitoi katër herë si dirigjent orkestre, duke udhëhequr këngë që kanë bërë histori në muzikën italiane: “Sentimento” nga Avion Travel (2000), “Per dire di no” e Alexia (2003), “Per tutte le volte che” e Valerio Scanu (2010) dhe “Chiamami ancora amore” e Roberto Vecchioni (2011). Përveç këtyre triumfeve, ai mori edhe shumë çmime si arranzhues më i mirë, duke dëshmuar talentin e tij të lindur dhe ndjeshmërinë muzikore që e karakterizonte.
Vessicchio ishte shumë më tepër se një maestro i orkestrës së Sanremos. Gjatë karrierës së tij të shquar, ai ka bashkëpunuar me protagonistët kryesorë të skenës muzikore italiane dhe ndërkombëtare: Andrea Bocelli, Zucchero, Roberto Vecchioni, Elio e le Storie Tese, Ornella Vanoni, Ron dhe Biagio Antonacci janë vetëm disa nga emrat e mëdhenj me të cilët ka ndarë skenën dhe studio regjistrimi.
Versatiliteti i tij i dha mundësinë të eksploronte skena të rangut botëror, duke drejtuar orkestrat në vende prestigjioze si Kremlini, ku realizoi një tribut për John Lennon. Ai gjithashtu drejtoi me entuziazëm projektin Rockin’1000, një nismë e jashtëzakonshme që bashkon grupin më të madh rock në botë.
Në vitet e fundit, Vessicchio vazhdoi të sfidojë veten dhe të inovonte, duke qëndruar besnik pasionit të tij për muzikën. Për vitin e ardhshëm ishte planifikuar një turne teatral me titull “Ecco che incontro l’anima” pranë Ron, një projekt që premtonte emocione dhe introspeksion.
Në televizion, një nga përvojat më të rëndësishme të Peppe Vessicchio ishte në programin “Amici” të Maria De Filippi, ku solli një prekje klase dhe kulturë muzikore. Ai mbajti role të ndryshme: dirigjent orkestre për performancat e këngëtarëve në sezonet e para, pastaj gjykatës i jashtëm, i aftë të vlerësonte me ekuilibër dhe ndjeshmëri artistike, dhe mysafir special, gjithmonë gati të ndante eksperiencën e tij me nxënësit e rinj. Pikërisht në “Amici”, Vessicchio bëri një nga shfaqjet e tij të fundit televizive, kur pak javë më parë mbajti një leksion të veçantë këndimi për të rinjtë. -
Aksidenti tragjik ajror në Groenlandë, gjendet trupi i italianit që vinte nga Kanadaja
Autoritetet e Groenlandës njoftuan dje se kanë gjetur trupin e një shtetasi italian, i cili humbi jetën në një aksident ajror më 25 tetor, pranë kryeqytetit të Nuuk-ut, në bregun perëndimor të ishullit.
Së bashku me trupin, u gjetën edhe pjesët e aeroplanit me të cilin italiani ishte nisur nga Kanadaja.
Lajmin e konfirmoi “Farnesina” ministria italiane e Punëve të Jashtme, e cila bëri të ditur se Ambasada e Italisë në Kopenhagen ka ndjekur rastin në bashkëpunim me konsullin e nderit.
Zyrtarët e misionit diplomatik italian kanë qenë në kontakt të vazhdueshëm me familjen e viktimës, për të ofruar gjithë mbështetjen e nevojshme.Top Channel
-
CIES rendit futbollistët “adoleshentë” më të shtrenjtë në botë, Yamal në krye
6 Nëntor 2025
11:13
Alfred Lleshi
Observatori i Futbollit CIES, në edicionin e tij të 520-të të “Weekly Post”, publikoi listën e lojtarëve nën 20 vjeç me vlerën më të lartë të transferimit, sipas modelit të vet statistik. Në katër raste, vlera kalon 100 milionë euro. Në krye qëndron Lamine Yamal me vlerësimin marramendës prej 350 milionë eurosh, ndjekur nga Estêvão Willian (118 mln), Pau Cubarsí (113 mln) dhe Franco Mastantuono (102 mln).
Dhjetëshen e parë e plotësojnë Warren Zaïre-Emery (PSG), anglezët Ethan Nwaneri dhe Myles Lewis-Skelly (Arsenal), Geovany Quenda (Sporting CP, tashmë te Chelsea), Endrick Felipe (Real Madrid) dhe Lucas Bergvall (Tottenham).
Asnjë lojtar italian nuk renditet në pozitat e para. I pari që luan në Itali është Jesús Rodríguez i Comos (35 mln), pasuar nga Vasilije Adžić i Juventusit (25 mln). Francesco Camarda, 17 vjeç, është i pari italian me 24 milionë euro vlerësim, ndër më të rinjtë e listës. Pasojnë Honest Ahanor (17 mln) dhe Davide Bartesaghi (15 mln). -
Atentati ndaj gazetarit italian,RAI 3 përmend si të dyshuar të afërmin e ish-ministrit shqiptar
Detaje të reja kanë dalë në dritë në lidhje me atentatin ndaj gazetarit të njohur italian, Sigfrido Ranucci, prezantues i emisionit investigativ Report në RAI 3. Gjatë transmetimit të fundit të programit, u publikua një material ku përmendet emri i Moisi Habilajt, i afërm i ish-ministrit të Brendshëm të Shqipërisë, Saimir Tahiri. Hetuesit italianë po shqyrtojnë mundësinë që atentati të ketë lidhje me klanin mafioz Habilaj, megjithëse pistat hetimore mbeten ende të hapura dhe asgjë nuk është konfirmuar zyrtarisht.
Ngjarja ndodhi më 17 tetor në Pomezia, ku makina e Ranuccit dhe ajo e vajzës së tij shpërthyen në flakë gjatë natës. Sipas mediave italiane, shpërthimi dyshohet të ketë qenë një akt i qëllimshëm, ndërsa autoritetet po hetojnë për një rrjet të mundshëm kriminal që mund të ketë urdhëruar atentatin. Ranucci njihet për investigimet e tij mbi korrupsionin, mafien dhe lidhjet e krimit me botën politike. Në një intervistë për mediat, gazetari ka pranuar se është kërcënuar nga grupe kriminale, përfshirë edhe shqiptarë.
Ai theksoi se, pavarësisht rrezikut, nuk do të tërhiqet nga misioni i tij për të zbuluar të vërtetën dhe për të denoncuar lidhjet e errëta mes politikës dhe krimit të organizuar. -
Futbolli italian në zi, ndërron jetë Xhovani Galeone. Bëri legjendë edhe ish-trajnerin e Tiranës
Futbolli italian është në zi, pasi është mësuar se është ndarë nga jeta në moshën 84-vjeçare Xhovani Galeone, si pasojë e një sëmundje të rëndë. I njohur si një nga trajnerët më të orientuar drejt futbollist sulmues, ai bëri emër sidomos në vitet ’80-’90.
Galeone bëri emër me sukseset e tij më shumë duke ngjitur skuadra nga Seria B në Serinë A, pasi ia doli dy herë me Peskarën si dhe një herë me Udinezen e Peruxhian. Në karrierën e tij ka drejtuar edhe ekipe të tjera me emër, mes të cilave edhe Napolin, Komon dhe SPAL.
Për shumëkënd ai ka qenë një mësues i mirëfilltë i filozofisë sulmuese në Itali ndërsa vetë Masimiliano Alegri e cilëson atë si një nga personat nga të cilët ka marrë frymëzim. Në karrierë ai njihët edhe për zbulimin apo shpërthimin e shumë futbollistëve të rinj. Alegri është një prej tyre, ashtu si Gasperini, Gatuzo, apo edhe ish-trajneri i Tiranës, Blazh Sliskoviç, i cili u kthye në një legjendë në vitet e tij te Peskara nën drejtimin e Galeones. -
Arrestohen në Itali dy shqiptarë, rrëmbyen dhe grabitën një çift italian duke i marrë 64 mijë euro
Dy shqiptarë janë arrestuar në Itali. Dy vite më parë dy shqiptarët e arrestuar, kishin rrëmbyer një çift italian dhe u kishin grabitur një shumë prej 64 mijë eurosh.
Mediat italiane shkruajnë se ata kishin kërcënuar me armë çiftin italian, me qëllim që t’u vidhnin paratë dhe bizhuteritë e arit, me një vlerë totale prej afërsisht 64 mijë eurosh. Dy të arrestuarit ndodhen në ambientet e paraburgimit, ndërsa pritet të dalin para drejtësisë.
“Kjo masë paraprake është kulmi i një përpjekjeje komplekse hetimore të koordinuar nga kjo Prokurori dhe të kryer nga Departamenti i Karabinierëve nga nëntori 2023 deri në qershor 2025. Kjo përpjekje, duke përfshirë hetimet teknike dhe mbledhjen e deklaratave të viktimave, ka lejuar identifikimin e personave përgjegjës për një rrëmbim me qëllim grabitjeje të kryer më 28 nëntor 2023, në Macerata, Campania, brenda shtëpisë së një çifti italian”, thanë autoritetet italiane.
-
U lirua nga qelia, flet profesori italian që u përfshi në aksident: Makthi ka mbaruar, u ktheva te…
Profesori italian Michele D’Angelo, pedagog i Biologjisë në Universitetin e L’Aquila-s, u rikthye në Itali pasi u lirua kundrejt garancisë 15 mijë euro. Ai flet për herë të parë pas lirimit dhe për aksidentin ku u përfshi në autostradën Levan-Fier, ku një 17-vjeçar shqiptar mbeti i vdekur.
“Po, e pranoj, kam pasur frikë. Sidomos në ditët e para, kur gjithçka ishte e pasigurt dhe nuk kuptohej se çfarë drejtimi do të merrte çështja. Pyesja veten nëse do të më duhej të qëndroja atje me muaj, ndoshta me vite. Ishte një mendim rrëqethës, por u përpoqa të mbështetem te besimi në drejtësi dhe në punën e avokatëve të mi”, shprehet ai në një intervistë për median italiane La Repubblica.
Tani është me bashkëshorten, Vanessa Castelli, mes maceve dhe librave të tij, ndërsa do të kthehet edhe mes studentëve. Michele D’Angelo u mbajt në burg për 75 ditë, pasi më 10 gusht u përfshi në një aksident ku fillimisht mbetën të plagosur 4 persona. Vetëm 3 ditë pas aksidentit, një 17-vjeçar nuk u mbijetoi dot plagëve dhe u nda nga jeta në spital. Për median italiane profesori shprehet se çdo ditë ka menduar për familjen e atij djali dhe boshllëkun me të cilin duhet të përballen.
Ndërsa, qëndrimin e tij në paraburgim për një kohë kaq të gjatë e sheh si një masë të tepërt.
“Një masë kaq e gjatë paraburgimi, për një person pa precedent si unë dhe për një akuzë për shkelje të kodit rrugor, më është dukur e tepërt”, thotë profesori italian.
Profesori u arrestua për 3 vepra penale “Shkelja e rregullave të qarkullimit rrugor” dhe “Largimi nga vendi i aksidentit”. Pas lirimit kundrejt garancisë, profesori italian do duhet të vijë të premten e fundit të çdo muaji në vendin tonë për të zbatuar edhe masën e detyrim paraqitjes.
Intervista e plotë për La Repubblica
Profesor D’Angelo, si kanë qenë këto dy muaj e gjysmë në qeli në Shqipëri?
Michele D’Angelo: Është e vështirë t’i përtypësh të gjitha. Kanë qenë ditë të gjata, të ngarkuara, gjatë të cilave më është dashur të përballem me vetveten, me vetminë, me dhimbjen për atë që ndodhi. Çdo ditë mbartte me vete një peshë emocionale të jashtëzakonshme dhe vetëm tani, duke u kthyer në shtëpi, arrij të marr frymë me të vërtetë.
Arrestimi juaj u duk i tepruar në krahasim me akuzat që ju janë bërë. A keni gjetur ndonjë shpjegim?
Michele D’Angelo: Burgu, një masë kaq e gjatë paraburgimi, për një person pa precedent si unë dhe për një akuzë për shkelje të kodit rrugor, më është dukur e tepërt. Ishte një mendim rrëqethës, por u përpoqa të mbështetem te besimi në drejtësi dhe në punën e avokatëve të mi.
Në atë aksident, fatkeqësisht, humbi jetën një djalë i ri. Doni t’i thoni diçka familjes së tij?
Michele D’Angelo: Po, dhe e them me respekt dhe dhimbje të thellë. Çdo ditë kam menduar për familjen e atij djali, për humbjen e tyre, për boshllëkun me të cilin duhet të përballen.
Si erdhi lirimi juaj? Çfarë do të ndodhë tani, procesi do të zhvillohet në Itali apo do t’ju duhet të ktheheni në Shqipëri si person i lirë?
Michele D’Angelo: Lirimi erdhi pasi gjykatësi shqiptar pranoi garancinë: 15 mijë euro për lirinë. Por e di se duhet të falënderoj punën e palodhur të Farnesinës, të ambasadës, të konsullatës, të avokatit dhe vlerësimin e gjykatësit që njohu sjelljen time bashkëpunuese. Hetimet dhe ekspertizat janë ende në zhvillim, procesi do të zhvillohet në Shqipëri dhe unë jam plotësisht në dispozicion.
Si i kalonit ditët tuaja në ato kushte?
Michele D’Angelo: Ditët kalonin të ndara në gjeste të vogla: lexoja, shkruaja, reflektoja. Përpiqesha ta mbaja mendjen aktive, por ishte mendimi për ata që më mbështesnin ai që më mbante në këmbë. Më ka ndihmuar jashtëzakonisht shumë mbështetja e kolegëve dhe e të gjithë atyre që zgjodhën të qëndronin pranë meje.
Për ju janë angazhuar shumë njerëz.
Michele D’Angelo: Dua të falënderoj Vanessën, partneren time, e cila ka bërë të pamundurën për mua; kryetarin e bashkisë së L’Aquila-s, Pierluigi Biondi; deputetin D’Alfonso; rektorët e Universitetit të L’Aquila-s; drejtoreshën e departamentit tim. Por edhe kolegët, shoqatat shkencore, studentët, miqtë, dhe madje edhe ata që nuk më njihnin, por zgjodhën të besonin në ndershmërinë time. Çdo mesazh, çdo gjest, ka qenë një rreze drite.”
Do të ktheheni menjëherë tek studentët tuaj?
Michele D’Angelo: Dëshira ime më e madhe është të gjej sërish qetësinë e përditshme, të kthehem të jap mësim, të bëj kërkime në laboratorin tim, të rifilloj projektet e mia shkencore dhe të ndaj përsëri dijen dhe pasionin me studentët e mi. Universiteti është shtëpia ime dhe mezi pres të rikthehem në laborator dhe në auditor. Por, para së gjithash, dua të shijoj normalitetin, të përqafoj macet e mia, të qëndroj në shtëpi dhe të drekoj me familjen time. Janë gjeste të vogla që tani kanë një vlerë të jashtëzakonshme./La Repubblica
-
U lirua nga qelia, flet profesori italian që u përfshi në aksidentin ku vdiq 17-vjeçari shqiptar
Profesori italian Michele D’Angelo, pedagog i Biologjisë në Universitetin e L’Aquila-s, u rikthye në Itali pasi u lirua kundrejt garancisë 15 mijë euro. Ai flet për herë të parë pas lirimit dhe për aksidentin ku u përfshi në autostradën Levan-Fier, ku një 17-vjeçar shqiptar mbeti i vdekur.
“Po, e pranoj, kam pasur frikë. Sidomos në ditët e para, kur gjithçka ishte e pasigurt dhe nuk kuptohej se çfarë drejtimi do të merrte çështja. Pyesja veten nëse do të më duhej të qëndroja atje me muaj, ndoshta me vite. Ishte një mendim rrëqethës, por u përpoqa të mbështetem te besimi në drejtësi dhe në punën e avokatëve të mi”, shprehet ai në një intervistë për median italiane La Repubblica.
Tani është me bashkëshorten, Vanessa Castelli, mes maceve dhe librave të tij, ndërsa do të kthehet edhe mes studentëve. Michele D’Angelo u mbajt në burg për 75 ditë, pasi më 10 gusht u përfshi në një aksident, pas të cilit 3 ditë më vonë u nda nga jeta një 17-vjeçar që mbeti i plagosur. Për median italiane profesori shprehet se çdo ditë ka menduar për familjen e atij djali dhe boshllëkun me të cilin duhet të përballen.
Qëndrimin e tij në paraburgim për një kohë kaq të gjatë e4 sheh si një masë të tepërt.
“Një masë kaq e gjatë paraburgimi, për një person pa precedent si unë dhe për një akuzë për shkelje të kodit rrugor, më është dukur e tepërt”, thotë profesori italian.
Pas lirimit kundrejt garancisë, profesori italian do duhet të vijë të premten e fundit të çdo muaji në vendin tonë për të zbatuar edhe masën e detyrim paraqitjes.
Intervista e plotë për La Repubblica
Profesor D’Angelo, si kanë qenë këto dy muaj e gjysmë në qeli në Shqipëri?
Michele D’Angelo: Është e vështirë t’i përtypësh të gjitha. Kanë qenë ditë të gjata, të ngarkuara, gjatë të cilave më është dashur të përballem me vetveten, me vetminë, me dhimbjen për atë që ndodhi. Çdo ditë mbartte me vete një peshë emocionale të jashtëzakonshme dhe vetëm tani, duke u kthyer në shtëpi, arrij të marr frymë me të vërtetë.
Arrestimi juaj u duk i tepruar në krahasim me akuzat që ju janë bërë. A keni gjetur ndonjë shpjegim?
Michele D’Angelo: Burgu, një masë kaq e gjatë paraburgimi, për një person pa precedent si unë dhe për një akuzë për shkelje të kodit rrugor, më është dukur e tepërt. Ishte një mendim rrëqethës, por u përpoqa të mbështetem te besimi në drejtësi dhe në punën e avokatëve të mi.
Në atë aksident, fatkeqësisht, humbi jetën një djalë i ri. Doni t’i thoni diçka familjes së tij?
Michele D’Angelo: Po, dhe e them me respekt dhe dhimbje të thellë. Çdo ditë kam menduar për familjen e atij djali, për humbjen e tyre, për boshllëkun me të cilin duhet të përballen.
Si erdhi lirimi juaj? Çfarë do të ndodhë tani, procesi do të zhvillohet në Itali apo do t’ju duhet të ktheheni në Shqipëri si person i lirë?
Michele D’Angelo: Lirimi erdhi pasi gjykatësi shqiptar pranoi garancinë: 15 mijë euro për lirinë. Por e di se duhet të falënderoj punën e palodhur të Farnesinës, të ambasadës, të konsullatës, të avokatit dhe vlerësimin e gjykatësit që njohu sjelljen time bashkëpunuese. Hetimet dhe ekspertizat janë ende në zhvillim, procesi do të zhvillohet në Shqipëri dhe unë jam plotësisht në dispozicion.
Si i kalonit ditët tuaja në ato kushte?
Michele D’Angelo: Ditët kalonin të ndara në gjeste të vogla: lexoja, shkruaja, reflektoja. Përpiqesha ta mbaja mendjen aktive, por ishte mendimi për ata që më mbështesnin ai që më mbante në këmbë. Më ka ndihmuar jashtëzakonisht shumë mbështetja e kolegëve dhe e të gjithë atyre që zgjodhën të qëndronin pranë meje.
Për ju janë angazhuar shumë njerëz.
Michele D’Angelo: Dua të falënderoj Vanessën, partneren time, e cila ka bërë të pamundurën për mua; kryetarin e bashkisë së L’Aquila-s, Pierluigi Biondi; deputetin D’Alfonso; rektorët e Universitetit të L’Aquila-s; drejtoreshën e departamentit tim. Por edhe kolegët, shoqatat shkencore, studentët, miqtë, dhe madje edhe ata që nuk më njihnin, por zgjodhën të besonin në ndershmërinë time. Çdo mesazh, çdo gjest, ka qenë një rreze drite.”
Do të ktheheni menjëherë tek studentët tuaj?
Michele D’Angelo: Dëshira ime më e madhe është të gjej sërish qetësinë e përditshme, të kthehem të jap mësim, të bëj kërkime në laboratorin tim, të rifilloj projektet e mia shkencore dhe të ndaj përsëri dijen dhe pasionin me studentët e mi. Universiteti është shtëpia ime dhe mezi pres të rikthehem në laborator dhe në auditor. Por, para së gjithash, dua të shijoj normalitetin, të përqafoj macet e mia, të qëndroj në shtëpi dhe të drekoj me familjen time. Janë gjeste të vogla që tani kanë një vlerë të jashtëzakonshme.
