Lajmidites.com

Tag: itali

  • Çmontohet grupi kriminal në Itali, ndihmohej nga shtetas shqiptarë për të trafikuar drogë në disa vende

    Çmontohet grupi kriminal në Itali, ndihmohej nga shtetas shqiptarë për të trafikuar drogë në disa vende

    Policia e Milanos dhe njësia speciale kundër krimit organizuar kanë arrestuar 28 persona, 25 prej të cilëve u dërguan në burg dhe 3 në arrest shtëpie, të dyshuar si pjesë e një grupi të trafikimit të drogës në mbarë botën.

    Hetimi, i drejtuar nga Prokuroria e Milanos dhe i mbështetur nga Drejtoria Kombëtare Antimafia, zbuloi një rrjet trafiku ndërkombëtar të drogës me qendra në Kalabri, Lombardi dhe Kampani, që importonte sasi të mëdha narkotikësh nga Amerika e Jugut.
    Rrjeti vepronte nga Lombardia dhe kishte degë në Gjermani, Holandë, Spanjë, Britaninë e Madhe, Kolumbi dhe Brazil. Në dy vite, grupi ka trafikuar drogë me vlerë mbi 27 milionë euro, duke përdorur komunikime të koduara dhe ndërmjetës shqiptarë. Hetuesit kanë dokumentuar importimin e më shumë se 3,5 tonëve kokainë, prej të cilave mbi 400 kg u sekuestruan në Itali dhe jashtë saj. Droga futej në kontejnerë të ligjshëm përmes metodës së “mashtrimit”.

    Top Channel

  • ‘Turisti’ nga Shqipëria kapet me 112 doza kokaine në Itali/ Përfundon në pranga 20-vjeçari

    ‘Turisti’ nga Shqipëria kapet me 112 doza kokaine në Itali/ Përfundon në pranga 20-vjeçari

    Një 20-vjeçar shqiptar, i cili dyshohet se udhëtonte shpesh drejt Italisë për të shpërndarë drogë, është arrestuar në Fano, pasi u kap me 112 doza kokaine të fshehura nën sedilen e një automjeti.

    I riu po lëvizte në lagjen Paleotta të shtunën në mbrëmje, kur patrulla e Komisariatit të Fano-s i bëri shenjë të ndalonte. Në përpjekje për t’u fshehur, ai uli sedilen e makinës Fiat Grande Punto ku ndodhej, duke u munduar të bëhej i padukshëm, veprim që tërhoqi edhe më shumë vëmendjen e policisë, e cila po kryente kontrolle kundër vjedhjeve në banesa.

    Gjatë kontrollit të automjetit, policia gjeti në një çantë shpine 112 doza kokaine me peshë totale 264 gramë, ndërsa disa doza të tjera iu gjetën me vete. Sipas autoriteteve italiane, droga kishte një vlerë tregu që varionte nga 13 deri në 26 mijë euro, në varësi të cilësisë.

    Hetimet kanë zbuluar se 20-vjeçari kishte hyrë në Itali tre herë gjatë vitit 2025, në mars, qershor dhe gusht, gjithmonë përmes kufijve të Riminit ose Ankonës, duke përfituar nga periudha 90-ditore e qëndrimit si turist. Në momentin e arrestimit ai kishte vetëm 50 euro me vete, çka sipas hetuesve tregon se mund të ketë qenë në fazën e parë të shpërndarjes, me dyshime se vepronte si korrier.

    Arrestimi i tij u konfirmua nga gjykata të dielën, ku i riu, i mbrojtur nga avokati Marco Defendini, pranoi marrëveshjen për një dënim prej 2 vjet e 8 muaj burg dhe një gjobë prej 12 mijë eurosh. Gjykata vendosi gjithashtu edhe dëbimin e menjëhershëm, i cili pritet të kryhet brenda 48 orëve.

    Policia italiane njofton se me ndalimin e këtij korrieri është goditur një tjetër hallkë e trafikut të drogës që furnizonte zonën e Fano-s gjatë fundjavave.

  • Venecia i mbyll dyert Greta Thunberg, aktivistja gjobitet dhe ndalohet të hyjë

    Venecia i mbyll dyert Greta Thunberg, aktivistja gjobitet dhe ndalohet të hyjë

    Greta Thunberg dhe 35 aktivistë të grupit “Extinction Rebellion” janë ndaluar të hyjnë në Itali për 48 orë dhe janë gjobitur me nga 150 euro secili, pas një serie protestash ku lumenjtë, kanalet dhe shatërvanët në dhjetë qytete italiane u lyen me një ngjyrë të gjelbër të ndezur. Mes këtyre qyteteve ishte edhe Venecia, ku aktivistët ngjyrosën Kanalin e Madh, një prej pikave më ikonike të qytetit.
    Sipas grupit, ngjyra e përdorur ishte “plotësisht e biodegradueshme dhe miqësore me mjedisin”, ndërsa protesta u zhvillua me sloganin “Stop Ecocide”, në kuadër të aktiviteteve ndërkombëtare për samitin COP30 që do të mbahet në Brazil.
    Gjatë protestës në Venecia, ku mori pjesë edhe vetë Greta Thunberg, aktivistët marshuan pranë turistëve në Urën e famshme Rialto, duke tërhequr vëmendjen e madhe të mediave dhe kalimtarëve. Reagimi i autoriteteve italiane ishte i menjëhershëm.
    Luca Zaia, guvernatori i rajonit të Venetos, e dënoi ashpër veprimin duke e cilësuar si “shkelje të respektit ndaj qytetit dhe historisë sonë”. Sipas tij, edhe nëse substanca ishte e padëmshme, “një gjest i tillë mund të ketë pasoja për mjedisin dhe krijon precedent të rrezikshëm për zonat e mbrojtura”.
    Ngjyra e gjelbër u hodh në disa pika të tjera në Itali, përfshirë lumin Po në Torino, lumin Reno në Bolonjë, lumin Tara në Taranto, si dhe shatërvanë në Padova dhe Xhenova. Aksioni synonte të vinte në dukje urgjencën e krizës klimatike dhe kërkesën e aktivistëve që qeveritë të trajtojnë “ekocidin” si krim ndërkombëtar.
    Ndërkohë, ndalimi 48-orësh i hyrjes në Itali dhe gjobat janë parë nga mbështetësit e Greta Thunberg si masa të tepruara, ndërsa kritikët i konsiderojnë protestat si të dëmshme për trashëgiminë kulturore dhe mjedisore të qyteteve historike.

  • Shqiptari arrestohet në Itali: Shiste kokainë “derë më derë”

    Shqiptari arrestohet në Itali: Shiste kokainë “derë më derë”

    Një 22-vjeçar shqiptar me qëndrim ilegal në Itali është arrestuar në Piacenza për trafik droge, pasi shpërndante kokainë klientëve “derë më derë” në komunat Gossolengo dhe Podenzano.
    Ai përdorte një “Fiat Panda” me qira dhe fshehte drogën brenda kanaçeve metalike me aroma të ndryshme.
    Policia, pas një vëzhgimi disa ditor, ndërhyri në mëngjesin e së shtunës dhe kapën shqiptarin me 26 gramë kokainë të ndarë në 43 doza, si dhe para të gatshme. Një shtetas italian që kishte blerë dy doza u arrestua gjithashtu.
    Pas gjykimit të shpejtë, shqiptarit iu revokua leja e qëndrimit dhe u dëbua menjëherë nga Italia, duke u rikthyer drejt Tiranës përmes Aeroportit të Malpensës.

  • Rrëfimi i heroit shqiptar/ Elton Zefi: Si e shpëtova ish-punëdhënësin tim në…

    Rrëfimi i heroit shqiptar/ Elton Zefi: Si e shpëtova ish-punëdhënësin tim në…

    Elton Zefi, djaloshi nga Lezha që u kthye në kryefjalën e mediave italiane dhe shqiptare pas aktit heroik në Padova, ka thyer heshtjen. Në një intervistë ekskluzive për emisionin “Në kohë reale” në RTSH, ai ka rrëfyer për herë të parë emocionet e asaj dite, e cila për një koinçidencë të jashtëzakonshme, ishte edhe dita e tij e lindjes.
    I gjendur papritur nën vëmendjen e publikut dhe liderëve shtetërorë si Giorgia Meloni apo Edi Rama, Zefi tregon me modesti se thjesht bëri atë që duhej bërë, në një moment kur askush tjetër nuk po guxonte.
    Momenti kritik: Uji ishte akull, njerëzit vetëm bërtisnin
    Gjithçka nisi si një ditë e zakonshme pune. Eltoni, i cili jeton prej 15 vitesh në Itali, po udhëtonte me një kolegun e tij kur trafiku i rënduar i detyroi të ndërronin rrugë. Ky devijim rezultoi shpëtimtar për jetën e një njeriu.
    “Aty pamë një grumbull njerëzish, të cilët po thërrisnin ‘ndihmë’. Pamë një makinë që ishte brenda në lumë dhe një njeri brenda saj. Pashë që askush nuk po merrte guximin,” rrëfen Zefi për moderatorin Flori Gjini.
    Pa u menduar dy herë, Eltoni së bashku me një shtetas italian rreth të 50-ave, u hodhën në lumë. “Uji ishte shumë i ftohtë. Patëm shumë vështirësi, kishte rrjedhë të fortë dhe thellësia ishte 3 metra,” kujton ai.
    Historia bëhet edhe më e veçantë kur mësohet identiteti i personit të shpëtuar. Ai quhet Xhuzepe dhe kishte përfunduar në lumë pasi ishte hutuar duke parë vilën e tij anash rrugës, duke humbur kontrollin e mjetit.
    Eltoni tregon momentin emocionues kur e njohu atë në ambulancë:
    “Nuk e dija se kush ishte në ato momente, thjesht pashë që zgjati dorën dhe unë e kapa. Por e dallova kur e futën tek ambulanca. I thashë: ‘Kam punuar tek vila juaj’.”
    Për fat të mirë, Xhuzepe gëzon shëndet të plotë dhe në shenjë mirënjohjeje ka organizuar një drekë për shpëtimtarin e tij.
    Vlerësimet nga Meloni dhe Rama
    Akti i guximshëm i 3-vjeçarit (bazuar në faktin që kishte ditëlindjen) nuk kaloi pa jehonë ndërkombëtare. Kryeministrja e Italisë, Giorgia Meloni, dhe Kryeministri i Shqipërisë, Edi Rama, i dedikuan mesazhe vlerësuese.
    “U gëzova shumë për mesazhet, si nga Meloni ashtu edhe nga postimi i Ramës. Nuk jam mësuar me kaq vëmendje,” shprehet Zefi me modesti.
    Mirënjohja institucionale do të zyrtarizohet të premten, ku Zefi është ftuar në një takim nderi nga Kryetari i Bashkisë së Padovës.
    “Shpirtin e kam në Lezhë”
    Megjithëse ka ndërtuar jetën e tij në Itali prej një dekade e gjysmë, Elton Zefi e mbylli intervistën me një deklaratë prekëse, duke treguar se rrënjët e tij nuk i ka harruar asnjëherë: “Kam 15 vite që jetoj në Itali, por shpirtin e kam tek Lezha.”

  • Me urdhër dëbimi/ Si ra në kurth ‘skifteri’ shqiptar në Itali, karabinierët i vihen nga pas…arrestohet

    Me urdhër dëbimi/ Si ra në kurth ‘skifteri’ shqiptar në Itali, karabinierët i vihen nga pas…arrestohet

    Një 40-vjeçar shqiptar, banues në Castel Volturno, me qëndrim të parregullt në Itali dhe subjekt dëbimi, u arrestua nga karabinierët e Imolës për tentativë vjedhjeje me thyerje të banesave.

    Arrestimi u bë gjatë një ndërhyrjeje nga oficerët, të cilët iu përgjigjën shtëpisë së një banori për të verifikuar praninë e një të huaji të veshur me rroba të errëta dhe që mbante një elektrik dore. I dyshuari ishte filmuar nga kamerat e mbikëqyrjes, të instaluara brenda dhe të lidhura me një bombol anti-zjarr, që supozohej se ishte aktivizuar për të ngatërruar grabitësin dhe për ta detyruar atë të ikte.

    Duke parë tymin nga pajisja e sigurisë jo-toksike, e projektuar për të mbrojtur ambientet nga ndërhyrësit, i dyshuari iku. Me mbërritjen e karabinierëve, një burrë që përputhej me përshkrimin e ndërhyrësit hipi në një makinë “Dacia Sandero” të parkuar aty pranë dhe u largua me shpejtësi me dy pasagjerë.

    I ndjekur nga karabinierët, në “Via Malsicura”, shoferi u detyrua të ndalonte. Dy pasagjerët dolën shpejt dhe ikën në këmbë nëpër fusha. Shoferi u kap më pas nga karabinierët, i identifikuar si 40-vjeçari shqiptar, dhe u arrestua.

    Brenda makinës me qira, karabinierët gjetën mjete të ndryshme për vjedhje me thyerje, të cilat me shumë gjasa u përdorën për të thyer një dritare dhe për të hyrë në shtëpinë nga e cila ishte aktivizuar alarmi, duke bërë që ata të iknin, raportojnë media italiane.

    Me urdhër të Prokurorit Publik në detyrë në Zyrën e Prokurorit Publik të Bolonjës, autori i dyshuar i arrestuar nga karabinierët u dërgua në gjykatë, ku u konfirmua edhe arrestimi.

  • Çmimi Ndërkombëtar Oscar Wilde në Itali, mes të vlerësuarve edhe gazetari shqiptar Aleksandër Çipa

    Çmimi Ndërkombëtar Oscar Wilde në Itali, mes të vlerësuarve edhe gazetari shqiptar Aleksandër Çipa

    Është mbajtur në Itali Finalja e Çmimit Ndërkombëtar Letrar Oscar Wilde 2025 nën kryesinë e Barbara Lenti dhe komisionit të plotë, i cili prezantoi risitë e rëndësishme për botimet e viteve 2025 dhe 2026 të planifikuara tashmë, me një fjalim kryesor nga Profesor Luca Filipponi.

    Ceremonia u zhvillua në Pallatin e Bashkisë, Komuna Vetralla – Viterbo, ku u nderuan me çmime prestigjioze, personalitete të shquar nga fusha të ndryshme të letërsisë, arit, kulturës, shkencës, teknologjisë, etj.
    Mes të vlerësuarve, ishte dhe gazetari shqiptar Aleksandër Çipa, i cili mori Çmimin Prestigjioz për Karrierë.

    Top Channel

  • Çudia në Itali! Nëna e mumifikuar në shtëpi, djali maskohej si ajo për të marrë pensionin

    Çudia në Itali! Nëna e mumifikuar në shtëpi, djali maskohej si ajo për të marrë pensionin

    Flokë të shkurtra, por model femëror… pak grim, një këmishë, stil i viteve ’70, varëse me perla dhe vathë të stilit të vjetër. Në pamje të parë, një zonjë krejt normale. Por nëse e sheh pak më nga afër, pudra fsheh një lëkurë mashkulli dhe mosha nuk duket ajo e një 85-vjeçareje. Detaje që nuk i shpëtuan punonjëses së gjendjes civile në Borgo Virgilio, një komunë pranë Mantovës (Itali), ku kjo “grua”, Graziella Dall’Oglio, u paraqit për të rinovuar kartën e identitetit.
    Punonjësja e dalloi menjëherë dhe njoftoi eprorët, të cilët lajmëruan kryetarin e bashkisë dhe policinë lokale. Kështu nisi një hetim i brendshëm që krahasoi foton e bërë në komunë dy javë më parë, me atë të kartës së identitetit të skaduar 10 vjet më parë. Dyshimet u forcuan.
    Ngjashmëria ishte e dukshme, por po aq e dukshme ishte që ajo nuk mund të ishte zonja Dall’Oglio, një shtëpiake e ve, bashkëshorti i së cilës, mjek, kishte ndërruar jetë disa vite më parë. Në fakt ishte djali, një infermier aktualisht i papunë, që në versionin “Mrs. Doubtfire” ishte zëvendësuar me nënën. Arsyeja? Zonja kishte vdekur dhe ndoshta jo kohët e fundit, pasi nuk kishte pasur lajme për të prej disa vitesh.
    Ndërkohë kishte lajme për pensionin e majmë që djali vazhdonte të merrte duke u shtirur si e ëma dhe duke paraqitur çdo vit një deklaratë të ardhurash në emrin e Graziella Dall’Oglio, jo e vogël: 53 mijë euro, fryt i pensionit të të shoqit mjek dhe të ardhurave nga pasuria e familjes, shtëpi dhe toka.
    Siç shkruan Corriere della Sera, historia pati një fund të habitshëm dhe makabër. Punonjësja e ftoi burrin të kthehej në zyrat e komunës për të përfunduar procedurën dhe policët e detyruan të pranonte maskimin. “Duhet të bëjmë edhe një kontroll në shtëpinë tuaj”, shtuan ata. “Bëni si të doni”, psherëtiu ai. Dhe kur hynë në shtëpi, skena ishte tronditëse: në një dhomë ishte nëna, e mumifikuar…

  • Aksident fatal në një cirk në Itali, akrobati humb jetën gjatë shfaqjes

    Aksident fatal në një cirk në Itali, akrobati humb jetën gjatë shfaqjes

    Një aksident i rëndë ka tronditur një cirk në Itali, ku një akrobat humbi jetën gjatë një performance që mori përmasa tragjike. Ngjarja ndodhi në Sant’Anastasia, pranë Napolit, gjatë shfaqjes së cirkut Imperial Royal, raporton Wanted in Rome.
    Incidenti ndodhi gjatë numrit të njohur si “Globi i Vdekjes”, ku tre motoçiklistë profesionistë kryejnë lëvizje të sinkronizuara brenda një sfere gjigante metalike. Tre performuesit një 26-vjeçar kilian, një 43-vjeçar meksikan dhe një kolumbian po ashtu 43-vjeçar po ekzekutonin numrin në errësirë, të ndriçuar vetëm nga dritat LED të kostumeve të tyre.
    Gjatë performancës, 26-vjeçari humbi kontrollin e motoçikletës dhe u rrëzua. Kur u ndezën dritat, u kuptua menjëherë se situata ishte tepër e rëndë. Sipas Corriere della Sera, i riu ndërroi jetë pak çaste më vonë, pavarësisht ndihmës së shpejtë.

    Incidente mortale a Sant’Anastasia,Napoli dove uno spettacolo acrobatico dell’Imperial Royal Circus si è trasformato in tragedia.Due motociclisti professionisti si sarebbero scontrati durante un numero acrobatico. Uno dei due stuntman è morto a causa delle gravi ferite riportate. pic.twitter.com/sEri8PhzZ9

    — Franco Scarsella (@FrancoScarsell2) November 21, 2025

    Tragjedia u zhvillua përpara një audience të madhe, mes tyre edhe shumë fëmijë, të cilët në ato momente po filmonin shfaqjen me celularë. Policia ka nisur hetimet dhe po mbledh pamjet e spektatorëve për të rindërtuar dinamikën e plotë të aksidentit.
    Kryebashkiaku Domenico Esposito e cilësoi ngjarjen “shkatërruese”, duke shprehur ngushëllimet për familjen dhe kolegët e akrobatit:“Shumë fëmijë ishin të pranishëm dhe dëshmuan këtë tragjedi. Mendimet tona janë me familjet e prekura nga kjo ngjarje e rëndë.”
    /vizionplus.tv

  • Shpëtoi nga mbytja ish-punëdhënësit së tij në Itali, flet 32-vjeçari shqiptar: U mpiva nga i ftohti, provova me të gjitha forcat

    Shpëtoi nga mbytja ish-punëdhënësit së tij në Itali, flet 32-vjeçari shqiptar: U mpiva nga i ftohti, provova me të gjitha forcat

    Elton Zefi

    ITALI- 32-vjeçari shqiptar, Elton Zefi që u hodh në kanal për t’i shpëtuar jetën italianit që po mbytej ka folur për herë të parë për këtë gjest heroik. Ai tha se ditën e ditëlindjes së tij, së bashku me një koleg dpo shkonin në një takim pune, ku panë disa njerëz të mbledhur brigjet e kanalit Battaglia, në Padova.
    Ata panë se një burrë kishte përfunduar me makinën e tij në kanal dhe kishte mbetur i bllokuar brenda, duke rrezikuar të mbytej. Menjëherë, 32-vjeçari hoqi rrobat e tij dhe ndryshe nga të tjerët, hyri në kanal për t’i shpëtuar jetën.
    “Kisha krampa në këmbë dhe të ftohtit po më mpinte. Po mendoja të dorëzohesha. Provova edhe një herë, me të gjitha forcat që më kishin mbetur, dhe arrita ta nxjerr nga makina. Pastaj e çova në breg, të sigurt e të gjallë”, rrëfeu shqiptari.
    Zefi rrëfen se personi që i shpëtoi jetën ishte sipërmarrësi Giuseppe Salvalajo, ish-punëdhënësi i tij. Ai, i prekur nga ajo që ndodhi, e njohu menjëherë dhe e falënderoi. Zefi punon në sektorin e sektorin e energjisë fotovoltaike në Padova./ZËRI