Lajmidites.com

Tag: itali

  • Kokaina ‘Bugatti’ nga Amerika Latine! Zbulohet SKEMA si kalohej droga në Itali, paratë vinin në Shqipëri me shofer

    Kokaina ‘Bugatti’ nga Amerika Latine! Zbulohet SKEMA si kalohej droga në Itali, paratë vinin në Shqipëri me shofer

    foto ilustruese

    ITALI-Detaje të reja janë zbardhur nga operacioni i përbashkët i SPAK me prokurorinë e Breshias. Mediat italiane kanë zbardhur skemën se si funksiononte grupi shqiptar me bazë në Durrës dhe si u zbulua ai. Po ashtu bëhet e ditur se grupi kishte lidhje edhe me “Sacra Corona Unita”. 
    Sipas hetuesve, të dyshuarit janë pjesë e një organizate të strukturuar të aftë për të trafikuar drogë në shkallë globale. Janë gjithsej 49 të dyshuar, 24 prej të cilëve i janë nënshtruar masave paraprake (21 janë arrest në burg dhe tre janë vendosur nën arrest shtëpiak). Mediat italiane shkruajnë se në krye të grupit që drejtohej nga Shqipëria ishin Denis Myftiu, Erion Kapidani dhe Elvis Doçi, i njohur dhe si ‘Visi i Pojës’.
    Roli i shqiptarëve me në krye ‘Visin e Pojës’
    Selia qendrore e Lecco-s, sipas rindërtimit të bisedave të koduara në Sky Ecc, menaxhohej nga Ardian Deliu. Komunikimet mes Denis Myftiut dhe Erion Kapidanit, zbuluan se Deliut iu besuan afërsisht 80 kilogramë kokainë në pak se një muaj.
    Midis nëntorit dhe dhjetorit 2020, Deliu u akuzua për të paktën dhjetë raste trafikimi droge: një kilogram në Padova më 26 nëntor, një tjetër në Pordenone po atë ditë, 1.5 kilogram në Casalpusterlengo më 27 nëntor, tre kilogramë në Torino më 28 nëntor, një kilogram në Zogno më 28 nëntor, një kilogram në Palazzolo sull’Oglio më 30 nëntor dhe tre kilogramë në Piossasso më 5 dhjetor.
    Myftiu mbante kontaktet me furnizuesit e lëndëve narkotike, duke përcaktuar sasinë, mënyrat dhe afatet e importimit, si edhe duke vendosur se në cilën bazë logjistike do të dërgohej droga. Për çdo aktivitet të paligjshëm, Myftiu i drejtohej Erion Kapidanit i cili nga provinca e Bërgamos kujdesej për detajet e pritjes, magazinimit dhe më pas shpërndarjes së drogës te grosistët e ndryshëm. Më pas nga data 24 dhjetor 2021, pasi kishte braktisur përfundimisht territorin italian, Erion Kapidani drejtoi trafikun e kokainës të organizatës drejtpërdrejt nga Shqipëria së bashku me Denis Myftiun.
    Sipas një bisede të regjistruar më 14 dhjetor 2022, Mytiu raportonte se kishte ende në posedim pesë kilogramë heroinë, të cilën e identifikonte me termin “të zinjtë”, dhe tre kilogramë kokainë, të quajtur “bugatti” në zhargonin e trafikut.
    Provat e gjetura përfshijnë edhe fotografi të pakove të drogës dhe një fletë me shënime të hollësishme mbi shpërndarjen, ku përmenden destinacione si Torino, Torbole, Liqeni Garda, Trevizo dhe Udine, si edhe një sasi prej pesë kilogramësh të shënuar si “Zeze”.

    pamje nga chat-i

    Kalimi i drogës
    Rrjeti kishte gjashtë baza logjistike në Itali: tre në provincën e Brescias (Rovato, e menaxhuar nga Arlin Buzali; Palazzolo sull’Oglio, nën mbikëqyrjen e Eduart Leba; dhe një në kryeqytet), një në provincën e Lecco-s të menaxhuar nga Deliu, një bazë në Puglia të koordinuar nga Vincenzo Bruno dhe Altin Shehaj, dhe një tjetër në Italinë Veriore.
    Këto qendra operacionesh ruanin drogën që vinte nga Amerika e Jugut dhe më pas ua shpërndanin klientëve. E gjithë kokaina me origjinë nga Amerika e Jugut udhëtonte nëpërmjet rrugëve tregtare detare drejt porteve kryesore të Evropës Veriore dhe më pas transferohej në Itali e fshehur brenda automjeteve të rënda. Pasi kalonin doganën, ngarkesat shpërndaheshin në bazat logjistike.
    Droga nga Ekuadori transportohej drejt Italisë me kamionë. Ndërkohë, heroina transportohej nga Shqipëria në drejtim të Italisë, përmes autobusëve. Sipas mediave Italiane, shoferët e autobusëve shpesh nuk ishin në dijeni, ndërsa shoferët e kamionëve ishin bashkëpunëtorë të klaneve.  Paratë nga shitjet transferoheshin te udhëheqja shqiptare nëpërmjet korrierëve, të ashtuquajturve “money mules”: shoferë autobusësh të rregullt në linjën Itali-Shqipëri, të cilët transportonin fondet në udhëtimet e tyre të rregullta.

  • Kokaina ‘Bugatti’ nga Amerika Latine! SKEMA e ‘Visit të Pojës’, si kalohej droga në Itali, paratë vinin në Shqipëri me shofer

    Kokaina ‘Bugatti’ nga Amerika Latine! SKEMA e ‘Visit të Pojës’, si kalohej droga në Itali, paratë vinin në Shqipëri me shofer

    foto ilustruese

    ITALI-Detaje të reja janë zbardhur nga operacioni i përbashkët i SPAK me prokurorinë e Breshias. Mediat italiane kanë zbardhur skemën se si funksiononte grupi shqiptar me bazë në Durrës dhe si u zbulua ai. Po ashtu bëhet e ditur se grupi kishte lidhje edhe me “Sacra Corona Unita”. 
    Sipas hetuesve, të dyshuarit janë pjesë e një organizate të strukturuar të aftë për të trafikuar drogë në shkallë globale. Janë gjithsej 49 të dyshuar, 24 prej të cilëve i janë nënshtruar masave paraprake (21 janë arrest në burg dhe tre janë vendosur nën arrest shtëpiak). Mediat italiane shkruajnë se në krye të grupit që drejtohej nga Shqipëria ishin Denis Myftiu, Erion Kapidani dhe Elvis Doçi, i njohur dhe si ‘Visi i Pojës’.
    Roli i shqiptarëve me në krye ‘Visin e Pojës’
    Selia qendrore e Lecco-s, sipas rindërtimit të bisedave të koduara në Sky Ecc, menaxhohej nga Ardian Deliu. Komunikimet mes Denis Myftiut dhe Erion Kapidanit, zbuluan se Deliut iu besuan afërsisht 80 kilogramë kokainë në pak se një muaj.
    Midis nëntorit dhe dhjetorit 2020, Deliu u akuzua për të paktën dhjetë raste trafikimi droge: një kilogram në Padova më 26 nëntor, një tjetër në Pordenone po atë ditë, 1.5 kilogram në Casalpusterlengo më 27 nëntor, tre kilogramë në Torino më 28 nëntor, një kilogram në Zogno më 28 nëntor, një kilogram në Palazzolo sull’Oglio më 30 nëntor dhe tre kilogramë në Piossasso më 5 dhjetor.
    Myftiu mbante kontaktet me furnizuesit e lëndëve narkotike, duke përcaktuar sasinë, mënyrat dhe afatet e importimit, si edhe duke vendosur se në cilën bazë logjistike do të dërgohej droga. Për çdo aktivitet të paligjshëm, Myftiu i drejtohej Erion Kapidanit i cili nga provinca e Bërgamos kujdesej për detajet e pritjes, magazinimit dhe më pas shpërndarjes së drogës te grosistët e ndryshëm. Më pas nga data 24 dhjetor 2021, pasi kishte braktisur përfundimisht territorin italian, Erion Kapidani drejtoi trafikun e kokainës të organizatës drejtpërdrejt nga Shqipëria së bashku me Denis Myftiun.
    Sipas një bisede të regjistruar më 14 dhjetor 2022, Mytiu raportonte se kishte ende në posedim pesë kilogramë heroinë, të cilën e identifikonte me termin “të zinjtë”, dhe tre kilogramë kokainë, të quajtur “bugatti” në zhargonin e trafikut.
    Provat e gjetura përfshijnë edhe fotografi të pakove të drogës dhe një fletë me shënime të hollësishme mbi shpërndarjen, ku përmenden destinacione si Torino, Torbole, Liqeni Garda, Trevizo dhe Udine, si edhe një sasi prej pesë kilogramësh të shënuar si “Zeze”.

    pamje nga chat-i

    Kalimi i drogës
    Rrjeti kishte gjashtë baza logjistike në Itali: tre në provincën e Brescias (Rovato, e menaxhuar nga Arlin Buzali; Palazzolo sull’Oglio, nën mbikëqyrjen e Eduart Leba; dhe një në kryeqytet), një në provincën e Lecco-s të menaxhuar nga Deliu, një bazë në Puglia të koordinuar nga Vincenzo Bruno dhe Altin Shehaj, dhe një tjetër në Italinë Veriore.
    Këto qendra operacionesh ruanin drogën që vinte nga Amerika e Jugut dhe më pas ua shpërndanin klientëve. E gjithë kokaina me origjinë nga Amerika e Jugut udhëtonte nëpërmjet rrugëve tregtare detare drejt porteve kryesore të Evropës Veriore dhe më pas transferohej në Itali e fshehur brenda automjeteve të rënda. Pasi kalonin doganën, ngarkesat shpërndaheshin në bazat logjistike.
    Droga nga Ekuadori transportohej drejt Italisë me kamionë. Ndërkohë, heroina transportohej nga Shqipëria në drejtim të Italisë, përmes autobusëve. Sipas mediave Italiane, shoferët e autobusëve shpesh nuk ishin në dijeni, ndërsa shoferët e kamionëve ishin bashkëpunëtorë të klaneve.  Paratë nga shitjet transferoheshin te udhëheqja shqiptare nëpërmjet korrierëve, të ashtuquajturve “money mules”: shoferë autobusësh të rregullt në linjën Itali-Shqipëri, të cilët transportonin fondet në udhëtimet e tyre të rregullta.

  • Trafikimi i 1.3 tonë kokaine në Itali! ‘Visi i Pojës’ në arrati, oficeri i Antiterrorit: Më kanë përdorur emrin, s’kam SkyEcc

    Trafikimi i 1.3 tonë kokaine në Itali! ‘Visi i Pojës’ në arrati, oficeri i Antiterrorit: Më kanë përdorur emrin, s’kam SkyEcc

    Igli Haxhiaj dhe Elvis Doçi

    TIRANË-Gjykata e Posaçme ka vendosur masën arrest me burg për policin e Antiterrorit, Igli Haxhiaj, i cili u përfshi në hetimet e SPAK mbi klanet e mafias shqiptare që trafikonin drogë nga Amerika Latine dhe Shqipëria drejt Italisë. Haxhiaj u vendos në pranga një ditë më parë, pasi hetimet zbuluan se gjatë shërbimit në Forcat Operacionale, kishte nxjerrë sekretet hetimore dhe ishte korruptuar nga anëtarë të grupit kriminal, duke u vënë në shërbim të tyre.
    Në momentin e ekzekutimit të urdhrit, Haxhiaj ndodhej në ambientet e Akademisë së Policisë, ku ishte i angazhuar në një kurs tre-mujor specializimi për Antiterrorin. Oficeri akuzohet për nxjerrje të sekretit hetimor, korrupsion dhe shpërdorim detyre. Oficeri para trupit gjykues është shprehur se nuk ka lidhje me trafikimin e drogës, ndërsa pretendon se emri i tij është përdorur.
    “Më kanë përdorur emrin, nuk kam pasur Sky Ecc. Nuk kam komunikuar asnjëherë në aplikacionin Sky”, ka deklaruar Igli Haxhiaj.
    Mes masave të sigurisë figuron sërish emri i Elvis Doçit i njohur si ‘Visi i Pojës’, i cili tashmë kërkohet edhe nga Italia. ‘Poja’ është ende në kërkim nga SPAK për Operacionin Ura të zhvilluar në muajin maj të këtij viti në bashkëpunim me autoritetet italiane.
    Operacioni “Ura” u finalizua një Maj dhe kishte në fokus tre grupe të krimit të organizuar, me aktivitet të gjerë në trafikimin ndërkombëtar të drogës, kokainë e heroinë, pastrim parash dhe shpërdorim detyre. Nga përgjimet dhe monitorimet, përfshirë bisedat e koduara SkyECC, u dokumentuan transaksione CASH deri në 5 milionë. Paratë e trafikut depërtonin në ekonomi, përmes kompanive, pronave të paluajtshme, mediave lokale, transportit dhe bareve. Pjesë e organizatës ishin 3 nëngrupe kriminale, baza e njërit në Durrës dhe 2 të tjerët në Itali, në Puglia. Doçi dyshohet se është koka e grupit që ka organizuar të gjithë skemën dhe garantonte trafikun e drogës.
    Aksioni i përbashkër SPAK-Breshia u zhvillua një ditë më parë, ku masa arrest në burg është caktuar për Vincenzo Bruno, Arlin Buzali, Donald Cala, Gazmend Ferhati, Elton Gjegja, Adriatik Hasa, Erion Kapidani, Oltion Lala, Asti Llupi, Denis Myftiu, Altin Shehaj, Gazmend Shehu, Bledin Doci, Elvis Doci, Juljan Hyka, Eduart Leba, Gentian Shaba, Ogert ShqevI, Denis Tafili, Indrit Tafili dhe Klodian Vata. Ndërsa masa arrëst në shtëpi është lëshuar nga gjykata italiane për Giuseppe Iorio, Erald Salla dhe Enkeleid Tirjaku.
    Droga, e importuar nga Amerika e Jugut dhe e transportuar nëpërmjet rrugëve tregtare në portet e Evropës Veriore, u transportua në Itali e fshehur brenda automjeteve të rënda. Autoritetet kanë sekuestruar 550 mijë euro, 10 automjete, një pistoletë dhe 130 kilogramë lëndë narkotike, kokainë dhe heroinë, që në treg do të kishin vlerë rreth 12 milionë euro.

  • ‘Mushkat e parave’ kështu qarkullonin milionat e trafikut të kokainës, nga shoferët e autobusëve

    ‘Mushkat e parave’ kështu qarkullonin milionat e trafikut të kokainës, nga shoferët e autobusëve

    Një operacion i madh ndërkombëtar antidrogë ka goditur një organizatë të dyshuar kriminale që vepronte midis Italisë dhe Shqipërisë, ku në qendër të skemës financiare qëndronin ‘mushkat e parave’ shqiptarë, kryesisht shoferë autobusësh që udhëtonin rregullisht në linjën Itali–Shqipëri.

    Operacioni, i koordinuar nga Prokuroria e Brescias në bashkëpunim me SPAK, Eurojust, Europol dhe struktura të tjera europiane, çoi në ekzekutimin e masave sigurie për 24 persona të dyshuar për trafik ndërkombëtar droge. Mbi 150 efektivë të Guardía di Finanza morën pjesë në aksionet e kryera njëkohësisht në Itali, Shqipëri, Francë dhe Britani.

    Sipas hetuesve, organizata me bazë drejtuese në Shqipëri dyshohet se ka importuar në Evropë mbi 1.3 ton kokainë, të ardhur nga Amerika e Jugut dhe të futur përmes porteve të Europës së Veriut. Droga më pas hynte në Itali me mjete të rënda dhe shpërndahej në gjashtë baza logjistike në territorin italian.

    Fokusi kryesor i hetimit ishte skema financiare, ku sipas akuzave paraprake, drejtues autobusësh shfrytëzoheshin si ‘mushka parash’, të ngarkuar me transportimin e fitimeve të trafikut nga Italia drejt Shqipërisë. Këta transportues të parave, të përzgjedhur për lëvizjen e shpeshtë mes dy vendeve, mbanin me vete shuma të mëdha të ardhurash të drogës, të maskuara si bagazh i zakonshëm udhëtimi.

    Hetimet, të zhvilluara gjatë viteve 2020-2025, përfshinë përdorimin e algoritmeve të avancuara për dekodimin e chat-eve të kriptuara, përgjime telefonike, vëzhgime në terren dhe metoda të tjera tradicionale. Deri tani janë arrestuar në flagrancë 10 persona dhe janë sekuestruar 550 mijë euro cash, 10 automjete, një armë dhe 130 kg drogë me vlerë rreth 12 milionë euro.

    Ndërkohë, po kryhen mbi 35 kontrolle në disa rajone të Italisë, me ndihmën e njësive antidrogë, qenve ‘cash dog’ dhe efektivëve të specializuar ‘baschi verdi’.

    Autoritetet theksojnë se të gjithë të dyshuarit konsiderohen të pafajshëm deri në një vendim të formës së prerë, ndërsa hetimet për zinxhirin e ‘money mule’ dhe pistat e tjera financiare të rrjetit kriminal vijojnë me intensitet të lartë.

  • Detaje nga operacioni i SPAK dhe Prokurorisë së Brescias/ Hetimi zgjati 5 vite

    Detaje nga operacioni i SPAK dhe Prokurorisë së Brescias/ Hetimi zgjati 5 vite

    Zbardhet detaje të reja nga operacion i përbashkët pas një hetimi të koordinuar nga Zyra e Prokurorit të Qarkut të Brescias dhe Prokuroisë së Posaçme në Shqipëri (SPAK), që përfundoi në caktimin e masave ndaj 24 individëve të përfshirë në trafik ndërkombëtar të lëndëve narkotike në Itali, Shqipëri, Francë dhe Mbretërinë e Bashkuar.
    Të pandehurit akuzohen për formimin e një konspiracioni kriminal të dedikuar për trafikimin ndërkombëtar të drogës. Në të njëjtën kohë, u urdhërua sekuestrimi paraprak i aseteve me vlerë afërsisht 3 milionë euro, që besohet të jenë të ardhura nga aktivitete të paligjshme, teksa vetëm në Itali u kryen 35 kontrolle me teknologjinë më të përparuar nga SCICO (Shërbimi Qendror për Hetimet e Krimit të Organizuar).
    Mediat italiane bëjnë me dije se sipas hetimit që u zhvillua në vitet 2020-2025, grupi kriminal me bazë në Shqipëri dhe degëzim në Itali, importonte kokainë nga Amerika e Jugut duke përdorur rrugë tregtare në portin kryesor të Europës Veriore, përpara se të transportonte drogën në Itali me ngarkesa të rënda. Mbi 1,300 kilogramë kokainë u shpërndanë më pas në gjashtë baza operative në të gjithë vendin.
    Brenda këtyre depove, anëtarët menaxhuan si shpërndarjen e drogës ashtu edhe mbledhjen e të ardhurave nga shitjet, që dyshohet se u transportuan te drejtuesit e lartë të organizatës përmes shoferëve që operonin në linjën Itali-Shqipëri.
    10 anëtarë të grupit u arrestuan në flagrancë dhe sekuestruan 550,000 euro në para të gatshme, 10 automjete, një pistoletë gjysmë-automatike dhe 130 kilogramë kokainë dhe heroinë, të vlerësuara me vlerë afërsisht 12 milionë euro në treg.

  • Operacioni antidrogë në Itali, në pranga edhe një oficer i Antiterrorit shqiptar

  • Shkatërrohet grupi i trafikantëve shqiptarë në Itali

    Shkatërrohet grupi i trafikantëve shqiptarë në Itali

    Një operacion i gjerë i Guardia di Finanza në Brescia ka goditur një rrjet të strukturuar trafiku ndërkombëtar droge, i cili drejtohej dhe operohej nga shqiptarë. Gjykata miratoi 24 masa sigurie, mes të cilave 9 arrestime.
    Në total, 49 persona janë vendosur nën hetim, 46 prej tyre me origjinë shqiptare, të cilët sipas autoriteteve italiane luanin rol kyç në importimin dhe shpërndarjen e lëndëve narkotike. Sasia e sekuestruar e parave arrin në rreth 3 milionë euro, ndërsa fitimet e krijuara nga trafiku i drogës vlerësohen në rreth 12 milionë euro.
    Sipas hetuesve, rrjeti funksiononte duke importuar kokainë nga Amerika e Jugut dhe heroinë nga Shqipëria, të cilat më pas shpërndaheshin në zonën e Brescias dhe në rajone të tjera të Italisë. Hetimi ka zbuluar gjithashtu përdorimin e metodave të sofistikuara transporti: disa shoferë autobusësh transportonin drogën pa dijeninë e tyre, ndërsa kamionistë të caktuar bashkëpunonin drejtpërdrejt me klanet kriminale.
    Autoritetet italiane e cilësuan operacionin një goditje të rëndësishme ndaj krimit të organizuar shqiptar në Itali, duke theksuar përfshirjen e një rrjeti të mirëstrukturuar, me role të qarta dhe kanale të qëndrueshme furnizimi. Sipas Guardia di Finanza, hetimet kanë zbuluar një organizim të ngjashëm me modelet klasike të grupeve kriminale që operojnë në nivel ndërkombëtar.
    Pas arrestimeve dhe sekuestrimeve, hetuesit kanë deklaruar se puna vazhdon për të identifikuar të gjitha degët e rrjetit dhe për të ndjekur rrugët e pastrimit të parave të përfituara nga aktiviteti i paligjshëm.

  • Operacioni antidrogë në Itali, në pranga edhe një oficer i Antiterrorit shqiptar (EMRI)

    Operacioni antidrogë në Itali, në pranga edhe një oficer i Antiterrorit shqiptar (EMRI)

    Një oficer i Antiterrorit në Policinë Shqiptare është pjesë e personave të arrestuar në Itali, të akuzuar për një grup të strukturuar që trafikonte lëndë narkotike nga Amerika e Jugut dhe nga Shqipëria.
    Në pranga ka rënë punonjësi i Policisë së Shtetit, Igli Haxhiaj. Para se të ishte pjesë e strukturave të Antiterrorit, Haxhia ka qenë edhe pjesë e Skuadrës Operacionale. Haxhiaj akuzohet për disa vepra penale, nxjerrje të sekretit hetimor, korrupsion dhe shpërdorim detyre.
    Sipas raportimeve të mediave italiane, Gjykata e Breishas ka lëshuar në total 24 masa sigurie, 9 prej të cilave janë ekzekutuar në qytetin italian. Sipas të dhënave paraprake janë 49 personash që po hetohen, 46 prej të cilëve janë shqiptarë.
    Gjatë operacionit janë sekuestruar afro 3 milionë euro, ndërsa nga shitja e drogës ky grup përllogaritet të ketë fituar 12 milionë euro.
    Sipas raportimeve në mediat italiane, grupi importonte në Itali kokainë nga Amerika e Jugut, ndërsa heroinën e merrte nga Shqipëria.

  • Mega-operacioni kundër organizatës kriminale shqiptare/ Mediat italiane: U sekuestrua drogë me vlerë 12 mln euro

    BRESCIA TODAY

    Një operacion i madh ndërkombëtar antidrogë ka filluar në orët e para të mëngjesit mes Italisë, Shqipërisë, Francës dhe Anglisë. Mbi 150 oficerë nga Komanda Provinciale e Breshias dhe S.C.I.C.O., me mbështetjen e Europol, Eurojust dhe forcave të policisë së huaj, po ekzekutojnë 24 masa paraburgimi dhe sekuestrime për rreth 3 milion euro. Të pandehurit akuzohen për pjesëmarrje në një organizatë kriminale të specializuar në trafik ndërkombëtar të lëndëve narkotike.

    Hetimi, i koordinuar nga Prokuroria e Antimafias së Breshias, është rezultat i një pune hetimore pesëvjeçare, nga 2020 deri në 2025, e kryer në bashkëpunim me autoritetet shqiptare dhe zvicerane brenda një Ekipi Hetimi të Përbashkët (Joint Investigation Team). Hetimet janë bazuar në teknika të sofistikuara: dekodim i bisedave të enkriptuara, përgjime telefonike dhe elektronike, ndjekje dhe monitorim në terren.

    Sipas hetuesve, grupi – me bazë operative në Shqipëri dhe degë të shpërndara në Itali – kishte importuar kokainë nga Amerika e Jugut duke shfrytëzuar rrugë tregtare drejt porteve të mëdha të Evropës Veriore. Droga më pas transferohej në Itali me kamionë, e fshehur brenda mjeteve të rënda. Flitet për mbi 1.300 kilogramë kokainë të trafikuar, që do të shpërndahej në gjashtë baza logjistike të shpërndara në territorin kombëtar, të cilat funksiononin si qendra të vërteta magazinimi dhe shpërndarjeje.

    Nga këto qendra, përveç drogës, menaxhohej edhe fluksi i parave. Paratë cash të fituara nga shitjet supozohet të transportoheshin tek drejtuesit e organizatës përmes “korrierëve”, shoferëve bashkëpunues të linjave të autobusëve Itali–Shqipëri, të ngarkuar me transportin e shumave të mëdha të parave.

    Gjatë hetimit, hetuesit kanë arrestuar në flagrancë 10 anëtarë të grupit dhe kanë sekuestruar 550 mijë euro, 10 makina, një pistoletë dhe 130 kilogramë lëndë narkotike – kokainë dhe heroinë – që në treg do të vlente rreth 12 milion euro. Po zhvillohen mbi 35 kontrolle në të gjithë Italinë, të kryera edhe me ndihmën e njësive me qentë antidrogë, teknologji të avancuara të S.C.I.C.O. (Shërbimi Qendror i Hetimit mbi Krimin e Organizuar) dhe ushtarëve të specializuar A.T.P.I., Antiterrorizëm dhe Angazhim i Shpejtë.

  • Shpërthim i gripit në Itali, 2 milionë persona tashmë në shtrat, fëmijët e vegjël më të prekurit

    Shpërthim i gripit në Itali, 2 milionë persona tashmë në shtrat, fëmijët e vegjël më të prekurit

    Sezoni i gripit ka filluar fuqishëm në Itali. Që nga fillimi i vjeshtës, sipas sistemit të mbikëqyrjes RespiVirNet të Institutit Superior të Shëndetit, 2.1 milionë italianë kanë zënë shtratin nga infeksionet e frymëmarrjes. Fajtorët janë viruse të ndryshme që qarkullojnë në dimër, nga rinoviruset te SARS-CoV-2. Megjithatë, në javët e fundit, viruset e gripit kanë parë gjithashtu një rritje të ndjeshme dhe, pjesërisht për shkak të variantit të ri të virusit të gripit A/H3N2 (nënklada K), sezoni i këtij viti ka filluar 3-4 javë më herët, siç raportoi së fundmi Qendra Evropiane për Parandalimin dhe Kontrollin e Sëmundjeve.
    Në Itali, javën e kaluar, 11.2% e mostrave të analizuara nga laboratorët e përfshirë në mbikëqyrjen ISS ishin pozitive për viruset e gripit. Kjo është një shifër shumë e lartë, e cila vitin e kaluar u arrit vetëm rreth mesit të dhjetorit. Ashtu si në sezonet e mëparshme, fëmijët e vegjël janë më të prekurit: në javën e kaluar, më shumë se 25 fëmijë nga 1,000 të prekur nga infeksione të frymëmarrjes. “Është një virus shumë dinak, muton si Covid, dhe variantet e reja janë në gjendje t’i shmangen si imunitetit natyror ashtu edhe atij të shkaktuar nga vaksinat e mëparshme. Këtë vit, rrezikojmë 18-20 milionë raste: një në tre italianë”, paralajmëron Matteo Bassetti, drejtor i Sëmundjeve Infektive në Poliklinikën San Martino në Genova. “Të dhënat angleze tashmë flasin për një gjysmë-katastrofë: pavarësisht një popullsie shumë të vaksinuar, gripi mbërriti më herët se sa pritej. E njëjta gjë po ndodh pothuajse kudo, dhe tani edhe në Itali”, thekson ai.
    Megjithatë, në frontin e parandalimit, vlerësimi mbetet negativ: “Në këtë vend, kemi shkuar prapa si gaforret: nuk dimë si të bëjmë parandalim. Një në pesë italianë është i vaksinuar, vetëm një në dy midis të moshuarve, kundrejt objektivit të OBSH-së prej 75%.”
    Ndërkohë, ka lajme kontradiktore në lidhje me mbrojtjen nga virusi respirator sincicial. Të dhënat e mbledhura nga Observatori i Virusit Respirator Sincicial të Cittadinanzattiva tregojnë se profilaksia e të porsalindurve me antitrupat monoklonal parandalues ​​tejkalon 80%. Megjithatë, mbeten çështje kritike në lidhje me vaksinimin e grave shtatzëna dhe të moshuarve. “Italia i ka të gjitha mjetet”, por “një vizion i unifikuar ende mungon”, thotë Valeria Fava, koordinatore kombëtare e politikave shëndetësore për Cittadinanzattiva. “Parandalimi nuk është një shpenzim, por një investim strategjik që gjeneron kursime eksponenciale për shërbimin shëndetësor kombëtar”, përfundon ajo.