Krijimtaria e kompozitorit Gjon Simoni në koncertin e Orkestrës Simfonike të RTSH. Një mbrëmje e veçantë muzikore këtë tetor kushtuar krijimtarisë së kompozitorit Gjon Simoni, nën drejtimin e dirigjentit Eni Koço “Nderi i Kombit” dhe me pjesëmarrjen e violinistit Lorenc Radovani. Në sallën e Universitetit të Arteve, Orkestra Simfonike e RTSH solli një koncert që preku zemrat e publikut, një udhëtim përmes veprave të paharrueshme të kompozitorit Gjon Simoni. “Nën dirigjimin plot finesë të Maestro Eno Koço dhe me interpretimin e violinistit Lorenc Radovani, muzika mori jetë, duke sjellë emocione të thella dhe duartrokitje të zjarrta. Një mbrëmje që dëshmon se arti dhe muzika shqiptare mbeten gjallë në çdo notë”, thuhet nga orkestra rreth koncertit. Krijimtaria muzikore e Gjon Simonit është e pasur dhe e larmishme, ajo është luajtur në të gjitha aktivitetet e rëndësishme muzikore të Shqipërisë dhe jashtë saj. Ndërsa edhe ky koncert më 23 tetor solli një program të pasur me krijimtarinë e tij. Koncerti i radhës i Orkestrës së RTSH këtë tetor u zhvillua me pjesëmarrjen e violinistit të njohur Lorenc Radovani, i vlerësuar për nivelin e lartë artistik, muzikalitetin dhe integritetin e interpretimit të tij. Përveç veprimtarisë pedagogjike, Lorenc Radovani ka zhvilluar një karrierë të gjerë koncertale si solist dhe muzikant i muzikës së dhomës, duke interpretuar në skena të ndryshme brenda dhe jashtë vendit. Ai ka bashkëpunuar me orkestrat kryesore shqiptare dhe me orkestra ndërkombëtare si MittelEuropa Orchestra (Itali), Greeley Philharmonic Orchestra (USA), Orkestra Ballkanike, Orkestra e Mesdheut, Ansambli “Porteno” (USA) dhe të tjera. Ndër bashkëpunimet me dirigjentë dhe instrumentistë të njohur veçohen emrat: Teqja, Koço, Lepuri, Barbullushi, Llapaj, Quadrini (Itali), Silivestro (Itali), Cuniot (Francë), Pacor (Itali), Cortese (USA), Madhi, Tartari, Basha, Paço, Manaj, Rexha-Tershana, Spahiu, Ciofini (Itali), Nicholas (USA), Natalia Chiaikovskij (Rusi), Mustea (Rumani) etj.
Tag: itali
-
Flori Paluçi që u vra për një kafe, i kërkuar për dy vrasje në Itali
Flori Paluçi, 33-vjeçari që mbeti i vrarë në përplasjen me armë në Manzë të Durrësit pak ditë më parë, rezulton të ketë qenë në kërkim ndërkombëtar nga autoritetet italiane për tentativë vrasjeje të dyfishtë në qytetin e Umbertide, rajoni i Umbrias.
Sipas mediave italiane, Paluçi ishte përfshirë në një konflikt të dhunshëm më 19 qershor të këtij viti, ku kishte qëlluar me armë ndaj dy bashkatdhetarëve të tij, 28 dhe 33 vjeç. Të plagosurit mbetën rëndë dhe u dërguan me helikopter në spitalet e Città di Castello dhe Perugia.
Pas ngjarjes, karabinierët identifikuan shpejt autorin e dyshuar dhe prokuroria e Perugias kërkoi arrestimin e tij, por 33-vjeçari kishte arritur të largohej nga Italia përpara se të vihej në pranga. Për këtë arsye, ndaj tij u lëshua një urdhër arresti ndërkombëtar dhe kërkimet vijuan për muaj të tërë.
Arratisja e Paluçit mori fund në mënyrë tragjike në Manzë, ku ai u përfshi sërish në një konflikt që degjeneroi në shkëmbim zjarri. Në këtë përplasje mbetën të vrarë dy persona, mes tyre edhe vetë Paluçi.
Me vdekjen e tij, mbyllet kapitulli i arratisjes që kishte nisur pas krimit të rëndë në Itali, një histori që filloi në Umbria dhe përfundoi me gjak në vendlindjen e tij, në Shqipëri. -
Tronditet Kisha Katolike në Itali! Gati 4,400 persona të abuzuar seksualisht nga priftërinjtë që nga viti 2020
Rreth 4,400 persona janë abuzuar seksualisht nga priftërinjtë katolikë në Itali në raste të regjistruara që nga viti 2020, sipas shifrave të publikuara më 24 tetor nga Rete L’Abuso, grupi më i madh i viktimave të abuzimit klerikal në vend.
Rete L’Abuso tha se kishte regjistruar 1,250 raste të dyshuara abuzimi disa prej të cilave përfshinin viktima të shumëfishta. Prej tyre 1,106 përfshinin priftërinj katolikë, ndërsa pjesa tjetër përfshinte murgesha, mësues fetarë, vullnetarë, edukatorë dhe anëtarë të organizatave të skautizmit.
Sipas raportit, një total prej 4,625 personash konsiderohen viktima, ose ato që organizata i quan “të mbijetuar”, nga të cilët 4,395 u abuzuan nga priftërinjtë. Nga këta, 4,451 ishin nën 18 vjeç, ndërsa 4,108 ishin djem. Viktimat e mbetura përfshijnë pesë murgesha, 156 të rritur të cenueshëm dhe 11 persona me aftësi të kufizuara.
Nga 1,106 priftërinj të dyshuar, vetëm 76 u çuan në gjykata kishtare, 17 u pezulluan përkohësisht, shtatë u transferuan në famulli të tjera dhe 18 u shkarkuan ose dhanë dorëheqjen nga detyra e tyre priftërore, ndërsa pesë prej tyre raportohet se kanë kryer vetëvrasje.
Sipas Reuters, Rete L’Abuso, e cila nuk njihet zyrtarisht nga shteti ose kisha, tha se të dhënat bazohen në dëshmitë e viktimave, dokumentet gjyqësore dhe raportet e shtypit.
Themeluesi i grupit, Francesco Zanardi, tha se nuk dihet se sa larg në kohë shkojnë disa nga akuzat, ndërsa Sinodi Italian i Peshkopëve, i cili kohët e fundit është kritikuar ashpër nga Komisioni i Vatikanit për Mbrojtjen e të Miturve, nuk ka komentuar mbi gjetjet.
Kisha Katolike është tronditur për dekada nga skandalet që përfshijnë pedofilinë dhe mbulimin e rasteve nga priftërinjtë, por autoritetet lokale të kishës në Itali janë akuzuar se nuk e kanë trajtuar problemin në mënyrë transparente.
Papa i ri , Leoni XIV, i cili u takua me të mbijetuarit e abuzimit klerikal për herë të parë këtë javë, u bëri thirrje peshkopëve “të mos i fshehin akuzat për shkelje”. Paraardhësi i tij, i ndjeri Papa Françesku, e kthehu luftën kundër abuzimit një përparësi gjatë papatit të tij 12-vjeçar, por me rezultate të përziera.
Në një raport të publikuar më 16 tetor, Komisioni i Vatikanit për Mbrojtjen e të Miturve vuri në dukje se vetëm 81 nga 226 dioqeza italiane iu përgjigjën një pyetësori mbi praktikat e tyre të mbrojtjes së fëmijëve. -
I dënuar me 29 vite burg në Itali, arrestohet i shumëkërkuari në Berat, në pranga dhe miku që e strehoi
Foto ilustruese
BERAT- Dy persona janë arrestuar nga policia në Berat, mes të cilëve edhe një 49-vjeçar, i cili ishte shpallur në kërkim ndërkombëtar për trafik droge dhe pjesëmarrje në një organizatë kriminale.
Në pranga ka rënë Armando Pjetri, 49 vjeç, i dënuar nga Gjykata e Apelit në Napoli me 29 vite burg për veprën penale “Trafikimi i lëndëve narkotike”, kryer në kuadër të një organizate kriminale.
Gjatë operacionit, u arrestua gjithashtu A. H., 53 vjeç, banues në Kuçovë, i cili kishte strehuar Pjetrin për t’u fshehur nga policia. Ai akuzohet për veprat penale “Përkrahja e autorit të krimit” dhe “Prodhimi dhe shitja e narkotikëve”.
Në banesën ku strehohej i kërkuari ndërkombëtarisht, në lagjen “1 Maji” të Beratit, policia gjeti dhe sekuestroi edhe një sasi kanabisi që po përdoret si provë materiale në hetim.
Interpol Tirana po bashkëpunon me Interpol Roma për të finalizuar procedurat e ekstradimit të Armando Pjetrit në Itali. -
Pas 75 ditësh në paraburgim, profesori italian lirohet me kusht, kthehet pranë familjes
michele d’angelo
ITALI- Në orën 8:00 të mbrëmjes së kaluar, fluturimi i Michele D’Angelo shënoi fundin e një makthi që kishte zgjatur 75 ditë. Pas një periudhe të gjatë paraburgimi në Shqipëri, D’Angelo më në fund arriti të kthehej në Itali, si një njeri i lirë, pas lirimit të tij me kusht.
Profesori i Biologjisë, u mbajt për më shumë se dy muaj në paraburgimin e Fierit, pasi shkaktoi një aksident me pasojë vdekjen, teksa ishte duke shkruar në një dasmë të miqve të tij në Vlorë.
D’Angelon nuk e pret asnjë masë kufizuese në atdheun e tij, dhe mund të vazhdojë aktivitetin e tij, pa asnjë pengesë të menjëhershme, megjithatë procesi ndaj tij në Shqipëri vijon.
Pavarësisht se është liruari nga paraburgimi, ai duhet të presë raportet e ekspertëve, të cilët mund të parandalojnë një gjyq të mundshëm, që mund të ndodhë në të ardhmen.
D’Angelo, i cili ishte arrestuar në Shqipëri mbi akuza që nuk janë publikuar ende plotësisht, tashmë është lëshuar pa asnjë kufizim në lirinë e tij, duke shfrytëzuar mundësinë e lirimit me kusht. Kthimi në Itali i jep fund një periudhe të vështirë për të dhe familjen e tij, por gjithsesi ai mbetet në pritje të zhvillimeve të tjera ligjore që mund të ndikojnë në të ardhmen e tij.Aksidenti në të cilin ai u përfshi ndodhi më 8 gusht, përgjatë rrugës Levan-Fier. Një i ri u vra dhe katër të tjerë u plagosën në përplasjen midis Lancia Ypsilon të tij dhe një Mercedesi të drejtuar nga një shtetas shqiptar. Autoritetet lokale e kishin akuzuar D’Angelon se ishte larguar nga vendi i ngjarjes, një sjellje që mbrojtja ia atribuon një gjendjeje shoku dhe jo një dëshire për t’u larguar./ZËRI
-
Tragjedi në Itali: Babai, nëna dhe vajza 27-vjeçare humbin jetën nga rrjedhja e gazit
Një ngjarje e rëndë ka tronditur komunën Canaro, në provincën e Rovigos në Itali, ku tre anëtarë të së njëjtës familje janë gjetur të pajetë në banesën e tyre, pas disa ditësh pa asnjë kontakt me të afërmit.
Sipas mediave italiane, trupat e pajetë të babait, nënës dhe vajzës së tyre 27-vjeçare u gjetën mbrëmjen e së martës, rreth orës 23:00, pasi karabinierët, të alarmuar nga familjarët, kërkuan ndihmën e zjarrfikësve për të hyrë në shtëpinë që ndodhej në rrugën Cesare Battisti.
Gjatë kontrollit, ekipet e zjarrfikësve përdorën pajisje për matjen e gazrave dhe konstatuan rrjedhje të monoksidit të karbonit nga bojleri, që dyshohet të ketë qenë shkaku i vdekjes tragjike.
-
Shuhet familja në Itali, u gjetën të vdekur brenda në shtëpi, dyshohet se…
Një tragjedi ka ndodhur mbrëmjen e djeshme në Canaro, në provincën e Rovigos në Itali. Një familje e tërë, për të cilën nuk ishte marrë asnjë lajm prej disa ditësh, u gjet e vdekur në shtëpinë e tyre.
Zjarrfikësit ndërhynë rreth orës 23:00 pas kërkesës së karabinierëve dhe alarmit të ngritur nga disa kolegë të kryefamiljarit 51-vjeçar, i cili nuk ishte paraqitur në punë për njëfarë kohe.
Ekipi i policisë së Rovigos gjeti trupat e pajetë të një babai, një nëne 47-vjeçare dhe vajzës së tyre 27-vjeçare brend anë shtëpi. Gjatë inspektimit, oficerët, të pajisur me pajisje zbulimi gazi, zbuluan rrjedhje monoksidi karboni nga kaldaja.
Familja moldave kishte jetuar në Itali prej njëzet vjetësh. Ata u gjetën në shtretërit e tyre pa shenja dhune, dhe macja e tyre u gjet gjithashtu e ngordhur.
Autoritetet kanë filluar hetimet për të konfirmuar shkaqet e vdekjes, ndërsa komuniteti vendas mbetet i tronditur nga incidenti. -
E rëndë në Itali, humb jetën 7-vjeçari shqiptar/ Nga aksidenti plagoset edhe babai i tij së bashku me një tjetër person
Një aksidenti i rëndë ka ndodhur mbrëmjen e djeshme në Itali, ku viktimë ka mbetur 7-vjeçari shqiptar.
Si pasojë e përplasjes së fortë në provincën e Bolonjës, të lënduar kanë mbetur edhe babai i vogëlushit, së bashku me personin që ndodhej tek mjeti tjetër. Vogëlushi ndërroi jetë në vend.
Sipas raportimit të mediave vendase, aksidenti ndodhi rreth orës 21:00, kur një makinë “Volkswagen Corrado” që drejtohej nga një shqiptar dhe në sediljen e pasme kishte babain e tij u përplas me një “Renault Clio” të drejtuar nga një 20-vjeçar.
Të dy automjetet e përfshira në aksident dolën jashtë rrugës.Top Channel
-
Aksident tragjik në Itali, vdes 7-vjeçari shqiptar, babai i tij në gjendje të rëndë
Pamje nga vendi i ngjarjes
ITALI- Një ngjarje e rëndë ka tronditur komunitetin shqiptar në Itali, pasi një 7-vjeçar humbi jetën mbrëmjen e djeshme në një aksident tragjik të ndodhur në provincën e Bolonjës.
Sipas raportimeve të mediave italiane, aksidenti ndodhi rreth orës 21:00, kur një automjet tip Volksëagen Corrado, i drejtuar nga një 34-vjeçar shqiptar, u përplas me një Renault Clio që po drejtohej nga një 20-vjeçar. Në sediljen e pasme të makinës së parë ndodhej djali i vogël, i cili fatkeqësisht nuk i mbijetoi përplasjes.
Hetimet paraprake sugjerojnë se një nga automjetet ka kaluar në korsinë e kundërt për të shmangur një motor që po kthehej drejt një karburanti, duke shkaktuar përplasjen e fortë mes dy makinave. Si pasojë, të dy automjetet përfunduan jashtë rrugës.
Përveç fëmijës që humbi jetën, janë plagosur babai i tij, me origjinë shqiptare dhe banues në Minerbio, si dhe drejtuesi i Renault Clio-s.
Karabinierët kanë mbërritur menjëherë në vendin e ngjarjes dhe po hetojnë për të zbardhur plotësisht rrethanat e aksidentit. Dyshohet se fëmija nuk kishte vendosur rripin e sigurimit në momentin e përplasjes — një detaj që mund të ketë qenë fatal.