Lajmidites.com

Tag: investimit

  • Agrobiznesi përjashtohet nga TVSH për importin e makinerive, aplikimi bëhet në e-Albania, përgjigjja brenda 15 ditësh

    Agrobiznesi përjashtohet nga TVSH për importin e makinerive, aplikimi bëhet në e-Albania, përgjigjja brenda 15 ditësh

    Agrobiznesi është i përjashtuar nga TVSH-ja për importin e makinerive dhe pajisje në funksion të realizimit të kontratave të investimit të tyre, pavarësisht nga vlera e investimit.

    Për të përfituar përjashtim nga TVSH-ja në importin e makinerive dhe pajisjeve, subjektet agro-përpunuese duhet të aplikojnë përmes e-Albanias.

    Portali i qeverisë e-Albania ndau në rrjete sociale hapat që ndiqen duke aplikuar në  zgjedhjen e shërbimit “Makineri dhe pajisje në funksion të realizimit të kontratave të investimit në sektorin e agrobiznesit, pavarësisht nga vlera e investimit”.

    Më pas duhet të plotësohet formulari dhe të ngarkohen dokumentet e kërkuara. Kopje e planit të investimit dhe preventivi.

    Nëse aplikimi i plotëson kushtet mundësohet hedhja e autorizimit në sistem.

    Autorizimi “Makineri dhe pajisje në funksion të realizimit të kontratave të investimit në sektorin e agrobiznesit, pavarësisht nga vlera e investimit” është një autorizim që i jepet operatorit ekonomik i cili vepron në fushën e agrobiznesit. Me anë të këtij autorizimi operatori përfiton nga përjashtimi i pagesës së TVSH-së në momentin e importimit. Makineritë dhe pajisjet që përfitojnë nga ky përjashtim janë të listuara në Aneksin e bazës ligjore të mëposhtme, raporton A2 CNN.

    E- Albania publikoi linkun ku aplikohet teksa njoftoi se, koha për marrjen e shërbimit është 15 ditë dhe dokumenti mbërrin elektronikisht tek rubrika “Dokumentet e mia” dhe në email./A2

  • Tregu i fondeve të investimit në rritje, mbi 67 miliardë lekë asete dhe 40 mijë investitorë në tremujorin e parë 2025

    Tregu i fondeve të investimit në rritje, mbi 67 miliardë lekë asete dhe 40 mijë investitorë në tremujorin e parë 2025

    Tregu i Sipërmarrjeve të Investimeve Kolektive (SIK) vijoi trendin pozitiv të rritjes gjatë tremujorit të parë të vitit 2025, duke reflektuar një zgjerim të ndjeshëm si në vlerën e aseteve, ashtu edhe në pjesëmarrjen e investitorëve.
    Sipas të dhënave të publikuara nga Autoriteti i Mbikëqyrjes Financiare (AMF), më 31 mars 2025 vlera neto e aseteve në tregun SIK arriti në 67,01 miliardë lekë, ose rreth 675 milionë euro, duke shënuar një rritje prej 5,65 miliardë lekë, që përkthehet në një rritje prej 9,21%, krahasuar me fundin e vitit 2024.
    Të dhënat treguan se numri i investitorëve në këtë treg ka kaluar shifrën e 40 mijë, një rritje prej 6% krahasuar me fundin e vitit 2024, shkruan A2 CNN.
    Fondet e investimit me pjesëmarrje të hapur dhe ofertë publike përbëjnë pjesën më të madhe të tregut, me një vlerë neto të aseteve prej 60,96 miliardë lekë, ose afërsisht 614 milionë euro, duke shënuar një rritje prej 10,08% nga fundi i vitit të kaluar.
    Në tregun SIK kanë operuar gjashtë shoqëri administruese të licencuara nga AMF, prej të cilave katër janë me kapital vendas dhe dy me kapital të huaj. Deri në fund të tremujorit të parë, numri i përgjithshëm i fondeve të investimit arriti në tetëmbëdhjetë, nga të cilat katër janë fonde alternative.
    Struktura e investimeve në tregun e sipërmarrjeve të investimeve kolektive vijon të dominohet nga titujt qeveritarë, si bono thesari dhe obligacione, të cilët zënë 78,75% të totalit të investimeve. Ndërkohë, 5.69% e aseteve janë të investuara në tregjet financiare ndërkombëtare.
    Rritja e vazhdueshme e vlerës së aseteve dhe e numrit të investitorëve dëshmon për besimin në rritje që individët dhe subjektet ekonomike po tregojnë ndaj tregut të fondeve të investimit, si dhe për rolin e rëndësishëm që ky sektor po merr në zhvillimin e mëtejshëm të tregjeve kapitale në Shqipëri.

  • Tregu i fondeve të investimit arrin nivelin më të lartë në katër vitet e fundit

    Tregu i fondeve të investimit arrin nivelin më të lartë në katër vitet e fundit

    Tregu i fondeve të investimit u rrit më tej në tremujorin e parë të këtij viti.Sipas të dhënave zyrtare nga Autoriteti i Mbikëqyrjes Financiare (AMF), asetet neto të këtyre fondeve arritën në 67 miliardë lekë, në rritje me 9.2% që nga fillimi i vitit dhe me 29.6% krahasuar me të njëjtën periudhë të një viti më parë.Vlera e aseteve neto të tregut ka arritur nivelin më të lartë në katër vitet e fundit, por ende është larg nivelit maksimal historik, që u arrit në vitin 2021, në vlerën e pothuajse 82 miliardë lekëve.Tregu i fondeve të investimit pësoi një goditje të fortë në vitin 2022 nga rritja e shpejtë e normave të interesit dhe yield-eve në tregun financiar. Kjo zhvlerësoi portofolin e titujve të mbajtur nga fondet e investimit, solli ulje të vlerës së aseteve dhe tërheqje të konsiderueshme të anëtarëve nga fondet.Megjithatë, frenimi i rritjes së normave të interesit pas vitit 2023 bëri që rënia e vlerës së aseteve të frenohet dhe tregu të rimëkëmbet gradualisht.Numri i anëtarëve në fund të tremujorit të parë arriti në pak më shumë se 40 mijë, në rritje me 6% që nga fillimi i vitit 2025 dhe me 20.4% krahasuar me të njëjtën periudhë të një viti më parë.Nëse vlera e aseteve ende nuk ka arritur nivelet e para vitit 2022, numri i investitorëve tashmë ka arritur në nivele të përafërta me periudhën para goditjes që tregu mori nga rritja e shpejtë e normave të interesit.Fondet e investimit në Lekë i kanë përqendruar investimet e tyre sidomos në bono dhe obligacione të qeverisë shqiptare dhe në një masë më të vogël në mjete likuide (llogari bankare). Fondet në valutë kanë një spektër më të gjerë investimesh, por edhe aty në volume dominojnë instrumentet financiare të borxhit të qeverive dhe shoqërive tregtare.Disa prej fondeve janë të angazhuara edhe në investime në aksione, por pesha e tyre specifike në treg ngelet e ulët.Në fund të tremujorit të parë 2025, në treg ishin aktivë 18 fonde investimi (duke përfshirë edhe fondet e investimeve alternative), të administruara nga pesë shoqëri të ndryshme administruese.Tregu dominohet nga fondet në monedhën vendase, që përbëjnë afërsisht 92% të vlerës neto të aktiveve të fondeve të investimit në instrumente financiare. Në dy vitet e fundit, vlera e fondeve në valutë të huaj është ndikuar negativisht edhe nga efekti i kursit të këmbimit.Mes fondeve, më i madhi me diferencë të konsiderueshme ngelet fondi i investimeve në Lekë, Raiffeisen Prestigj, me më shumë se 63% të aseteve neto të tregut. Vijon fondi tjetër në Lekë i shoqërisë Raiffeisen Invest, Raiffeisen Vizion, me mbi 17% të vlerës neto të aseteve. Mes fondeve në valutë të huaj, më i madhi është Raiffeisen Invest Euro, me 6% të vlerës neto të aseteve.Ndërkohë, në rritje paraqiten në dy vitet e fundit fondet e investimeve alternative, Sea Land dhe Green View, që tashmë përbëjnë afërsisht 9 % të aseteve neto të tregut. Asetet e këtyre fondeve janë të investuara kryesisht në pasuri të paluajtshme dhe rritja e vlerës së pronave ka dhënë efekt pozitiv në totalin e aseteve të këtyre fondeve./ E.ShehuBurimi: AMFKy është artikull ekskluziv i Revistës Monitor, që gezon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetm duke cituar “Revista Monitor” shogëruar me linkun e artikullit origjinal.

  • Rrjeti i supermarketeve Lidl vjen në Shqipëri, merr statusin investitor strategjik

    Rrjeti i supermarketeve Lidl vjen në Shqipëri, merr statusin investitor strategjik

    FOTO ILUSTRUESE

    TIRANË- Komititeti i Investimeve Strategjike ka miratuar në mbledhjen e datës  10 prill 2025 dhënien e statusit investitor strategjik për “LIDL – Shqipëria Qendër Logjistike” me subjekt “Lidl Shqipëria” sh.p.k. Projekti i investimit strategjik parashikon realizimin e investimit mbi 105 milionë Euro.
    Ai do të zhvillohet brenda gjurmës së Projektit të Ri Tregtar të Integruar të Durrësit me Zhvillues Autoritetin Portual Durrës, sipas Vendimit të KKTKU me nr. 09, datë 27.07.2022.
    Statusi “Investim/Investitor Strategjik Procedurë e Veçantë” i jepet projektit të investimit “LIDL – Shqipëria Qendër Logjistike” për një periudhë 3 (tre) vjeçare. Investimi  synon të zhvillohet në një sipërfaqe totale prej 200 mijë m2, e cila ndodhet pranë zonës logjistike portuale në Porto Romano, Durrës.

    VENDIMI

    Ai parashikon ndërtimin e një qendre logjistike e cila do të shërbejë si objekt kryesor për magazinimin e produkteve me shumicë. Produktet e magazinuara synojnë të furnizojnë si tregun shqiptar, duke lehtësuar grumbullimin, mirëmbajtjen dhe shpërndarjen e produkteve vendase, ashtu si dhe promovimin dhe eksportin e jashtëm të këtyre produkteve. Subjekti synon gjithashtu të operojë në tregun shqiptar duke krijuar operacione të shitjes me pakicë përmes një rrjeti të gjerë supermarketesh dhe parashikohet të punësojë rreth 2500 persona, thuhet në vendim.
    Autoriteti Portual Durrës në cilësinë e Zhvilluesit të Projektit të Portit të Ri Tregtar të Integruar të Durrësit në Porto Romano, në bashkëpunim me institucionet përkatëse si ASHK, AZHT dhe ASHSH, ka marrë të gjitha masat për vijimin e ndjekjes së procedurës së nisur për realizimin e procesit të shpronësimit, në funksion të implementimit të Masterplanit të sipërcituar. Pas përfundimit të procedurave administrative, Autoriteti do të disponojë të gjithë sipërfaqen e gjurmës sipas “Masterplanit të Portit të Ri Tregtar të Integruar të Durrësit në Porto Romano”. 

  • “Strategjikët”, KIS miraton statusin për LIDL, hotel në Borsh dhe ndërtesa multifunksionale Tiranë

    “Strategjikët”, KIS miraton statusin për LIDL, hotel në Borsh dhe ndërtesa multifunksionale Tiranë

    Komiteti i Investimeve Strategjike (KIS) mori tre vendime gjatë pjesës së parë të këtij viti ku dy prej tyre lidhen me investime në hoteleri dhe rezdenciale ndërkohë që një tjetër ishte ajo për gjermanët e rrejtit të supermarketeve LIDL.Këta të fundit parashikojnë ngritjen e një qendre logjistike në kuadër të hyrjes së tyre në tregun e shitjes me pakicë në Shqipëri. Por çfarë përfaqësojnë në fakt tre projektet në fjalë dhe lehtësitë që përfitojnë nga vendimet që ka marrë Komiteti.Hoteli markë në BorshI pari është një investim në strukturë hotelerie në Jug të vendit, konkretisht në Borsh. Subjekti aplikues është “Grand Hotel Borsh” që synon të ndërtojë një strukturë me 5 yje i cili do të përfshijë 240 dhoma dhe 4 vila private.“Vlera e investimit të projektit të investimit “RADISSON INDIVIDUALS PREMIUM BORSH” i plotëson kriteret e parashikuara nga legjislacioni për investimet strategjike dhe parashikohet të jetë mbi 27.6 milionë Euro.Sipërfaqe totale e projektit është 18.500 m² (1.85 ha) në ZK 1253, në fshatin Borsh, Bashkia Himarë, e cila është në pronësi private të ortakëve të subjektit aplikues Grand Hotel Borsh sh.p.k. Projekti i investimit i plotëson kriteret e punësimit të kërkuara nga legjislacioni për investimet strategjike dhe parashikon të punësojë 255 punonjës” thuhet në vendim.Projekti i propozuar ka nënshkruar marrëveshje me marken ndërkombëtare Radisson Hospitality Belgium SRL.Vendimi i KIS I ka dhënë miratimin Statusit “Investim/Investitor Strategjik Procedurë e Asistuar”. Ky status i jepet për tre vjet.Po kështu subjektit i është dhënë e drejta e shfrytëzimit të plazhit për një periudhë 30 vjeçare.“Në zbatim të nenit 29 të Ligjit Nr.55/2015, i ndryshuar, miratohet në parim masa mbështetëse e lejimit të përdorimit të brigjeve të detit si dhe zonën përkatëse të plazhit për parcelën Kodi: HI-215/5 e tipologjisë “e menaxhuar”, si dhe për parcelën Kodi: HI-216 e tipologjisë “e menaxhuar”, sipas koordinatave të konfirmuara nga Agjencia Kombëtare e Bregdetit, Aneks 1 i këtij vendimi, me një afat 30 (tridhjetë) vjeçar” thuhet në vendim.Qendra Logjistike e LIDLNjë tjetër vendim i KIS ka të bëjë me ngritjen e një qendre logjistike të markës së shitjes me pakicë LIDL që pritet të hyjë në tregun shqiptar. Subjekti aplikues “LIDL SHQIPËRIA” SHPK është pjesë e kompanive të rrjetit ndërkombëtar gjerman Schwarz Group, i cili është një lider ndërkombëtar në industrinë e shitjes me pakicë, i pozicionuar në 31 shtete.“Vlera e investimit të projektit të investimit “LIDL Shqipëria– Qendër Logjistike” i plotëson kriteret e parashikuara nga legjislacioni për investimet strategjike dhe parashikohet të jetë mbi 105 milionë Euro.Projekti i investimit synon të zhvillohet në një sipërfaqe totale prej 200 mijë m2, e cila ndodhet pranë zonës logjistike portuale në Porto Romano, Durrës. Projekti i investimit parashikon ndërtimin e një qendre logjistike e cila do të shërbejë si objekt kryesor për magazinimin e produkteve me shumicë.Produktet e magazinuara synojnë të furnizojnë si tregun shqiptar, duke lehtësuar grumbullimin, mirëmbajtjen dhe shpërndarjen e produkteve vendase, ashtu si dhe promovimin dhe eksportin e jashtëm të këtyre produkteve. Subjekti synon gjithashtu të operojë në tregun shqiptar duke krijuar operacione të shitjes me pakicë përmes një rrjeti të gjerë supermarketesh.Sipërfaqja e synuar ndodhet brenda konturit të “Masterplanit të Portit të Ri Tregtar të Integruar të Durrësit në Porto Romano”, me zhvillues Autoritetin Portual Durrës, miratuar me Vendim KKTKU me nr. 09, datë 27.07.2022 “Leje zhvillimi për objektin “Porti i Durrësit – Porto Romano”” thuhet në vendim. Ky project investimi parashikon të punësojë të paktën 2500 persona.Vendimi i KIS i ka miratuar atij Statusiin “Investim/Investitor Strategjik Procedurë e Veçantë” për tre vjet. Do të jetë Autoriteti Portual Durrës, në cilësinë e zhvilluesit të zonës pas përfundimit të procedurave administrative dhe disponimit të pronës, ai që do të të lidh kontratë qiraje afatgjatë me shoqërinë “Lidl Shqipëria” sh.p.k.Projekt hotel dhe rezidenca në TiranëVendimi i tretë i KIS është në favor të subjekteve “ANIMA CON” shpk dhe “EB CONSTRUCTION” SHPk.Projekti i investimit parashikon ndërtimin e një kompleksi me funksion të përzier si hotel, rezidencial, godina banimi dhe shërbimesh, në Bashkinë Tiranë.“Projekti përfshin komponentë që i përkasin sektorit të turizmit, dhe konsiston në ndërtimin e tre ndërtesave me kombinim përdorimit si ndërtesa multifunksionale me theks të veçantë në hoteleri dhe shërbime rezidenciale, njësi banimi dhe ndërtesa dedikuar hapësirave të zyrave. Vlera e investimit të projektit të investimit “ANIMA” i plotëson kriteret e parashikuara nga legjislacioni për investimet strategjike dhe parashikohet të jetë rreth 55.6 milion Euro.Subjektet aplikuese propozojnë zhvillimin e një investimi në ZK 8160, në Bashkinë Tiranë. Projekti i propozuar shtrihet në një sipërfaqe totale prej 0.96 ha nga të cilat rreth 0.79 ha janë në pronësi private të subjekteve aplikuese në bazë të kontratave të sipërmarrjeve.Ndërkohë, subjektet për një sipërfaqe prej afro 0.17 janë në fazë negociatash për lidhjen e marrëveshjeve me subjekte private. Projekti i investimit i plotëson kriteret e punësimit të kërkuara nga legjislacioni për investimet strategjike dhe parashikon të punësojë rreth 500 punonjës” thuhet në dokument.Statusi i miratuar është “Investim/Investitor Strategjik Procedurë e Veçantë” për një afat 3 vjeçar.Falë këtij statusi subjekti përfiton masa mbështetëse në kryerjen e procedurave me prioritet dhe brenda afateve të përshpejtuara, në përputhje me legjislacionin për investimet strategjike. Po kështu masa mbështetëse të asistencës në lidhje me dhënien e lejeve, licencave dhe autorizimeve të nevojshme për realizimin e projektit, në përputhje me afatet e parashikuara sipas legjislacionit të investimeve strategjike./ N.MahoKy është artikull ekskluziv i Revistës Monitor, që gezon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetm duke cituar “Revista Monitor” shogëruar me linkun e artikullit origjinal.