Lajmidites.com

Tag: investimet

  • Arritjet dhe sfidat e të ardhmes në fushën e mbrojtjes, Rama dhe Vengu në Zall Herr! Kryeministri: Kemi 10-fishuar investimet

    Arritjet dhe sfidat e të ardhmes në fushën e mbrojtjes, Rama dhe Vengu në Zall Herr! Kryeministri: Kemi 10-fishuar investimet

    Kryeministri Edi Rama dhe ministri i Mbrojtjes Pirro Vengu ditën e sotme ndodhen në Zall-Herr, në prezantimin e arritjeve dhe sfidat e të ardhmes në fushën e mbrojtjes.
    Gjatë aktivitetit po prezantohen edhe pajisjet më të cilat është e pajisur ushtria shqiptare.
    “Forcat e Armatosura janë në rrugën e një transformimi historik”, tha kreu i qeverisë.

    Ky aktivitet përkon me 16-vjetorin e anëtarësimit të Shqipërisë në NATO.
    Gjatë fjalës së tij, Rama tha se investimet në fushën e mbrojtjes janë 10-fishuar përgjatë 10 viteve qeverisje nga PS.
    Rama: Kemi plot arsye për të qenë më shumë se sa të inkurajuar për të nesërmen. Duke kthyer kokën mbrapa Shqipërisë i ndodhi çka nuk i ka ndodhur asnjë vendi tjetër. Një rënie në humnerë dhe pastaj një braktisje shumë e gjatë. Nëse sot ne kemi një trupë që mbështetet mbi kapacitete të rëndësishme njerëzore, ky është i vetmi asset i trashëguar nga e shkuara që është kapaciteti i drejtuesve të sotëm të Forcave të Armatosura falë të cilëve dje këto forca i mbijetuan me shumë vështirësi një sfide të paparë si rezultat i shembjes së shtetit dhe pastaj i kthimit të kurrizit nga ana e shtetit dhe e Forcave të Armatosura. Nga një anë është krenari të them se ne në 10 vite kemi 10-fishuar investimet në fushën e mbrojtjes, një rritje që nuk ka ndodhur në asnjë fushë tjetër. Por nga ana tjetër është dramatike të mendosh se kur ne morëm detyrën FA mbështeteshin në 28 milionë euro investim, një shifër që sot është shumë më e vogël se sa shifra që ne kemi investuar.
    Kreu i qeverisë tha se sot ushtria shqiptare është më e paguara në Ballkanin Perëndimor, ndërsa shtoi se synon që të arrihet një mesatare njësoj me Foract e Armatosura të NATO-s.
    Rama: Sot ne kemi ushtrinë më të mirëpaguar në Ballkanin Perëndimor, ndërkohë që kur morëm detyrën kishim ushtrinë më të keqpagur dhe më të keqtrajtuar në rajon. Jemi sot me një pagë mesatare 1550 euro që më lejoniu t’iu garantoj nuk është stacioni ynë i fundit, por është vetëm një nga stacionet për të shkuar drejt stacionit që e kemi ndarë me ju në krye të herës dhe kemi mirëkuptuar mosbesimin tuaj total. Kur ju kam thënë që ne do të arriijmë të kemi një ushtri shqiptare të paguar në mesataren e Forcave të Armatosura të NATO-s. jemi duke iu afruar asaj mesatarje  por kemi ende hapa për të bërë.
    vizionplus.tv

  • Macron u bën thirrje kompanive të BE-së të ngrijnë investimet në SHBA

    Macron u bën thirrje kompanive të BE-së të ngrijnë investimet në SHBA

    Presidenti francez Emmanuel Macron u kërkoi kompanive europiane të ndalojnë investimet në SHBA në përgjigje të tarifave të mëdha të vendosura nga presidenti amerikan Donald Trump.

    “Është e rëndësishme që investimet e ardhshme, ato të shpallura gjatë javëve të fundit, të pezullohen përkohësisht derisa të sqarojmë situatën me Shtetet e Bashkuara të Amerikës,” tha Macron të enjten, gjatë një takimi në Pallatin Élysée me përfaqësues të sektorëve të prekur dhe zyrtarë të qeverisë.

    “Çfarë mesazhi do të dërgonim nëse lojtarë të mëdhenj europianë investojnë miliarda euro në ekonominë amerikane, në një kohë kur SHBA po na godet?” shtoi ai, duke bërë thirrje për “solidaritet kolektiv.”

    Komentet e Macron-it shihen si përpjekje për të penguar biznesmenët francezë të afrohen me Trump-in dhe të kërkojnë marrëveshje private, jashtë politikës së përbashkët tregtare të BE-së.

    Më herët këtë muaj, Trump njoftoi se gjiganti francez i transportit detar CMA CGM do të investojë 20 miliardë euro në SHBA. Ndërkohë, në janar, Bernard Arnault, drejtuesi i LVMH, tha se po shqyrtonte mundësinë e rritjes së investimeve në SHBA dhe lavdëroi politikën ekonomike të Trump-it.

    Të mërkurën, administrata Trump vendosi tarifa prej 20 për qind ndaj të gjitha eksporteve nga BE në SHBA, një veprim që Macron e quajti “vendim brutal dhe pa bazë.”

    Presidenti francez tha se tarifat e Trump-it konfirmojnë se Franca kishte të drejtë kur kërkoi një politikë tregtare më të ashpër dhe mjete më të forta mbrojtjeje në nivel europian.

    “Duhet të përshpejtojmë më tej në nivel europian me një agjendë mbrojtjeje tregtare,” tha Macron, duke përmendur tarifat e BE-së ndaj automjeteve kineze si shembull të presionit që mund të ushtrojë BE ndaj rivalëve ekonomikë.

    “Nuk jemi naivë, do të mbrohemi,” theksoi ai, duke iu referuar luftës tregtare me SHBA-në.

    Përveç tarifave hakmarrëse, Macron propozoi që Brukseli të shqyrtojë përdorimin e instrumentit të ri të BE-së kundër shantazhit ekonomik, i krijuar fillimisht për vende si Kina, por që tani mund të aplikohet edhe ndaj SHBA-së. Ai përmendi gjithashtu masa kundër gjigantëve teknologjikë amerikanë.

    “Asgjë nuk përjashtohet, të gjitha kartat janë mbi tryezë,” përfundoi Macron. / Politico – Syri.net

  • 2025-2028, programohen 6,7 mld euro investime publike, marrin 20 % të të ardhurave

    2025-2028, programohen 6,7 mld euro investime publike, marrin 20 % të të ardhurave

    Qeveria e Shqipërisë ka shpallur një program ambicioz për investimet publike në katër vitet në vijim edhe pse presionet për shpenzimet e mbrojtjes sociale po rriten.Sipas Ministrisë së Financave programi i investimeve buxhetore duke nisur që nga ky vit deri me 2028 do të përfshijë një shumë prej 676 miliardë lekësh mbi 6,7 miliardë euro. Fondi vjetor i investimeve publike në periudhën afatmesme do të jetë sa 20 për qind e të ardhurave vjetore buxhetore.Burimet totale të qeverisë për t’u shpenzuar gjatë viteve 2026 – 2028 pritet të jenë mesatarisht rreth 885.8 miliardë lekë në çdo vit ose mesatarisht rreth 30.6 për qind e PBB. Investimet publike janë programuar të mbahen në një nivel mesatarisht prej rreth 5.9 për qind të PBB në çdo vit ose rreth 1,7 mld euro çdo vit.Vitet e fundit qeveria ka mbajtur në nivele të larta zërin e investimeve publike. Me 2024 u realizuan 1.1 miliardë euro investime nga 1,6 miliardë që ishte plani, një rekord historik për periudhën e tranzicionit.Fondet e investimeve u përqendruan në financimin e infrastrukturës rrugore si Unaza e Madhe e Tiranës, Korridorin 8, tunelin e Llogorasë etj.Gjithashtu  Qeveria shqiptare synon të thyejë rekordin historik të investimeve kapitale me fonde të brendshme në dy vitet në vijim 2025-2026 me më shumë se 1,1 miliardë euro për secilin vit. Për këtë vit dhe tjetrin qeveria do të financojë investimet publike 329 miliardë lekë (3,3 miliardë euro), nga të cilat 225 miliardë lekë (2,2 mld euro) do të jenë fonde të brendshme të grumbulluara nga taksat dhe tatimet, një nivel rekord.Investimet me fonde buxhetore pritet të përqendrohen në frontet e hapura të punimeve në infrastrukturën rrugore kryesisht në autostradën Tiranës-Durrës, Korridorin Veri-Jug dhe Korridorin 8 etj dhe Portin e ri të Porto Romanos.Në konsultimin e fundit të marrëveshjes më Shqipërinë, stafi teknik FMN projekton rritje të shpenzimeve buxhetore duke nisur që nga viti 2026. Zërat që do të ndikojnë më shumë janë shpenzimet për sigurime shoqërore, shpenzime më të mëdha për mirëmbajtjen dhe për digjitalizimin.FMN sugjeron se rritja e shpenzimet publike duhet të shoqërohet me rritje të të ardhurave. Veçanërisht konsiderohet e rëndësishme reforma e pensioneve e cila duhet të sigurojnë një mbulim më të mirë të popullsie me kontribute. Për të rritur të ardhurat për sigurimet shoqërore do të duhen reforma që përfshijnë uljen e informalitetit në tregun e punës, duke përfshirë edhe sektorin bujqësor.Burimi: Ministria e FinancaveKy është artikull ekskluziv i Revistës Monitor, që gezon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetm duke cituar “Revista Monitor” shogëruar me linkun e artikullit origjinal.

  • Horoskopi për ditën e sotme, 31 mars 2025

    Horoskopi për ditën e sotme, 31 mars 2025

    DashiFinanciarisht, ndikimi i qëndrueshëm i sugjeron një periudhë të favorshme për investime. Në punë, diplomacia do të jetë aleati juaj më i mirë. Në dashuri, mund të rikthehen bisedat e së kaluarës ose çështjet e pazgjidhura.
    DemiÇështjet financiare shohin një tendencë pozitive, duke favorizuar investimet e mençura dhe vendimet e lidhura me pronën. Në punë, mund të shfaqen mundësi të reja të cilat nuk duhen humbur. Në dashuri parashikohen biseda kuptimplota dhe lidhje më të thella emocionale.

    BinjakëtFinanciarisht ka gjasa të keni shpërblime të mundshme financiare të lidhura me përparimet profesionale. Në punë prisni zhvillime apo njohje të rëndësishme; përpjekjet tuaja ka të ngjarë të vihen re nga figura me ndikim. Në dashuri, theksohet rëndësia e komunikimit të qartë dhe rishikimit të keqkuptimeve të së shkuarës.
    GaforrjaFinanciarisht, këshillohen shpenzime të kujdesshme, veçanërisht duke shmangur blerjet impulsive ose investimet spekulative. Në punë, favorizohen bashkëpunimet ndërkombëtare; përqafoni mundësi për rritje. Jeta e dashurisë lulëzon përmes aventurave të përbashkëta ose eksplorimit të përvojave të reja së bashku.
    LuaniFinanciarisht, sugjerohet kujdes, shmangni investimet e rrezikshme ose sipërmarrjet spekulative. Në punë, bashkëpunimi dhe puna në grup do të japin rezultatet më të mira; projektet e përbashkëta ose sipërmarrjet e përbashkëta janë veçanërisht të favorizuara. Në dashuri, parashikohen lidhje më të thella emocionale.
    VirgjëreshaFinanciarisht, mund të keni përfitime pëmres partneriteteve ose bashkëpunimeve. Në punë, puna në grup dhe komunikimi i qartë janë thelbësore; keqkuptimet mund të zgjidhen në mënyrë efektive me durim. Jeta e dashurisë ndikohet pozitivisht nga retrograda e Venusit, duke nxitur rishikimin e angazhimeve ose diskutimeve të së kaluarës, duke rritur mirëkuptimin dhe besimin e ndërsjellë.
    PeshorjaFinanciarisht, investimet e mençura ose planifikimi financiar afatgjatë japin rezultate pozitive. Në punë, bëni kujdes ndaj detajeve dhe përpjekjet e disiplinuara. Detyrat që kërkojnë saktësi ose analizë janë veçanërisht të favorizuara. Në dashuri do të keni një reflektim të zhytur në mendime mbi dinamikën e marrëdhënieve dhe qëllimet e ndërsjella.
    AkrepiFinanciarisht, kujdes ndaj investimeve spekulative; favorizohet planifikimi i matur. Në punë vihet në pah kreativiteti dhe inovacioni. Në lidhjen në çift do të keni biseda të përzemërta dhe intimitet emocional, shprehni hapur ndjenjat tuaja.
    ShigjetariFinanciarisht, mund të keni përfitime të lidhura me partneritete ose bashkëpunime të dobishme. Në punë, favorizohen projektet ose detyrat e bazuara në shtëpi që kërkojnë organizim dhe strukturë. Në dashuri, dialogu i sinqertë rrit harmoninë.
    BricjapiFinanciarisht, investimet e bëra tani mund të sjellin kthime të frytshme. Në punë, qasja juaj praktike do të çojë drejt suksesit, por shmangni kokëfortësinë. Në dashuri, forcimi i lidhjeve do të sjellë gëzim dhe kënaqësi.
    UjoriNë planin financiar është një ditë për të bërë plane për të ardhmen dhe jo për të shpenzuar. Në punë, idetë tuaja novatore do të shkëlqejnë, por sigurohuni që ato të jenë të bazuara në realitet. Në dashuri, bisedat e sinqerta do të thellojnë lidhjen.
    PeshqitNë planin financiar është një ditë e mirë për të rivlerësuar qëllimet tuaja dhe për të bërë plane për të ardhmen. Në punë, idetë tuaja krijuese do të vlerësohen, por sigurohuni që ato të jenë praktike. Në dashuri, shprehni hapur ndjenjat tuaja për të forcuar lidhjen.

  • Sipërmarrës nga 36 shtete në Tiranë, Gonxhja: 30 projekte gati për investime  

    Sipërmarrës nga 36 shtete në Tiranë, Gonxhja: 30 projekte gati për investime  

    Ministri i Ekonomisë, Kulturës dhe Inovacionit, Blendi Gonxhja, në fjalën e mbajtur në Eventi “Match-Maker Albania 2025”, vlerësoj pjesëmarrësit nga 36 vende të botës, duke e cilësuar këtë, “pasqyrim i qartë i interesit dhe besimit në rritje në Shqipëri, si një destinacion për investime dhe inovacion”.
    Sipas tij, “mbi 500 investitorë të huaj, 200 kompani shqiptare dhe më shumë se 30 eksportues elitarë janë sot këtu, teksa ne prezantojmë më shumë se 30 projekte të gatshme për investime publike dhe private, që përfshijnë një gamë të gjerë sektorësh”.
    “është më shumë se një platformë për bashkëpunime, por pasqyron momentin e rëndësishëm që Shqipëria ka ndërtuar”.
    Gonxhja vuri në dukje se, investimet e huaja direkte në vitin 2024 arritën në 1.6 miliardë euro, nivelin më të lartë historik. “Kjo nuk është rastësi. Është rezultat i punës së palodhur, reformave dhe vizionit. Vendet si Turqia, Italia, Holanda, Austria dhe Kosova kanë udhëhequr rrugën në investimet në Shqipëri, duke forcuar lidhjet dhe hapur kapituj të rinj bashkëpunimi”, tha ai.
    Ai theksoi se Gonxhja u shpreh krenarë për nënshkrimin e pesë memorandumeve të reja të mirëkuptimit me Kosovën, Maqedoninë e Veriut, Serbinë, Britaninë e Madhe dhe Kazakistanin.
    “Këto marrëveshje janë më shumë se gjeste diplomatike. Ato janë angazhime për të bashkëpunuar, për të shkëmbyer njohuri dhe për të investuar në rritjen e njëri-tjetrit, në turizëm, pasuri të paluajtshme, teknologji, inovacion, agrobiznes, prodhimi, energjia, financat, kujdesi shëndetësor etj” u shpreh ministri.
    Gonxhja shprehu besimin, se ky transformim i vendit do të jetë gjithëpërfshirës dhe i qëndrueshëm.
    “Ministria e Ekonomisë, Kulturës dhe Inovacionit është e përkushtuar të mbështesë çdo investitor dhe çdo sipërmarrës që ndan këtë vizion. Ne jemi këtu jo vetëm për të nxitur rritjen, por për ta formësuar atë”, tha Gonxhja në fund të fjalës së tij.
    Mbi 1000 përfaqësues nga 36 shtete, përfshirë investitorë, agjenci zhvillimi dhe eksportues shqiptarë për investimet në turizëm, pasuri të paluajtshme dhe infrastrukturë, si dhe për fuqizimin e markës “Made in Albania”.

  • Rama me sipërmarrësit në Shkodër: Vizitorët janë rritur ndjeshëm, vijojmë investimet për qarkun

    Rama me sipërmarrësit në Shkodër: Vizitorët janë rritur ndjeshëm, vijojmë investimet për qarkun

    Kryeministri Edi Rama vazhdon takimet me qytetarët në qytetin e Shkodrës. Krah kryebashkiakut Benet Beci, nw kuadwr tw nismës për investimet në turizmin malor Rama takoi të gjithë sipërmarrësit të cilët janë kthyer nga emigrimi dhe kanë investuar në vendlindje.Rama tregoi “një për një” investimet që ka bërë qeveria në infrastrukturë e cila i shpërben padyshim dhe sektorit të ekonomisë dhe turizmit, i cili vitet e fundit ka marrë bujë të madhe.
    “E kuptoj shumë mirë këtë nevojën për më shumë se për këtë jemi këtu. Po shiko se e ka përgatitu Beneti investimin që janë bërë në këtë qark. Shikoni vetëm investimet në ujë që janë, janë mbi 19 milion, vetëm në energji eklektike dhe në ujë që kanë qenë katastrofë, patjetër që duhen më shumë. Rruga që ishte 2 kilometra, por ama të mos harrojmë që kemi një kantier në rrugën e Dukagjinit, 47 kilometra rrugë është futur në punë.
    Rruga e Komanit tjetër histori shumëvjeçare është rruga Shëngjin- Velipojë që do të jetë e mbaruar këtë sezon turistik, ura e Shirokës që do të lidhë me Malin e Zi dhe hap tërësisht një territor tjetër. Janë kantiere që të gjitha duhet të hapen por nuk janë bërë për shumë e shumë gjëra dhe tani janë të gjitha në punë. Punimi në këto akse kryesore e mbyll investimin e Shkodrën në tërësi në aktet kryesore. Plus është hekurudha që është projektuar në Gjakovë që lidh me Prishtinën, tani jemi në procesin për projektim dhe financim”, tha kryeministri Rama.