Lajmidites.com

Tag: internet

  • ‘Do t’i jap fund Islamit në Teksas’/ Kandidatja republikane për Kongres djeg Kuranin, pamjet shkaktojnë reagime të ashpra

    ‘Do t’i jap fund Islamit në Teksas’/ Kandidatja republikane për Kongres djeg Kuranin, pamjet shkaktojnë reagime të ashpra

    Kandidatja republikane për në Kongres nga Teksas, Valentina Gomez, ka shkaktuar zemërim në internet pasi publikoi një video në platformën “X” ku shihet duke i vënë flakën librit të shenjtë islamik, Kuranit.

    Videoja, e cila shoqërohej me mbishkrimin “Do t’i jap fund Islamit në Teksas, ndaj më ndihmoftë Zoti”, u bë shpejt virale, duke marrë dënime nga grupet e avokimit mysliman, udhëheqësit politikë dhe përdoruesit në internet.

    Texas candidate Valentina Gomez sparks outrage after burning a Quran with a flamethrower in a campaign video. The act has ignited national debate over hate speech, religion, and extremism in politics.#wicnews #TexasPolitics #ValentinaGomez pic.twitter.com/z5M5S6blYY— WIC News (@WIC_News) August 26, 2025

    “Kjo nuk është politikë. Është nxitje”, shkroi podkasteri Brian Allen në X. “Kur xhamitë fillojnë të digjen, mos harroni: kjo ishte shkrepësja dhe Partia Republikane e Teksasit ia dha çakmakun.”

    Një tjetër përdorues i X shtoi: “Ajo do të bënte gjithçka për ndikim. Çdo gjë. Pse i lejohet këtij personi të nxisë urrejtje dhe vrasje?”

    Një përdorues i X shkroi : “Largohu nga shteti im. Nuk kemi vend për intolerancë dhe njerëz të urryer që nuk besojnë në të drejtat themelore të njeriut, siç është AMANDANTEMENTI I PARË i cili lejon lirinë e fesë. Pse nuk i mëson bazat para se të kandidosh për një post zyrtar?”

    Kjo nuk është hera e parë që Gomez ka shkaktuar polemika. Në maj të vitit 2025, ajo u ngjit me forcë në skenë në një aktivitet të angazhimit qytetar mysliman në Kapitolin e Shtetit të Teksasit, duke rrëmbyer mikrofonin dhe duke nisur një fjalim anti-islamik.

    Pamjet e shpërndara në internet e tregonin atë duke deklaruar: “Islami nuk ka vend në Teksas. Më ndihmoni të shkoj në Kongres që të mund t’i japim fund islamizimit të Amerikës. Unë kam frikë vetëm nga Zoti.” 

    Ngjarja, e njohur si Dita e Kapitolit Mysliman të Teksasit, përfshinte lutje, seanca trajnimi dhe takime me ligjvënës.Veprimet e saj morën kritika të ashpra nga grupet e të drejtave civile, përfshirë Këshillin për Marrëdhëniet Amerikano-Islamike (CAIR), i cili e denoncoi retorikën e saj si të rrezikshme dhe bëri thirrje për llogaridhënie, duke theksuar rëndësinë e mbrojtjes së lirisë fetare. Episodi i djegies së Kuranit i shtohet një vargu veprimesh provokuese.
      
    Në dhjetor 2024, Gomez publikoi një video fushate që përshkruante ekzekutimin e simuluar të një emigranti me kapuç, duke bërë thirrje për “ekzekutime publike” të migrantëve pa dokumente të akuzuar për krime të dhunshme.Platformat e mediave sociale kufizuan pamjet për shkelje të rregullave mbi përmbajtjen e dhunshme.

    Më herët këtë vit ajo filmoi veten duke djegur literaturë LGBTQ+, duke u zotuar se do të ndalonte materiale të tilla nëse zgjidhej, ndërsa në fjalimet e saj synonte edhe komunitetet transgjinore. 

    Kush është Valentina Gomez?

    E lindur në Medellín të Kolumbisë, më 8 maj 1999, Gomez u zhvendos në SHBA me familjen e saj në vitin 2009, duke u vendosur në Jersey City të New Jersey-t. Fillimisht ajo punoi si investitore në pasuri të paluajtshme përpara se të hynte në politikë. Në vitin 2024, ajo kandidoi pa sukses për Sekretare të Shtetit të Misurit, duke u renditur e gjashta në zgjedhjet paraprake republikane me vetëm 7.4% të votave.Pavarësisht dështimeve të përsëritura zgjedhore dhe ndalimeve të shumta të mediave sociale për shkelje të rregullave të platformës, Gomez ka vazhduar të ndërtojë profilin e saj në internet me përmbajtje nxitëse, duke e pozicionuar veten si një figurë e ekstremit të djathtë që nuk ka frikë nga polemikat.

  • Komunistët rusë protestojnë për WhatsApp, qytetarët sfidojnë censurën

    Komunistët rusë protestojnë për WhatsApp, qytetarët sfidojnë censurën

    Në Novosibirsk, Partia Komuniste ka dalë në rrugë jo për ideologji, por për WhatsApp. Qytetarët rusë janë të zemëruar pasi qeveria ndaloi thirrjet në WhatsApp dhe Telegram, duke detyruar përdorimin e messenger-it kombëtar Max, që transmeton të dhënat drejtpërdrejt te “Vëllai i Madh” i regjimit.
    Shumë përdorues kanë raportuar se Max nuk funksionon mirë dhe shërben si një mjet spiunimi, por ai është bërë i detyrueshëm në të gjitha telefonat e rinj dhe për punonjësit e administratës publike.
    Për të shmangur kontrollin, rusët po përdorin VPN, Google Meet dhe aplikacione të tjera të mesazheve. Në disa rajone, trafiku celular fiket rregullisht për të parandaluar sulmet e dronëve ukrainas, duke e bërë jetën pa internet një realitet të përditshëm.
    Kjo ka pasoja të mëdha për ekonominë: Taksistët, picajolët, farmacitë dhe dyqanet nuk mund të funksionojnë pa lidhje, ndërsa qytetarët po tërheqin më shumë para cash për të shmangur ndërprerjet e bankingut online.
    Edhe institucionet kulturore janë nën vëzhgim: Teatri Bolshoy ka instaluar softuerin InfoWatch për të monitoruar punonjësit, duke përfshirë e-mailet, mesazhet dhe faqet e vizituara në internet.

  • Mirë se erdhe 1984… provoni ta imagjinoni veten pa internet…

    Mirë se erdhe 1984… provoni ta imagjinoni veten pa internet…

    1984 vazhdon të jetë një datë që shkakton frikë… Ngjall frikë nëse përpiqemi të imagjinojmë sikur gjendemi sërish në atë situatë që, atë vit na dukej shumë e përparuar dhe që, e parë në retrospektivë, sot na duket si epoka e teknogurit. Zgjohesh një mëngjes dhe shikon që nuk ka më internet…

    Si reagon? Ideja e parë që të vjen do të ishte: a të google-oj një herë e të shoh “si jetohet pa internet”. Shumë mirë, por nuk ka më Google, kompjuteri është rikthyer në atë “birin” e mrekullueshëm të makinës llogaritëse, si dhe një makinë shkrimi, që ka qenë gjithmonë aty.

    Kundërshtimi do të jetë: E ç’problem ka? Kemi jetuar deri tani, do të mësohemi. Sigurisht, nuk është se “kemi djegur urat, pasi kemi kaluar”. Me rrobat nuk e bëjmë këtë, pasi na kanë mësuar që, herët a vonë gjithçka rikthehet në modë.

    Por në rasin e informacionit dhe komunikimit, çdo risi vret atë të mëparshmen. Ku mund ta gjesh më një faks, përveçse në panairin e gjërave të përdorura? Arkivi i letrës, natyrisht është lënë pas. Mjaftojnë dy klikime për të patur gjithë të dhënat që të duhen. Si do ta blije sot një enciklopedi? A ekzistojnë më ata shitësit që shisnin enciklopedi derë më derë? Nuk e di, provo të google-osh: “shitësit derë më derë të enciklopedive”. 

    Si do ia dilje, në ditën e parë pa internet? Pa Google? Pa Wikipedia? Ku do ta gjeje informacionin që të duhet? Ke vënë një bast me një shok: kush e ka shënuar golin e parë për Italinë në Botërorin e 1978-ës? Paolo Rossi apo Zaccarllli?

    Nuk ke ruajtur asnjë libër në shtëpi, përse duhej të zije vend, kur mjaftonin dy klikime në tabletin tënd? Askush nga ata që njeh nuk e ka bërë. Atëherë, të duhet që të bësh atë që ndodhte në vitin 1984: t’i telefonosh gazetës. Kushdo që ka punuar në një redaksi e mban mend: telefonata e lexuesit. Kush nuk e kujton: “është një abonent i gazetës, i cili dëshiron të dijë datën e lindjes së Minës, janë duke diskutuar në familje”. Dhe gazetari e linte në pritje dhe shkonte të konsultohej me arkivin.

    Në ditën e parë të 1984-ës së re, redaksitë do të binin në kolaps. Dhe korrespondentët e jashtëm, pa internet, do t’i riktheheshin prerjes së copave të gazetave ndërkombëtare, ndonjëherë edhe duke i kopjuar, siç bënin një herë e një kohë, pa i vënë re askush.

    Në këtë 1984-ën e ri, distanca është kthyer të jetë sërish distancë. Nëse ke një djalë në Australi, do të thotë që ke një djalë shumë larg, që rrezikon të mos e njohësh kur të kthehet. Nuk mund t’i flasësh në Skype dhe as ta shohësh me telekamerën e vogël.

    Nuk mund të marrësh në kohë reale fotografitë që ai i bën vetvetes. Nuk mund t’i dërgosh një email përpara se të flesh. Mund t’i shkruash letra. Oh, sa bukur, rikthimi i korrespondencës! Kutia e postës, postieri… Stop. Rewind.

    Për t’i shkruar dikujt, duhet t’i dish adresën. Përveç personave që i vizitojmë rregullisht, kujt tjetër ia mbajmë mend? Duhet t’u bëjmë një telefonatë e t’i pyesim. Epo, sa i bëjmë telefonatën, më mirë t’ia themi kështu, me zë, atë që duam t’i shkruajmë. Nuk do të kemi më ato spam-et e famshëm në email, si kompensim do të kemi shkretuar hartën tonë ekzistenciale.

    Kemi hedhur tutje rubrikat, guidat e qyteteve tanë (“Kemi Google maps!”) dhe atyre që shkojmë të vizitojmë (“Mjafton Trip Advisor!”). Nuk marrim më ekstrakte të llogarive (“Online! I verifikojmë online!”) Edhe banka është virtuale. Ashtu sikurse miqësitë tona në rrjetet socialë (që do i humbasim në çast, duke demonstruar se sa vlenin).

    Tani gjuajmë, lidhemi, tradhtohemi, ndahemi me ndihmën e teknologjisë. Pa të do të jemi njësoj, të vetmuar apo në shoqëri të keqe, por më të qetë. Dhe mund të hapim dritaren pa dëgjuar zilet e mesazheve të rinj që nuk pushojnë.

    Do ju ndodhë të hyni në një bar dhe të nisni një bisedë të këndshme me një të panjohur në banak. Shkurt, për ata që nuk e honepsin epokën digjitale, do të jetë një botë më e mirë. Për të dashuruarit pas bashkëkohores, një disfatë.

    Si në gjithçka, rezultati varet nga këndvështrimi. Ndonjëherë, është vetëm imagjinatë. Pasi të lexoni këtë artikull, mos harroni, shkoni në Google dhe bëni një kërkim: “Si të jetoj pa internetin”! Pastaj printojeni. Ku i dihet, ndoshta do t’ju duhet… / (La Repubblica – Bota.al)

    Lexo edhe:

    LANSOHET FAQJA E INTERNETIT KU PËRFSHIHEN KËNGËT EPIKE LEGJENDARE SHQIPTARE

  • Sa paguajnë shqiptarë për të pasur internet në shtëpi?

    Sa paguajnë shqiptarë për të pasur internet në shtëpi?

    Kur vjen çështja tek interneti, shumë shqiptarë zgjedhin të abonohen në kompani të cilat ofrojnë si shërbimin e internetit, ashtu edhe atë të televizorit apo të telefonisë në shtëpi. Të dhënat më të fundit nga Autoriteti i Komunikimeve Elektronike dhe Postare (AKEP) tregojnë se në krahasim me vitin e kaluar, ka pasur një rritje të qytetarëve dhe bizneseve që përdorin shërbimet nga rrjetet fikse, me përjashtim të telefonisë fikse.
    Në krahasim me tremujorin e parë 2024, këtë vit rezulton që shqiptaët të kenë instaluar një numër më të madh pajisjesh që ofrojnë internet në shtëpi. Numri i pajtimtarëve me akses Broadband në internet nga rrjete fikse arriti në rreth 682 mijë, që përbën një rënie me 0.7% në krahasim me tremujorin e mëparshëm, por një rritje me rreth 7.1% në krahasim me të njëjtin tremujor në vitin 2024.

    Ndërkohë, numri i atyre që paguajnë për të pasur telefoni, internet dhe televizor bashkë, në shtëpinë ose biznesin e tyre, arriti në rreth 296 mijë në fund të marsit, një rënie kjo me 1.1% në krahasim me tremujorin e fundit 2024, por është rritur me 0.9% vlerësuar me tremujorin e parë të 2024-ës.

    Nga ata që zgjedhin paketa të integruara, 47.6% abonohen për paketa dyfishe (internet dhe televizor), 29.9% paguajnë në një kompani të vetme për paketa dyfishe (internet dhe telefoni), ndërsa 22.5% abonohen për paketa trefishe (internet, televizor dhe telefoni).
    Për sa i përket telefonave të vjetër me kabëll, përdorimi i tyre vijon të bjerë. Sipas statistikave zyrtare, numri i pajtimtarëve të linjave të telefonisë fikse në fund të tremujorit të parë 2025 është raportuar rreth 159 mijë, duke rënë me 6.8% në krahasim me të njëjtën periudhë të vitit të kaluar.

  • Sa shqiptarë paguajnë për të pasur internet në shtëpi? AKEP publikon të dhënat

    Sa shqiptarë paguajnë për të pasur internet në shtëpi? AKEP publikon të dhënat

    Kur vjen çështja tek interneti, shumë shqiptarë zgjedhin të abonohen në kompani të cilat ofrojnë si shërbimin e internetit, ashtu edhe atë të televizorit apo të telefonisë në shtëpi. Të dhënat më të fundit nga Autoriteti i Komunikimeve Elektronike dhe Postare (AKEP) tregojnë se në krahasim me vitin e kaluar, ka pasur një rritje të qytetarëve dhe bizneseve që përdorin shërbimet nga rrjetet fikse, me përjashtim të telefonisë fikse.

    Në krahasim me tremujorin e parë 2024, këtë vit rezulton që shqiptaët të kenë instaluar një numër më të madh pajisjesh që ofrojnë internet në shtëpi. Numri i pajtimtarëve me akses Broadband në internet nga rrjete fikse arriti në rreth 682 mijë, që përbën një rënie me 0.7% në krahasim me tremujorin e mëparshëm, por një rritje me rreth 7.1% në krahasim me të njëjtin tremujor në vitin 2024.

    Ndërkohë, numri i atyre që paguajnë për të pasur telefoni, internet dhe televizor bashkë, në shtëpinë ose biznesin e tyre, arriti në rreth 296 mijë në fund të marsit, një rënie kjo me 1.1% në krahasim me tremujorin e fundit 2024, por është rritur me 0.9% vlerësuar me tremujorin e parë të 2024-ës.

    Nga ata që zgjedhin paketa të integruara, 47.6% abonohen për paketa dyfishe (internet dhe televizor), 29.9% paguajnë në një kompani të vetme për paketa dyfishe (internet dhe telefoni), ndërsa 22.5% abonohen për paketa trefishe (internet, televizor dhe telefoni).

    Për sa i përket telefonave të vjetër me kabëll, përdorimi i tyre vijon të bjerë. Sipas statistikave zyrtare, numri i pajtimtarëve të linjave të telefonisë fikse në fund të tremujorit të parë 2025 është raportuar rreth 159 mijë, duke rënë me 6.8% në krahasim me të njëjtën periudhë të vitit të kaluar.

  • Raportohen 437 raste ngacmimesh ndaj të miturve online në Shqipëri

    Raportohen 437 raste ngacmimesh ndaj të miturve online në Shqipëri

    Jo të gjitha lojërat në celular janë të përshtatshme për fëmijët, sidomos kur përdoren pa mbikëqyrje. Prindërit duhet të jenë të kujdesshëm, pasi shumë prej tyre, sidomos ato online, mund të krijojnë hapësira për abuzime apo ngacmime.
    Në një raport të publikuar nga Qendra Kombëtare për Internet të Sigurt në Shqipëri, iSIGURT.al, vërehet se për herë të parë ka raste të incidenteve online të fëmijëve të grupmoshës 6-10 vjeç. Gjatë vitit të kaluar, prindërit ose kujdestarët ligjore kanë raportuar 4 raste të tilla.
    Incidentet lidhen kryesisht me lojërat e papërshtatshme për moshën, ku fëmijët kanë akses për të komunikuar me persona të panjohur.
    Në total, janë raportuar 437 raste ngacmimesh, përndjekjeje, shantazhi online dhe kërcënimesh, të cilat pas ndërhyrjes nga Qendra Kombëtare për Internet të Sigurt, “iSIGURT.al”, profilet e autorëve janë mbyllur.
    Në krahasim me vitin 2023, këto problematika shënuan një rritje prej 67%. Kështu, nga totali prej 437 rastesh, 201 janë regjistruar në Qarkun e Tiranës, ku është përqendruar edhe pjesa më e madhe e popullsisë.
    Vajzat vijojnë të jenë si viktimat, ashtu edhe raportueset më aktive të problematikave të hasura në internet, me 58% të rasteve, ndërsa djemtë përbëjnë 41%. Në 1% të rasteve të raportuara, gjinia nuk është bërë e ditur.
    Grupmosha që has dhe raporton më shumë incidente është ajo 15-18 vjeç, me 43% të raportimeve, e ndjekur nga të rinjtë 19-24 vjeç. Përveç kërcënimeve, përndjekjes dhe shantazhi, problematika të tjera që janë hasur tek adoleshentët dhe të rinjtë janë bullizmi kibernetik dhe gjuha e urrejtjes.

  • Meta e quajti ‘Zegjine’, Kryemadhi: Iliri s’ka internet në burg, e ka bërë fansi i garderobës time dhe vjehrri i tij

    Meta e quajti ‘Zegjine’, Kryemadhi: Iliri s’ka internet në burg, e ka bërë fansi i garderobës time dhe vjehrri i tij

    Monika Kryemadhi u pyet nga gazetarët edhe në lidhje me një reagim të tij të ditëve më parë, ku e krahasonte me deputeten socialiste të sapozgjedhur në qarkun e Fierit, Zegjine Çaushi.
    Ajo tha se mendonte që deklarata nuk ishte bërë nga Meta prej qelisë, sepse ai nuk ka internet në burg, por ia faturoi atë numrit dy të Partisë së Lirisë, Tedi Blushi dhe vjehrrit të tij, duke i nënkuptuar, e për të cilët tha se “i njeh çfarë race janë’.
    “Nuk e di nëse Meta ka internet në burg, por transmetuesi i kësaj është fansi i garderobës time, nëpërmjet vjehrrit të vet, se ai e frymëzon, se ua njoh rracën të gjithëve për fat të mirë. Mua më vjen keq për të gjithë këtë histori që ka ndodhur, këtë situatë, sigurisht kam përgjegjësitë e mia si nënë e fëmijëve të tij dhe bashkëshorte, nuk e shoh të arsyeshme t’i tregoj Metës marrëdhëniet e mia shoqërore. Unë kam qenë e lidhur fort nga ana sentimentale me të, kam qenë korrekte me të për çdo gjë. Kam qenë moralisht dhe shpirtërisht korrekte me Metën”, u shpreh Kryemadhi në përgjigje të epitetit “Zegjine” që i vendosi ish-bashkëshorti

  • Hailey Bieber: Martesa me Justin është një çmenduri

    Hailey Bieber: Martesa me Justin është një çmenduri

    Në një intervistë për Vogue Italia, themeluesja e Rhode, Hailey Bieber, foli për mënyrën se si u përball me thashethemet rreth martesës së saj me Justin Bieber gjatë periudhës pas lindjes.
    Hailey, e cila lindi djalin e saj dhe Justin, Jack Blues, në gusht 2024, pranoi se koha pas lindjes ishte “periudha më delikate që kam kaluar ndonjëherë në jetën time” dhe se “të mësoja të jetoja me një version të ri” të vetes ishte “shumë e vështirë”.
    “Dhe të detyrohesh t’i bësh të gjitha këto ndërsa lexon vazhdimisht gënjeshtra në internet si ‘Ata po divorcohen’ ose ‘Ata nuk janë më të lumtur bashkë’ është diçka që të çmend vërtet. Nuk jam as e sigurt nëse mund ta shpjegoj. Është një jetë e çmendur“, tha ajo.
    Megjithatë, shumica e asaj që shkruhet për të në internet “nuk është e vërtetë” dhe në fakt ajo “ka një jetë të vërtetë. Është ajo që ndaj me familjen time të mrekullueshme, me miqtë e mi, me njerëzit që më njohin dhe më duan”.
    Hailey mbrojti me forcë marrëdhënien e saj me Justin, duke reflektuar mbi urrejtjen që priste të zhdukej pas shtatzënisë.
    «Epo, mendova se do të kishte ndodhur tashmë pas shtatë vitesh, dhe nuk ka ndodhur», u përgjigj ajo kur u pyet nëse mendonte se bisedat në internet do të shuheshin përfundimisht. «Do të mendoje se pasi të kesh një fëmijë, njerëzit ndoshta do të vazhdonin jetën, do të qetësoheshin pak, por jo», tha ajo.

  • Lifestyle Dy javë pa internet në telefon/ Eksperimenti që mund të përmirësojë jetën tënde mendore

    Lifestyle Dy javë pa internet në telefon/ Eksperimenti që mund të përmirësojë jetën tënde mendore

  • Pas reagimit të biznesmenit që u kap duke u përqafuar me kolegen në një koncert bëri xhiron në internet, reagon kompania e tij: Deklarata e rreme  

    Pas reagimit të biznesmenit që u kap duke u përqafuar me kolegen në një koncert bëri xhiron në internet, reagon kompania e tij: Deklarata e rreme  

    Kompania e CEO-së Andy Byron, tha se një deklaratë e tij që qarkulloi në media sociale pasi u kap në një koncert të grupit Coldplay me një grua që nuk ishte bashkëshortja e tij gjatë, është e rreme.

    Këngëtari kryesor i Coldplay, Chris Martin, pa dashje zbuloi Andyn dhe shefen e Burimeve Njerëzore Kristin Cabot në koncertin e tyre të fundit në Massachusetts.
    Manjati i biznesit me sa duket nuk i kushtonte vëmendje asgjëje përveç muzikës, ndërsa e përqafon gruan.
    Megjithatë, sapo kuptuan se përqafimi i tyre po transmetohej në ekranin e madh, ata u shkëputën papritur, duke u përpjekur me nxitim të shmangeshin nga vëmendja.
    Kur Chris tha me humor pasi i pa në ekranin e madh, “Oh, shikoni këta të dy. Ose kanë një lidhje jashtëmartesore ose janë thjesht shumë të turpshëm”, një koment që, sipas ndjekësve online, mund të ketë qenë më i saktë nga sa parashikoi vetë këngëtari.
    Një deklaratë doli në internet dje nga Byron, por kompania e tij Astronomer ka pretenduar se ishte e rreme. Firma i tha TMZ se kjo “nuk ishte një deklaratë e vërtetë”.
    Deklarata ‘e rreme’ shkruante: “Dua të pranoj momentin që ka qarkulluar në internet dhe zhgënjimin që ka shkaktuar.
    “Ajo që supozohej të ishte një natë muzike dhe gëzimi u shndërrua në një gabim që u zhvillua në një skenë shumë publike. Dua t’i kërkoj falje sinqerisht gruas sime, familjes sime dhe ekipit tim në Astronomer. Ju meritoni më shumë nga unë si partner, si baba dhe si udhëheqës.
    Ky nuk është ai që dua të jem ose si dua të përfaqësoj kompaninë që ndihmova të ndërtohej. Po marr kohë për të reflektuar, për të marrë përgjegjësi dhe për të kuptuar hapat e ardhshëm, personalisht dhe profesionalisht. Kërkoj privatësi ndërsa lundroj në këtë proces.
    Gjithashtu dua të shpreh sa shqetësuese është që ajo që duhet të kishte qenë një moment privat u bë publike pa pëlqimin tim. I respektoj artistët dhe argëtuesit, por shpresoj që të gjithë të mendojmë më thellë për ndikimin e shndërrimit të jetës së dikujt tjetër në një spektakël.”
     

    Top Channel