Raportet mes Kristjan Asllanit dhe Interit nuk janë më më të mirat e mundshme. Drejtuesit zikaltërit kanë dalë hapur kundër mënyrës sesi Asllani po menaxhon transferimin në një klub tjetër, larg Interit.
Zikaltërit ia kanë bërë të qartë shqiptarit se nuk do të jetë pjesë e planeve të Chivu për sezonin e ri. Megjithatë Asllani nuk do të largohet për një tjetër ekip jashtë Serisë A.
Mediat italiane raportojnë se të dyja klubet, Betis dhe Inter, kishin gjetur gjuhën e përbashkët për të transferuar Asllanin. Në fund ishte Asllani që refuzoi marrëveshjen dhe kjo solli irritimin e madh të Interit, që kërkon largimin e Asllanit sa më parë, përpara se ky problem t’i kthehet më shumë serioz. /Sport Ekspres/
Tag: interit
-
Klubet kishin arritur akordin, zbulohet si Kristjan Asllani refuzoi ofertën në La Liga
-
VIDEO/ Me plis në kokë, “shqiponjë” dhe valle shqiptare! Futbollisti i Interit e “djeg” në dasmën përrallore me modelen shqiptare
Benjamin Pavard, futbollisti i Interit dhe përfaqësueses së Francës, është kurorëzuar në martesë gjatë fundjavës së kaluar me bukuroshen shqiptare, Kleofina Pnishi.
Çifti ishte bashkë prej kohësh dhe pas propozimit për martesë që lojtari i bëri modeles shqiptare pikërisht gjatë pushimeve në bregdetin e Jugut të vendit tonë në verën e kaluar, ka ardhur edhe dasma përrallore në Amalfi të Italisë.Një dasmë e shijuar për dy ditë me radhë në lokalitetin italian, me ceremoninë mes miqsh, e padyshim edhe banketin, ku nuk mungoi muzika e vallet shqiptare, plisat e festimet tradicionale.
SHIH PËRMBLEDHJEN VIDEO
Videot u publikuan në rrjetet sociale nga Kleofina e cila ka ndarë me ndjekësit e shumtë momentet e festës së ditës së paharrueshme për të.
() -
Kristjan Asllani, por jo vetëm. Ja lojtarët në largim tek Interi dhe destinacionet e mundshme
Kristjan Asllani është zyrtarisht në merkato, siç u konfirmua nga drejtori sportiv i Interit, Piero Ausilio, fundjavën e kaluar. Sidoqoftë, mesfushori shqiptar nuk është i vetmi që klubi zikaltër kërkon ta sistemojë gjatë 42 ditëve të mbetura të merkatos.
Përveç rasteve të veçanta, si një ofertë e madhe për Bisseck apo klauzola e Denzel Dumfries, që është e vlefshme deri në fund të muajit, ekziston një listë e gjatë lojtarësh që nuk bëjnë më pjesë në projektin e ri të trajnerit Chivu dhe pritet të largohen në javët në vijim, qoftë në formë huazimi, qoftë me transferim të plotë.
I pari në prag largimi ishte Tajon Buchanan, kanadezi që sezonin e kaluar luajti i huazuar te Villarreal. Ai ishte zgjedhja e drejtorit të Sassuolos, Giovanni Carnevali, për të zëvendësuar Laurienté, por pasi transferimi i këtij të fundit te Sunderland dështoi, edhe marrëveshja për Buchanan është bllokuar.
Sassuolo ka interes edhe për mesfushorin serb të lindur në vitin 2005, Aleksandar Stankovic, për të cilin Interi dëshiron të ruajë kontrollin. Lojtari pëlqehet gjithashtu nga Club Brugge, ku shihet si pasuesi i Jasharit, por ende nuk ka marrëveshje për shumën e së drejtës së riblerjes.
Një tjetër që pritet të largohet është Mehdi Taremi. Sulmuesi iranian, i ardhur verën e kaluar si lojtar i lirë, nuk është më pjesë e planeve të Interit. Klubi tashmë ka marrë Bonny, ka konfirmuar Pio Espositon dhe së shpejti mund të firmosë edhe me Lookman. Për Taremin nuk ka më vend, ndaj përmes përfaqësuesve të tij po kërkohen opsione në Portugali dhe Turqi.
Ndërkohë, Sebastiano Esposito do të qëndrojë në Itali. Pavarësisht interesit fillestar të Fiorentinës, tani janë Parma dhe Cagliari që po shtyjnë për ta blerë, me një vlerësim që shkon nga 7 deri në 8 milionë euro. -
Fenerbahçe bën çmenduri për Çalhanoğlu, 20 milionë euro për Interin dhe super kontratë lojtarit
Pas dështimit të pistës “Galatasaray”, sirenat turke për Hakan Çalhanoğlu nuk janë mbyllur ende. Nga një lagje e Stambollit në një tjetër, tashmë është Fenerbahçe që po lëviz seriozisht për të siguruar mesfushorin e Interit.
Trajneri José Mourinho insiston dhe, sipas raportimeve, klubi verdheblu i ka paraqitur Interit një ofertë prej 20 milionë eurosh për kartonin e futbollistit. Ka edhe më shumë: për “regjisorin” turk është gati një kontratë 3-vjeçare me pagë prej 6 milionë eurosh në sezon, plus bonuse të ndryshme.
Megjithatë, grupi “Oaktree”, që kontrollon Interin, ka vendosur çmimin prej 30 milionë eurosh për kartonin e Çalhanoğlu. E megjithatë, marrëveshja me Fenerbahçe mund të mbyllet në gjysmën e rrugës, për shkak se lojtari tashmë duket i prirur ta shprehë hapur dëshirën për t’u larguar nga zikaltërit.
Për më tepër, interesimi i drejtpërdrejtë i José Mourinhos, që i ka premtuar numrin 10 dhe shiritin e kapitenit, e ka tunduar ndjeshëm Çalhanoğlun. Për këtë arsye, në orët në vijim pritet një valë telefonatash mes klubeve dhe përfaqësuesve të lojtarit, veçanërisht mes vetë Çalhanoğlu dhe drejtuesve të Interit, për të gjetur një marrëveshje që i kënaq të gjitha palët. -
Loja e pisët e Interit me Kristjan Asllanin dhe mungesa e respektit, tani bien kritikat mbi shqiptarin
Ndonjëherë ëndrrat e bukura që po realizohen dhe po jetohen nuk janë të vërteta. Ky ishte rasti i Kristjan Asllanit, një tifoz i hershëm i Interit, që në fëmijëri ishte mbështetësi i flaktë i zikaltërve. Papritur e pa veten në një moshë fare të vogël që të ishte pjesë e Interit. Si një yll i madh u afrua në këtë ekip mes fjalëve të mëdha të thëna nga Lukaku dhe drejtuesit e ekipit, ndërsa në miqësoret e para përgatitore, Di Marco i kërkonte të tjerëve që t’ia linin topin në goditjet e dënimit mesfushorit shqiptar pasi kishte më shumë aftësi se ta në këtë aspekt.
Por më pas Inzaghi nuk i dha më hapësira dhe Asllani humbi shumë besim në vete, duke mos treguar asgjë nga aftësitë e tij. Me ardhjen e Chivu, Asllani u kthye titullar në Botërorin e klubeve, por ai eliminim i hershëm nga ky kompeticion i kushtoi shumë edhe shqiptarit. Pak ditë më parë në media qarkulloi lajmi se drejtuesit e Interit ishin mërzitur shumë me Asllanin dhe se këtë herë qasja e tyre nuk do të ishte më me dashamirësi, por ishte tërbuar me të.?Kjo pasi Asllani kërkon të qëndrojë në Serie A me çdo kusht dhe kishte refuzuar disa oferta nga jashtë Italisë, mes tyre edhe Betis. Interi kërkon që ta largojë nga skuadra për një ofertë të mirë, ndërsa Asllani kërkon që të largohet nga zikaltërit vetëm nëse e merr një skuadër tjetër në Itali, shuma e së cilave nuk vjen në interesin e Interit. Dhe dje ka shpërthyer gjithcka teksa drejtori sportiv i Interit, Piero Ausilio, e tha hapur: “E kemi informuar Kristjan Asllanin se duhet të gjejë një ekip tjetër”.
Sigurisht që një deklaratë e tillë e bërë publike është një mungesë e madhe respekti karshi mesfushorit të Shqipërisë. Në situata të tilla, klubet mbajnë sa më të fshehura tratativat dhe negociatat që bëhen për të larguar futbollistët, por këto fjalë të thëna për Asllanin ishin publikisht, duke ulur figurën e shqiptarit. E ka një arsye mbrapa pasi në këtë mënyrë drejtori sportiv i Interit siguron se nëse Asllani vazhdon të mos i bindet urdhërave të drejtuesëve për t’u larguar nga klubi, në fund ai do të marrë përsipër komente të tjera fyese dhe denigruese nga tifozët e Interit që tanimë e dinë faktin se drejtuesit e klubit i kanë thënë të largohet dhe Asllani nuk është larguar ende. Pra një mungesë e madhe respekti dhe një trajtim poshtërues, duke zhvlerësuar atë kontribut që Asllani ka dhënë për Interin në këto 3 vite, sadopak qoftë ai. /Sport Ekspres/
-
Lookman është “Mister X”, zbulohet dëshira e fshehur e Inter, vijnë konfirmime për qëndrimin e Çalha-s dhe Frattesi-t
Po, është e gjitha e vërtetë: Mister X i merkatos së Interit tashmë ka një emër, dhe ai është i Ademola Lookman! Zbulimi i publikuar sot nga Corriere dello Sport ka gjetur konfirmime të sakta: operacioni është sigurisht i vështirë, por sulmuesi nigerian i Atalantës është objektivi i ndjekur në heshtje (të paktën deri tani) nga drejtuesit e merkatos së Interit.
Një marrëveshje ende për t’u përkufizuar, por e bazuar në dy fakte të rëndësishme:Lojtari është shumë entuziast për mundësinë e kalimit në Milano.
Atalanta e vlerëson atë jo më pak se 45–50 milionë euro, por duhet të marrë parasysh dëshirën e lojtarit për të ndërruar skuadër dhe faktin që kontrata e tij skadon pas dy vitesh – kështu që do të duhej të rinovohej që në muajt në vijim.
Dëshira e Lookman për të ndryshuar ambient nuk është zbehur as pas largimit të trajnerit Gasperini, me të cilin pati përplasje të forta në pranverën e kaluar. Në moshën 27-vjeçare dhe pas tri sezoneve të shkëlqyera në Bergamo, sulmuesi nigerian e ndjen se ka ardhur momenti për të bërë hapin e madh në karrierë.
Për nga karakteristikat teknike, ai do të ishte sulmuesi ideal për të plotësuar repartin ofensiv të Interit, duke u përshtatur në mënyrë perfekte me Lautaron dhe Thuramin. Një sulm që, me Bonny dhe Pio Espositon, do t’i jepte trajnerit Chivu një skuadër me cilësi shumë të lartë.
Ndërkohë sa i takon konfirmimeve për qëndrimet në shtëpinë zikaltër ka lajme të reja. Turku Çalhanoglu pritet të vijojë të qëndrojë të paktën edhe sezonin tjetër në Milano, ndërsa “La Gazzetta dello Sport” ditën e sotme vjen me lajmin e bujshëm se Inter ka blinduar Davide Frattesin, me mesfushorin që kaloi një sezon të vështirë nën urdhrat e Simone Inzaghit, por që duket se ka besimin e plotë nga ana e ruminit Chivu.
-
E ardhmja e Calhanoglu, Presidenti i Interit shuan dilemat
Pavarësisht thashethemeve, Hakan Calhanoglu do të qëndrojë te Interi. Presidenti i zikaltërve, Beppe Marotta, tha diçka të tillë, në një intervistë të dhënë së fundmi.
“Çalhanoglu? Është një lojtar i yni në të gjitha aspektet, ndaj do të kthehet sa më parë të jetë e mundur, sapo të ftohet në grumbullim”- tha ai.Mesfushori u përfol për një kalim te Galatasaray, po duket se ky transferim nuk do kryhet. Calha ka kontratë me Interin deri në vitin 2027.
-
Skuadra e Serie A këmbëngul për Asllanin, Interi nuk ul çmimin
E ardhmja e Kristjan Asllanit vijon të jetë çështje e rëndësishme në shtëpinë e Interit. Ashtu siç është përfolur edhe më parë, Bologna është e interesuar për mesfushorin shqiptar, të cilin e vlerëson në maksimum.
Operacioni mbetet i komplikuar për shumë arsye. Zikaltërit nuk pranojnë lojtarë në këmbim dhe Ausilio i ka bërë të qartë drejtuesve të Bolognas se klubi i Interit nuk bie nga pretendimet prej 18 milionë.
Kjo shifër konsiderohet e lartë dhe vështirë se Bologna mund ta arrijë.Kohët të fundit emri i Asllanit përfundoi edhe në radarët e Betis, por destinacioni i La Liga nuk u pa si u duhuri për mesfushorin e kombëtares.
-
Asllani drejt La Ligas, skuadra e njohur spanjolle ofertë Interit për yllin kuqezi
Ylli i kombëtares shqiptare, Kristjan Asllani, mund të largohet në gjatë merkatos së kësaj vere nga zikaltrit e Interit, dhe destinacioni i tij mund të jetë në një tjetër kampionat.
Pas Bolonjës, interes të madh për yllin e mesfushës ka shfaqur edhe skuadra spanjolle e Betis. Spanjollët kërkojnë që të marrijn Asllanin për të zënë vendin e lënë bosh nga Johnny Cardoso, i cili pritet të firmosë me Atletico Madrid.
Asllani shihet si i duhuri nga drejtuesit e Betis, por edhe nga trajneri i spanjollëve, Manuel Pellegrini.Megjithatë, nuk do të jetë aspak e lehtë për t’i rrëmbyer 22-vjeçarin shqiptar Interit. Këta të fundit kërkojnë të paktën 15 milionë euro për të lënë të lirë Asllanin.
-
Interi drejt goditjes së bujshme në merkato, klubi zikaltër mendon për transferimin e portierit të kombëtares gjermane
Marc-André ter Stegen mund të jetë emri i madh që do të mbrojë portën e Interit sezonin e ardhshëm, nëse Yann Sommer pranon ofertën e joshëse të Galatasarayt.
Sipas të përditshmes katalanase Sport, portieri gjerman ndodhet në një situatë të tensionuar me Barcelona-n, pas mbërritjes së Joan Garcia-s dhe planit për transferimin e Wojciech Szczesny-t, që do ta ulnin rolin e Ter Stegen në portier të tretë – një status i papranueshëm për një emër të tillë.
Drejtuesit e Interit thuhet se po e ndjekin me vëmendje situatën e 33-vjeçarit, duke e konsideruar atë si zëvendësuesin ideal për Sommer nëse ai largohet. Interi kërkon një portier me përvojë dhe garanci të lartë për të mbajtur nivelin e lartë në Serie A dhe Ligën e Kampionëve – një profil që Ter Stegen e përmbush plotësisht.
Gjermani thuhet se do të ishte i hapur ndaj një transferimi te Interi, nëse arrin një ofertë zyrtare, sepse projekti sportiv i klubit italian përputhet me ambiciet e tij për të qëndruar në elitën e futbollit evropian dhe në Ligën e Kampionëve.
Edhe pse kontrata e Ter Stegen skadon në vitin 2028, Barcelona raportohet se do të ishte e gatshme të negociojë një ndërprerje të parakohshme, duke e lejuar atë të largohet si transferim i lirë, për të shmangur tensionet e mëtejshme dhe për të liruar fondet e pagave.Top Channel