Torino ka marrë tre pikët kundër Napolit. Një fitore që ka gëzuar edhe Interit, pasi tashmë do të kenë mundësinë të shkëputen në krye. Kësaj pyetjeje nuk i ka shpëtuar as Kristjan Asllani, i cili ia thënë për “DAZN”-in se do t’i dërgonte mesazh ish-shokëve të skuadrës.
“Sot ishte e rëndësishme të merrnim në shtëpi pikë. E donim të gjithë bashkë. Jemi një grup i shkëlqyer. U zhgënjyem kundër Lacios, ndërsa sot jemi shumë të kënaqur që fituam. A do i ketë bërë të lumtur ish-shokët e skuadrës te Interi kjo fitore? Kam respekt për të gjitha skuadrat, ndoshta do t’ju dërgoj një mesazh. I uroj fat të mbarë sot kundër Romës, të cilën do ta shoh”, ka thënë Kristjan Asllani./Sport Ekspres/
Tag: interit
-
I dha një asist Interit me fitoren ndaj Napolit, Asllani: Do i dërgoj mesazh, do ta shoh ndeshjen e zikaltërve
-
Gasperini kërcënon Interin: Roma tregon sa vlen
Nesër në ‘Olimpico’ (20:45) Roma- Inter. Verdhekuqtë synojnë të hedhin në fushë Paolo Dibala, thuajse të rekuperuar.
Trajneri i Romës Xhan Piero Gasperini sfidon të kaluarën e tij. Trajneri piemontez do të drejtojë Romën e tij ndaj Interit në ‘Olimpico’ të shtunën në mbrëmje me statusin e skuadrës kryesuese të Serie A (së bashku me Napolin nga 15 pikë në 6 javë).
Duke pasur parasysh të kaluarën e tyre të trazuar në Appiano Gentile dhe rezultatin e dobët (nuk kanë fituar kundër zikaltërve në 15 ndeshje), kjo ndeshje nuk mund të jetë si asnjë tjetër. Por Gasperini nuk po e bën atë një çështje personale apo teknike:
“Gjatë kohës time në Atalanta, a pata vështirësi kundër Interit? Kur Juve ishte shumë e fortë, ne vuajtëm kundër tyre dhe rrjedhimisht kundër Interit. Por ky është rasti për të gjitha ekipet, jo vetëm për Atalantën.
Kur Interi ishte më i dobët, ishte më e lehtë t’i mposhtnim. Nesër përballemi me një ekip të klasit të parë. Është një mënyrë e shkëlqyer për të provuar veten dhe për të parë se sa konkurrues mund të jemi. Do të duhet të performojmë mirë në çdo aspekt për t’ua vështirësuar gjërat.”
Vazhdo leximin
-
Dybala mezi pret të rikthehet ndaj Interit, bisedimet e rinovimit priten deri në fund të muajit
14 Tetor 2025
10:31
Alfred Lleshi
Paulo Dybala po studion kalendarin e Kupës së Italisë me synimin e qartë; ta ngrejë më në fund një trofe me Romën. Rruga nuk do të jetë e lehtë: Torino në 1/8, ndoshta Interi në çerekfinale dhe derbi në finale, por për argjentinasin është mënyra më e shpejtë për t’i rikthyer një titull klubit verdhekuq dhe harruar zhgënjimin e natës së Budapestit (ndaj Sevilla).
Në pritje për t’u bërë baba për herë të parë, Dybala po kalon javë të ngarkuara mes stërvitjeve dyfishe, kontrolleve mjekësore dhe programit të personalizuar që i ka rikthyer shkëlqimin fizik. Pas më shumë se një muaji mungesë, numri 21 është gati të rikthehet titullar kundër Interit, duke formuar me Soulé dhe Dovbyk “tridentin” e ri të Gasperinit. Trajneri e ka quajtur “lojtarin me më shumë cilësi” dhe ka theksuar se “një si ai nuk mund të kufizohet”.
Rinovimi i kontratës pritet të diskutohet në fund të tetorit, por Dybala synon fillimisht të bëhet sërish vendimtar. Nuk ka shënuar që nga 20 shkurti dhe kërkon golin e 200-të në karrierë. Publiku i “Olimpico” e pret si simbol kampionin që bashkon tifozët dhe dashamirët e futbollit të pastër. Sepse Dybala, për Romën dhe për futbollin, nuk është vetëm një numër. Ai është ende “La Joya”.
-
Womens Europa Cup/ Vllaznia sfidë Interit të… Van Dajk
Në “KONAMI Youth Development Centre ” të Milanos, këtë pasdite Vllaznia e Shkodrës për vajza, përballet në turin e dytë elimitaror me skuadrën vendase të Interit.
Në këtë edicion të parë të UEFA Europa Cup, Vllaznia e trajnerit Nikolin Leka pas eleminimit nga Champions janë të përqënduar te ky kompeticion i ri ndërsa në sfidën e raundit të parë eleminuan me dy takime ukrainaset e Kolos Kovalivka (të dyja luajtur në Shkodër; 2-0, 0-2). Sot në orën 18:00 misioni duket shumë i vështirë megjithatë në kampin kuqeblu egziston mentaliteti fitues, ardhur dhe nga përvoja e fituar në këto vite të fundit. Ndeshja e kthimit në “Loro Boriçi” më datën15 tetor.Ndërkaq, rivali i vajzave shkodrane sapo ka startuar me kampionatin e ri teksa javën e parë (4 tetor) shpartalloi Tërnanën 5-0 (10′ Tomaseli, 44′ Bugeja, 51′ Tomaseviç, 58′ Vulaert, 90′ Van Dajk) /Sportiim.al/
Vazhdo leximin
-
Sommer drejt largimit, Inter gjen portierin e ri në Bundesligë
7 Tetor 2025
17:21
Telesport
Yann Sommer me shumë mundësi po luan sezonin e fundit me fanellën e Interit. Portieri zvicercan do të largohet si lojtar i lirë pas 30 qershorit, kohë kur i mbaron kontrata me klubin zikaltër.
Në anën tjetër, drejtuesit e Interit po shqyrtojnë disa emra për të gjetur pasuesin ideal të Sommer. Mediet italiane raportojnë se objektivi kryesor i zikaltërve për portën është Noah Atubolu, portieri 23-vjeçar i Freiburg.
Mosha e tij e re dhe hapësira për rritje e bëjnë Atubolu-n një kandidat ideal për projektin e Interit, pasi klubi zikaltër kërkon një portier të ri për një plan afatgjatë.
Një nga arritjet e më të spikatura të Atubulu deri tani është rekordi i tij i pritjes të pesë penalltive radhazi. Shumë shpejt pritet të nisin bisedimet zyrtare mes palëve, vlera e kartonit të Atubulu mendohet të jetë 18-20 milionë euro. -
“UEFA Women’s Europa Cup”/ Vllaznia luan nesër ndeshjen e parë ndaj Interit
Vllaznia e vajzave do të luajë nesër ndeshjen e parë ndaj Interit në raundin e dytë të “UEFA Women’s Europa Cup”.
Sfida do të zhvillohet në “Youth Development Training Center” në Milano, në orën 18:00.Vllaznia vjen në këtë përballje pas suksesit në raundin e parë të këtij kompeticioni të ri të UEFA-s ndaj skuadrës ukrainase Kolos Kovalivka.
Vajzat kuqezi do të tentojnë të hedhin një tjetër hap përpara për të siguruar pjesëmarrjen historike në “UEFA Women’s Europa Cup”.
Gjithçka do të vendoset në ndeshjen e kthimit ndaj Interit, që do të luhet në stadiumin “Loro Boriçi”, më 15 tetor, në orën 18:00.
FSHF i uron shumë sukses skuadrës së Vllaznisë në dy takimet vendimtare të raundit të dytë të “UEFA Women’s Europa Cup” ndaj Interit.
© BalkanWeb -
Vieri i vendos nota sezonit të Interit: Lautaro është për 9, Chivu 8. Askush tjetër nuk luan si ata në Itali
6 Tetor 2025
11:38
Alfred Lleshi
Christian Vieri, ish-sulmues i Interit, komentoi sezonin e Serie A në studiot e DAZN, duke vlerësuar veçanërisht Interin. Ai i dha 9 pikë merkatos zikaltër për blerjet e Manuel Akanji, Petar Sucic, Pio Esposito dhe Ange-Yoan Bonny, duke i konsideruar të gjithë shumë të fortë.
Vieri gjithashtu u shpreh për stilin e lojës: “Nuk ka ekip tjetër që luan si Interi në Itali. Krijon shumë, shënojnë të gjithë. Dimarco bën krosime që më çmendin, askush në Europë nuk e bën këtë si ai”. Për trajnerin Cristian Chivu dha notën 8, duke theksuar guximin dhe agresivitetin që po sjell: “Bravo drejtuesve që rrezikuan dhe guxuan me një trajner të ri me pak përvojë”.
Sulmuesit Lautaro Martinez i dha notën 9 për forcën dhe dëshirën e fitores: “Kur thoja se Interi ka skuadrën më të fortë, më quanin interist. Edhe nëse humb, nuk ndryshoj mendim: askush nuk luan si Interi, skuadër ku shënojnë mbrojtësit, mesfushorët dhe sulmuesit. Potenciali është i madh”. -
Pse Slavia Prague u gjunjëzua para tifozëve të saj, mbas humbjes 3-0 ndaj Interit në Champions
1 Tetor 2025
11:05
Alfred Lleshi
Slavia Prague u mund qartë nga Interi në “San Siro”, por pas ndeshjes lojtarët e saj bënë një gjest që tërhoqi vëmendjen. Ata u afruan te linja e portës dhe u gjunjëzuan, duke drejtuar shikimin nga tifozët çekë (rreth 3.000 ishin në Milano). Ky gjest nuk ishte shenjë dorëzimi, por një mënyrë për të shprehur keqardhje dhe falënderim ndaj mbështetjes së tifozëve, edhe pse rezultati ishte zhgënjyes.
Ndeshja ishte e vështirë dhe performanca e Slavia Prague u dëmtua nga gabime të shumta, duke e bërë detyrën thuajse të pamundur. Portieri Stanek bëri një gabim të pabesueshëm në pjesën e parë, duke i dhuruar një asist Lautaro Martínez për golin e avantazhit. Ky gabim reflekton pasigurinë e skuadrës çeke.
Rezultati 3-0 ishte pasqyrë e forcës së Interit dhe e kufizimeve të ekipit mysafir, duke nxjerrë në pah lidhjet e dobëta dhe gabimet e rëndësishme që ndikuan në humbjen e thellë. -
Lautaro vendos rekord, bëhet lojtari i parë i Interit në histori që e arrin këtë në Champions
1 Tetor 2025
10:01
Alfred Lleshi
Lautaro Martínez është tashmë pjesë e historisë së Interit. Ai ka shënuar në 7 edicione radhazi të Champions League, një arritje që vetëm lojtarë si Mbappé, Haaland dhe Griezmann e kanë realizuar. Asnjë lojtar zikaltër nuk e kishte bërë më parë. Me dopietën kundër Slavia Prague, Lautaro ka arritur 23 gola në Champions, 159 në total me Interin, nga të cilët 9 janë realizuar në sezonin e kaluar.
Së fundi, ai hyri në “top 5” e golashënuesve më të mirë të Interit të gjitha kohërave. Kjo ndodhi të shtunën në Cagliari, ku me 117 gola në Serie A kaloi Sandro Mazzola, duke u renditur i pesti në listën historike të golashënuesve të klubit në kampionat. Para tij mbeten vetëm Meazza, Lorenzi, Nyers dhe Altobelli, legjenda të mëdha të Interit.
Ai mungoi ndaj Ajax në debutimin europian të këtij sezoni, por rifitoi shkëlqimin në Champions me dopietën e fundit, duke treguar intensitetin në pressing dhe gatishmërinë për të shënuar. Për një sezon të nivelit të lartë, Interi duhet të kalojë edhe përmes këmbëve të tij. -
Lautaro Martinez drejt konvertimit në legjendë, i pesti në historinë e Interit
28 Shtator 2025
11:01
Telesport
Lautaro Martinez po bëhet një legjendë e Interit. Shifrat e tregojnë këtë.
Kapiteni i Interit shënoi golin e tij të parë të sezonit mbrëmë në fitoren 0-2 me Cagliari. Kjo ishte ndeshja e pestë e kampionatit italian. Ai numëron 12 gola në po kaq sfida kundër këtij ekipi.
Argjentinasi mbrëmë arriti kuotën e 117 golave me fanellën zikaltër, duke kaluar legjendën Sandro Mazzola (116 gola).
Lautaro Martinez tashmë e sheh veten në vendin e pestë në listën e golashënuesve më të mirë në historinë e Interit.
Para tij janë Alessandro Altobelli (128), István Nyers (133), Benito Lorenzi (138) dhe Giuseppe Meazza-s (197 gola).