Lajmidites.com

Tag: interit

  • E BUJSHME: Ish-ylli i Interit i “shkel” syrin Milanit, për merkaton e janarit

    E BUJSHME: Ish-ylli i Interit i “shkel” syrin Milanit, për merkaton e janarit

    11 Dhjetor 2025

    16:10

    Telesport

    Tashmë dihet që Milan do të bëjë me patjetër një përforcim në repartin e sulmit gjatë merkatos së janarit, pasi Santiago Gimenez do të largohet pasi nuk bën pjesë në planet dhe projektin e Max Allegri-t.
    Ndërkohë, gjithmonë e më shumë po shtohen zërat për një transferim të mundshëm të Mauro Icardit te kuqezinjtë. Gazetari Matteo Moretto raporton se ish-sulmuesi i Interit është hapur për një transferim të rivalët e ish-klubit të tij.
    Icardi është një ndër emrat që po ndjekin kuqezinjtë. Nëse ndodh transferimi, sigurisht që do të ishte një lëvizje e bujshme, për vëtë e të shkuarën e argjentinasit. Ndërkohë përsa i përket formulës së transferimit, me siguri do të jetë huazim deri në fund të sezonit.

  • Inter-Liverpool, UEFA konfirmon polemikat: “VAR nuk duhej të ndërhynte”

    Inter-Liverpool, UEFA konfirmon polemikat: “VAR nuk duhej të ndërhynte”

    11 Dhjetor 2025

    10:57

    Alfred Lleshi

    UEFA ka dhënë një konfirmim që ndezi zemërimin e Interit pas ndeshjes kundër Liverpool-it. Sipas informacionit që vjen nga selia e UEFA-s në Nyon, menaxhimi i episodit vendimtar ishte i gabuar: VAR-i, i deleguar nga Soren Storks, nuk duhej të ndërhynte. Kontaktit midis Bastoni dhe Wirtz nuk i përkiste kategorisë së “gabimit të qartë dhe të dukshëm”.
    Prandaj, vlerësimi duhej të mbetej vetëm në gjykimin e arbitrit Zwayer në fushë. Vëzhgimi në monitor u konsiderua si ndërhyrje e papërshtatshme në një vendim që duhet të qëndronte “i fushës”.
    Ky informacion është raportuar nga “Gazzetta dello Sport”, duke nxjerrë në pah tensionet mes Interit dhe autoriteteve europiane pas një episodi që mund të kishte ndryshuar rrjedhën e ndeshjes. UEFA duket të mbrojë vendimin e arbitrit dhe kundërshton përdorimin e VAR-it në këtë rast specifik.

  • Akuzat pas ndeshjes/ Liverpool merr vendimin, e pëson keq Salah

    Akuzat pas ndeshjes/ Liverpool merr vendimin, e pëson keq Salah

    Liverpool po kalon një periudhë të tensionuar pas rezultateve të dobëta dhe reagimeve brenda skuadrës.
    Mohamed Salah shpërtheu ndaj trajnerit pas barazimit ndaj Leeds. Për këtë, Arne Slot e ka lënë jashtë grumbullimit për ndeshjen ndaj Interit në Ligën e Kampioneve.
    Vendimi është marrë në bashkëpunim me drejtuesit e klubit. Arsyeja lidhet me deklaratat e bëra nga sulmuesi egjiptian pas ndeshjes së fundit. 33-vjeccari ritet të mungojë në një moment të rëndësishëm për skuadrën.
    Situata ka shtuar zërat për një largim të mundshëm të tij në merkaton e janarit. Gjendja në klub mbetet e paqëndrueshme në prag të ndeshjes së rëndësishme kundër Interit.

  • Inter vuan shumë, por del me 3 pikë të arta nga Pisa. Dopietë e kapitenit (video)

    Inter vuan shumë, por del me 3 pikë të arta nga Pisa. Dopietë e kapitenit (video)

    Pas humbjes në derbi fundjavën e kaluar, Inter është rikthyer te fitorja. Zikaltrit fituan 0-2 në transfertë ndaj Pisa, falë një dopiete të Lautaro Martinez.
    Pjesa e parë ka qenë shumë e dobët dhe ndoshta më e dobëta e Interit për këtë sezon. Rasti i parë i takimit do të vinte në minutën e 27-të, por goditja me kokë e Lautaros shkon jashtë.
    Dy minuta më pas, rrezikon Pisa, ku Piccinini tenton të shënojë një gol spektakolar me rroveshatë, por topi fluturon disa centimetra larg. Pjesa e parë mbyllet 0-0.
    Pjesa e dytë nis më mirë për vendasit, të cilët rrezikojnë më shumë dhe duket sikur kanë më shumë dëshirë për të fituar ndeshjen. Rezultati do të zhbllokohej në minutën e 70-të falë një kombinimi perfekt mesa të sapo futurit në fushë Francesco Pio Esposito dhe Lautaro-s, kapiteni godet direkt me të majtën dhe topi përfundon në rrjetë.
    Do të ishte sërish Lautaro që do të gjente golin e dytë në minutën e 83-të, me një goditje të fuqishme me të djathtën , pas pasimit të marrë nga Nicolo Barella, duke vulosur përfundimisht fitoren e Interit.
    Pas kësaj fitoreje, Inter renditet i treti me 27 pikë, një pikë më pak se Milan dhe Roma. Pisa mbetet në vendin e 18-të me 10 pikë.
    SHIKOGOLAT

  • Lautaro i pakënaqur me zëvendësimin në Madrid, por nuk ka thyerje me Chivu

    Lautaro i pakënaqur me zëvendësimin në Madrid, por nuk ka thyerje me Chivu

    28 Nëntor 2025

    14:15

    Alfred Lleshi

    Interi po përjeton një mini-krizë pas dy humbjeve radhazi ndaj Milanit dhe Atletico Madridit. Një moment i veçantë ka të bëjë me Lautaro Martinez. Gjatë ndeshjes në “Metropolitano”, kur Chivu vendosi ta zëvendësonte me Pio Esposito, kapiteni i Interit nuk e pranoi dot vendimin dhe e tregoi qartë pakënaqësinë e tij.
    Sipas “Corriere dello Sport”, Lautaro tundi kokën dhe ia dorëzoi arbitrit shiritin për ta kaluar te Barella. Megjithatë, marrëdhënia me trajnerin nuk u prek. Para se të ulej në stol, Lautaro e përshëndeti si zakonisht Chivu. Frustrimi për zëvendësimin u vërejt nga të gjithë, por nuk ka pasoja të thella.
    Sipas raportimit, menaxhimi i Interit pas Inzaghit ndryshon. Trajneri aktual nuk bën dallime në dhomën e zhveshjes dhe lojtarët duhet të përshtaten me rregullat e reja, përfshirë edhe karakterin e fortë të kapitenit, i cili më parë ka pasur përplasje me Conte në “Maradona”.

  • Atletico fitore dramatike përballë Interit, Arsenal mund Bayern

    Atletico fitore dramatike përballë Interit, Arsenal mund Bayern

    Janë zhvilluar këtë mbrëmje ndeshjet e radhës të Ligës së Kampioneve. Arsenal ka arritur të mposhtë Bayern Munich në Londër, me rezultatin 3:1.
    Atletico Madrid fitoi në minutat shtesë përballë Interit, duke e bërë dramatik fitoren ndaj italianëve. Ishte Gimenez, ai që realizoi në minutën e 93 të takimit, duke i dhuruar tre pikë Atleticos.
    Në ndeshjet e tjera, Eintracht Frankfurt u mund me rezultatin 0:3 nga Atalanta. Liverpool u turpërua përballë tifozëve të saj nga ana e PSV-së, me rezultatin e thellë 1:4.
    Real Madrid fitoi 4:3 ndaj Olympiakos, në një sfidë ku u shënuan plot shtatë gola.
    PSG fitoi 5:3 ndaj Tottenham, në një tjetër ndeshje, ku u shënuan numër rekord golash. Sporting mundi lehtësisht 3:0 Club Brugge.

  • Diego Simeone gëzon tifozët e Interit para përballjes në Champions

    Diego Simeone gëzon tifozët e Interit para përballjes në Champions

    26 Nëntor 2025

    17:38

    Telesport

    Diego Simeone mund ta imagjinojë veten si trajner të Interit.
    Duke folur në prag të ndeshjes me zikaltrit në “Metropolitano”, trajneri argjentinas kujtoi kohën kur luante me Interin, saktësisht dy sezone midis viteve 1997 dhe 1999.
    “A e shoh veten në afatgjatë në Milano? Nuk varet vetëm nga unë, por mund të them se po. Mendoj se do të ndodhë një ditë”, ka deklaruar tekniku.
    Deklarata duket si premtim. Me siguri, interistët do ta prisnin me plot dëshirë.

  • Do t’i ketë kundërshtarë në fushë, Simeone “i shkel syrin” Interit: Një ditë do të jem trajneri i tyre

    Do t’i ketë kundërshtarë në fushë, Simeone “i shkel syrin” Interit: Një ditë do të jem trajneri i tyre

    Interi do të përballet me Atletikon e Madridit mbrëmjen e së mërkurës, në një ndeshje të vlefshme për Ligën e Kampionëve. Simeone ka folur për mediat në prag të kësaj sfide, ku i ka “shkelur syrin” pankinës zikaltër. Trajneri i Atletikos ka deklaruar se një ditë do të jetë në stolin e Interit, ekip me të cilin ka luajtur gjatë karrierës së tij si futbollist.
    “Nuk varet vetëm nga mua, por në karrierën time si trajner mund ta përfytyroj veten duke menaxhuar Interin një ditë. Mendoj se kjo do të ndodhë një ditë”, është shprehur Diego Simeone./Sport Ekspres/

  • Chivu i pakënaqur me Sommer, drejtuesit e Interit gati të afrojnë një emër “big” në janar

    Chivu i pakënaqur me Sommer, drejtuesit e Interit gati të afrojnë një emër “big” në janar

    22 Nëntor 2025

    19:32

    Telesport

    “Football Insider” raporton se drejtuesit e Interit po monitorojnë nga afër situatën e Emiliano Martinez dhe do të provojnë transferimin e tij gjatë merkatos së janarit.
    Trajneri i Interit, Cristian Chivu, thuhet se nuk është plotësisht i kënaqur me Yann Sommer, dhe ndaj ka kërkuar ndërhyrje në portë. Kontrata e portierit zviceran skadon në fund të këtij sezoni, ai pritet të largohet si lojtar i lirë në qershor.
    Në anën tjetër, Aston Villa është e gatshme ta shesë Martinez këtë dimër, megjithëse tarifa e transferimit mbetet e pazbuluar. Martinez është nën kontratë me Aston Villa deri në vitin 2029, por 33-vjeçari ashtu si edhe në merkaton e verës është në kërkim të një ekipi dhe destinacioni të ri.

  • Siç shkruan Lautaro, lexohet historia e Interit. Të paktën 10 gola për 7 vite radhazi te zikaltrit

    Siç shkruan Lautaro, lexohet historia e Interit. Të paktën 10 gola për 7 vite radhazi te zikaltrit

    Lautaro Martinez vazhdon të shkruajë historinë e Interit. Kundër Lazios, sulmuesi argjentinas shënoi sërish, duke konfirmuar rëndësinë e tij për zikaltërit. Me këtë gol, Lautaro arrin 10 gola në Serie A për vitin 2025, duke u bërë i katërti në historinë e klubit që realizon të paktën 10 gola në 7 vite të ndryshme, pas legjendave si Alessandro Altobelli, Benito Lorenzi dhe Giuseppe Meazza.
    Sezoni i tanishëm e sheh protagonist: 14 paraqitje, 8 gola dhe 2 asistime, që tregojnë jo vetëm nuhatjen për gol, por edhe punën për shokët e skuadrës. Kundër Lazios, goli i tij i shpejtë hapi ndeshjen dhe i dha impuls Interit drejt kryesimit të Serie A, së bashku me Romën. Qasja e tij në momentet kyçe vazhdon të bëjë diferencën, tifozët zikaltër kanë një lider që rrallë zhgënjen, madje edhe nën drejtimin e Chivu, gjithmonë me buzëqeshje.
    Fjalët e Lautaros pas ndeshjes: “Gol i 1-0? Thjesht doja të gjuaja drejt portës. E rëndësishme është që shërbeu për të zhbllokuar rezultatin. Faleminderit tifozëve që vijnë në stadium dhe na mbështesin çdo ndeshje. Të gjithë golat festohen në mënyrë speciale. Kur shënon dhe skuadra fiton, është gjithmonë më bukur. Kur ky popull thërret emrin tënd, të vijnë gjithmonë dridhje shpirti; jo vetëm sot, por që nga hera e parë. Sërish serioz? Kur duhet të buzëqesh, buzëqesh, jam i ndërtuar kështu”.