Inter ia del në transfertën e Cagliarit duke fituar 0-2. Në pjesën e parë mjaftoi një gol i Lautaros, me ritmin e lojës që nuk ishte aq i lartë.
Në fillimin e pjesës së dytë, zikaltërit iu afruan golit të dytë, por shtylla i ndali.
Në fundin e ndeshjes, Esposito shënoi golin e qetësisë për të besuarit e Chivus. Serie A luan të dielën, ndeshje mjaft interesante.
© BalkanWeb
27 Shtator 2025
22:38
Telesport
Inter ka fituar 0-2 në transfertë ndaj Cagliari-t, në ndeshjen e vlefshme për javën e pestë në Serie A. Zikaltrit gjetën golin që në minutën e 9-të, ku Lautaro Martinez shënoi me kokë pas krosimit të Alessandro Bastoni.
Pjesa e parë u mbyll më shifrat 0-1. Goli i dytë i zikaltërve do të vinte në minutën e 82-të, Francesco Pio Esposito e bën sefte me Interin dhe shënon pas asistit të Federico Dimarco, të dy të futur në pjesën e dytë.
Rezultati nuk ndryshon deri në fund. Inter fiton 0-2 dhe ngjitet në vendin e pestë më 9 pikë, Cagliari mbetet në vendin e 10-të.
SHIKOGOLAT
27 Shtator 2025
21:32
Telesport
Inter është duke fituar 0-1 në transfertë ndaj Cagliari-t, në sfidën e javës së pestë në Serie A. Zikaltrit gjetën golin që në minutën e 9-të, ku Lautaro Martinez shënoi me kokë pas krosimit të Alessandro Bastoni.
Një gol “çlirimi” për sulmuesin argjentinas pas kritikave të shumta që ka marrë kohët e fundit. Rezultati nuk ndryshon deri në fund të pjesës së parë, mbetet 0-1 për zikaltrit.
Lojtari më i mirë dhe më i vlerësuar në fushë pas pjesës së parë për të dy ekipet është Alessandro Bastoni, me notën 8.3.
SHIKOGOLIN
25 Shtator 2025
18:18
Telesport
Pas një periudhe të errët te Barcelona dhe më pas si huazim te Real Betis, Vitor Roque duket se ka rilindur dhe ka gjetur shkëlqimin e dikurshëm pas rikthimit te Palmeiras në Brazil.
Fillimisht, braziliani u transferua nga Athletico Paranaense te Barcelona për 40 milionë euro, por te katalanasit nuk i dhanë kurrë kohën e mjaftueshme për të treguar vlerat, më pas erdhi huazimi te Betis, ku nuk është se spikati, për t’u rikthyer vetëm pas një viti te Palmeiras, e cila pagoi 25 milionë euro për kartonin e tij.
Me rikthimin në Brazil. Roque shënoi 12 gola në sezonin e fundit dhe ka dhënë 4 asiste, duke u bërë protagonist te Palmeiras. Për brazilianin ka interes të madh nga Inter dhe mund të ketë një rikthim për të në Europë, por këtë herë në Serie A.
Ende nuk mund të flitet për shifra ekopnomike dhe detaje të tjera, por mund të thuhet me siguri të plotë që Vitor Roque është në agjendën e klubit zikaltër. Tashmë dihet dashuria historike që Inter ka për futbollistët brazilianë dhe Roque mund të jetë ylli i tyre i radhës.
24 Shtator 2025
20:16
Telesport
Federico Dimarco mund të largohet nga Inter gjatë merkatos së janarit, pasi mbrojtësin e krahut e duan në Premier League. Me 19 gola dhe 35 asiste në 195 ndeshje për zikaltrit, Federico Dimarco ka fituar një vend midis mbrojtësve më të mirë të krahut në futbollin evropian dhe ka ngjallur interesin e disa klubeve të njohura, mes tyre të Man. United.
Ruben Amorim e sheh italianin si lojtarin ideal për sistemin e tij 3-4-1-2, i njëjti modul i përdorur nga Inter në kohën kur drejtohej nga Simone Inzaghi. Dimarco shihet si lojtari ideal në vendin e Luke Shaw, anglezi ka rënë shumë nga forma e dikurshme dhe largimi i tij nga “Djajtë” duket i pashmangshëm.
Inter e vlerëson shumë lojtarin, por nuk do t’i thoshte “jo” një ofertë të mirë ekonomike të Man. United. Ende nuk flitet për shifra, por ziklatrin pretendojnë 45-50 milionë euro për të lënë të lirë 27-vjeçarin.
Mungon zyrtarizimi, por duket punë e kryer. Lionel Messi po përgatitet të zgjasë kontratën e tij me Inter Miami edhe për një vit tjetër.
Sipas asaj që raporton Fabrizio Romano, marrëveshja duhet të finalizohet në ditët në vijim.
Historia e “La Pulce”, e cila filloi në verën e vitit 2023, me gjasa të mëdha do të vazhdojë.
32-vjeçari ka shënuar 22 gola në 22 ndeshje, ndërsa ka dhuruar edhe 13 asiste.
© BalkanWeb
24 Shtator 2025
18:14
Telesport
Rrugëtimit të Yann Sommer tek Inter duket se po i vjen fundi. Portieri zviceran, tashmë 36 vjeç, nuk ofron më sigurinë e dikurshme dhe palët mund të ndajnë rrugët në fund të sezonit. Kontrata e Sommer skadon në qershor të këtij viti, ndaj ai do të largohet si lojtar i lirë nga zikaltrit.
Në anën tjetër, drejtuesit e Interit po punojnë për të gjetur një zëvendësues të denjë të Sommer për portën. “Sport Mediaset” raporton se objektivi kryesor i Interit është portieri i Cagliari-t, Elia Caprile.
24-vjeçari që ka luajtur deri tani 49 ndeshje në Serie A, duket se është gati për të bërë hapin e madh në karrierë. Cagliari e vlerëson rreth 20 milionë euro, shifër mëse e pranueshme për zikaltrit. Për Elia Caprile ka interes edhe nga Milan, pasi pritet të largohet Mike Maignan, por ziklatrit janë më afër tij për momentin.
24 Shtator 2025
12:12
Telesport
Inter është në kërkim të një portieri që do të zëvendësojë Yann Sommer sezonin e ardhshëm dhe drejtuesit e klubit zikaltër duket se janë të vendosur të transferojnë Elia Caprile, i cili aktualisht është te Cagliari.
Ausilio e ka ndjekur portierin për njëfarë kohe dhe duket se ai ka një profil që i përshtatet kërkesave aktuale të Interit: Është i ri (rreth 25 vjeç), italian dhe me çmim të arsyeshëm (rreth 20 milionë euro).
Të shtunën në mbrëmje, kur Cagliari përballet me Inter, shumë do ta shikojnë atë. Alternativat ndaj Caprile, për arsye të ndryshme, duken të pamundura: Carnesecchi, i vlerësuar me 40 milionë euro nga Atalanta, do të kërkonte një shpenzim financiar të paqëndrueshëm. Ndërsa Napoli nuk ka gjasa ta shesë Meret te një konkurrent i drejtpërdrejtë.
Stadiumi do të ketë 71,500 vende, të strukturuara në dy nivele të mëdha me një pjerrësi të projektuar për t’u siguruar spektatorëve një pozicion të rehatshëm uljeje
Dy klubet e Milanos Milan dhe Inter kanë ratifikuar idenë e vendosur për të ardhmen e tyre që lidhet me stadiumin e ri.
Arkitektët Lord Norman Foster dhe David Manica do të projektojnë stadiumin e ri për Interin dhe AC Milanin “nëse rezoluta për shitjen e Zonës Urbane të San Siros miratohet nga Këshilli i Qytetit të Milanos”.
Të dy klubet njoftuan “se kanë nënshkruar një marrëveshje me firmat arkitekturore Foster + Partners dhe Manica, të cilat më pas do të jenë përgjegjëse për projektimin e stadiumit të ri të Milanos”.
“Jemi në një pikë të rëndësishme në një udhëtim në të cilin Klubi ka demonstruar vazhdimisht, veçanërisht përmes angazhimit të Presidentit Skaroni, se ky është një përparësi kryesore për të ardhmen.
Bashkëpunimi me dy nga firmat më prestigjioze të arkitekturës në botë”, thuhet në deklaratë, “riafirmon qëllimin e vendosur të Klubeve për t’u ofruar tifozëve dhe qytetit të Milanos një stadium që përmbush standardet më të larta në aspektin e inovacionit, rehatisë dhe qëndrueshmërisë, i cili gjithashtu do të përfaqësojë një objekt të ri arkitektonik”.
Vazhdo leximin
Zakonisht jemi mësuar me shembuj dhe raste të njohur në botë dhe Europë, për ish-futbollistë të cilët blejnë ekipe futbolli. Një prej këtyre rasteve është padyshim ai i David Beckam te Inter Miami, ekip në të cilin luan edhe Lionel Mesi. Ndërkohë në emisionin “Procesi Sportiv”, Manushi ka zbuluar se të njëjtën rrugë do ta ndjek edhe Rei Manaj në Shqipëri.
“Moda e futbollistëve të rëndësishëm dhe të pasur që blejnë klube sportive ka arritur edhe në Shqipëri. Një futbollist i madh i Kombëtares është në tratativa për të blerë klubin e Lushnjës. Rey Manaj po blen ekipin e Lushnjës, duartrokitje për iniciativën. Ky model na duhet për të ecur përpara”, tha Ed Manushi.
Padyshim që kjo lëvizje është disi e çuditshme duke parë se Manaj nuk e ka mbyllur ende me futbollin e luajtur dhe ka vite përpara, por duket se kontratat e mira të firmosura në të kaluarën kanë bërë që Rei të hedh sytë edhe për investime të tilla. /Sport Ekspres/