Lajmidites.com

Tag: institucionet

  • Shteti ndan miliona euro, për t’ua shuar etjen punëtorëve

    Shteti ndan miliona euro, për t’ua shuar etjen punëtorëve

    Mbi 1.1 milionë euro është vlera e paraparë për furnzimim me ujë të pijshëm për institucionet qendrore dhe lokale.
    Sipas këtij tenderi del se ansjë nga isntitucionet nuk e përdor ujin e ofruar nga ujësjellësit shtetërorë.
    Në bazë të përshkrimit bëhet fajlë për ujë të gazuar dhe të pagazuar.
    Agjencia Qendrore e Prokruimit është autoriteti kontraktues i tenderit “Furnizim me ujë të pijshëm” me vlerë të parashikuar 1,135,000.00 euro.
    Kjo kontratë publike kornizë ka kohëzgjatje prej 36 muajsh dhe është efektive prej datës në të cilën ajo hyn në fuqi.
    Në bazë të dhënave në dosje të tendeirt me ujë të pijshëm do të furnizohen 117 institucione publike.
    Duke përfshirë nivelin qendror të gjitha institucionet, spitalet rajonale si rdhe nivelet lokale – kuvendet komunale.
    Po ashtu janë paraqitur edhe mostrata që duhet operatori ekonomik t’u ofrojë shishe plastike.

    Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
    raportoni këtu.

    JOQ Sondazh

  • “Do dalin para ligjit ata që kanë mbajtur lidhje me krimin”/ Berisha: Burgjet tejkalojnë kohën staliniste, vetë Ulsiu merret me…

    “Do dalin para ligjit ata që kanë mbajtur lidhje me krimin”/ Berisha: Burgjet tejkalojnë kohën staliniste, vetë Ulsiu merret me…

    Kreu i PD-së Sali Berisha prezantoi sot planin e koalicionit që drejton “Shqipëria Madhështore” lidhur me rendin dhe sigurinë.Gjatë fjalës së tij, Berisha ka folur për situatën e krimit dhe të burgjeve në vendin tonë.
    Ai thotë se vdekjet nëpër burgje nuk ndodhin për shkaqe natyrale, po sipas tij institucionet fshehin të vërtetën se çfarë ndodh me ta.”Do dalin para ligjit të gjithë ata që kanë mbajtur lidhje me krimin, si dhe të korruptuarit, është luftë për ekzistencën e Shqipërisë, jo për karrige. Edi Rama kërkon një mandat të katërt. Pasi në 12 vite të qeverisjes së tij janë larguar më shumë shqiptarë se nga gjitha pushtimet përfshi edhe ai serb. Nuk ka larguar pushtimin serb nga Kosova sa largoi ky nga Shqipëria në 12 vite, një reformë tërësore në program do ndërmerret. Të gjithë subjektet e padrejtësive do merrni vendin që meritoni. Ju u ndëshkuat se u përballët me krimin, për të hapur rrugën krimit.
    Do mbetet dita e zezë kur një vagabond si Tahiri shpalli shkrirjen e policisë kriminale pasi kapi prindërit e tij duke bërë kontrabandë. I hapi rrugë krimit. Ky ishte fillimi i Edi Ramës. Hapi portat për krimin dhe trafiqet. E drejta për ju do rivendoset. Duhet të jeni krenar për detyrat që keni kryer. Gjykatësit dhe prokurorët që u përballën u larguan me vetting gjueti shtrigash. Këto do marrin fund. Besoj plotësisht tek ju, te burra dhe gratë në institucionet. Që kanë vullnet, jashtë çdo ndërhyrje në ligjin.
    Të rikthejmë respektin e plotë të lirive dhe të drejtave të qytetarëve shqiptarëve. Burgjet janë në shumë aspekte tejkalojnë kohën staliniste. Isha në Këshillin e Evropës. Nuk ka vdekje natyrale për 28 vjeçarë, janë fshehje në këto institucionet. Vetë Ulusiu merret me akte të ulëta, provokime pa koncept për dinjitetin njerëzor. Ju siguroj se transformim rrënjësor do ndodhë në fushën e rendit dhe sigurisë”, u shpreh Berisha.

  • Mishi i pulës me salmonelë, ministrja Denaj flet mbi situatën në vend

    Mishi i pulës me salmonelë, ministrja Denaj flet mbi situatën në vend

    Ministrja e Bujqësisë dhe Zhvillimit Rural, Anila Denaj është e ftuar për herë të parë në një intervistë në programin “Rudina” në Tv Klan. Tema e parë ku ajo u ndal lidhet me aktualitetin, mishin e pulës me salmonelë që është një nga temat më shqetësuese.
    Një sasi prej 7.8 ton mish pule e importuar nga Brazili ka rezultuar e kontaminuar me salmonelë, duke krijuar shqetësime serioze për sigurinë ushqimore. Autoritetet, përmes AKU-së, kanë bllokuar 5.2 ton nga importuesi, ndërsa 2.6 ton tashmë janë shpërndarë në treg në 10 qarqe të Shqipërisë.
    Denaj u shpreh se masa e parë e realizuar ishte gjurmueshmëria e produktit për ta tërhequr më pas nga tregu. Ajo tha se në asnjë moment nuk do të reshtë informimi për të siguruar qetësinë dhe informimin publik.
    Ministja shtoi se raste të tilla i vendosin institucionet para përgjegjësisë për të ndryshuar organizimin e brendshëm dhe përmirësuar sistemet e gjurmueshmërisë dhe kontrollit.

    Anila Denaj: Sigurisht ushqimi është i rëndësishëm të jetë i sigurt dhe të gjithë institucionet e garantojnë këtë siguri. Ministria që unë përfaqësoj dhe institucionet kanë në tagrin e tij juridik dhe përgjatë gjithë viteve janë përpjekur për ta siguruar këtë të plotë. Salmonela dhe shumë sëmundje të tjera të cilat vijnë nga bimët dhe nga kafshët, në vitet e fundit, në Evropë dhe në gjithë botën janë rritur. Unë dua të them vetëm një shifër që vetëm vitin e shkuar në Evropë, rastet e salmonelës ishin 77 mijë, krahasuar me një vit më parë, 65 mijë, pra është një situatë që ndeshet kudo dhe të gjithë marrin masa. Masa që është realizuar në mbrojtje të të gjithë sistemit është raportimi i gjithë institucioneve të Evropës në një sistem ku ne menjëherë marrim informacion.
    Në rastin konkret, baza e riskut që vlerësohet në drejtorinë e AKU-së, bëri që me marrjen e një mostre dhe një analize, të evidentojë te një ngarkesë dhe në mënyrë të menjëhershme u realizua gjurmueshmëria, por u gjendëm përpara disa vështirësive dhe për këtë arsye e referuam rastin në prokurori. Në asnjë mënyrë nuk reshtim të japim informacion sepse informacioni duhet të jetë për publikun një instrument qetësie dhe sigurie, por në raport me sasitë të cilat spekulohen në media, unë do të doja të flisnin organet të cilat e kanë këtë proces në gjurmueshmëri dhe këtu janë më shumë sesa një, më shumë sesa Ministria e Bujqësisë, por njëkohësisht të garantojë që pjesa e gjurmueshmërisë është edhe për të tërhequr gjithë produktin nga tregu dhe për të mos lejuar konsumin e tij.
    Masat parandaluese përtej të tjerave, janë edhe në përdorimin e ushqimit të sigurt në konsum ku lexohet etiketa, ku vleftësohet blerja e produktit të sigurt në markete, por raste të tilla të ngjashme na vënë përpara përgjegjësisë për të ndryshuar disa organizime të brendshme dhe unë dua të theksoj që një nga organizimet e brendshme është një rritje e ndërgjegjësimit të inspektoriatit në rastin konkret të AKU-së, por jo vetëm, në reagim të menjëhershëm që në momentin e parë dhe riorganizimi i inspektoriateve që është në frymë të një ligji të ri të aprovuar në shtator të vitit të kaluar në parlamentin e Shqipërisë, besoj që të gjitha sistemet e gjurmueshmërisë dhe kontrollit do t’i përmirësojmë në vijim. Ka debate pafund për këtë çështje, besoj që kërkon më shumë kohë për ta shpjeguar, AKU dhe shumë institucione të inspektoriatit, tani që do të bashkohen, krijojnë punën e tyre në bazë të sistemeve, kontrollit dhe gjurmueshmërisë, rrisin në mënyrë të padiskutueshme dhe përafrojnë më shumë këto metodika me ato të Bashkimit Europian./tvklan.al

  • Eriselda Zotaj: Institucionet Dështojnë, Fermeri Falimenton, Qytetari Helmim në Treg!

    Eriselda Zotaj: Institucionet Dështojnë, Fermeri Falimenton, Qytetari Helmim në Treg!

    Eriselda Zotaj, kandidate për deputete në Qarkun Fier, reagon me tone të forta ndaj krizës së luleshtrydheve

    Pas skandalit të tre ngarkesave me luleshtrydhe të importuara nga Greqia, të cilat rezultuan të kontaminuara me pesticide të rrezikshme, tregu shqiptar është tronditur nga pasojat që prekin drejtpërdrejt si shëndetin e konsumatorëve, ashtu edhe mbijetesën e fermerëve vendas. Reklama në FieriWeb – “VEGA GROUP”

    Në Frakull të Fierit, çmimi i luleshtrydhes ka rënë në mënyrë drastike nga 150 lekë për kilogram në vetëm 40 lekë. Fermerët kanë protestuar mesditën e sotme, duke hedhur prodhimin përtokë dhe në lumin Vjosë, si shenjë revolte ndaj indiferencës së institucioneve.Reklama në FieriWeb – “VODAFONE ALBANIA”

    Në një deklaratë publike, Eriselda Zotaj, kandidate për deputete në Qarkun Fier, ka reaguar ashpër ndaj situatës:

    “Institucionet DËSHTOJNË të mbrojnë shëndetin e konsumatorit dhe fermerin shqiptar! Në Frakull, mundi dhe djersa e një viti të tërë po shkojnë dëm. Kjo është pasojë direkte e papërgjegjshmërisë së drejtuesve që heshtin, që lejojnë hyrjen e helmimit në treg dhe që braktisin prodhuesin vendas.”

    Ajo bën thirrje për një reagim qytetar në zgjedhjet e ardhshme:Reklama në FieriWeb – “PASTIÇERI “RUSTEMAJ”

    “Fermeri paguan me falimentim, qytetari me shëndetin! Më 11 Maj i ndëshkoni me votë! Vota juaj është arma më e fortë kundër padrejtësisë dhe abuzimit!”

    Kjo deklaratë vjen në një kohë kur besimi i qytetarëve te institucionet kontrolluese të ushqimeve është në rënie të ndjeshme, ndërsa kriza në bujqësi po thellohet nga mungesa e ndërhyrjeve konkrete.

  • Radoiçiç tenton të sabotojë institucionet e Kosovës, nis shantazhet ndaj përfaqësuesve të komuniteteve

    Radoiçiç tenton të sabotojë institucionet e Kosovës, nis shantazhet ndaj përfaqësuesve të komuniteteve

    Millian Radojçiq, një figurë e njohur për lidhjet e tij me grupe kriminale dhe shpallur terrorist nga institucionet e Kosovës, është duke ndërmarrë veprime destabilizuese për të penguar zhvillimin e institucioneve demokratike në Kosovë. Sipas mediave në Kosovë, ai po tenton të shantazhojë përfaqësues të komuniteteve joshumicë dhe të ushtrojë ndikim përmes kërcënimeve ndaj individëve të caktuar, me qëllimin për të zgjeruar në heshtje grupin parlamentar të Listës Serbe dhe për të bllokuar formimin e institucioneve të reja.
    Radojçiq, i cili udhëheq në mënyrë faktike Listën Serbe, është akuzuar gjithashtu për ndërhyrje në zgjedhje dhe për organizimin e strukturave kriminale, duke shfrytëzuar këto grupe për të penguar integrimin institucional të Kosovës. Përveç shantazheve, ai dyshohet për përpjekje për të orkestruar protesta dhe për të përdorur grupe të maskuara kriminale dhe terroriste për të mbështetur agjendat destabilizuese të Beogradit dhe të Presidentit Vuçiq.
    Veprimet e tij janë alarmuar nga strukturat e sigurisë, që kanë kapur biseda të incizuara që dëshmojnë përpjekjet për të ushtruar presion të drejtpërdrejtë. Burimet ndërkombëtare kanë shprehur shqetësim të thellë për këto zhvillime, duke theksuar se veprimet e Serbisë kanë kaluar “vijat e kuqe” dhe se çdo tolerim i mëtejshëm është i papranueshëm për partnerët ndërkombëtarë të Kosovës.

  • Raporti i SPAK: Kemi pasur presion nga krimi dhe politika

    Raporti i SPAK: Kemi pasur presion nga krimi dhe politika

    SPAK ka publikuar raportin vjetor për 2024, duke evidentuar sfidat dhe presionet me të cilat është përballur gjatë vitit.
    Në raport theksohet se Prokuroria e Posaçme ka qenë objekt i ndërhyrjeve nga krimi i organizuar, politika dhe media, gjë që ka ndikuar në pavarësinë e institucionit dhe efektivitetin e hetimeve.
    SPAK kërkon një reagim më të koordinuar nga institucionet përgjegjëse për të garantuar mbrojtjen e integritetit të prokurorëve dhe proceseve hetimore. Një tjetër shqetësim i ngritur është numri i ulët i referimeve për korrupsion dhe krim të organizuar nga institucionet publike dhe Policia e Shtetit.
    SPAK kërkon përmirësimin e bashkëpunimit dhe rritjen e angazhimit të këtyre institucioneve në luftën kundër krimit.

  • ‘PS- PD mund të zhdukin institucionet e reja të drejtësisë’, Qori: Partitë e vjetra kanë humbur legjitimitetin

    ‘PS- PD mund të zhdukin institucionet e reja të drejtësisë’, Qori: Partitë e vjetra kanë humbur legjitimitetin

    Kryetari i Lëvizjes Bashkë, Arlind Qori, ka komentuar mbi zgjedhjet e ardhshme parlamentare, duke deklaruar se partitë tradicionale Partia Socialiste (PS) dhe Partia Demokratike (PD) kanë humbur seriozitetin dhe raportin organik me shoqërinë. Ai argumentoi se qytetarët nuk kanë më besim tek këto forca politike, ndërsa Lëvizja Bashkë synon të sjellë një ndryshim thelbësor.
    Qori theksoi se programi politik i partisë së tij është i majtë, me fokus në shëndetësi, arsim, kujdes social dhe të drejtat e punëtorëve. Ai akuzoi partitë e mëdha për mosveprim ndaj oligarkisë ekonomike dhe shkeljeve të të drejtave të punëtorëve, duke pohuar se Kodi i Punës është ligji më pak i zbatuar në Shqipëri.
    Duke folur për skenën politike, ai e cilësoi ndarjen qeveri-opozitë si fiktive, duke pretenduar se PD dhe PS shpesh bashkëpunojnë për çështje kyçe. Sipas tij, ekziston një rrezik real që pas zgjedhjeve këto dy parti të ndryshojnë reformën në drejtësi, duke zhbërë institucionet e reja të drejtësisë.
    Qori gjithashtu kritikoi fragmentimin e opozitës së djathtë, duke vënë në dukje se në fletën e votimit do të ketë 9 parti të djathta dhe vetëm një parti të majtë, që sipas tij tregon mungesën e qartësisë programore të opozitës.
    “Çdo gjëje i vjen fundi. Fatmirësisht edhe të keqes i vjen fundi. 35 vjet janë shumë. Partitë e vjetra i kanë ezauruar forcat e tyre, kanë humbur dimensionin e seriozitetit dhe të raportit organik me shoqërinë. Sot partitë e vjetra, PS-ja dhe PD-ja, janë tërësisht ilegjitime, në kuptimin që asnjë njeri që takon në rrugë nuk të thotë që unë votoj me bindje për to. Unë mendoj që kësaj radhe kanë për të qenë shumë herë më pak se kurdoherë tjetër, sepse kriza e legjitimitetit politik dhe moral të këtyre partive sa vjen e theksohet.
    Ne duam ta transformojmë shtetin në një shtet zhvillimor, që mëkëmb shëndetësinë, arsimin, kujdesin social, vendos minimumin jetik. Gjithashtu jemi për një shtet të së drejtës, që me seriozitet lufton korrupsionin, evazionin fiskal, informalitetin në punë e shumëçka tjetër. Mirëpo asgjë nga këto nuk është e realizueshme nëse shoqëria nuk merr pjesë. Për ne politika nuk është thjesht komandë nga lart-poshtë, por është përfshirje, pjesëmarrje në jetën politike, sociale, ekonomike, sepse pa përfshirjen e qytetarëve edhe idetë më të mira do të mbesin në baltovinën e burokratizmit politik dhe të neglizhencës, siç jemi mësuar. Partitë e tjera kanë qenë gjithmonë të heshtura, të mekura kur ka qenë puna për të folur për oligarkinë ekonomike, për të denoncuar kapjen e shtetit nga oligarkia ekonomike. Ne jemi e vetmja parti që shtrojmë për zgjidhje çështjen e të drejtave në punë. Punëtorët janë me qindra mijëra në Shqipëri dhe janë totalisht të braktisur nga shteti. Ligji më pak i zbatuar sot në Shqipëri është Kodi i Punës,” u shpreh Qori.
    Mua më çudit fakti që në fletën e votimit ka për të pasur 9 parti që deklarohen se janë të djathta, 1 parti si Partia Socialiste që deklarohet përtej së majtës dhe së djathtës dhe 1 parti që deklarohet e së majtës, që është Lëvizja Bashkë. Mua vërtet më çudit pse ato 9 partitë e tjera nuk kanë gjetur gjuhën e përbashkët për të hyrë në një koalicion.
    Ndarja e sotme qeveri-opozitë është një ndarje fiktive, sepse një pjesë e mirë e partive opozitare hera-herës bashkëqeverisin me Partinë Socialiste, sidomos kur vjen puna te ligjet e rëndësishme. Ka një probabilitet shumë të lartë që pas zgjedhjeve, PD dhe PS, nëse do të kenë së bashku një shumicë kushtetuese, do të ndryshojnë ligjet e reformës në drejtësi, duke zhdukur institucionet e reja të drejtësisë,” tha Qori.

  • Skandali me mishin e pulës me salmonelë, Reagon ministrja Denaj: S’bëhet politikë me ushqimin

    Skandali me mishin e pulës me salmonelë, Reagon ministrja Denaj: S’bëhet politikë me ushqimin

    Ministrja e Bujqësisë dhe Zhvillimit Rural, Anila Denaj, duke folur ekskluzivisht për Euronews Albania, para një takimi të Kryeministrit Edi Rama me shqiptarët në Athinë, u prononcua dhe në lidhje me filetot e bllokuara për shkak të përmbajtjes së salmonelës.
    Sipas ministres, AKU ka kryer detyrën e saj sipas protokolleve dhe është e angazhuar për të garantuar sigurinë ushqimore.
    Denaj theksoi ka pasur reagim por se nuk duhet të politizohet çështja e ushqimit dhe se rasti duhet të shqyrtohet nga institucionet përkatëse.
    “Është gjithmonë kënaqësi të jesh në Athinë me bashkëatdhetarët. Situata e AKU është e qartë; agjencia ka kryer detyrën dhe ka realizuar kontrollet e nevojshme. Sigurisht, lajmi është bërë publik, janë konfirmuar përgjigjet e analizave dhe i gjithë zinxhiri i kontrollit, për të cilin AKU ka denoncuar ata që kanë shkelur protokollet.

    Çështja i takon insitucioneve si krimi ekonomik, policia që duhet të japin gjykimin përkatës. Nuk bëhet politikë me ushqimin, është shumë e rëndësishme që të verifikohen prononcimet në media nga institucionet shtetërore. Jo vetëm që kemi reaguar, por gjithashtu i kemi çuar çështjet përpara institucioneve. Por, politikë me ushqimin nuk bëhet, institucionet janë aty për të garantuar zbatimin e protokolleve, të cilat janë të shkruara dhe të zbatuara nga ne. Jam gjithmonë në shërbim të sqarimit, por vetëm për publikun”, deklaroi Denaj.