Lajmidites.com

Tag: institucional

  • Lamallari uron kreun e ri të SPAK: Ofrojë bashkëpunimin e nevojshëm institucional

    Lamallari uron kreun e ri të SPAK: Ofrojë bashkëpunimin e nevojshëm institucional

    Ministri i Drejtësisë, Besfort Lamallari uron kreun e ri të SPAK, Klodjan Braho. Përmes një deklarate, Lamallari thotë mes të tjerash se Ministria e Drejtësisë mbetet e përkushtuar të ofrojë të gjithë bashkëpunimin e nevojshëm institucional në funksion të forcimit të sundimit të ligjit dhe shtetit të së drejtës.
    Reagimi i plotë 

    I uroj suksese z. Klodian Braho në përgjegjësinë e re si drejtues i Prokurorisë së Posaçme kundër Korrupsionit dhe Krimit të Organizuar. Pavarësia e prokurorëve, integriteti, maturia, profesionalizmi dhe forcimi i bashkëpunimit kombëtar dhe ndërkombëtar janë vërtet sfida të vazhdueshme të një institucioni kaq të rëndësishëm për vendim, i cili ruan dhe rrit besimin e publikut përmes forcës së parimeve dhe standardeve.

    Vlerësim gjithashtu për z. Altin Dumani për punën dhe rezultatet domethënëse gjatë drejtimit të tij.

    Ministria e Drejtësisë mbetet e përkushtuar të vijojë bashkëpunimin institucional me SPAK në funksion të forcimit të sundimit të ligjit dhe shtetit të së drejtës.

  • Ngjarje e paprecedentë në sistemin e drejtësisë: Kryetari i GJL nuk ftohet në ceremoninë e betimit të magjistratëve të rinj

    Ngjarje e paprecedentë në sistemin e drejtësisë: Kryetari i GJL nuk ftohet në ceremoninë e betimit të magjistratëve të rinj

    Mungesa e ftesës për Kryetarin e Gjykatës së Lartë, njëkohësisht Kryetar i Këshillit Drejtues të Shkollës së Magjistraturës, në ceremoninë e betimit të magjistratëve të rinj – gjyqtarëve që kanë përfunduar Shkollën e Magjistraturës – ngre pikëpyetje serioze mbi respektin institucional dhe marrëdhëniet brenda vetë sistemit të drejtësisë.
    Në ceremoninë solemne të betimit të magjistratëve të rinj, gjyqtarëve që kanë përfunduar Shkollën e Magjistraturës, është vënë re një mungesë e pazakontë: Kryetari i Gjykatës së Lartë të Republikës së Shqipërisë, z. Sokol Sadushi, nuk ishte i ftuar të merrte pjesë, ndonëse në cilësinë e tij si Kryetar i Këshillit Drejtues të Shkollës së Magjistraturës ai është autoriteti që nënshkruan diplomat që iu dorëzohen magjistratëve të sapoemëruar.
    Ky fakt, i konfirmuar nga disa burime të ndryshme nga sistemi gjyqësor, është cilësuar si një akt i pashpjegueshëm institucionalisht dhe i paprecedent në historinë e drejtësisë shqiptare.
    Mungesa e ftesës për përfaqësuesin më të lartë të pushtetit gjyqësor në një ngjarje që lidhet drejtpërdrejt me procesin e formimit dhe certifikimit të gjyqtarëve të rinj, ngre pikëpyetje mbi standardet e bashkëpunimit dhe respektit ndërinstitucional në sistemin e drejtësisë.
    Sipas burimeve, kjo sjellje shihet si një sinjal mosbashkëpunimi, ndoshta edhe si një reagim i heshtur ndaj kritikave që z. Sadushi ka artikuluar së fundmi ndaj Këshillit të Lartë Gjyqësor (KLGJ).
    Në fjalimin e tij gjatë Mbledhjes së Gjyqtarëve të Republikës më 9 tetor 2025, Kryetari i Gjykatës së Lartë kishte theksuar me forcë detyrimin kushtetues të këtij organi për të vepruar, e jo për të heshtur, duke thënë ndër të tjera:
    “KLGJ duhet të kuptojë rolin që i ka dhënë Kushtetuta, jo për të qëndruar në hije, por për të folur me forcë, dinjitet dhe për t’u përballur në emër të gjithë gjyqësorit… Është organ qeverisës, jo zyrë teknike; përfaqësues i sistemit, jo zgjatim i heshtjes institucionale.”
    Ndërsa në fjalimin e tij më të fundit, më 21 tetor 2025, z. Sadushi theksoi se faza e re e sistemit të drejtësisë kërkon më shumë lidership institucional dhe integritet personal, duke paralajmëruar se mungesa e kulturës së bashkëpunimit e zbeh frymën e reformës:
    “Kultura e përgjegjësisë dhe e bashkëpunimit institucional është ende në proces formimi… Për të përmbushur misionin e reformës, nevojiten drejtues që shohin përtej funksionit administrativ dhe e kuptojnë drejtësinë si shërbim ndaj qytetarit, jo si status personal.”
    Ky qëndrim, i cilësuar gjerësisht si një thirrje për pjekuri institucionale dhe për ta kthyer reformën në kulturë bashkëpunimi, e bën edhe më të rëndë domethënien e mospërfshirjes së tij në një ceremoni që lidhet pikërisht me misionin e përbashkët të institucioneve të drejtësisë.
    Në një postim të mëhershëm në rrjetin “LinkedIn”, z. Sadushi kishte uruar magjistratët e rinj për fillimin e karrierës së tyre, duke nënvizuar se ndonëse nuk ishte i ftuar, ndiente të njëjtin respekt dhe gëzim për këtë moment solemn.
    Ai kishte theksuar se ngjarje të tilla duhet të pasqyrojnë “pjekuri, bashkërendim dhe respekt ndaj drejtësisë” — një mesazh që sot tingëllon edhe më domethënës në sfondin e kësaj mospërfshirjeje.
    Analistë të drejtësisë e shohin këtë episod si një provë të brishtësisë së marrëdhënieve institucionale brenda vetë sistemit të drejtësisë pas reformës, ku bashkëpunimi dhe respekti ndërmjet organeve kushtetuese të gjyqësorit duhet të jenë shtylla themelore të integritetit institucional, jo përjashtimi apo heshtja.Në një kohë kur drejtësia shqiptare përballet me sfida të mëdha për besueshmëri dhe integritet, veprime të tilla simbolike rrezikojnë të dërgojnë mesazhin e gabuar për publikun dhe për vetë trupën e re të magjistratëve: se bashkëpunimi institucional ende nuk është bërë kulturë.
    Në plan më të gjerë, përjashtimi i Kryetarit të Gjykatës së Lartë nga një ceremoni që lidhet drejtpërdrejt me betimin e gjyqtarëve të rinj që kanë përfunduar Shkollën e Magjistraturës, bie ndesh me etikën institucionale dhe me standardet që kërkon një sistem gjyqësor modern dhe evropian.
    Në një shtet të së drejtës, respekti ndërmjet institucioneve është forma më e lartë e bashkëpunimit, dhe mungesa e tij jo vetëm që dëmton imazhin e drejtësisë, por minon edhe besimin publik në pjekurinë e vetë sistemit.
    Në këtë kuptim, kjo ngjarje nuk është thjesht një incident ceremonial, por një simptomë që kërkon reflektim të thellë institucional mbi mënyrën se si ndërveprojnë dhe si e respektojnë njëri-tjetrin organet e drejtësisë shqiptare.

  • Kryetarja e Kushtetueses: Një gjykatë që nuk guxon, është thjesht dekor institucional

    Kryetarja e Kushtetueses: Një gjykatë që nuk guxon, është thjesht dekor institucional

    Në fjalën e saj përpara përfaqësuesve të Kuvendit, Qeverisë, Këshillit të Evropës dhe Komisionit të Venecias, gjatë aktivitetit me temë “30 vite partneritet dhe progres: Shqipëria, Këshilli i Evropës dhe Komisioni i Venecias”, të organizuar në Tiranë, Zaçaj theksoi rëndësinë jetike të drejtësisë kushtetuese për garantimin e të drejtave themelore dhe ruajtjen e ekuilibrave demokratikë.
    Të drejtat e njeriut, tha ajo, nuk janë ideologji apo mendime abstrakte, por pjesë përbërëse e qenies sonë që marrin kuptim vetëm përmes zbatimit të tyre nga institucionet publike.
    Duke vënë theksin te bashkëpunimi afatgjatë me Komisionin e Venecias, Kryetarja e Gjykatës Kushtetuese u shpreh: “Në këto tri dekada, Komisioni i Venecias ka qenë një partner thelbësor në konsolidimin e sistemit tonë kushtetues dhe në mbrojtjen e të drejtave themelore të njeriut. Ky bashkëpunim ka ndihmuar në rritjen e profesionalizmit dhe legjitimitetit të institucioneve tona, duke forcuar themelet e shtetit të së drejtës.”
    Zaçaj vijoi fjalën e saj duke theksuar se “kërkimi i një opinioni këshillimor duhet të ndodhë paraprakisht, jo si mjet për të kontestuar një vendimmarrje të dhënë. Kjo është thelbësore për të ruajtur autoritetin institucional të Gjykatës dhe për të respektuar ndarjen e pushteteve”
    Kryetarja e Kushtetueses vlerësoi gjithashtu rolin udhëzues të Komisionit të Venecias si një pikë referimi për standardet evropiane në fushën e të drejtës kushtetuese, duke rikonfirmuar angazhimin e Gjykatës Kushtetuese për të vijuar dhe forcuar këtë partneritet të rëndësishëm institucional.
    “Koha e drejtësisë kushtetuese shqiptare si partnere e plotë evropiane ka ardhur”, përfundoi fjalën e saj kreu i Kushtetueses.

  • Socialistët miratojnë ndryshimet në Rregullore, opozita braktis seancën: Shkelje e Kushtetutës dhe puç institucional

    Socialistët miratojnë ndryshimet në Rregullore, opozita braktis seancën: Shkelje e Kushtetutës dhe puç institucional

    Kuvendi i Shqipërisë ka miratuar sot me 79 vota pro ndryshimet në Rregulloren e Parlamentit, një veprim që është kundërshtuar ashpër nga opozita e pranishme në seancë. Menjëherë pas fjalës së kryetarit të PD-së, Sali Berisha, i cili kërkoi tërheqjen e mazhorancës nga kjo procedurë, deputetët opozitarë braktisën sallën.

    Kryetari i Kuvendit, Niko Peleshi, theksoi se me këtë vendim, parlamenti miratoi ngritjen e 11 komisioneve të përhershme, me emërtime dhe fusha të reja përgjegjësish.
    Qëndrimi i Opozitës: “Shkelje e Kushtetutës dhe puç institucional”
    Opozita e cilësoi këtë veprim si një “shkelje të hapur të Kushtetutës”, duke theksuar se ndryshimet në rregullore duhet të ndjekin të njëjtën procedurë si projektligjet, duke përfshirë një afat prej të paktën shtatë ditësh për shqyrtim të përshpejtuar.
    Gazment Bardhi, kreu i grupit parlamentar të PD-së, argumentoi se “vendi nuk është në gjendje lufte” që ndryshimet të kalojnë me procedurë të përshpejtuar. Ai shtoi se kjo është një shkelje e parashikuar nga Neni 83, pika 2 e Kushtetutës.
    Sali Berisha e cilësoi veprimin si një “provokacion të ulët” dhe një “puç institucional” që sipas tij dhunon vullnetin e qytetarëve.
    Deputetët Oerd Bylykbashi dhe Erisa Xhixho gjithashtu u shprehën se vendimi është i paligjshëm dhe kërkuan që ndryshimet të rikthehen për diskutim të përbashkët.
    Mazhoranca: Nuk kemi kohë për të humbur
    Përballë akuzave të opozitës, mazhoranca socialiste mbrojti vendimin, duke theksuar se ndryshimet synojnë efikasitetin në punën parlamentare dhe përmbushjen e objektivave madhorë.
    Blendi Klosi, sekretar i përgjithshëm i PS-së, tha se ndryshimet nuk janë vendosur në Asamblenë e PS-së, por janë bërë për të përmbushur objektivin e anëtarësimit në Bashkimin Europian deri në vitin 2030. Ai theksoi se “ne nuk kemi kohë për të humbur”.
    Taulant Balla, kreu i grupit socialist, hodhi poshtë pretendimin se opozitës i janë hequr komisione, duke thënë se “i kemi shtuar më shumë fusha përgjegjësie dhe i kemi shtuar fusha jetike,” siç janë komisionet për arsimin, shëndetësinë dhe të drejtat e njeriut. Ai përfundoi duke theksuar se ndryshimet shërbejnë për një transformim të domosdoshëm të organizimit të Kuvendit.

  • Diella, roboti që do të komandohet nga kodet dhe algoritmi

    Diella, roboti që do të komandohet nga kodet dhe algoritmi

    Shpikja e Diellës si ministre digjitale për prokurimet publike në Shqipëri përfaqëson një akt të pazakontë institucional, një eksperiment që në pamje të parë premton transparencë, automatizim dhe eliminim të korrupsionit. Por në thelb, ky avatar digjital ngre një sërë pikëpyetjesh të thella mbi natyrën e pushtetit, kontrollin e algoritmeve, dhe rrezikun e fasadave teknologjike që maskojnë mungesën e vërtetë të reformës. Dobësitë e kësaj shpikjeje nuk janë thjesht teknike apo funksionale; ato janë strukturore, simbolike dhe groteske në vetë mënyrën se si pushteti përpiqet të shpikë një “moral të ri” përmes kodit.
    Së pari, Diella nuk është një entitet i pavarur. Ajo është një produkt i programuar nga një ekip njerëzor, i cili nuk është transparent për publikun. Kush e ka shkruar kodin e saj? Kush ka vendosur parametrat e “ndershmërisë”? Nëse një ministër i vërtetë mund të merret në pyetje, të japë llogari, të përballet me SPAK, Diella është e paprekshme. Ajo nuk mund të thirret në komision parlamentar, nuk mund të japë intervista, nuk mund të përballet me gazetarë investigativë. Kjo e bën atë një entitet të mbyllur, të pakontrollueshëm, që operon në një sistem ku llogaridhënia është e simuluar, jo reale.
    Së dyti, Diella nuk ka ndjeshmëri institucionale. Ajo nuk kupton kontekstin politik, presionin publik, tensionin social. Një algoritëm mund të vlerësojë ofertat sipas kritereve teknike, por nuk mund të kuptojë kur një kompani është e lidhur me një oligark, kur një tender është pjesë e një skeme patronazhi, kur një ofertë është formalisht korrekte por politikisht e manipuluar. Kjo mungesë e intuitës institucionale e bën Diellën të verbër ndaj hipokrizisë që shpesh fshihet pas dokumenteve të rregullta.
    Së treti, shpikja e Diellës është një akt teatral, një performancë digjitale që synon të krijojë iluzionin e reformës. Në vend që të forcohet SPAK, të rritet pavarësia e institucioneve, të mbështeten gazetarët investigativë, qeveria zgjedh të krijojë një avatar. Kjo është një formë e re e “teatrit institucional”, ku reforma nuk ndodh, por simulohet. Diella nuk është zgjidhje, por narrativë. Ajo është një figurë që shërben për të zhvendosur vëmendjen nga dështimet reale të sistemit të prokurimeve.
    Së katërti, Diella është e rrezikshme sepse krijon një precedent. Nëse një ministër mund të zëvendësohet me një avatar, kush e ndalon pushtetin që nesër të zëvendësojë gjykatësit, prokurorët, madje edhe deputetët? Kjo nuk është thjesht digjitalizim; është një formë e re e kontrollit, ku pushteti nuk ka më nevojë për njerëz, por për kode të bindura. Diella nuk proteston, nuk ka sindikatë, nuk ka opinion. Ajo është e programuar për të zbatuar, jo për të kundërshtuar. Ky është një model autoritar i teknologjisë, ku algoritmi bëhet instrument i pushtetit, jo garant i lirisë.
    Së pesti, Diella është një shpikje që nuk ka verifikim të jashtëm. Nuk ka auditim të pavarur mbi vendimet e saj, nuk ka mekanizma për të kuptuar nëse ajo favorizon një kompani apo jo. Nëse një vendim i saj është i gabuar, kush mban përgjegjësi? Programuesi? Ministria? Kryeministri? Apo askush? Kjo mungesë e përgjegjësisë e bën Diellën një entitet të papërgjegjshëm, një ministër pa llogari, një zë që flet pa u dëgjuar.
    Së gjashti, Diella është një figurë që mund të manipulohet lehtësisht. Nëse parametrat e saj ndryshohen, nëse algoritmi i saj modifikohet, ajo mund të bëhet instrument i favorizimit të klientelës. Dhe ky manipulim nuk është i dukshëm për publikun. Ndryshe nga një ministër që mund të kapet në përgjime, Diella nuk ka telefon. Ndryshe nga një zyrtar që mund të fotografohet në darka me oligarkë, Diella nuk ka trup. Ajo është e padukshme, e pakapshme, e papërgjegjshme.
    Së fundi, Diella është një shpikje që nuk ka shpirt institucional. Ajo nuk ka histori, nuk ka përvojë, nuk ka lidhje me realitetin shqiptar. Ajo nuk e kupton patronazhin, nuk e ndjen presionin e partisë, nuk e njeh ritualin e pushtetit. Kjo e bën atë një figurë të huaj, një entitet që operon në një vakum moral. Në vend që të ndërtohet një administratë e ndershme, qeveria zgjedh të krijojë një avatar. Në vend që të pastrohet sistemi, krijohet një simulim. Diella nuk është zgjidhje; ajo është simptomë e një sistemi që nuk ka më besim tek njeriu, por tek kodi.
    Në këtë kontekst, Diella nuk është thjesht një shpikje digjitale. Ajo është një metaforë e re e pushtetit: një ministër pa fytyrë, pa zë, pa përgjegjësi. Një grotesk institucional që flet për transparencë, por operon në errësirë. Një akt teatral që premton reformë, por prodhon iluzion. Një algoritëm që nuk mund të korruptohet, por mund të programohet. Dhe ky është rreziku më i madh: kur korrupsioni nuk ndodh më në zyrë, por në kod. Kur patronazhi nuk është më njerëzor, por algoritmik. Kur reforma nuk është më reale, por virtuale. Diella është fillimi i një epoke ku pushteti nuk ka më nevojë për njerëz, por për kode që nuk pyesin, nuk kundërshtojnë, nuk protestojnë. Dhe kjo është dobësia më e madhe e saj.

  • “Emergjente, tejkalimi i ngërçit”/ Situata politike, flet analisti: Kosova përpara kolapsit

    “Emergjente, tejkalimi i ngërçit”/ Situata politike, flet analisti: Kosova përpara kolapsit

    Analisti Burim Ramadani bëri një analizë të plotë të situatë politike aktuale në Kosovë me datën e re të caktuar për zgjedhjen e kryeparlamentarit të Kuvendit. Sipas tij, nëse vijohet me këto ritme Kosova është përpara një kolapsi qoftë institucional, por edhe në aspektin financiar dhe të sigurisë.
    “Është një mundësi e keqe e daljes nga ngërçi, po vazhdon të mbetet e paparashikuara me lëvizjet dhe qëndrimet politike. Nga reagimi i mbrëmshëm, qëndrimi i VV ndaj gjykimit të Gjykatës Kushtetuese ka qenë negative duke e quajtur vendim arbitrat që dëmton demokracinë.
    Përtej qëndrimeve politike dhe interesave partiake, Kosova e ka të domosdoshme tejkalimin e ngërçit dhe nuk ka të bëjë me pengesë ligjore, por është bllokadë politike. Sinjal i keq për mundësinë e daljes nga ngërçi politik.
    Kjo po e çon Kosovën para një kolaps dhe në aspektin institucional dhe atë financiar dhe të sigurisë.”
    Më tej, Ramadani komentoi edhe Gjykatën Kushteuese për të cilën 7 gjyqtarët kanë në dorë ‘fatin’ e çështjeve të rëndësishme dhe nëse një prej tyre mungon, Gjykata nuk trajton asnjë çëhstje. Kjo sipas Ramadanit rrezikon më tepër stabilitetin institucional.
    “Gjykata kushtetuese e ka numrin 9 në gyqtarë, momentalisht edhe për shkak të dështimeve ka vetëm 7 gjyqtar. GJK nuk trajton asnjë rast nëse nuk marrin pjesë 7 gjyqtarë, Kosova në këtë kuptim varet prej së cilit gjyqtar. Kjo e rrezikon edhe më tepër stabilitetin institucional sesaa ngritja
    Konteksti që ësthë bërë është i gabuar dhe rrezikon stabilitetin institucional.”

  • Ngjarja e Gramshit, Partia e Lirisë: Krim institucional, hetim i plotë dhe transparent

    Ngjarja e Gramshit, Partia e Lirisë: Krim institucional, hetim i plotë dhe transparent

    Për helmimin e fëmijëve në kopshtin shtetëror në Gramsh, Partia e Lirisë duke e cilësuar një neglizhencë, papërgjegjshmëri dhe krim institucional, thuhet edhe se të tilla ngjarje vijnë edhe si pasojë e ”kontratave me mik” dhe ku ”kontrollet shtetërore për sigurinë janë vetëm në letër”. Sekretarja për Marrëdhëniet me Publikun, Arla Merja, bëri përgjegjëse autoritetet shtetërore lokale dhe qendrore për këtë ngjarje.
    ”Në një vend ku kontratat publike jepen me mik dhe kontrollet shtetërore për sigurinë janë vetëm në letër, siguria ushqimore është kthyer në një rrezik të përditshëm për qytetarët. Partia e Lirisë shpreh indinjatën më të thellë për ngjarjen e rëndë që ka ndodhur në qytetin e Gramshit dhe që ka tronditur mbarë opinionin publik, ku mbi 70 fëmijë të mitur janë helmuar si pasojë e ushqimit të kontaminuar të ofruar nga një kompani private kateringu në një institucion shtetëror – një kopsht që duhej të ishte një vend i sigurt për të vegjlit tanë”, u shpreh ajo.

    Teksa renditi dhe mungesën e reagimit nga strukturat shtetërore, mungesën e masave dhe organeve ligjzbatuese, PL kërkoi reagim institucional dhe hetim të plotë dhe transparent. Ndërsa kujton se ky nuk është rasti i parë, drejtuesja e lartë e PL-së kërkoi edhe marrjen e disa masave të mënjëhershme.
    ”Hetim të plotë dhe transparent, të menjëhershëm, nga organet e drejtësisë për të zbuluar përgjegjësit institucionalë dhe kontraktorë. Ndërprerje të menjëhershme të kontratës me subjektin privat që ka ofruar ushqimin. Dorëheqje të menjëhershme të drejtuesve vendorë dhe të strukturave përgjegjëse, që kanë dështuar të garantojnë kontrolle bazë ushqimore. Rishikim të të gjitha kontratave të ushqimit në çerdhe dhe kopshte publike në mbarë vendin. Kjo është pasojë direkte e kapjes së shtetit, e kontraktimeve klienteliste dhe mungesës totale të kontrollit”, tha më tej Merja.

  • Kriza politike në Kosovë, LDK propozon qeveri teknike gjithëpërfshirëse

    Kriza politike në Kosovë, LDK propozon qeveri teknike gjithëpërfshirëse

    Lidhja Demokratike e Kosovës (LDK) ka dalë me një propozim konkret për tejkalimin e ngërçit institucional në vend, duke kërkuar krijimin e një qeverie teknike gjithëpërfshirëse, me mandat dhe detyrime të përcaktuara qartë.
    Në një deklaratë për mediat, LDK thekson se është një detyrim politik, moral dhe kushtetues të paraqesë qartazi vizionin dhe qëndrimin e saj për të dalë nga kriza aktuale, që sipas saj është shkaktuar nga paaftësia e partisë së parë për të formuar shumicën parlamentare, zgjedhur kryetarin e Kuvendit dhe konstituuar institucionet.
    “Gjendja e tanishme nuk mund të vazhdojë deri në pafundësi. Çdo vonesë në ndërtimin e institucioneve, çdo ditë me një qeveri në detyrë që vepron përtej kompetencave kushtetuese, deri në shkelje të rënda penale, është dëm për interesin e qytetarëve dhe cenon rëndë rendin kushtetues institucional të vendit”, thuhet në deklaratë.
    LDK vlerëson se propozimi për një qeveri teknike është më i përshtatshmi, dhe se kjo zgjidhje u shërben interesave të qytetarëve dhe rikthimit të funksionimit të rregullt institucional në Kosovë.

  • Kurti i nervozuar pas dështimit: Ky është sulm brenda institucional kundër Republikës

    Kurti i nervozuar pas dështimit: Ky është sulm brenda institucional kundër Republikës

    Kryeministri Kurti, ka reaguar ashpër pas dështimit të seancës konstituive të Kuvendit të Kosovës për shkak mos votimit të raportit të komisioni.
    Kurti është shprehur i nervozuar, duke e quajtur sulm brenda institucional kundër Republikës së Kosovës dhe zgjedhjeve demokratike.
    Tutje ai ka shkruar opozita lan nam, duke dal kundër qeverisë.
    “Deputët e opozitës PDK, LDK, Lista Serbe dhe AAK sot votuan kundër raportit të komisionit për verifikimin e mandateve. Në një votim krejt formal e teknik që bazohet në dokumentacionin e KQZ-së, ata u rebeluan kundër betimit të deputetëve dhe konstituimit të legjislaturës së nëntë.
    Ky është sulm brenda institucional kundër Republikës së Kosovës dhe zgjedhjeve demokratike. Kjo është situatë e paparë në shtetin tonë e shumë më gjerë. Ne qeverisim mbarë e mirë, këta lanë nam e bëjnë lajm të keq për shtetin tonë. Se janë kundër qeverisë e Republikës dihet, por se janë edhe kundër vetvetes, këtë e mësuam sot”, ka shkruar Kurti në Facebook.

    Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
    raportoni këtu.

    JOQ Sondazh

  • Dështimi i seancës konstituive, reagon Kurti: Sulm institucional kundër Republikës

    Dështimi i seancës konstituive, reagon Kurti: Sulm institucional kundër Republikës

    Kreu i LVV, Albin Kurti, ka reaguar për herë të parë pas dështimit të seancës konstituive në Kuvendit të Kosovës, seancë e cila dështoi për shkak të mungesës së votave të mjaftueshme për miratimin e raportit të Komisionit për Verifikimin e Mandateve të deputetëve. Përmes një reagimi në rrjete sociale, Kurti sulmon partitë e opozitës duke e cilësuar dështimin e seancës si një sulm institucional kundër Republikës së Kosovës.
    “Deputët e opozitës PDK, LDK, Lista Serbe dhe AAK sot votuan kundër raportit të komisionit për verifikimin e mandateve. Në një votim krejt formal e teknik që bazohet në dokumentacionin e KQZ-së, ata u rebeluan kundër betimit të deputetëve dhe konstituimit të legjislaturës së nëntë. Ky është sulm brenda institucional kundër Republikës së Kosovës dhe zgjedhjeve demokratike. Kjo është situatë e paparë në shtetin tonë e shumë më gjerë. Ne qeverisim mbarë e mirë, këta lanë nam e bëjnë lajm të keq për shtetin tonë. Se janë kundër qeverisë e Republikës dihet, por se janë edhe kundër vetvetes, këtë e mësuam sot”, thekson Kurti.