Lajmidites.com

Tag: industrisë

  • “Kjo është koha ime më e mirë”! E vërteta shqetësuese e industrisë së seksit, reality show që zbulon tmerret në “OnlyFans”

    “Kjo është koha ime më e mirë”! E vërteta shqetësuese e industrisë së seksit, reality show që zbulon tmerret në “OnlyFans”

    foto ilustruese

    SHBA- E vërteta shqetësuese e errët e industrisë së seksit është zbuluar, ndërsa ajo fillon të shënjestrojë gratë që sapo kanë mbushur 18 vjeç. Detaje janë zbuluar nga rrëfimet e protagonisteve në “Spicy Summer”, një serial show në YouTube që ndjek katër punonjës të OnlyFans ndërsa përpiqen të bëjnë përpara në industri, duke ndjekur XX Academy për të ndihmuar në rritjen e platformave të tyre.
    Në shfaqje shfaqet Willow Ray që njihet edhe si Charlie dhe, 24 orë pas transmetimit të episodit të parë, babai i saj, lideri i NSë Nationals, Dugald Saunders, hoqi dorë nga politika. Në episod u njoftua se katër gratë do të bënin një sfidë fotografike dhe Ray zbuloi se “humori i saj u keqësua” dhe se ishte “e frikësuar”.
    “E dija që do ta bënim me të brendshme”, tha ajo para kameras.
    “Mendoj se kjo më frikësoi shumë sepse e krahasoj veten. Të gjithë kanë trupa shumë të mirë, janë të dobët dhe të gjithë kanë prapanicë e gjoks shumë të bukur. E shikoj veten dhe mendoj ‘Nuk do të jem kurrë aq e bukur sa ti’.”
    Ray zbuloi në emision se e la shkollën kur ishte 13 vjeç për shkak të ngacmimeve të rënda që e lanë të paaftë të ngrihej nga shtrati. Të gjitha komentet e këqija kishin në shënjestër pamjen e saj. Kjo, së bashku me faktin që shihte njerëz që “nuk ngjanin aspak me të” në mediat sociale duke u lavdëruar për pamjen e tyre, e la atë me probleme të rënda të vetëbesimit me trupin.
    Por, në OnlyFans, burrat e komplimentojnë. Diçka që nuk e ka pasur kurrë në jetën reale, pohoi ajo. Çdo grua tjetër u hodh përpjetë për të garuar në sfidë dhe Ray ishte dukshëm e shqetësuar, duke iu dashur të largohej nga dhoma.
    Josh Fox, njeriu që qëndron pas serialit reality shoë, u hodh menjëherë për ta ngushëlluar. Ai tha se e nisi serialin për të eksploruar se si OnlyFans dhe puna seksuale shiten si një ëndërr dhe nuk është aq sa duket. Pas krizës nervore të Ray-t, ai rrëfeu se do të donte që 19-vjeçarja të largohej menjëherë nga platforma dhe nga shfaqja e tij dhe të shkonte në shtëpi.
    “Por ajo nuk do ta bënte dhe unë e dija që nuk do ta bënte, sepse kaq i rrënjosur është koncepti që industria e seksit është një ëndërr tani”, tha ai. “Të rinjtë në thelb po u shpëlahet truri nga algoritmet që të besojnë këtë. Mediat sociale po ua ushqejnë atyre këtë narrativë çdo ditë, pavarësisht nëse duan ta shohin atë përmbajtje apo jo. ëilloë është prova e kësaj.”
    Ai tha se një nga gjërat më të pakëndshme që ka mësuar rreth industrisë së seksit është se njerëzit po numërojnë ditët deri në moshën 18 vjeç, në mënyrë që të mund t’u bashkohen këtyre platformave. Ai tha se krijuesit aktualë po e inkurajojnë këtë linjë të të menduarit. Ai shtoi se kjo do të thotë që asnjë nga këta njerëz që po i bashkohen industrisë nuk ka pasur mundësi të mendojë për pasojat e mundshme.
    Dhe, ai nuk gabon. Secili prej kolegëve të Ray-t në serial bëri një koment për moshën e saj.
    “Sinqerisht, problemi është se sa më e re të jesh, aq më shumë do të fitosh, sepse kjo është ajo që duan burrat. Burrat gjithmonë duan vajzën më të re”, tha njëra prej katër vajzave Maxine Kuerschner.
    Ndërkohë, Arabella Mia tha: “Nëntëmbëdhjetë vjeç është ideale. Në këtë industri, bëhesh MILF në moshën 23 vjeç, kështu që ajo duhet të fitojë vetëbesimin tani për të nxjerrë maksimumin dhe për të vënë në lëvizje atë plan të mirë biznesi. Ajo ka shumë për të mësuar.”
    Rhys, një nga burrat që fshiheshin pas XX Academy, e tërhoqi Ray-n mënjanë për t’i kujtuar asaj “avantazhin masiv” që ajo kishte ndaj grave të tjera në shfaqje.
    Ray tha se e di që njerëzit besojnë se është shumë e re për të qenë në këtë industri, por, tha ajo, në fund të fundit ajo ishte ligjërisht e rritur. “Kjo është koha ime më e mirë. Burrat i duan krijuesit e përmbajtjes adoleshente dhe janë të gatshëm të paguajnë shumë para për këtë.”
    Fox e quajti të gjithë këtë gjë “të pakëndshme” dhe tha se pyetjet duhet t’u drejtohen burrave që kanë krijuar këtë kërkesë për “rini dhe pafajësi” në punën seksuale – duke i bërë 18-vjeçarët të hidhen në platformë.
    Dhe nuk është vetëm numërimi mbrapsht i ditëve derisa një fëmijë i mirëfilltë të arrijë legalitetin në sytë e ligjit. Arabella zbulon se shpesh i kërkohet të pozojë me veshje nxënëseje. Burrat madje i thonë “më kujton vajzën time”. 27-vjeçarja tha se nuk është sjellë kurrë më e re se sa është në platformë dhe se gjithmonë ka qenë krenare për moshën e saj. Ndërkohë, Kuerschner zbuloi se kur punonte në një klub striptizmi, një burrë e kishte rezervuar për gjashtë orë. Gjatë gjithë kohës ai i thoshte vazhdimisht sa e bukur ishte dhe sa shumë donte të kryente aktivitet seksual me të.
    Gratë thanë se shpesh u tregohen sekretet më të thella dhe më të errëta të burrave në platformë. Ideja që burrat fiksohen pas rinisë nuk është për t’u habitur, duke pasur parasysh që personazhe të famshëm si Natalie Portman i nënshtrohen një “orë numërimi mbrapsht” për ditëlindjen e saj të 18-të. Është raportuar më parë se 1.2 milion gra amerikane midis moshës 18 dhe 24 vjeç janë në OnlyFans./ZËRI

  • U mor nën hetim nga Prokuroria e Kosovës për shpërdorim detyre, reagon ministrja e Industrisë: Ndihem krenare për …

    U mor nën hetim nga Prokuroria e Kosovës për shpërdorim detyre, reagon ministrja e Industrisë: Ndihem krenare për …

    Prokuroria Speciale e Kosovës dorëzoi këtë të martë në Gjykatën Themelore një aktakuzë ndaj ministres në detyrë të Industrisë, Ndërmarrësisë dhe Tregtisë, Rozeta Hajdari, si dhe ndaj dy zyrtarëve të tjerë, për keqpërdorimin e dyshuar të rezervave shtetërore.
    Menjëherë pas këtij njoftimi, ka ardhur dhe reagimi i ministres Hajdari, e cila me anë të një postimi në rrjetet sociale se sapo ta ketë pranuar të plotë dokumentin e aktakuzës, atëherë do të deklarohet më gjerësisht për mediat.“Të nderuar qytetarë,
    Sapo u njoftova nga avokati im, për dorëzimin e aktakuzës nga Prokuroria Speciale në Gjykatën Themelore në Prishtinë, lidhur me çështjen e kontraktimit të rezervave shtetërore, proces ky tepër i rëndësishëm për të gjithë ne.
    Sapo ta kem pranuar të plotë dokumentin e aktakuzës do të deklarohem më gjerësisht për media.
    Unë ndihem krenare për punën që kam bërë si ministre e Industrisë, Ndërmarrësisë dhe Tregtisë, në kohën më të vështirë – sigurimin e rezervës shtetërore të mallrave, me produktet esenciale për jetesë, në kohën kur ishim të pambrojtur, gjatë muajve shkurt dhe mars 2022″, shkruan Hajdari.

  • Kosova prodhon dronin e parë ‘Skifteri’, Kurti: Po ndërtojmë të ardhmen e industrisë së mbrojtjes (FOTO)

    Kosova prodhon dronin e parë ‘Skifteri’, Kurti: Po ndërtojmë të ardhmen e industrisë së mbrojtjes (FOTO)

    Kryeministri në detyrë, Albin Kurti, ka përuruar sot dronin e parë të prodhuar në Kosovë, “Skifteri”, i ndërtuar nga kompania “Future Minds Academy” në Gjilan.
    Në një postim në Facebook, Kurti ka theksuar se ky është një hap i rëndësishëm drejt zhvillimit të industrisë vendore të mbrojtjes dhe prodhimit të dronëve.
    “Të ardhmen e industrisë së mbrojtjes dhe avancimit të dronëve luftarakë po e ndërtojmë e zhvillojmë edhe në Kosovë. Shteti ynë po shndërrohet në vend që prodhon. Në Gjilan, bashkë me kryetarin Hyseni, vizituam kompanitë e prodhimit të dronëve ushtarak “Skifteri” dhe dronët civil, nga “Future Minds Academy” dhe MIGA SkyShield MAR.
    “Made in Gjilan” përveçse natyrisht “Made in Kosova”. Droni kamikaz “K1”, arrin shpejtësi maksimale prej 180km/h e lartësi deri në 2500 metra. Ndërsa “Skifteri” arrin në 5000 metra lartësi, hapësirë operuese 20km dhe shpejtësi prej 270km/h.
    Në mbrojtje e siguri kemi investuar duke blerë nga shtetet tona mike dhe partnere dronët Bayraktar TB-2, Puma dhe së fundmi dronët kamikazë Skydagger. Tash dronët luftarakë po i prodhojmë edhe vetë. Si qeveri, edhe në nivel qendror edhe lokal, do ta mbështesim dhe përkrahim ngritjen e kapaciteteve dhe prodhimtarisë, gjersa nuk do t’i ndalim investimet për mbrojtje e siguri”.

  • SYRI TV/ Industria ka hyrë zyrtarisht në recesion, shkak rritja e kostove të operimit

    SYRI TV/ Industria ka hyrë zyrtarisht në recesion, shkak rritja e kostove të operimit

    Nga SYRI TV
    Sektori i industrisë hyri zyrtarisht në recesion në vitin 2024, ndërsa tendenca u përkeqësua dhe në pjesën e parë të viti 2025.

    Të dhënat e INSTAT bënë të ditur se industria në total pësoi rënie me 4.55% në vitin 2024, hera e parë me ecuri negative që nga periudha e pandemisë, kur tkurrja ishte 7.32%. Industria përpunuese u reduktua me 3.65%, me ecuri më negative sesa gjatë periudhës së pandemisë (-3.58%).

    Sektori nuk po arrin të dalë nga rrethi vicioz ku ka hyrë, e shkaktuar nga rritja e kostove të operimit të aktivitetit dhe të personelit apo dhe koniunkturës së pafavorshme ndërkombëtare.

    Shtimi i kostove është i vështirë që të transferohet në çmime për shkak të uljes së konkurrueshmërisë. Rënia e Euros është një tjetër faktor që ka ndikuar negativisht eksportuesit për të disatin vit radhazi, ndërsa prodhuesit, që marrin lëndën e parë nga importi, i ka lehtësuar disi.

    Mungesa e fuqisë punëtore është një tjetër arsye që po ndikon negativisht te prodhimi. Kriza e sektorit ka bërë që kontributi i industrisë në ekonomi të vijë në rënie të vazhdueshme.

    Në 2024-n, pesha e industrisë në Prodhimin e Brendshëm Bruto (PBB) zbriti në 7.6%, nga 8.47% vitin e mëparshëm, sipas të dhënave të INSTAT. Ky është niveli më i ulët në 15 vjet, që nga 2009-a, kur ky sektor zinte 6.72% të PBB-së, Raporton Monitor.

    Më pas, ai nisi një rritje të vazhdueshme, e ndikuar fillimisht nga industria nxjerrëse dhe më pak nga përshpejtimi i aktivitetit të sipërmarrjeve të përpunimit. Aktiviteti i industrisë po zgjerohet me ritme shumë më të ulëta se ai i sipërmarrjeve të tjera, si ndërtimi dhe energjia.Një tjetër sector që ka shënuar rënie është edhe industria e përpunimit të peshkut. Ky sektor mbetet nën potencial për shkak të kufizimit të kuotave të eksportit.Humbjet nga rënia e Euros gjithashtu përbëjnë shqetësim edhe për eksportuesit e industrisë përpunuese të peshkut. Sipas INSTAT, në vitin 2024, eksportet e grupit “Peshku dhe kafshët guaskore të nënujshme”, ranë me 9.2% në sasi dhe 10.8% në vlerë, duke shënuar tendencën më negative që nga viti 2013, kur kishte filluar zgjerimi i vrullshëm i sektorit. Ndryshe nga viti 2023, kur eksportet në sasi ishin në rritje, por në vlerë u ndikuan nga Euro, në 2024-n kishte më pak shitje edhe në sasi.Ndërkohë eksportuesit e veshjeve të këmbëve janë në vitin e tretë të rënies. Kjo industri, që ka edhe sipërmarrjet më të mëdha në segmentin që punon me material porositësi, po pengohet nga dy sfida. Së pari, rënia e ndjeshme e Euros ka ulur të ardhurat në Lek të eksportuesve.Dhe së dyti, ata po përballen me probleme të mëdha në gjetjen e fuqisë punëtore, duke bërë që të mos e përballojnë dot kërkesën nga porositësit. Këtyre u shtohen edhe rritja e kostove, e ndikuar në pjesën më të madhe nga rritja e pagës minimale, që në prill 2023 u bë 40 mijë lekë.

  • Shqipëria drejt Unionit Doganor të BE-së 2027

    Shqipëria drejt Unionit Doganor të BE-së 2027

    Drejtoria e Përgjithshme e Doganave, në bashkëpunim me Dhomën e Tregtisë dhe Industrisë Tiranë, zhvilloi sot forumin e radhës “Biznes – Dogana”, i cili kishte në fokus lehtësimin e procedurave dhe digjitalizimin e shërbimeve doganore.Ky forum shënon një moment të rëndësishëm në procesin e dialogut mes administratës doganore dhe komunitetit të biznesit, në një kohë kur Shqipëria ka hyrë në një fazë të re të integrimit evropian.Me miratimin nga Këshilli i Bashkimit Europian, më 8 maj 2025, të qëndrimit të përbashkët për çeljen e negociatave të anëtarësimit, Shqipëria ka përpara një sfidë madhore: përmbushjen e kërkesave të Kapitullit 29 – Bashkimi Doganor brenda afatit të përcaktuar deri në vitin 2027.Në fjalën e tij, Drejtori i Përgjithshëm i Doganave, z. Genti Gazheli, theksoi rëndësinë e përfshirjes aktive të biznesit në këtë proces:“Koha nuk pret, as për administratën publike dhe as për sektorin privat.  Ne duhet të harmonizojmë kapacitetet tona njerëzore, teknologjike dhe sidomos mentalitetin, në mënyrë që tregu shqiptar të përafrohet me tregun e përbashkët evropian. Vetëm kështu do të arrijmë të përmbushim vizionin tonë: një administratë moderne, dixhitale, transparente dhe të integruar plotësisht me BE-në deri në vitin 2030.”Ai prezantoi Strategjinë e re për digjitalizimin e sistemeve doganore, e cila përfshin modernizimin e platformës “ASYCUDA World” dhe kalimin në sisteme të përditësuara, të afta për ndërveprim me platformat doganore të BE-së. Strategjia parashikon lehtësim të procedurave, ulje të kohës së zhdoganimit, rritje të transparencës dhe një mjedis më konkurrues për biznesin shqiptar.Nga ana e tij, Kryetari i Dhomës së Tregtisë dhe Industrisë Tiranë, z. Nikolin Jaka, vlerësoi bashkëpunimin e ngushtë me Doganat dhe arritjet e deritanishme, si digjitalizimi i shërbimeve përmes platformës e-Albania, reduktimi i kohës së përpunimit të deklaratave dhe zgjerimi i statusit Operator Ekonomik i Autorizuar (AEO).Kryetari i Dhomës së Tregtisë dhe Industrisë Tiranë, z. Nikolin Jaka:“Administrata Doganore po i shërben gjithnjë e më shumë biznesit me procedura transparente dhe të parashikueshme. Digjitalizimi i plotë i shërbimeve, ulja e kohës së përpunimit të deklaratave dhe zgjerimi i statusit të Operatorëve Ekonomikë të Autorizuar janë prioritetet kryesore që do ta bëjnë tregtinë shqiptare më konkurruese në tregun evropian.”Ai solli në vëmendje pritshmëritë e komunitetit të biznesit për:• digjitalizim të plotë dhe shërbime online të aksesueshme me një klikim;• përshpejtim të procedurave të importit, eksportit dhe tranzitit;• thjeshtim dhe njohje reciproke të statusit AEO në tregjet e BE-së.Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.

  • U përfshi në fushatë kundër Palestinës/ Dua Lipa shkarkon menaxherin e saj

    U përfshi në fushatë kundër Palestinës/ Dua Lipa shkarkon menaxherin e saj

    Këngëtarja, Dua Lipa, ka shkarkuar nga puna menaxherim e saj, David Levy, pas zbulimeve që e lidhin atë me një fushatë të fshehtë për të ndaluar grupin e repit nga Irlanda e Veriut, Kneecap, të performonte në Festivalin Glastonbury këtë vit, për shkak të pretendimeve se ata po nxitnin “antisemitizëm”. 
    Sipas mediave të huaja, Levy, së bashku me disa figura të tjera të industrisë muzikore, ishte nënshkruesi i parë i një letre “private dhe konfidenciale” dërguar themeluesit të festivalit, Michael Eavis, ku i kërkohej ndalimi i grupit pro-palestinez për akuza të pabazuara mbi lidhjet e tyre politike me disa organizata të armatosura. 
    Pas kësaj Dua Lipa siguroi që David Levy të mos merrej më me prodhimin e muzikës së saj, pasi këngëtarja është një mbështetëse e hapur e të drejtave të palestinezëve dhe nuk pranon një menaxher që është mbështetës i Izraelit. 
    “E sheh atë si një mbështetës të luftës së Izraelit në Gaza dhe trajtimit të tmerrshëm të palestinezëve. Kjo u bë shumë e qartë përmes letrës që ai nënshkroi,” tha burimi i industrisë muzikore për Daily Mail. 

  • Zv/kryeministrja Balluku në Monako: Shqipëria do bëhet një vend turistik me marina inteligjente

    Zv/kryeministrja Balluku në Monako: Shqipëria do bëhet një vend turistik me marina inteligjente

    Shqipëria mori pjesë për herë të parë në Konferencën Ndërkombëtare për Marinën Inteligjente dhe të Qëndrueshme, e cila u zhvillua në Monako, ku u diskutuan zhvillimet dhe mundësitë në industrinë detare dhe turizmin bregdetar.
    Zv/kryeministrja, njëherësh ministre e Infrastrukturës dhe Energjisë, Belinda Balluku në këtë konferencë prezantoi strategjinë kombëtare të marinave dhe planet për zhvillimin e infrastrukturës detare të Shqipërisë. Balluku theksoi se Shqipëria po punon për të transformuar bregdetin e saj në një pikë kyçe të industrisë detare në Mesdhe, duke i dhënë një hov të ri zhvillimit të marinave dhe porteve.

    “Plani për ndërtimin e një porti të ri komercial në zonën e Porto-Romanos, apo ndërtimi i portit të ri në Triport, i ka dhënë një hov të ri industrisë së marinave, pasi marina e Durrësit dhe marina e Vlorës shumë shpejt do të nisin operacionet e tyre. Por nga ana tjetër, kjo industri e re, pjesë e industrisë detare, po zhvillohet me hapa të qenësishëm dhe inovatore në të gjithë Europën”, tha ajo.

    Balluku informoi se skuadra e Luca Dinit, arkitektit të njohur italian, prej disa muajsh po punon me Ministrinë e Infrastrukturës dhe të Energjisë për të dizenjuar strategjinë e Marinave Inteligjente dhe të Qëndrueshme. “E gjithë kjo punë do ta kthejë Shqipërinë në një hub mesdhetar të një industrie si pjesë e turizmit që tashmë është kthyer në një nga sektorët më të rëndësishëm të ekonomisë tonë, por, që nga ana tjetër duhet të ketë sa më shumë inovacion për të prodhuar një qëndrueshmëri edhe për dekadat e ardhshme”, shtoi Balluku.

    Ministrja përmendi gjithashtu rëndësinë e trajnimit të rininë shqiptare mbi këto inovacione dhe industrinë detare. ”Sot ishte një ditë e shkëlqyer për të promovuar të gjithë ecurinë e infrastrukturës shqiptare. Asaj të aviacionit, infrastrukturës rrugore, por mbi të gjitha infrastrukturës detare dhe lajmi më i mirë është se kjo infrastrukturë e re, ky sektor i ri, që do të zhvillohet në vendin tonë, do të ketë nevojë për djem dhe vajza të reja të cilat duhen trajnuar dhe duhen shkolluar mbi këto inovacione dhe industrisë detare, për ta kthyer vendin tonë në një pikë tërheqëse për të gjithë ata që dëshirojnë të zhvillojnë jetën e tyre, pushimet në detin shqiptar”, u shpreh Balluku.

  • Rama nga Brukseli: Po rilindim industrinë ushtarake

    Rama nga Brukseli: Po rilindim industrinë ushtarake

    Kryeministri Edi Rama u takua këtë të mërkurë në Bruksel me Sekretarin e Përgjithshëm të NATO-s, Mark Rutte.
    Takimi u zhvillua në selinë e Aleancës së Atlantikut të Veriut dhe u fokusua te roli i Shqipërisë në NATO, mbështetja për Ukrainën, si dhe projektet e ardhshme për zhvillimin e industrisë së mbrojtjes.
    Kreu i qeverisë tha se vendi ynë po nis rilindjen e industrisë ushtarake.
    “Është përherë kënaqësi, jo vetëm falë miqësisë sonë, por edhe për faktin që ka diçka për të mësuar parej jush. Jemi këtu për të ri konfirmuar gjithçka që ju thatë. Duam të bëjmë më shumë. Po nisim rilindjen e industrisë sonë ushtarake. Sigurisht jemi këtu edhe për të folur për mënyrat si mund të qasemi në programin Safe të BE sa i takon sigurisë shkon përtej perimetrit të vendeve të BE dhe mund të jetë i dobishëm për vendet e NATO-s Europë, faleminderit për mikpritjen dhe besoj se jeni 1-sh se keni gjithmonë energji në mëngjes.”, u shpreh ai.

  • “Duam të bëjmë më shumë”, Rama nga Brukseli: Po rilindim industrinë ushtarake, prioritet baza në Porto Romano

    “Duam të bëjmë më shumë”, Rama nga Brukseli: Po rilindim industrinë ushtarake, prioritet baza në Porto Romano

    Kryeministri Edi Rama u takua këtë të mërkurë në Bruksel me Sekretarin e Përgjithshëm të NATO-s, Mark Rutte.

    Takimi u zhvillua në selinë e Aleancës së Atlantikut të Veriut dhe u fokusua te roli i Shqipërisë në NATO, mbështetja për Ukrainën, si dhe projektet e ardhshme për zhvillimin e industrisë së mbrojtjes.
    Kreu i qeverisë tha se vendi ynë po nis rilindjen e industrisë ushtarake.
    “Është përherë kënaqësi, jo vetëm falë miqësisë sonë, por edhe për faktin që ka diçka për të mësuar parej jush. Jemi këtu për të ri konfirmuar gjithçka që ju thatë. Duam të bëjmë më shumë. Po nisim rilindjen e industrisë sonë ushtarake. Sigurisht jemi këtu edhe për të folur për mënyrat si mund të qasemi në programin Safe të BE sa i takon sigurisë shkon përtej perimetrit të vendeve të BE dhe mund të jetë i dobishëm për vendet e NATO-s Europë, faleminderit për mikpritjen dhe besoj se jeni 1-sh se keni gjithmonë energji në mëngjes.”, u shpreh ai.

    Top Channel

  • Rama në takimin me Admiralin Munsch: Shqipëria po ndërmerr hapa për rilindjen e industrisë ushtarake

    Rama në takimin me Admiralin Munsch: Shqipëria po ndërmerr hapa për rilindjen e industrisë ushtarake

    Kryeministri Edi Rama, ka pritur në një tkaim ditën e sotme komandantin e Forcave Detare të Shteteve të Bashkuara në Europë dhe Afrikë, Admiralin Stuart B. Munsch.
    Ka qenë vetë kreu i qeverisë i cili përmes një postimi në Facebook ka theksuar se takimi u zhvillua në kuadër të hapave që qeveria shqiptare po ndërmerr për rilindjen e industrisë ushtarake, si dhe për ecurinë e projekteve strategjike si Korridori VIII dhe Porti i Ri i Durrësit.
    “Në takimin me Komandantin e Forcave Detare të Shteteve të Bashkuara në Europë dhe Afrikë, Admiralin Stuart B. Munsch, në kuadër të hapave që Shqipëria po ndërmerr për rilindjen e industrisë ushtarake, si edhe për ecurinë e projekteve të Korridorit VIII dhe Portit të Ri të Durrësit”, shkroi Rama në rrjetet sociale.

    Gjatë këtij takimi përveç Ramës ishte i pramishëm edhe Ministri i Mbrojtjes Pirro Vengu.