Qeveria e Pakistanit deklaroi se ka “informacione të besueshme” sipas së cilave “India synon të nisë një sulm ushtarak brenda 24 deri në 36 orëve të ardhshme”. Ministri pakistanez i Informacionit, Ataullah Tahar, shkroi në platformën online X se India po e përdor sulmin vdekjeprurës ndaj pushuesve në Pahalgam në pjesën indiane të Kashmirit vetëm “si pretekst”. Tahari e paralajmëroi vendin fqinj se Pakistani “do t’i përgjigjet çdo akti agresioni me një reagim vendimtar.” India do të jetë “tërësisht përgjegjëse” për çdo “pasojë të tmerrshme në rajon”.
Përdorimi i armëve bërthamore vetëm në rast “kërcënimi për ekzistencën”
Ministri i Mbrojtjes i Pakistanit, Khavaja Muhamad Asif, u tha gazetarëve të Reuters-it në kryeqytetin e vendit Islamabad, se forcat e armatosura ishin në gatishmëri të lartë. Por se, Pakistani do t’i përdorë armët e tij bërthamore vetëm “nëse do të ketë një kërcënim të drejtpërdrejtë për ekzistencën tonë”.
Të mërkurën në mëngjes (30.04), ushtria indiane raportoi për shkëmbime zjarri midis ushtarëve të të dy vendeve në vijën e kontrollit midis pjesës indiane dhe asaj pakistaneze të Kashmirit. Një zëdhënës ushtarak tha se kjo ishte nata e gjashtë radhazi që kishte pasur të shtëna me armë të vogla por nuk dha detaje të mëtejshme.
Ushtria pakistaneze nuk bëri asnjë koment. Radio-Televizioni shtetëror i Pakistanit njoftoi se të martën (29.04) ishte rrëzuar një dron indian.
Modi i jep ushtrisë “liri operacionale”
Sipas informacioneve të agjencisë së lajmeve AFP kryeministri indian Narendra Modi i kishte dhënë më parë ushtrisë së tij “liri operacionale” në rajonin e kontestuar të Kashmirit. Modi tha në një takim me shefat e ushtrisë se ushtria kishte “liri të plotë operacionale për të vendosur për mënyrën, objektivat dhe kohës së përgjigjes sonë ndaj sulmit terrorist ndaj civilëve në Kashmir”, shkruan AFP, duke cituar burime qeveritare në kryeqytetin Nju Delhi.
Modi theksoi vendosmërinë për t’i dhënë “një goditje shkatërruese terrorizmit”. Qeveria indiane publikoi pamje nga takimi midis Modit, shefave të ushtrisë dhe Ministrit të Mbrojtjes, Rajnath Singh./DW
Tag: india
-
Pas sulmit në Kashmir: Pakistani pret sulm nga India
-
Rriten tensionet/ India hakmerret ndaj Islamabad, mbyll hapësirën ajrore për linjat ajrore pakistaneze
India mbylli hapësirën e saj ajrore për linjat ajrore pakistaneze të mërkurën, tha qeveria, disa ditë pasi fqinji i saj i armatosur me armë bërthamore ndaloi linjat ajrore indiane të fluturonin mbi territorin e saj, pas vrasjes së 26 burrave në një sulm ndaj turistëve në Kashmir.
Ndalimi do të zgjasë nga 30 prilli deri më 23 maj, tha qeveria indiane në një njoftim.
Kryeministri i Pakistanit, Shehbaz Sharif, i tha Sekretarit të Shtetit të SHBA-së, Marco Rubio, në një telefonatë të mërkurën në mbrëmje, se ai “i hodhi poshtë kategorikisht përpjekjet e Indisë për të lidhur Pakistanin me incidentin”, tha zyra e Sharif në një deklaratë.
Ai bëri thirrje për një hetim transparent, të besueshëm dhe neutral dhe i kërkoi SHBA-së të ‘negociojë’ mbi Indinë, që “të ulë retorikën dhe të veprojë me përgjegjësi”.
Ministria e Jashtme e Indisë nuk iu përgjigj menjëherë një kërkese për koment.
Ndikimi i ndalimit në industrinë ajrore të Pakistanit ka të ngjarë të jetë më i vogël se ai i Indisë, pasi vetëm Pakistan International Airlines operon linja ajrore për në Kuala Lumpur, duke përdorur hapësirën ajrore indiane.
Javën e kaluar, Pakistani mbylli hapësirën ajrore për linjat ajrore në pronësi ose të operuara nga India, duke pezulluar të gjithë tregtinë, përfshirë atë përmes vendeve të treta, dhe duke ndaluar vizat speciale të Azisë Jugore të lëshuara për shtetasit indianë.
PIA, transportuesi kombëtar i aviacionit, tha të martën se kishte vendosur të shmangte hapësirën ajrore indiane, për shkak të rritjes së tensioneve dypalëshe.
Pakistani tha të mërkurën se ka “informacione të besueshme” se India synon të nisë veprime ushtarake së shpejti, ndërsa tensionet midis fqinjëve të armatosur me armë bërthamore përshkallëzohen pas sulmit vdekjeprurës ndaj turistëve.
India i ka identifikuar tre sulmuesit, përfshirë dy shtetas pakistanezë, si “terroristë”, që po zhvillojnë një revoltë të dhunshme në Kashmirin me shumicë myslimane. Islamabadi ka mohuar çdo rol dhe ka bërë thirrje për një hetim neutral.
Që nga sulmi, kombet kanë ndërmarrë një sërë masash kundër njëra-tjetrës, përfshirë pezullimin e Traktatit të Ujit të Indusit./Reuters.
-
Sa të mundshme janë luftërat midis Indisë dhe Pakistanit?
Tensionet midis Indisë dhe Pakistanit kanë arritur në një nivel të ri përshkallëzimi. Pasi 26 turistë u qëlluan për vdekje në Luginën e Kashmirit javën e kaluar dhe Delhi akuzoi Islamabadin si pjesërisht përgjegjës, ka pasur shkëmbime të izoluara zjarri midis dy fuqive bërthamore. India gjithashtu ka dëbuar të gjithë qytetarët pakistanezë nga vendi.
Tani Ministri i Informacionit i Pakistanit, Attaullah Tarar, shkroi në X të mërkurën (me orën lokale) se India po planifikon një sulm ushtarak brenda 24 deri në 36 orëve të ardhshme. Ai mbështetej në “informacion të besueshëm të inteligjencës”.
Asnjë koment nga Delhi
Deri më tani nuk ka pasur asnjë koment nga vetë India. Dhe sigurisht që tani lind pyetja: A do të ketë vërtet luftë? Dhe nëse po, në cilin dimension?
Që nga themelimi i dy shteteve të Indisë dhe Pakistanit në vitin 1947, Kashmiri, i cili shtrihet pranë kufijve të tyre, ka qenë një pikë mosmarrëveshjeje që është përshkallëzuar vazhdimisht dhe ka çuar në disa luftëra. De facto, Kashmiri është ende i ndarë në dy pjesë, megjithëse të dy vendet pretendojnë të gjithë rajonin për vete. Që kur India i hoqi vendit të drejtat e gjera të autonomisë në vitin 2019, tensionet janë intensifikuar përsëri.
Në të njëjtin vit, lufta ishte përsëri në prag të shpërthimit kur terroristët islamistë vranë 40 personel sigurie në Pulwama, Kashmir, dhe India u përgjigj me sulme ajrore. Delhi akuzon Islamabadin për mbështetjen e kryengritjes myslimane dhe lëvizjes për pavarësi në Kashmir, përfshirë terroristët islamistë. Pakistani e mohon këtë.
“Gjueti deri në skajet e tokës”
Duke pasur parasysh atë që ndodhi në vitin 2019, një sulm i afërt ushtarak nga India nuk konsiderohet aq i pamundur. Kryeministri Narendra Modi njoftoi gjithashtu një “përgjigje vendimtare” dhe tha se sulmuesit do të “ndiqen deri në skajet e botës”.
Ministri i Mbrojtjes Rajnath Singh deklaroi gjithashtu se do të ndërmerren veprime jo vetëm kundër autorëve të sulmit terrorist, por edhe kundër atyre që ishin prapa skenave. Pa përmendur Islamabadin, ishte e qartë se për kë kishte fjalën.
Duke folur për Newsweek, Walter Ladwig i organizatës britanike think-tank Royal United Services Institute (RUSI) deklaroi për herë të parë: “Si India ashtu edhe Pakistani zotërojnë armë bërthamore, dhe sulmet midis dy shteteve të armatosura me armë bërthamore janë serioze. Kjo është diçka për të cilën duhet të shqetësohemi.”
“Mundësia e gabimeve”
Ata që janë përgjegjës për armët bërthamore në të dyja vendet, sipas Ladwig, janë shumë kompetentë, por “gjithmonë ekziston mundësia e gabimeve”.
Imtiaz Gul, drejtor i Qendrës për Kërkime dhe Studime të Sigurisë, i tha Deutsche Welle: “Nuk besoj se një luftë e përgjithshme midis Indisë dhe Pakistanit është e mundur. Aftësitë bërthamore të të dy vendeve shërbejnë si një pengesë e madhe për një konfrontim në shkallë të plotë.”
Vështirë se dikush tjetër pret një luftë me armë bërthamore. Ministri i Mbrojtjes i Pakistanit, Khawaja Muhammad Asif, theksoi gjithashtu të mërkurën se ata do të përdorin armët e tyre bërthamore, vetëm “nëse ka një kërcënim të drejtpërdrejtë për ekzistencën tonë”.
Reagim i kufizuar
Ky nuk do të ishte rasti me një sulm ushtarak të synuar dhe të menaxhueshëm nga India. Dhe ky është ndoshta skenari më i mundshëm, sipas ekspertëve. Ajay Bisaria, ish-Komisioneri i Lartë i Indisë në Kanada, i tha gazetës The Independent, se një përgjigje e kufizuar ushtarake nga India është e mundshme. Kjo ndoshta do të kombinohej me disa hapa politikë për të dërguar një mesazh pas sulmeve në Kashmir.
Ish-diplomati Bisaria i referohet sulmeve ajrore në vitin 2019, por edhe vitit 2016, kur trupat indiane herë pas here depërtuan deri në një kilometër në pjesën e Kashmirit të administruar nga Pakistani.
De-eskalim i shpejtë
Pas kësaj, tha Bisaria, Pakistani ndoshta do të hakmerrej në një farë mënyre. “Por mund të supozojmë se të dyja palët do të gjejnë shpejt një mënyrë për të qetësuar situatën.”
Mund të supozohet se sulmi i Indisë do të vijë si një surprizë, shton Bisaria. Harsh V. Pant i organizatës indiane kërkimore Observer Research Foundation i tha gazetës The Independent se njoftimi i Pakistanit se India do të sulmojë së shpejti dhe vërejtje të ngjashme, “nuk duhen marrë si të mirëqena”.
Portretizimi si viktimë
Pakistani dëshiron ta portretizojë veten si viktimë dhe të tërheqë vëmendjen ndërkombëtare, ndoshta madje duke shkaktuar një ndërhyrje ndërkombëtare përpara se India të sulmojë realisht, thotë eksperti.
Nëse India kryen një sulm ushtarak, tha Pant, kjo do të vinte si surprizë vetëm për arsye taktike ushtarake. /Der Standard.
-
Rriten tensionet Indi–Pakistan pas masakrës në Kashmir! Qeveria pakistaneze paralajmëron një sulm ushtarak
Tensionet midis Indisë dhe Pakistanit janë rritur pas një sulmi të përgjakshëm në Kashmirin e administruar nga India, që la të vdekur 26 turistë javën e kaluar.
Qeveria pakistaneze ka paralajmëruar se India mund të ndërmarrë një sulm ushtarak brenda 24 deri në 36 orëve të ardhshme, një pretendim që rrit ndjeshëm frikën për përshkallëzim të konfliktit në një nga rajonet më të ndjeshme në botë.
Ministri i Informacionit i Pakistanit, Attaullah Tarar, deklaroi se “ka informacione të besueshme” që sugjerojnë se India synon të përdorë sulmin si një “pretekst të rremë për aventurizëm ushtarak”.
Ai theksoi se çdo veprim i tillë “do të marrë përgjigje të vendosur nga ana e Pakistanit”.
Deklaratat e tij pasojnë akuzat e Nju Delhit, që pretendon se sulmi në qytetin turistik të Pahalgamit është kryer nga militantë të mbështetur nga Pakistani, një akuzë që Islamabadi e ka hedhur poshtë.
Pahalgami, një destinacion i njohur turistik në veriperëndim të Indisë, u trondit të premten nga sulmi më vdekjeprurës ndaj civilëve në më shumë se 20 vjet. Viktimat ishin kryesisht turistë hindu. Shumë të mbijetuar thanë se autorët i kishin shënjestruar burrat hindu në mënyrë të drejtpërdrejtë.
India ka identifikuar tre nga katër sulmuesit e dyshuar, dy prej tyre shtetas pakistanezë dhe një vendas nga Kashmiri i administruar nga India. Për sulmuesin e katërt nuk ka ende të dhëna të sakta.Top Channel
-
India marrëveshje me Francën për blerjen e avionëve luftarakë
India ka nënshkruar një kontratë për të blerë 26 avionë luftarakë “Rafale” nga Franca për marinën e saj – me një transferim teknologjie për të integruar armët e prodhuara në Indi, tha sot Ministria e Mbrojtjes në Nju Delhi.
Marrëveshja, e miratuar më herët nga kabineti indian i sigurisë, vlerësohet në rreth 630 miliardë rupi (7,4 miliardë dollarë).
Dorëzimi i avionëve “Rafale” të prodhuar nga kompania franceze e hapësirës ajrore “Dassault Aviation” pritet të përfundojë deri në vitin 2030 – me trajnimin e ekuipazhit që do të zhvillohet si në Indi ashtu edhe në Francë. -
Frikë për luftë bërthamore, dy fuqi botërore po shkëmbejnë zjarr prej 4 ditësh
Tensionet mes Indisë dhe Pakistanit kanë arritur nivele alarmante pasi ministri i Mbrojtjes i Pakistanit, Khaëaja Muhammad Asif, deklaroi se një inkursion ushtarak indian në territorin pakistanez është “i afërt”. Në një intervistë për Reuters, Asif tha se forcat pakistaneze janë përforcuar ndjeshëm në Kashmir, për të përballuar çdo sulm të mundshëm.
Kriza nisi pas sulmit të përgjakshëm më 22 prill në rajonin indian të Jammu dhe Kashmir, ku u vranë 26 civilë, kryesisht turistë hindu nga India. India fajëson militantë të lidhur me Pakistanin për sulmin, ndërsa një grup i njohur si The Resistance Front fillimisht mori përgjegjësinë, por më vonë u tërhoq.
Si përgjigje, India ka ndërmarrë një sërë masash drastike: ka nisur stërvitje ushtarake, ka testuar raketa me rreze të gjatë dhe ka pezulluar Traktatin e Ujërave të Indusit, i cili garanton furnizimin me ujë për rreth 80% të bujqësisë së Pakistanit. Ministri indian i burimeve ujore, Chandrakant Raghunath Paatil, deklaroi se India do të sigurojë që “asnjë pikë ujë nga lumi Indus të mos arrijë në Pakistan”.
Pakistani, nga ana tjetër, ka mbyllur hapësirën ajrore për fluturimet indiane, ka pezulluar vizat për qytetarët indianë dhe ka vendosur njësi të blinduara në kufi. Kryeministri Shehbaz Sharif paralajmëroi se çdo përpjekje për të ndalur ujin drejt Pakistanit do të konsiderohet “akt lufte” dhe do të marrë përgjigje të plotë.
Shkëmbimi i zjarrit gjatë kufirit vazhdon për katër ditë rresht, ndërsa forcat indiane kanë arrestuar rreth 500 persona në operacione kërkimi për militantët. Kontrollet në disa shtëpi myslimane kanë shkaktuar shqetësime për abuzime ndaj civilëve të pafajshëm.
Kryeministri indian Narendra Modi ka premtuar se do të ndëshkojë çdo terrorist dhe mbështetës të tyre, duke pezulluar gjithashtu shërbimet e vizave për pakistanezët dhe duke kërkuar kthimin e qytetarëve indianë nga Pakistani.
Ndërkohë, Kina ka bërë thirrje për përmbajtje dhe ka shprehur gatishmërinë për të mbështetur çdo përpjekje për të ulur tensionet në rajon.
Një konflikt i plotë mes këtyre dy fuqive bërthamore do të ishte katastrofal për rajonin dhe më gjerë. -
India nënshkruan marrëveshjen 6.5 miliardë euro me Francën për të blerë 26 avionë luftarakë Rafale
India ka rënë dakord të blejë 26 avionë luftarakë Rafale nga Franca, njoftoi të hënën ministria indiane e Mbrojtjes, duke forcuar aftësitë e aviacionit detar të vendit ndërsa vazhdon të modernizojë forcat e saj të armatosura.
Sipas një deklarate zyrtare nga Nju Delhi, kontrata vlerësohet në rreth 6.5 miliardë euro. Asnjë burim francez nuk kishte komentuar publikisht deri të hënën në mesditë.
Marrëveshja zgjeron flotën ekzistuese të Rafale të Indisë, pas një marrëveshjeje të vitit 2016 për 36 avionë të prodhuar në Francë.Kjo marrëveshje e mëparshme, me vlerë rreth 8 miliardë euro, mbetet kontrata më e shtrenjtë e siguruar nga industria e aviacionit ushtarak francez deri më sot.
Prodhuar nga Dassault Aviation, Rafale është një luftëtar me shumë funksione i aftë për mbrojtjen ajrore, zbulimin dhe misionet e goditjes. Ai gjithashtu është pjesë e aftësisë parandaluese bërthamore të Francës.
Ushtria franceze aktualisht operon 165 Rafale, duke përfshirë 41 variante transportuesish.
Që nga viti 2015, Rafale është bërë një sukses i madh eksporti për Francën, me 285 avionë të shitur në vende duke përfshirë Katarin, Egjiptin, Greqinë, Emiratet e Bashkuara Arabe, Indonezinë dhe Kroacinë./vizionplus.tv -
Ashpërsohet toni mes Indisë dhe Pakistanit
Dëbime, protesta, shkëmbime zjarri – pas sulmit në Kashmir, marrëdhëniet e vështira midis Indisë dhe Pakistanit po përkeqësohen më tej. Njoftohet edhe për akte hakmarrjeje.
Pas sulmit në pjesën e Kashmirit që kontrollohet nga India prej të cilit gjetën vdekjen 26 vetë, në Indi po shtohet zemërimi kundër sulmuesve dhe kundër Pakistanit. Kudo po zhvillohen protesta pak a shumë spontane.
Gjithashtu njoftohet se Ministri i Brendshëm i Indisë, Amit Shah, ka takuar ministrat e Brendshëm të shteteve federale. për të diskutuar për identifikimin e shtetasve pakistanezë që më pas të zbatohet dëbimi i tyre.
Të dyja vendet urdhëruan pas atentatit dëbimin e nënshtetasve të vendit tjetër nga territori i tyre. Po ashtu Ministrinë e Punëve të Jashtme të Indisë njoftoi lëshimi i vizave për shtetasit pakistanezë është pezulluar me efekt të menjëhershëm. Gjithashtu të gjithë nënshtetasve pakistanezë u është kërkuar të largohen nga India deri më 27 prill.
Pezullimi i Traktatit për UjinSidomos njoftimi i Indisë se do të pezullojë Traktatin për Ujin e Indusit shkaktoi reagime të forta nga pala pakistaneze. Pakistani e kundërshton me forcë njoftimin e Indisë për të pezulluar Traktatin për Ujërat, tha zëdhënësi i Ministrisë së Jashtme të Pakistanit, Shafqat Ali Khan. “Ky traktat i ndërmjetësuar nga Banka Botërore përbën një marrëveshje ndërkombëtare me fuqi detyruese dhe nuk parashikon pezullim të njëanshëm.”
Uji ka rëndësi jetike kombëtare për Pakistanin – “ai është damar shpëtimi për 240 milionë banorët e tij, dhe uji furnizimi me ujë duhet të sigurohet me çdo kusht”. Çdo përpjekje për të ndaluar ose devijuar rrjedhën e ujit drejt territorit të Pakistanit sikurse parashikohet në Traktatin e Ujit të Indusit do të konsiderohet si një “veprim lufte”, shtoi zëdhënësi. Kësaj do t’i përgjigjemi “me gjithë fuqinë dhe me të gjitha mjetet tona”.
Pakistani mbyll hapësirën ajrore për kompanitë ajrore indianeNë përgjigje të masave të ndërmarra më parë nga India, Pakistani njoftoi gjithashtu se do të mbyllë hapësirën ajrore për kompanitë ajrore indiane si dhe do të dëbojë nga vendi diplomatët indianë.
Pakistani gjithashtu mbylli pikën kryesore kufitare me Indinë. Qeveria në Islamabad pezulloi edhe marrëveshjen e Simlës, traktati më i rëndësishëm i paqes midis dy fqinjëve, i cili përcakton edhe vijën kufitare në rajonin e Kashmirit.
India e konsideron Pakistanin bashkëpërgjegjës për sulminPersona të armatosur sulmuan të martën (22.04) një grup turistësh në një livadh malor në një zonë të njohur pushimesh pranë qytetit Pahalgam, dhe vranë 25 turistë indianë dhe një nga Nepali. si dhe plagosën të paktën 17 të tjerë.
Qeveria indiane e konsideron sulmin ndaj turistëve si akt terrorizmi dhe e konsideron Pakistanin fqinjë si bashkëpërgjegjës për sulmin. Qeveria në Nju-Delhi e akuzoi Pakistanin se mbështet terrorizmin. Kurse Pakistani e mohon çdo lloj përfshirjeje në sulm./DW -
Sulmi terrorist, India gati të thajë lumin që çon ujë në Pakistan
India ka pezulluar një pjesë të Traktatit të Ujrave të vitit 1960 pas sulmit të përgjakshëm në Pahalgam, ku mbetën të vrarë 26 persona
Ky traktat, që I ka mbijetuar dy luftërave mes Indisë dhe Pakistanit, ka ndarë prej dekadash burimet ujore të basenit të Indus midis dy vendeve. Vendimi i Indisë shihet si pjesë e një sërë masash kundër Pakistanit, të cilin Delhi e akuzon për mbështetje ndaj terrorizmit, një akuzë që Islamabad e mohon kategorikisht.
Traktati i njohur ndërkombëtarisht i jep Indisë të drejtën për të përdorur lumenjtë lindorë Ravi, Beas dhe Sutlej, ndërsa Pakistanit i siguron 80% të rrjedhës së lumenjve perëndimorë Indus, Jhelum dhe Chenab, burime kyçe për bujqësinë dhe energjinë në Pakistan.
Me pezullimin e traktatit, India nuk është më e detyruar të ndajë të dhëna për projektet ujore apo për përmbytjet me Pakistanin. Ekspertët thonë se kjo i hap rrugë Indisë për të ndërtuar ose modifikuar diga dhe struktura për të mbajtur ose devijuar më shumë ujë.
Megjithatë, shumica e hidrocentraleve ekzistuese indiane janë të tipit “run-of-the-river”, që nuk magazinojnë sasi të mëdha uji, duke e bërë praktikisht të pamundur ndalimin e rrjedhjes së ujërave në stinën e shirave.
Rreziku më i madh për Pakistanin qëndron në stinën e thatë, kur çdo litër ujë është jetik. Ekspertët paralajmërojnë se mungesa e të dhënave, devijimi i rrjedhave ose lëshimi i papritur i ujit nga digat mund të kenë pasoja të rënda në territorin pakistanez.
India ndoshta nuk mund ta ndalojë plotësisht ujin që rrjedh në Pakistan, por për herë të parë në dekada, po vendos të testojë kufijtë e një marrëveshjeje që ka qenë gur themeli i paqes ujore në Azinë Jugore. -
India dhe Pakistani në kurs konfrontimi
Pas sulmit ndaj turistëve indianë në Kashmir, fuqitë bërthamore India e Pakistani kanë nisur përshkallëzim të hapave shpagues.India urdhëroi dëbimin e të gjithë pakistanezëve, Pakistani mbylli hapësirën e tij ajrore.
Pas sulmit në Kashmirin e kontrolluar nga India, në të cilin u vranë 26 vetë, fuqitë bërthamore India dhe Pakistani janë në një kurs konfrontimi.Të dyja vendet urdhëruan dëbimin e qytetarëve të vendeve përkatëse nga territori i tyre. Lëshimi i vizave për qytetarët pakistanezë është pezulluar me efekt të menjëhershëm, sipas faqes shtetërore të lajmeve të Indisë DD News, duke cituar Ministrinë e Punëve të Jashtme. Për më tepër, ata duhet të largohen nga India deri më 27 prill.
Pakistani mbyll hapësirën e tij ajrore për linjat ajrore indiane
Pakistani gjithashtu njoftoi, në përgjigje të masave të mëparshme të marra nga India, se do të mbyllte hapësirën e tij ajrore për linjat ajrore indiane dhe do të dëbonte diplomatët indianë. Përveç kësaj, Pakistani mbylli vendkalimin e tij kryesor kufitar me Indinë.
Diplomatët pakistanezë ishin detyruar të largoheshin nga territori indian të mërkurën. Qeveria e Islamabadit ka pezulluar Marrëveshjen Simla, traktati më i rëndësishëm i paqes midis dy fqinjëve, i cili gjithashtu vendos kufirin në rajonin e Kashmirit.
India e konsideron Pakistanin bashkërisht përgjegjës për sulmin. Persona të armatosur vranë 25 turistë indianë dhe një vizitor nga Nepali të martën në një livadh malor në një zonë turistike të njohur pranë qytetit Pahalgam në Kashmirin e administruar nga Indiani dhe plagosën të paktën 17 të tjerë.
Qeveria indiane e ka përshkruar sulmin e synuar ndaj turistëve si një akt terrorist. Ai beson se shteti fqinj është bashkërisht përgjegjës për sulmin. Qeveria e Nju Delhit foli për lidhje ndërkufitare në sulm dhe akuzoi fqinjin e saj për mbështetjen e terrorizmit. Pakistani ka mohuar çdo përfshirje në sulm.
Sipas raporteve të mediave indiane, grupi terrorist islamik Fronti i Rezistencës (TRF) ka marrë përgjegjësinë për sulmin. Ende nuk ka një konfirmim zyrtar për këtë çështje. TRF është një grup i shkëputur i organizatës terroriste islamike Lashkar-e-Taiba, e cila vepron jashtë Pakistanit dhe është përgjegjëse, ndër të tjera, për një seri sulmesh në Mumbai në vitin 2008. Pothuajse 170 njerëz vdiqën në atë kohë.
Sipas një deklarate të policisë indiane, dy nga sulmuesit u identifikuan si pakistanezë. Nuk është e qartë se në çfarë informacioni ata janë mbështetur për t’i identifikuar.
Modi kërcënon me hakmarrje
Shqetësimet po rriten në Indi se ushtria e vendit mund të sulmojë, ndër të tjera, bazat e dyshuara terroriste në territorin pakistanez ose objektiva të tjera. Në një fjalim publik në shtetin indian të Biharit, kryeministri Narendra Modi kërcënoi, duke iu referuar sulmit, se “terroristët çnjerëzorë dhe bashkëpunëtorët e tyre” do të dënoheshin më rëndë sesa mund ta përfytyronin.
Sipas tij, vrasja nuk ishte vetëm një sulm ndaj turistëve të paarmatosur, por ndaj “shpirtit të Indisë”. Ndëshkimi do të jetë i paimagjinueshëm i rëndë: “Ne do t’i ndjekim ata deri në skajet e tokës. Terrorizmi nuk do të mbetet i pandëshkuar.
India pezullon marrëveshjen e ujit me Pakistanin
India kishte ndërmarrë tashmë veprime kundër vendit të saj fqinj të mërkurën. Një pikë kufitare u mbyll. Përveç kësaj, qeveria njoftoi pezullimin pa afat të një marrëveshjeje të madhe me vendin fqinj për përdorimin e lumenjve në rajonin e Himalajeve.
Pakistani u përgjigj me një kërcënim të ashpër: çdo përpjekje për të ndaluar ose devijuar ujin do të konsiderohet një akt lufte “dhe do të përballet me arsenalin e plotë të fuqisë kombëtare”, tha zyra e kryeministrit pakistanez Shehbaz Sharif.
Vëzhguesit shohin një përshkallëzim të ri
Në Gjermani, vëzhguesit shprehën shqetësim. “Këto ngjarje shënojnë një acarim të qartë të marrëdhënieve tashmë të tensionuara dypalëshe midis dy fuqive bërthamore,” tha Schahina Gambir, korrespondente në Azinë Jugore për grupin parlamentar të të Gjelbërve.
Të dyja shtetet duhet të shmangin me çdo kusht përshkallëzimin ushtarak.
Eksperti i Azisë Jugore, Michael Kugelman sheh shenja të qarta të një përshkallëzimi të ri. “Rëndësia e pezullimit të marrëveshjes së ujit nuk mund të nënvlerësohet”, shkruan Kugelman në platformën online X.
Një hap i tillë nuk është ndërmarrë kurrë më parë.
Rajoni verior i Himalajeve të Kashmirit, i banuar kryesisht nga myslimanë, është ndarë që nga pavarësia nga India dhe Pakistani në vitin 1947. Dy fuqitë bërthamore të Azisë Jugore akuzojnë njëra-tjetrën për shkelje të armëpushimit. Të dyja vendet pretendojnë të gjithë territorin dhe tashmë kanë zhvilluar dy luftëra për kontrollin e rajonit malor. Në pjesën indiane të Kashmirit, grupet rebele po luftojnë për pavarësi nga India, e cila është kryesisht hindu, ose për bashkim me Pakistanin.