Lajmidites.com

Tag: icardi

  • Icardi: Në fund të kontratës do të largohem me kokën lart, do t’ju mungoj

    Icardi: Në fund të kontratës do të largohem me kokën lart, do t’ju mungoj

    11 Dhjetor 2025

    13:49

    Alfred Lleshi

    Mauro Icardi reagoi me tone të ashpra në rrjetet sociale pas zërave në Turqi se Galatasaray i ka komunikuar vendimin për të mos e rinovuar kontratën e tij. Sulmuesi shkroi në Instagram: “E kuptoj që emri im ‘shitet’ dhe që disa ‘gazetarë’ turq duan të bëjnë të besojnë se klubi më ka telefonuar për të më njoftuar ‘mos-rinovimin’…
    Në fakt, jo vetëm që askush nuk më ka telefonuar mua, por as agjentin tim. Po përpiqen ta shesin si lajm diçka që NUK është lajm, pasi kontrata ime skadon në qershor 2026. Vetëm për të mbuluar humbjen e djeshme?”
    Icardi vazhdoi: “Nuk lejoj që ta përdorin imazhin tim për këtë. Qetësohuni, kur të mbarojë kontrata do të largohem me kokën lart. Dhe nëse, hipotetikisht, largohem më herët, do të jetë vetëm vendimi im, i askujt tjetër. Ju përshëndes. E keni Icardin edhe për disa muaj. Shijojeni, sepse pastaj do t’ju mungoj”.
    Së fundi, Icardi është propozuar edhe te disa klube europiane, përfshirë Milanin.

  • “Plani B” i Milan për sulmin është Mauro Icardi, gati një huazim 6-mujor ose kontratë për 18 muaj me kuqezinjtë

    “Plani B” i Milan për sulmin është Mauro Icardi, gati një huazim 6-mujor ose kontratë për 18 muaj me kuqezinjtë

    Nëse oferta për sulmuesin e Manchester United, Joshua Zirkzee, do të dështojë, atëherë Milan ka një plan alternativ të gatshëm që do të ishte mjaft përçarës midis tifozëve kuqezinj.
    Në tryezën e Igli Tare, drejtorit sportiv të Milan, është shfaqur edhe emri i Mauro Icardi. Ish-lojtari i Inter, kontrata e të cilit me Galatasaray skadon në qershor, përfaqëson “planin B” të kuqezinjve.
    Për momentin, duket se e ardhmja e argjentinasit te skuadra turke po mbahet peng nga Victor Osimhen. Ndaj, Icardi mund të largohet dhe rikthimi në Serie A te Milan mund të ishte transferimi i përsosur për të.
    Edhe për Milan do të ishte një zgjidhje e mirë, një lojtar me përvojë në zonën e penalltisë, i aftë të shënojë gola dhe i gatshëm të pranojë një transferim huazimi për të mbështetur dyshen titullar të Leao dhe Pulisic.
    Pra, ideja është e një huazimi 6-mujor, ndoshta edhe transferim me një kontratë 18-mujore, një transfëerim me kosto të ulët për Milan.

  • Maxi López nuk harron: Mauro Icardi e meritonte një grusht, një gjë nuk do t’ia fal kurrë

    Maxi López nuk harron: Mauro Icardi e meritonte një grusht, një gjë nuk do t’ia fal kurrë

    6 Dhjetor 2025

    9:05

    Alfred Lleshi

    Kanë kaluar vite që nga trekëndëshi i famshëm i dashurisë Maxi López–Mauro Icardi–Wanda Nara, por plagët nuk janë shëruar plotësisht. Në një intervistë për SQP, Maxi López u rikthye te periudha e dhimbshme e ndarjes nga Wanda dhe tradhtia e ish-mikut Icardi. Ai kujtoi: “Icardi në shtëpinë time? E ndihmoja, si shumë djem të tjerë argjentinas…, ishte normale për mua”.
    Max nuk futet në detaje për fundin e lidhjes me Wanda, por thekson se kurrë nuk do t’ua falë një gjë: “E vetmja gjë që nuk më pëlqeu është se futën fëmijët në mes për të më bërë keq”.
    Nuk e quan urrejtje ndaj Icardit, por e sheh sjelljen e tyre si të ndryshme. Ai thekson se edhe Icardi tani po përjeton situatë të ngjashme pas ndarjes me Wanda: “Ka shumë gjëra që nuk i ndaj me Mauro, disa po…, por kur nuk më linin të shihja fëmijët, ishin të dy”.
    López pranon se, edhe pse “Icardi e meritonte një grusht”, nuk veproi për hir të shembullit ndaj fëmijëve: “Kur po ndaheshim, ai më telefononte dhe përfshinte fëmijët në situata ku s’duhej të ishin… Ka shumë gjëra që s’i kam treguar kurrë”.

  • Ideja e bujshme! Maurco Icardi drejt rikthimit në Serie A, këtë herë te Milan?!

    Ideja e bujshme! Maurco Icardi drejt rikthimit në Serie A, këtë herë te Milan?!

    3 Dhjetor 2025

    15:51

    Telesport

    Tashmë nuk është më sekret fakti që Milan po kërkon një sulmues për merkaton e janarit, pasi Santiago Gimenez nuk bën pjesë në planet e Max Allegri-t dhe meksikani sipas të gjitha gjasave do të largohet vetëm pas një viti te kuqezinjtë.
    “CalcioMercato” zbulon se një nga emrat që pëlqehet shumë nga Allegri është ish-sulmuesi i Interit, Mauro Icardi, i cili aktualisht luan te Galatasaray. Sipas informacionit të punlikuar nga burimi në fjalë, Milan do të tentojë në janar të nënshkruajë me sulmuesin argjentinas, i cili mesa duket plotëson të gjitha kriteret e kërkuara nga trajneri Allegri.
    Megjithatë, bisedimet me Galatasaray-in nuk do të jenë aspak të lehta, pasi Icardi është një element tejet i rëndësishëm për turqit. Ende nuk flitet për detaje dhe shifra ekonomike, ndërsa me shumë mundësi formula e transferimit do të jetë huazim me të drejtë blerjeje deri në fund të sezonit.

  • Befason Icardi: Asnjëherë në karrierën time nuk kam qenë në 100% të formës time

    Befason Icardi: Asnjëherë në karrierën time nuk kam qenë në 100% të formës time

    Në prag të ndeshjes vendimtare të Champions League kundër Union Saint-Gilloise, sulmuesi Mauro Icardi foli hapur për situatën e tij personale dhe profesionale. Sulmuesi i Galatasaray përsëriti se nuk i kishte parë vajzat e tij për pesë muaj, një situatë komplekse për të cilën klubi i dha leje të veçantë.
    “Nuk është justifikim, pasi unë bëj punën time çdo ditë. Paguhem për të qenë profesionist, për të dhënë gjithçka, për të shënuar gola. Kjo është puna ime, unë duhet të shënoj gola“, tha Icardi.
    Icardi theksoi se jeta e tij private nuk ndikon në performancën e tij: “Të gjithë kanë probleme personale. Unë përpiqem t’i zgjidh edhe ato, por të qenit larg vajzave të mia nuk është justifikim.”
    Argjentinasi më pas kujtoi se shpesh luante në gjendje të pasigurt fizike. “Që kur kam qenë te Galatasaray, gjithmonë kam pasur dhimbje dhe lëndime. Ndonjëherë kam dhimbje në thembër ose kyçin e këmbës dhe luaj me injeksione. Ndeshje çdo tre ditë, stërvitje intensive: por gjithmonë jap gjithçka“, tha argjentinasi.
    I vetëdijshëm për rolin e tij në dhomën e zhveshjes, Icardi theksoi rëndësinë e lidershipit: “Unë jam një lojtar kyç, unë jam kapiteni. Gjithmonë dua të jem 100%, edhe pse pothuajse kurrë nuk kam qenë vërtet kështu në karrierën time.”
    “Ne kemi një ëndërr: të vazhdojmë të fitojmë në Champions League dhe të avancojmë në raundin tjetër. Pasi humbëm në ndeshjen e parë, kemi siguruar tre fitore vendimtare. Besojmë se mund të shtojmë edhe një të katërt“, tha Icardi.

  • China Suarez rrëfen natën e parë të tradhtisë me Icardi, historia e papublikuar e “Wandagate”

    China Suarez rrëfen natën e parë të tradhtisë me Icardi, historia e papublikuar e “Wandagate”

    23 Nëntor 2025

    9:03

    Alfred Lleshi

    China Suarez, në një intervistë ekskluzive për programin “La Mañana con Moria”, konfirmoi për herë të parë se takimi i saj i parë me Mauro Icardi ndodhi më 2021 në Paris, kur ai ishte ende i martuar me Wanda Nara, ngjarje që shkaktoi skandalin e njohur si “Wandagate”.
    Suarez tregoi detaje personale: “Gjithmonë kam qenë shumë monogame, por marrëdhëniet e mia kanë zgjatur vetëm disa vite. Ajo që ndodhi me Mauro ishte e pazakontë, si diçka nga një botë tjetër. Ne u dashuruam në Paris”.
    Ajo tha se ishte Icardi, ai që bëri hapin e parë: “Më dërgoi një mesazh në një moment kur isha praktikisht e shuar. Në atë kohë, Suarez ishte ende e lidhur me aktorin Benjamin Vicuña, me të cilin ka dy fëmijë, por marrëdhënia po kalonte një krizë.
    Ajo e përshkroi takimin e pare me Icardi plot nervozizëm, me veshje të thjeshta dhe një ndjenjë të menjëhershme tërheqjeje e kimie të forte. Suarez e përshkroi lidhjen si romantike dhe të fortë: “Ishte dashuri, një lidhje shumë e fuqishme. Dua të theksoj se nuk ishte një aventurë kalimtare”.
     

  • Icardi mesazh Galltasaraj: Do të presim deri në dhjetor, më pas do të vendos vetë

    Icardi mesazh Galltasaraj: Do të presim deri në dhjetor, më pas do të vendos vetë

    29 Tetor 2025

    13:00

    Telesport

    E ardhmja e Mauro Icardi është ende në ajër. Kontrata e sulmuesit të Galatasaray skadon në qershor 2026, por negociatat për një rinovim duket se janë pezulluar. Të paktën për momentin.
    Në një intervistë të kohëve të fundit, agjenti i tij Letterio Pino komentoi mbi situatën kontraktuale të klientit të tij, duke i dërguar një mesazh të qartë klubit turk.
    “Do të presim deri në dhjetor, pastaj do të ndihemi të lirë të marrim vendime të tjera. Askush nga klubi nuk ka folur ende”, tha agjenti për Icardi, tashmë 32 vjeç.
    Më tej, Pino tha: “Icardi është i rëndësishëm për Gallatasaraj dhe mezi pret deri në fund të sezonit për të mësuar qëllimet e klubit. E them këtë me respektin më të madh dhe theksoj se Galatasaray mbetet përparësia jonë”.
    Sulmuesi argjentinas është në sezonin e katërt në Turqi me ekipin e Gallatasaraj, ku në 99 ndeshje zyrtare ka realizuar 67 gola. Kohët e fundit është përfolur për një rikthim në Serie A, ku disa klube kanë shfaqur interes për të.

  • Icardi drejt kthimit në Serie A, pritet të bëhet shok skuadre me dy kuqezinjtë tanë

    Icardi drejt kthimit në Serie A, pritet të bëhet shok skuadre me dy kuqezinjtë tanë

    13 Tetor 2025

    10:43

    Alfred Lleshi

    Nga Turqia vjen një lajm i bujshëm për Torinon. Klubi i “granatave” raportohet se ka kontakte me Mauro Icardin për një rikthim të mundshëm të tij në Serie A. Sulmuesi argjentinas, 32 vjeç, është aktualisht me Galatasaray, ku luan që nga sezoni 2022-2023 dhe ka shënuar 66 gola në 96 ndeshje. Këtë sezon ka luajtur vetëm 3 ndeshje si titullar, por ka realizuar 5 gola.
    Presidenti i klubit turk Dursun Ozbek deklaroi se “rinovimi nuk është në tavolinë aktualisht”, ndërsa Icardi do të kthehej me kënaqësi në Itali, ku ka realizuar 219 gola, përfshirë 29 gola në sezonin 2017-2018 me Interin. Agjenti i tij e ka propozuar te disa klube, përfshirë Torinon, dhe drejtuesit e “granatave” po e shqyrtojnë si mundësi. Trajneri Baroni do të përfitonte nga një sulmues si Icardi, duke plotësuar mungesën e golave (7 gola në 5 ndeshje për ekipin aktual).
    Një takim me agjentin është planifikuar për janarin, ndërsa sfida kryesore mbetet pagimi i rrogës, aktualisht 6 milionë euro neto te Galatasaray, megjithëse Icardi mund t’i ulë kërkesat financiare për rikthim në Itali. Nëse ndodh, dy kuqezinjtë tanë, Ardian Ismajli dhe Kristjan Asllani, do të bëhen shokë skuadre me sulmuesin e njohur argjentinas.

  • Wanda Nara “shpërthen” ndaj Icardi: Më ka tradhëtuar në çdo mënyrë, në celular kam gjetur çdo provë

    Wanda Nara “shpërthen” ndaj Icardi: Më ka tradhëtuar në çdo mënyrë, në celular kam gjetur çdo provë

    Kanë kaluar katër vjet që nga ajo natë, e cila shkaktoi Wandagate. Takimi në një hotel në Paris midis Mauro Icardi dhe China Suarez është një nga arsyet e ndarjes përfundimtare midis Wanda Nara dhe futbollistit.
    Edhe pse ka kaluar shumë kohë që nga ajo natë, biznesmenja argjentinase zbuloi një detaj pak të njohur rreth momentit kur zbuloi pabesinë e Mauros. Wanda foli për momentet e dhimbshme që përjetoi me partnerët e saj dhe deklaroi.
    “Ka pasur tradhti të të gjitha llojeve. Ai që kërkon gjen“´, tha Nara. Më tej, ajo flet edhe pët faktin se si e zbuloi këtë tradhëti, nga celulari I China Suarez: “Unë e zbulova duke parë telefonin e saj”.
    Wanda rrëfeu të gjitha gjërat që kishin ndodhur: “E pashë që ishte e çuditshme dhe fillova të bëhesha edhe më e çuditshme. Thashë, ‘në rregull, shkoj në palestër gjithë ditën, isha e fortë, isha shumë e dobët dhe muskulore”.
    “Pastaj erdhi kërkesa e Icardi: ‘Ke diçka për të fshehur, je e çuditshme, dua fjalëkalimin tënd’. I thashë Kennys Palacios të fshinte mesazhet sepse shumë njerëz po më dërgonin mesazhe dhe unë jam e sjellshme dhe ndoshta do të lija një pëlqim ose një fytyrë të qeshur”, deklaroi Wanda Nara.

  • Wanda Nara, e neveritur nga sjella e Icardit: Bën bamirësi me gjërat e mia…

    Wanda Nara, e neveritur nga sjella e Icardit: Bën bamirësi me gjërat e mia…

    23 Gusht 2025

    8:06

    Alfred Lleshi

    Marrëdhënia mes Wanda Nara dhe Mauro Icardi mbetet e tensionuar. Prezantuesja argjentinase akuzoi ish-bashkëshortin se ka dhuruar për bamirësi veshje, këpucë, lodra dhe çanta luksoze, që ajo kishte lënë në Turqi një vit më parë. “Sillesh sikur bën bamirësi, por me gjërat e mia. Pse nuk ndihmon me të tuat? Kujdesu për familjen tënde, unë do të vazhdoj të kujdesem për vajzat tona”, – shkroi Wanda në rrjete sociale.
    Ndërkohë, beteja ligjore vijon. Icardi është regjistruar në listën e debitorëve, pasi nuk ka paguar për disa muaj “pensionin ushqimor” për vajzat Francesca dhe Isabella. Vendimi u mor nga gjyqtari argjentinas Adrián Hagopian, por futbollisti u mbrojt duke pretenduar se Wanda i ka marrë rreth 7 milionë euro nga llogaria e tij bankare, shifër që sipas tij mbulon të gjitha detyrimet deri në moshën madhore të vajzave.
    Konflikti shtrihet edhe mbi kujdestarinë. Icardi dëshiron që fëmijët të jetojnë në Turqi, ndërsa Wanda e kundërshton këtë, duke theksuar se për arsye pune nuk mund të zhvendoset atje dhe se vajzat duhet të qëndrojnë në Argjentinë.