Lajmidites.com

Tag: hyjmë

  • 35 vjet PD/ Nëna nga Vlora: Ne hyjmë në Evropë vetëm nga PD dhe Berisha, mos mbani shpresë tek asnjë tjetër

    35 vjet PD/ Nëna nga Vlora: Ne hyjmë në Evropë vetëm nga PD dhe Berisha, mos mbani shpresë tek asnjë tjetër

    Në ceremoninë që po organizohet në selinë e PD-së me rastin e 35 vjetorit të themelimit të saj, Xhoi Lekdushi, një nënë nga Vlora tha se e vetmja parti që do të çojë Shqipërinë në Europë është PD-ja me liderin e saj Sali Berisha

    “Unë jam një nënë, në moshë të thyer sot. Po në kohën e emigrimit, djali im iku. Po mënyra se si iku, ishte pa vizë.Dhe ne nuk kishim të drejtë të shkonim. Po falë Partisë Demokratike dhe liderit tonë të paarritshëm, ne arritëm gjithë ato lehtësira.Të shkojmë jashtë shtetit na është bërë si, themi ne nga Vlora, si rruga Vlorë-Skel. Ikim sa herë të duam jashtë edhe vijmë. Megjithatë, një mendim kam. Neve hyjmë në Evropë vetëm nga Partia Demokratike dhe nga zoti Sali Berisha. Mos mbani shpresë nga asnjë njeri tjetër, Sidomos nga ky katruqi që kemi në krye të vendit, që është drejt ikjes. Ju përshëndes të gjithëve dhe ju uroj një fitore sa më të shpejtë”
     

  • Opozita heq dorë nga zgjedhjet për Bashkinë e Tiranës? Edi Paloka jep përgjigjen e papritur

    Opozita heq dorë nga zgjedhjet për Bashkinë e Tiranës? Edi Paloka jep përgjigjen e papritur

    Deputeti demokrat, Edi Paloka, deklaroi në emisionin “A Show” se Edi Rama që kur ka ardhur në pushtet vijon me organizimin e farsave zgjedhore. 
    I pyetur nëse do të kandidonte përballë Manastirliut për Bashkinë Tiranë, Paloka tha: “Vendimi i parë që ne duhet të marrim, është a do hyjmë apo jo në këto zgjedhje”. 
    Demokrati Edi Paloka u shpreh se vendimet merren nga forumet e partisë ndërsa theksoi se shpesh marrin sulme të pamerituara. 
    “Kemi marrë një vendim. Kemi në statut mosbojkotimin, pjesëmarrjen në zgjedhje. Jemi praktikisht në një situatë paradoksale, absurdi politik ne si opozitë. Mbase prandaj merren dhe sulme të pamerituara.”-u shpreh Paloka. 
    Deputeti tha se kemi gabimet tona si opozitë ndërsa theksoi se problemi është që ndodhen në një situatë politike absurde. 
    “Ne nuk njohim zgjedhjet, por hyjmë në parlament. Ky bën farsa, por jemi të detyruar të hyjmë. Ikjen nga parlamenti e provuam. E dimë çfarë ndodhi. Prandaj them është absurd.”-u shpreh Paloka. 

  • Netanyahu: Do të hyjmë në Rripin e Gazës për të mposhtur Hamasin

    Netanyahu: Do të hyjmë në Rripin e Gazës për të mposhtur Hamasin

    Kryeministri izraelit Benjamin Netanyahu njoftoi se ushtria izraelite do të hyjë në Rripin e Gazës me të gjitha mundësitë e saj në ditët në vijim.
    Po ashtu deklaroi se Izraeli nuk sheh asnjë skenar në të cilin Izraeli të ndalë luftën
    “Në ditët në vijim, ne do të hyjmë me të gjitha forcat tona për të përfunduar operacionin dhe për të mposhtur Hamasin”, tha Netanyahu  gjatë një takimi me rezervistët izraelitë.

    “Nuk ka asnjë mënyrë që ne ta ndalojmë luftën”, tha mes të tjerash ai.

  • Gjergj Luca: Le të hyjmë bashkë në histori si brezi që i hapëm dyert Evropës

    Gjergj Luca: Le të hyjmë bashkë në histori si brezi që i hapëm dyert Evropës

    Sot, sipërmarrësi i njohur Gjergj Luca, jo në cilësinë e një politikani, por si një qytetar i ndershëm dhe i përkushtuar ndaj të ardhmes së vendit, ka ndarë me ndjekësit e tij një mesazh të ngrohtë dhe të fuqishëm. Një thirrje që buron nga përvoja, ndërgjegjja dhe dashuria për Shqipërinë.

    “Unë kam vetëm një votë në dorë, por kam miliona fjalë për të thënë: ky vend e meriton integrimin. Le të hyjmë bashkë në histori si brezat që i hapën dyert e atdheut dhe e çuan në shtëpinë evropiane, aty ku i takon me dinjitet dhe me të drejtë. Votoni për fëmijët tuaj!” – shprehet Luca në videomesazhin e tij, i cili është bërë një apel prekës për ndërgjegjësim qytetar dhe pjesëmarrje aktive në zgjedhjet e 11 majit.
    Në këto orë të fundit të fushatës, ai ka rikthyer edhe një herë moton e tij qytetare që ka gjetur jehonë të gjerë:“Besoni atë që shihni! Besoni atë që prekni! Besoni atë që ju emocionon! Pra, besoni të vërtetën!”
    E vërteta, sipas Lucës, është ajo që na bashkon, ajo që duhet ta udhëheqë rrugëtimin tonë drejt së ardhmes, drejt Evropës. “Për të çuar këtë vend në Evropë, inshalla këto zgjedhje do të jenë një triumf, një kthesë historike për Shqipërinë dhe për të gjithë ne”, vijon ai me bindje.
    Duke iu drejtuar si miqve në rrjetet sociale, ashtu edhe atyre që raportojnë në portale, Luca e mbyll mesazhin me një dëshmi të sinqertë dhe të patjetërsueshme:“Unë e dua Shqipërinë në Evropë për fëmijët e mi. Dua që, kur të vijë dita të largohem nga kjo botë, të shkoj me mendimin se isha pjesë e atij brezi që bëri gjënë e duhur. Brezi që mund të mburret se realizoi ëndrrën dhe aspiratën shekullore të këtij kombi.”
    AV

  • Rama sulmon partitë e vogla: Ne shyqyr hoqëm qafe LSI-në, e kishim nyje në grykë!

    Rama sulmon partitë e vogla: Ne shyqyr hoqëm qafe LSI-në, e kishim nyje në grykë!

    Kreu i PS, Edi Rama, nga Dimali, ka sulmuar partitë e vogla, duke i quajtur të rinj vetëm në moshë e fytyrë por jo në çështjet e politikës.
    Rama sulmoi edhe Berishën duke thënë se shkrirja e SPAK, do të thotë të kthehet drejtësia në “kënetën e bufit”.

    “Bufi thotë se më 12 maj do të shkrijë SPAK-un.
    Do të thotë se drejtësia do të kthehet në kënetën e bufit. Dmth kur vriten 4 qytetarë poshtë zyrës së bufit, do të kthehen sportelet që njerëzit do të copëtohen në radha dhe emigrantët do të vijnë këtu në vend për të marrë shërbime.
    Sa për lekët, e dini ju, si janë. 6 mln dollarë për të pastruar imazhin e bufit dalin për të tjera sdalin. Ata më të rinjtë, thonë se po na erdhi ne në dorë kjo punë do të shkojmë në zgjedhje të parakohshme ndërkohë që ne presim që të hyjmë në BE të marrim pasaportën evropiane dhe të marrim një buxhet ekstra. Po të hyjmë në BE, 300 mln në vit janë vetëm për bujqësinë.
    Ne duam të hyjmë në BE ata thonë do të shkojmë në zgjedhje.
    Dmth e kishim një ndjesë pastë LSI që na u ngatërrua nëpër këmbë dhe u kthye në nyje në fyt për shqiptarët, tani në vend që ta kujtojmë për 1 Majin meqë është dita e punëtorëve e të themi shyqyr shpëtuam nga pengmarrësit e vegjël, të rinjtë. Ca të rinjsh, të rinj në moshë po, por në program s’kanë lidhje fare që kur thonë do shkojnë në zgjedhje të parakohshme”, tha Rama.

  • ‘Synojmë të hyjmë si grup parlamentar’, Shehaj: Askush të mos guxojë të prekë votën tonë

    ‘Synojmë të hyjmë si grup parlamentar’, Shehaj: Askush të mos guxojë të prekë votën tonë

    Kryetari i partisë “Mundësia”, Agron Shehaj, gjatë një takimi me mbështetës në bashkinë Kamëz, dha një mesazh të fortë sigurie dhe optimizmi për zgjedhjet e 11 majit, duke theksuar se procesi i votimit dhe numërimit është i mbrojtur dhe votat për ndryshim nuk do të manipulohen.
    “Askush s’mund ta prekë një votë të ‘Mundësisë’. Sa më shumë ta zgjasim dorën, aq më shumë do bëhen. Votën e atyre që votojnë ndryshimin nuk e prek askush. Procesi i numërimit është i filmuar, s’ka shanse që të prekin votën tonë,” – u shpreh Shehaj.
    Ai shtoi se këto zgjedhje janë të fundit që zhvillohen në këtë mënyrë, duke lënë të kuptohet se synon ndryshime të thella në mënyrën e administrimit zgjedhor në të ardhmen. Shehaj pohoi se pritshmëritë për partinë janë rritur ndjeshëm dhe tashmë flitet për përfaqësim real në Parlament.
    “Është arritje për ne të hyjmë në parlamentin e ardhshëm me një grup deputetësh. Duke patur parasysh se kemi 1 vit që ekzistojmë dhe të jemi forcë e tretë është shumë për ne.”
    Në fund, ai la të hapur mundësinë që në një nga qarqet, “Mundësia” të jetë partia e dytë, duke e lënë enigmatike se për cilin qark e kishte fjalën:
    “Të mos ju duket e pamundur që në ndonjë qark mund të jemi dhe parti e dytë. Jua lë juve ta gjeni cili qark mund të jetë.”

  • Bashkëfinancim me Mira Muratin? Rama: Ja si mund të na ndihmojë të hyjmë më shpejt në BE

    Bashkëfinancim me Mira Muratin? Rama: Ja si mund të na ndihmojë të hyjmë më shpejt në BE

    Kryeministri Edi Rama për herë të parë tregoi idenë që Shqipëria të jetë bashkëfinancuese, e start up-it më të ri të Mira Muratit në fushën e inteligjencës artificiale quajtur, Thinking Machines Lab, iniciativë e cila ka tërhequr një interes dhe vëmendje botërore.

    “Ka ardhur koha që të hyjmë nëpër kompani, që shteti të futet të financojë dhe të përfitojë. Siç fola me Mira Muratin, i thashë që a është e mundur që të futemi edhe ne. Më tha patjetër. Më tha se janë tre shtete që më kanë bërë ofertën. Ka ardhur koha që të hyjmë në këtë lojë, se edhe në rastin tonë me kompanitë tona, edhe start up-i është i mirë për të ndihmuar në fazën A kur tjetri s’ka asnjë gjë dhe vetëm një ide. Ne të bashkëpunojmë, që të keni një produkt që mund ta përdorni ku të doni. Dhe në fund fare shteti kushton më pak. I thashë që do ta ndihmosh Shqipërinë të futet në BE? Kujtoi se po bëj humor. I thashë e kam seriozisht. I thashë mesa kuptoj unë se ti mund të na ndihmosh të futemi në BE më shpejt. Pjesa që ti s’ke nga ikën fare me BE është merr 250 mijë faqe, ktheji dhe silli këtej. Edhe ne kështu ishim përgatitur, të gjithë vendet kur fillojnë negociatat bëjnë një ushtri me përkthyes. E dyta i thashë do ta ndihmosh Shqipërinë të luftojë korrupsionin? I thashë prokurimet. Ne kemi krijuar një sistem që termat e referencës nuk mund t’i hedhësh më në publik pa kaluar te agjencia e Prokurimit Publik, por prapë është manuale. Kemi filluar ne me këtë“, tha Rama.
    Shqipëria është duke përdorur inteligjencën artificiale në përkthimin dhe njësimin e legjislacionit europian në kuadër të çeljes së grup kapitujve.
    Vetë kryeministri Edi Rama ka treguar se ishte ai i cili i telefonoi Mira Muratin për ti kërkuar ndihmë në këtë proces.
    Ky bashkëpunim i nisur me zonjën Murati sipas asaj që deklaroi sot Edi Rama synohet të ëohet përpara përmes një financimi të mundshëm të Thinking Machines Lab e kështu vendi ynë të bëhet bashkaksioner në këtë platformë.

    Top Channel

  • Ndocaj tregon të pathënat e seancës ku u votua reforma në drejtësi: Thoshin po hyjmë në burg vetë

    Ndocaj tregon të pathënat e seancës ku u votua reforma në drejtësi: Thoshin po hyjmë në burg vetë

    Ish-deputeti Eduard Ndocaj, i cili do të jetë pjesë e Koalicionin Euroatlantik në zgjedhjet e 11 majit, zbuloi disa të pathëna nga seanca historike e Kuvendit, ku u miratua me unanimitet reforma në drejtësi. Teksa insiston se kjo reformë u realizuar vetëm falë presionit ndërkombëtar, Ndocaj rrëfen se shumë prej deputetëve në atë moment solemn thonin që po votojmë futjen tonë në burg.
    “Këto që kanë bërë në 34 vite nuk janë gabime, por faje. Rama thotë që po i marrin dardha pas shpine, por i ka përpara dhe po ja marrin dardhat kush një e kush dy. Berisha ka bërë faje me ligji 7501. Ai dhe sot thotë që do të shkrij SPAK sa të vijë në pushtet. Të katërt liderët nuk e donin SPAK. Në sallë hidheshin batuta që do të hyjmë në burg vetë”, tha këtë fundjavë Ndocaj në një media.