Kombëtarja shqiptare e futbollit mund të jetë potencialisht pjesë e Grupit F në Botërorin 2026, ku goglat e vunë përballë Holandës, Japonisë dhe Tunizisë nëse ia del të kalojë play-off kontinental. FIFA nuk ka caktuar ende përfundimisht oraret e ndeshjeve dhe stadiumet ku do të luhen, por që tani njihen pjesërisht disa informacione rreth atyre sfidave.
Ndeshjet e para të këtij grupi, Holandë-Japoni dhe potencialisht Shqipëri-Tunizi, luhen më datë 14 qershor. Ndeshjet e dyta, Holandë-Shqipëri dhe Tunizi-Japoni, luhen më datë 20 qershor. Ndërsa ndeshjet e treta, Tunizi-Holandë dhe Japoni-Shqipëri, luhen më datë 25 qershor.
Dy ndeshjet e para të këtij grupi do të ndahen mes stadiumeve të Teksasit e Hjustonit në SHBA si dhe stadiumit “Estadio BBVA” në Guadalupe të Meksikës. Ndërsa ndeshjet e treta të skuadrave në këtë grup, do të zhvillohen në stadiumet e Teksasit dhe Kansas Sitit.
FIFA do të publikojë këtë të shtunë oraret zyrtare të ndeshjeve dhe stadiumet përfundimtare në të cilat planifikohen të luhen përballjet në fjalë.
Tag: holandë
-
Botërori 2026/ Mësoni datat e ndeshjeve të Shqipërisë në grupin e saj, mund të luhen në…
-
Krim brutal në Holandë, vëllezërit mbytën motrën 18-vjeçare në një kënetë sepse kishte të dashur! Babai dha urdhrin për vrasjen
Dy vëllezër mbytën motrën e tyre 18-vjeçare në një kënetë, pasi babai i tyre u kishte urdhëruar ta vrisnin kur zbuloi se ajo kishte të dashur.
Krimi i tmerrshëm ndodhi në Holandë dhe në gjykatë u paraqitën dy vëllezërit, pasi babai ishte arratisur në Siri.
18-vjeçarja Rayan Al-Jayar u vra nga vëllezërit e saj me urdhër të babait të saj, sepse ajo “turpëroi” familjen duke pasur një partner, sipas Telegraph.Khaled, i cili iku në Siri, do të gjykohet në mungesë, ndërsa vëllezërit, Mohammed, 23 vjeç, dhe Muhannad, 25 vjeç, u ulën në bankën e të akuzuarve.
18-vjeçarja u zhduk nga shtëpia e saj në Jura, Holandë, më 22 maj 2024. Gjashtë ditë më vonë, ajo u gjet e vdekur në një kënetë në Lelystad, ku ekspertët mjeko-ligjorë zbuluan se
ajo ishte me gojë të mbuluar, duart i kishte të lidhura pas shpine dhe kyçet e këmbëve të lidhura me shirit. Nën thonjtë e saj u gjet ADN që i përkiste babait, çka tregon se ajo ishte përpjekur të rezistonte.
Ata i mohojnë akuzat
Prokurorët thonë se 18-vjeçarja u vra sepse kishte të dashur dhe sillej në një mënyrë që familja e saj e konsideronte “perëndimore”, dhe e klasifikuan ngjarjen si krim nderi, sipas Daily Mail.
Vëllezërit e saj, gjyqi i të cilëve nisi të enjten, këmbëngulin se vrasjen e kreu babai i tyre.
Babai, i cili u arratis në Siri, thuhet se dërgoi dy email-e gazetës holandeze De Telegraaf, duke marrë përsipër të gjithë fajin dhe duke deklaruar se djemtë e tij janë të pafajshëm.
Megjithatë, prokurorët e hodhën poshtë pretendimin e tij, duke këmbëngulur se ai u kishte dhënë urdhër djemve të tij të rrëmbenin dhe të vrisnin Rajan.
Vlen të theksohet se 18-vjeçarja ishte nën mbrojtjen e policisë, e cila u ndërpre pak para vrasjes së saj, pa u sqaruar arsyet që çuan autoritetet në këtë vendim. -
Holandë/ Dy vëllezër vrasin motrën 18-vjeçare pasi zbuluan se kishte të dashur
Një ngjarje e rëndë ka ndodhur në Holandë, ku dy vëllezër kanë vrarë motrën e tyre 18-vjeçare në një kënetë në Lelystad, pas urdhrit të babait. Sipas prokurorisë, motivi i krimit ishte se vajza kishte një marrëdhënie romantike që familja e konsideronte të papërshtatshme.
Mediat holandeze raportojnë se 18-vjeçarja u zhduk nga shtëpia e familjes në Jura dhe u gjet e vdekur gjashtë ditë më vonë. Ekspertët mjeko-ligjorë zbuluan se asaj i ishte mbyllur goja, duart i ishin lidhur pas shpine dhe kyçet e këmbëve me shirit ngjitës. ADN-ja e babait u gjet nën thonjtë e saj, duke treguar se vajza kishte rezistuar.
Dy vëllezërit, Mohammed 23-vjeç dhe Muhannad 25-vjeç, janë arrestuar dhe ndodhen në paraburgim, ndërsa babai, Khaled, u arratis në Siri dhe do të gjykohet në mungesë. Ai ka pretenduar përmes email-eve se djemtë e tij janë të pafajshëm, por prokuroria thotë se krimi u krye me urdhrin e tij.
Vlen të theksohet se vajza ishte më parë nën mbrojtje policore, e cila u ndërpre para vrasjes, pa dhënë arsye të qarta. -
Sondazhi: Qytetarët perëndimorë të pakënaqur me demokracinë, shqetësime për të ardhmen
Një sondazhi në nëntë vende perëndimore tregon se kënaqësia me demokracinë është nën 50% në tetë prej tyre, dhe shumica e qytetarëve, përveç Suedisë, janë të shqetësuar për të ardhmen e saj. Lajmet e rreme, mungesa e llogaridhënies politike, ekstremizmi dhe korrupsioni konsiderohen si kërcënimet kryesore për sistemin demokratik.
Sondazhi, i realizuar nga Ipsos me pothuajse 10 mijë të anketuar në Kroaci, Francë, Itali, Holandë, Poloni, Spanjë, Suedi, Britani dhe SHBA, zbuloi se vetëm në Suedi shumica e qytetarëve ndihen të kënaqur me demokracinë. Në gjashtë vende, më pak se një e treta e të anketuarve janë të kënaqur: 18% në Kroaci, 19% në Francë, 20% në SHBA, 26% në Britani, 27% në Spanjë dhe 29% në Itali. Në Holandë dhe Poloni opinionet ishin të ndara, ndërsa Suedia ishte vendi i vetëm ku 65% e qytetarëve ishin të kënaqur.
Gideon Skinner, drejtor i lartë për politikën britanike në Ipsos, tha: “Pavarësisht mbështetjes së fortë për idealet demokratike, publiku është i zhgënjyer me funksionimin praktik të demokracisë dhe i shqetësuar për të ardhmen e saj”.
Shumica e qytetarëve vlerësojnë se demokracia ka përkeqësuar gjatë pesë viteve të fundit. Situata është veçanërisht shqetësuese në Francë dhe Holandë, ku qeveritë u rrëzuan gjatë vitit; në Poloni, 42% e qytetarëve mendojnë se demokracia ka përmirësuar. Në Francë, 81%, dhe në Holandë, 76% besojnë se demokracia është përkeqësuar, ndërsa edhe në SHBA (61%), Spanjë dhe Britani (58%) është perceptimi i ngjashëm.
Duke shikuar përpara, shqetësimet për të ardhmen e demokracisë janë të larta: 86% në Francë, 80% në Spanjë, 75% në Britani dhe Poloni, 74% në Holandë, 73% në Kroaci, 69% në SHBA dhe 64% në Itali. Pak qytetarë mendojnë se qeveritë përfaqësojnë mirë interesat e tyre, megjithëse qeverisja lokale ka performuar më mirë.
Megjithatë, mbështetja për demokracinë mbetet e fortë në shumicën e vendeve. Shumica e qytetarëve thonë se demokracia është e domosdoshme për shoqërinë dhe duhet mbrojtur, përveç në Kroaci, ku qytetarët mendojnë se ajo duhet të sigurojë gjithashtu një cilësi të mirë të jetës.
Në lidhje me kërcënimet kryesore për demokracinë, disinformimi shihet si rreziku më i madh në Francë (56%), Britani (64%), Suedi (67%), Holandë (75%) dhe Poloni (76%), ndërsa korrupsioni konsiderohet më problematik në SHBA (63%) dhe në vendet jugore të Evropës – Spanjë (73%), Kroaci (80%) dhe Itali (47%, së bashku me pabarazinë ekonomike).
Si mënyra për të forcuar demokracinë, qytetarët sugjeruan kryesisht ligje më të forta anti-korrupsion dhe zbatimin e tyre, rregullim më të mirë të rrjeteve sociale, edukim qytetar më të avancuar dhe mbrojtjen e pavarësisë së gjyqësorit.
Megjithëse mbështetja për demokracinë është e fortë, ekziston një dëshirë po aq e madhe për ndryshim radikal. Një pjesë e madhe e qytetarëve mendojnë se sistemi është i manipuluar në favor të të pasurve dhe të fuqishmëve.
Mbështetja për ndryshim radikal arrin: 52% në Spanjë, 55% në Itali, 60% në Poloni dhe Britani, 66% në Francë dhe 69% në Kroaci. Megjithatë, qytetarët preferojnë udhëheqës që ndërtojnë konsensus dhe bashkëpunim politik. -
Në Holandë, dritaret e mëdha të shtëpive janë simbol ndershmërie
Në Holandë, dritaret e mëdha të shtëpive nuk janë vetëm një detaj arkitektonik, por një pjesë e identitetit kulturor. Që prej shekujve të kaluar, ato kanë pasur një kuptim të thellë moral: kush nuk ka asgjë për të fshehur, e mban shtëpinë e hapur për syrin e kalimtarit. Kështu, dritaret e mëdha janë kthyer në simbol të ndershmërisë dhe të jetesës së sinqertë.
Tradita lindi në shekullin e 17-të, gjatë periudhës së artë të Holandës, kur vendi u bë një nga qendrat më të pasura të Evropës. Shoqëria protestante e asaj kohe predikonte thjeshtësi, transparencë dhe moral të pastër. Familjet e pasura nuk donin të akuzoheshin për arrogancë apo jetesë të fshehtë, ndaj e ruanin ndershmërinë duke e treguar qartësisht jetën e tyre përmes dritareve të mëdha, pa perde apo pengesa. Kalimtarët mund të shihnin brendësinë e një shtëpie të rregullt, të pastër e të qetë, si dëshmi e një jete të moralshme.
Edhe pse sot shoqëria është më moderne, kjo zakon është ruajtur me krenari. Në shumë qytete holandeze, nga Amsterdami deri te Roterdami, mund të shohësh dritare të mëdha që hapen drejt rrugës, shpesh pa perde, duke lejuar dritën dhe syrin e jashtëm të hyjë lirshëm. Kjo nuk shihet si mungesë privatësie, por si shenjë besimi dhe hapjeje ndaj botës.
Psikologët e kulturës shpjegojnë se kjo qasje tregon natyrën e sinqertë dhe të drejtpërdrejtë të holandezëve. Ata vlerësojnë ndershmërinë dhe qartësinë në marrëdhënie, si në jetën private ashtu edhe në shoqëri. Një dritare e madhe, në këtë kuptim, është një pasqyrë e vlerave të tyre: e ndritshme, e hapur dhe pa sekrete.
Në një kohë kur shumë vende kërkojnë gjithnjë e më shumë privatësi dhe mbyllje, Holanda na kujton një ide të thjeshtë por të fuqishme: transparenca ndërton besim. Dhe ndoshta, përmes dritareve të saj të mëdha, ky vend na mëson se sinqeriteti nuk është vetëm virtyt personal, por edhe një mënyrë jetese që ndriçon të gjithë shoqërinë.
-
Zgjedhjet në Holandë, autoritetet: Inteligjenca artificiale, kërcënim serioz për demokracinë
Vetëm tetë ditë para zgjedhjeve kombëtare, Autoriteti Holandez për Mbrojtjen e të Dhënave (AP) ka paralajmëruar se chatbot-ët e inteligjencës artificiale përbëjnë një kërcënim serioz për demokracinë, duke ndikuar në mënyrë të njëanshme tek votuesit.
Në një raport të publikuar së fundmi, autoritetet testuan katër chatbot-e të ndryshëm dhe zbuluan se ata shpesh përfundojnë duke rekomanduar dy parti politike, pavarësisht pyetjes apo kërkesës së përdoruesit.
Bëhet fjalë për Partia e Lirisë (PVV) e ekstremit të djathtë e udhëhequr nga Geert Wilders dhe GroenLinks-PvdA e krahut të majtë, e drejtuar nga ish-komisioneri evropian Frans Timmermans.
Sipas raportit, të cituar nga The Guardian, në mbi 50% të rasteve chatbot-ët sugjeronin njërën prej këtyre dy partive, ndërsa parti të tjera si CDA (e qendrës së djathtë) përmendeshin shumë rrallë, edhe kur pikëpamjet e përdoruesit përputheshin qartazi me ato të kësaj partie.
Organi mbikëqyrës holandez theksoi se “chatbot-ët mund të duken si ndihmës të zgjuar, por në kontekstin e votimit dështojnë vazhdimisht.
Zgjedhjet e 29 tetorit në Holandë po vëzhgohen nga afër në mbarë Evropën për shkak të rritjes së ndjeshme të mbështetjes për PVV-në. Megjithëse kjo parti kryeson në sondazhe, garuesit kryesorë si GroenLinks-PvdA dhe CDA po i afrohen në rezultat, ndërkohë që një pjesë e madhe e votuesve mbeten ende të pavendosur.Top Channel
-
Dhunë dhe përplasje në Hagë, policia holandeze përdor gaz lotsjellës dhe ujë për të shpërndarë protestën anti-emigracion
Policia holandeze ka përdorur gaz lotsjellës dhe topa uji për të shpërndarë protestuesit anti-emigracion të cilët u përfshinë në akte dhune të shtunën në qytetin e Hagës, sipas një zëdhënësi të qeverisë lokale.Reklama në FieriWeb – “Oazi i Pishave”
Mijëra qytetarë morën pjesë në një protestë të organizuar nga një aktivist i ekstremit të djathtë, vetëm pak më shumë se një muaj para zgjedhjeve kombëtare në Holandë. Protestuesit kërkonin politika më të ashpra ndaj emigracionit dhe ndalimin e pranimit të azilkërkuesve. Reklama në FieriWeb – “KETU MUND TE JETË REKLAMA JUAJ”
Pamjet e transmetuara nga televizioni NOS tregojnë përplasjet e dhunshme mes protestuesve dhe forcave të rendit, ku u hodhën gurë dhe shishe ndaj policisë. Një makinë policie u dogj, ndërsa një grup protestuesish bllokuan për pak kohë një autostradë pranë vendit të tubimit.Reklama në FieriWeb – “PASTIÇERI “RUSTEMAJ”
Reklama në FieriWeb – “BREGU CLIMA”
Sipas mediave vendase, protestuesit kanë dëmtuar gjithashtu selinë qendrore të partisë së qendrës së majtë, D66, duke thyer disa xhama të ndërtesës.Reklama në FieriWeb – “REKLAMO KËTU”
Lideri i D66, Rob Jetten, reagoi ashpër në rrjetin social X, duke shkruar “Turp. Mbajeni duart larg partive politike. Nëse mendoni se mund të na frikësoni, e keni gabim. Nuk do t’ia lëmë kurrë vendin tonë të bukur ekstremistëve të dhunshëm.”
Një grup më i vogël protestuesish u drejtua drejt kompleksit të parlamentit holandez, i cili aktualisht është i rrethuar për shkak të punimeve restauruese.
Politikani anti-emigracion dhe populist Geert Wilders, fitues i zgjedhjeve të fundit në Holandë, ishte ftuar të mbante një fjalim gjatë protestës, por nuk mori pjesë.
Në vend të kësaj, Wilders dënoi dhunën përmes një postimi në X, ku e quajti përdorimin e forcës ndaj policisë si “tërësisht të papranueshëm”, ndërsa protestuesit e dhunshëm i quajti “idiotë” dhe “plehra”.
Zgjedhjet e ardhshme në Holandë pritet të mbahen më 29 tetor, dhe tensionet politike përreth çështjes së emigracionit janë rritur ndjeshëm në javët e fundit.
-
Slot: “Në Angli, tifozët kundërshtarë bashkëjetojnë në stadium. Në Holandë, kjo nuk është e mundur”
Derbi i Merseyside do të luhet në Anfield nesër në orën 13:30 sipas kohës italiane. Trajneri i Liverpoolit, Arne Slot, foli në një konferencë për shtyp rreth derbit: “Çdo ndeshje në Anfield është e veçantë, por ky derbi është edhe më i veçantë.”
Slot vlerësoi Evertonin, i cili ka bërë një nisje të shkëlqyer deri më tani, me Jack Grealish që fitoi çmimin e Lojtarit të Muajit në Premier League për gushtin.
“Kur luajtëm kundër tyre sezonin e kaluar, ata ishin në një seri të shkëlqyer dhe kanë vazhduar ta bëjnë këtë. Ata kanë bërë disa transferime të mira.
Njëri prej tyre është padyshim një lojtar i huazuar që më parë vlente 100 milionë £ dhe i cili po bën shumë mirë për ta, Jack Grealish.”
Dallimet midis tifozerisë në Angli dhe Holandë.
“Ajo që më pëlqen shumë këtu në Angli është se pavarësisht se sa rivalitet ka midis nesh dhe Evertonit ose midis nesh dhe United, tifozët mund të jenë thjesht bashkë.
Kur mbërritëm në Newcastle, pashë 10 fanella të Liverpoolit dhe shumë fanella të Newcastle, por 10 fanellat e Liverpoolit mund të jenë thjesht midis tifozëve të Newcastle.
Në Holandë, kjo është e pamundur. Është diçka vërtet e veçantë ajo që ke këtu, dhe shpresoj se mund ta ruash atë për shumë vite që do të vijnë.
Nëse Ajax luan kundër Feyenoord, tifozët mysafirë nuk lejohen më, kështu që kjo tregon se sa ‘e tmerrshme’ është situata. Është shumë më mirë nëse të dy tifozët janë bashkë”. -
Arbër Selmani fiton Çmimin SEED 2025 nga Prince Claus Fund në Holandë
Shkrimtari kosovar Arbër Selmani është shpallur njëri nga fituesit e Çmimit SEED 2025 nga Prince Claus Fund në Amsterdam, Holandë. Selmani e ka bërë të ditur lajmin me entuziazëm në rrjetet sociale, duke e quajtur këtë një nder të madh, shkruan KultPlus.
Juria ka vlerësuar librin e tij, aktualisht në formë dorëshkrimi, “Testosteron”, duke besuar se ky vepër ka potencial të përkthehet edhe në gjuhën angleze. Çmimi SEED synon të mbështesë dhe promovojë autorë të rinj dhe projekte kreative që kanë ndikim kulturor dhe shoqëror.
Ky sukses vjen si një hap i rëndësishëm në karrierën e Selmanit, duke e afirmuar më tej në skenën ndërkombëtare të letërsisë./KultPlus.com
-
11 ton kokainë në Evropë! Kapet në Republikën Dominikane Soni Pepa, si ‘Zhuu’ dhe ‘Shijaksi’ ‘qanin hallin’ e lekëve
Soni Pepa
TIRANË-40-vjeçari Soni Pepa, i shpallur në kërkim nga SPAK për trafik droge është arrestuar në Republikën Dominikane. Pepa u ndalua më 3 shtator në Santo Domingo. Gjatë momentit të ndalimit, autoritetet i kanë gjetur një pasaportë shqiptare, dokumente italiane, pesë telefona celularë të koduar dhe shuma të konsiderueshme parash në dorë.
I njohur si ‘Zhuu’, 40-vjeçari akuzohet për një sasi prej 11 tonësh kokainë, nga të cilat 600 kilogramë u sekuestruan në Roterdam, Holandë, mes datave 7 dhe 8 nëntor 2020. Gjithashtu, ai dyshohet se ka financuar blerjen e 10 kilogramëve të tjerë në të njëjtin qytet.
40-vjeçari ishte pjesë e grupit të strukturuar kriminal ndërkombëtar Çopja, i cili operonte në disa shtete të Europës dhe Amerikës së Jugut, me qëllim trafikimin e lëndëve narkotike. Ngarkesa e drogës dyshohet se është nisur nga porti i Villetas në Paraguai, me destinacion përfundimtar portin e Antverpit në Belgjikë. Emri i tij është pjesë e dosjes voluminoze dhe qindra mijëra sms të zbërthyera nga aplikacioni SKY ECC.Trafikantët bisedonin mes tyre për shumat marramendëse të lekëve të cilat i kishin në Holandë dhe nuk i nisnin dot në Shqipëri. Konkretisht “shijaksi”, Ervis Çela i referohet shtetasit Fadil Balla, për të cilin pyet vëllain tij nëse ka dorëzuar ndonjë shumë parash. Të njëjtën pyetje ka dhe për shtetasin Soni Pepa, të cilit i referohet me nofkën “Zhuu”. Ervisi pyet vëllain e tij nëse tashmë e ka grumbulluar shumën e dyshuar prej 15 milionë eurosh. Në këtë bisedë Ervis Çela shprehet gjithashtu se ka shuma të konsiderueshme parash në Holandë, por nuk ka shoferë për t’i transportuar deri në Shqipëri.
Aktualisht, i ndaluari ndodhet në Drejtorinë e Përgjithshme të Imigracionit të Republikës Dominikane dhe pritet të deportohet drejt Shqipërisë, në koordinim me zyrën e INTERPOL Santo Domingo./ZËRI