Lajmidites.com

Tag: heshtur

  • Fushatë zgjedhore e heshtur dhe e qetë që foli pak për Shqipërinë! Rezultati? PS-ja drejt mandatit të katërt, PD-ja humbje të sigurtë!

    Fushatë zgjedhore e heshtur dhe e qetë që foli pak për Shqipërinë! Rezultati? PS-ja drejt mandatit të katërt, PD-ja humbje të sigurtë!

    Fushata e heshtur dhe e qetë  që foli pak për Shqipërinë!

    Zgjedhjet parlamentare të 11 majit po trokasin në derë, por rrallëherë një fushatë elektorale ka qenë kaq e heshtur në përmbajtje dhe kaq e zhurmshme në tone. Në vend të ideve, të vizioneve për Shqipërinë e së nesërmes, të platformave të qarta për mirëqeverisje, qytetarët u përballën me një betejë të zbrazët që zhvillohej më shumë në rrjetet sociale dhe nëpërmjet algoritmeve të inteligjencës artificiale sesa në terrenin e vërtetë të politikës.

    Kjo fushatë u karakterizua nga mungesa totale e përballjeve mes liderëve të forcave kryesore politike. Edi Rama dhe Sali Berisha zgjodhën të flasin nga distanca, në monologë të njëanshëm, pa pasur kurrë guximin për t’u ulur përballë njëri-tjetrit e për t’u ndeshur me argumente. Edhe kandidatët për deputetë mbetën në hije, të painteresuar për t’u prezantuar ndershmërisht para zgjedhësve që presin zgjidhje konkrete.

    Në vend të debatit, mbizotëruan sulmet personale, përbaltja dhe manipulimi dixhital. Rrjetet sociale u shndërruan në arenën kryesore të kësaj fushate të zbehtë, ndërsa inteligjenca artificiale u përdor më shumë për të deformuar perceptimin sesa për të ndihmuar qytetarin të marrë një vendim të informuar. Reklama në FieriWeb – “STREET FOOD S.O.A”

    Rezultati i kësaj atmosfere është tashmë i pritshëm: Partia Socialiste e Edi Ramës shkon e sigurt drejt një mandati të katërt qeverisës, jo për shkak të ndonjë entuziazmi popullor apo platforme të re shpresëdhënëse, por për mungesë alternative reale. Ndërkohë, Partia Demokratike e Sali Berishës, edhe pse e qetë në ton, po marshon e sigurt drejt një tjetër humbjeje – një rrugë e diktuar nga izolimi, mungesa e rinovimit dhe pamundësia për të ndërtuar një projekt politik që frymëzon.

    Në një vend ku politika është kthyer në një rutinë të parashikueshme pa substancë, zgjedhjet e 11 majit nuk janë më një garë idesh, por një formalitet elektoral që thjesht rithekson status quonë. Shqipëria meriton më shumë – meriton një politikë që flet për qytetarin, jo për liderët.Reklama në FieriWeb – “PASTIÇERI “RUSTEMAJ”

    Vladimir Muçaj / newsalbania.al

  • ‘Shumica e heshtur do të godasë regjimin me votë’/ Harxhi: Jam e bindur që në datën 12 maj shqiptarët do të gdhihen me rotacion

    ‘Shumica e heshtur do të godasë regjimin me votë’/ Harxhi: Jam e bindur që në datën 12 maj shqiptarët do të gdhihen me rotacion

    Në një intervistë për Syri TV, kandidatja për deputete e Partisë Demokratike në Tiranë, Edith Harxhi, deklaroi se “shumica e heshtur” e qytetarëve është gati të sjellë ndryshimin përmes votës. Sipas saj, frika e krijuar nga dhuna shtetërore ka nënshtruar qytetarin shqiptar, por vullneti për rotacion mbetet i gjallë.

    Harxhi theksoi se presioni ndjehet si në administratë publike, ashtu edhe në sektorin privat. Ajo shprehu bindjen se më 12 maj vendi do të zgjohet me një ndryshim politik. Ndërkohë, një grup senatorësh dhe kongresmenësh amerikanë i kanë dërguar një letër Sekretarit të Shtetit Marko Rubio. Në letër shprehet shqetësimi për manipulimin e mundshëm të zgjedhjeve dhe përndjekjen e liderëve opozitarë në Shqipëri.

    Harxhi: Shumica e heshtur janë i gjithë ai grup qytetarësh të cilët nuk duan të shfaqen hapur për arsye të ndryshme, e pohojnë nën zë, ose në pëshpërime dhe thonë që ne do ta largojmë, ne do ta godasim me votë dhe ne do të bëjmë ndryshimin, do të votojmë ndryshimin.

    Janë të gjithë ata njerëz të cilët punojnë diku, këtu qytetarin e ka kapluar një frikë e madhe, për arsye të dhunës shtetërore dhe të nënshtrimit dhe asaj çfarë ka kërkuar Edi Rama vetë, që ta nënshtrojë qytetarin, individin shqiptar në përgjithësi, kjo ndihet kudo, ndihet si te punonjësit e administratës publike, dhe te privatët në të njëjtën kohë dhe megjithatë përsëri ata me mënyrat e tyre e shprehin që do të shkojnë të votojnë, dhe do të votojnë për këtë ndryshim.

    Unë jam e bindur që në datën 12 aj shqiptarët do të gdhihen me rotacion.

    Dje një grup kongresmenësh dhe senatorësh amerikanë i kanë dërguar një letër Sekretarit të Shtetit Marko Rubio, në të cilën ata i shprehin në mënyrë të hapur që të ketë kujdes nga ana e Sekretarit Rubio për lidhjet në Shqipëri për atë që mund të ndodhë, që ata e quajnë manipulim zgjedhor, por në të njëjtën kohë edhe për përndjekjen që i është bërë liderëve politikë në Shqipëri.

    Gjithçka është ngritur në nivelin më të lartë të Departamentit të Shtetit.

  • Toka po ftohet më shpejt nga sa kemi menduar, dhe shuarja gjeologjike që e pret është më afërt

    Toka po ftohet më shpejt nga sa kemi menduar, dhe shuarja gjeologjike që e pret është më afërt

    Albert Vataj
    Shkenca po na sjell një paralajmërim të heshtur, por tronditës, planeti ynë, në thellësitë e tij më të thella, po shkon drejt shuarjes më shpejt nga sa mendonim. Një studim i ri nga ETH Zurich dhe Carnegie Institution for Science ka zbuluar se bërthama e Tokës po humbet nxehtësi me ritme të përshpejtuara, një zhvillim që mund të ndryshojë rrënjësisht mënyrën se si e konceptojmë fatin afatgjatë të botës ku jetojmë.Ky zbulim nuk vjen nga një parashikim fantastiko-shkencor, por nga eksperimentime të drejtpërdrejta mbi një mineral kyç, bridgmanite, që ndodhet në kufirin mes bërthamës dhe mantelit të Tokës. Në kushtet e nxehtësisë dhe presionit ekstrem, bridgmanite rezulton të jetë një përçues i jashtëzakonshëm i nxehtësisë, rreth 1.5 herë më efikas nga sa ishte menduar më parë.Çfarë do të thotë kjo në praktikë? Nëse Toka ftohet më shpejt, atëherë rrymat konvektive që gjallërojnë mantelin, nxisin lëvizjen e pllakave tektonike dhe mbajnë fushën tonë magnetike, të domosdoshme për jetën, mund të ngadalësohen dhe, në një të ardhme të largët, të ndalen krejtësisht.Shkencëtarët nuk mund të përcaktojnë saktësisht kohështrirjen e këtij procesi, por paralelet me planetë si Marsi dhe Mërkuri janë shqetësuese. Ata janë tashmë trupa shkëmborë, të heshtur, pa lëvizje të brendshme apo magnetizëm aktiv. Një fat i ngjashëm, sipas kësaj teorie, mund të presë edhe Tokën.Kjo është më shumë se një lajm shkencor, është një meditim mbi kalueshmërinë e gjithçkaje. Një kujtesë se edhe ky planet i zhurmshëm, që dridhet, shpërthen dhe rrah me jetën që mbart, është në rrugën e tij drejt një gjendjeje të ngrirë dhe të heshtur. Jo nesër, jo për brezat tanë, por në horizontin kozmik të një kohe që vetëm universi e përfytyron.Dhe në këtë rrjedhë të pakthyeshme, ajo që na mbetet është të kuptojmë, të çmojmë dhe të mbrojmë këtë mrekulli të rrallë që quajmë Tokë, ende e gjallë, ende mikpritëse, ende shtëpia jonë.

    Burimi: ETH Zurich

  • Çfarë është migrena e heshtur! Si ta dalloni dhe ta trajtoni për t’u ndjerë më mirë

    Çfarë është migrena e heshtur! Si ta dalloni dhe ta trajtoni për t’u ndjerë më mirë

    Migrena zakonisht njihet për shkaktimin e dhimbjes pulsuese të kokës, por jo të gjitha rastet e migrenës janë të njëjta.

    Në fakt, disa nuk shoqërohen me dhimbje koke por karakterizohen nga simptoma të ndryshme. Kjo quhet migrenë e heshtur ose migrenë pa dhimbje koke.

    Më poshtë AgroWeb.org ju njeh me simptomat e zakonshme të migrenës së heshtur dhe mundësitë e trajtimit.

    Çfarë është migrena e heshtur?

    Në rastet kur një person përjeton migrenë të heshtur ai mund të pësojë ndryshime në shikim ose paqartësi, ndryshime në shqisa, ose në të folur.

    Në përgjithësi, ky lloj sulmi i paraprin fillimit të dhimbjes së kokës, por një migrenë e heshtur mund ta kalojë edhe këtë fazë. Si të gjitha migrenat, shkaku i saktë nuk është kuptuar plotësisht.

    Cilët janë shkaktarët
    Shkaqet janë të ngjashme me dhimbjet e kokës nga migrena, dhe përfshijnë:

    Stresin
    Ndryshimet e motit
    Luhatjet hormonale
    Ndryshime në rutinën tuaj të përditshme
    Dritat e forta
    Disa ushqime ose medikamente
    Çrregullimet e gjumit
    Mendohet se nxitësi shkakton një reaksion zinxhir në tru që bën që qelizat nervore të bëhen tepër aktive.

    Simptomat
    Simptoma më e dukshme është një sulm vizual dhe shkakton shfaqjen e njollave apo pikave të lëvizshme.

    Simptoma të tjera përfshijnë:

    Çrregullime të të folurit
    Dobësi
    Mpirje
    Vertigo
    Çekuilibër
    Të përziera
    Marramendje
    Ndjeshmëri ndaj dritës
    Këto simptoma shpesh shfaqen në faza të ndryshme gjatë një episodi.

    Sa zgjat?
    Kohëzgjatja varet nga personi. Për disa, një migrenë e heshtur mund të jzgjasë disa orë, ndërsa për të tjerët mund të zgjasë me ditë.

    Në përgjithësi, migrena e heshtur mund të ndahet në katër faza:

    Faza paralajmëruese
    Kjo ndodh një ose dy ditë para fillimit të një episodi sulmi dhe zakonisht përfshin simptoma të tilla si dëshirë e shtuar për ushqim, ndryshime të humorit, lodhje dhe etje e shtuar.

    Aura
    Kohëzgjatja e kësaj faze shpesh varion nga 5 deri në 60 minuta, ku 20 minuta është gjatësia më tipike. Por, në disa raste, mund të jetë e vazhdueshme dhe të zgjasë për ditë në javë.

    Dhimbje koke
    Kjo fazë zakonisht nuk ndodh gjatë një sulmi të heshtur, por shfaqet zakonisht me dhimbje në një pjesë specifike të kokës.

    Trajtimet
    Shumica e trajtimeve fokusohen në lehtësimin e dhimbjes, por për shkak se një migrenë e heshtur nuk shoqërohet me dhimbje, trajtimi nuk është edhe aq i disponueshëm.

    Ilaçet kundër dhimbjes mund të ndihmojnë në parandalimin e fazës së dhimbjes së kokës.

    Trajtimi me suplementet e oksidit të magnezit mund të jenë efektive për disa persona.

    Medikamente kundër konvulsioneve që ulin ndjeshmërine e neuroneve në tru, mund të ndihmojë.

    Ndryshimet e stilit të jetesës, reduktimi i stresit, gjumi i mirë dhe trajtimi me të nxehtë dhe akull mund të ndihmojnë në parandalimin e sulmeve.

    E nëse keni simptoma të reja ose simotomat tuaja janë përkeqësuar, mjeku juaj mund t’ju japë diagnozën dhe planin e duhur të trajtimit. /AgroWeb.org

  • Çfarë Është Migrena E Heshtur – Si Ta Dalloni Dhe Ta Trajtoni Për T’u Ndjerë Më Mirë

    Çfarë Është Migrena E Heshtur – Si Ta Dalloni Dhe Ta Trajtoni Për T’u Ndjerë Më Mirë

    Migrena zakonisht njihet për shkaktimin e dhimbjes pulsuese të kokës, por jo të gjitha rastet e migrenës janë të njëjta.

    Në fakt, disa nuk shoqërohen me dhimbje koke por karakterizohen nga simptoma të ndryshme. Kjo quhet migrenë e heshtur ose migrenë pa dhimbje koke.
    Më poshtë AgroWeb.org ju njeh me simptomat e zakonshme të migrenës së heshtur dhe mundësitë e trajtimit.
    Çfarë është  migrena e heshtur?
    Në rastet kur një person përjeton migrenë të heshtur ai mund të pësojë ndryshime në shikim ose paqartësi, ndryshime në shqisa, ose në të folur.
    Në përgjithësi, ky lloj sulmi i paraprin fillimit të dhimbjes së kokës, por një migrenë e heshtur mund ta kalojë edhe këtë fazë. Si të gjitha migrenat, shkaku i saktë nuk është kuptuar plotësisht.
    Cilët janë shkaktarët 
    Shkaqet janë të ngjashme me dhimbjet e kokës nga migrena, dhe përfshijnë:

    Stresin
    Ndryshimet e motit
    Luhatjet hormonale
    Ndryshime në rutinën tuaj të përditshme
    Dritat e forta
    Disa ushqime ose medikamente
    Çrregullimet e gjumit

    Mendohet se nxitësi shkakton një reaksion zinxhir në tru që bën që qelizat nervore të bëhen tepër aktive.
    Simptomat 
    Simptoma më e dukshme është një sulm vizual dhe shkakton shfaqjen e njollave apo pikave të lëvizshme.
    Simptoma të tjera përfshijnë:

    Çrregullime të të folurit
    Dobësi
    Mpirje
    Vertigo
    Çekuilibër
    Të përziera
    Marramendje
    Ndjeshmëri ndaj dritës

    Këto simptoma shpesh shfaqen në faza të ndryshme gjatë një episodi.
    Sa zgjat?
    Kohëzgjatja varet nga personi. Për disa, një migrenë e heshtur mund të jzgjasë disa orë, ndërsa për të tjerët mund të zgjasë me ditë.
    Në përgjithësi, migrena e heshtur mund të ndahet në katër faza:

    Faza paralajmëruese

    Kjo ndodh një ose dy ditë para fillimit të një episodi sulmi dhe zakonisht përfshin simptoma të tilla si dëshirë e shtuar për ushqim, ndryshime të humorit, lodhje dhe etje e shtuar.

    Aura

    Kohëzgjatja e kësaj faze shpesh varion nga 5 deri në 60 minuta, ku 20 minuta është gjatësia më tipike. Por, në disa raste, mund të jetë e vazhdueshme dhe të zgjasë për ditë në javë.

    Dhimbje koke

    Kjo fazë zakonisht nuk ndodh gjatë një sulmi të heshtur, por shfaqet zakonisht me dhimbje në një pjesë specifike të kokës.

    Postdrome

    Kjo fazë mund të zgjasë me orë deri në ditë dhe shpesh karakterizohet nga lodhja, nervozizmi, ndryshimet e humorit etj.
    Trajtimet
    Shumica e trajtimeve fokusohen në lehtësimin e dhimbjes, por për shkak se një migrenë e heshtur nuk shoqërohet me dhimbje, trajtimi nuk është edhe aq i disponueshëm.
    Ilaçet kundër dhimbjes mund të ndihmojnë në parandalimin e fazës së dhimbjes së kokës.
    Trajtimi me suplementet e oksidit të magnezit mund të jenë efektive për disa persona.
    Medikamente kundër konvulsioneve që ulin ndjeshmërine e neuroneve në tru, mund të ndihmojë.
    Ndryshimet e stilit të jetesës, reduktimi i stresit, gjumi i mirë dhe trajtimi me të nxehtë dhe akull mund të ndihmojnë në parandalimin e sulmeve.
    E nëse keni simptoma të reja ose simotomat tuaja janë përkeqësuar, mjeku juaj mund t’ju japë diagnozën dhe planin e duhur të trajtimit. /AgroWeb.org