Lajmidites.com

Tag: hermès

  • Haaretz: Shqipëria do të marrë artileri të avancuar dhe dronë nga Izraeli

    Haaretz: Shqipëria do të marrë artileri të avancuar dhe dronë nga Izraeli

    Artikull ekskluziv i Haaretz, nga Oden Yaron, përshtatur në shqip
    Të mërkurën, 12 nëntor, gazeta e njohur izraelite Haaretz, ka publikuar një artikull ku thuhet se kompania izraelite e mbrojtjes, Elbit Systems, do të furnizojë Shqipërinë me sisteme të reja artilerie, mortaja (armë artilerie me tytë të shkurtër që hedhin predha me trajektore shumë të lartë) dhe dronë.
    Në dokumentin zyrtar, sipas gazetës, theksohet se kompania izraelite e mbrojtjes do të ndihmojë Shqipërinë të krijojë një industri të pavarur ushtarake, duke shtuar se në shtator të këtij viti është firmosur një marrëveshje mes qeverive të dy vendeve.
    Sipas marrëveshjes, që ende nuk është publike dhe për të cilën bazohemi vetëm në këtë artikull, Shqipëria do të marrë:
    Howitzer ATMOS 155 mm (një top i rëndë artilerie, i montuar mbi kamion ushtarak)
    Mortaja 120 mm SPEAR (një armë e cila përdoret për të goditur objektiva në distanca të mesme, montohet mbi automjete të lehta ushtarake)
    Dronët Magni-X dhe Thor, për përdorim taktik në distanca të shkurtra

    Vlera e kontratës nuk është bërë publike. Vitet e mëparshme, nga marrëveshje të ngjashme, dihet se një njësi ATMOS kushton rreth 5 milionë dollarë.
    Dronët Magni-X dhe Thor
    Magni-X është një dron i vogël, që mund të fluturojë edhe në zona me pengesa për sinjalet e GPS. Ky model përdoret edhe nga ushtria britanike dhe ajo austriake.
    Droni Thor peshon deri në 15 kg dhe mund të mbajë pajisje për vëzhgim dhe mbledhje informacioni ose sistemin TerminaTHOR, i cili hedh nga ajri pesë municione të vogla. Ai mund të fluturojë rreth 70 minuta pa ngarkesë të rëndë.
    Prodhimi në Shqipëri
    Elbit Systems, gjithnjë sipas asaj që shkruan gazeta izraelite Haartez, do të bashkëpunojë me kompaninë shtetërore shqiptare KAYO, e krijuar në vitin 2024 për zhvillimin e industrisë së mbrojtjes. KAYO do të ndërtojë një fabrikë prodhimi prej 5 mijë metrash katrorë në veri të vendit.
    Në fazën e parë, Izraeli do t’i japë Shqipërisë 10 dronë. Më pas, Elbit do të ndihmojë ngritjen e linjave të prodhimit për dronë dhe sisteme artilerie brenda Shqipërisë.
    Në dokumentet e dorëzuara për miratim nuk janë bërë publike shumat financiare apo burimet e financimit. Sipas raportimeve, marrëveshja pritet të garantohet nga korporata izraelite e sigurimit të eksporteve, ASHRA.
    Bashkëpunime të tjera
    Në prill, Elbit Systems firmosi edhe një marrëveshje për ngritjen e një Akademie aviacioni në Vlorë, në bashkëpunim me KAYO.
    Shqipëria, si vend anëtar i NATO-s, ka rritur investimet në mbrojtje vitet e fundit. Sipas Ministrisë së Mbrojtjes, buxheti ushtarak ka arritur nga 13 milionë euro një dekadë më parë, në rreth 138 milionë euro.
    Izraeli dhe Shqipëria kanë zhvilluar ndër vite bashkëpunim edhe në fushën e teknologjisë dhe sigurisë kibernetike.
    Brazili zgjeron marrëveshjen me Elbit
    Ndërkohë, sipas Haaretz, Elbit Systems ka vazhduar të marrë porosi nga e gjithë bota në muajt e fundit, pavarësisht presionit ndërkombëtar mbi Izraelin, që kulmoi me vendimin e qeverisë spanjolle për të vendosur embargo armësh dhe anuluar kontratat.
    Elbit Hermes 900
    Java e kaluar, Forca Ajrore e Singaporit njoftoi se do të blejë dronët e avancuar Hermes 900 Kochav (Yll) nga Elbit, në vend të Hermes 450 që përdorin aktualisht. Në tetor, Elbit Systems njoftoi një marrëveshje tjetër prej 120 milionë dollarësh për furnizimin me dronë Hermes 900.
    Edhe Brazili, që akuzon Izraelin për gjenocid në Gaza, vazhdon të përdorë sisteme izraelite. Dy javë para se të bashkohej me peticionin kundër Izraelit para Gjykatës Ndërkombëtare të Drejtësisë në Hagë, Brazili vendosi të zgjaste një kontratë të vitit 2021 me Elbit Systems për blerjen e dronëve Hermes 900. Për këtë të fundit, Elbit Systems do të marrë mbi 20 milionë dollarë.
    Megjithatë, presidenti brazilian Luiz Inácio Lula da Silva bllokoi blerjen e 36 topave ATMOS në 2024-ën, pasi Elbit Systems kishte fituar një tender.
    Në shkurt 2024, ai krahasoi operacionet e Izraelit në Gaza me ato të nazistëve, duke thënë se “ajo që po ndodh në Rripin e Gazës me popullin palestinez nuk ka ndodhur në asnjë moment tjetër historik, përveçse kur Hitleri vriste hebrenjtë”. Megjithatë, para 6 javëve, Forca Ajrore e Brazilit njoftoi se kishte planifikuar të blinte, pa tender, një stacion kontrolli tokësor për dronët Hermes 900, i pajisur me sistemin e vëzhgimit SPECTRO XR të kompanisë Elbit.

  • Messi surprizon me çantën ekskluzive 100 mijë USD, zbarkon si “model” në përgatitjet e Argjentinës

    Messi surprizon me çantën ekskluzive 100 mijë USD, zbarkon si “model” në përgatitjet e Argjentinës

    3 Shtator 2025

    13:13

    Alfred Lleshi

    Lionel Messi ka tërhequr vëmendjen, jo vetëm për lojën e tij në fushë, por edhe stilin. Në grumbullimin e fundit me Argjentinën, ai u shfaq me një çantë ekskluzive “Cargo Hac Birkin”, të markës “Hermès”, e cila kushton rreth 60 mijë dollar. Duke qenë jashtë katalogut, sot mund të arrijë deri në 100 mijë dollarë.
    Fansat vërejnë se Messi po bëhet gjithnjë e më i lidhur me modën, diçka që i atribuohet edhe Antonella Roccuzzos, e cila shpesh e këshillon për veshjet. Ky aksesor e afron yllin argjentinas me figura të tjera që diktojnë trende, si Victoria Beckham, e njohur për pasionin ndaj “Hermès”. Ajo është bashkëshortja e David Beckham, partner i Messit tek Inter Miami.
    Ylli argjentinas po shihet tashmë si shembull jo vetëm në futboll, por edhe ikonë mode. Me karrierën futbollistike që po i afrohet fundit, nuk mungojnë zërat se e ardhmja e tij mund të jetë edhe në industrinë e modës.

  • Çanta origjinale Hermes e Jane Birkin do të shitet në ankand në Paris

    Çanta origjinale Hermes e Jane Birkin do të shitet në ankand në Paris

    Një çantë unike Le Birkin, e vetmja e këtij lloji e bërë për këngëtaren dhe aktoren me origjinë britanike Jane Birkin, do të dalë në shitje në Paris. Modeli prototip i çantës ikonike Hermes  të cilën Birkin e përdori për nëntë vjet, pritet të shitet me një shumë gjashtëshifrore në ankand muajin e ardhshëm.

    E përdorur shumë dhe që ende mban gjurmët e afisheve ngjitëse Birkin që i ka ngjitur pa respekt në lëkurën e lëmuar të zezë, çanta vjen e plotë me prerëset e thonjve që ajo ka vendosur brenda. Drejtuesja e çantave të dorës dhe modës në Sotheby’s, Aurélie Vassy, ​​tha se ishte unike.

    “Ishte çanta e parë që iu dha Jane Birkin dhe është e qartë se ajo bëri vërejtje dhe sugjerime në lidhje me prototipin. Nuk është Le Birkin që të gjithë e njohim dhe e duam, gjë që ishte një lloj bashkëpunimi midis saj dhe Hermès”, tha ajo. 

    Krijimi i Le Birkin është një legjendë mode që lindi pas takimit të rastësishëm të Birkin me kreun e kompanisë franceze të mallrave luksoze, Jean-Louis Dumas, në një fluturim komercial nga Parisi në Londër në vitin 1984.

    Birkin e nxori në ankand çantën prototip në vitin 1994 për të mirën e një bamirësie franceze kundër AIDS-it. Ajo u nxor përsëri në ankand në vitin 2000 dhe u ble nga pronarja aktuale, një koleksioniste mallrash luksoze, e cila nuk ka pranuar të tregojë se sa pagoi për të.

    Marrëdhënia e mëvonshme e Birkin me çantën ekskluzive që tani shitet për mijëra copë të reja dhe qindra mijëra copë të përdorura, ishte e përzier. Hermes i dha edhe katër të tjera, por në një intervistë të vitit 2012 ajo e përshkroi atë si “çanta e mallkuar Birkin” , duke u ankuar se ishin të rënda. Tre vjet më vonë, ajo i kërkoi Hermès të riemërtonte një version me lëkurë krokodili për shkak të shqetësimeve në lidhje me trajtimin e kafshëve të përdorura për ta prodhuar atë.

    Çanta origjinale është ekspozuar në MoMa në Nju Jork dhe në Muzeun V&A në Londër. Prototipi ka një madhësi të ndryshme nga modelet e mëvonshme, ka një rrip shpatullash dhe aksesorë prej bronzi, të zëvendësuar më vonë me unaza, kapëse dhe “këmbë” të punuara me ar. Çanta do të shitet më 10 korrik, në fillim të javës së modës së lartë në Paris.

  • Simboli i luksit, del në ankand pas 40 vitesh çanta e parë Birkin

    Simboli i luksit, del në ankand pas 40 vitesh çanta e parë Birkin

    Çanta e parë Birkin, e dizajnuar nga marka luksoze franceze Hermès për aktoren Jane Birkin në vitin 1984, do të dalë në ankand në Paris më 10 korrik, njoftoi të enjten shtëpia e ankandeve Sotheby’s.

    Kjo çantë e zezë prej lëkure, e cila është kthyer në një nga modelet më të famshme dhe më të shtrenjta në botë, do të jetë qendra e ankandit të titulluar “Ikona të Modës”. Sipas Sotheby’s, ky prototip “historik dhe i punuar me dorë”, është i gravuar me inicialet J.B. dhe ka disa veçori unike, përfshirë unazat metalike të mbyllura, rripin e supit të pandashëm dhe një prerës thonjsh të integruar.
    Historia e krijimit të çantës Birkin është kthyer në një legjendë moderne të modës. Gjatë një fluturimi Paris–Londër, këngëtarja dhe aktorja anglo-franceze Jane Birkin e cila ndërroi jetë në vitin 2023  u ankua tek një udhëtar se nuk gjente një çantë që i përshtatej nevojave të saj si nënë e re. Ai udhëtar ndodhi të ishte Jean-Louis Dumas, atëherë drejtues i Hermès.

    Nga kjo bisedë lindi një çantë e bollshme me hapësirë për biberonë, e krijuar në vitin 1984 dhe që më pas u pagëzua me emrin Birkin. Katër dekada më vonë, ajo është kthyer në produktin më ikonik të shtëpisë Hermès.
    Jane Birkin me çantën e saj ikonike Hermès Birkin
    E prodhuar në sasi shumë të kufizuara, çanta Birkin ruan një status ekskluziviteti. Çmimet fillojnë nga disa mijëra euro për modelet më të thjeshta dhe arrijnë në qindra mijëra për versionet më luksoze. Të dashura nga yje si Khloe Kardashian, Jennifer Lopez dhe Victoria Beckham, këto çanta nuk ekspozohen në dyqane dhe nuk mund të porositen online.
    Prototipi i parë i çantës do të ekspozohet fillimisht në Sotheby’s në New York nga 6 deri më 12 qershor, përpara se të shfaqet në Paris. Ankandi do të hapet online më 26 qershor dhe do të përfundojë më 10 korrik. Ende nuk është publikuar një çmim i parashikuar, pritet që çanta të arrijë një vlerë të lartë për shkak të rëndësisë së saj historike dhe kulturore.ajisur me një rrip të pandryshueshëm, harduer prej bronzi dhe inicialet “J.B.” të Jane Birkin. Përveç çantës Birkin, do të shiten edhe pjesë të famshme nga pasarelat e modës të stilistëve si Christian Dior, John Galliano, Thierry Mugler dhe Alexander McQueen.
    /vizionplus.tv