Lajmidites.com

Tag: henrik

  • Henrik Hoxhaj me patericë dhe tespihe në Gjykatë, avokatët e tij kërkojnë ripyetjen e Alibejt dhe të dashurave të Dumanit

    Henrik Hoxhaj me patericë dhe tespihe në Gjykatë, avokatët e tij kërkojnë ripyetjen e Alibejt dhe të dashurave të Dumanit

    nuredin dumani, erjon alibej dhe henrik hoxhaj

    TIRANË- Një kërkesë e re e depozituar nga avokati Gentian Romano, që përfaqëson të pandehurin Henrik Hoxhaj, synon ripyetjen e bashkëpunëtorit të drejtësisë Erion Alibej.
    Henrik Hoxhaj ka qenë krahu kryesor i Nuredin Dumanit në kryerjen e vrasjeve me pagesë në segmentin rrugor Durrës, Rrogozhinë, Tiranë, Elbasan.
    Gazetari Elton Qyno raporton se Henrik Hoxhaj në seancën e sotme ishte paraqitur me një patericë, ndërsa me vete kishte marrë dhe një palë tespihe ngjyrë bezhë, të cilat i tunde gjatë gjithë kohës që fliste avokati i tij, Gentian Romano.
    Siç u parashtrua nga avokatët në sallën e gjyqit, gjykata, në seancën e parë ka marrë vendim për mbylljen e fazës procedurale të pyetjes së Erjon Alibej.
    Por sipas avokatit Romano, ezaurimi i plotë i pyetjes së tij nuk është kryer dhe në kushtet kur kanë lindur pyetje të tjera dhe prova të reja, duhet të ripyetet për disa momente të tjera.
    Romano dhe avokatia Elda Zotaj, kanë kërkuar që gjykata të revokojë vendimin e marrë një seancë më parë, duke lejuar vijimin e marrjes në pyetje të bashkëpunëtorit të prokurorisë, Erjon Alibej.
    Veç kësaj kërkese dy avokatët e mësipërm shpalosën para gjykatës një listë të personave që duhet të thirren si dëshmitarë në këtë proces gjyqësor me qëllim qartësimin e ngjarjeve dhe momenteve episodike të ngjarjeve kriminale.
    Kështu dy avokatët Romano dhe Zotaj kërkuan që në gjykatë të thirren si dëshmitarë personat si më poshtë vijon:
    Megi Skëndaj alias Kila, ish-shoqe e Erjon Alibej,  Dervish Hasi alias “Hoxha”  ku grupi herë pas herë blinte armët, Elton Roci alias “Fat Katnari” njeriu që ka nxjerë në pritë Arjan Spahiu në Belgjikë,  Nazmi Shuli ish-shef policie në komisariatin e Durrësit, Aleksandër Baho shok i Erjon Alibej ku grupi blinte armët, Fatmir Troplini, djali i Xhevdet Troplinit, Arben Spahiu kunati i Erjon Alibej, Arsen Preçi “postieri” i Erjon Alibej, Pëllumb Baho babai i Sandër Bahos, Oltion Fernuti “Pilo”, Bujar Gërmizi i “forti” i Kukësit, Agim Karabashi alias “Baca” që ka strehuar Dumanin në Gjilan të Kosovës, Agim Gjini,  Shaban Zeqiri, Dashnor Dumani vëllai i Nuredin Dumanit, Talo Çela, dy të dashurat e Dumanit, Gela Kanina dhe Mirjetë Hajdini, Altin Skëndaj, Erion Nikolla, Kamer Mehja, Flobenc Meçja, Genc Tafili, Leonard Dumi, Lorenc alias Florenc Çapja, ish-polici Leonard Palushi, Irfan Idrizi, Artur Hoxhosmani nga Burreli i arrestuar nga SPAK për trafik droge, punonjësi i policisë Krenar Guçe, ish drejtori i Policisë së Shtetit Ardi Veliu, Leonard Dallkja, avokati Demir Ciftja, Ilir Lloshi alias “Licja” anëtar i grupit “Çopja”, drejtori i krimeve të rënda, Neritan Nallbati.
    Nga ana tjetër prokurorja e çështjes Doloreza Musabelliu, kërkoi mos pranimin e kërkesës së avokatëve, pasi shumë dëshmitarë nuk kanë asnjë lidhje me rrethanat dhe faktet e ndodhjes së krimeve të rënda.
    “…Duhet të qartësohet kërkesa dhe të jepet me shkrim në mënyrë që dhe ne si përfaqësues të akuzës, të japim argumentet tona me shkrim për cilindo dëshmitar që kërkohet të thirret në gjyq…”- tha prokurorja.
    Pas kësaj, gjykata e kryesuar nga Engjëllushe Tahiri u tërhoq për vendim.
    Të gjitha këto kërkesa të ngritura nga dy avokatët Gentian Romano dhe Elda Zotaj, gjykata vendosi se do shprehet me vendim pasi të jetë ezauruar pjesa e marrjes në shqyrtim të provave shkresore dhe dëshmitarëve të prokurorisë SPAK.

  • Pse dramat e Henrik Ibsenit konsideroheshin “skandaloze” për kohën?

    Pse dramat e Henrik Ibsenit konsideroheshin “skandaloze” për kohën?

    Henrik Ibsen është shkrimtari më i madh norvegjez. Përveçse dramaturg, Ibsen ishte gjithashtu dhe poet, si dhe drejtor i një teatri. Shpesh ai konsiderohet si “Babai i Realizmit” dhe si një nga themeluesit e modernizmit ne teatër.

    Nga vepra e Ibsenit, dallojmë: “Zjarri, “Pjer Gynt” Armiku i popullit”, “Shtëpi kukulle”, “Hedda Gabler”. “Fantazmat”, “Rosaku i egër”, etj. Shumë nga dramat e Ibsenit konsideroheshin skandaloze për kohen. Teatri evropian në atë kohë kishte karakter moralizues, ndërkohë që Ibseni pasqyronte realitetin përtej fasadave, gjë që shqetësonte bashkëkohësit e tij. Shpesh Ibseni konsiderohet dramaturgu më i mirë pas Shekspirit. Ai ka influencuar artistë të tjerë të mëdhenj si Bernard Shou, Oskar Uajll, Artur Miler e Xhejms Xhojs. Është kandiduar tri herë për çmimin Nobel në letërsi, në 1902, 1903 dhe 1904. Bashkë me Bjornsonin, Fridrih Nice, Hipolit Taine dhe me rusin Leon Tolstoj ishte kryethemeltari i përlindjes kombëtare dhe letrare të atdheut të tij. Drama e famshme e Henrik Ibsen “Shtëpi kukulle”, hapi një epokë të re në skenën botërore.

    PERSONAZHET

    Henrik Ibsen është lindur më 20 mars 1828, në Skien, Norvegji. Në vitin 1862, ai u internua në Itali, ku ai shkroi tragjedinë Marka. Në 1868, Ibsen u transferua në Gjermani, ku ai shkroi një nga veprat e tij më të famshme, “Shtëpi kukulle”. Në vitin 1890, ai shkroi “Hedda Gabler”, duke krijuar një nga personazhet më famëkeq të teatrit. Nga 1891, Ibsen ishte kthyer në Norvegji në një hero letrar. Ai vdiq më 23 maj 1906, në Oslo, Norvegji. Që fëmijë, Henrik Ibsen ka treguar pak shenjat e gjeniut teatror. Ai u rrit në qytetin e vogël norvegjez bregdetar të Skien. Babai i tij ishte një tregtar i suksesshëm dhe nëna e tij pikturonte, luante në piano dhe shkonte në teatër. Vetë Ibsen shprehi interesin për t’u bërë një artist. Familja ishte në varfëri kur Ibsen ishte 8 vjeç për shkak të problemeve me biznesin e babait të tij. Në moshën 15-vjeçare, Ibsen ndal shkollën dhe shkoi për të punuar. Ai fitoi një pozicion si një nxënës në një farmaci në Grimstad. Ibsen ka punuar atje për gjashtë vjet, duke përdorur kohën e tij të kufizuar të lirë për të shkruar poezi.

    DRAMA

    Në vitin 1849, Henrik Ibsen shkroi dramën e tij të parë “Catilina”, një dramë e shkruar në vargun model sipas një prej ndikimeve të tij të madh, William Shakespeare. Ibsen u zhvendos në Christiania (i njohur më vonë si Oslo) në vitin 1850 për t’u përgatitur për provimet universitare për të studiuar në Universitetin e Christiania. Ibsen la Norvegjinë në vitin 1862 dhe u vendos në Itali për një kohë. Atje ai shkroi Brand, një tragjedi me pesë akte në lidhje me një klerik. Dy vjet më vonë, Ibsen ka krijuar një nga kryeveprat e tij, Peer Gynt. Një vepër moderne e bazuar në heronjtë greke të së kaluarës, Në 1868, Ibsen u zhvendos në Gjermani.

    Gjatë kohës së tij atje, ai e vendosi dramën e tij shoqërore Shtyllat e Shoqërisë në skenë në Mynih. Shfaqja ndihmoi të fillojë karrierën e tij dhe u pasua shpejt me një nga veprat e tij më të famshme, “Shtëpi kukulle”. Rreth kësaj kohe, ai u kthye në Romë. Vepra e tij e ardhshme, Ghosts 1881 nxiti edhe më shumë polemika duke trajtuar tema të tilla si incesti dhe sëmundje veneriane. Disa vjet më vonë, Ibsen u kthye në Gjermani, ku ai shkroi një nga veprat e tij më të famshme. Me “Hedda Gabler” (1890), Ibsen krijoi një nga personazhet më të njohur të teatrit. Hedda, vajza e një gjeneralit, është një e sapomartuar e cila e urren burrin e saj, por ende atë e shkatërron një ishdashuri. Personazhi u quajt Hamlet femra, sipas figurës më të famshme tragjike Shekspirit. Në vitin 1891, Ibsen kthye në Norvegji si një hero letrare. Në 1900, Ibsen kishte një seri të strokes që lanë atë të paaftë për të shkruar.

    Ai arriti të jetojë edhe për disa vite, por ai nuk ishte plotësisht i pranishëm gjatë kësaj kohe. Ibsen vdiq më 23 maj 1906. Fjalët e tij të fundit ishin Për të kundërtën! në norvegjisht. Konsiderohet si një titan letrar. “Peer Gynt”, “Shtëpi kukulle” dhe “Hedda Gabler” luhen gjerësisht edhe sot. “Shtëpi Kukulle” është një dramë që ndjek rrugën e heroinës kryesore, Nora Helmer, një grua e re që jeton nën kontrollin dhe dominimin e burrit të saj, Torvald Helmer. Të vepruarit e Norës është një përfaqësim i perfektimit të rolit tradicional të gruas në shoqërinë patriarkale të shekullit të 19-të. Megjithatë, pasi ajo zbulon sekretet që burrin e saj mbajti fshehur nga ajo, Nora përjeton një kthesë dramatike dhe fillon një rrugëtim për të gjetur veten. Ndryshe nga shumë shkrimtarë dhe poetë të tjerë, Ibsen kishte një martesë të gjatë dhe të lumtur me Suzannah Daae Thoresen. Çifti martohet në vitin 1858 dhe mirëpret fëmijën e tyre të vetëm, birin Sigurd, vitin e ardhshëm. Ibsen, gjithashtu, kishte një djalë nga një marrëdhënie të mëparshme. Ai kishte lindur një fëmijë me një çupë në 1846 duke punuar si një nxënës. Ndërsa ai u siguroi përkrahje financiare, kurrë nuk e takoi djalin.

    NGJARJET

    Një ndër veprat më të njohura të shkrimtarit norvegjez, Henrik Ibsen është padyshim “Shtëpi kukulle”. Në këtë vepër trajtohet një temë shumë e mprehte dhe njëkohësisht shumë delikate, ajo e marrëdhënieve familjare në familjen Helmer. Aty duket qartë që dashuria është dhe do të mbetet vetëm një e drejtë e shkruar në letër, por që është shumë e vështirë të realizohet në një rend shoqëror që ka për baze kapitalin. Ne shtjellimin e subjektit të kësaj drame familjare Ibsen përdor me mjeshteri të rrallë artistike një stil unik, të thellë e depërtues në brendinë e botës së personazheve. Ai niset me bindje në trajtimin e njëkohshëm të dy anëve kundërshtuese të realitetit familjar, në marrëdhëniet bashkëshortore, në hipokrizinë e këtyre marrëdhënieve që asnjëherë nuk mund të jenë të sinqerta në një shoqëri meskine, të kalbur e të korruptuar. Krijimtaria e Henrik Ibsenit ka luajtur një rol shumë të madh në zhvillimin e dramaturgjisë dhe të teatrit evropian në pjesën e fundit të shekullit XIX.

    Ai ka qenë dramaturgu më i madh i Evropës Perëndimore në fund të këtij shekulli, duke pasqyruar më mirë se kushdo tjetër traditat realiste në dramaturgji. Bazat demokratike të krijimtarisë së Ibsenit shpjegojnë kushtet shoqërore në të cilat zhvillohen heronjtë e tij, tregojnë rrënjët historike “të karakterit dhe të shpirtit të iniciativës”, që janë tipare të rëndësishme për shumë personazhe të dramave të tij – për patrioten e flaktë zonjën Ingra të Ostrogotit, për mbretin Gokon, për Brandin e pamposhtur, për Norën e ndershme dhe kryengritëse, për doktor Stokmanin, njeri i guximshëm dhe i patronditur, për zonjën Alving, e cila di të gjejë në veten e saj forcat e nevojshme për t’u ngritur mbi moralin e kohës, mbi iluzionet dhe gënjeshtrat që kanë sunduar për vite me radhë në jetën e saj.

    ObserverKult

    Lexo edhe:

    Lamtumirë ditëve 24-orëshe? Rrotullimi i Tokës po përshpejtohet, mund të përjetojmë ditën më të shkurtër në histori… brenda pak javësh

    Biblioteka e Tetovës nis fushatë frymëzuese leximi me personalitete të njohura të qytetit

  • Avokatët braktisin Henrik Hoxhajn, shtyhet seanca e dosjes “Plumbi i artë”

    Avokatët braktisin Henrik Hoxhajn, shtyhet seanca e dosjes “Plumbi i artë”

    Mbetja pa avokat mbrojtës të të pandehurit Henrik Hoxhaj çoi në dështimin e seancës së radhës të dosjes “Plumbi i artë” në Gjykatën e Posaçme.
    Në sallë u relatua se avokati Gentian Rumano ka hequr dorë nga mbrojtja e Hoxhajt dhe po ashtu edhe avokati i caktuar kryesisht për të.
    Te pranishëm në sallë kanë qenë të tre të penduarit e drejtësisë, Nuredin Dumani, Erion Alibej dhe Skerdi Tasi. Prej disa seancash, për shkak të disa kërkesave të përsëritura të avokatëve, procesi ka mbetur në vend numëro.
    Prej 3 seancash gjykata ka tentuar të nisë marrjen e dëshmisë së të penduarit Tasi, por pa mundur ta realizojë.

  • ‘Plumbi i artë’/ Henrik Hoxha mbetet pa mbrojtje, s’pranon të flasë: Dua avokat. GJKKO pezullon afatet e paraburgimit

    ‘Plumbi i artë’/ Henrik Hoxha mbetet pa mbrojtje, s’pranon të flasë: Dua avokat. GJKKO pezullon afatet e paraburgimit

    Henrik Hoxhaj

    TIRANË- Ka dështuar seanca e radhën në Gjykatën e Posaçme për dosjen “Plumbi i Artë”. Seanca e radhës është vendosur për në datën 10 korrik, ora 10:00, ku do vijohet me dëgjimin e dëshmisë së bashkëpunëtorëve të drejtësisë.
    Shkak për shtyrjen është bërë dorëheqja e avokat Gent Rumano, i cili kishte në mbrojtje të pandehurin Henrik Hoxha. Por edhe avokati i caktuar Shpëtim Kodhelaj ka hequr dorë, arsyeja ka qenë se është proces i gjatë dhe nuk marrin pagesat për të vijuar, pasi janë të angazhuar me gjyqe të tjera.
    Të pranishëm kanë qënë bashkëpunëtorët dhe të penduarit e drejtësisë, Nuredin Dumani, Skerdi Tase si dhe Erion Alibej. Hoxha vijoi të bënte kërkesën për një avokat tjetër ndërsa Prokurori Behar Dibra vuri në dukje përpjekjet për zvarritje.
    Diskutimi në seancë:
    I pandehuri Henrik Hoxha: Doja te kisha një avokat tjetër.
    Prokurori Behar Dibra: Ka ngelur pa mbrojtje, por ne kërkojmë vazhdimin e seancës, pavarësisht se kjo e bën të pamundur. A je i sigurt? Se ti mund të vish prap dhe na thua te vijojë me Rumanon. Kjo sjell tejzgjatje të kota.
    I pandehuri Henrik Hoxha: Dua avokat!
    Prokurori Behar Dibra: Të pezullohen afatet e paraburgimit në këto kushte dhe e shtyjmë. S’kemi çfarë të bëjmë.
    Gjykata e Posaçme pranoi kërkesën dhe vendosi të shtyjë seancën e sotme dhe të pezullojë afatet e paraburgimit për të pandehurit.

  • Dështon seanca për ‘Plumbin e artë’, shkak dorëheqja e avokatit të Henrik Hoxhës! GJKKO pezullon afatet e paraburgimit

    Dështon seanca për ‘Plumbin e artë’, shkak dorëheqja e avokatit të Henrik Hoxhës! GJKKO pezullon afatet e paraburgimit

    Ka dështuar seanca gjyqësore e kësaj të marte për dosjen “Plumbi i Artë”.
    Avokat Gent Rumano ka hequr dorë për mbrojtjen e të pandehurit Henrik Hoxha. Por edhe avokati i caktuar Shpëtim Kodhelaj ka hequr dorë, arsyeja ka qenë se është proces i gjatë dhe nuk marrin pagesat për të vijuar, pasi janë të angazhuar me gjyqe të tjera.
    Të pranishëm kanë qënë bashkëpunëtorët dhe të penduarit e drejtësisë, Nuredin Dumani, Skerdi Tase si dhe Erion Alibej.
    I pandehuri Henrik Hoxha kërkoi tjetër mbrojtës ligjor.
    “Doja te kisha një avokat tjetër”, tha ai.
    Prokurori Behar Dibra vuri në dukje përpjekjet për zvarritje.
    “Ka ngelur pa mbrojtje, por ne kërkojmë vazhdimin e seancës, pavarësisht se kjo e bën të pamundur. A je i sigurt? Se ti mund të vish prap dhe na thua te vijojë me Rumanon. Kjo sjell tejzgjatje të kota”, tha përfaqësuesi i SPAK.
    Por Henrik Hoxha këmbënguli:
    “Dua avokat!”
    Më tej prokurori i tha GJKKO-së që të pezulloheshin afatet e paraburgimit.
    “Të pezullohen afatet e paraburgimit në këto kushte dhe e shtyjmë. S’kemi çfarë të bëjmë”.
    Në këto kushte Gjykata e Posaçme pranoi kërkesën dhe vendosi të shtyjë seancën e sotme dhe të pezullojë afatet e paraburgimit për të pandehurit.
    Seanca e radhës është vendosur për në datën 10 korrik, ora 10:00, ku do vijohet me dëgjimin e dëshmisë së bashkëpunëtorëve të drejtësisë.

  • “Ishte tek palestra, Hoxhaj e qëlloi me pistoletë”, Alibej rrëfen ekzekutimin e Emiljano Ramazanit: Armën donim ta linim në shtëpinë e…

    “Ishte tek palestra, Hoxhaj e qëlloi me pistoletë”, Alibej rrëfen ekzekutimin e Emiljano Ramazanit: Armën donim ta linim në shtëpinë e…

    Të tjera detaje kanë dalë në dritë në lidhje me krimet ku është përfshirë Erion Alibej, tashmë i penduar i drejtësisë.

    Ai ka zbuluar se si kanë realizuar planin për vrasjen e Emiliano Ramazanit, sipas dëshmisë së zbardhur nga gazetarja e Top Channel, Anila Hoxha.
    “Ditën e ekzekutimit, Emiliano Ramazani ishte te palestra, Henrik Hoxha ishte shofer dhe Skerdi Tase ishte ekzekutor. Ka ardhur makina e Emiljano Ramazanit, dhe pa e fikur Emiliano makinën e ka ekzekutuar Henrik Hoxhaj me pistoletë TT”, ka thënë Alibej.
    Alibej: Kur Nuredini erdhi në shtëpinë time, rreth asaj periudhe ishte kohë karantine. Doja të kishte lidhje mes Nuredinit dhe Dashnor Dumanin, dhe i kam dërguar dikë nga Roterdami për t’i nisur një telefon të enkriptuar.
    Lidhëm kontaktin dhe e ka pyetur edhe në lidhje me të afërmit e tij. Koha kur Nuredini shkonte e vinte në shtëpinë time. Nëpërmjet Eno Bitrit, lidhëm kontakt me Mikael Qosen, gjatë bisedave Nuredini i thotë po, jam unë pas këtyre vrasjeve.
    I nis një foto ku ishin shumë euro mbi tavolinë dhe një shkrim ku shkruhej datë, muaji dhe ora. Kemi 2 milionë euro për vrasjen e Erion Alibej.
    Sipas Nuredinit, i ka kërkuar gjysmën e lekëve dhe në këmbim Talo Çelën. Ka kontaktuar me Mikael Qosen që i ka thënë do i vras të gjithë jevgjit e tu. Ne i dinim të gjithë ata që na kishin vrarë familjarët e tu. Në vazhdimësi janë kryer shumë biseda.
    Nuredini solli një Pasat ngjyrë gri, makinë e vjedhur. Sa i përket një liste, nuk ka qenë kurrë një listë.
    E kemi lënë makinën në garazh te dajat e mi në Peqin. Nuk e kemi pasur një plan, përgatiteshim për diçka të radhës. Daja e nuses kishte një kapanon buzë rrugës te Metalurgjiku dhe na interesonte. Asokohe interesoheshim dhe për Bujar Çelën, vëllain e Talo Çelës. Për ekzekutimin e Bujar Çelës, e morën përsipër Henrik Hoxha dhe Skerdi Tase.
    Alibej: Gjatë kohës vendosëm për Emiljano Ramazanin, për të cilin informator kishim përveç Nuredinit, edhe Eljo Bitrin dhe Xhuljano Hoxhën.
    Avokati i Xhuljano Hoxhës: I pandehuri Xhuljano Hoxha ka kërkuar të jetë prezent kur t’i përmendet emri i tij.
    Prokuroria nuk e konsideron arsye për të ndërprerë seancën pasi mund t’i vihen në dispozicion regjistrimi me audio.
    Alibej: Donim të vrisnim Emiljano Ramazanin sepse ishte më aktivi që kishin grupi i Çopjave bashkë me Bujar Çelën. Këtë si punë e morën Henrik Hoxha dhe Skerdi Tase, për vrasjen e Emiliano Ramazanit. Kanë qenë 2-3 episodet që mbetën tentativë dhe nuk u krye ekzekutimi. Ditën e ekzekutimit, Emiliano Ramazani ishte te palestra, Henrik Hoxha ishte shofer dhe Skerdi Tase ishte ekzekutor. Ka ardhur makina e Emiljano Ramazanit, dhe pa e fikur Emiliano makinën e ka ekzekutuar Henrik Hoxhaj me pistoletë TT. Pas ekzekutimit kanë vazhduar rrugën dhe në dalje të Elbasanit, e kanë lënë armën diku në fshatin Brosh me idenë që do kthejnë dhe do e fusnin në shtëpinë e Bujar Çelës. Henrik Hoxha gjithmonë merrte makina me qera për të kryer vrasje. Emiliano Ramazanin e njihja si mik të Mikael Qoses, i njihja dhe vëllain Leonard Rrahmani.
    Unë kam qenë gjithmonë komunikues, për çdo gjë që kam bërë e kam menduar me Nuredinin.  Nuk merja unë ose ai ndonjë vendim, ai e organizonte dhe unë isha pro për çdo gjë. Për vrasjen e Emiliano Ramazanit kam qenë i interesuar unë. Nga ana ime kam patur informator Xhuljano Hoxhën dhe Nuredin Dumani Eljo Bitrin. Xhuljano Hoxha ka qenë në dijeni për vrasjen e Emiliano Ramazanit. E kam paguar edhe në këtë rast.
    Për çdo vrasje do paguheshin 100 mijë euro, për vrasjen e Emiliano Ramazanit kam paguar 75 mijë euro, aq sa më ka thënë Nuredini. Të nesërmen e ekzekutimit të vrasjes së Emilianos, kam dërguar Arsen Preçin, te rrethrrotullimi i Tegut, e priti një vajzë në taksi të cilës i dorëzoi paratë.

    Top Channel

  • “Alkatraz”, “Covid 19” dhe “Toto Rino”, Nuredin Dumani zbulon pseudonimet: Ja kush e urdhëroi vrasjen e Lulzim Mashës

    “Alkatraz”, “Covid 19” dhe “Toto Rino”, Nuredin Dumani zbulon pseudonimet: Ja kush e urdhëroi vrasjen e Lulzim Mashës

    Në procesin që po zhvillohet në GJKKO, Dumani rrëfeu gjithashtu se kishte marr porosi për vrasjen e Lulzim Mashës, të cilën ia përcolli Henrik Hoxhajt përmes telefonit.
    “Henrikut i ofrova 160 mijë euro, i dhashë 10 mijë kapar. 10 mijë të tjera, më duket, i mbajta për vete. Porosia është marrë nga Suel Çela, me të cilin më ka lidhur miku im në Durrës, Fatmir Troplini. Unë në platformat si Sky ECC dhe Matrix kam pasur pseudonime “Alkatraz”, “Covid 19” dhe “Toto Rino”, ndërsa Henrik Hoxhaj përdorte pseudonimin “Baftjari”.
    Nga ana tjetër, Henrik Hoxhaj ka konfirmuar se ishte marrë porosi për vrasjen e djalit të Lulzim Mashës, por meqenëse ai nuk u gjend, vendosën të godasin të atin.
    “E gjithë komunikata është në telefon. Djali nuk po vinte, ishte në Maqedoni. E ndiqnim përmes Aleksandër Bahos, të cilin e njihnim si ‘Sakati’. Kur të vinte djali, do të bëhej goditja. Ai kishte 200 mijë euro me vete, ndërsa Baho do merrte 70% të shumës,”
    Henrik Hoxhaj akuzoi Dumanin se po përpiqet të minimizojë rolin e tij në vrasjet e planifikuara, por Dumani tha se:
    “Nuk më ke dhënë asnjëherë urdhra, çfarë po bën këtu si kapiten Rramiu?! Të është dhënë një punë, ajo merret dhe bëhet, ose nuk pranohet fare.”

  • Dumani për Henrik Hoxhajn: Ishte drogaxhi, gënjeshtar! Ngjarjet nuk ia tregoja, fliste me të tjerët

    Dumani për Henrik Hoxhajn: Ishte drogaxhi, gënjeshtar! Ngjarjet nuk ia tregoja, fliste me të tjerët

    Henrik Hoxhaj dhe Nuredin Dumani

    TIRANË- I penduari i drejtësisë Nuredin Dumani po vijon me dëshmitë e tij për disa nga ngjarjet kriminale më të bujshme në vend. Avokati Gentian Rumano e ka pyetur në lidhje me njohjen e tij me Henrik Hoxhën.
    Sipas Dumanit, këtë të fundit e ka njohur në fund të 2019-ës, në festën e ditëlindjes së Festim Qolit. Dumani rrëfen se Hoxha ishte drogaxhi, madje tregon se kanë konsumuar bashkë lëndë narkotike.  Sa i përket ngjarjeve kriminale, Dumani shprehet se i ka treguar vetëm për vrasjen e Fatmira Dedës, ndërsa për të tjerat druhej ti tregonte sepse fliste me të tjerë.
    Nuredin Dumani: Me Henrik Hoxhajn jam njohur në dhjetor 2019. Jemi takuar fizikisht në 30 dhjetor 2019. Atë ditë ka qenë ditëlindja e Festim Qolit në Fushë Studen me daulle dhe muzikë, kështu i bënte ditëlindjet ai. Hera e parë qe shkoja te ditëlindja e Festim Qolit, erdhën diku te 50 veta. Shumë prej njerëzve aty unë i njihja. Më prezantoi Festimi me Henrikun brenda në lokal. E kam parë një herë tek në makinë Henrik Hoxhajn, përpara se të njiheshim, kur Festimi ishte në kërkim për një vrasje. Për ngjarjet që jam përfshirë i kam treguar Henrikut, ashtu siç me ka treguar edhe ai mua. I kam treguar për vrasjen e Fatmira Dedës, nuk më kujtohen të tjerat. Gjatë kohës që flisja me Henrikun, nuk kishim kohë me fol për muhabete të vjetra, sepse ishim të ngarkuar në atë moment. Bashkë me ne ishte dhe Festim Qoli te shtëpia ime. Pastaj në një drekë pas disa kohësh ishim unë, Henrik Hoxhaj dhe Skerdi Tase në Peqin. Henrik Hoxhaj ishte drogaxhi, gënjeshtar. Unë dhe Henrik Hoxhaj kemi konsumuar bashkë lëndë narkotike kokainë në ditëlindjen e Festimit. Për ngjarjet që kam organizuar në shumicën e rasteve nuk i tregoja Herikut, sepse nuk ishte i qëndrueshëm, fliste me të tjerët. Me Eljo Bitrin jam njohur në 2013-2014, e ka takuar Henriku dy herë. Një herë kemi qenë të shtepia ime kemi pirë kafe, ndërsa herën tjetër te vrasja e Dorjan Shkozës.
    Hoxhaj ka qënë bashkëpuntori i Nuredin Dumanit dhe grupit të tij në disa vrasje dhe tentiva, si dhe krime tjera.
    Nuredin Dumani, vrasësi me pagesë që është kthyer në të penduar të drejtësisë vijon dëshmitë për dosjen “Plumbi i Artë”. Dumani ka zbërthyer ngjarje kriminale që nga viti 2011 deri në 2022-shin duke i thënë SPAK kodet e PIN-eve që kishte në aplikacionin “SkyECC”: ‘Totorina”, “Covid 19” dhe “Alcatraz”. Po ashtu, paralajmëroi edhe krime të tjera që do të zbardhen me “Matrix”, aplikacionin më të ri që është dekriptuar nga Europol.
    Gjatë 3 viteve që ka statusin e të penduarit të drejtësisë, Dumani ka folur edhe për ngjarje e vrasje të bëra jashtë territorit të Shqipërisë, në Belgjikë, Holandë dhe në Itali. Në dosjen ‘Plumbi i Artë’ përmenden të paktën 32 persona të dyshuar dhe akuzuar, nga 4 organizata të ndryshme kriminale. Dëshmitë dhe emrat e bashkëpunëtorëve që Nuredin Dumani u dha prokurorëve të SPAK, kanë zbardhur plot 27 krime e ngjarje të ndryshme të ndodhura gjatë një dekade mes Tiranës, Elbasanit e Durrësit./ZËRI

  • ‘Plumbi i artë’/ Dumani: Me Henrik Hoxhajn jam njohur në festën e ditëlindjes së Qolit! Për ngjarjet që kam organizuar shumicën e rasteve nuk i tregoja

    ‘Plumbi i artë’/ Dumani: Me Henrik Hoxhajn jam njohur në festën e ditëlindjes së Qolit! Për ngjarjet që kam organizuar shumicën e rasteve nuk i tregoja

    Në seancat në Gjykatën e Posaçme, i penduari i drejtësisë Nuredin Dumani po vijon me dëshmitë e tij për disa nga ngjarjet kriminale më të bujshme në vend.
    Avokati Gentian Rumano e ka pyetur në lidhje me njohjen e tij me Henrik Hoxhën. Sipas Dumanit këtë të fundit e ka njohur në fund të 2019-ës, në festën e ditëlindjes së Festim Qolit.
    “Me Henrik Hoxhajn jam njohur në dhjetor 2019. Jemi takuar fizikisht në 30 dhjetor 2019. Atë ditë ka qenë ditëlindja e Festim Qolit, e festonim çdo vit me daulle. Hera e parë qe shkoja te ditëlindja e Festim Qolit, erdhën diku te 50 veta.
    Shumë prej njerëzve aty unë i njihja. Më prezantoi Festimi me Henrikun brenda në lokal. E kam parë një herë tek në makinë Henrik Hoxhajn, përpara se të njiheshim, kur Festimi ishte në kërkim për një vrasje. Për ngjarjet që jam përfshirë i kam treguar Henrikut, ashtu siç me ka treguar edhe ai mua. I kam treguar për vrasjen e Fatmira Dedës, nuk më kujtohen të tjerat.
    Gjatë kohës që flisja me Henrikun, nuk kishim kohë me fol për muhabete të vjetra sepse ishim të ngarkuar në atë moment.  Bashkë me ne ishte dhe Festim Qoli te shtëpia ime. Pastaj në një drekë pas disa kohësh ishim unë, Henrik Hoxhaj dhe Skerdi Tase në Peqin.
    Henrik Hoxhaj ishte drogaxhi, gënjeshtar. Unë dhe Henrik Hoxhaj kemi konsumuar bashkë lëndë narkotike kokainë në ditëlindjen e Festimit. Për ngjarjet që kam organizuar në shumicën e rasteve nuk i tregoja Herikut, sepse nuk ishte i qëndrueshëm, fliste me të tjerët.
    Me Eljo Bitrin jam njohur në 2013-2014, e ka takuar Henriku dy herë. Një herë kemi qenë të shtepia ime kemi pirë kafe, ndërsa herën tjetër te vrasja e Dorjan Shkozës”.