Raporti i zjarrëve në Evropë, Lindje e Mesme dhe Afrika Veriore, për 2024, tregon se sezoni i zjarreve i vitit të kaluar përfundoi me një total prej 383 mijë e 317 hektarë sipërfaqe e djegur.
Të dhënat e vitit 2024 tregojnë se sezoni tradicional i zjarreve, pra nga fillimi i qershorit deri në mesin e shtatorit, vazhdon të zgjerohet me flakë masive e të rrezikshme. Në total, 8 mijë e 343 zjarre janë raportuar nga Mekanizmi i Mbrojtjes Civile së Bashkimit Evropian (UCPM).
Bullgaria, Greqia, Italia, Portugalia dhe Spanja, ishin ndër vendet e Bashkimit Evropian që ishin më të prekura, me një sipërfaqe të djegur në total prej 334 mijë e 940 hektarë.
Nga vendet jo anëtare të unionit, por që janë pjesë e UCPM-së, Shqipëria, Bosnja e Hercegovina, Maqedonia e Veriut, Turqia, si dhe Ukraina, ishin ato që pësuar humbjet më të rënda.
Sa i përket Shqipërisë, sipas raportit evropian, sezoni i zjarrëve për 2024-ën, ishte më ekstremi për 6 vitet e fundit.
U regjistruan 49 mijë e 189 hektarë të djegura nga 453 zjarre, kryesisht në korrik dhe gusht.
Vendndodhjet e zjarrëve në Shqipëri, viti 2024
Viti 2024 gjithashtu pa zjarret që sollën dëme të mëdha në Ballkan, si brenda ashtu edhe jashtë territorit të BE-së.
Shërbimi Evropian i Informacionit për Zjarret në Pyje (EFFIS) bën me dije se sezonet e zjarrëve në kontinent po zgjasin më tepër se zakonisht, ashtu sikurse valët e të nxehtit janë bërë më të shpeshta. Këto, krijojnë kushte ideale për shpërthimin e flakëve të mëdha e të pakontrollueshme.
Si duket trendi për vitin 2025 deri më tani?
Nga të dhënat e mbledhura deri më tani për sezonin e zjarrëve 2025, duket se trendi është në rritje.
Që nga janari i këtij viti, EFFIS ka regjistruar 7 mijë e 200 zjarre në 37 vende të cilat janë pjesë e Mekanizmit Mbrojtës Civil të BE-së.
Aktualisht, të dhënat deri më datë 25 nëntor 2025, paraqesin se mbi 1 milion hektarë janë djegur në BE, duke sjellë nevojën e përforcimit të forcave zjarrfikëse. Kështu, është dyfishuar numri i avionëve dhe helikopterëve të zjarrfikësve në flotën ajrore të unionit evropian, rescEU.
Zona të djegura në BE
Tag: hektarë
-
Raporti i zjarreve në Evropë: Shqipëria pësoi humbjet më të rënda, mbi 49 mijë hektarë të shkrumbuar
-
Tokat bujqësore në disa zona ende nën ‘pushtetin’ e ujit/ Moti i keq ‘paralizon’ qytetin e Lushnjës
Reshjet e shiut prej mbrëmjes së të enjtes janë ndërprerë në Lushnje, por pasojat që kanë lënë pas janë tepër të mëdha. Në zonën e Tërbufit ku përfshihen tokat bujqësore të njësisë administrative Dushk, Grabjan, dhe Tërbuf, dhjetëra hektarë tokë bujqësore të mbjella me grurë, foragjere, por edhe stane bagëtish janë nën pushtetin e ujërave.
Megjithëse hidrovori i Biçukasit prej një javë punon 24 orë me kapacitet të plotë, do të duhen ditë për largimin e ujërave. Pas kësaj, hapet rruga evidentimin e dëmeve të shkaktuara nga përmbytjet.
Ndërkohë që edhe në zonën Ngurrëz, Imshtë, Zhelizhan edhe pse niveli i ujit në lumin Seman ka pësuar rënie, mbi 200 hektarë tokë brenda argjinaturës janë ende nën ujë. -
Bien prurjet e lumenjve, nis evidentimi i dëmeve në bujqësi në Qarkun e Fierit
Pas një jave me reshje intensive dhe daljen nga shtrati të lumenjve Vjosë, Seman dhe Shkumbin, situata në Qarkun e Fierit po shkon drejt normalizimit. Sipas të dhënave të fundit nga Emergjencat Civile të prefekturës, nivelet e lumenjve janë në rënie.Reklama në FieriWeb – “Oazi i Pishave”
Ndërkohë, Drejtoria e Bujqësisë ka hartuar një listë paraprake të dëmeve në kulturat bujqësore, listë e cila pritet të zgjerohet me tërheqjen e ujërave nga tokat e përmbytura. Reklama në FieriWeb – “KETU MUND TE JETË REKLAMA JUAJ”
Bilanci i deritanishëm i tokave të përmbytura:Reklama në FieriWeb – “PASTIÇERI “RUSTEMAJ”
Reklama në FieriWeb – “BREGU CLIMA”
1.2 hektarë luleshtrydhe
11 hektarë ullishte
4 hektarë jonxhë
4 hektarë drithëra
Toka të përmbytura janë raportuar në Frakull, Levan, Mallakastër dhe Tërbuf.Reklama në FieriWeb – “COVIM CAFFE”
Specialistët e Drejtorisë së Bujqësisë pritet të dalin në terren për të evidentuar dhe inventarizuar dëmet e raportuara nga fermerët, me synim përfshirjen e tyre në listat e kompensimeve nga qeveria.
Në Qarkun e Dibrës reshjet janë ndërprerë, por temperaturat kanë pësuar rënie të ndjeshme, duke shënuar 3°C në orët e mëngjesit. Në zonat malore mbi 900 metra lartësi ka rënë borë, duke prekur disa njësi administrative, por pa krijuar probleme në qarkullim. Ndërkohë, firmat kontraktore vijojnë punimet për riparimin e dëmeve të shkaktuara nga rrëshqitjet e inerteve dhe daljet e përrenjve malorë në rrugët rurale.
-
Jolio Dine tregon bilacin e permbytjeve ne Sarande: Mbi 500 hektarë tokë e përmbytur, 700 bagëti të ngordhura dhe mbi 200 shpendë
Drejtori i Drejtorisë së Shërbimeve Publike në Bashkinë Sarandë, Jolio Dine thotë se situata nga moti i keq po shkon drejt përmirësimit.
Në një lidhje për “MCN Live” ai deklaroi se situata më e vështirë paraqitet në zonën e Çukës dhe Berdeneshit, ku ka 500 hektarë tokë nën ujë.
Ndër të tjera ai deklaroi se si pasojë e përmbytjeve kanë ngordhur 500 krerë bagëti dhe mbi 2000 shpendë.
“Kjo është dita e gjashtë e punimeve në argjinaturën e basenit të lumit Bistrica, po punojmë në dy fronte për riparimin e çarjeve në argjinaturë. Puna është intensifikuar me ndihmën e disa institucioneve, Forcave të Armatosura, fondi i kullimit të Fierit dhe shërbime të tjera që po na ndihmojnë për zgjidhjen e problematikës. Reshjet ishin të jashtëzakonshme, se edhe banorët e thonë se kishin vite që nuk binin reshje të tilla në Sarandë dhe veçanërisht në zonën e Çukës dhe Berdeneshit.
Nga Ujësjellës Kanalizime janë marrë gjithë masat për furnizimin me ujë të pijshëm, ka pasur ndërprerje pardje dhe dje, por situata aktualisht po shkon drejt normalizimit. Ekipet përveç pjesës së argjinaturës, kafshëve të ngordhura dhe furnizimin me koncentrat, po marrin masa për mos përsëritjen e problematikave.
Zonat më problematike janë ajo e Çukës dhe Berdeneshit, ku kemi mbi 500 hektarë tokë të përmbytur, 700 krerë bagëti të ngordhura dhe rreth 2000 shpendë. Aktualisht po largojmë kafshët dhe shpendët e ngordhura.
Ndërkohë po bashkëpunojmë dhe me drejtorinë e bujqësisë dhe veterinarisë, për minimalizimin e pasojave nga sëmundjet. Dje dhe sot janë shpërndarë 6 ton koncentrat si ndihmë për fermerët. Dëmi ekonomik është i jashtëzakonshëm, pasi kemi fermerë që janë prekur dhe te magazinat ushqimore.” -
Përmbytjet në Sarandë/ Lama: 300 hektarë në ujë dhe 880 bagëti të ngordhura. Po punojmë për mbylljen e argjinaturës
Drejtori i Bujqësisë Sarandë Mustafa Lama në një lidhje për edicionin e lajmeve në Mcn Tv bën me dije se situata e shkaktuar nga përmbytjet në qytetin bregdetar vazhdon të jetë problematike. Ai bën me dije se aktualisht janë 300 hektarë në ujë, ndërkohë që numërohen 880 bagëti të ngordhura, që janë dërguar për asgjësim. Po ashtu Lama theksoi se po punohet në të dy krahët për mbylljen e argjinaturës, si dhe është shpërndarë ushqim, kryesisht koncentrat, për fermerët.
“Situata vazhdon të jetë problematike. Nga 500 hektarë që raportuam dje dhe sot në mëngjes, tani ka shkuar në 300 hektarë që ndodhen në ujë, kemi dërguar bazë ushqimore, kryesisht koncentrat, deri tani 8 tonë që u janë shpërndarë në familjet fermerë. Kemi transportuar bagëtitë e ngordhura përmes Ministrisë së Bujqësisë, në krematoriumin, për djegien dhe asgjësimin, siç e përcakton rregullorja. Vazhdon puna në të dyja krahët e argjinaturës me mjete të rënda dhe eskavator, po punohet pa pushuar asnjë sekondë, nga ora 08:00 e mëngjesit deri në 08:00 të darkës.
Është ngritur një grup pune, dhe nesër do të dalim me një raportim më të saktë. Numri i bagëtive të ngordhura ka arritur në 880. Bilanci financiar është duke u hartuar, besoj që nesër do ta kemi të gatshëm. Reshjet e ditëve të fundit ishin të paparashikuara, mbi mesataren goxha. Arsyeja e reshjeve është kryesore për çarjen e argjinaturës. I kemi vënë detyrë vetes për 72 orë të mbyllim argjinaturën. Kemi kërkuar bazë ushqimore 2,3 tonë koncentrat dhe 6 tonë jonxhë, na kanë ardhur ndihmat dhe ua kemi çuar fermerëve. Vazhdojmë të shpërndajmë ditë-natë”. -
Bien prurjet e lumenjve, nis evidentimi i dëmeve në bujqësi
Një javë pas një moti me shumë reshje dhe daljes nga shtrati të lumenjve Vjosë, Seman dhe Shkumbin, situata po shkon drejt normalizimit në Qarkun e Fierit.
Të dhënat e fundit nga Emergjencat Civile të prefekturës flasin për ulje të nivelit të lumenjve. Ndërkohë nga Drejtoria e Bujqësisë ka një listë paraprake të dëmeve, e cila pritet të zgjerohet më tej me tërheqjen e ujërave nga tokat bujqësore.
Deri tani bilanci i tokave të përmbytura është:
1.2 hektarë luleshtrydhe,
11 hektarë ullishte,
4 hektarë jonxhë
4 hektarë drithëra.
Këto toka janë përmbytur në Frakull, Levan, Mallakastër dhe Tërbuf.
Siç bën me dije gazetarja Anila Sefa, specialistë të Drejtorisë së Bujqësisë pritet të dalin në terren për të evidentuar dhe inventarizuar dëmet e pretenduara nga fermerët me qëllim përfshirjen e në listat e kompensimeve nga qeveria.
Ndërkohë reshjet janë ndërprerë edhe në Qarkun e Dibrës. Por temperaturat janë ulur ndjeshëm teksa mëngjesin e sotëm janë regjistruar në nivelin 3 gradë Celsius.
Në zonat malore në lartësinë mbi 900 metra ka pasur reshje dëbore. Disa njësi administrative janë prekur nga to, por pa shkaktuar probleme në qarkullim. Ndërkohë, firmat kontraktore vijojnë me riparimet e dëmeve të shkaktuara nga rrëshqitja e inerteve dhe dalja e përrenjve malorë në rrugët e fshatrave.
-
“Dhjetëra hektarë tokë bujqësore, nën ujë”/ Përmbytjet në Berat, reagon Eno Bozdo: Hajdutëria nuk paska fund
Dhjetëra hektarë tokë bujqësore në Dimal e Kuçovë mbyten nën ujë, një panoramë e trishtë e dështimit shtetëror para syve të qytetarëve.
Kështu shkruan në një reagim në rrjetet sociale, deputeti i PD-së, Eno Bozdo. Përmbytjet nuk janë më fatkeqësi natyrore, janë pasojë e drejtpërdrejtë e korrupsionit dhe neglizhencës së pushtetit vendor e qendror, që prej vitesh raporton punë të bëra vetëm në letra, ndërsa kanalet kulluese mbeten të bllokuara, shkruan ai.
Bozdo ngre alarmin për situatën dramatike dhe kërkon ndërhyrje të menjëhershme për fermerët e goditur.
Reagimi i plotë:
Me dhjetëra hektarë tokë bujqësore në Qarkun e Beratit, e në veçanti Dimal dhe Kuçovë, tashmë janë nën ujë.Fermerët po vuajnë përmbytjet jo vetëm si pasojë e motit të ngarkuar, por sepse askush, as bashkitë dhe as qeveria, prej vitesh nuk janë kujdesur të pastrojnë kanalet kulluese.
Edhe më rëndë akoma, paratë janë dhënë, puna shënohet e bërë derisa vjen përmbytja e radhës. Hajdutëria nuk paska fund! Fermerët kërkojnë ndihmë të menjëhershme për zhbllokimin e kanaleve dhe veprave kulluese.
Gjithashtu nevojitet alokimi nga buxheti i financave për të mbuluar humbjet e tyre si pasojë e përmbytjes. Nevojitet që ndihma financiare të jetë brenda këtij viti, e plotë dhe e menjëhershme! -
Lumi Seman doli nga shtrati, shkatërrohen mijëra hektarë sera të mbjella me perime, banorët: Dëmet arrijnë në miliona
Dalja e lumit Seman nga shtrati në Bashkinë Dimal ka dëmtuar qindra hektarë sera te mbjella me perime të stinës.
Fshati Goriçan është më i dëmtuari, ku edhe sot në ditën e katërt të përmbytjeve uji vazhdon të mbajë të përmbytura tokat bujqësore.
Dëmet sipas banorëve arrijnë në miliona lekë. Edhe për familjen Goga të kthyer nga Gjermania për të punuar në vend lindje përmbytja nuk i kurseu serrat.
Erigis Goga ishte në pritje të vjeljes se domates kur uji i lumit Seman iu fut deri në një metër brenda. Sot për shkak të qëndrimit të gjatë nën ujë, prodhimi është kalbur.
Përmbytja e tokave bujqësore rrezikon edhe mbjelljet për sezonin e ardhshëm. Fermerët pohpjnë se kanë porositur fidanët por nuk mund ti mbjellin.
Balta dhe lagështia e tepërt e bëjnë të pamundur mbjelljet edhe për disa muaj. Fermerët kërkojnë ndihmë nga shteti pasi kursimet e tyre ata i investuan në këto serra nga të cilat sot nuk mund të shesin asgjë.
Në Bashkinë e Dimalit ditën e sotme problem mbeten tokat bujqësore nëpër të cilat uji po largohet me ngadalë pasi janë të bllokuara kanalet kulluese.
Në disa zona ato mungojnë fare çka solli përmbytjen e tyre. Ndërsa uji është larguar nga fshatrat Çiflig dhe Arrëz dhe banorët kanë nisur pastrimin e banesave.Top Channel
-
“Kjo situatë ka 40 vite që nuk ka ndodhur”/ Reshjet e dendura në Sarandë, mijëra hektarë akoma nën ujë
Situata meterologjike me reshje shiu me intensitet të lartë ka sjell përmbytje që nuk ishin parë prej 4 dekadash në Sarandë.
Fshati Çukë është më i prekuri me 500 hektar tokë nën uji, dëme në banesa dhe qindra bagëti të ngordhura.
Nga Çuka ku ndodhen forcat e Emergjencave Civile Ministri Vengu dhe Kryetari i Bashkisë Caci kane deklaruar se situata nuk është aspak e favorshme për shkak të reshjeve intensive që vazhdojnë të jenë prezentë, ndërsa po punohet që argjinatura e lumit Bistrice të stabilizohet në dy ditët e ardhshme. Ndërsa në zonë po shpërndahen rezervat materiale të shtetit për dhjetëra familje të zonës së prekur nga katastrofa natyrore.
“Jemi në një front të tretë metorologjik ne mbare vendin, rreth 1500 hektarë janë nen ujë, 500 në bashkinë Kurbin dhe Lezhë, pjesa e Devollit dhe Maliqit ku ujerat kanë rënë, kemi Vjosën dhe Semanin me një sipërfaqe të konsiderueshme brenda argjinaturave por që kërcënojnë disa fshatra, kemi Sarandën të prekur në mënyrë masive me 500 hektarë nën ujë, ndaj të gjitha forcat si ato xheniere, forca të bashkisë, emergjencat që janë në terren për të rehabilituar argjinaturën e Bistrices, duke vënë qellim që në 2 ditët e ardhshme të vëm në stabilitet. Ministria e Bujqësisë është angazhuar ne ofrimin e mbështetjes për fermerët, për demet që kanë pësuar, dhe rezervat materiale të shtetit kanë filluar sot në shpërndarjen e ndihmesave me pako ushqimore”, është shprehur ministri i mbrojtjes, Pirro Vëngu.
“Situata vazhdon të jetë e paqëndrueshme, moti nuk po na favorizon në gjithë këtë, bashkia ka qenë në terren, kemi filluar duke pasur fokus shpëtimin e jetës së njerëzve në rradhë të parë, me gjënë e gjallë e me bizneset e të gjitha problematikat që solli kjo situatë që sipas metorologëve nuk ka ndodhur në 40 vjet në Sarandë, nuk ka ndodhur kjo sasi reshjesh që ndodhi këto ditë, shpresojmë që brenda pak ditësh ta sjellim situatën në kontroll, kërkojmë ndjes dhe bashkëpunim nga gjithë qytetaret e Sarandës, ne jemi në terren dhe shume shpejt çdo gjë do sillet në normalitet’, tha Kryetari Bashkisë Sarandë, Oltion Caci.Top Channel
-
Moti i keq/ Ministri Vengu: 1500 hektarë tokë të përmbytura në mbarë vendin
Nga Saranda, ministri i Mbrojtjes Pirro Vengu tha se 1500 hektarë tokë janë nën ujë në mbarë vendin, për shkak të reshjeve intensive të shiut gjatë ditëve të fundit.
“Praktikisht rreth 1500 hektarë janë nën ujë, 500 hektare bashkitë Lezhë dhe Kurbin, pastaj pjesa e Devollit dhe Maliqit ku ujërat kanë rënë por sërish ka siperfaqe te permbytura. Kemi gjithashtu Vjosën dhe Semanin me një sipërfaqe të konsiderueshme brenda argjinaturave, por që kërcënojnë disa fshatra dhe së fundmi padyshim edhe Saranda e prekur në mënyrën masive me 500 hektarë në ujë në momentet që flasim.
Gjithashtu konsiderohet se rreth 200 familje janë evakuar në rang vendi, 150 prej tyre janë rikthyer në banesë dhe 50 prej tyre gjenden në konvikte. Të gjitha forcat aktualisht janë të përqëndruara në rehabilitimin e argjinaturave të dëmtuara.
Dëmtimet duhet të kuptojme se kanë ndodhur për efekt të intensitetit të madh të rreshjeve, pavarësisht se të gjitha mjetet kanë qenë në dispozicion dhe vijojnë punën në momentet që flasim.
Argjinatura e Bistricës së Madhe ka pësuar çarje të paktën katër vende dhe ajo që po realizojmë në bashkëpunim me bashkinë, me skuadrat xheniere të forcave të armatosura dhe me disa operatorë privatë është nga të dyja frontet nga ana e Çukës, sidomos sot po veprojmë për të përmbyllur të gjitha pikat ku është ndërprerë argjinatura. Kjo do na mundësojë uljen e nivelit të ujërave në gjithë zonën, futjen në funksion të hidrovorit dhe stabilizimin e të gjithë situates brenda dy ditësh.
Një tjetër front pune ka të bëjë me ardhjen në ndihmë të të gjithë blegtorëve të zonës, të cilët kanë pësuar dëme, do të thoja, të konsiderueshme. Presupozohet që gjysma e krerëve të regjistruar në zonën e Sarandës praktikisht kanë pësuar shumë dëme në stallat përkatëse dhe gjysma e bagetive kanë ngordhur dhe duhet të bëjmë inventarizimin, evadimin e tyre për efekt shëndetësor dhe veterinar. Pastaj do të kalojmë në fazën e shpërblimit të dëmeve siç i takon secilit prej blegtorëve.
Atë që mund t’ju them është se në rang vendi kemi tre situata aktualisht shqetësuese, sidomos në zonën e Semanit, ku praktikisht në Kallm, në Belinë dhe në Roskovec forcat janë në terren. Lumi nuk ka shkuar përtej argjinaturave, por praktikisht është duke cënuar disa zona bujqësore. Mund t’ju themi që nga të dhënat paraprake kemi përafërsisht 20 ura të dëmtuara zakonisht ura që mund të rehabilitohen shpejt, por kemi dhe ura që kërkojnë një rehabilitim tërësor sidomos në zonën e Glinës në Dropull”,- tha Vengu.
Ministri bëri me dije se në mbarë vendin rreth 200 familje u evakuuan nga banesat e tyre për shkak të përmbytjeve, nga të cilët 150 janë rikthyer në shtëpitë përkatëse, ndërsa pjesa tjetër është strehuar në konvikte.