Lajmidites.com

Tag: hansi

  • Hansi Flick ka një “ëndërr gjermane”, por kushton minimalisht 7,5 mln euro në vit

    Hansi Flick ka një “ëndërr gjermane”, por kushton minimalisht 7,5 mln euro në vit

    30 Nëntor 2025

    10:10

    Telesport

    Dëshira e fshehtë e trajnerit Hansi Flick nuk ka ndryshuar. Gjermani do një gjerman në mesfushë dhe i preferuari i tij është ylli i Bayern, Joshua Kimmich.
    Flick mendon se mesfusha e Barcelonës ka nevojë për një lojtar me përvojë dhe karakter. Ndryshe nga paraardhësit e tij te Barcelona, ai nuk do një dirigjent para mbrojtjes, me aftësi teknike të mira me topin, por një “luftarak”.
    Kimmich është në 3-4 vitet e fundit të karrierës dhe për të do të ishte epilogu perfekt. Barcelona gjithmonë mbetet një ëndërr për yjet e futbollit botëror. Me siguri, edhe për gjermanin.
    Hansi Flick po guxon të ëndërrojë për blerjen e ish-lojtarit të tij, por problemi janë financat e Barcelonës. Kimmich te Bayern ka pagë 7,5 mln euro neto në vit, plus 2,5 mln euro të tjera në formë bonusesh.

  • Rrezikohet pankina e Flick, Barcelona piketon dy emra “big” për të zëvendësuar gjermanin

    Rrezikohet pankina e Flick, Barcelona piketon dy emra “big” për të zëvendësuar gjermanin

    27 Nëntor 2025

    17:38

    Telesport

    Edhe pse kontrata aktuale i skadon në vitin 2027, Hansi Flick mund të largohet shumë më shpejt nga stoli i Barcelonës. Luhatjet e vazhdueshme në lojë dhe në rezultate, mund të bëjnë që Flick ta mbyllë me Barcelonën para përfundimit të kontratës.
    “El Nacional” zbulon dy emrat që kanë piketuar drejtuesit e Barcelonës, në rast largimi apo shkarkimi të Hansi Flick. bëhet fjalë për dy njohje të vjetra të katalanasve. I pari është Cesc Fabregas, i cili po bën një punë të jashtëzakonshme te Como dhe gjithmonë e ka pranuar publikisht që një ditë ëndërron të drejtojë ish-ekipin e tij si lojtar, Barcelonën.
    Emri i dytë është ai i Luis Enrique, i cili është në kontratë me PSG-në deri në vitin 2027, por duke ditur dashurinë e madhe që ka për ish-klubin e tij ku fitoi gjithçka në vitin 2025, mund të pranojë rikthehet në krye të katalanasve.

  • La Liga/ Rikthim perfekt në “Camp Nou”, Barça “poker” ndaj Bilbao-s

    La Liga/ Rikthim perfekt në “Camp Nou”, Barça “poker” ndaj Bilbao-s

    Barcelona inauguron me spektakël “Camp Nou”-n e rinovuar, duke mposhtur Athletic Bilbaon 4-0 në një pasdite  të paharrueshme për tifozët blaugrana. Nën drejtimin e trajnerit Hansi Flick, katalanasit shfaqën një futboll dominues që nga minuta e parë. Vetëm pas katër minutash, Robert Lewandowski përfiton nga një gabim i mbrojtjes baske dhe hap serinë e golave, duke ndezur festën në stadiumin e sapo­përditësuar. Përpara pushimit, Barcelona godet sërish në kundërsulm me Ferran Torres, i cili dyfishon rezultatin pas një manovre të shpejtë dhe një ndërhyrjeje jo të saktë të portierit të Bilbaos.
    Në pjesën e dytë, vendasit vazhdojnë të diktojnë ritmin. Fermin López shënon golin e tretë me një finalizim të saktë pas një kombinimi elegant me Garcia. Pak minuta më vonë, situata bëhet edhe më e vështirë për Bilbaon, që mbetet me dhjetë lojtarë pas kartonit të kuq ndaj Sancet, ndëshkuar për një ndërhyrje të rrezikshme pikërisht ndaj López. Në minutat e fundit, Barcelona vendos vulën e ndeshjes: Lamine Yamal shërben për Ferran Torres, i cili realizon golin e dytë personal dhe të katërtin për skuadrën. Fillimisht goli anulohet për pozicion jashtë loje, por pas verifikimit nga VAR, rrjeta quhet e rregullt.

    Me këtë triumf bindës, Barcelona e Hansi Flick-ut rikthehet me një sukses tepër të rëndësishëm në shtëpinë e saj të re dhe barazon Real Madridin në krye të La Ligës, duke dërguar një sinjal të fortë për garën e titullit.

  • Hansi Flick kërkon të bindë yllin e madh të vijë te Barcelona, e kërkon gjysma e Europës

    Hansi Flick kërkon të bindë yllin e madh të vijë te Barcelona, e kërkon gjysma e Europës

    17 Nëntor 2025

    18:01

    Telesport

    Pasi bëri të ditur që nuk do të rinovojë me Borussia Dortmund, Nico Schlotterbeck do të largohet nga verdhezinjtë këtë verë, duke qenë se kontrata i mbaron në vitin 2027 dhe klubi gjerman nuk dëshiron ta humbë atë falas.
    Schlotterbeck konsiderohet si një nga qendërmbrojtësit më të mirë të momentit në botë dhe për gjermanin ka një interes të madh nga shumë klube në Europë.
    Një nga këto klube është edhe Barcelona, pasi Hansi Flick ka folur vetë me lojtarin dhe po mundohet ta bindë të zgjedhë pikërisht katalanasit. Barcelona po studion formula ekonomike për të konkurruar me gjigantët e tjerë të Europës, e vetëdijshme se diferenca e pagave të saj është më e kufizuar se ajo e rivalëve.

  • Hansi Flick kritikohet për stilin e lojës, reagon Deco

    Hansi Flick kritikohet për stilin e lojës, reagon Deco

    7 Nëntor 2025

    18:44

    Telesport

    Pas barazimit me Club Brugge, mediat katalanase (dhe jo vetëm) kanë filluar me kritika kundër trajnerit Hansi Flick.
    Sipas tyre, gjermani rriskon shumë me mbrojtjen lart dhe stili i lojës nuk është i përshtatshëm ndaj skuadrave që luajnë me kundërsulme.
    Drejtori sportiv Deco, megjithatë, nuk sheh vend për kritika apo debate taktike.
    “Çështja e diskutimit mbi stilin tonë të lojës, sipas meje, është e parëndësishme. Ne tashmë e dimë shumë mirë se ku mund të përmirësohemi. Sezonin e kaluar kaluam disa momente të vështira dhe arritëm të gjenim pikat e forta për t’u përmirësuar”.
    “Këtë duhet të bëjmë edhe tani. Nuk më duket mision i vështirë”, ka deklaruar Deco.

  • Në rast se ikën Flick, Barcelona do të sjellë një tjetër super trajner… po gjerman

    Në rast se ikën Flick, Barcelona do të sjellë një tjetër super trajner… po gjerman

    5 Nëntor 2025

    19:07

    Telesport

    Lajmi i raportuar nga “ABC” mëngjesin e sotëm, sipas të cilit Hansi Flick ka vendosur të largohet në fund të sezonit nga drejtimi i Barcelonës, për shkak të situatës me disa nga yjet e ekipit, referuar këtu Lamine Yamal, të cilit klubi po i plotëson të gjitha tekat, si dhe për moskuptimet e vazhdueshme me drejtorin sportiv Deco dhe presidentin Joan Laporta.
    Ndërkohë, mediet spanjolle kanë filluar që tani të përmendin kandidatët e parë, ku njëri prej tyre do të zëvendësojë Hansi Flick, gjithmonë nëse trajneri gjerman do të largohet gjatë verës së ardhshme. Në krye të listës, qëndron Jurgen Klopp.
    Trajneri gjerman nuk ka pranuar të drejtojë asnjë ekip tjetër pas largimit nga Liverpool, por do ta kishte shumë të vështirë të refuzonte stolin e Barcelonës, duke ditur admirimin e madh që ka për këtë klub, gjë që e ka shprehur disa herë publikisht.

  • A vjedh Real Madridi, sikurse tha Yamal? Përgjigja e Hansi Flick do t’ju befasojë…

    A vjedh Real Madridi, sikurse tha Yamal? Përgjigja e Hansi Flick do t’ju befasojë…

    1 Nëntor 2025

    13:59

    Alfred Lleshi

    Hansi Flick lavdëroi Lamine Yamal dhe konfirmoi se ai po rikuperohet mirë nga pubalgjia, në prag të ndeshjes kundër Elche, që e cilësoi si rival të fortë. Duke iu përgjigjur pyetjeve për zhurmën mediatike rreth talentit 18-vjeçar, trajneri gjerman ironizoi: “A është folur për Lamine Yamal vetëm këtë javë apo çdo javë? Mendoj se çdo javë”.
    Flick shtoi: “Është mirë, po rikuperohet dhe po punon shumë. Kam folur me të dhe po zhvillohet mirë. Unë gjithmonë do ta mbroj dhe ndihmoj. Është lojtar fantastik, shumë i ri dhe djalë i shkëlqyer”.
    Për rolin si mesfushor-ofensiv, Flick shpjegoi se ishte diçka e përkohshme: “Për t’u kthyer në formën më të mirë duhet të luajë në pozicionin që njeh më mirë. Mund të përshtatet edhe në role të tjera, sepse është lojtar i jashtëzakonshëm dhe kur ka topin krijon gjëra të mëdha për ne”.
    Sa i përket polemikës për deklaratën e Yamal (“Reali vjedh”), Flick e mbylli shkurt: “Për mua, Reali është tashmë e shkuara. Nuk dua të flas për të”.

  • Hansi Flick ka një kërkesë urgjente pas humbjes në “El Clasico”, Barcelonës i duhet me patjetër një qendërmbrojtës

    Hansi Flick ka një kërkesë urgjente pas humbjes në “El Clasico”, Barcelonës i duhet me patjetër një qendërmbrojtës

    27 Tetor 2025

    18:43

    Telesport

    Humbja në “El Clasico-n” e parë të këtij sezoni ndaj Real Madridit, nxorri në pah edhe njëherë tjetër problemet që Barcelona ka në qendrën e mbrojtjes. Largimi i Ingo Martinez ka lënë një boshllëk të madh.
    Për këtë arsye, Hansi Flick ka kërkuar nga drejtuesit e klubit një përforcim në merkaton e janarit për qendrën e mbrojtjes. Dëshira e madhe e trajnerit gjerman është qendërmbrojtësi i Sporting Lisbon, Gonçalo Inácio, vlera e të cilit është 45 milionë euro.
    24-vjeçari portugez duket se është profili i duhur për mbrojtjen e Barcelonës, pasi përshtatet më së miri me stilin e lojës së Flick. Përveç Gonçalo Inácio, Barcelona është në garë edhe për transferimin e Marc Guehi, për të cilën ka konkurrentë të fortë si Real Madrid, Liverpool e Bayern.

  • Real Madrid heq tmerrin e Barcelonës së Hansi Flick, Mbappe dhe Bellingham marrin fitoren e madhe

    Real Madrid heq tmerrin e Barcelonës së Hansi Flick, Mbappe dhe Bellingham marrin fitoren e madhe

    Real Madridi ka arritur që të fitojë në shifrat 2-1 kundër Barcelonës. Një fitore e madhe për madrilenët që kanë mbyllur tmerrin e Barcelonës së Hansi Flick. Goli i parë i takimit u realizua nga ana e Mbappe në minutën e 22, teksa 10 minuta më herët ishte anuluar një super gol i tij për pozicion jashtë loje.
    Fermin Lopez do të barazonte në minutën e 38, megjithatë vetëm pak minuta më vonë, Bellingham arriti të realizojë golin e fitores dhe që vendosi historinë e takimit. Në fillimin e pjesës së dytë Real Madrid humbi një rast të artë për golin e tretë nëpërmjet penalltisë së humbur nga Mbappe. /Sport Ekspres/

  • Hansi Flick merr lajmin e mirë, ylli i skuadrës rikuperohet dhe është gati për El Clasico

    Hansi Flick merr lajmin e mirë, ylli i skuadrës rikuperohet dhe është gati për El Clasico

    23 Tetor 2025

    8:55

    Telesport

    Në Barcelonë, të gjithë sytë janë te “El Clásico” e La Liga-s të dielën e ardhshme në Santiago Bernabéu (fillimi në orën 16:15). Pas fitores së tyre të thellë kundër Olympiacos, katalanasit zhvilluan një seancë të lehtë stërvitore.
    Lojtarët që nisën ndeshjen e Ligës së Kampionëve përfunduan punën e rikuperimit, ndërsa pjesa tjetër e skuadrës ka filluar tashmë përgatitjet për ndeshjen vendimtare kundër Real Madrid, e cila mund të jetë vendimtare në luftën për vendin e parë në La Liga.
    Lajm i mirë për Hansi Filck, i cili mundi të mbështetet te Raphinha dhe Ferran Torres. Të dy u rikthyen në stërvitje me skuadrën pas lëndimeve të tyre përkatëse. Andreas Christensen mungon, pasi u pengua të luante kundër skuadrës greke për shkak të një problemi gastrointestinal.
    Atmosfera është e mirë te katalanasit, një atmosferë fokusi dhe besimi, me ekipin e vendosur të ruajë vrullin pozitiv pas fitoreve të tyre të fundit evropiane. “El Clásico” e së dielës do të jetë një provë e re për Barçën, pasi ata duhet të konfirmojnë progresin e tyre dhe të konkurrojnë kundër një skuadre të Real Madrid që është në formë të shkëlqyer.