Halle Bailey ka bërë akuza të rënda kundër ish-partnerit të saj DDG Darryl Dwayne Granberry Jr). Aktorja 25-vjeçare kërkoi masa të përkohshme kufizuese për shkak të dhunës në familje. Peticioni u paraqit të martën, më 13 maj dhe përfshin akuza për abuzim fizik, verbal, psikologjik dhe shfrytëzim financiar, siç u zbulua të nesërmen nga Us Weekly.
Aktorja, e cila ishte në një lidhje me content creator-in 27-vjeçar nga viti 2022 deri në vitin 2024, thotë se ish-i i saj vazhdon ta abuzojë, ndërsa në kërkesën drejtuar gjykatës ajo përfshin edhe djalin e tyre 16-muajsh, Halo, duke kërkuar mbrojtjen e tij.
Dosja e çështjes përfshin foto të mavijosjeve në duart e aktores, si dhe një imazh që tregon dhëmbin e saj të përparmë të thyer. Halle Bailey foli në detaje rreth një incidenti më 18 janar, kur DDG dyshohet se refuzoi t’i tregonte asaj se kur do ta kthente të voglin Halo pas daljes së tyre së bashku.
“U ndjeva shumë e shqetësuar që ai po e merrte fëmijën me vete dhe ai ishte shumë i mërzitur. Nuk ndihesha e sigurt duke lënë një foshnjë me të në atë situatë. Doja të dija se kur do ta sillte përsëri”, tha ajo.
Sipas dëshmisë së saj, tensioni u përshkallëzua dhe çoi në një konfrontim fizik: Ne i mbanim duart, po ziheshim dhe po tërhiqnim njëri-tjetrin. Në një moment, Daryl po më tërhiqte flokët. Pastaj më goditi fytyrën në timon, duke më thyer dhëmbin.
Halle Bailey iu referua një incidenti tjetër më 3 mars, kur DDG dyshohet se hyri në shtëpinë e saj pa leje. Katër ditë më vonë, sipas saj, u shfaq përsëri.
“Ai u zemërua shumë me mua. Ai filloi të bërtiste dhe të më ofendonte. Kur pa që kamera po regjistronte, e fiku, hapi derën anësore dhe e hodhi jashtë shtëpisë. Kur shkova ta merrja, ai më la jashtë,” thotë ajo.
