Ministri i Jashtëm i Turqisë, Hakan Fidan, zbuloi se ai ishte shënjestër e një atentati me helmim nga metalet e rënda, i cili ndodhi afërsisht katër deri në pesë vjet më parë.
Duke folur për stacionin televiziv 24, Fidan tha se ishte ekspozuar ndaj niveleve të larta të arsenikut dhe merkurit. “Këto u zbuluan në teste“, shtoi ai, duke theksuar se ishte helmuar dhe se kjo përbën tentativë vrasjeje.
Fidan, i cili më parë drejtoi Shërbimin Kombëtar të Inteligjencës Turke (MIT), tha se ishte shënjestruar nga grupet terroriste që kur mori pozicionin e tij në agjenci.
Përveç kësaj, ai akuzoi partinë kryesore të opozitës në vend, duke thënë se përdor informacion që dyshohet se është prodhuar nga organizatat terroriste dhe rrjetet kriminale në retorikën politike. “Kjo është një rrugë e rrezikshme”, theksoi Fidan.
Ai refuzoi t’i përgjigjej pyetjes se kush qëndronte pas këtij atentati, duke thënë se “nuk ka armiq vetëm në shtëpi, ka armiq kudo”. /tesheshi.com/
Tag: hakan
-
Hakan Fidan: “Më helmuan!”
-
Hakan Çalhanoğlu, a është më i miri në botë në rolin e tij? Me siguri, më produktivi…
“Enzo Fernández i pesti, Kimmich i katërti, Kroos i treti, Rodri i dyti, unë i pari”. Një vit më parë, Hakan Çalhanoğlu u vetëshpall si mesfushori më i mirë në botë, përpara një audience mjaft interesante. 12 muaj më vonë, kemi një fitues më shumë të “Topit të Artë”, spanjollin, i cili fitoi sfidën personale ndaj Çalhanoğlu në finalen e Champions-it në qershor 2023 dhe më pas udhëhoqi Spanjën drejt triumfit në “Euro 2024”.
Po kështu kemi një gjerman më pak, atë që ishte në vend të tretë, Kroos, i cili është tërhequr nga futbolli. Me Kimmich, sfida mbetet e hapur mes “Allianz Arena” dhe “San Siro”, ndërsa për Enzo Fernández ende pritet një përballje, që mund të jetë vendimtare.
Në çdo rast, me golin e fundit në derbin e Kupës së Italisë, Çalhanoğlu arriti për të dytin sezon radhazi shifrat dyshifrore. Dhe kjo u arrit me dy muaj të mbetur ende për t’u luajtur. Ka shënuar më pak në Serie A krahasuar me vitet e kaluara, por mesatarja është vërtet interesante, edhe sepse është zbukuruar me 4 asiste.
Kur gjykonte zgjedhjen e tij, turku thoshte: “Golat dhe ato që bëj unë, të tjerët nuk i bëjnë dot. Nëse i hidhni një sy statistikave, unë nuk shënoj kurrë nga afër, por nga 25-30 metra, ose me goditje dënimi. Janë gjëra të vështira.
Pastaj, të gjithë dinë të menaxhojnë, por të bësh pasime prej 5 metrash nuk më pëlqen. Unë kërkoj gjithmonë pasimin final, për të rritur mundësinë e shënimit ose për të dhënë një top të gjatë. Ta japësh topin djathtas ose majtas për mua nuk ka vlerë”.
Edhe në Kupën e Italisë, kundër Milanit, tregoi se është vendimtar. Dhe ndoshta dikush te kuqezinjtë, në verën e vitit 2021, është penduar që nuk i ofroi një rrogë më të lartë atij që kishte shënuar 32 gola në 4 sezone. Me Interin ka bërë edhe më mirë: ka arritur në 37 gola dhe numërimi ende nuk ka mbaruar.