Lajmidites.com

Tag: gripit

  • Vala e re e virusit me 12 mijë raste në javë, autoritetet i druhen gripit australian që ka prekur Europën

    Vala e re e virusit me 12 mijë raste në javë, autoritetet i druhen gripit australian që ka prekur Europën

    Gripi këtë vit pritet të vijë më shpejt. Te paktën për këtë janë të alarmuar autoritet shëndetësore në vendin fqinje, Itali, të cilët thonë se e gjithë Europa mund të preket nga vala e gripit australian, ku predominon virusi AH3N2.

    Instituti i Shëndetit Publik deklaron se ka rritje të numrit të infeksioneve respiratore të raportuara, me gati 12 mijë në javë, por ende nuk janë izoluar raste me grip.

    “Kemi 12 mijë raste në javë, por nuk kemi kapur grip“, është shprehur specialisti i ISHP, Artan Simaku.

    Nëpër qendrat shëndetësore ka fluks pacientësh me klinikë të njëjtë me gripin, si temperaturë të lartë që zgjat, kollë, bronkit dhe shpesh me otit të shkaktuar nga virusi. Shpesh nuk testohemi ose nuk shkojmë tek mjeku, duke mos u përfshirë në shifrat e raportuara. Por për të mos e kaluar rëndë gripin, mjekët këshillojnë vaksinimin ndaj tij ende sa nuk është izoluar.

    “Në Evropë ka raste. Është duke qarkulluar AH1N1 dhe AH3N2. Ne kemi vaksinë me shtame të këtyre viruseve“, tha Simaku.

    Përveçse nga gripi, COVID-i apo viroza të tjera, virusi respirator sinsicial rëndon më tej situatën tek më të vegjlit, sidomos nën 5 vjeç.

  • Vala e re e infeksioneve: 12 mijë raste në javë,autoritetet na informojne

    Vala e re e infeksioneve: 12 mijë raste në javë,autoritetet na informojne

    Autoritetet shëndetësore europiane paralajmërojnë për një valë të hershme të gripit këtë sezon,  me shqetësime të veçanta për përhapjen e virusit AH3N2,  i njohur si “gripi australian”. Italia ka ngritur alarmin për ndikimin e mundshëm në të gjithë kontinentin,  përfshirë edhe Shqipërinë.
    Në vendin tonë,  Instituti i Shëndetit Publik (ISHP) raporton një rritje të ndjeshme të infeksioneve respiratore,  me rreth 12 mijë raste në javë. Megjithatë,  deri më tani nuk janë izoluar raste të konfirmuara me grip.

    “Kemi 12 mijë raste në javë, por nuk kemi kapur grip”,  deklaroi specialisti i ISHP-së,  Artan Simaku. Ai theksoi se në qendrat shëndetësore ka fluks pacientësh me simptoma të ngjashme me gripin,  si temperaturë e lartë,  kollë,  bronkit dhe shpesh otit viral. Mungesa e testimit dhe hezitimi për të kërkuar ndihmë mjekësore mund të ndikojnë në mosreflektimin e rasteve reale në statistika.

    Simaku nënvizoi se në Europë po qarkullojnë viruset AH1N1 dhe AH3N2,  dhe se vaksina e gripit që ofrohet në Shqipëri përmban shtame të këtyre viruseve. Ai apeloi për vaksinim sa më herët,  për të shmangur komplikacionet e mundshme.

    Situata është veçanërisht e ndjeshme tek fëmijët nën 5 vjeç,  ku përveç gripit dhe virozave të zakonshme, v irusi respirator sinsicial po rëndon më tej gjendjen shëndetësore.

  • Përhapja e gripit të shpendëve në Evropë ngjall shqetësim të madh

    Përhapja e gripit të shpendëve në Evropë ngjall shqetësim të madh

    Përhapja e gripit të shpendëve në Evropë po shkakton shqetësim të madh midis qeverive dhe industrisë, pasi sëmundja po përhapet më shpejt se në vitet e fundit, raportoi sot agjencia Reuters.

    Sipas agjencisë franceze të monitorimit të shëndetit të kafshëve (ESA), nga gushti deri në mesin e tetorit janë regjistruar 56 shpërthime të virusit në 10 vende të Bashkimit Evropian dhe në Britaninë e Madhe. Vendet më të prekura janë Polonia, Spanja dhe Gjermania.

    Këto shpërthime të hershme kanë ringjallur frikën e përsëritjes së krizës së vitit të kaluar, kur virusi shkaktoi vdekjen e dhjetëra milionë zogjve dhe çoi në rritjen e ndjeshme të çmimeve të ushqimeve.

    Për të parandaluar përhapjen e sëmundjes, disa vende evropiane – përfshirë Belgjikën dhe Francën – kanë urdhëruar mbajtjen e shpendëve brenda. Në Francë ka nisur gjithashtu vaksinimi i tretë vjetor i rosave të fermave, si pjesë e strategjisë për kontrollin e epidemisë.

    Organizata Botërore e Shëndetësisë (OBSH) ka paralajmëruar se virusi duhet të monitorohet me kujdes, duke qenë se mund të përhapet edhe te gjitarët.

    Gripi i shpendëve ka prekur gjithashtu Shtetet e Bashkuara dhe Azinë. Në SHBA, më shumë se 180 milionë zogj janë vrarë, çka ka ndikuar në çmimet e vezëve dhe ka shkaktuar raste infektimi te lopët dhe njerëzit.

    Ndërkohë, Brazili, eksportuesi më i madh i shpendëve në botë, pas një shpërthimi të kufizuar, aktualisht është pa raste aktive të virusit. Japonia raportoi këtë javë rastin e parë të sezonit.

  • Alarm në Europë nga Gripi i shpendëve, mijëra pula do të theren

    Alarm në Europë nga Gripi i shpendëve, mijëra pula do të theren

    Autoritetet holandeze do të therin rreth 161,000 pula në një fermë shpendësh në pjesën qendrore-lindore të vendit, pasi atje është zbuluar një shpërthim i gripit të shpendëve, bëri të ditur qeveria.

    Si pasojë e shpërthimit të gripit, është vendosur një ndalim udhëtimi prej 10 kilometrash (6 milje) përreth fermës, që prek edhe 26 ferma të tjera në të njëjtën zonë. Javën e kaluar, Ministria e Bujqësisë urdhëroi që të gjithë fermerët e shpendëve të mbajnë zogjtë e tyre brenda, për të parandaluar përhapjen e virusit.
    Ndërkohë, Belgjika ka urdhëruar që të gjithë zogjtë të qëndrojnë brenda duke filluar nga e enjtja, 23 tetor, pas një shpërthimi të gripit të shpendëve H5N1 të zbuluar në një fermë në Francë.Sipas Organizatës Botërore për Shëndetin e Kafshëve (WOAH), duke cituar autoritetet belge, 319 zogj kanë ngordhur, ndërsa 67,110 të tjerë do të theren për arsye parandaluese.
    Një shpërthim tjetër i gripit të shpendëve është raportuar edhe në Sllovaki, në një fermë pranë kufirit me Poloninë. Sipas WOAH, 27 zogj kanë ngordhur, ndërsa 197 pula, rosa dhe pata të rritura në fermë do të theren.
    Përhapja e gripit të shpendëve po shqetëson qeveritë evropiane dhe fermerët, pasi gjatë viteve të fundit qindra mijëra zogj kanë ngordhur ose janë therur për arsye parandaluese, duke prishur zinxhirin e furnizimit dhe rritur çmimet e ushqimeve. Ekspertët paralajmërojnë gjithashtu për rrezikun e një pandemie të re nëse virusi pëson mutacione që mund të infektojnë njerëzit.

    Top Channel

  • Ende asnjë në vendin tonë/ Vaksinat e gripit masë shtesë mbrojtëse, shfaqet interes i lartë nga qytetarët

    Ende asnjë në vendin tonë/ Vaksinat e gripit masë shtesë mbrojtëse, shfaqet interes i lartë nga qytetarët

    Edhe pse gripi ende nuk ka nisur të qarkullojë në vend, qytetarët po tregojnë interes të lartë për t’u mbrojtur ndaj tij. Kryesisht janë të moshuarit ata që po nxitojnë për të marrë vaksinën sezonale.
    Vaksina kundër gripit ka nisur fushatën që prej 22 shtatorit, dhe në të gjithë vendin sipas Institutit të Shëndetit Publik deri më tani janë aplikuar mbi 140 mijë doza.
    Fillimisht, vaksinën e ka marrë personeli mjekësor, për shkak të riskut të lartë të ekspozimit. Megjithatë, edhe të moshuarit dhe personat me sëmundje kronike kanë treguar interes të shtuar, siç shpjegon edhe epidemiologia pranë ISHP-së, Rovena Daja: Ata që e aplikojnë më tepër janë mbi moshën 60 vjeç, janë personeli shëndetësor, që janë vaksinuar të parët.
    Mësuesit, ushtarakët, të cilët kanë një kontakt të drejtpërdrejtë, duke nisur pastaj me sëmundjet kronike që janë edhe më kryesorët, që vuajnë nga sëmundjet kardiovaskularë apo diabetin mund të shkojnë edhe deri në vdekje.
    Deri tani nuk është konfirmuar asnjë rast i gripit, por ISHP pret që rastet e para të shfaqen në muajin nëntor. Për këtë arsye, mjekët rekomandojnë vaksinimin sa më herët.
    Vaksina e këtij sezoni është katërvalente, që do të thotë se mbron nga katër shtame të ndryshme të virusit të gripit: A(H1N1), A(H3N2) dhe dy lloje të virusit B.
    “Nuk kemi qarkullim për momentin presim nga nëntori që vijnë rastet e para, dhe deri në atë moment do ishte mirë të vaksinoheshin, megjithatë vaksinimi ka vlerë nga shtatori deri në mars-prill kur mbyllet edhe sezoni. Është vaksinë 4 valente, që përmban, të 4 shtamet. Që mund të qarkullojnë këtij sezoni gripi. Presim virusin Ah1 n1, dhe ah3n2 ndërkohë dhe të tipit B. Kjo vaksinë i ka brenda saj.”
    Vaksinat janë falas dhe të disponueshme në të gjitha qendrat shëndetësore të vendit. Aktualisht në qarkullim janë virozat respiratore dhe COVID-19, ndaj vaksinimi shihet si një masë shtesë mbrojtëse, sidomos për kategoritë në risk.

  • Sezoni i viruseve ka mbërritur/ Ja çfarë duhet të dini rreth vaksinimit këtë vit

    Sezoni i viruseve ka mbërritur/ Ja çfarë duhet të dini rreth vaksinimit këtë vit

    Ndërsa temperaturat bien dhe njerëzit kalojnë më shumë kohë në ambiente të mbyllura, mjekët paralajmërojnë se dimri që po afron mund të sjellë një rritje të rasteve të gripit, COVID-19 dhe infeksioneve të tjera të frymëmarrjes. Ekspertët thonë se edhe pse pandemia ka kaluar fazën e saj më të rrezikshme, virusi i COVID-it vazhdon të qarkullojë dhe së bashku me gripin sezonal, mund të shkaktojë probleme serioze për shëndetin publik.
    Mjekët e shëndetit publik po theksojnë rëndësinë e vaksinave si mbrojtja më e mirë kundër sëmundjeve të rënda. Sipas Qendrës Amerikane për Kontrollin dhe Parandalimin e Sëmundjeve (CDC), të gjithë personat mbi moshën 6 muajsh duhet të marrin vaksinën kundër gripit çdo vit. Për COVID-19, versionet më të fundit të vaksinave janë përshtatur për variantet që po qarkullojnë aktualisht, dhe rekomandohet që të gjithë të rriturit dhe adoleshentët t’i marrin, veçanërisht ata me sëmundje kronike ose imunitet të dobët.
    “Edhe nëse jeni shëndetshëm, vaksina ju ndihmon të mos përhapni virusin te njerëzit më të ndjeshëm,” – tha një epidemiolog për CNN.
    Ekspertët sugjerojnë që vaksinimi për gripin të bëhet në tetor, përpara se rastet të rriten ndjeshëm. Sa për COVID-in, rekomandimet ndryshojnë në varësi të vaksinës së re që lëshohet çdo vit por zakonisht është mirë të vaksinoheni në të njëjtën periudhë me atë të gripit.
    Rreziku është më i lartë për:
    Personat mbi 65 vjeç
    Ata me sëmundje kronike (si diabet, sëmundje të zemrës ose mushkërive)
    Gratë shtatzëna
    Foshnjat dhe fëmijët e vegjël
    Njerëzit me imunitet të dobësuar (p.sh. pacientë me kancer, transplante, etj.)
    Për këto grupe, mjekët rekomandojnë vaksinim të menjëhershëm dhe kujdes shtesë gjatë periudhës së qarkullimit të viruseve.
    Sezoni i gripit dhe COVID-19 këtë dimër mund të mos jetë aq dramatik sa vitet e pandemisë, por mbetet i paparashikueshëm. Vaksinat, higjiena e mirë dhe kujdesi ndaj të tjerëve janë mënyra më e mirë për të kaluar dimrin të shëndetshëm, shprehen ndër të tjera ekspertët.

  • Gripi mund të diagnostikohet me një çamçakëz nga Gjermania në të ardhmen

    Gripi mund të diagnostikohet me një çamçakëz nga Gjermania në të ardhmen

    Gripi mund të diagnostikohet shpejt në shtëpi thjesht duke përtypur çamçakëz, sugjeron një studim i ri.

    Me sezonin e gripit që po afrohet, shkencëtarët thonë se testi i bazuar në shije do ta eliminonte nevojën për të marrë mostra nga hunda e pacientëve.

    Shkencëtarë gjermanë kanë krijuar një sensor të ri molekular që çliron aromë trumze kur has në virusin e gripit.

    Ata planifikojnë ta përfshijnë këtë sensor të thjeshtë në çamçakëz ose karamele, për të rritur mundësinë e testimeve në shtëpi dhe për të parandaluar përhapjen e sëmundjes para se të shfaqen simptomat.

    Udhëheqësi i studimit, profesori Lorenz Meinel, thotë se qëndrimi në shtëpi është thelbësor për të parandaluar përhapjen e sëmundjeve infektive si gripi.

    Por njerëzit me grip janë ngjitës edhe para se të shfaqin simptomat.

    Metodat aktuale për diagnostikimin e gripit, si testet PCR përmes mostrave të hundës, janë të sakta, por të ngadalta dhe të kushtueshme.

    Testet e shpejta për në shtëpi, të ngjashme me ato për COVID-19, janë të përshtatshme dhe zakonisht me kosto të ulët, por nuk e zbulojnë infeksionin para se të shfaqen simptomat.

    Meinel dhe kolegët e tij i janë qasur këtyre mangësive të zbulimit të gripit “duke u larguar nga detektorët dhe pajisjet e ndërlikuara dhe duke u drejtuar te një detektor që është i disponueshëm për këdo, kudo dhe në çdo kohë: gjuha.”

    Ekipi zhvilloi një sensor molekular që liron një aromë të dallueshme për gjuhën e njeriut, timol, një përbërës i pranishëm te trumza.

    Meinel shpjegon se sensori bazohet në një substrat të glikoproteinës së virusit të gripit të quajtur neuraminidazë.

    Ai tha: “Viruset e gripit përdorin neuraminidazën për të thyer disa lidhje në qelizat e organizmit pritës që ta infektojnë atë.”

    Ekipi kërkimor sintetizoi një substrat të neuraminidazës dhe i bashkëngjiti një molekulë timoli.

    Meinel, nga Universiteti i Würzburgut, shtoi: “Timoli perceptohet në gjuhë si një shije bimore e fortë.

    “Teorikisht, kur sensori i sintetizuar ndodhet në gojën e një personi të infektuar me grip, viruset shkëpusin molekulat e timolit dhe shija e tyre perceptohet nga gjuha.”

    Pas zhvillimit të sensorit molekular, ekipi kërkimor kreu testime laboratorike me të.

    Rezultatet, të botuara në revistën ACS Central Science, treguan se, në epruveta me pështymë njerëzish të diagnostikuar me grip, sensori lëshoi timol të lirë brenda 30 minutash.

    Kur ata e testuan sensorin në qeliza njerëzore dhe të minjve, ai nuk ndryshoi funksionimin e qelizave.

    Meinel dhe ekipi i tij shpresojnë të nisin prova klinike tek njerëzit brenda dy vitesh, për të konfirmuar ndjesinë e shijes së timolit te personat me grip në fazën para dhe pas simptomave.

    Ai shtoi: “Nëse do të përfshihej në çamçakëz apo karamele, ky sensor mund të shërbejë si një mjet i shpejtë dhe i arritshëm për testim fillestar, që do të ndihmonte në mbrojtjen e njerëzve në mjedise me rrezik të lartë.” / Talker News – Syri.net

  • Zbuloni simptomat e para të gripit që zakonisht i injorojmë

    Zbuloni simptomat e para të gripit që zakonisht i injorojmë

    Gripi është një infeksion viral që kthehet çdo dimër, duke shkaktuar simptoma që variojnë nga të lehta deri në të rënda. Edhe pse shumë e ngatërrojnë atë me ftohjen e zakonshme, gripi është më i rëndë, më dobësues dhe mund të çojë në ndërlikime, veçanërisht në grupet vulnerabël.
    Njohja e hershme e shenjave të para është thelbësore për të kufizuar përhapjen e virusit dhe për të lehtësuar shërimin.
    Zilja paralajmëruese për gripin

    Lodhja e papritur dhe intensive është shpesh simptoma e parë e gripit, madje edhe para se të shfaqen shenjat më të njohura si ethet ose kolla.
    Nuk bëhet fjalë për lodhjen e thjeshtë të një dite të vështirë dhe as për dobësinë e shkaktuar nga ftohja e zakonshme, por për një rraskapitje që mund të “pengojë” aktivitetet e përditshme.
    Në këtë fazë, është e rëndësishme t’i jepni përparësi pushimit dhe ta lini trupin të rikuperohet.
    Qëndrimi në shtëpi, zvogëlimi i aktiviteteve dhe gjumi i mjaftueshëm forcojnë sistemin imunitar dhe e ndihmojnë atë të luftojë virusin në mënyrë më efektive. Edhe nëse nuk ka temperaturë, të qëndruarit larg punës ose shkollës për disa ditë mund të bëjë një ndryshim të madh si për veten tuaj ashtu edhe në parandalimin e transmetimit.
    Dhimbje trupi dhe të dridhura
    Menjëherë pas lodhjes, shumë njerëz përjetojnë dhimbje në pjesë të ndryshme të trupit, si shpina, këmbët ose koka, shpesh të shoqëruara me të dridhura.
    Edhe nëse nuk keni temperaturë, këto simptoma janë një tregues i qartë se keni grip. Mbështilleni veten me një batanije të ngrohtë dhe merrni qetësues kundër dhimbjeve.
    Kollë dhe dhimbje fyti
    Një tjetër shenjë e zakonshme e gripit është kolla e vazhdueshme dhe e thatë. Ndërsa sëmundja përparon, mund të përjetoni gulçim ose shtrëngim në gjoks, ose edhe të keni gëlbazë.
    Nga ana tjetër, kolla shkakton dhimbje ose ënjtje dhe skuqje në fyt. Në disa raste, një dhimbje fyti paraprin ose ndodh në mënyrë të pavarur, si një reagim ndaj infeksionit.
    Kolla dhe dhimbja e fytit trajtohen me anë të hidratimit: preferoni ujë ose pije të ngrohta pa kafeinë. Nëse ju shqetëson shumë, mund të merrni edhe shurup për kollën. Gjithmonë vendosni dorën para gojës kur kolliteni dhe lani duart më pas.
    Kjo fazë kërkon vëmendje, pasi nëse nuk e kontrolloni, ekziston rreziku që gripi të zhvillohet në bronkit dhe pneumoni.
    Një temperaturë mbi 38°C është një nga simptomat më karakteristike të gripit. Mund të shoqërohet me të dridhura dhe një ndjenjë të përgjithshme të kequshqyerjes.
    Në fakt është një shenjë “e mirë”, sepse tregon se trupi po aktivizon mbrojtjen e tij për të luftuar gripin. Mund të merrni paracetamol ose ibuprofen për të ulur temperaturën.
    Probleme gastrointestinale
    Në disa lloje të virusit, veçanërisht tek fëmijët, mund të shfaqen diarre, të përziera ose të vjella . Edhe në këtë rast, duhet kujdes, pasi mund të dehidratoheni. Mos harroni të pini ujë, lëngje ose pije të nxehta, ose të hani pak supë.
    Kur të shqetësoheni
    Simptomat dhe kohëzgjatja e sëmundjes së gripit ndryshojnë nga pacienti në pacient. Në përgjithësi, duhen deri në një javë , ndonjëherë edhe dy javë, për t’u shëruar plotësisht.
    Megjithatë, do të ishte mirë të kontaktoni menjëherë mjekun tuaj nëse përjetoni ndonjë nga simptomat e mëposhtme
    vështirësi në frymëmarrje,
    dhimbje në gjoks,
    kollë që përkeqësohet vazhdimisht,
    temperaturë e lartë ose e vazhdueshme,
    buzë ose lëkurë blu,
    konfuzion,
    dehidratim i rëndë.
    Siç është përmendur tashmë, gripi mund të zhvillohet në sëmundje të tjera më serioze, siç janë pneumonia, bronkiti, sinusiti, otiti media dhe encefaliti.
    Parandalimi: Trajtimi më i mirë për gripin
    Vaksinimi vjetor është mburoja më efektive kundër gripit. Në të njëjtën kohë, larja e duarve rregullisht, shmangia e kontaktit me njerëzit e sëmurë dhe qëndrimi në shtëpi kur jemi të sëmurë kontribuojnë në mbrojtjen e vetes dhe të atyre përreth nesh.

  • Ndryshimi i klimës dhe virozat, zbuloni simptomat e para të gripit që zakonisht i injorojmë

    Ndryshimi i klimës dhe virozat, zbuloni simptomat e para të gripit që zakonisht i injorojmë

    Gripi është një infeksion viral që kthehet çdo dimër, duke shkaktuar simptoma që variojnë nga të lehta deri në të rënda. Edhe pse shumë e ngatërrojnë atë me ftohjen e zakonshme, gripi është më i rëndë, më dobësues dhe mund të çojë në ndërlikime, veçanërisht në grupet vulnerabël.
    grip
    Njohja e hershme e shenjave të para është thelbësore për të kufizuar përhapjen e virusit dhe për të lehtësuar shërimin.
    Zilja paralajmëruese për gripin
    Lodhja e papritur dhe intensive është shpesh simptoma e parë e gripit, madje edhe para se të shfaqen shenjat më të njohura si ethet ose kolla.
    Nuk bëhet fjalë për lodhjen e thjeshtë të një dite të vështirë dhe as për dobësinë e shkaktuar nga ftohja e zakonshme, por për një rraskapitje që mund të “pengojë” aktivitetet e përditshme.
    Në këtë fazë, është e rëndësishme t’i jepni përparësi pushimit dhe ta lini trupin të rikuperohet.
    Qëndrimi në shtëpi, zvogëlimi i aktiviteteve dhe gjumi i mjaftueshëm forcojnë sistemin imunitar dhe e ndihmojnë atë të luftojë virusin në mënyrë më efektive. Edhe nëse nuk ka temperaturë, të qëndruarit larg punës ose shkollës për disa ditë mund të bëjë një ndryshim të madh si për veten tuaj ashtu edhe në parandalimin e transmetimit.
    Dhimbje trupi dhe të dridhura
    Menjëherë pas lodhjes, shumë njerëz përjetojnë dhimbje në pjesë të ndryshme të trupit, si shpina, këmbët ose koka, shpesh të shoqëruara me të dridhura.
    Edhe nëse nuk keni temperaturë, këto simptoma janë një tregues i qartë se keni grip. Mbështilleni veten me një batanije të ngrohtë dhe merrni qetësues kundër dhimbjeve.
    Kollë dhe dhimbje fyti
    Një tjetër shenjë e zakonshme e gripit është kolla e vazhdueshme dhe e thatë. Ndërsa sëmundja përparon, mund të përjetoni gulçim ose shtrëngim në gjoks, ose edhe të keni gëlbazë.
    Nga ana tjetër, kolla shkakton dhimbje ose ënjtje dhe skuqje në fyt. Në disa raste, një dhimbje fyti paraprin ose ndodh në mënyrë të pavarur, si një reagim ndaj infeksionit.
    Kolla dhe dhimbja e fytit trajtohen me anë të hidratimit: preferoni ujë ose pije të ngrohta pa kafeinë. Nëse ju shqetëson shumë, mund të merrni edhe shurup për kollën. Gjithmonë vendosni dorën para gojës kur kolliteni dhe lani duart më pas.
    Kjo fazë kërkon vëmendje, pasi nëse nuk e kontrolloni, ekziston rreziku që gripi të zhvillohet në bronkit dhe pneumoni.
    Ethe
    Një temperaturë mbi 38°C është një nga simptomat më karakteristike të gripit. Mund të shoqërohet me të dridhura dhe një ndjenjë të përgjithshme të kequshqyerjes.
    Në fakt është një shenjë “e mirë”, sepse tregon se trupi po aktivizon mbrojtjen e tij për të luftuar gripin. Mund të merrni paracetamol ose ibuprofen për të ulur temperaturën.
    Probleme gastrointestinale
    Në disa lloje të virusit, veçanërisht tek fëmijët, mund të shfaqen diarre, të përziera ose të vjella . Edhe në këtë rast, duhet kujdes, pasi mund të dehidratoheni. Mos harroni të pini ujë, lëngje ose pije të nxehta, ose të hani pak supë.
    Kur të shqetësoheni
    Simptomat dhe kohëzgjatja e sëmundjes së gripit ndryshojnë nga pacienti në pacient. Në përgjithësi, duhen deri në një javë , ndonjëherë edhe dy javë, për t’u shëruar plotësisht.
    Megjithatë, do të ishte mirë të kontaktoni menjëherë mjekun tuaj nëse përjetoni ndonjë nga simptomat e mëposhtme:
    vështirësi në frymëmarrje,dhimbje në gjoks,kollë që përkeqësohet vazhdimisht,temperaturë e lartë ose e vazhdueshme,buzë ose lëkurë blu,konfuzion,dehidratim i rëndë.Siç është përmendur tashmë, gripi mund të zhvillohet në sëmundje të tjera më serioze, siç janë pneumonia, bronkiti, sinusiti, otiti media dhe encefaliti.
    Parandalimi: Trajtimi më i mirë për gripin
    Vaksinimi vjetor është mburoja më efektive kundër gripit. Në të njëjtën kohë, larja e duarve rregullisht, shmangia e kontaktit me njerëzit e sëmurë dhe qëndrimi në shtëpi kur jemi të sëmurë kontribuojnë në mbrojtjen e vetes dhe të atyre përreth nesh

  • Zbulohet trajtimi universal kundër gripit, shpresë për mbrojtjen e grupeve më të rrezikuara

    Zbulohet trajtimi universal kundër gripit, shpresë për mbrojtjen e grupeve më të rrezikuara

     

    Një trajtim eksperimental me një përzierje antitrupash ka ofruar rezultate premtuese në luftën kundër disa formave të rënda të gripit, duke hapur rrugën për zhvillimin e një terapije universale që mund të mbrojë grupet më të rrezikuara të popullsisë. Ky studim, i botuar në revistën prestigjioze ‘Science Advances’, ka treguar se ky ‘koktej’ i antitrupave është i efektshëm ndaj disa lloje të gripit A, duke përfshirë edhe ato që mund të shkaktojnë pandemia.

    Trajtimi i ri bazohet në tre antitrupa që synojnë një pjesë të virusit të gripit A të njohur si M2e, e cila është thelbësore për replikimin e virusit. Ky rajon i virusit mbetet shumë i ngjashëm në të gjitha llojet e gripit, çka e bën këtë trajtim potencialisht të efektshëm për një gamë të gjerë të llojeve të gripit. Ndryshe nga vaksinat tradicionale, të cilat duhet të përditësohen çdo sezon për shkak të mutacioneve të shpeshta të virusit, ky trajtim përdor antitrupa që nuk neutralizojnë drejtpërdrejt virusin, por nxisin sistemin imunitar për të vepruar më fuqishëm.

    Eksperimentet e kryera te minjtë kanë treguar rezultate mbresëlënëse: përzierja e antitrupave ka ulur ashpërsinë e sëmundjes, ka reduktuar përhapjen e virusit në mushkëri dhe ka rritur mbijetesën e kafshëve, madje edhe atyre me sistem imunitar të dobësuar. Trajtimi ka treguar efikasitet ndaj tre nëntipeve të gripit A: H1N1, H5N1 dhe H7N9. Ky është trajtimi i parë antiviral që tregon një efikasitet të tillë të gjerë kundër gripit.

    Një tjetër avantazh i këtij trajtimi është që, edhe 24 ditë pas administrimit, viruset nuk kanë zhvilluar mutacione për t’i shmangur antitrupat. Kjo tregon se trajtimi është i qëndrueshëm ndaj ndryshimeve gjenetike të virusit dhe mund të mbajë efikasitetin e tij për një periudhë të gjatë, duke e bërë atë një mundësi premtuese për mbrojtjen afatgjatë.

    Për momentin, hapi i ardhshëm për këtë trajtim është testimi i tij te njerëzit për të vërtetuar efektivitetin dhe sigurinë. Nëse kjo metodë do të konfirmohet si efikase edhe te njerëzit, mund të shërbejë si një terapi shtesë për të mbrojtur personat me rrezik të lartë, si të moshuarit dhe ata me sëmundje kronike, duke u përdorur paralelisht me vaksinat tradicionale.

    Ky trajtim ka potencialin të sjellë një ndryshim të madh në mënyrën se si trajtohen dhe parandalohen gripet, duke ofruar një shpresë të re për mbrojtjen e shëndetit publik dhe për luftën kundër pandemive të ardhshme.