Me tri sezone dhe tre muaj të sezonit të katërt, Robert Lewandowski po ngrihet gradualisht në historinë e Barcelonës. Kur mbërriti verën e vitit 2022 në Barcelonë, disa e krahasonin transferimin e tij me atë të Ronaldinho, për reputacionin dhe entuziazmin që solli. Tani, duke luajtur një rol më të dytësor, por të një rëndësie të madhe, ai është gati të hyjë në listën e golashënuesve më të mëdhenj të klubit blaugrana.
Me 3 golat e fundit në La Liga në Balaídos, polaku arriti 108 gola, duke barazuar Luis Enrique. Para tij qëndrojnë Estanislao Basora (110), Hristo Stoichkov (117) dhe Josep Escolà (120), me polakun që synon të hyjë në “top 10”. Nëse arrin 120 gola, do të afrohet me Carles Rexach dhe Patrick Kluivert (122); më tej janë Mariano Martín (129), Rivaldo dhe Samuel Eto’o (130). Katër të parët janë të pakapshëm: László Kubala (193), Luis Suárez (195), César Rodríguez (226), Leo Messi (672).
Lewandowski ka shënuar mesatarisht një gol çdo 113 minuta te Barça. Mes 100 golashënuesve më të mirë, vetëm Messi (95), Mariano Martín (101) dhe Josep Samitier (108) e tejkalojnë këtë ritëm. Në klubet e tij të mëparshme, ai shënoi çdo 139 minuta me Borussia Dortmund dhe çdo 92 minuta me Bayern Munich.
Tag: golashënuesve
-
Lewandowski drejt “Olimpit” të Barcelonës, vetëm 12 hapa larg historisë
-
Risia e Silvinjo mbyll kampionatin mbresëlënës në krye të golashënuesve, por humbet në finalen e madhe
Astana pati sot një transfertë historike përballë Kairat Almatit, që u shpall kampion. Ekipit të Nazmit Gripshit i duhej fitorja, por nuk shkoi më shumë se barazim 1-1.
Gripshi me shokë po ëndërronin pas 45 minutave të para. Ishte pikërisht risia e Silvinjos për ndeshjet e tetorit, që asistoi për Tomasov. Ky i fundit dërgoi topin në rrjetë.Kairat Almati reagoi në pjesën e dytë. Goli i Satpaev mjaftoi për të siguruar pikën e nevojshme, që i fitonte trofeun më të rëndësishëm në vend.
Gripshi mbyll kampionatin mbresëlënës për të, pikërisht në krye të golashënuesve. Plot 16 gola të shënuar dhe 7 asistime regjistroi fantazisti i Kombëtares në 26 javë.