Lajmidites.com

Tag: Gjirokastër

  • Moti sot, vranësira dhe reshje shiu

    Moti sot, vranësira dhe reshje shiu

    Vendi ynë sot do të ndikohet nga kushte atmosferike të paqëndrueshme, njofton Shërbimi Meteorologjik Ushtarak.
    Moti parashikohet në pjesën e parë të ditës me kthjellime e alternime vranësirash mesatare dhe hera-herës deri të dendura. Pas orëve të mesditës mot i vranët në pjesën më të madhe të territorit. Deri në orët e mesditës reshje shiu të herëpashershme dhe intensitet të ulët në një pjesë të madhe të territorit. Pas orëve të mesditës reshje shiu me intensitet të ulët deri mesatar në pjesën më të madhe të territorit.
    Përgjatë Ultësirës Perëndimore reshjet do të jenë në periudha afatshkurtra me intensitet deri dhe të lartë.
    Era do të fryjë me drejtim juglindje-verilindje me shpejtësi mesatare 9 m/s, përgjatë vijës bregdetare dhe lugina era do të fryjë me shpejtësi deri në 19 m/s.
    Valëzimi në detet Adriatik dhe Jon do të jetë i forcës 2-4 ballë.
    Temperaturat parashikohen:

    QYTETET
    Temperaturat
    Siglat

    Shkodër
    9/21
    Re shi diell

    Kukës
    8/17
    Re shi diell

    Lezhë
    8/22
    Re shi diell

    Dibër
    7/15
    Re shi diell

    Durrës
    8/23
    Re shi diell

    Tiranë
    11/24
    Re shi diell

    Elbasan
    10/24
    Re shi diell

    Berat
    9/25
    Re diell

    Vlorë
    12/24
    Re shi diell

    Korçë
    7/14
    Re diell

    Gjirokastër
    9/22
    Re diell

    Sarandë
    9/22
    Re shi diell

  • Gara e nxehtë për kreun e SPAK-ut, ja 4 prokurorët që hyjnë zyrtarisht në betejë

    Gara e nxehtë për kreun e SPAK-ut, ja 4 prokurorët që hyjnë zyrtarisht në betejë

    Gara për kreun e ri të Prokurorisë së Posaçme lidhjet tanimë me emra konkretë, teksa disa ditë më parë, Këshilli i Lartë i Prokurorisë miratoi gjatë një mbledhjeje listën me 4 kandidatë që shprehën interesin dhe aplikuan për të qenë në krye të SPAK-ut.
    Katër kandidatët e miratuar janë: Adnan Xholi, Doloreza Musabelliu, Elvin Gokaj dhe Klodjan Braho.

    Adnan Xholi
    Xholi është emri më i përfolur deri më tani në garën për kreun e SPAK-ut, një nga njerëzit që qëndron në krah të drejtuesit Altin Dumani.
    Xholi u lind në Dibër më 6 korrik 1975. Përfundoi studimet si jurist pranë Fakultetit të Drejtësisë. Ka marrë emërimin si prokuror më 6 janar 2004.
    Ka mbajtur këto detyra:
    01.05.1998-31.12.1999/ Oficer i Policisë Gjyqësore i Seksionit të Prokurorisë, në Prokurorinë e Rrethit Gjyqësor Tepelenë.
    01.01.2000 – 31.12.2000/ Zëvendësdrejtues Prokurorie (Zv/Prokuror Rrethi), në Prokurorinë pranë Gjykatës së Rrethit Gjyqësor Gjirokastër.
    01.01.2001-05.01.2004/ Prokuror në Prokurorinë pranë Gjykatës së Rrethit Gjyqësor Gjirokastër.
    Janar 2004- Maj 2013/ Prokuror në Prokurorinë pranë Gjykatës së Shkallës së Parë për Krime të Rënda, Tiranë.
    Gusht 2012- Dhjetor 2012/ Drejtues i Komanduar në Prokurorinë pranë Gjykatës së Rrethit Gjyqësor Lezhë.
    Qershor 2013-2017/ Prokuror/Drejtor i Drejtorisë së Kontrollit të Hetimit dhe Ndjekjes Penale pranë Prokurorisë së Përgjithshme.
    04.03.2015 – 28.09.2015/ Drejtues i Komanduar i Prokurorisë pranë Gjykatës së Shkallës së Parë për Krime të Rënda, Tiranës.
    2017 – 23.07.2021/ Drejtor i Drejtorisë Gjyqësore në Prokurorinë e Përgjithshme/Prokuror.

    Doloreza Musabelliu
    U diplomua në vitin 2002 në Universitetin e Tiranës dhe në vitin 2005 në Shkollën e Magjistraturës.
    Më herët ka mbajtur këto detyra:
    11.10.2004 -19.12.2019/ Prokurore në Prokurorinë pranë Gjykatës për Krimet e Rënda.
    19.12.2019 – 31.01.2020/ Prokurore në Prokurorinë pranë Gjykatës së Shkallës së Parë Tiranë (pas pushimit së ekzistuari të Prokurorisë pranë Gjykatës për Krimet e Rënda).
    Nga 31 janari 2020 dhe aktualisht është prokurore në Prokurorinë e Posaçme kundër Korrupsionit dhe Krimit të Organizuar (SPAK).
    23.07.2021 – aktualisht/ Prokuror në Prokurorinë e Posaçme kundër Korrupsionit dhe Krimit të Organizuar.

    Elvin Gokaj
    Gjatë viteve 1994 – 1998, Gokaj ka përfunduar studimet e larta të ciklit 4-vjeçar, në Universitetin “Luigj Gurakuqi” në Shkodër.
    Ka marrë emërim si prokuror më 5 dhjetor 2000.
    Më herët ka mbajtur këto detyra:
    2000-2007/ Prokuror në Prokurorinë pranë Gjykatës së Shkallës së Parë Mat.
    2007-2012/ Prokuror në Prokurorinë pranë Gjykatës së Shkallës së Parë Elbasan.
    2013-2014/ Prokuror në Prokurorinë pranë Gjykatës së Shkallës së Parë Durrës.
    2014-2021/ Prokuror dhe drejtues në Prokurorinë pranë Gjykatës së Apelit Shkodër.
    Nga 13 dhjetori 2021 dhe aktualisht, Gokaj mban detyrën e Prokurorit në Prokurorinë e Posaçme kundër Korrupsionit dhe Krimit të Organizuar (SPAK).

    Klodjan Braho
    U lind në Skrapar më 21 korrik 1982. Në vitet 2000-2004 kreu studimet në Fakultetin e Drejtësisë dhe në 2005-2008 studioi në Shkollën e Magjistraturës.
    Mori emërimin më 14 nëntor 2007.
    Më parë ka mbajtur këto detyra:
    14.11.2007-2012/ Prokuror pranë Prokurorisë pranë Gjykatës së Rrethit Gjyqësor Berat.
    2012-2015/ Prokuror pranë Prokurorisë së Gjykatës së Rrethit Gjyqësor Vlorë.
    2014-2015/ Zv.drejtues i Prokurorisë pranë Gjykatës së Rrethit Gjyqësor Vlorë.
    2015-19.12.2019/ Prokuror në Prokurorinë pranë Gjykatës së Shkallës së Parë për Krimet e Rënda Tiranë.
    Nga 19 dhjetori 2019  dhe aktualisht është prokuror pranë Prokurorisë së Posaçme kundër Korrupsionit dhe Krimit të Organizuar (SPAK).
    Mandati trevjeçar i kreut aktual të SPAK-ut, Altin Dumani mbaron në dhjetor të këtij viti.

  • Fundjava me shtrëngata dhe shi, ja qarqet më të prekura sipas IGJEUM

    Fundjava me shtrëngata dhe shi, ja qarqet më të prekura sipas IGJEUM

    Një parashikim i kushteve të motit për këtë fundjavë, nga Instituti i Gjeoshkencave njofton se përgjatë ditës së diel priten sërish reshje shiu dhe ulje temperaturash në disa zona të vendit.
    Nesër, e diel, datë 9 nëntor, priten reshje mesatare deri lokalisht intensive në qarqet: Vlorë dhe Gjirokastër. Në Qarkun Shkodër, reshjet priten mesatare, ndërsa në qarqet e tjerë priten reshje të dobëta deri lokalisht mesatare.
    Reshjet pritet te jenë në formë shtrëngate. Shumica e reshjeve priten nesër pasdite.
    Temperatura
    Nesër temperaturat minimale dhe maksimale të ajrit pritet të arrijnë:
    në bregdet: 14 / 19 °C
    në vendet e ulëta: 11 / 20 °C
    në vendet malore: 8 / 14 °C
    Era
    Nesër era pritet të fryjë e lehtë deri mesatare, për momente të shkurtra deri e fortë kryesisht në bregdet.

  • Stilistja Bona Karamano rikthen traditën shqiptare në modë moderne dhe unike: Veshjet e mia pëlqehen nga të huajt, sidomos nga francezët

    Stilistja Bona Karamano rikthen traditën shqiptare në modë moderne dhe unike: Veshjet e mia pëlqehen nga të huajt, sidomos nga francezët

    Prej 33 vitesh stilistja e veshjeve Bona Karamano drejton dizenjimin dhe qep veshje tradicionale në Pazarin karakteristik të Gjirokastrës duke tërhequr edhe vëmendjen e turistëve.

    Të stilosh dhe qepësh traditën, për Bonën është unike. “E bëj me dashuri këtë punë, kur ulem bëj një model gjatë atij modeli kur unë e qep, unë filloj dhe ndryshoj modelin gjatë punimit me dhjetëra herë derisa të bëj diçka që mua më pëlqen dhe është kënaqësi kur vijnë njerëzit thonë që vërtet janë gjëra unike,janë gjëra të veçanta sepse unë një model e bëj një herë dhe kjo është bukuria që çdo njeri ka në trupin e tij veshjen më të veçantë dhe që nuk e ka tjetër njeri”, shprehet stilistja.
    Veshjet e stiluara nga Bona janë pëlqyer edhe nga emra të njohur. Bona veçon prej tyre ish ambasadoren amerikane Yuri Kim.
    “Veshjet e mia i tërheqin turistët jashtë mase sidomos francezët, hollandezët , gjermanët tek unë kanë blerë dhe ambasadorë, Yuri Kim biles është kënaqësi kur e shikon atë me veshjen time, ambasadorë të tjerë, të cilët janë rikthyer sërish në atelienë time dhe jo vetëm kënaqësi por që ndien një lloj emocioni, kur të vlerëson dikush i huaj,ndihesh akoma më tepër e kënaqur”, thotë Bona Karamano.
    Në Gjirokastër ka një interes në rritje për mjeshtëritë që lidhen me stilimin dhe realizimin e veshjeve të ndryshme dhe veçanërisht atyre kombëtare.

    Top Channel

  • Zgjedhjet/ Policia e Shtetit merr në ruajtje 473 qendra votimi

    Zgjedhjet/ Policia e Shtetit merr në ruajtje 473 qendra votimi

    Në kuadër të planit të masave të miratuar nga Drejtoria e Përgjithshme e Policisë së Shtetit ka përfundon instruktazhi i punonjësve të Policisë në qarqet Elbasan, Berat, Vlorë, Dibër e Gjirokastër, ku do të mbahen zgjedhjet e pjesshme të 9 nëntorit.
    612 punonjësit e Policisë janë trajnuar dhe pajisur me librin e xhepit dhe dokumentin identifikues, sipas numrit kodik.
    Lista e punonjësve dhe mjeteve të angazhuara është miratuar nga KQZ.
    Gjatë ditës së sotme, do të merren në ruajtje 473 qendra votimi, ndërsa objektet që shërbejnë si KZAZ janë tashmë në ruajtje nga Policia, që prej momentit të mbërritjes së materialeve zgjedhore.
    Policia bwn tw ditur se janë ngritur grupet e drejtimit në komisariate dhe Grupi i Koordinimit në DVP, i cili koordinon veprimet me Grupin e Drejtimit në DPPSH, për të ndjekur në kohë reale mbarëvajtjen e procesit dhe për të menaxhuar çdo situatë, në zbatim të planit të posaçëm të masave.
    Policia e Shtetit fton qytetarët të denoncojnë çdo rast që cenon të drejtën e tyre për të votuar apo që synon të tjetërsojë votën e tyre.

  • Plisi, qeleshja apo qylafi, ekspozita e artistit Karaj në Galerinë e Arteve i paraqit ato në të gjitha format

    Plisi, qeleshja apo qylafi, ekspozita e artistit Karaj në Galerinë e Arteve i paraqit ato në të gjitha format

    Plisi ose qeleshja është një simbol i identitetit kombëtar, të cilin shqiptarët e kanë ruajtur me krenari ndër shekuj.

    Kjo kësulë e bardhë, që shpreh nderin, trimërinë dhe qëndresën e shqiptarëve, frymëzoi artistin Eduart Karaj për ekspozitën “Plisi në histori”, ku piktura dhe skulptura bashkohen në një dialog të vetëm.Në ekspozitën e çelur në Galerinë e Artit Tiranë, qylafi paraqitet në të gjitha format e tij, duke prezantuar Shqipërinë e Veriut, Jugut dhe Shqipërinë e Mesme.Eduart Karaj, piktor dhe skulptor shprehet i impresionuar: Më ka intriguar forma e plisit, ajo bardhësia apo fakti se duket si gjysmë vezë, që lidhet me ripërtëritjen e jetës. Qeleshja që qëndron në kokën e personazheve të Karajt, mishëron historinë e të parëve tanë dhe qyteteve që përfaqësojnë trashëgiminë tonë kulturore.“Jam mundur që nëpërmjet plisit, të rikthej arkitekturën, që është trashëgimia jonë kulturore, sikurse është Berati, Gjirokastra apo shtëpitë karakteristike të Elbasanit, duke i sjellë si një ëndërr. Duke treguar se me plisin brenda këtyre shtëpive, kanë jetuar njerëz” shprehet Karaj.
    Nëpërmjet punës me gdhendjen e drurit dhe teknikën e vajit akrilik, në një ndërthurje të guximshme të tradicionales me modernen, krijimet e artistit dalin jashtë kornizave dhe marrin dimensione mitologjike.
    “Unë jam fokusuar te pjesa mitologjike, me idenë e zmadhimit, për ta fryrë, duke mitizuar portretet e këtyre pleqve, e këtyre burrave të urtë, luftëtarëve, sikurse është portreti i gjakovarit apo Kreshnikut”, sqaron artisti.
    I frymëzuar nga kujtimet me gjyshërit, portretet e malësorëve me mustaqe dhe qëndrimin fisnik tw Karajt na kujtojnë vlera të shoqërisë si besa shqiptare.“Unë e kam vlerësuar shumë fjalën e gjyshërve të mi, një fjalë që ta thoshin e mbanin. Disa prej krijimeve kanë edhe iniciale, që na kujtojnë atë shprehjen e njohur besa-besa, që e kemi harruar pak, por është mirë ta kujtojmë’, shprehet Karaj.Ekspozita me 14 skulptura dhe 27 piktura do të qëndrojë e hapur në Galerinë e Artit deri në 11 nëntor.

    Top Channel

  • Vidhet një shtëpi në Gjirokastër, 37-vjeçari shpallet në kërkim

    Vidhet një shtëpi në Gjirokastër, 37-vjeçari shpallet në kërkim

    POLICIA E SHTETIT
    Specialistët për Hetimin e Krimeve të Komisariatit të Policisë Gjirokastër referuan materialet në Prokurori dhe shpallën në kërkim shtetasin V. K., 37 vjeç, banues në Gjirokastër, pasi dyshohet se ka vjedhur në banesën e shtetases U. L., një shumë parash dhe 1 celular. Punohet për kapjen e 37-vjeçarit.
    Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.

  • Kanosi një person dhe i dëmtoi makinën, nën hetim i riu nga Përmeti

    Kanosi një person dhe i dëmtoi makinën, nën hetim i riu nga Përmeti

    POLICIA E SHTETIT
    Specialistët për Hetimin e Krimeve të Komisariatit të Policisë Përmet referuan materialet në Prokurori, ku nisi procedimi penal për shtetasin N. K., 23 vjeç, banues në Përmet, pasi ka kanosur shtetasin S. I. dhe i ka dëmtuar automjetin, për motive të dobëta.
    Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.

  • Aksident në aksin Tepelenë- Memaliaj, plagoset 20-vjeçari

    Aksident në aksin Tepelenë- Memaliaj, plagoset 20-vjeçari

    POLICIA E SHTETIT
    Specialistët e Sektorit të Policisë Rrugore referuan materialet në Prokurori, për vlerësim, pasi në aksin rrugor “Tepelenë-Memaliaj”, shtetasi F. G., 20 vjeç, banues në Tepelenë, duke drejtuar motomjetin, dyshohet se ka humbur kontrollin dhe për pasojë motomjeti është përplasur me një automjet. Nga aksidenti është dëmtuar lehtë 20-vjeçari.
    Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.

  • Dy të ndaluar/ Kapet drogë, fishekë dhe 3700 euro në Kakavijë

    Dy të ndaluar/ Kapet drogë, fishekë dhe 3700 euro në Kakavijë

    POLICIA E SHTETIT
    Shërbimet e Policisë Kufitare Kakavije, në vijim të punës për goditjen e krimeve ndërkufitare, bazuar në analizën e riskut, kanë kaluar për kontroll në vijë të dytë, në hyrje të RSh-së, automjetet me drejtues shtetasit E. N. dhe I. Gj..
    -Gjatë kontrollit në automjetin e shtetasit E. N. dhe kontrollit fizik ndaj tij, shërbimet e Policisë gjetën dhe sekuestruan një sasi lëndë të dyshuar narkotike kokainë, 2 celularë dhe 3700 euro.
    Gjatë kontrollit në furgonin me drejtues shtetasin I. Gj., shërbimet e Policisë gjetën dhe sekuestruan 10 kuti me fishekë gjuetie (në total 250 fishekë), të cilat ai nuk i kishte deklaruar konform ligjit dhe nuk ishte i pajisur me leje për transportimin e tyre.
    Në përfundim të veprimeve për këto raste:
    -specialistët për Hetimin e Narkotikëve të DVP Gjirokastër arrestuan në flagrancë shtetasin E. N., 48 vjeç, banues në Berat, për veprën penale “Prodhimi dhe shitja e narkotikëve”;
    -specialistët për Hetimin e Krimeve të DVKM Gjirokastër referuan materialet në Prokurori ku nisi procedimi penal për shtetasin I. Gj., 49 vjeç, banues në Patos, për veprën penale “Prodhimi dhe mbajtja pa leje e armëve të gjuetisë dhe sportive”.
    Materialet procedurale iu referuan Prokurorisë, për veprime të mëtejshme.