Barcelona nuk mori dot më shumë se një pikë në transfertën ndaj Club Brugge, e vlefshme për raundin e 4-të në Champions League. Megjithatë, katalanasit mund të kishin dalë edhe pa pikë fare, po të mos ishte anulluar goli i Romeo Vermant në minutat shtesë.
Hansi Flick nuk e ka fshehur dot pakënaqësinë ndaj ekipit të tij, për paraqitjen e bërë ndaj Club Brugge. Trajneri gjerman ka qenë shumë i mërzitur për gabimet në mbrojtje, veçanërisht me Jules Kounde, i cili u kritikua ashpër për një paraqitje që mund të kishte kushtuar edhe më shumë se barazimi.
Kounde, duke luajtur si mbrojtës i djathtë, theu vijën e pozicionit të jashtë loje për golin e parë të Brugge, një gabim që shqetësoi ekipin dhe frustroi Flick.
Përpjekja e tij për të korrigjuar gabimin me një gjuajtje që goditi traversën nuk ishte e mjaftueshme për të balancuar një performancë të paqëndrueshme. Trajneri gjerman u shpreh i pakënaqur me mungesën e përqendrimit të lojtarëve të tij dhe paralajmëroi se “nuk mund të fitosh duke u mbrojtur kështu”.
Nuk është hera e parë që Flick ka ankesa për Kounde, ndaj jo më kot drejtuesit e klubit po mendojnë për të bërë një përforcim në krahun e djathtë të mbrojtjes gjatë merkatos së ardhshme. Emri më i përmendur deri tani është Daniel Munoz i Crystal Palace.
Tag: gjerman
-
Flick lë të nënkuptohet se ky lojtar ishte fajtori kryesor për dështimin ndaj Club Brugge
-
Infermieri gjerman dënohet me burgim të përjetshëm për vrasjen e 10 pacientëve! I vrau për të shmangur punën
Një infermier i kujdesit paliativ në Gjermani është dënuar me burgim të përjetshëm pasi u shpall fajtor për vrasjen e 10 pacientëve dhe tentativën e vrasjes së 27 të tjerëve.
Sipas prokurorit, infermieri u jepte drogë ose qetësonte pacientët e tij të moshuar me qëllim që të zvogëlonte ngarkesën e punës gjatë turneve të natës.
Sipas BBC-së, krimet u kryen midis dhjetorit 2023 dhe majit 2024 në një spital në qytetin perëndimor gjerman të Wuerselen.Hetuesit po hetojnë raste të tjera të dyshimta. Sipas AFP-së, burri kishte punuar në spitalin Wuerselen që nga viti 2020, pasi përfundoi trajnimin e tij si infermier profesionist në vitin 2007.
Infermieri u arrestua në vitin 2024. Duke e dënuar me burgim të përjetshëm, gjykata tha se krimet e tij ishin “veçanërisht të rënda”, që do të thoshte se ai nuk do të ishte i kualifikuar për lirim të parakohshëm pas 15 vjetësh.
Prokurorët i thanë AFP-së se po kryhen zhvarrime për të identifikuar viktima të tjera të mundshme, gjë që mund të çojë në një gjyq të ri. /vizionplus.tv -
Çmimi i Putinit për dirigjentin gjerman, zemëratë në Berlin
Një ligjvënës konservator në Berlin bëri thirrje për masa kundër dirigjentit gjerman Justus Frantz, i cili udhëtoi për në Moskë këtë javë për të marrë Urdhrin e Miqësisë nga Presidenti rus Vladimir Putin.
Anëtari i parlamentit të Unionit Kristian Demokrat, Roland Theis, i tha të enjten revistës “Berlin PlayBook” të POLITICO-s, se presidenti gjerman Frank-Walter Steinmeier duhet të revokojë Urdhrin e Meritës për Republikën Federale të Gjermanisë të Frantz-it.
“Kushdo që rreshtohet me një diktator, agresionet ushtarake hibride të të cilit, deri më tani, janë drejtuar kundër vendit tonë, nuk mund të jetë më bartës i Urdhrit Federal të Meritës”, tha Theis për POLITICO.
Putini të martën i dha çmimin muzikantit 81-vjeçar gjerman, duke thënë: “Për shumë vite, Justus Frantz ka dhënë një kontribut të frytshëm në nxitjen e marrëdhënieve më të ngushta dhe pasurimit të ndërsjellë midis kulturave të Rusisë dhe Republikës Federale të Gjermanisë.”
Në shkurt të vitit 2023, Frantz nënshkroi “Manifestin për Paqe” kontrovers, një peticion online nga politikania e krahut të majtë Sahra Wagenknecht, që bënte thirrje për negociata me Rusinë.
Sipas faqes së tij të internetit, Frantz ka performuar me orkestrat filarmonike të Berlinit, Nju Jorkut dhe Vjenës, si dhe me Orkestrën Simfonike të Londrës. Raportet thonë se ai është një admirues i kompozitorëve legjendarë rusë Pyotr Tchaikovsky dhe Sergei Rachmaninoff./ Politico.
-
Në rast se ikën Flick, Barcelona do të sjellë një tjetër super trajner… po gjerman
5 Nëntor 2025
19:07
Telesport
Lajmi i raportuar nga “ABC” mëngjesin e sotëm, sipas të cilit Hansi Flick ka vendosur të largohet në fund të sezonit nga drejtimi i Barcelonës, për shkak të situatës me disa nga yjet e ekipit, referuar këtu Lamine Yamal, të cilit klubi po i plotëson të gjitha tekat, si dhe për moskuptimet e vazhdueshme me drejtorin sportiv Deco dhe presidentin Joan Laporta.
Ndërkohë, mediet spanjolle kanë filluar që tani të përmendin kandidatët e parë, ku njëri prej tyre do të zëvendësojë Hansi Flick, gjithmonë nëse trajneri gjerman do të largohet gjatë verës së ardhshme. Në krye të listës, qëndron Jurgen Klopp.
Trajneri gjerman nuk ka pranuar të drejtojë asnjë ekip tjetër pas largimit nga Liverpool, por do ta kishte shumë të vështirë të refuzonte stolin e Barcelonës, duke ditur admirimin e madh që ka për këtë klub, gjë që e ka shprehur disa herë publikisht. -
‘Shuplakë’ diplomatike për Ramën/ Ambasadori gjerman kërkon më shumë investim në njerëz, jo në propagandë
Ambasadori gjerman në vendin tonë, Karl Bergner, në Konferencën Ndërkombëtare mbi Shkencat e Jetës dhe Bujqësinë në UBT, tha se Shqipëria ka nevojë të madhe për të investuar në njerëz dhe dije.
Diplomati gjerman u shpreh se integrimi europian do sjellë avantazhe për shumicën e njerëzve, por theksoi se rrugëtimi i Shqipërisë do të jetë i vështirë.
‘Shqipëria është një vend i bekuar me burime natyrore, me tokë pjellore dhe traditë bujqësore që mbështetet në punë të madhe. Por mënyra se si doni ti përktheni në tregun e përbashkët europian, sa orientim ka nevojë në këtë tranzicion dhe se si mund të shoqërohet më mirë gjatë kësaj rruge’, u shpreh diplomati gjerman i akredituar në vendin tonë.
Bujqësia është ajo që ushqen botën dhe një sektor pa alternativë. Anëtarësimi në BE, që ka marrë një dinamikë të konsiderueshme gjatë këtyre ditëve, ofron sfida.
Më shumë se 30% e njerëzve në këtë vend jetojnë me bujqësi, është me rëndësi jo vetëm për ekonominë, por edhe për jetën shoqërore. Ofron të ardhura në hapësira e zona që janë më të margjinalizuara.
Shqipëria është një vend i bekuar me burime natyrore, me tokë pjellore dhe traditë bujqësore që mbështetet në punë të madhe. Por mënyra se si doni ti përktheni në tregun e përbashkët europian, sa orientim ka nevojë në këtë tranzicion dhe se si mund të shoqërohet më mirë gjatë kësaj rruge.
Rrugëtimi i vendit në BE po merr gjithnjë e më shumë shpejtësi, nuk është vetëm një rrugëtim politik, por edhe ekonomik, strukturor, por edhe transformim shoqëror që çel dyer të reja për fermerë e biznese.
Do jetë udhëtim i vështirë, me fitues dhe njerëz që humbasin. Le të shohim si transformimi drejt BE do sjellë avantazhe për shumicën e njerëzve. Integrimi në BE ka fuqi transformuese, mundësitë kanë vlerë vetëm kur jemi gati të përmbushim kërkesat që do të thotë harmonizimi i legjislacionit, mbështetja e fermerëve dhe agrobizneseve.
Ka nevojë të madhe për të investuar në njerëz dhe dije, arsimimi dhe kërkimi akademik është pjesë e saj. Integrimi ka të bëjë me përshtatjen e mendësive dhe kapaciteteve. Universitete si ky kanë rol strategjik. -
Integrimi në BE/ Ambasadori gjerman: Shqipëria ka nevojë të madhe për të investuar në njerëz dhe dije
Ambasadori gjerman në vendin tonë, Karl Bergner, në Konferencën Ndërkombëtare mbi Shkencat e Jetës dhe Bujqësinë në UBT, tha se Shqipëria ka nevojë të madhe për të investuar në njerëz dhe dije. Diplomati gjerman u shpreh se integrimi europian do sjellë avantazhe për shumicën e njerëzve, por theksoi se rrugëtimi i Shqipërisë do të jetë i vështirë.
“Bujqësia është ajo që ushqen botën dhe një sektor pa alternativë. Anëtarësimi në BE, që ka marrë një dinamikë të konsiderueshme gjatë këtyre ditëve, ofron sfida. Më shumë se 30% e njerëzve në këtë vend jetojnë me bujqësi, është me rëndësi jo vetëm për ekonominë, por edhe për jetën shoqërore. Ofron të ardhura në hapësira e zona që janë më të margjinalizuara. Shqipëria është një vend i bekuar me burime natyrore, me tokë pjellore dhe traditë bujqësore që mbështetet në punë të madhe. Por mënyra se si doni ti përktheni në tregun e përbashkët europian, sa orientim ka nevojë në këtë tranzicion dhe se si mund të shoqërohet më mirë gjatë kësaj rruge.
Rrugëtimi i vendit në BE po merr gjithnjë e më shumë shpejtësi, nuk është vetëm një rrugëtim politik, por edhe ekonomik, strukturor, por edhe transformim shoqëror që çel dyer të reja për fermerë e biznese. Do jetë udhëtim i vështirë, me fitues dhe njerëz që humbasin. Le të shohim si transformimi drejt BE do sjellë avantazhe për shumicën e njerëzve. Integrimi në BE ka fuqi transformuese, mundësitë kanë vlerë vetëm kur jemi gati të përmbushim kërkesat që do të thotë harmonizimi i legjislacionit, mbështetja e fermerëve dhe agrobizneseve. Ka nevojë të madhe për të investuar në njerëz dhe dije, arsimimi dhe kërkimi akademik është pjesë e saj. Integrimi ka të bëjë me përshtatjen e mendësive dhe kapaciteteve. Universitete si ky kanë rol strategjik,” tha Bergner. -
Thuajse e konfirmuar! Ylli i Barcelonës do të transferohet te Chelsea në janar, huazim me të drejtë blerjeje
2 Nëntor 2025
20:45
Telesport
Marc-Andre ter Stegen do të largohet nga Barcelona gjatë merkatos së janarit dhe destinacioni i ri i portierit gjerman duket se do të jetë Chelsea.
Mediet angleze raportojnë se Chelsea do të huazojë Ter Stegen deri në fund të sezonit me të drejtë blerjeje për 10 milionë euro. Klubi londinez do të mbulojë 75% të pagës së portierit gjerman gjatë periudhës së huazimit.
Në anën tjetër, largimi i Ter Stegen do të jetë edhe një çlirim për Barcelonën, duke ditur që portieri gjerman është një nga më të paguarit në ekip dhe do të lehtësonte disi faturën e pagave te katalanasit.
Ter Stegen do të provojë shanset e tij te Chelsea, ku qëllimi kryesor është të jetë në formën e duhur për t’u grumbulluar me Gjermaninë në Botërorin e verës së ardhshme. -
Garë e fortë mes Bayern, Real Madrid dhe Liverpool, për “bishën” e Dortmundit
Qendërmbrojtësi i Dortmundit, Nico Schlotterbeck, është momentalisht një ngë më të mirët në botë në rolin e tij. Forma e tij e mirë dhe mbi të gjitha vazhdimësia kanë ngjallur interesin e shumë klubeve të mëdha, tre më të interesuarat për qendërmbrojtësin gjerman janë: Bayern, Real Madrid dhe Liverpool.
Bayern Munich e sheh Schlotterbeck si zëvendësuesin ideal të Dayot Upamecano, pasi rinovimi me francezin po bëhet i vëshitrë për t’u arritur dita-ditës, ndaj bavarezët po mendojnë planin B. Nëse ikën Upamecano, duan të transferojnë Schlotterbeck.
Në të njëjtën situatë është edhe Liverpool, klubi anglez e sheh Schlotterbeck si zëvendësuesin ideal të Ibrahima Konate. Francezi do të largohet si lojtar i lirë gjatë verës së ardhshme, destinacioni i tij i ri do të jetë Real Madridi.
Po ashtu edhe klubi madrilen interesohet për Schlotterbeck, si një alternativë shtesë për Xabi Alonso-n. Qendërmbrojtësi gjerman mund të jetë zëvendësuesi ideal për Antonio Rudiger apo David Alaba, të cilët sipas të gjitha gjasave do të largohen si lojtarë të lirë në fund të sezonit.
Në anën tjetër, Dortmund po përpiqet të rinovojë me Schlotterbeck deri në vitin 2030, por me interesin e madh të klubeve të përmendura më sipër, duket shumë e vështirë që qendërmbrojtësi gjerman të qëndrojë te verdhezinjtë pas përfundimit të këtij sezoni. Vlera e Schlotterbeck mendohet të jetë 45-50 milionë euro. -
Real Madrid e ka vendosur: Duam talentin e madh gjerman për të ardhmen
31 Tetor 2025
14:12
Telesport
Defensa Central raporton se Real Madrid ka një objektiv të ri për të ardhmen. Ai quhet Lennart Karl.
Sulmuesi gjerman i ka shtangur të gjithë me performancat e tij këtë sezon. Ai luan te Bayern dhe është vetëm 17 vjeç. Dy golat e tij të fundit në javën e kaluar tregojnë se po flasim për një fenomen të ri.
Drejtuesit e klubit madrilen mendojnë se Karl është talenti më i madh i futbollit europian dhe duhet investuar fuqimisht. Edhe pse Xabi Alonso ka talente si Arda Guler dhe Mastantuono, në Madrid nuk ngopen.
Karl është e ardhmja. Real Madrid është gati të investojë një shifër të majme për gjermanin, por a do të pranojë Bayern? -
Vendimi i vitit 2022, Oliver Kahn zbulon prapaskenat: “Zgjodhëm De Ligt dhe refuzuam lojtarin gjerman”
24 Tetor 2025
16:09
Telesport
Bayern mori një vendim delikat në verën e vitit 2022. Klubi bavarez pati shansin të transferonte Nico Schlotterbeck nga Freiburg për 20 mln euro, por vendosi ndryshe.
Mbrojtësi gjerman, edhe pse e pëlqente idenë e kalimit në Mynih, u shit te Borussia Dortmund. Oliver Kahn ka shpjeguar si u mor ai vendim nga drejtuesit.
“Schloterbeck po luante mirë te Freiburg dhe duhej të vendosnim. Ishte shumë-shumë i ri, kështu që zgjodhëm dikë tjetër”, ka deklaruar legjenda e futbollit gjerman, i cili asokohe punonte te Bayern.
Kahn e ka fjalën për Matthijs de Ligt, i transferuar për 67 mln euro nga Juventusi dhe i shitur për 45 mln euro te Manchester United dy vite më vonë.