Lajmidites.com

Tag: gjerman

  • Më 6 maj mbahen zgjedhjet zyrtare për kancelarin e ri gjerman

    Më 6 maj mbahen zgjedhjet zyrtare për kancelarin e ri gjerman

    Bundestagu gjerman ka konfirmuar se zgjedhja formale për kancelarin e ardhshëm të vendit janë caktuar të mbahen më 6 maj.
    Vendimi është marrë duke supozuar se marrëveshja e koalicionit do të miratohet para kësaj date, raporton The Guardian.
    Vendimi është marrë nga presidentja e Bundestagut, Julia Klöckner.

    Si kreu i ri i qeverisë, kancelari në ardhje Friedrich Merz më pas do të përfaqësojë Gjermaninë në festimet e Ditës së Fitores në Evropë më 8 maj dhe më pas në samitin BE-Mbretëri e Bashkuar më 19 maj, duke krijuar mundësi të shumta për të takuar udhëheqës të tjerë në rolin e tij të ri.

  • Bayern heq dorë nga ylli i Dortmundit, fokusohet vetëm te 150-milionëshi! Gati oferta në korrik

    Bayern heq dorë nga ylli i Dortmundit, fokusohet vetëm te 150-milionëshi! Gati oferta në korrik

    13 Prill 2025

    10:54

    Telesport

    Bayern nuk dorëzohet për Florian Wirtz. Përkundrazi, po shton ritmet e përpjekjeve për të realizuar transferimin e yllit gjerman në merkaton e verës.
    Plani i klubit bavarez ishte ndryshe pak muaj më parë. Drejtuesit e Bayern donin që Wirtz të transferohej në Mynih pas Kampionatit Botëror.
    Situata ka ndryshuar. Me Manchester City që po ofron mbi 120 mln euro, presioni është shtuar dhe Bayern nuk ia fal dot vetes nëse një gjerman i këtij kalibri largohet nga Bundesliga.
    Sky raporton se Hoeness dhe Rummenigge kanë takuar disa herë familjen e lojtarit dhe e kanë bindur që Wirtz duhet të shkojë te Bayern. Plani është i qartë: Wirtz do të luajë 4-5 vite në Mynih dhe më pas do të transferohet në La Liga ose Premier League.
    Ndërkohë, Bayern është tërhequr për yllin e Dortmund, Jamie Bynoe-Gittens. Ai kushton 80 mln euro dhe Bayern nuk e përballon këtë shifër.

  • Flik: Ndihem mirë, Barça klubi më i mirë në botë

    Flik: Ndihem mirë, Barça klubi më i mirë në botë

    Trajneri gjerman Hansi Flik e ka bërë të qartë qëndrimin e tij për të ardhmen me Barcelonën, duke demonstruar entuziazëm të madh për përvojën në Blaugrana, por në të njëjtën kohë duke ruajtur një qasje të kujdesshme dhe të përqendruar në të tashmen.

    Pas fitores dërrmuese 4-0 kundër Borussia Dortmund në Ligën e Kampionëve dhe përpara ndeshjes së Ligës kundër Leganes, trajneri gjerman theksoi se ndihet i lumtur në klub dhe në qytet, por nuk është i interesuar për planifikim afatgjatë:

    “Më pëlqen të punoj për klubin më të mirë në botë dhe mentaliteti im është t’i marr gjërat vit pas viti.”

    Edhe pse nuk konfirmoi një takim të afërt midis agjentit të tij Pini Zahavi dhe menaxhmentit të Barçës, Flik përsëriti lidhjen e tij me mjedisin katalanas, duke lavdëruar stafin, profesionalizmin e grupit dhe atmosferën familjare që gjeti: “E vlerësoj shumë atë që kam këtu: një staf fantastik, mjekë, fizioterapistë dhe një ekip shumë profesional. Atmosfera në klub është e pabesueshme.”

    Flik e la derën hapur për një rinovim (kontrata e tij është e vlefshme deri në vitin 2026), por pa u nxituar apo ushtruar presion. Fokusi i tij mbetet te ky sezon, në të cilin Barça po lufton për La Ligën, Ligën e Kampionëve dhe Kupën e Mbretit.

    Vazhdo leximin

  • Barcelona nis bisedimet me Flik për zgjatjen e kontratës së trajnerit gjerman

    Barcelona nis bisedimet me Flik për zgjatjen e kontratës së trajnerit gjerman

    Adriatik BALLA
    Klubet e mëdha i planifikojnë lëvizjet e tyre kohë më parë se të vijë periudha e transferimeve. Kështu, Barcelona, falë ecurisë së mirë në kampionatin spanjoll, po sheh mundësinë e përtëritjes së kontratës me trajnerin Hansi Fik, ndërkohë që në mediat e ndryshme sportive spanjolle flitet edhe për kushtet e rinovimit. Kështu, referuar informacioneve nga klubi blaugrana që citohen në mediat e ndryshme spanjolle, Barcelona mund të mos e kishin imagjinuar se ku do të ishin në këtë fazë të sezonit kur përfundoi sezoni i kaluar. Ndërkohë që ka disa faktorë që kanë kontribuar në suksesin e tyre, një emër është arkitekti i dukshëm i përparimit të tyre: Hansi Flik. Aktualisht, Barcelona është duke shënuar me ritëm rekord, duke luajtur mirë në të tri kompeticionet kryesore dhe duke mundur Real Madridin dy herë këtë sezon. Kjo ka ndodhur, edhe pse vetëm dy lojtarë, Pau Viktor dhe Dani Olmo, ishin shtuar në ekipin e Barcelonës gjatë verës, dhe për shumëkënd, kjo skuadër kishte nevojë për disa ndryshime të mëdha.
    Por, ndonëse e gjithë kjo duket si një fazë përgatitore, rezultatet dhe stili i lojës tregojnë se Barcelona ka arritur një nivel të ri nën drejtimin e trajnerit gjerman. Për këtë arsye, nuk është befasi që Barcelona është e interesuar të vazhdojë kontratën me Hansi Flik. Trajneri gjerman kishte nënshkruar një kontratë dyvjeçare kur mbërriti në Barcelonë, dhe tani klubi katalanas dëshiron ta zgjerojë atë deri në vitin 2027, me mundësinë për një vit shtesë. Megjithatë, për t’u siguruar se të dy palët mund të shkëputen në mënyrë të ndërsjellë nëse situata ndryshon, një klauzolë për ndërprerje të kontratës do të përfshihet në marrëveshje. Siç raporton gazeta katalanase Sport, disa nga drejtuesit kryesorë të klubit, përfshirë presidentin Joan Laporta dhe Drejtorin e Futbollit Deko, janë takuar me agjentin e Flik, Pini Zahavi, për të diskutuar mbi mundësinë e rinovimit të kontratës së tij.
    Ky takim kishte për qëllim të shprehë synimet e klubit për të mbajtur Flik, dhe ata kanë shprehur dëshirën për të finalizuar një marrëveshje të re para se sezoni të përfundojë, duke i dhënë trajnerit mundësinë për të vazhduar të udhëheqë ekipin. Flik ka tejkaluar të gjitha pritshmëritë që ishin për të, dhe përveç disa lojtarëve të rinj si Lamine Jamal dhe Pedri, ai është padyshim një nga asetet më të çmuara të Barcelonës aktualisht. Ndërsa, natyrisht, trajnerët mund të zëvendësohen, niveli i lojës që ekipi po tregon është shumë më i lartë se çdo gjë që është parë në Barcelonë për të paktën gjashtë vitet e fundit. Me një rekord të tillë, dhe me Barcelona që po konkurron në nivele të larta në të gjitha kompeticionet, rinovimi i kontratës së Hansi Flik do të ishte një hap i natyrshëm për të siguruar një të ardhme të suksesshme për klubin katalanas. Mbetet të shihet se si do të reagojë trajneri dhe me çfarë kushtesh do të pranojë ai rinovimin e kontratës. Suksesi paraprak bind që palët kanë mirëkuptim për zgjatjen e kontratës së trajnerit gjerman.

  • Marrëveshja e koalicionit gjerman/ Zhulali: S’ka rrugë të shkurtër për në BE…

    Marrëveshja e koalicionit gjerman/ Zhulali: S’ka rrugë të shkurtër për në BE…

    Pas zbulimit të marrëveshjes nga Syri.Net të koalicionit gjerman, ku një ndër pikat kryesore është bllokimi i zgjerimit të BE-së deri në një reformë të thellë brenda unionit, ka reaguar kandidatja për deputete e Partisë Demokratike, Ilda Zhulali.

    Në një postim të bërë në rrjete sociale, Zhulali shkruan se tashmë nuk ka më një rrugë të shkurtër për në BE, ashtu sikurse po ‘e shet’ kryeministri Rama.

    Postimi në FB, i kandidates për deputete Ilda Zhulali:

    Nuk ka rrugë të shkurtër për në BE – dy lajme nga Gjermania:

    1. Koalicioni i ri qeverisës në Berlin kërkon reformim të thellë të strukturës dhe vendimmarrjes në BE para se të pranojë anëtarë të rinj.

    2. Nëse konfirmohet, Johan Ëadephul do të jetë ministri i ri i jashtëm gjerman. Në Shqipëri, ai njihet si autor i 9 kushteve të Bundestagut, që më pas u bënë 15 – dhe mbetën të paplotësuara. Ëadephul kërkoi zbardhjen e krimeve zgjedhore (Dosjet 184 & 339), garantimin e zgjedhjeve të lira, dhe luftë ndaj korrupsionit dhe krimit!

    Pas seancës së djeshme në Parlamentin Europian dhe lajmeve të sotme nga Gjermania, Edi Ramës i ka mbetur në dorë pasaporta biometrike që realizoi Partia Demokratike 15 vjet më parë, dhe dështimi fatal i qeverisjes së tij 15 vjet më pas.

  • Prodhuesi gjerman ”Audi” pezullon eksportet drejt SHBA-së

    Prodhuesi gjerman ”Audi” pezullon eksportet drejt SHBA-së

    Bota E Hënë, 7 Prill 2025 18:45
    Prodhuesi gjerman i automjeteve ”Audi” ka pezulluar importet e makinave në Shtetet e Bashkuara në përgjigje të politikave tarifore të presidentit amerikan Donald Trump.
    Duke cituar një memo të kompanisë revista e industrisë ”Automobilwoche” raportoi se vendimi zbatohet për të gjitha makinat e dorëzuara në portet e SHBA pas 2 prillit, kur hynë në fuqi tarifat 25% për makinat e importuara.

    ”Audi” ka aktualisht më shumë se 37 000 makina në magazinë në Shtetet e Bashkuara që nuk preken nga tarifat e reja.
    Sipas raportit, ”Audi” është duke analizuar ndikimin e detyrimeve të importit në biznesin e saj.
    ”Audi”, me seli në qytetin jugor gjerman të Ingolstadt, është një degë e Grupit Volkswagen.atsh

  • Morgenbladet (1932) / “Teatri gjerman është në krizë, nuk ngjall më interes…”- Intervista me Aleksandër Moisiun në Kopenhagë

    Morgenbladet (1932) / “Teatri gjerman është në krizë, nuk ngjall më interes…”- Intervista me Aleksandër Moisiun në Kopenhagë

    Nga Aurenc BebjaGazeta norvegjeze “Morgenbladet” ka botuar, të premten e 2 shtatorit 1932, në faqen n°4, intervistën e gazetës daneze “Politike” asokohe me Aleksandër Moisiun në Kopenhagë.
    Fotoja më e fundit e Moisiut

    Burimi : Morgenbladet, e premte, 2 shtator 1932, faqe n°4
     Aleksandër Moisiu kaloi nëpër Kopenhagë të mërkurën në rrugën e tij për në Stokholm, ku ai dhe Bassermann-i fillojnë turneun e tyre skandinav. Në një intervistë për “Politikën” ai shprehet tejet pesimist për teatrin gjerman në këtë moment.— Asnjëherë më parë nuk kemi njohur një krizë si kjo, kaq serioze, kaq e pariparueshme në dukje. Teatrot dhe aktrimi janë në një gjendje rrëmuje. Megjithatë kriza që po trondit artin teatror gjerman nuk ka të bëjë fare me krizën ekonomike botërore. Kjo është për shkak të faktorëve të tjerë.
    — Cilët ?
    — Shumë njerëz thonë : konkurrenca nga filmat me zë dhe radioja. Por unë nuk e besoj këtë. Nuk janë fajtorë as radioja dhe as filmat me zë për shpopullimin e teatrove gjermanë. Përkundrazi, sepse njerëzit janë lodhur nga teatri siç është tani, sepse nuk ka çfarë të na thotë më. Temat e trajtuara nga dramaturgët nuk janë me interes për njerëzit e kohës. Teatri nuk është më i gjallë sa duhet. Hamleti nuk është më në gjendje të ndezë pasionet e tij.
    — A është Hamleti i vjetëruar (demodé) ?
    — Sigurisht. Kjo shfaqje është marrëdhënia e Hamletit me të atin, djalin që vret për t’u hakmarrë për vrasjen e të atit. Por nuk ka më asnjë ndjenjë atërore në botë. Marrëdhënia prindërore ka ndryshuar ngadalë. Në Gjermani nuk ka baballarë në kuptimin atëror, po, midis hebrenjve babai jeton ende, por jo ndryshe. Gjermanët e sotëm sjellin fëmijë në botë, por nuk lidhen me fëmijët e tyre në të njëjtën mënyrë si në të kaluarën. Po kështu, kujt i interesojnë shfaqjet e panumërta që kanë të bëjnë vetëm me dashurinë ? Dashuria nuk është gjë tjetër veçse një funksion operacional, thanë rusët kur i vizitova, dhe nëse kjo është e vërtetë, atëherë nuk ka kuptim të shkruash shfaqje për dashurinë për njerëzit e kohës sonë.
    Moisiu vazhdon të flasë për kushtet e mjerueshme të aktorëve gjermanë, e më pas tregon për turin europian që ka nisur që prej muajit maj. Ai e ka interpretuar “Faustin” në Holandë, Zvicër dhe Francë, dhe veçanërisht francezët i kanë bërë një pritje brilante, pavarësisht se performoi në gjermanisht.
    Pasi Moisiu të përfundojë në Stokholm, ai do të udhëtojë për në Oslo, ku do të performojë Faustin të hënën, të martën dhe të mërkurën, siç është paralajmëruar. Më pas ai do të luajë në Goteborg, Malmö dhe Kopenhagë, pas së cilës turneu do të vazhdojë në Itali, ku do të ketë premierë të Faustit.
    https://www.darsiani.com/la-gazette/morgenbladet-1932-teatri-gjerman-eshte-ne-krize-nuk-ngjall-me-interes-intervista-me-aleksander-moisiun-ne-kopenhage/

  • “Kishte ofertë nga një klub tjetër”, Flick zbulon prapaskenën: Ja si e binda të qëndronte

    “Kishte ofertë nga një klub tjetër”, Flick zbulon prapaskenën: Ja si e binda të qëndronte

    3 Prill 2025

    15:07

    Telesport

    Hansi Flick ka zbuluar një prapaskenë të merkatos.
    Barcelona kishte arritur një marrëveshje me Como-n për transferimin e Eric Garcia në Serie A, por trajneri gjerman ka ndërhyrë dhe ka bërë që operacioni të dështojë.
    Klubi italian kishte ofruar 7 milionë euro dhe vizitat mjekësore ishin caktuar.
    Pas fitores në Kupën e Mbretit kundër Atletico Madrid, Flick ka thënë: “Eric Garcia ka marrë një ofertë nga një klub tjetër, por i kam thënë se kisha nevojë për të”.
    Ky pohim tregon qartë rëndësinë që Garcia ka për trajnerin.
    Pavarësisht se oferta e Como-s ishte tunduese për të gjitha palët e përfshira, vendosmëria e trajnerit gjerman ka mbizotëruar, duke e mbajtur mbrojtësin në ekip.

  • “Nëse Van Dijk e ka qejf qytetin, duhet të vijë! Salah? Jam pro edhe për dy vite”

    “Nëse Van Dijk e ka qejf qytetin, duhet të vijë! Salah? Jam pro edhe për dy vite”

    2 Prill 2025

    15:17

    Telesport

    Eksperti i futbollit gjerman, Dietmar Hamann, ka dy propozime për merkaton e Bayern. 51-vjeçari mendon se klubi bavarez duhet të hedhë sytë nga Liverpool, ku luajnë dy yje të cilët në verë do të lirohen me parametra zero.
    “Mohamed Salah është një emër që duhet konsideruar. Ai është në lartësinë e Harry Kane. Do të ishte spektakolare për kampionatin gjerman, qoftë edhe për 1-2 vite”, ka thënë Hamann.
    I dyti në listën e tij është Virgil van Dijk. Edhe pse në fund karriere, për Hamann holandezi duhet konsideruar në merkato.
    “Van Dijk ka treguar se nuk ka mbaruar. Ai ka ende për të dhënë. Nëse i pëlqen Mynihu, pse jo? Bayern ka patur probleme me mbrojtjen, edhe pse tani duket paksa më i qëndrueshëm, por Van Dijk duhet”.

  • U ngjit në tempullin Maya, sulmohet nga turma para se të arrestohet turisti gjerman në Meksikë

    U ngjit në tempullin Maya, sulmohet nga turma para se të arrestohet turisti gjerman në Meksikë

    Një turist gjerman dhe një burrë tjetër u arrestuan në Meksikë pasi u ngjitën në piramidën Maya gjatë festimeve katër-ditore të ekuinoksit pranveror

    Një turist gjerman dhe një burrë tjetër u arrestuan në Meksikë pasi u ngjitën në një piramidë gjatë një festimi katër-ditor të ekuinoksit pranveror.
    Tempulli i Kukulcan, i njohur gjithashtu si El Castillo, është një nga strukturat më ikonike në Chichen Itza, në shtetin e Jukatanit. E konsideruar si një nga shtatë mrekullitë moderne të botës, kjo ndërtesë e lashtë besohet se është ndërtuar për të ndihmuar Majat në përpjekjet e tyre astrologjike dhe për t’i bërë homazh perëndisë së gjarprit me krahë, Kukulcán.
    Javën e kaluar, rreth 9,000 turistë u mblodhën në bazën e tempullit antik për të vëzhguar ekuinoksin pranveror dhe për të parë fenomenin ikonik që ndodh çdo vit, sipas agjencisë lokale të lajmeve Mexico News Daily.

    A 38-year-old German tourist violated restrictions at Mexico’s Chichen Itza archaeological complex on Thursday (March 20) by climbing the sacred Mayan pyramid, El Castillo pic.twitter.com/ypK6URee7b
    — Forgotten History (@4biddntruth) March 23, 2025

    Një person që ishte pjesë e festës katër-ditore ishte një turist gjerman 38-vjeçar, emri i të cilit nuk është publikuar, raporton Fox News.
    Në një video të siguruar nga Sky News, turisti shfaqet teksa ngjit shkallët e piramidës për të arritur në një dhomë të brendshme. Megjithatë, para se të futej brenda, ai u arrestua dhe u largua nga zyrtarët nga vendi historik.
    Në mëngjesin pas ngjarjes, turisti shoqërohej nga oficerë të Gardës Kombëtare Meksikane dhe personeli nga Instituti Kombëtar i Antropologjisë dhe Historisë (INAH), kur ai u sulmua nga disa anëtarë të turmës.
    “Nuk ju lejohet të ngjiteni në tempull!” – dëgjohet dikush në video, ndërsa një tjetër e quan ate “idiot”. Disa vëzhgues filluan ta kapnin dhe ta rrihnin turistin, duke pretenduar se ai duhej “sakrifikuar”, sipas traditës së qytetërimit të lashtë Maja.

    Top Channel