Lajmidites.com

Tag: gjatë

  • Vance akuzon Danimarkën gjatë udhëtimit në Groenlandë: E ka lënë vendin të pambrojtur ndaj sulmeve ruse dhe kineze

    Vance akuzon Danimarkën gjatë udhëtimit në Groenlandë: E ka lënë vendin të pambrojtur ndaj sulmeve ruse dhe kineze

    Zëvendëspresidenti i SHBA-së, JD Vance, ka akuzuar Danimarkën se e ka lënë Groenlandën të pambrojtur ndaj inkursioneve të supozuara nga Kina dhe Rusia, pasi ai i kërkoi popullit të saj të “lidhë një marrëveshje” me SHBA-në.

    Sipas mediave të huaja, duke folur gjatë një vizite në ishullin e Arktikut, Vance minimizoi kërcënimet e fundit nga presidenti i SHBA-së, Donald Trump, për të marrë nën kontroll ishullin me forcë.

    Në vend të kësaj, ai u kërkoi groenlandezëve të ndërpresin lidhjet me Danimarkën, e cila ka në pronësi ishullin për më shumë se 300 vjet, duke thënë se nuk kishte investuar mjaftueshëm për të mbrojtur territorin gjysmë autonom.

    Një shumicë dërrmuese e groenlandezëve kundërshtojnë idenë e aneksimit, tregoi një sondazh në janar. Kryeministri i Groenlandës ka thënë se vizita e zv.Presidentit të SHBA tregoi një “mungesë respekti”.

    Vizita ka shkaktuar gjithashtu kritika të ashpra nga Danimarka. Lars Lokke Rasmussen, ministri i Jashtëm i vendit skandinav, tha se danezët ishin “të hapur ndaj kritikave” por “nuk e vlerësojnë tonin me të cilin ato po jepen”, në një video-mesazh drejtuar “miqve amerikanë”.

    Ai vuri në dukje se prania ushtarake e SHBA-së në Grenlandë ishte zvogëluar nga 17 baza në vitin 1945 në një që kishte rreth 200 ushtarë, duke shtuar: “Ne mund të bëjmë më shumë, shumë më tepër, brenda kornizës që kemi sot… Le ta bëjmë së bashku.” 

  • Parashikimi i horoskopit 29 mars, ja çfarë kanë rezervuar yjet për ju sot

    Parashikimi i horoskopit 29 mars, ja çfarë kanë rezervuar yjet për ju sot

    Dashi
    Ndajini problemet me bashkëshortin tuaj. Shpenzoni më shumë kohë pranë njëri-tjetrit për t’iu rikthyer dashurisë. Edhe fëmijët tuaj do të përfitonin nga një situatë e tillë.
    Demi
    Gatishmëria juaj për të ndihmuar këdo do t’ju bëjë të ndiheni të lodhur, ndaj përpiquni të jeni më selektiv. Pavarësisht se kërkesat në punë do të jenë të shumta, do të arrini të përfundoni gjithçka.
    Binjakët
    Disa biznesmenë të kësaj shenje do të mund të shënojnë të ardhura të mira. Partneri juaj do të përpiqet për t’ju lumturuar. Përpiquni të kontrolloni emocionet gjatë takimeve për çështje biznesi.
    Gaforrja
    Përpiquni të jeni më të qetë në vendin tuaj të punës, në mënyrë që të shmangni disa debate tërësisht të panevojshme. Mund ta kaloni këtë duke u treguar mendjehapur. Tregohuni gjithashtu të duruar me fëmijët në shtëpi.
    Luani
    Do të ndiheni mirë gjatë ditës së sotme dhe këtë do të keni dëshirë ta ndani edhe me të tjerët. Në lidhje me partnerin tuaj, mbajeni dashurinë e freskët dhe si diçka të çmuar.
    Virgjëresha
    Mbështetja nga disa persona të afërt me ju do t’ju ngrejë moralin. Gjatë kësaj kohe duhet të kuptoni se zemërimi dhe inati, thjesht sa do t’ju prishin qetësinë. Nëse bëni preh e kësaj, do të pësoni vetëm humbje.
    Peshorja
    Falë veprimeve të shpejta do të zgjidhni një problem të madh. Nëse keni ndërmend të investoni, bëni kujdes dhe merrni këshilla nga personat e duhur. Do të vlerësoni çdo ditë e më shumë partnerin tuaj.
    Akrepi
    Përfshihuni nëpër aktivitete që do t’ju bëjnë të ruani qetësinë. Familja dhe miqtë mund të shtojnë kërkesat ndaj jush. Romanca do të mbizotërojë zemrën tuaj.
    Shigjetari
    Disa prej jush që kanë punuar me orare të zgjatuara dhe kanë shpenzuar shumë energji, e vetmja gjë që do të doni do të jetë një ditë larg stresit. Ka gjasa t’i jepni fund një problemi financiar. Kushtojini më shumë rëndësi çështjes së taksave.
    Bricjapi
    Do të keni kohë mjaftueshëm për t’ia kushtuar vetes, veçanërisht paraqitjes suaj të jashtme. Bëni kujdes me shpenzimin e tepërt të parave. Sa i përket aspektit profesional, nuk parashikohen ndryshime.
    Ujori
    Disa prej jush mund të jenë të detyruar të marrin vendime të rëndësishme, çfarë mund t’ju bëjë nervozë. Do të kaloni një ditë të bukur romantike, por mund të shqetësoheni nga një problem shëndetësor.
    Peshqit
    Ekziston mundësia të hasni probleme me stomakun. Kërkoni menëjehrë ndihmë mjekësore. Mund t’ju telefonojë dikush, që e prisnit prej ditësh. Shmangni shqetësimet e tepërta për probleme, të cilat nuk janë shkaktuar prej jush.

  • “Viti arkeologjik 2024”, studiuesit paraqesin punimet dhe prezantohet harta arkeologjike nënujore e bregdetit shqiptar

    “Viti arkeologjik 2024”, studiuesit paraqesin punimet dhe prezantohet harta arkeologjike nënujore e bregdetit shqiptar

    Nga Julia Vrapi
    Ekspeditat arkeologjike gjatë vitit të kaluar dhe puna kërkimore shkencore e tre departamenteve të Institutit të Arkeologjisë mblodhi studiues e arkeologë. Konferenca shkencore “Viti arkeologjik 2024” prezantoi rezultatet e punës së vitit të kaluar, ku ekspedita arkeologjike janë zhvilluar për realizimin e projekteve me perspektivë shumëvjeçare si Lini, Butrinti, Finiqi, Bylisi, Apolonia, etj, ndërsa u prezantua dhe harta arkeologjike nënujore e bregdetit shqiptar. Konferenca e Institutit të Arkeologjisë pjesë e Akademisë së Shkencave u drejtua nga kryetari i institutit akad. Adem Bunguri, kryetari i seksionit të shkencave natyrore dhe teknike akad. asoc. Gëzim Hoxha dhe kryetari i komisionit të arkeologjisë prof. dr. Neritan Ceka. Në këtë konferencë u paraqitën 26 punime shkencore nga kërkues dhe studiues të tri departamenteve të Institutit Arkeologjik: Departamenti i prehistorisë; Departamenti i antikitetit dhe Departamenti i antikitetit të vonë dhe i mesjetës.
    “Prezantimet paraqitën të rejat e shkencës kombëtare dhe ndërkombëtare të arkeologjisë, lidhur me zbulimet gjatë vitit 2024”, thuhet në njoftimin e ASH-së. Seanca e parë nisi me prezantimin e rezultateve të projektit shqiptaro-zviceran LIN 3, 2024, të cilat e rendisin si vendbanimin më të vjetër palafit në Europë. Studimi është përgatitur nga Adrian Anastasi, Ilir Gjipali, Albert Hafner, M. Hinz, M. Brunner, K. Anastasi. “Zbulimet në këtë sit arkeologjik treguan që vendbanimet palafite në “Lin-3” ishin më të vjetrat në Europë, 6000 BC dhe konsiderohet si vendbanimi më i vjetër liqenor të këtij lloji në Europë”, thuhet nga akademia. Më tej, arkeologët E. Andoni, J. Anvari, P. Willett prezantuan rezultatet e kërkimeve arkeologjike për Neolitin në fushën e Korçës, ku u paraqit edhe një studim i sondazheve arkeologjike në vendbanimin e Neolitit të hershëm në Pogradec.
    “Gjatë kësaj seance u prezantuan edhe dinamikat e vendbanimit gjatë periudhës së Hekurit në pellgun e Korçës: “Kalaja” e Barçit (misioni shqiptaro-francez i pellgut të Korçës – 2024) nga R. Kurti, A. Gardesein, me kontributin e E. Glass, A. Bici, U.Tota. Nëpërmjet këtij studimi u paraqitën gjurmët arkitekturore të periudhave të ndryshme, gjatë periudhës së hekurit dhe asaj qytetare ilire, rreth 2800 vjet më parë. E. Kujtila paraqiti rezultatet e sondazheve arkeologjike në fortifikimin prehistorik të Orenjës (Librazhd, 2024), ku janë përftuar të dhëna stratigrafiko-kulturore që e mbështesin zhvillimin e jetës në këtë vendbanim në 3 faza kronologjike të emërtuara Orenjë I-II-III, përkatësisht të lidhura me Bronzin e Hershëm, Bronzin e Vonë dhe periudhën e vonë antike”, thuhet nga ASH. Në fund të seancës Adrian Anastasi prezantoi hartën arkeologjike nënujore të bregdetit shqiptar 2024.
    Departamenti i antikitetit dhe ai i antikitetit të vonë dhe mesjetës
    Në seancën e dytë u paraqitën rezultatet e studimeve të Departamentit të antikitetit. Orgita Ceka paraqiti rezultatet e gërmimeve në monumentet e tarracës perëndimore të agorasë së Bylisit, si dhe rezultatet e fushatës arkeologjike të vitit 2024 në Gurëzezë, ku të tjerë arkeologë prezantuan studimin “Apolonia e Ilirisë”. Jamarbër Buzo prezantoi rezultatet e studimit për nekropolin verilindor të Amantias -Sektori 7. Në këtë seancë u prezantuan studime edhe nga të tjerë arkeologë për arkeologjinë e peizazhit në zonën Memaliaj-Tepelenë; për kërkimet në Antigone gjatë vitit 2024, që shtrihen përgjatë luginës së Drinosit, rezultatet e zbulimeve gjatë vitit 2024, përkatësisht në Foinike dhe Butrint, në Dobër, në Çukën e Ajtoit, etj. Në materialin e kësaj konference, ASH bën me dje se në seancë e tretë u prezantuan zbulimet e periudhës së antikitetit të vonë dhe mesjetës.
    “Në këtë seancë paraqitën punime shkencore nga Brikena Shkodra, Ulsi Tota, M. Nushi, C. Metkola, B. Forsen, Elio. Hobdari, N. Molla, R.Hodges, E. Metalla, S. Antonelli, P. Pushimaj, E. Nikolli, M. Meshini”, thuhet nga ASH. Arkeologët në këtë seancë trajtuan zbulimet e bazilikës paleokristiane së Elbasanit, në Manastirin e Ballshit 2024, në Kishën e Shën Mërisë, në Kodrën e Muzhilës – Drisht 2024, në prapatokën e Durrësit, në Butrint, në territorin e Sappës, etj. Ekspeditat dhe gërmimet arkeologjike të zhvilluara gjatë vitit 2024 u vlerësuan për sasinë dhe shumëllojshmërinë e materialit arkeologjik, i cili do të shërbejë si objekt studimi në vazhdim nga specialistët e projekteve të IA. Në aktivitetin tij Instituti i Arkeologjisë u përfshi hap pas hapi në një veprimtari të gjerë kërkimore, duke organizuar projekte bashkëpunimi me universitete e institucione simotra të vendeve perëndimore. Projektet shumëvjeçare të gërmimeve bashkuan përvojat e arkeologëve shqiptarë me ato të arkeologëve dhe specialistëve nga vende si Anglia, Franca, SHBA, Italia, Greqia, Austria, Gjermania, Zvicra, Izraeli e Polonia në kërkimet për të gjitha fushat e arkeologjisë si për prehistorinë, antikitetin dhe mesjetën.

  • Fluturimi më i gjatë në botë nis në 2027 – pasagjerët do të shohin dy herë lindjen e diellit

    Fluturimi më i gjatë në botë nis në 2027 – pasagjerët do të shohin dy herë lindjen e diellit

    Linja ajrore australiane Qantas Airways ka njoftuar se në vitin 2027 do të nisë fluturimin më të gjatë në botë, duke lidhur Londrën me Sidnein pa ndalesë.

    Ky projekt ambicioz, i njohur si “Projekti Agimi”, synon të shkurtojë me rreth 4 orë kohëzgjatjen e udhëtimit, duke përshkuar 16,000 kilometra për 19 orë rresht. Aktualisht, rekordi i përket Singapore Airlines me fluturimin Singapor-Nju Jork, që zgjat 18 orë.

    Qantas do të realizojë këtë itinerar me avionët Airbus A350-1000, të cilët pritet të dorëzohen në fund të vitit 2026. Fillimisht, projekti ishte planifikuar për vitin 2025, por u shty për shkak të pandemisë dhe sfidave teknike.

    Emri “Projekti Agimi” nuk është i rastësishëm: pasagjerët do të përjetojnë një fenomen unik gjatë këtij fluturimi – ata do të kenë mundësinë të shohin lindjen e diellit dy herë.

  • Cilat ushqime nuk duhet të konsumoni gjatë shtatzënisë?

    Cilat ushqime nuk duhet të konsumoni gjatë shtatzënisë?

    Gjatë shtatzënisë, foshnja që po zhvillohet merr të gjitha lëndët ushqyese dhe energjinë e nevojshme për rritjen e saj nga nëna.
    Prandaj, është jetike që gratë shtatzëna të konsumojnë një dietë të ekuilibruar që përfshin karbohidrate, yndyrna të shëndetshme, proteina, vitamina, minerale dhe shumë ujë. Ushqimi është thelbësor për shëndetin e nënës dhe zhvillimin e shëndetshëm të fëmijës.
    Megjithatë, ka disa ushqime që duhet të shmangen gjatë periudhës së shtatzënisë për të reduktuar rrezikun e infeksioneve dhe problemeve të mundshme shëndetësore. Disa nga këto ushqime përfshijnë:
    Vezë të papjekura ose të papërpunuara: Mund të rrisin rrezikun e infeksioneve bakteriale si salmonella.
    Mishra të papjekur ose shumë të rrallë: Mishrat e papjekur mund të përmbajnë baktere që mund të shkaktojnë infeksione.
    Sushi i peshkut të papërpunuar dhe produktet e tjera të peshkut të papërpunuara: Peshku i papërpunuar mund të përmbajë parazitë ose bakterie të dëmshme.
    Pije dhe produkte qumështi të papasterizuar: Mund të përmbajnë bakterie si Listeria që janë të dëmshme për fetusin.
    Djathëra të butë, të papasterizuar si Brie dhe Camembert: Mund të përmbajnë Listeria, një bakter që mund të dëmtojë foshnjën.
    Pate dhe mëlçia: Këto produkte kanë nivele të larta të vitaminës A që mund të ndikojnë negativisht në zhvillimin e trurit të fëmijës.
    Peshq të caktuar si shpatë, marlin dhe peshkaqe: Këta peshq mund të përmbajnë nivele të larta merkuuri, që mund të dëmtojnë sistemin nervor të foshnjës.

    Kikirikë: Duhet pasur kujdes me konsumimin e kikirikëve, pasi mund të shkaktojnë reaksione alergjike.
    Alkooli: Edhe konsumi i moderuar i alkoolit mund të ketë ndikime të dëmshme në zhvillimin e trurit të foshnjës dhe mund të çojë në probleme fetale.
    Për t’u siguruar që po konsumoni një dietë të balancuar dhe të pasur me ushqyes, është e rëndësishme të përfshini disa grupe ushqimore kyçe në vaktet tuaja të përditshme, si:
    Proteina: Pule, peshk, mish i kuq, gjeldeti, tofu, arrat dhe farat janë burime të shkëlqyera të proteinave.
    Drithërat e plota: Orizi i kaftë, tërshëra dhe buka integrale janë të pasura me fibra dhe ndihmojnë në mbështetje të sistemit të tretjes.
    Perimet e gjelbërta: Spinaqi, brokoli, marule jeshile dhe fasule jeshile janë burime të shkëlqyera të vitaminave dhe mineraleve.
    Qumështi dhe produkte të tjera të pasura me kalcium: Qumësht, kos dhe djathë i fortë janë të domosdoshëm për forcimin e kockave.
    Hekuri: Mishi i kuq, peshku, shpendët dhe frutat e thata janë burime të mira të hekurit, i cili është thelbësor për formimin e gjakut.
    Acidi folik: Spinaqi, shpargu, zarzavatet, lakra brukseli, sojë dhe fasule janë burime të pasura me acid folik, i cili është thelbësor për zhvillimin e trurit të foshnjës.
    Në këtë periudhë të veçantë, është gjithashtu e zakonshme që gratë shtatzëna të kenë dëshira për ushqime të caktuara, por është e rëndësishme të siguroheni që çdo ushqim të jetë i balancuar dhe të ofrojë përfitime shëndetësore si për nënën ashtu edhe për fëmijën.

  • E keni ditur! Ja cili është shteti ku njerëzit jetojnë më gjatë

    E keni ditur! Ja cili është shteti ku njerëzit jetojnë më gjatë

    Eurostat, institucioni i statistikave të Bashkimit Europian, ka publikuar së fundmi të dhënat për jetëgjatësinë. Në Bashkimin Europian, mesatarja e jetëgjatësisë arriti në 80.6 vjet në 2022 me 0.5 vjet më shumë nga viti 2021. Gjatë dy dekadave, që nga viti 2002, vlera më e lartë u regjistrua në vitin 2019 kur jetëgjatësia në lindje arriti në 81.3 vjet. Në vitin 2022, jetëgjatësia në lindje në BE u rrit, por nuk arriti vlerën e vitit 2019.
    Gratë jetojnë më gjatë se burrat, mosha mesatare e shqiptarëve arrin në 79.1 vite. Nëse i krahasojmë sipas shteteve më gjatë njerëzit jetojnë në Lihtenshtajn, pasuar më tej nga Zvicra dhe Spanja. Ndërsa nëse ndalemi sipas rajoneve, jetëgjatësinë më të lartë në lindje e regjistron rajoni spanjoll i Comunidad de Madrid (85.2 vjet), i ndjekur nga Provincia Autonoma di Trento në Itali (84.4 vjet), Ile de France në Francë (84.1 vjet), Stokholmi në Suedi ( 84.0 vjeç) dhe Comunidad Foral de Navarra në Spanjë (83.9 vjet).

    Në Shqipëri, gratë jetojnë më gjatë se burrat. 3.5 vite më shumë është hendeku midis dy gjinive. Pavarësisht një rënie gjatë fillimit të pandemisë Covid-19, jetëgjatësia nisi të rritej sërish në vendin tonë 2 vite më parë. Konkretisht jetëgjatësia mesatare te burrat arriti në 77.4 vjet, ndërsa tek gratë 80.9 vjet pra gratë jetuan mesatarisht 3.5 vite më shumë. Mesatarisht shqiptarët jetojnë 79.1 vite duke arritur kështu përsëri nivelin e 2019. Pas Shqipërisë, vjen Kroacia me 77.7 vjet, Serbia 75.2 vjet, Mali i Zi 73.8 vjet dhe më pak nga të gjithë Maqedonia e Veriut me 73.2 vjet.
    Jetëgjatësia dhe pavdekshmëria janë dy nga konceptet me të debatueshme. Shkencëtarët po kërkojnë përgjigje, tek kandili i detit ‘i pavdekshëm’, një krijesë e aftë për t’u kthyer vazhdimisht në gjendje më të re. Studiuesit spanjollë kanë arritur të deshifrojnë gjenomin e kandilit të pavdekshëm “Turritopsis dohrnii” dhe kanë përcaktuar çelësa të ndryshëm gjenomikë që kontribuojnë në zgjatjen e jetëgjatësisë së tij deri në atë pikë sa të shmanget vdekja.

  • Sipas ekspertëve, ja pse nuk duhet të flini me dritë të ndezur

    Sipas ekspertëve, ja pse nuk duhet të flini me dritë të ndezur

    A keni menduar ndonjëherë pse ekspertët rekomandojnë të flini në një dhomë të errët? Shikoni më poshtë çfarë ndodh me trupin tuaj nëse ekspozoheni në dritë pas mesnate.
    Rritja e ekspozimit ndaj dritës gjatë natës gjatë orës 12:30 dhe 18:00 është e lidhur me një rrezik më të lartë të zhvillimit të diabetit të tipit 2, kanë pohuar studiuesit në Universitetin Flinders në Australi.
    Ekipi hulumtues hipotezon se drita ndikon në modelet e gjumit, të cilat janë të rëndësishme për ruajtjen e ndjeshmërisë së shëndetshme ndaj insulinës dhe niveleve të qëndrueshme të sheqerit në gjak.

    Në fakt, sipas një studimi të publikuar në Lancet Regional Health-Europe, rreziku i diabetit të tipit 2 ishte më i lartë tek njerëzit e ekspozuar ndaj dritës gjatë natës, edhe kur faktorë të tillë si stili i jetesës, modelet e gjumit, dieta dhe shëndeti mendor ishin marrë parasysh.
    Për më tepër, sa më e fortë drita ndaj të cilës ekspozoheshin pjesëmarrësit, aq më i madh rritej rreziku i diabetit të tipit 2.
    Autorët e studimit shpjegojnë: “Ekspozimi ndaj dritës së natës mund të prishë ritmet cirkadiane dhe të çojë në ndryshime në sekretimin e insulinës dhe metabolizmin e glukozës. Këto ndryshime ndikojnë në aftësinë e trupit për të rregulluar nivelet e sheqerit në gjak dhe përfundimisht mund të çojnë në zhvillimin e diabetit të tipit 2”.

  • Para apo pas ngrënies, kur është koha e duhur për të pirë ujë

    Para apo pas ngrënies, kur është koha e duhur për të pirë ujë

    Trupi i njeriut humbet ujë çdo moment, madje edhe nëpërmjet frymës. Rrjedhimisht, pirja e ujit është e një rëndësie madhore për hidratimin e organizmit.
    Trupi e përdor ujin në çdo qelizë, organ apo ind, jo vetëm për të rregulluar temperaturën e brendshme por edhe për të mirëmbajtur çdo funksion.
    Deri më tani, ekspertët e shëndetit kanë rekomanduar pirjen e të paktën tetë gotave me ujë në ditë.
    Sigurisht që pirja e këtyre tetë gotave në të njëjtën kohë është e pamundur.
    A e dini kur është koha më e mirë për të pirë ujë?
    Lexoni më poshtë këshillat e për të pirë ujin në kohën e duhur që të përmirësoni efikasitetin e tij në organizëm.
    Ujë pas zgjimit
    Pini një gotë me ujë menjëherë sapo të zgjoheni. Në këtë mënyrë të gjithë organet e brendshme do të aktivizohen. Uji ndihmon në largimin e toksinave përpara ushqimit të rradhës.
    Ujë para një vakti
    Pirja e një gote me ujë 30 minuta përpara ushqimit ndihmon me tretjen. Ju nuk duhet të pini ujë pak minuta përpara se të uleni për të ngrënë ose sapo keni ngrënë.
    Nëse e bëni këtë, uji do të hollojë lëngjet tretëse. Pini ujë një orë pas ushqimit që ta ndihmoni trupin të përthithë të gjithë ushqyesit.
    Ujë përpara se të bëni banjë
    Pini një gotë me ujë përpara se të bëni banjë që të ulni tensionin e gjakut.
    Ujë përpara se të flini
    Pini një gotë me ujë një orë përpara gjumit që të ndihmoni organizmin të përballojë humbjen e lëngjeve gjatë natës.
    Oraret e duhura të pirjes së ujit
    Nëse organizoni pirjen e ujit sipas një orari të caktuar do të ndihmoni organizmin të jetë në formë.
    Oraret e mëposhtme janë në varësi të angazhimeve ditore dhe mund të ndryshohen ose rregullohen sipas mundësisë.
    7:00 – Gota e parë
    Pini gotën e parë sapo të zgjoheni që ta hidratoni organizmin pas gjumit. Gjysëm ore më vonë mund të hani mëngjes.
    9:00 – Gota e dytë
    Një orë pas mëngjesit mund të pini gotën e dytë dhe të vijoni punën si zakonisht.
    11:30 – Gota e tretë
    Pini një gotë ujë 30 minuta përpara se të hani drekë.
    13:30 – Gota e katërt
    Pini një gotë me ujë një orë pas drekës që të ndihmoni trupin të përthithë më mirë ushqyesit e nevojshëm.
    15:00 – Gota e pestë
    Gjatë pushimit konsumoni një lëng frutash ose pije pa ëmbëlsues shtesë që të freskoni trurin.
    17:00 – Gota e gjashtë
    Kjo gotë me ujë do ju mbajë të ngopur dhe do të parandalojë ngrënien e tepërt gjatë darkës.
    20:00 – Gota e shtatë
    Pini një gotë me ujë pas darke dhe para se të bëni banjë.
    22:00 – Gota e tetë
    Pini një gotë të fundit me ujë një orë përpara se të flini. Në këtë mënyrë do të ndihmoni rigjenerimin e qelizave gjatë gjumit.

  • Sa e dëmshme është të flesh menjëherë pas ngrënies?

    Sa e dëmshme është të flesh menjëherë pas ngrënies?

    Ne të gjithë i jemi dorëzuar tundimit në një moment dhe përfunduam duke ngrënë ato biskotat e fundit ose një copë pica pak para gjumit. Por çfarë ndodh me trupin kur hamë ushqim pak para se të flemë?
    Siç rezulton, ka disa arsye të mira për të mos ngrënë një vakt ose një snack të rëndë pak para se të flini. Ndërsa jeni duke pushuar, trupi juaj po punon shumë për të tretur kafshatat tuaja të fundit dhe kjo mund të çojë në probleme të pakëndshme gastrointestinale ose probleme me gjumin, ndoshta edhe shtim në peshë.

    Çfarë mund të ndodhë nëse hamë ushqim ngadalë?
    Disa efekte anësore që mund të përjetoni nëse keni zakon të hani shumë ngadalë përfshijnë:
    Mundësia e refluksit rritet menjëherë pas një vakti të rëndë mund të jetë e rehatshme në fillim, por për tretje më të mirë duhet të jemi në një pozicion të drejtë.
    Kur stomaku juaj është plot me ushqim dhe graviteti nuk është më në favorin tuaj, acidi i stomakut (i cili rritet gjatë tretjes) mund të rritet përmes ezofagut, duke shkaktuar refluks acidi, sipas ekspertëve në klinikën Mayo.
    Simptoma më e zakonshme e refluksit acid është urthi, një ndjesi djegie e dhimbshme që mund ta ndjeni lart në bust, rreth mesit të gjoksit, pas kockës së gjoksit. Kjo simptomë nuk është vetëm e pakëndshme, por mund të prishë edhe gjumin tuaj.
    Jo vetëm që problemet gastrointestinale do t’ju mbajnë zgjuar gjatë natës, por ka edhe disa prova se ngrënia (veçanërisht ushqimet e yndyrshme) ose pirja e pijeve me kafeinë ose alkoolike më vonë gjatë ditës mund të zvogëlojë cilësinë e përgjithshme të gjumit, sipas ekspertëve nga Klinika Mayo.
    Shumë kafeinë dhe alkool mund të prishin fazat natyrore të gjumit dhe mund t’ju duhet të ngriheni gjatë natës për të shkuar në tualet, në varësi të asaj se çfarë dhe sa hani ose pini para se të flini.
    Numri në peshore rritet kur jemi të lodhur, priremi të mos bëjmë zgjedhjet më të mira, gjë që vlen edhe për dietën tonë. Kur jeni të uritur në mbrëmje, marrja e kohës për të bërë një sallatë mund të mos jetë aq tërheqëse sa të porosisni diçka.
    Pesha trupore së bashku me Indeksin e Masës Trupore (BMI) ka të ngjarë të rritet nëse dikush është mësuar të hajë ushqime me kalori vonë gjatë natës, veçanërisht nëse zakonisht kalon pjesën më të madhe të ditës ulur.
    Në fakt, sipas hulumtimit të publikuar në Nutrition Research, të rriturit që hanin më vonë gjatë ditës kishin një rrezik në rritje të shtimit të peshës për shkak të marrjes më të lartë të kalorive ditore.
    Çfarë duhet të hamë nëse nuk e shmangim dot
    Kur jeta e përditshme bëhet stresuese, mund të mos jemi në gjendje të shmangim ngrënien vonë natën. Në këtë rast, preferoni ushqime që kanë një ekuilibër të proteinave, karbohidrateve dhe fibrave.
     
    Ushqimet e ekuilibruara do të ndihmojnë në stabilizimin e niveleve të sheqerit në gjak, të cilat janë thelbësore për një gjumë të qetë.
    Disa opsione përfshijnë krisur me grurë të plotë me djathë të lehtë, drithëra gruri të plotë me qumësht me pak yndyrë, kos me pak yndyrë me pak bajame.

  • Transportonin drogë nga Ekuadori drejt shtetit fqinj, sekuestrohen qindra kilogramë kokainë, ja ku ishte fshehur

    Transportonin drogë nga Ekuadori drejt shtetit fqinj, sekuestrohen qindra kilogramë kokainë, ja ku ishte fshehur

    Dy raste të reja të trafikut të drogës janë evidentuar nga inspektorët e AADE-së në kontejnerë me banane me origjinë nga Ekuadori dhe me destinacion Pireun .
    Konkretisht, gjatë kontrolleve në doganën e 3-të të Pireut, me një mjet vetëlëvizës me rreze X, në njësitë ftohëse të kontejnerëve u zbulua një lëndë organike e dyshimtë.
    Në rastin e parë, pas indikacionit pozitiv nga qentë zbulues Max dhe Kyberr, pasoi një kontroll fizik, gjatë të cilit u sekuestruan 67 pako kokainë , me peshë bruto 78 kilogramë . Vlera e kokainës së sekuestruar llogaritet në rreth 3.51 milionë euro .
    Në rastin e dytë, gjatë kontrollit fizik nga inspektorët e doganave dhe Policia Helenike, janë sekuestruar 47 pako kokainë , me peshë bruto 53 kilogramë dhe vlera e tyre llogaritet rreth 2.39 milionë euro . Pesha totale bruto e kokainës arrin në 131 kilogramë dhe vlera e saj është 5.9 milionë. euro . Hetimi është në vijim, ndërsa po shqyrtohet mundësia e lidhjes së çështjes me raste të tjera të ngjashme, në kuadër të përpjekjeve për çmontimin e një rrjeti ndërkombëtar të importit dhe trafikut të drogës .