Kreu i Grupit Parlamentar të Partisë Socialistë, Taulant Balla, ka akuzuar sot kryedemokratin Sali Berisha se gënjen jo vetëm qytetarët, por edhe ata që e ndjekin.
Përmes një postimi në rrjetet sociale, Balla ka renditur shtatë raste që i cilëson si lajme të gënjeshtërta, duke e paralelizuar me rastet në Shqipëri të vendimeve të drejtësisë ndaj zyrtarëve.
Gënjeshtra dhe baltë! Kështu i cilësoi akuzat që SPAK ka ngritur ndaj saj, zëvendëskryeministrja Belinda Balluku, e cila është marrë e pandehur nga SPAK. Nga foltorja e Kuvendit, Balluku iu kundërpërgjigj akuzave të opozitës, ndërsa tha se nuk do të komentojë hetimet e drejtësisë, ndërsa vlerësoi këtë të fundit.
Belinda Balluku: Duhet të them disa fjalë jo për të kompensuar gënjeshtrat, por për detyrimin ndaj qytetarëve dhe ata që besojnë tek puna dhe jo tek balta. Nuk do të dëgjoni kurrë sharje dhe kërcënime për drejtësinë e re dhe kur preken personalisht.
Pasi besoj që kjo drejtësi është duke kryer misionin për të cilën u reformua, me pakt be saj të dobëta dhe të forta, por si diçka e re konsolidohen dita ditës. Nuk do të më dëgjoni kurrë të flas për prokurorë apo për çështje nën hetim, të cilën do ta ndjek në diskrecion të plotë deri sa drejtësia të marrë formë të prerë.
Oriana Fallaci, në rrëfimin për fillimet e saja në gazetari, ka folur edhe për etikën e punës dhe parimet e saja, të cilat i ka ndjekur gjithmonë.
Nga Oriana Fallaci
“Më dhanë si detyrë të shkruaja për tubimin e një lideri, për të cilin duhet të keni parasysh, kisha një antipati të thellë, madje më tepër akoma, ndieja neveri. Ajo ishte diçka, sigurisht, që unë nuk do ta shkruaja.E skandalizuar i thashë drejtorit se unë nuk kisha për të shkruar kurrë gënjeshtra. Ai më tha se gazetarët ishin të detyruar të shkruanin gjërat, për të cilat paguheshin. Më tha madje: “Nuk duhet pështyrë në pjatën ku ushqehesh”.Iu përgjigja se në atë pjatë mund të ushqehej ai, dhe se para se të shkruaja gënjeshtra, më mirë preferoja të vdisja urie. Sigurisht që ai më hoqi nga puna, por askush, asnjëherë, nuk më ka bërë të shkruajë ndonjë fjali për të fituar para. Gjithçka që kam shkruar në jetën time, nuk ka pasur kurrë të bëjë me paratë”.
ObserverKult
————————
Lexo edhe:
LETRA E ORIANA FALLACIT PËR TË DASHURIN E SAJ: MË PRIT… EDHE UNË TË KAM PRITUR PA FUND…
Behgjet Pacolli
TIRANË-Biznesmeni Behgjet Pacolli është kthyer në kryefjalën e mediave pas raportimeve të ditëve të fundit lidhur me aksionet e shoqërisë koncesionare dhe me një hetim lidhur me Aeroportin e Vlorës. Sërish Pacolli ka reaguar me një postim në rrjete sociale, ku këtë herë shprehet i zhgënjyer nga civilizimi i shqipëtarë.
Në postimin e tij biznesmeni, duke ju referuar akuzave të fundit kundrejt tij, i quan ato gënjeshtra të formuluara bukur. Një mesazh e lë të kuptohet edhe për ish-bashkëpunëtorët e tij, ku shkruan se besimi tek njerëzit sot kthehet me mashtrim dhe tradhti. Në fund Pacolii, e mbyll me qëndrimin e tij, se nuk do të gënjejë por e vërteta do të sundojë në të ardhmen.
POSTIMI:
E Vërteta Vlen Më Shumë se ZhurmaShumë kam shpresuar dhe jam mburrur kudo për civilizimin e shqiptarëve — një popull që për shekuj i ka përballuar sfidat me nder dhe punë.Por sot shohim diçka të dhimbshme:— Dikur krenoheshim me punë.Sot, me gënjeshtra bukur të formuluara.— Dikur thoshin: “Mos gënje, thuaj të vërtetën.”Sot: “Nëse nuk gënjen… përgatitu të vuash.”— Dikur njerëzit kërkonin të vërtetën, sepse ajo i udhëhiqte.Sot shumëkush nuk do as ta dëgjojë — sepse e vërteta nuk i shërben interesit të ditës.— Besimi tek njerëzit, dikur një vlerë e shenjtë,sot shpesh kthehet pas: jo me mirënjohje, por me mashtrim, tradhti dhe forma të shëmtuara të përfitimit personal.Kjo është fytyra e shoqërive në tranzicion:-e vjetra është rrëzuar, por e reja ende s’është ngritur.-Shumë duan të ngjiten lart, pak duan të ndërtojnë themele.Por ka një të vërtetë që historia nuk e ka shkelur kurrë:-Gënjeshtra sundon ditën e sotme,Por e vërteta sundon të ardhmen.Unë dua të krenohem me punë time të sinqertDua të vazhdoj të besoj tek njerëzit.Jam ngritur duke ndërtuar themele.Me të vërtetën unë synoj të ardhmen time dhe të fëmijëve të mi.Unë zgjedh të qëndroj me të vërtetën.Se pa të, as zhvillim nuk ka, as dinjitet, as Shqipetari
Avokati i njohur, Spartak Ngjela ka komentuar përmes disa reagimeve në rrjetet sociale situatën politike në vend, ndërsa ka hedhur akuza të forta ndaj kryeministrit Edi Rama dhe kreut të Partisë Demokratike, Sali Berisha. Fillimisht avokat Ngjela e nis reagimin e tij me tone të forta ndaj deklaratave të kryeministrit Rama për bashkimin kombëtar. Ai e akuzon Ramën se po flet pa baza dhe se nuk e kupton thelbin e vullnetit historik të shqiptarëve. Sipas tij, bashkimi kombëtar është një çështje vullneti dhe jo frike apo ndikimi nga faktorë të jashtëm. Në përfundim, ai thekson se asnjë pushtetar nuk mund të shkelë idealin kombëtar pa u gjykuar nga vetë historia. “Rama po flet broçkulla për bashkimin kombëtar. Sepse ose e ka frikë, ose nuk e lë Parisi. Por ideali kombëtar i shqiptarisë është vullnet; prandaj edhe bashkimi kombëtar i dy shteteve shqiptare është vullnet kombëtar dhe jo një frikë që ka antishqiptaria.
Kot lodhen. Janë dy shtete shqiptare të pavarur dhe çdo marrëveshje juridike midis dy shteteve shqiptare të pavarur nuk ka lidhje me Ramën, që dihet se nuk ka luajtur ndonjëherë për shqiptarinë: por kjo ka lidhje me vullnetin historik të shqiptarëve. Dhe këtu merr fund çdo diskutim. Një pushtetar që nuk e di dhe nuk e njeh se çfarë është vullneti historik i popullit të tij; nuk ka lidhje me këtë popull. Aaaa, mbretëria absolute nuk do të vendoset kurrë në Shqipëri. Këtë duhet ta kuptojë pa hezitim edhe Edi Rama. Dhe historia e shqiptarisë nuk mund të shkelet dot nga askush; sepse kjo shkelje e hedh shkelësin menjëherë në plehrat e historisë”, shkruan ai.
Spartak Ngjela: Rama s’e kupton fuqinë që i jep historia
Më tej në një reagim tjetër, avokat Spartak Ngjela ka reaguar sërish me tone kritike ndaj kryeministrit Rama, duke e akuzuar se nuk e kupton rolin e tij historik në raport me kombin shqiptar. Ai shprehet se Rama nuk di të përdorë fuqinë që i jep ligji dhe historia për zhvillimin e Shqipërisë dhe forcimin e unitetit kombëtar. Sipas Ngjelës, politika shqiptare po humb një mundësi të artë për të korrigjuar padrejtësitë historike ndaj shqiptarëve. “A po e shihni se të gjithë krerët e politikës shqiptare sot janë në kërkim të fuqisë. Po kryeministri aktual, a ka fuqi? Jo, sepse, sipas psikikës së tij të pushtetit, ai nuk e ka fuqinë që ai do, dhe ndërkohë nuk arrin ta kuptojë me logjikën e shtetit demokratik që i thotë se atij nuk ka se çfarë t’i duhet fuqia, kur asnjë kundërshtar i tij nuk e ka fuqinë që ta rrëzojë.
Por pyetja thelbësore këtu është kjo: A i mjafton kryeministrit aktual Rama fuqia që i ka dhënë ligji, që ky të krijojë një skemë të nivelit të lartë për zhvillimin ekonomik të Shqipërisë? Ligji ia ka dhënë të gjitha, madje i ka dhënë në kufirin e Shqipërisë edhe një shtet tjetër shqiptar. Kosovën, me dy milionë shqiptarë. Por po shihet qartë se ai nuk po e kupton dot këtë favor politiko-historik me dy shtete shqiptarë, sikurse edhe këtë favor gjeografik me këtë territor shqiptarësh prej rreth 6 milionë shqiptarë vetëm në dy shtete shqiptare. Por janë edhe 1000.000 shqiptarë në Maqedoninë e Veriut; por janë dhe katër milionë shqiptarë si arvanitas në Republikën e Greqisë. Prandaj ndërkohë, a nuk po e kupton dot politika shqiptare sot që, pikërisht në këtë fenomen shqiptar, ajo duhet të përqendrohet për të rifituar të gjitha padrejtësitë që Beogradi, Athina dhe Parisi i kanë bërë shqiptarëve, duke filluar që nga viti 1878 e deri më sot? Por ama, nese nuk e kupton, pse duhet ta qeverisësh Shqipërinë?!”, shprehet Ngjela.
Avokat Ngjela: Gënjeshtra sundon politikën shqiptare
Ndërkohë, në një reagim tjetër avokat Spartak Ngjela ka reaguar ashpër ndaj pretendimeve të përsëritura për manipulim zgjedhjesh në Shqipëri. Teksa shigjeton kreun e PD, Sali Berisha, avokat Ngjela thekson se Partia Demokratike dhe drejtuesit e saj po mbajnë gjallë një kulturë gënjeshtre, duke mos pranuar kurrë humbjen reale në garat politike. Sipas tij, kjo sjellje është shenjë e mungesës së moralit dhe e një intelekti politik të dobët që nuk njeh rregullat e qytetërimit demokratik. Ngjela paralajmëron se për sa kohë gënjeshtra do të jetë themel i lojës politike, Shqipëria nuk do të mund të ecë drejt zhvillimit dhe të vërtetës. “Si shpjegohet që në mbi dhjetë vjet Partisë Demokratike i vjedhin votat e nuk e lënë të jenë fituesit e zgjedhjeve në Shqipëri. (!) Ajo, sipas kryetarit të saj, ka fituar gjithmonë, por gjithmonë kryetari i tyre thotë se u kanë vjedhur dhe manipuluar rezultatin e votimeve politike.
I humburi në një garë normale dhe të drejtë; por që nuk ka intelekt të lartë, jo vetëm që nuk e pranon humbjen, por gjithmonë thotë se ia kishin bërë me hile. Edhe mashtruesi i zakonshëm këtë logjikë ka. Por edhe ai që spekulon në treg po këtë logjikë kriminale ka: ai gjithmonë nuk thotë që kam spekuluar si vjedhës, por… Në psikologjinë moderne kjo quhet gjendje e një intelekti, i cili nuk ka moral dhe e një shteti ku nuk funksionon ligji. Qytetërim don të thotë para së gjithash, që, në një garë ku ti merr pjesë, duhet të pranosh realisht gjendjen tënde, pa qenë nevoja ta gënjesh veten dhe të tjerët, se ti ke fituar. Por na duhet të theksojmë që kjo nuk është vetëm një gjendje e gënjeshtërt e bërë nga humbësi, sepse shpesh ky është edhe karakter individual i atij i cili nuk mund ta pranojë humbjen në një garë: por ka edhe diçka tjetër, sepse ai që ka humbur dhe që pas vetes ka edhe një grup individësh që janë bashkuar me kryetarin për interesa, kuptohet se edhe këtyre iu shërben gënjeshtra e kryetarit, dhe prandaj, të gjithë bashkë u thonë përkrahësve: “ne kemi fituar”.
Por ama të gjithë gënjejnë për interesin e tyre dhe të gjithë bashkë, me këtë psikologji, kalojnë nga humbja në humbje, dhe asnjëherë nuk e pranojnë humbjen, sepse kryetari që ka forcën, nëse dikush e pranon humbjen, e largon atë nga ekipi dhe ata që largohen bashkë me të vërtetën, humbasin edhe atë pakogjë që fitonjësi humbës ua jep për të jetuar në gënjeshtrën e humbësit fitues. Dhe jeta vijon… Atëherë, të gjitha këto vijnë e krijohen nga kryetari i fuqishëm që gënjen dhe pastaj të gjithë përkrahësit futen te gënjeshtra dhe bërtasin për kryetarin dhe për veten si viktima, të cilëve, sipas tyre, me dredhi apo me falsifikim, u kanë “vjedhur” fitoren. Ja kjo është tabloja e gënjeshtrës së madhe politike dhe të humbësit “fitues”, edhe këtu në Shqipëri, prandaj gjendja jonë shoqërore nuk ka dalë ende nga gënjeshtra.
Por realisht, e gjithë kjo ndodh sepse, po të mos jetë gënjeshtra parësore në një gjykim politik, kryetarët aktualë do të kishin shkuar me kohë në vendin e tyre të një pune të rëndomtë dhe sa për të jetuar. Atëhere, si përfundim, na duhet të themi se: jo e vërteta por gënjeshtra është sunduese në garën politike në Shqipëri. Po, në garën politike në Shqipëri është ende gënjeshtra ajo që mban rendin e të mundurit që thotë se: ” Unë jam fitues, por më kanë manipuluar rezultatin që kam marrë nga votimi popullor”. Por, në një kohë të tillë politik: kryetari humbës, që i ka humbur zgjedhjet katër herë rresht, thotë: “fituesi ka manipuluar zgjedhjet, sepse fituesi jam unë. Kurse humbësit e shumtë që janë me këtë parti, të qetësuar, pas kësaj gënjeshtre – bërtasin me entuziazëm – Rroftë Kryetari”, nënvizon avokat i njohur, Spartak Ngjela.
Hamasi i është përgjigjur fjalimit të kryeministrit izraelit Benjamin Netanyahu në Asamblenë e Përgjithshme të OKB-së.
Sipas mediave të huaja, Hamasi e ka akuzuar Netanyahun për “gënjeshtra dhe kontradikta të hapura”.
Në një deklaratë të gjatë, Hamasi përshkruan tetë pika nga fjalimi i Netanyahut, të cilat pretendon se “përfaqësojnë një përpjekje të dëshpëruar për të shtrembëruar faktet”.
“Ne theksojmë se këto gënjeshtra nuk do ta ndryshojnë të vërtetën”, deklaroi Hamasi më tej.
“Duket se bota është bërë më e vetëdijshme për natyrën e pushtimit izraelit si një forcë koloniale e bazuar në gënjeshtra, mashtrime dhe vrasje sistematike”, thuhej më tej në deklaratën e Hamasit.
Hamasi i bëri thirrje gjithashtu botës të ndalojë vrasjet dhe ta detyrojë Izraelin “të tërhiqet nga Rripi i Gazës, të hapë kalimet, të lejojë hyrjen e ushqimit e ilaçeve dhe të përfundojë hapat për të njohur shtetin palestinez dhe për t’i dhënë fund pushtimit të territoreve palestineze”.
25 Shtator 2025
12:10
Alfred Lleshi
Për herë të parë që nga hapja e hetimeve për një rast të pretenduar dhune seksuale, Achraf Hakimi ka folur publikisht: “Gjëja më e rreme që është thënë për mua? Dhuna ndaj asaj vajzës. Ishte goditja më e fortë që kam marrë, njollosje për mua dhe familjen time. Fëmijët e mi janë të vegjël dhe një ditë do të lexojnë atë që është shkruar. Të mendoj që ata mund të gjejnë akuza të tilla për babanë e tyre, duke ditur se janë gënjeshtra, më dhemb shumë”.
Hakimi tregon si e mori vesh akuzën ndaj tij: “Avokatja ime më tregoi, e prisnim që mund të ndodhte. Jam i qetë, e di kush jam, nuk kam bërë asgjë dhe nuk do ta bëja kurrë. Vetë kërkova të flisja me policinë dhe të jepja ADN-në time. Ndërkohë, personi që më akuzon nuk ka bashkëpunuar. Falë punës së policisë dolën elemente të rëndësishme”.
Mbështetja e tij ka ndryshuar pas kësaj ngjarjeje: “Në futboll jemi të ekspozuar ndaj shumë rreziqeve, përfshirë shantazhet. Pas kësaj, e kam kufizuar shumë rrethin e besimit”. Hakimi gjithashtu kritikon median: “Kanë njollosur emrin dhe dinjitetin tim duke folur pa dijeni. Nuk i dëshiroj askujt të akuzohet padrejtësisht”.
Deputetja e Partisë Demokratike, Jorida Tabaku, ka reaguar pas largimit të Erion Veliajt nga drejtimi i Bashkisë së Tiranës, duke e cilësuar këtë si fundin e një karriere të bazuar mbi “gënjeshtra, arrogancë dhe korrupsion”.
Në deklaratën e saj, Tabaku e krahasoi këtë zhvillim me mënyrën e pabesë të shembjes së Teatrit Kombëtar më 17 maj, duke theksuar se edhe largimi i Veliajt ndodhi në mënyrë tinëzare dhe të paqartë për qytetarët.
“Një fund i merituar për një model të keqqeverisjes që shkatërroi Tiranën”, tha ajo, duke përmendur projektin e inceneratorit si simbol të abuzimeve. Sipas saj, ky projekt i ka kushtuar qytetarëve mbi 300 milionë euro dhe është prova më e qartë e korrupsionit të Veliajt.
Tabaku akuzoi gjithashtu Veliajn për përdorimin e pushtetit për sulme ndaj kundërshtarëve politikë dhe manipulim të opinionit publik përmes propagandës.
Ajo kritikoi edhe këshilltarët socialistë, të cilët dikur e mbështesnin, por që tani, sipas saj, janë “rreshtuar në heshtje”, duke harruar premtimet për një qytet të gjelbër që sot është “mbuluar nga betoni”.
Të gjithëve na ndodh që të themi ndonjëherë gënjeshtra të vogla.
Gënjeshtra thuhet për një qëllim të mirë, për të shmangur disa probleme, për të bërë një përshtypje më të mirë te njerëzit ose sepse, për fat të keq, është një lloj varësie. Secili nga ne ka gënjyer në periudha të caktuara të jetës së tij, por sipas astrologjisë, disa shenja të zodiakut kanë më shumë gjasa ta bëjnë këtë.
Akrepi – Është shenja që është në gjendje të manipulojë më mirë njerëzit dhe të vërtetat. Një profesionist i vërtetë për ta bërë veten të besueshëm dhe nuk ka gjasa të zbulohet. Asnjë shenjë tjetër nuk mund të krahasohet me aftësinë e Akrepit që padyshim shkëlqen. Ai është aq i mirë në gënjeshtra sa mund të ketë vështirësi në kujtimin e të gjitha gënjeshtrave ka thënë.
Binjakët – Ata që kanë lindur nën shenjën e Binjakëve janë shumë të mirë në gjetjen e strategjive për të manipuluar realitetin e gjërave dhe njerëzve. Në këtë pikë ata janë shumë të ngjashëm me Akrepin, ata janë gjithmonë shumë origjinal dhe qesharak kur gënjejnë. Kjo është arsyeja pse ata falen më lehtë për disa gënjeshtra të vogla, të këndshme!
Peshqit – Jemi mësuar të mendojmë se ata që lindin nën shenjën e Peshqve kanë një shpirt të thjeshtë dhe një temperament artistik, por në realitet, kur bëhet fjalë për gënjeshtrën, ata kanë shumë pak rivalë. Duke qenë më intuitivë se shumica e njerëzve, ata ndërtojnë gënjeshtra të arta që zbulohen vetëm shumë kohë më vonë.
Peshorja- Po, edhe ata që kanë lindur nën shenjën e Peshores gënjejnë. Manipulues të shkëlqyeshëm, ata gënjejnë për të shmangur problemet, për t’u dukur më mirë dhe për të marrë gjithçka që dëshirojnë. Ata me siguri e meritojnë thënien: “gënjejnë më shumë sesa flasin” ose edhe më mirë “në gjashtë gjërat që tha, shtatë janë gënjeshtra” Nuk është shumë e thjeshtë të zbulosh gënjeshtrat dhe hipokrizitë e tyre. Zakonisht versioni i asaj që ata thonë ndryshon disa herë dhe kjo i bën të tjerët konfuz.
Gaforrja – Në dallim nga shenjat e tjera, Gaforrja nuk gënjen për të manipuluar ose dëmtuar të tjerët. Përkundrazi, ajo tenton të ekzagjerojë realitetin e gjërave, të dramatizojë, të ngjyrosë tregimet. Pra, pavarësisht se është ndër shenjat më gënjeshtare të zodiakut, merita është se janë të padëmshme.
Ujori – Ujori, ashtu si Gaforrja, nuk gënjen për të dëmtuar ose shkatërruar dikë ose diçka. Ndonjëherë e bën thjesht sepse e sheh të bukur për të parë “kapjen e peshkut”. Kjo nuk e shfajëson atë dhe mbetet akoma një gënjeshtar i shkëlqyeshëm i cili, nëse zbulohet, e mohon deri në të pamundurën.
Në një moment të rrallë “sinqeriteti”, ministri i Drejtësisë, Ulsi Manja, ka rrëfyer para publikut formulën magjike të suksesit të tij politik: gënjeshtra.
Në një video që po qarkullon masivisht, Manja thotë: “Kur gënjen një herë, dy herë, tre herë… gënjeshtra bëhet pjesë e karakterit. E kam nga eksperienca.”
Ky zbulim, që do ta bënte krenar çdo manual propagande, është pritur me duartrokitje ironike në rrjet. Disa e quajtën “lapsus”, ndërsa të tjerë e përshkruan si “autobiografinë më të shkurtër në historinë e politikës shqiptare”.
Me këtë deklaratë, Manja duket se ka thyer një tabu: politikanët zakonisht gënjejnë për të fshehur gënjeshtrën, ndërsa ai zgjodhi të thotë të vërtetën… për gënjeshtrën.
Në fund, shqiptarët mbeten të qartë për një gjë, ministri që shpesh ngatërrohet me fjalët, këtë herë foli drejt për atë që di më mirë.